Categories
ଆଜିର ଖବର ରାଜ୍ୟ ଖବର

ଚିଲିକା ତହସିଲଦାରଙ୍କ ମହାନତା: ଦୁର୍ଘଟଣାଗ୍ରସ୍ତ ଆହତଙ୍କୁ ନେଲେ ହସ୍ପିଟାଲ

ଚିଲିକା: ଆଜି ଖୋର୍ଦ୍ଧା ଜିଲ୍ଲା ଚିଲିକା ତହସିଲଦାର ଏକ ମହତ୍ତ କାର୍ଯ୍ୟ କରିଛନ୍ତି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ବାସ୍ତବରେ ଦୁର୍ଘଟଣାରେ ଆହତ ହୋଇଥିବା ଦୁଇ ବାଇକ ଚାଳକଙ୍କୁ ଚିଲିକା ତହସିଲଦାର ଉଦ୍ଧାର କରି ନିଜ ଗାଡି ଯୋଗେ ହସ୍ପିଟାଲରେ ଭର୍ତ୍ତି କରିଛନ୍ତି।

ସୂଚନା ମୁତାବକ ଆଜି ଅପରାହ୍ନରେ ଚିଲିକା ବ୍ଲକ ଅନ୍ତର୍ଗତ କରଡି ଛକ ଠାରେ ଦୁଇଟି ବାଇକ ମଧ୍ୟରେ ଦୁର୍ଘଟଣା ଘଟିଥିଲା। ଉକ୍ତ ଦୁର୍ଘଟଣାରେ ଉଭୟ ବାଇକ ଚାଳକ ସାମାନ୍ୟ ଆହତ ହୋଇଥିବା ବେଳେ ସ୍ଥାନୀୟ ବରଡି ଗ୍ରାମର ଜଣେ ୫୦ ବର୍ଷୀୟ ବୃଦ୍ଧା ଗୁରୁତର ଆହତ ହୋଇଥିଲେ। ଠିକ ସେହି ସମୟରେ ଚିଲିକା ତହସିଲଦାର ଦିଲ୍ଲୀପ କୁମାର ଷଡ଼ଙ୍ଗୀ ଫିଲଡ଼ କାମ ସାରି ନିଜ କାର୍ଯ୍ୟାଳୟକୁ ଫେରୁଥିବା ବେଳେ ଉକ୍ତ ଦୁର୍ଘଟଣା ସ୍ଥଳରୁ ଆହତଙ୍କୁ ଉଦ୍ଧାର କରି ନିକଟସ୍ଥ ସୁନାଖଳା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଏଥିସହିତ ଉଭୟ ବାଇକ ଚାଳକଙ୍କ ମଧ୍ୟରେ ଆପୋଷ ସମାଧାନ କରିଥିଲେ। ତହସିଲଦାରଙ୍କ ଏଭଳି ମହତ କାର୍ଯ୍ୟକୁ ଆହତ ବୃଦ୍ଧା ସାଧୁବାଦ ଜଣାଇବା ସହ ବିଭିନ୍ନ ମହଲରୁ ପ୍ରଶଂସାର ସୁଅ ଛୁଟିଛି।

Categories
ଆଜିର ଖବର ବ୍ୟବସାୟ ରାଜ୍ୟ ଖବର

ସରୁଛି ‘ଗୋଲ୍ଡେନ ଲ୍ୟାଣ୍ଡ’ ଜମାକାରୀଙ୍କ ସମୟ ଅବଧି, ଶୀଘ୍ର କରନ୍ତୁ ପ୍ରମାଣ ପତ୍ର ଦାଖଲ: ଚିଲିକା ତହସିଲଦାର

ଚିଲିକା: ‘ଗୋଲ୍ଡେନ ଲ୍ୟାଣ୍ଡ’ ହିତାଧିକାରୀଙ୍କ ପାଇଁ ବଡ ଖବର। ଯେଉଁ ଗୋଲ୍ଡେନ ଲ୍ୟାଣ୍ଡ ଚିଟଫଣ୍ଡର ଜମାକାରୀମାନେ ଅନଲାଇନରେ ପଞ୍ଜିକରଣ କରିଥିଲେ, ସେମାନେ ଖୁବ ଶୀଘ୍ର ନିଜର ନଜର କାଗଜ ପତ୍ର ଆରଆଇ ଅଫିସରେ ଜମା କରିବା ପାଇଁ କୁହାଯାଇଛି। ରାଜ୍ୟସରକାର ଦେଇଥିବା ସମୟର ଅବଧି ଶେଷ ହେଇଆସୁଥିବାରୁ, ଯଥା ଶୀଘ୍ର ଆରଆଇ ଅଫିସରେ ପଞ୍ଜିକରଣ କାଗଜ, ବଣ୍ଡ ପେପର, ଟଙ୍କା ରସିଦ୍, ଆଧାର କାର୍ଡ, ବ୍ୟାଙ୍କ ଆକାଉଣ୍ଟ ନମ୍ବର ଇତ୍ୟାଦିର ନକଲ ଆରଆଇ ଅଫିସରେ ଜମା କରିବା ପାଇଁ ହିତାଧିକାରୀମାନଙ୍କୁ ଚିଲିକା ତହସିଲଦାର ନିବେଦନ କରିଛନ୍ତି।

