ରେଢାଖୋଲ: କବିତା ମନର ଦୁଃଖକୁ ଦୂର କରେ। ମଣିଷ ଯେତେ ବେଳେ ଦୁଃଖ ଯନ୍ତ୍ରଣାରେ ଜର୍ଜରିତ ଥାଏ ସେତେବେଳେ କବିତା ରଚନା ହେଉ ବା କବିତାଟିଏ ପାଠ କରିଦେଲେ ମନଟା ହାଲକା ଲାଗିଥାଏ। କବିତା ଲେଖିବା ପାଗଳାମୀ ନ ହେଲେ ସୃଷ୍ଟି କରାଯାଇ ପାରିବ ନାହିଁ ବୋଲି ବିଶ୍ବ କବିତା ଦିବସ ଅବସରରେ ଆୟୋଜିତ ସାହିତ୍ୟ ଆସରରେ ବକ୍ତାମାନେ ମତବ୍ୟକ୍ତ କରିଛନ୍ତି।
କଦଳୀଗଡ ସ୍ଥିତ ଅର୍ଜୁନ ଡିଗ୍ରୀ ସ୍ନାତକ ମହାବିଦ୍ୟାଳୟ ଠାରେ ସୁଚିତ୍ରା ପବ୍ଲିକେସନ୍, ଡଇଁଚା ତରଫରୁ ଶିଶୁ ସାହିତ୍ୟିକ ସନ୍ତୋଷ କୁମାର ରଥଙ୍କ ଗଳ୍ପ ପୁସ୍ତକ “ହାତୀ ଶିଖିଲା ବୁଦ୍ଧି” ପୁସ୍ତକର ଉନ୍ମୋଚନ ଉତ୍ସବ ସଭାପତି କୃଷ୍ଣଚନ୍ଦ୍ର ହୋତାଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି।
ଏହି ଉତ୍ସବରେ ମୁଖ୍ୟଅତିଥି ଭାବରେ ବୌଦ୍ଧର କବି କିଶୋର ମିଶ୍ର, ବକ୍ତା ଭାବରେ ବରଗଡର କବି ତଥା ଅଧ୍ୟାପକ ବିପିନ୍ ମହାନନ୍ଦ, ସମ୍ମାନୀତ ଅତିଥି ଭାବରେ ଅର୍ଜୁନ ଡିଗ୍ରୀ ସ୍ନାତକ ମହାବିଦ୍ୟାଳୟର ଅଧ୍ୟକ୍ଷ ଅଖିଳେନ୍ଦ୍ର ଶାସନୀ, ଓଡିଶା ଆଦର୍ଶ ବିଦ୍ୟାଳୟ ବୌଦ୍ଧ ର ଅଧ୍ୟାପକ ଦେବବ୍ରତ ପଶାୟତ ପ୍ରମୁଖ ଯୋଗଦେଇ ସାରା ବିଶ୍ବ ଆଜି କବିତାମୟ ହୋଇ ଯାଉ। କବିତା ମନକୁ ଦୁଃଖ ଲାଘବ କରିଥାଏ ବୋଲି ଅତିଥିମାନେ ମତବ୍ୟକ୍ତ କରିଥିଲେ।
ଅତିଥି ମାନଙ୍କ ଦ୍ବାରା ରେଢାଖୋଲ ମାଟିର କବି ତଥା ଶିଶୁସାହିତ୍ୟିକ ସନ୍ତୋଷ କୁମାର ରଥଙ୍କ ଶିଶୁ ଗଳ୍ପ ପୁସ୍ତକ “ହାତୀ ଶିଖିଲା ବୁଦ୍ଧି” ର ଉନ୍ମୋଚନ ଅନୁଷ୍ଠିତ ହୋଇଥିଲା। ଏହି ବିଶ୍ବ କବିତା ଦିବସ ଅବସରରେ ଏକ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା।
ନିମନ୍ତ୍ରୀତ କବି ଭାବରେ କବି ଅଚ୍ୟୁତାନନ୍ଦ ବିଶ୍ବାଳ, ରମେଶ ମେହେର, ଗୀତାରାଣୀ ସାହୁ, କୁଳମଣୀ ମେହେର, ଆକାଶ ସାହୁ , ସନ୍ତୋଷ କୁମାର ରଥ ପ୍ରମୁଖ କବିତା ପାଠ କରିଥିଲେ। କଲେଜର ଛାତ୍ରୀ ଅଙ୍କିତା, ସରୀତା, ସାଗରୀକା, କରିସ୍ମା ପ୍ରମୁଖ ପ୍ରାରମ୍ଭିକ ସଂଗୀତ ଗାନ କରିଥିଲେ। ସୁଚିତ୍ରା ପତ୍ରିକାର ସଂପାଦକ କନ୍ଦର୍ପ ବେହେରା କାର୍ଯ୍ୟକ୍ରମ ସଂଯୋଜନା କରିଥିଲେ। ଶେଷରେ ଅଧ୍ୟାପକ ବୈନତେୟ ସାହୁ ଧନ୍ୟବାଦ ଅର୍ପଣ କରିଥିଲେ।