Categories
ଆଞ୍ଚଳିକ

ବାଣପୁରରେ ବଢିଚାଲିଛି ଜଙ୍ଗଲୀ ହାତୀଙ୍କ ଉପଦ୍ରଵ: ଚିନ୍ତାରେ ଚାଷୀ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବିଭିନ୍ନ ଅଞ୍ଚଳରେ ହାତୀମାନେ ଏବେ ଗାଁ ମୁହାଁ ହେଉଥିବାରୁ ଅନେକ ଧନ ଜୀବନ ନଷ୍ଟ ହେବା ସହିତ ଫସଲ ମଧ୍ୟ ନଷ୍ଟ ହେଉଥିବାର ନଜିର ରହିଛି।  ଫଳରେ ଚାଷୀ ମୁଣ୍ଡରେ ହାତ ଦେଇ ବସୁଛି। ବାଣପୁର ବ୍ଲକର ନୀଳାଦ୍ରିପ୍ରସାଦ ଓ ଦାମିଆ ବରବରା ଦୁଇଟି ପଞ୍ଚାୟତ ଜଙ୍ଗଲ ଅଧ୍ୟୁଷିତ ଅଞ୍ଚଳ ହୋଇଥିବାରୁ ଏହା ହାତୀମାନଙ୍କ ରହଣି ସ୍ଥଳ ପାଲଟି ଯାଇଛି। ଫଳରେ ହାତୀମାନଙ୍କ ଉପଦ୍ରବ ଏଠାରେ ଅସହ୍ୟ ହେବାକୁ ଲାଗିଲାଣି।

ଉକ୍ତ ଦୁଇ ପଞ୍ଚାୟତର ବହୁ ଲୋକ ଚାଷୀ ଓ ଦିନ ମଜୁରିଆ ହୋଇଥିବାରୁ ଅନେକ ଅସୁବିଧାର ସମୁଖୀନ ହେଉଛନ୍ତି। ହାତୀ ମାନେ ବାରମ୍ବାର ଏମାନଙ୍କର ଶହଶହ ଏକରର ଧାନ ଫସଲ ନଷ୍ଟ କରିଦେଉଥିବାରୁ ବର୍ଷସାରା କିପରି ନିଜ ପରିବାର ପ୍ରତିପୋଷଣ କରିବେ ତାହା ଏବେ ଚିନ୍ତାର ବିଷୟ ପାଲଟିଛି। ବହୁ ଗ୍ରାମବାସୀ ମିଶି ପାଳି କରି ରାତିତମାମ ଜଙ୍ଗଲୀ ହାତୀଙ୍କୁ ଜଗୁ ଥିଲେ ସୁଦ୍ଧା ହାତୀଙ୍କ ଦାଉରୁ ଫସଲ ବଞ୍ଚେଇବା କଷ୍ଟ କର ହୋଇଯାଉଛି। ଯାହା ଫଳରେ ଚାଷୀ ମାନେ ଫସଲ ଅମଳ କରିବା ଆଶା ଏକ ପ୍ରକାର ଛାଡିଦେଲେଣି।

ତେବେ ଏନେଇ ଜଙ୍ଗଲ ବିଭାଗକୁ ଜଣେଇଲେ ମଧ୍ୟ ସେମାନେ ନିରୁପାୟ। ବାଲୁଗାଁ ବନାଞ୍ଚଳ ରେଞ୍ଜ ଅଧିକାରୀ ପ୍ରତାପ ମହାନ୍ତିଙ୍କୁ ଏ ନେଇ ଯୋଗାଯୋଗ କରିବାରୁ ବନବିଭାଗ ଜଙ୍ଗଲୀ ହାତୀଙ୍କୁ ଘଉଡ଼ାଇବା ପାଇଁ ସଦାସର୍ବଦା ଚେଷ୍ଟା କରିଆସୁଥିବାର କହିଛନ୍ତି। ବାଣପୁର, ରଣପୁର, ନୟାଗଡ଼ ଏବଂ ଟାଙ୍ଗୀର କିଛି ଜଙ୍ଗଲ ଅଞ୍ଚଳ ହାତୀମାନଙ୍କ ଚଲାପଥ ହୋଇଥିବାରୁ ସେମାନେ ବର୍ଷତମାମ ଉକ୍ତ ରାସ୍ତା ଦେଇ ଯା ଆସ କରିଥାନ୍ତି। ତେବେ ବନ ବିଭାଗ ଅଦ୍ୟାବଧି ୭୭ ଜଣ ହିତାଧିକାରୀଙ୍କୁ କ୍ଷତିପୂରଣ ପ୍ରଦାନ କରିଥିବାର ଶ୍ରୀ ମହାନ୍ତି କହିଛନ୍ତି।  ଏବଂ ଯେଉଁ ଚାଷୀଙ୍କ ଫସଲ ହାତୀମାନଙ୍କ ଦ୍ୱାରା ନଷ୍ଟ ହେଉଛି, ସେମାନଙ୍କୁ ତୁରନ୍ତ ସରକାରୀ କ୍ଷତିପୂରଣ ଦିଆଯିବାର ବ୍ୟବସ୍ଥା ହୋଇଥିବାର ରେଞ୍ଜ ଅଧିକାରୀ ଶ୍ରୀ ମହାନ୍ତି କହିଛନ୍ତି।

