Categories
ଆଜିର ଖବର ରାଜ୍ୟ ଖବର

ସାଇ ମନ୍ଦିର ଚୋରି ଘଟଣାର ପର୍ଦ୍ଦାଫାଶ କଲା କୁଜଙ୍ଗ ପୋଲିସ: ଚୋରି ସାମଗ୍ରୀ ଜବତ, ଜେଲ ଗଲେ ଅଭିଯୁକ୍ତ

କୁଜଙ୍ଗ: କୁଜଙ୍ଗ ଥାନା ମଙ୍ଗରାଜପୁର ପଂଚାୟତ ଅଧୀନ ସନ୍ତରା (କୃଷ୍ଣଚନ୍ଦ୍ରପୁର) ସ୍ଥିତ ପ୍ରସିଦ୍ଧ ଶିରିଡି ସାଇ ମନ୍ଦିରରୁ ଲକ୍ଷାଧିକ ଟଙ୍କା ମୂଲ୍ୟର ଅଳଙ୍କାର ଓ ନଗଦ ଅର୍ଥ ଚୋରି ଘଟଣାରେ କୁଜଙ୍ଗ ପୋଲିସ୍‌କୁ ଏକ ବଡ଼ ସଫଳତା ମିଳିଛି। ଚୋରି ହୋଇଥିବା ସମସ୍ତ ଅଳଙ୍କାର ସାମଗ୍ରୀ ସହିତ ନଗଦ ଅର୍ଥ ୧୫ ହଜାର ୭ଶହ ୬୧ ଟଙ୍କା ଅଭିଯୁକ୍ତଙ୍କଠାରୁ ଜବତ ହୋଇଥିବା ବେଳେ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡିଛି। ଅଭିଯୁକ୍ତ ହେଲେ କୁଜଙ୍ଗ ଥାନା ଗୋପିଆକୁଦ କୋଚିଳାବେଦି ଗ୍ରାମର ଦେବେନ୍ଦ୍ର ପଣ୍ଡା ଓ ତିର୍ତୋଲ ଥାନା ରାହାମା ଅଂଚଳର ମୀନକେତନ ପରିଡ଼ା।

କୁଜଙ୍ଗ ପୋଲିସ୍ ଏହି ଦୁଇ ଅଭିଯୁକ୍ତଙ୍କ ଗିରଫ କରିବା ପରେ ଡାକ୍ତରୀ ପରୀକ୍ଷା କରି କୋର୍ଟ ଚାଲାଣ କରିଛି। ସେଠାରେ ସେମାନଙ୍କ ଜାମିନ୍ ନାମଞ୍ଜୁର ହେବାରୁ ତାଙ୍କୁ କୁଜଙ୍ଗସ୍ଥିତ ବିଚାର ବିଭାଗୀୟ ହାଜତକୁ ପଠାଇଦିଆଯାଇଥିବା ଜଣାପଡିଛି।

ସୂଚନା ଅନୁଯାୟୀ ବୁଧବାର ବିଳମ୍ବିତି ରାତିରେ ଶିରିଡ଼ିସାଇ ମନ୍ଦିରରୁ ବାବାଙ୍କର ତିନୋଟି ରୂପା ମୁକୁଟ, ଗୋଟିଏ ରୂପା ଥାଳି, ରୂପା ଦ୍ୱୀପ, ରୂପା ଗ୍ଲାସ, ସୁନା ଚିତା ଆନୁମାନିକ ତିନିଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ତାହା ସହିତ ନଗଦ ୧୫ ହଜାର ୭ ଶହ ୬୧ ଟଙ୍କା କୋଚିଳା ବେଦି ଗ୍ରାମର ଦେବେନ୍ଦ୍ର ପଣ୍ଡା ଚୋରି କରିଥିବା ନେଇ କୁଜଙ୍ଗ ଥାନାରେ ମନ୍ଦିରର ପରିଚାଳନା କମିଟି ଲିଖିତ ଅଭିଯୋଗ କରିଥିଲା। କୁଜଙ୍ଗ ପୋଲିସ ଅଭିଯୋଗର ଏକ ଘଂଟା ମଧ୍ୟରେ ଅଭିଯୁକ୍ତର ମୋବାଇଲ୍ ଟ୍ରେସ୍ କରି ଅଭିଯୁକ୍ତକୁ ରାହାମା ଅଂଚଳରୁ ଧରିବାରେ ସଫଳ ହୋଇଥିଲା। ପୋଲିସ୍ ଅଭିଯୁକ୍ତ ଦେବେନ୍ଦ୍ରକୁ ଥାନାକୁ ଆଣି ପଚରାଉଚରା ପରେ ଚୋରି କରିଥିବା ନେଇ ସେ ସ୍ୱୀକାର କରିଥିଲା। ଓ ଚୋରି ହୋଇଥିବା ସାମଗ୍ରୀକୁ ତାର ସହଯୋଗୀ ରାହାମା ଅଂଚଳର ମୀନକେତନର ଚା’ ଦୋକାନର ଏକ ଲକରରେ ରଖିଥିବା କହିଥିଲା। ପରେ ପୋଲିସ୍ ଅଭିଯୁକ୍ତ ଦେବେନ୍ଦ୍ରକୁ ସାଂଗରେ ନେଇ ରାହାମା ଅଂଚଳର ମୀନତକେତନ ପରିଡ଼ାଙ୍କ ଚା’ ଦୋକାନର ଲକରରୁ ଚୋରିହୋଇଥିବା ସମସ୍ତ ଅଳଙ୍କାର ସାମଗ୍ରୀ ସମେତ ନଗଦ ଅର୍ଥ ଉଦ୍ଧାର କରିଥିଲା।

