ସିଡନୀ: ଆସନ୍ତାକାଲି ଅଷ୍ଟ୍ରେଲିଆ ବିରୋଧରେ ଭାରତୀୟ ଦଳ ତୃତୀୟ ଟେଷ୍ଟ ସିଡନୀ ଠାରେ ଖେଳିବ। ମ୍ୟାଚର ଗୋଟିଏ ଦିନ ପୂର୍ବରୁ ଭାରତୀୟ ଦଳ ଚୁଡାନ୍ତ ଏକାଦଶ ଘୋଷଣା କରିଛି। ଅଜିଙ୍କ୍ୟ ରାହାଣେଙ୍କ ଅଧିନାୟକତ୍ଵରେ ଦଳ ପୁଣି ଥରେ ସିଡନୀ ଗ୍ରାଉଣ୍ଡରେ ଅଷ୍ଟ୍ରେଲିଆକୁ ଭେଟିବ। ବର୍ତ୍ତମାନ ସିରିଜ ୧-୧ରେ ବରାବର ଅଛି। ଏହି ଗ୍ରାଉଣ୍ଡରେ ବିଜୟ ହୋଇ ଦୀର୍ଘ ୪୩ ବର୍ଷର ରେକର୍ଡକୁ ଭାଙ୍ଗିବା ପାଇଁ ରାହାଣେ ବାହିନୀ ଚେଷ୍ଟା କରିବ। ରୋହିତ ଶର୍ମା ଦଳରେ ସାମିଲ ହୋଇ ଉପଅଧିନାୟ ଭାବେ ଦାୟିତ୍ଵ ତୁଲାଇବେ। ଦ୍ରୁତ ବୋଲର ନବଦୀପ ସାଇନୀ ଏହି ମ୍ୟାଚରେ ପଦାର୍ପଣ କରିବେ। ପ୍ରାରମ୍ଭିକ ବ୍ୟାଟ୍ସମ୍ୟାନ ମୟଙ୍କ ଅଗ୍ରୱାଲଙ୍କୁ ତୃତୀୟ ମ୍ୟାଚରୁ ବାଦ ଦିଆଯାଇଛି।
ଭାରତୀୟ ଦଳ:
୧-ଅଜିଙ୍କ୍ୟ ରାହାଣେ (ଅଧିନାୟକ)
୨-ରୋହିତ ଶର୍ମା ( ଉପଅଧିନାୟକ)
୩-ଶୁଭମାନ ଗିଲ
୪-ଚେତେଶ୍ଵର ପୂଜାରା
୫-ହନୁମା ବିହାରୀ
୬-ଋଷଭ ପନ୍ତ (ୱିକେଟ କିପର)
୭-ରବୀନ୍ଦ୍ର ଜାଡ଼େଜା
୮-ରବିଚନ୍ଦ୍ରନ ଅଶ୍ଵିନୀ
୯-ଜସପ୍ରିତ ବୁମରା
୧୦-ମହମ୍ମଦ ସିରାଜ
୧୧-ନବଦୀପ ସାଇନୀ