ତେବେ ବେଳ ଥାଉ ଥାଉ ଯଦି ବେଣୀ ବନ୍ଧାନଯାଏ, ଭବିଷ୍ୟତରେ ଉକ୍ତ ସମସ୍ୟା ଉଗ୍ରରୂପ ନେବ ବୋଲି ଚାଷୀମାନେ ମତ ରଖିଛନ୍ତି।

Categories
ଆଜିର ଖବର ରାଜ୍ୟ ଖବର

ଚିଲିକାରେ ବାତ୍ୟା ଜୱାଦ ପ୍ରଭାବ: ଚିନ୍ତାରେ ଚାଷୀ, ମତ୍ସ୍ୟଜୀବୀଙ୍କୁ ଆର୍ଥିକ ସହାୟତା ଲାଗି ନିବେଦନ

ସୀତାରାମ ଅଗ୍ରୱାଲ

ଚିଲିକା: ବାତ୍ୟା ଜୱାଦ ପ୍ରଭାବରେ ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳୀରେ ଚାଷୀ ଚିନ୍ତା ଓ ଭୟଭିତ ଅବସ୍ଥାରେ ଥିବାବେଳେ ବର୍ତ୍ତମାନ ପରିସ୍ଥିତିରେ ସେମାନଙ୍କ ଆଖିରୁ ନିଦ ହଜିଗଲାଣି। ଚିଲିକାରେ ଏହି ବାତ୍ୟା ଜୱାଦ ଯୋଗୁଁ ଚାଷୀଙ୍କ ଫସଲ ନଷ୍ଟ ହୋଇଯାଇଛି। ଶହ ଶହ ଏକର କ୍ଷେତରେ ଧାନ ପାଚି ଅମଳ ହେବା ଅବସ୍ଥାରେ ଥିବା ବେଳେ ବର୍ତ୍ତମାନ ବର୍ଷା ଯୋଗୁଁ ଧାନ ଫସଲରେ ପାଣି ମାଡିଯାଇଛି। ଯାହାଫଳରେ ଚାଷୀର ବର୍ଷ ଯାକର ଅକ୍ଲାନ୍ତ ପରିଶ୍ରମ ବୃଥା ହୋଇଛି।

ଏହାର ପୂର୍ବ ବର୍ଷାରେ ଅନେକ ଜମିରେ ପାଣି ମାଡି ଯିବାରୁ ଚାଷୀଙ୍କ ଧାନ ଗଜା ହୋଇଥିବା ଅଭିଯୋଗ ହୋଇଥିବା ବେଳେ ପୁଣି ଉକ୍ତ ବର୍ଷା ଚାଷୀଙ୍କ ଉପରେ ବୋଝ ଉପରେ ନଳିତା ବିଡା ପାଲଟିଛି। ଏପରିକି କିଛି ଚାଷୀ ଧାନ କାଟି ତରବରିଆ ଭାବେ ଜମି ହୁଡାରେ ପକେଇଦେଇଛନ୍ତି। ମାତ୍ର ଜୱାଦ ପ୍ରଭାବରେ ଲଗାଣ ବର୍ଷା ଯୋଗୁଁ ବର୍ତ୍ତମାନ ଅମଳ ଧାନରୁ ଗଜା ବାହାରିବା ନେଇ ଚାଷୀ ମୁଣ୍ଡରେ ଏବେ ଚଡକ ପଡିଛି।