ଏହି ଘଟଣାରେ କେସ୍ ନଂ ୩୯୪/୨୩ ଦଫା ୪୫୭, ୩୮୦ ରେ ମାମଲା ରୁଜ୍ଜୁ କରି ଅଭିଯୁକ୍ତ ଦ୍ୱୟଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରଶ୍ମୀରଞ୍ଜନ ଦାଶ କହିଛନ୍ତି। ତେବେ ଦେବେନ୍ଦ୍ର ଓ ମୀନତକେତନଙ୍କ ନାମରେ ପୁରୀ ଜିଲ୍ଲାରେ ବିଭିନ୍ନ ଥାନାରେ କେସ୍ ରହିଛି। ସେମାନେ ପୁରୀ ଅଂଚଳର ବିଭିନ୍ନ ମଠ, ଦେବାଦେବୀ ମନ୍ଦିରରୁ ଟାର୍ଗେଟ୍ କରି ଅଳଙ୍କାର ଲୁଟ୍ କରିଥାନ୍ତି ପରେ ସେହି ଅଳଙ୍କାରକୁ ପୁରୀ ଅଂଚଳରେ ବିଭିନ୍ନ ଦୋକାନରେ ବିକ୍ରି କରି ଅର୍ଥ ଉପାର୍ଜନ କରିଥାନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ନଳକୂପ ଖୋଲି ଚୋରି ଘଟଣାରେ ୩ ଜଣ ଯୁବକ ଗିରଫ

କନ୍ଦର୍ପ ବେହେରା

ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ଚାରମାଳ ଥାନା ଅନ୍ତର୍ଗତ ବଂଶାଜାଲ ଗ୍ରାମ ପଞ୍ଚାୟତ ମୂଷାକଟା ଗ୍ରାମର ନଳକୂପ ଖୋଲି ଚୋରି ଘଟଣାରେ ୩ ଜଣ ଅଭିଯୁକ୍ତ ଯୁବକ ଙ୍କୁ ଚାରମାଳ ପୋଲିସ ଗିରଫ କରିଛି।

ସୂଚନା ଯୋଗ୍ୟ ଯେ ବଂଶାଜାଲ ଗ୍ରାମର ଅନିଲ ପ୍ରଧାନ (୩୦), ଚିରନ ପ୍ରଧାନ(୧୯) ଓ ବଳ ପ୍ରଧାନ(୨୮) ତିନି ଜଣ ଯୁବକ ଅଭିଯୁକ୍ତ ମୂଷାକଟା ଗ୍ରାମର ନଳକୂପ ଖୋଲି ଚୋରି କରି ନେଉଥିବା ବେଳେ ମୂଷାକଟା ଗ୍ରାମବାସୀ ଚାରମାଳ ପୋଲିସ ଖବର ଦେଇଥିଲେ।

