Tag: କୋଭିଡ଼-୧୯

ରଞ୍ଜିତ ପଣ୍ଡା

କୁଜଙ୍ଗ: କୁଜଙ୍ଗ ବ୍ଲକ୍ ଅନ୍ତର୍ଗତ ପାରାଦ୍ୱୀପ ଗଡ଼ ପଞ୍ଚାୟତରେ ଚାଲିଛି ପ୍ରଚାର। ପଞ୍ଚାୟତର ସରପଞ୍ଚ ମିହିର ରଂଜନ ସାହୁ ପାରାଦ୍ୱୀପ ଲକ ଥାନା ଅଧିକାରୀ ପ୍ରଭାସ ଚନ୍ଦ୍ର ସାହୁ ଓ ଯାତ୍ରା ଅଭିନେତା ଦେବୀ ପ୍ରସାଦ ରଥ ପ୍ରମୁଖ ପାରାଦ୍ୱୀପ ଗଡ଼ ପଞ୍ଚାୟତର ଘର ଘର ବୁଲି କରୋନା ଭୁତାଣୁ କୋଭିଡ-୧୯ ସମ୍ପର୍କରେ ଲୋକମାନଙ୍କୁ ସଚେତନ କରିବା ଜାରି ରଖିଛନ୍ତି। ଡାକବାଜି ଯନ୍ତ୍ର ସାହାଯ୍ୟରେ ଲୋକମାନଙ୍କୁ ସଚେତନ କରିବା ସଙ୍ଗେ ସଙ୍ଗେ ପଥପ୍ରାନ୍ତ ସଭାକରି ଲୋକମାନଙ୍କୁ କରୁଛନ୍ତି ସଚେତନ। ଗତ ୨୨ ତାରିଖରେ ମାନ୍ୟବର ମୁଖ୍ୟମନ୍ତ୍ରୀ ଓଡ଼ିଶାର ସମସ୍ତ ପଞ୍ଚାୟତ ସ୍ତରୀୟ ପ୍ରତିନିଧି ମାନଙ୍କୁ ଭିଡିଓ କନଫେରେନସିଂ ମାଧ୍ୟମରେ ଶପଥ ପାଠ କରିବା ପରେ ସରପଞ୍ଚ ମାନେ ଆହୁରି ସଜାଗ ହୋଇ ଯାଇଛନ୍ତି।

ପ୍ରତି ଘରେ ଘରେ ରାଜ୍ୟ ବାହାରେ ଥିବା ଲୋକମାନେ ଆସନ୍ତା ମାସ ୩ ତାରିଖ ପରେ ନିଜ ନିଜର ଭିଟାମାଟିକୁ ଫେରିବାକୁ ଥିବାରୁ ସେମାନେ ଗ୍ରାମକୁ ଫେରି କିପରି ୧୪ ଦିନ କ୍ଵାରେଣ୍ଟାଇନ ସେଣ୍ଟରରେ ରହିବେ ଓ କାହିଁକି ରହିବେ ଏହା ଦ୍ୱାରା କଣ ସୁଫଳ ମିଳିବ ସେ ସମ୍ପର୍କରେ ଲୋକମାନଙ୍କୁ ବାର୍ତ୍ତା ଦେଉଥିଲେ। କୌଣସି କଥା ଲୁଚାନ୍ତୁ ନାହିଁ ବୋଲି ଥାନା ଅଧିକାରୀ ଲୋକମାନଙ୍କୁ ଜଣେଇବା ସହିତ ଲୋକମାନେ ଦୀର୍ଘ ଦିନ ଧରି ଗୃହବନ୍ଦୀ ହେଇ କରୋନା ରୋଗ ସଂକ୍ରମଣକୁ ଅଞ୍ଚଳରେ ପ୍ରତିହତ କରିଥିବାଯୋଗୁଁ ଏହାକୁ ଅଧିକାରୀ ପ୍ରଶଂସା କରିଥିଲେ। ଗ୍ରାମ ତଥା ଘର ଘର ବୁଲି ପ୍ରଚାର କରିବା ସମୟରେ ଅଧିକାଂଶ ସ୍ଥାନରେ ଲୋକମାନେ ସରପଞ୍ଚ, ଥାନା ଅଧିକାରୀ ଶ୍ରୀଯୁକ୍ତ ସାହୁ ଓ ଅଭିନେତା ଦେବୀ ପ୍ରସାଦ ରଥଙ୍କୁ ବନ୍ଦାପନା କରି ପୁଷ୍ପ ବୃଷ୍ଟି କରିଥିଲେ।

