ନୂଆଦିଲ୍ଲୀ- ଆଜି ସକାଳୁ ଦିଲ୍ଲୀର 70ଟି ଆସନ ପାଇଁ ଭୋଟଗ୍ରହଣ ଆରମ୍ଭ ହୋଇଯାଇଛି। ବର୍ତ୍ତମାନ ସବୁଦଳ ନିଜନିଜ ସପକ୍ଷରେ ଭୋଟ ଗୋଟାଇବା ପାଇଁ ଲାଗିପଡିଛନ୍ତି। ତେବେ ଭୋଟଗ୍ରହଣ ପୂର୍ବରୁ ବିଭିନ୍ନ ଦଳର ନେତାମାନେ ମନ୍ଦିର ଯାଇ ଭଗବାନଙ୍କ ନିକଟରେ ଶରଣ ପଶିଛନ୍ତି। ଗତକାଲି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ ମୁଖ୍ୟ ଅରବିନ୍ଦ କେଜରୀୱାଲ ନୂଆଦିଲ୍ଲୀର ଏକ ସର୍ବପୁରାତନ ହନୁମାନ ମନ୍ଦିରକୁ ଯାଇ ପୂଜାଅର୍ଚ୍ଚନା କରିଥିଲେ।
କେଜରୀୱାଲ ସ୍ତ୍ରୀଙ୍କ ସେହି ମନ୍ଦିରରେ ଦୀର୍ଘ ସମୟ ରହି ପୂଜା କରିଥିଲେ। ଠିକ ସେହିପରି ଦିଲ୍ଲୀର ବିଜେପି ମୁଖ୍ୟ ମନୋଜ ତିୱାରୀ ମଧ୍ୟ ଗତକାଲି ଅନ୍ୟ ଏକ ହନୁମାନ ମନ୍ଦିରକୁ ଯାଇ ପୂଜା ଅର୍ଚ୍ଚନା କରିଥିଲେ। ପ୍ରଚାର ବନ୍ଦ ଥିବାରୁ ମନୋଜ ଭୋଟ ପ୍ରଚାର କରି ନ ଥିଲେ ମଧ୍ୟ ଭୋଟ ଦେବା ପାଇଁ ସମସ୍ତଙ୍କୁ ଅପିଲ କରିଥିଲେ।