ଏ ସଂକ୍ରାନ୍ତ ରେ ପୋଲିସ ଉକ୍ତ ତିନି ଜଣ ଯୁବକଙ୍କୁ ଗିରଫ କରିବା ସହ ଚୋରି କରିଥିବା ନଳକୂପ ସହିତ ଏକ ବାଇକ ନଂ ଓଡ଼ି ୧୫ ଓ ୩୪୮୯ ବିଶିଷ୍ଟ ବାଇକ ଜବତ କରିଛି। କେଶ ନଂ ୧୫୪/୨୨ ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିବା ଚାରମାଳ ଥାନା ଅଧିକାରୀ ବସନ୍ତ ଦଳାଇ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ଆଞ୍ଚଳିକ ରାଜ୍ୟ ଖବର

ବାଣପୁର ତୋରସିଂହ ଗ୍ରାମରେ ହୋଇଥିବା ଲକ୍ଷାଧିକ ଟଙ୍କା ଚୋରି ଘଟଣାର ପର୍ଦ୍ଦାଫାଶ: ଦୁଇ ଗିରଫ

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର ପୋଲିସକୁ ମିଳିଛି ସଫଳତା। ତୋରସିଂହ ଗ୍ରାମରେ ଘଟିଥିବା ଲକ୍ଷାଧିକ ଟଙ୍କା ଚୋରି ଘଟଣାର ପର୍ଦ୍ଦାଫାଶ କରିଛି ବାଣପୁର ପୋଲିସ। ଏ ନେଇ ଆଜି ଅପରାହ୍ନରେ ବାଣପୁର ଥାନା ପରିସରରେ ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି ବାଲୁଗାଁ ଏସଡ଼ିପିଓ ମାନସ ରଞ୍ଜନ ବାରିକ। ଉକ୍ତ ଚୋରି ଘଟଣାରେ ପୋଲିସ ଦୁଇ ଜଣ ଅଭିଯୁକ୍ତଙ୍କ ଗିରଫ କରିଛି। ସେମାନେ ହେଲେ ଗୋପୀନାଥପୁର ଗ୍ରାମର କୁନା ରାଉତ(୨୪) ଏବଂ ପଙ୍କାଳ ଗ୍ରାମର ସୁଶାନ୍ତ କୁମାର ବରାଳ(୨୪)।

ତେବେ ଉକ୍ତ ଲୁଟ ଘଟଣାରେ ଆଉ ଜଣେ ଅଭିଯୁକ୍ତ ତପନ ବେହେରା ଫେରାର ଅଛନ୍ତି। ଉକ୍ତ ତିନି ଜଣ ଅଭିଯୁକ୍ତ ଗତ ମାସ ୩୦ ତାରିଖ ମଧ୍ୟରାତ୍ରିରେ ବାଣପୁର ଥାନା ଅନ୍ତର୍ଗତ ତୋରସିଂହ ଗ୍ରାମର ସଞ୍ଜୟ ସ୍ୱାଇଁଙ୍କ ଘରେ ସ୍କାଏ ଲାଇଟ ବାଟେ ପଶି ତାଙ୍କ ଘର ଆଲମିରାରୁ ଲକ୍ଷାଧିକ ତାଙ୍କର ସୁନା ଗହଣା ଲୁଟିବା ସହ ନକଦ ପଇସା ମଧ୍ୟ ଲୁଟିନେଇଥିଲେ।

ପରବର୍ତ୍ତୀ ସମୟରେ ତିନି ଜଣ ପରସ୍ପର ମଧ୍ୟରେ ଚୋରି ଜିନିଷକୁ ବାଣ୍ଟିନେଇଥିଲେ। ତେବେ କେତେକ ଅଳଙ୍କାର ସେମାନେ ଅଜଣା ବ୍ୟକ୍ତିଙ୍କୁ ବିକ୍ରି କରିଦେଇଥିବା ସ୍ଥଳେ ଆଉ କେତେକ ଅଳଙ୍କାର ବାଜାଜ ଫାଇନାନ୍ସ ରେ ବନ୍ଧା ପକାଇଥିଲେ।

ଦୀର୍ଘ ପନ୍ଦର ଦିନ ହେବ ବାଣପୁର ଆଇଆଇସି ସଞ୍ଜୟ ପଟ୍ଟନାୟକଙ୍କ ତତ୍ୱାବଧାନରେ ତଦନ୍ତକାରୀ ଅଧିକାରୀ ଏସଆଇ ରାଜକିଶୋର ବେହେରା ଏବଂ ଏସଆଇ ବିଜୟ କୁମାର ମଲ୍ଲିକ ଉକ୍ତ ଘଟଣାର ଅନୁସନ୍ଧାନରେ ଲାଗିପଡ଼ିଥିବା  ସ୍ଥଳେ ଗତକାଲି ଉଭୟଙ୍କୁ ସେମାନଙ୍କ ଗ୍ରାମରୁ ଗିରଫ କରିଛନ୍ତି।

