Tag: ଛୁରା ମାଡ

ଭୁବନେଶ୍ଵର: ରାଉଲକେଲାରେ ଏକ ଅଭାବନୀୟ ଘଟଣା ଘଟିଛି। ରାଉଲକେଲାର ଜଣେ ବ୍ୟବସାୟୀଙ୍କ ଠାରୁ ବଡ ଧରଣର ଲୁଟ ହୋଇଛି। ବ୍ୟବସାୟୀଜଣଙ୍କ କଲିକତାରୁ ସୁନା ନେଇ ରାଉଲକେଲା ଆସୁଥିବା ବେଳେ ଦୁର୍ବୃତ୍ତମାନେ ଛୁରା ମାଡ କରି ଲୁଟିନେଇଥିବା ଅଭିଯୋଗ ହୋଇଛି।

ଅଭିଯୋଗ ମୁତାବକ ଜଣେ ବ୍ୟବସାୟୀ କଲିକତାରୁ ସୁନା କିଣି ଟ୍ରେନ ଯୋଗେ ରାଉଲକେଲା ଆସୁଥିଲେ। ସେ ରାଉଲକେଲା ଷ୍ଟେସନରେ ଓହ୍ଲାଇ ସ୍କୁଟି ଯୋଗେ ତାଙ୍କ ସହଯୋଗୀ ସହ ବାସନ୍ତୀ କଲୋନୀ ଯାଉଥିଲେ। ହେଲେ ରାସ୍ତାରେ ଲୁଟେରାମାନେ ତାଙ୍କୁ ଛୁରା ମାଡ କରି ତାଙ୍କ ଠାରୁ ସୁନା ସହ ନଗଦ ୨୦ ଲକ୍ଷ ଟଙ୍କା ଲୁଟିନେଇଥିଲେ।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋପାଳପୁର ଥାନା ଅନ୍ତର୍ଗତ ପାର୍ବତୀପୁର ଗ୍ରାମରେ ପୁର୍ବ ଶତ୍ରୁତାରୁ ଆକ୍ରମଣ ରେ ୪ ଗୁରୁତର ଆହତ ହୋଇଛନ୍ତି।

ଘଟଣାରୁ ପ୍ରକାଶ ଯେ, ଅଜୟ ଦାସ ନାମକ ଜଣେ ଯୁବକ ନିଜ ସାଙ୍ଗ ସହ ମୋଟରସାଇକେଲରେ ବସି ଗାଁ ବାହାରକୁ ଗଲାବେଳେ ପୁର୍ବ ଶତ୍ରୁତାରୁ ରାଗ ରଖି ପାର୍ବତୀ ପୁର ଗ୍ରାମର ଶେଷ ମୁଣ୍ଡରେ ଛକି ରହିଥିବା କିଛି ଯୁବକ ଅଚାନକ ଭାବେ ଅଜୟକୁ ଗୋଡାଇ ଗୋଡାଇ ଛୁରୀରେ ଆକ୍ରମଣ କରିଥିଲେ। ଭୟଭୀତ ହୋଇ ଅଜୟ ଗାଁ ଭିତରକୁ ଦୌଡ଼ି ଯାଇ ନିଜ ଘରକୁ ପଳାଇବା ବେଳେ ଆକ୍ରମଣକାରୀ ଯୁବକମାନେ ଅଜୟଙ୍କ ଘର ମଧ୍ୟକୁ ପ୍ରବେଶ କରି ଇଟା ଓ ପଥର ମାଡ଼ କରିଥିଲେ। ଯ’ଦ୍ଵାରା ଅଜୟ ଜେଜେମା, ଖୁଡି ଓ ସମ୍ପର୍କୀୟ ଭାଇ ନାରାୟଣ ଦାସ ଆକ୍ରମଣକାରୀଙ୍କ ଦ୍ଵାରା ଗୁରୁତର ଆହତ ହୋଇଥିଲେ।

ପରିବାର ପକ୍ଷରୁ ଫୋନ ଯୋଗେ ଗୋପାଳପୁର ପୋଲିସ ଅଭିଯୋଗ ପାଇ ଏସ୍ ଡି ପି ଓ ଶିବଶଙ୍କର ମହାପାତ୍ର ଓ ଗୋପାଳପୁର ଥାନା ଅଧିକାରୀ ଶାରଦା ପ୍ରସନ୍ନ ଦାସ ଘଟଣାସ୍ଥଳରେ ପହଞ୍ଚି ଆହତ ମାନଙ୍କୁ ୧୦୮ ଆମ୍ବୁଲାନ୍ସ ଡ଼କାଇ ବ୍ରହ୍ମପୁର ବଡ ଡାକ୍ତରଖାନା କୁ ଚିକିତ୍ସା ପାଇଁ ପଠାଇବା ସହ ଏକ ସେକ୍ସନ ପୋଲିସ ମୁତୟନ କରିଛନ୍ତି। ଗୁରୁତର ଆହତ ଅଜୟର ଭଉଣୀ ରୁପା ଦାସ ଠାରୁ ଅଭିଯୋଗ ଗ୍ରହଣ କରି ଏତଲା ନଂ ୧୫୧/୨୩ ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି ଓ ଘଟଣାସ୍ଥଳରୁ ପୋଲିସ ଏକ ଛୁରୀ ଜବତ୍ କରିଛନ୍ତି।

ସୀତାରାମ ଅଗ୍ରୱାଲ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଜାତୀୟ ରାଜପଥରେ ଲୁଟେରାମାନଙ୍କ ପ୍ରାଦୁର୍ଭାବ ବଢିଚାଲିଛି। ଆଜି ମଧ୍ୟ ଟାଙ୍ଗୀ-ଚାନ୍ଦପୁର ବାଇପାସ୍ ରେ ଲୁଟ୍ ଘଟଣା ସାମ୍ନାକୁ ