Categories
ଆଜିର ଖବର ରାଜ୍ୟ ଖବର

ଜୁନ ବଦଳରେ ମଇରେ ଖରା ଛୁଟି କରିବାକୁ ଦାବି: ପ୍ରତିକ୍ରିୟା ରଖିଲେ ଗଣଶିକ୍ଷା ମନ୍ତ୍ରୀ

ଭୁବନେଶ୍ଵର: ରାଜ୍ୟରେ ତାପମାତ୍ରା ବଢିବାରେ ଲାଗିଛି। ଦିନକୁ ଦିନ ତାତି ଅସହ୍ୟ ହେବାରେ ଲାଗିଛି। କିନ୍ତୁ ପ୍ରଚଣ୍ଡ ଖରା ସତ୍ତ୍ୱେ ବିଦ୍ୟାଳୟରେ ଖରା ଛୁଟିକୁ ରାଜ୍ୟ ସରକାର ଜୁନ ମାସରେ କରିବା ପାଇଁ ନିଷ୍ପତ୍ତି ନେଇଛନ୍ତି। ତେଣୁ ଅନେକ ଅଭିବାବକ ଏବଂ ସଂଗଠନ ପକ୍ଷରୁ ଏନେଇ ଅସନ୍ତୋଷ ଦେଖାଯାଇଛି। ପ୍ରଚଣ୍ଡ ତାତିରେ ପିଲାମାନେ ସ୍କୁଲକୁ ଯିବା ବିପଦ ବୋଲି ଅନେକ ଲୋକ ଚେତାବନୀ ଦେଇଛନ୍ତି। ଏପରିସ୍ଥଳରେ ସ୍କୁଲର ଖରା ଛୁଟିକୁ ଜୁନ ମାସରେ ନୁହେଁ ମେ’ ମାସରେ କରିବାକୁ ରାଜ୍ୟସରକାରଙ୍କୁ ନିବେଦନ କରାଯାଉଛି।

ତେବେ ଏହାକୁ ନେଇ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ପ୍ରତିକ୍ରିୟା ରଖିଛନ୍ତି। ଗଣଶିକ୍ଷା ମନ୍ତ୍ରୀ କହିଛନ୍ତି ଯେ, ଜୁନ୍‌ରେ ଖରା ଛୁଟିକୁ ନେଇ ଅନେକ ଅଭିଯୋଗ ଆସିଲାଣି। କିନ୍ତୁ ପରିସ୍ଥିତିକୁ ଦେଖି ଖରା ଛୁଟି ଉପରେ ବିଚାର କରାଯିବ। କିନ୍ତୁ ଏବେ ସେନେଇ କୌଣସି ନିଷ୍ପତ୍ତି ହୋଇନି। ବର୍ତ୍ତମାନ କରୋନା ପ୍ରଭାବ ନାହିଁ। ତେଣୁ ଦଶମ, ଦ୍ୱାଦଶ ପରୀକ୍ଷାରେ ଅସୁବିଧା ହେବନି।

Categories
ଆଜିର ଖବର ରାଜ୍ୟ ଖବର

ଉଚ୍ଚ ଶିକ୍ଷା ବିଭାଗର ନିଷ୍ପତ୍ତି: ଚଳିତ ବର୍ଷ କଲେଜରେ ମଧ୍ୟ କମିଲା ଖରା ଛୁଟି

ଭୁବନେଶ୍ୱର: ସ୍କୁଲ ପରେ କଲେଜ ପାଇଁ ମଧ୍ୟ ଖରା ଛୁଟିକୁ ହ୍ରାସ କରାଯାଇଛି। କଲେଜର ଛାତ୍ରଛାତ୍ରୀଙ୍କ ପାଇଁ ରାଜ୍ୟ ଉଚ୍ଚ ଶିକ୍ଷା ବିଭାଗ ଖରା ଛୁଟି ସଂଖ୍ୟା ହ୍ରାସ କରିଛି। ଚଳିତ ବର୍ଷ ଜୁନ୍‌ ୧ ତାରିଖରୁ ୧୬ ତାରିଖ ପର୍ଯ୍ୟନ୍ତ ଖରାଛୁଟି ପାଇଁ ନିଷ୍ପତ୍ତି ନିଆଯାଇଛି। ଏନେଇ ବିଶ୍ୱବିଦ୍ୟାଳୟ କୁଳପତି ଓ ଡିଗ୍ରୀ କଲେଜ ଅଧ୍ୟକ୍ଷଙ୍କୁ ଉଚ୍ଚ ଶିକ୍ଷା ବିଭାଗ ଚିଠି କରିଛି। ଉଚ୍ଚ ଶିକ୍ଷା ବିଭାଗର ପ୍ରମୁଖ ସଚିବ ଏନେଇ ନିର୍ଦ୍ଦେଶ ଜାରି କରିଛନ୍ତି। କୋଭିଡ୍‌ ପାଇଁ ପାଠପଢ଼ା ପ୍ରଭାବିତ ହୋଇଥିବାରୁ ଖରାଛୁଟିକୁ ହ୍ରାସ କରାଯାଇଛି। ଯଦି ଆବଶ୍ୟକ ହୁଏ, ତେବେ ଛୁଟି ଦିନ କିମ୍ବା କାର୍ଯ୍ୟ ଦିବସରେ ଅତିରିକ୍ତ କ୍ଲାସ୍‌ ହେବ ବୋଲି ବିଭାଗ ପକ୍ଷରୁ କୁହାଯାଇଛି।

ତେବେ ପୂର୍ବରୁ ସ୍କୁଲ ପିଲାଙ୍କର ମଧ୍ୟ ଖରାଛୁଟିକୁ ସ୍କୁଲ ଓ ଗଣଶିକ୍ଷା ବିଭାଗ କମାଇଦେଇଛି। ସ୍କୁଲରେ ଖରା ଛୁଟି ଜୁନ୍‌ ୬ ତାରିଖରୁ ୧୬ ଯାଏଁ ହେବ ବୋଲି ଘୋଷଣା କରାଯାଇଛି।