ସେମାନଙ୍କ ନିକଟରୁ ୧ ଟି ସୁନା ହାର, ଏକ ଯୋଡି ସୁନା ଶଙ୍ଖା, ୧ ଟି ସୁନା ଲକେଟ, ୧ ଟି ସୁନା ମୁଦି, ଏକ ଯୋଡି ସୁନା କାନ ଫୁଲ, ୧ ଟି ସୁନା ଚେନ, ନକଦ ୨୦ ହଜାର ଟଙ୍କା, ୩ ଟି ମୋବାଇଲ ଫୋନ ଏବଂ ଗୋଟେ ମଟରସାଇକେଲ ପୋଲିସ ଜବତ କରିଛି। ଉକ୍ତ ଦୁଇ ଜଣ ଅଭିଯୁକ୍ତଙ୍କ ବିରୁଦ୍ଧରେ ବାଣପୁର ପୋଲିସ କେସ ନମ୍ବର ୧୧୮/୨୧ ରେ ମାମଲା ରୁଜୁକରି ଆଜି ଉଭୟଙ୍କୁ କୋର୍ଟ ଚାଲାଣ କରିଛି। ତେବେ ଅନ୍ୟ ଜଣେ ଫେରାର ଅଭିଯୁକ୍ତ ଖୁବ ଶୀଘ୍ର ଧରାପଡିବ ବୋଲି ଏସଡ଼ିପିଓ ଶ୍ରୀ ବାରିକ ଗଣମାଧ୍ୟମକୁ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଗଣଦୁଷ୍କର୍ମ ଓ ଚୋରି ଘଟଣାର ଅଭିଯୁକ୍ତଙ୍କୁ ଗିରଫ ଦାବୀରେ ମଣିଜଙ୍ଗା-ଏରସମା ରାସ୍ତା ଅବରୋଧ

ରମେଶ ମହାନ୍ତି
ଜଗତସିଂହପୁର: ଜଗତସି°ହପୁର ଜିଲ୍ଲା ତିର୍ତ୍ତୋଲ ଥାନା ଅଧିନ ବୋଧେଇ ପଞ୍ଚାୟତ ଜୋକେଇ ଗ୍ରାମରେ ଗତ ୧୬ ତାରିଖ ରାତିରେ ହୋଇଥିବା ଗଣଦୁଷ୍କର୍ମ ଓ ଚୋରି ଘଟଣାର ମୁଖ୍ୟ ଅଭିଯୁକ୍ତ ସହ ଅନ୍ୟମାନେ ଏପର୍ଯ୍ୟନ୍ତ ଗିରଫ ହୋଇନାହାନ୍ତି।‌ ପୋଲିସର ନିଷ୍କ୍ରିୟତାକୁ ବିରୋଧ କରି ଓ ଅଭିଯୁକ୍ତଙ୍କ‌ ଗିରଫ ଦାବୀରେ ଶନିବାର ମହିଳା ମାନେ ରାଜରାସ୍ତାକୁ ଓହ୍ଲାଇଛନ୍ତି।

ଏମାନେ ମଣିଜଙ୍ଗା-ଏରସମା ରାସ୍ତାର ପୁରୀଜେନା ଛକ ଠାରେ ରାସ୍ତା ଅବରୋଧ ସହ ପ୍ରତିବାଦ କରିଥିଲେ। ସକାଳ ୯ଟା ଠାରୁ ଦିର୍ଘ ୫ଘଣ୍ଟା ଧରି ଶତାଧିକ ମହିଳା ରାସ୍ତା ଉପରେ ବସି ରହିବା ସହ ଘଟଣାରେ ପୋଲିସର ନିସ୍କ୍ରିୟତା ବିରୋଧରେ ସ୍ଳୋଗନ ସହ ଅଭିଯୁକ୍ତଙ୍କ ଗିରଫ ଦାବୀ କରିଥିଲେ। ତିର୍ତ୍ତୋଲ ଆଇଆଇସି ଭାବଗ୍ରାହୀ ରାଉତଙ୍କ ସହ ଅନ୍ୟ ପୋଲିସ ଦିର୍ଘ ୪ଘଣ୍ଟା ପରେ ଘଟଣା ସ୍ଥଳରେ‌ ପହଞ୍ଚି ମହିଳା ଓ ସ୍ଥାନୀୟ ଲୋକଙ୍କ ସହ ଆଲୋଚନା ଆରମ୍ଭ କରିଥିଲେ। ଜିଲ୍ଲାପାଳ କିମ୍ବା ଏସପି ନଆସିଲେ ସେମାନେ ରାସ୍ତାରୁ ଉଠିବେ ନାହିଁ ବୋଲି ରୋକଠୋକ ପୋଲିସ ଆଗରେ କହିଥିଲେ।