ରଞ୍ଜିତ ପଣ୍ଡା 
କୁଜଙ୍ଗ: ଏରସମା ବ୍ଳକ ଗଡ଼କୁଜଙ୍ଗ ପଂଚାୟତର ଯୁବସରପଂଚ ସମ୍ପଦ କୁମାର ବାରିକଙ୍କ କାର୍ଯ୍ୟକୁ ଏବେ ସ୍ଥାନୀୟ ଅଂଚଳରେ ବେଶ ପ୍ରଶଂସା କରାଯାଇଛି। କୋଭିଡ଼-୧୯ ପରିଚାଳନା ନେଇ ପଂଚାୟତକୁ ରାଜ୍ୟସରକାରଙ୍କ ପକ୍ଷରୁ ପ୍ରଦାନ କରାଯାଇଥିବା ଦାୟିତ୍ୱକୁ ନେଇ ସେ ବେଶ୍ ସଚେତନ ଅଛନ୍ତି ଏବଂ ନିଜର ଦାୟିତ୍ୱକୁ ସେ ବେଶ ନିଷ୍ଠାର ସହିତ ସମ୍ପନ୍ନ କରୁଥିବାର ଦେଖାଯାଇଛି। ସାମାଜିକ ଦୂରତ୍ୱ ବଜାର ରଖିବାନେଇ ନିଜେ ଡ଼ାକବାଜି ଯନ୍ତ୍ରରେ ପ୍ରଚାର କରିବା, ଲୋକମାନଙ୍କୁ ମାସ୍କ ବ୍ୟବହାର କରିବା, ଅସହାୟ ଏବଂ ଗରୀବ ଲୋକମାନଙ୍କୁ ସ୍ଥାନୀୟ ସ୍ୱପ୍ନା ମହାସଙ୍ଘ ଜରିଆରେ ପ୍ରଦାନ କରାଯାଉଥିବା ରନ୍ଧା ଖାଦ୍ୟ ପ୍ରସ୍ତୁତ ଏବଂ ପରିବେଷଣ ନିରୀକ୍ଷଣ କରିବା ଆଦି କାର୍ଯ୍ୟକୁଚ ସେ ବେଶ ଦକ୍ଷତାର ସହିତ ତୁଲାଇଛନ୍ତି। ସେହିପରିଭାବେ ସ୍ଥାନୀୟ ଦାୟିତ୍ୱପ୍ରାପ୍ତ ଡ଼ିଲର ମାନଙ୍କୁ ରାସନ ସମାଗ୍ରୀ ବଂଟନ, ପ୍ରତ୍ୱେକ ପରିବାରକୁ ଅର୍ଥ ବିତରଣ ଆଦି କାର୍ଯ୍ୟରେ ସେ ମଧ୍ୟ ନିଯୁକ୍ତ ନିଲରଙ୍କୁ ସହାୟତ ପ୍ରଦାନ କରୁଛନ୍ତି। ତେବେ ସରପଂଚଙ୍କ ଏହିପରି କାର୍ଯ୍ୟକୁ ସ୍ଥାନୀୟ ଅଂଚଳରେ ବେଶ ପ୍ରଶଂସା କରାଯାଇଛି।