ଉଲ୍ଲେଖ ଯୋଗ୍ୟ ଯେ, ଚିଟଫଣ୍ଡ ଯାଞ୍ଚ ଗତ ମାସରୁ ପ୍ରତି ଆରଆଇ ଅଫିସରେ ଆରମ୍ଭ ହୋଇସାରିଛି। କିନ୍ତୁ ରାଜ୍ୟ ସରକାରଙ୍କ ବିଜ୍ଞପ୍ତି ଅନୁଯାୟୀ, ଏହା ଆସନ୍ତା ଦୁଇ ଦିନ ମଧ୍ୟରେ ଶେଷ ହୋଇଯିବ। ଯଦି ସରକାର ପୁଣିଠାରେ ଅନୁମତି ଦେବେ, ତେବେ ଏହାର ସମୟ ଅବଧି ବଢିପାରେ। ତଥାପି ବର୍ତ୍ତମାନ ସମୟ ଅବଧି ପୂର୍ବରୁ ନିଜ ନିଜର ପ୍ରମାଣ ପତ୍ର ଜମା କରିବା ପାଇଁ ଚିଲିକା ତହସିଲଦାର କହିଛନ୍ତି। ଏଥିପାଇଁ ଲୋକମାନେ ସହଯୋଗ କରିବା ଲାଗି ଚିଲିକା ତହସିଲଦାର ଅନୁରୋଧ କରିଛନ୍ତି।

Categories
ଆଞ୍ଚଳିକ

ଚିଲିକାରେ ସ୍କୁଲ ଖୋଲିବା ପରେ କୋଭିଡ଼ କଟକଣାକୁ ତଦାରଖ କଲେ ତହସିଲଦାର

ସୀତାରାମ ଅଗ୍ରୱାଲ

ଚିଲିକା: ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁଯାୟୀ ଆଜି ରାଜ୍ୟର ସମସ୍ତ ବିଦ୍ୟାଳୟରେ ଦଶମ ଏବଂ ଦ୍ୱାଦଶ ଶ୍ରେଣୀର ପାଠ ପଢା ଆରମ୍ଭ ହୋଇଛି। ଅନୁରୂପ ଭାବେ ଖୋର୍ଦ୍ଧା ଜିଲ୍ଲାର ଚିଲିକା ବ୍ଲକ ଏବଂ ବାଲୁଗାଁ ଏନ.ଏ. ସି ଅଧୀନରେ ଥିବା ସମସ୍ତ ବିଦ୍ୟାଳୟ ଖୋଲିଛି। ଏହି ପରିପ୍ରେକ୍ଷୀରେ ଆଜି ଚିଲିକା ତହସିଲଦାର ପୁନମ ମହାପାତ୍ର ଚିଲିକା ବ୍ଲକ ଓ ବାଲୁଗାଁ ଏନ.ଏ. ସି ର ବିଭିନ୍ନ ବିଦ୍ୟାଳୟଗୁଡିକ ପରିଦର୍ଶନକୁ ଯାଇ ସରକାରଙ୍କ ଦ୍ୱାରା ଜାରି କରାଯାଇଥିବା  ସମସ୍ତ କୋଭିଡ କଟକଣା ତଦାରଖ କରିଥିଲେ।

ବିଦ୍ୟାଳୟଗୁଡିକ ବିଶୋଧନ ହେବାସହ ସେଠାରେ ଥର୍ମାଲ ସ୍କାନିଂ ବ୍ୟବସ୍ଥା କରାଯାଇଛି ଏବଂ କୋଭିଡ଼ ଲକ୍ଷଣ ଥିବା ଛାତ୍ରଛାତ୍ରୀଙ୍କ ପାଇଁ ବିଦ୍ୟାଳୟଗୁଡିକରେ ଆଇସୋଲେସନ ରୁମ ଖୋଲାଯାଇଛି। ଯଦି କାହାର ଲକ୍ଷଣ ଥାଏ ତେବେ ସଙ୍ଗେ ସଙ୍ଗେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଯୋଗାଯୋଗ କରିଯିବା ସହ ଚିକିତ୍ସା କରାଯିବ। ସମସ୍ତଙ୍କୁ ମାସ୍କ ବାଧ୍ୟତାମୂଳକ କରାଯାଇଥିବାବେଳେ ପ୍ରତି ସେକ୍ସନକୁ ଦୁଇ ଗୋଟି ସବ ସେକ୍ସନରେ ବିଭକ୍ତ କରାଯାଇଛି ଏବଂ ପ୍ରତି ସବ ସେକ୍ସନ ରେ ସର୍ବାଧିକ ୨୦ ରୁ ୨୫ ଛାତ୍ରଛାତ୍ରୀ ପଢ଼ୁଥିବାର ଦେଖିବାକୁ ପାଇଥିଲେ ତହସିଲଦାର।

ଏତତବ୍ୟତୀତ ତହସିଲଦାର ବିଦ୍ୟାଳୟର ବିଭିନ୍ନ ଛାତ୍ରଛାତ୍ରୀମାନଙ୍କୁ ପାଠ ସମ୍ବନ୍ଧୀୟ ବିଭିନ୍ନ ପ୍ରଶ୍ନ ପଚାରିବା ସହ ସେମାନଙ୍କୁ ଉତ୍ସାହିତ ମଧ୍ୟ କରିଥିବାର ଦେଖାଯାଇଥିଲା। ମୋଟାମୋଟି କହିବାକୁ ଗଲେ ସ୍କୁଲ ଗୁଡିକର କୋଭିଡ ଗାଇଡଲାଇନ ବ୍ୟବସ୍ଥା ପାଳନ ଉପରେ ତହସିଲଦାର ସନ୍ତୁଷ୍ଟ ଥିବା ଜଣାପଡିଛି। ତେବେ ବିଭିନ୍ନ ବିଦ୍ୟାଳୟଗୁଡିକରେ ଏହିପରି ପରିଦର୍ଶନ ଆଗାମୀ ଦିନରେ ମଧ୍ୟ ଜାରିରହିବ ବୋଲି ତହସିଲଦାର ପୁନମ ମହାପାତ୍ର ଗଣମାଧ୍ୟମକୁ ସୂଚନା ଦେଇଛନ୍ତି।