ପରେ ତିର୍ତ୍ତୋଲ ଉପଖଣ୍ଡ ପୋଲିସ ଅଧିକାରୀ (ଏସଡିପିଓ) ଦିପକ ରଞ୍ଜନ ଜେନା ପହଞ୍ଚି ଲୋକମାନଙ୍କ ସହ ଆଲୋଚନା କରି ୭ ଦିନ ମଧ୍ୟରେ ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ପ୍ରତିଶୃତି ଦେବାପରେ ରାସ୍ତା ଅବରୋଧ ହଟିଥିଲା। ଏଥିପାଇଁ ଦିର୍ଘ ୫ଘଣ୍ଟା ରାସ୍ତାରେ ଯାନବାହାନ ଚଳାଚଳ ବନ୍ଦ ରହିବା ଫଳରେ ଲୋକମାନେ ଅସୁବିଧାର ସମ୍ମୁଖିନ ହୋଇଥିଲେ।

ଏଥିରେ ମହିଳା ନେତ୍ରୀ ସ°ଘମିତ୍ରା ଦାସଙ୍କ ସହ ପିଡିତା, ପିଡିତାଙ୍କ ନଣନ୍ଦ ମମତା ସାହୁ (ଅଭିଯୁକ୍ତଙ୍କ ଆକ୍ରମଣରେ ଆହତ), ସରପଞ୍ଚ ସନ୍ତୋଷ ସେଠୀ, ପୂର୍ବତନ ସରପଞ୍ଚ ପୁର୍ଣ୍ଣ ଚନ୍ଦ୍ର ସ୍ବାଇଁ, ଅନିଲ କାନୁନଗୋ, ସମିର ବିଶ୍ବାଳ, ରମାକାନ୍ତ ମଲ୍ଲିକ, କେଦାର ସ୍ବାଇଁ ପ୍ରମୁଖ ସାମିଲ ହୋଇଥିଲେ।

Categories
ଆଜିର ଖବର ଆଞ୍ଚଳିକ

ଶିବ ମନ୍ଦିର ଚୋରି ଘଟଣା: ପୂଜା ସାମଗ୍ରୀ ଜବତ ସହ ୨ ଜଣ ଅଭିଯୁକ୍ତଙ୍କୁ ଗିରଫ କଲା କିସିଣ୍ଡା ପୋଲିସ୍

କନ୍ଦର୍ପ ବେହେରା
ରେଢାଖୋଲ: ଦୁଇ ଦିନ ତଳେ ଖୋଲଗଡ ମନ୍ଦିରରୁ ଚୋରି ହୋଇଥିବା ଚୋରୀ ସାମଗ୍ରୀକୁ କିସିଣ୍ଡା ପୋଲିସ୍ ଆଜି ସକାଳୁ ଡଇଁଚା ଗ୍ରାମରୁ ଜବତ କରିବା ସହ ୨ ଜଣ ଚୋରକୁ ଧରିବାରେ ସଫଳ ହୋଇଛି।

