ଅହମ୍ମଦାବାଦ: ଗୁଜୁରାଟର ଶ୍ରୀ ସ୍ଵାମୀନାରାୟଣ ଗୁରୁକୁଳ ବିଶ୍ଵବିଦ୍ୟା ପ୍ରତିଷ୍ଠାନ ଦ୍ଵାରା କରୋନା ଦାୟୁରୁ ରକ୍ଷା ପାଇବା ପାଇଁ ଗାଈ ଗୋବରକୁ ବ୍ୟବହାର କରାଯାଉଥିବା ଦେଖାଯାଇଛି। ସେଠାରେ କିଛି ଲୋକ ନିଜ ଶରୀରରେ ଗାଈ ଗୋବରର ଲେପ ଦେଇ କରୋନାରୁ ରକ୍ଷା ମିଳିବ ବୋଲି ଦାବି କରିଛନ୍ତି। ଏହା ଦ୍ଵାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ହେବ ବୋଲି ସେମାନେ ଦାବି କରିଛନ୍ତି। କିନ୍ତୁ ଏହାକୁ ନେଇ ସ୍ୱାସ୍ଥ୍ୟ ବିଶେଷଜ୍ଞମାନେ ଚେତାବନୀ ଦେଇଛନ୍ତି। ଶରୀରରେ ଗୋବର ଲେପ ଦେଲେ ବ୍ଲାକ ଫଙ୍ଗସ୍ ଭଳି ଅନେକ ପ୍ରକାରର ରୋଗ ଦେଖାଯିବ ବୋଲି କୁହାଯାଇଛି।
ଉଲ୍ଲେଖ ଯୋଗ୍ୟ ଯେ, ଶ୍ରୀ ସ୍ଵାମୀନାରାୟଣ ଗୁରୁକୁଳର ଗାଈଶାଳାରେ ୨୦୦ରୁ ଅଧିକ ଗାଈ ଅଛନ୍ତି। ସେଠାର କର୍ମଚାରୀଙ୍କ କହିବା ଅନୁଯାୟୀ, ଗତ କିଛି ମାସ ହେଲା ପାଖାପାଖି ୧୫ ଜଣ ଲୋକ ପ୍ରତ୍ୟେକ ରବିବାର ଦିନ ଗୋବର ଏବଂ ମୁତ୍ର ର ଲେପ ନେଇଥାନ୍ତି। ପରେ ସେମାନଙ୍କୁ ଗାଈ କ୍ଷୀରରେ ଧୋଇ ଦିଆଯାଏ। ଏହାଦ୍ବାରା ରୋଗ ପ୍ରତିରୋଧକ ଶକ୍ତି ବଢିବ ବୋଲି ସେମାନେ ଦାବି କରିଛନ୍ତି। କିନ୍ତୁ ଡାକ୍ତରମାନେ ଏହି ଉପଚାରକୁ ଉଚିତ ମନେ କରିନାହାନ୍ତି। ଏଥିରୁ ଅନେକ ପ୍ରକାର ରୋଗ ସୃଷ୍ଟି ହେବ ବୋଲି ଡାକ୍ତରମାନେ ଚେତାବନୀ ଦେଇଛନ୍ତି।