ବର୍ତ୍ତମାନ ଚାଷୀର ଏହି ସମସ୍ୟାକୁ ନେଇ ରାଜ୍ୟ ସରକାର ବାତ୍ୟା ଜନିତ କ୍ଷୟକ୍ଷତି କେବେ ଆକଳନ କରୁଛନ୍ତି ଏବଂ ନଷ୍ଟ ହୋଇଥିବା ଚାଷର ଭରଣ ପୋଷଣ କେବେ ପ୍ରଦାନ କରୁଛନ୍ତି ତାହାକୁ ଅପେକ୍ଷା କରିଛନ୍ତି ଚାଷୀକୂଳ।

ରାଜ୍ୟରେ ବାରମ୍ବାର ପ୍ରାକୃତିକ ଦୁର୍ବିପାକ ଯେଉଁ ଭଳି ଗ୍ରାସ କରିଛି ବାସ୍ତବରେ ତାହା ସାଧାରଣ ଲୋକଙ୍କ ମେରୁ ଦଣ୍ଡ ଭାଙ୍ଗି ଦେଇଛି। ଛୋଟବଡ ବ୍ୟବସାୟୀଙ୍କ ଠାରୁ ଆରମ୍ଭ କରି ଦିନ ମଜୁରିଆଙ୍କୁ ଅମେକ କ୍ଷୟକ୍ଷତିର ସମ୍ମୁଖୀନ ହେବାକୁ ପଡୁଛି। ଅନୁରୂପ ଭାବେ ଚିଲିକା ଅଞ୍ଚଳର ମତ୍ସ୍ୟଜୀବୀ ଏବଂ ମାଛ ବ୍ୟବସାୟୀମାନେ ବାତ୍ୟା ଜୱାଦ କୋପରୁ ବର୍ତ୍ତିପାରିନାହାନ୍ତି।

ପାଣିପାଗ ବିଭାଗର ସତର୍କ ସୂଚନା ପରେ ତଳିଆ ଅଞ୍ଚଳ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରିବାପାଇଁ ସରକାର ବିହିତ ପଦକ୍ଷେପ ଗ୍ରହଣ କରିଥିଲେ। ଏଥି ସହିତ ମତ୍ସ୍ୟଜୀବୀ ମାନଙ୍କ ଡ଼ଙ୍ଗାକୁ ସୁରକ୍ଷିତ ସ୍ଥାନକୁ ଅଣାଯାଇଥିଲା। ଚିଲିକା ଏକ ଉପକୂଳବର୍ତ୍ତି ଅଞ୍ଚଳ ହୋଇଥିବାରୁ ବାତ୍ୟାର ପ୍ରଭାବ ଅଧିକ ରହିବ ବୋଲି ପୂର୍ବାନୁମାନ କରାଯାଇଥିଲା। ଯାହାକି ଅଧିକାଂଶ ଲୋକ ମତ୍ସ୍ୟଜିବୀ ହେତୁ ପରିବାର ପ୍ରତିପୋଷଣ ପାଇଁ ଚିଲିକା ଉପରେ ନିର୍ଭର କରନ୍ତି। ମାତ୍ର ପ୍ରଶାସନର ତାଗିଦ ଯୋଗୁଁ ଚିଲିକା ଭିତରକୁ ମାଛ ଧରାଳି କିମ୍ବା ଯାତ୍ରୀବାହି ଡ଼ଙ୍ଗା ନେବାପାଇଁ ବାରଣ କରାଯାଇଥିଲା।

ତେଣୁ ଚିଲିକାରୁ ମାଛ ସଂଗ୍ରହ ଯେଉଁ ପରିମାଣରେ ହବା କଥା ତାହା ହୋଇପାରିଲା ନାହିଁ। ଖାସ କରି ଛୁଟି ଦିନ ମାନଙ୍କରେ ମାଛ ଗୋଦାମ ଗୁଡିକ ଗ୍ରାହକଙ୍କ ଗହଳିରେ ଫାଟି ପଡୁଥିଲେ ମଧ୍ୟ ବାତ୍ୟା ଯୋଗୁଁ ଖାଁ ଖାଁ ପଡିଥିବାର ପରିଲକ୍ଷିତ ହୋଇଛି। ଯାହାଫଳରେ ମାଛ ଧରାଳିଙ୍କ ରୋଜଗାର ଉପରେ ବିଶେଷ ପ୍ରଭାବ ପଡିଛି। ସରକାର ଏଥିପ୍ରତି ଏକ ସକାରାତ୍ମକ ଦୃଷ୍ଟି ଦେବାପାଇଁ ରାଜ୍ୟ ସରକାରଙ୍କୁ ବିଭିନ୍ନ ମତ୍ସ୍ୟଜୀବୀ ସଂଘ ଅନୁରୋଧ କରିଛନ୍ତି।