ପୋଲିସ୍ ସୂତ୍ରରୁ ପ୍ରକାଶ ଯେ, ନାକଟିଦେଉଳ ବ୍ଲକ୍ କିସିଣ୍ଡା ଥାନା ଗୋଗୁଆ ପଂଚାୟତର ଖୋଲଗଡ ମନ୍ଦିରରୁ ୩ ଦିନ ତଳେ କଂସା, ଜାଗର, ପିତଳ ସାମଗ୍ରୀ, ଦାନବାକ୍ସ ଓ ଶିବଙ୍କ ଠାରେ ପୂଜା ପାଉଥିବା ବିଭିନ୍ନ ପ୍ରକାର ପୂଜାସାମଗ୍ରୀକୁ କିସିଣ୍ଡା ପୁଲିସ୍ ଆଜି ସକାଳୁ ସକାଳୁ ରେଢାଖୋଲ ଥାନା ଡଇଁଚା ଗ୍ରାମକୁ ଯାଇ ପିତାମ୍ବର ମହାପାତ୍ରଙ୍କ ଘରର ପାଇଖାନାରୁ ଜବତ କରିବାରେ ସଫଳ ହୋଇଛି।

ଅଭିଯୁକ୍ତର ଭାଇ ବାନାମ୍ବରକୁ ଧରି ରେଢାଖୋଲ ରାସ୍ତାରେ ଗଲାବେଳେ ପିତାମ୍ବରକୁ ଡଇଁଚା ଗାଁ ମୁଣ୍ଡରେ ପୋଲିସ୍ ଧରିଥିଲା। ଚୋରି ସଂପର୍କରେ ପଚରା ଉଚୁରା କରିବା ସହ ତା ସହ ଚୋରି କରିବାକୁ ଯାଇଥିବା ସମ୍ବଲପୁର ପରମାଣପୁର ନିକଟସ୍ଥ ମୁରା ଗ୍ରାମର ଗୋବିନ୍ଦ ମେହେର(୪୯)ଙ୍କ ସଂପର୍କରେ ପିତାମ୍ବର ପ୍ରକାଶ କରିଥିଲା। ସେ ପ୍ରଧାନ ବସ୍ ରେ ସମ୍ବଲପୁର ଯାଉଥିବା ବେଳେ କିସିଣ୍ଡା ପୋଲିସ୍ ପିଛାକରି ରେଢାଖୋଲ ବସ୍ ଷ୍ଟାଣ୍ଡରୁ ଅଭିଯୁକ୍ତ ଗୋବିନ୍ଦକୁ ପୁଲିସ୍ ଧରିବାରେ ସଫଳ ହୋଇଥିଲା। ଡଇଁଚା ଗ୍ରାମକୁ ଆସି ପିତାମ୍ବର ମହାପାତ୍ରଙ୍କ ଘର ପଛପଟେ ଥିବା ପାଇଖାନା ଭିତରୁ ସମସ୍ତ ଚୋରି ଜିନିଷ ପୋଲିସ୍ ଜବତ କରିଥିଲା। ଆଉ କେଉଁ କେଉଁ ସ୍ଥାନରୁ ସେମାନେ ରୋରୀ କରିଛନ୍ତି ଚୋର ଦି ଜଣଙ୍କୁ ପୋଲିସ୍ ପଚରା ଉଚୁରା କରୁଛି।

ଆଗରୁ ବହୁ ସ୍ଥାନରୁ ପିତାମ୍ବର ଚୋରି କରି ଜେଲ୍ ମଧ୍ୟ ଯାଇଥିଲା। ଏପରିକି ରେଢାଖୋଲ ଥାନା ବ୍ରାହ୍ମଣୀ ଗ୍ରାମରେ ଜନୈକା ନାବାଳିକା ଝିଅକୁ ଅସଦାଚରଣ ଅଭିଯୋଗରେ ଜେଲ ମଧ୍ୟ ଯାଇଥିଲା। ଏପରିକି ବହୁସ୍ଥାନରୁ ଛୋଟ ବଡ ଡକାୟତି ମଧ୍ୟ ଆଗରୁ କରିଛି ସେ। କିଛି ଦିନ ହେଲା ଡଇଁଚା ଅଂଚଳରେ ସେମାନଙ୍କ ଯିବା ଆସିବାରେ ଲୋକମାନଙ୍କ ମଧ୍ୟରେ ସନ୍ଦେହ ହେଉଥିଲା। ସେମାନଙ୍କୁ ଆସନ୍ତାକାଲି କୋର୍ଟ ଚାଲାଣ କରାଯିବ। ଏହି ଚଢଉରେ କିସିଣ୍ଡା ଥାନାର ଥାନା ଅଧିକାରୀ ଚିତରଂଜନ ନାଏକ ଏବଂ ତାଙ୍କ ଟିମ୍ ସାମିଲ୍ ହୋଇଥିଲେ।