Categories
ଆଜିର ଖବର ଆଞ୍ଚଳିକ

ଧାନ ପରେ ମକା ଚିନ୍ତାରେ ଚାଷୀ: ଶହ ଶହ ହେକ୍ଟର ମକା ଚାଷରେ ଗଜା

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ଧାନ ଚାଷରେ ରୋଗପୋକ ପ୍ରାଦୁର୍ଭାବର ଚିନ୍ତା ଶେଷ ନ ହେଉଣୁ ଏବେ ପୁଣି ମକା ଚାଷ ରେ ଗଜା। ସତେ ଯେମିତି ଚାଷୀ ପିଛା ଗୋଡ଼ାଇଛି ସମସ୍ୟା। ଧାର କରଜ କରି ଚାଷୀମାନେ ଶହ ଶହ ହେକ୍ଟର ଚାଷଜମି ରେ ମକା ଚାଷ କରିଥିଲେ। ଆଶାବାନ୍ଧି ଥିଲେ ଏଥିରୁ ଦ୍ଵି ପଇସା ପାଇଁ ନିଜ ପରିବାର ପ୍ରତିପୋଷଣ କରିବା ସହ ଋଣ କରଜ ସୁଝିବେ।ହେଲେ ଶେଷରେ ଲଘୁଚାପଜନିତ ବର୍ଷା ଦାଉ ସାଜିଲା।

କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ କଦଲିମୁଣ୍ଡା ପଂଚାୟତ ର ହାତୀପଖାନ ଗ୍ରାମର ଶତାଧିକ ଚାଷୀ ଏବେ ନାଇନ ଥିବା ଅସୁବିଧାରେ ସମ୍ମୁଖୀନ ହେଉଥିବା ଜଣାପଡିଛି। ଗ୍ରାମର ୪୦/୫୦ଜଣ ଚାଷୀ ପ୍ରାୟ ୨୦ହେକ୍ଟର ଜମିରେ ମକା ଚାଷ କରିଥିଲେ। ହେଲେ ଲଘୁଚାଜନିତ ଲଗାଣ ବର୍ଷ ଓ ପବନରେ ମକା ଗଛ ସବୁ ଅହଳି ପଡି ନଷ୍ଟ ହୋଇଥିଲା। ଏବେ ଚାଷୀ ମକା ଗୋଟେଇବା ବେଳକୁ ପୁଣି ଲଘୁଚାପଜନିତ ବର୍ଷା ଲାଗିରହିଛି। ଯାହାକି ମକା ମଞ୍ଜିରୁ ଗଜା ବାହାରି ପଡ଼ିଥିବା ବେଳେ ଚାଷୀଙ୍କ ଭିତରେ ଘୋର ଚିନ୍ତାର କାରଣ ପାଲଟିଛି। କିଏ ଘରୋଇ ଋଣ କରିଛି ତ କିଏ ସରକାରୀ, ବେସରକାରୀ ସଂସ୍ଥା ଠାରୁ ଋଣ କରିଛି। ଏପରି ସ୍ଥଳେ ମକା ବିକ୍ରି ଯିବା ଅସମ୍ଭବ ହୋଇପଡିଛି।

ଏଣେ କୃଷକ ମଞ୍ଚ ଏହାର ତଦନ୍ତ କରାଯାଇ କ୍ଷତିଗ୍ରସ୍ତ ଚାଷୀ ଙ୍କୁ ସରକାରୀ ସହାୟତା କରିବାକୁ ଦାବି ରଖିଛି। ତେବେ ସରକାରୀ ସହାୟତା ଯୋଗାଇ ନ ଦେଲେ ଆନ୍ଦୋଳନ କରାଯିବ ବୋଲି କୃଷକ ମଞ୍ଚ ଚେତାବନୀ ଦେଇଛନ୍ତି।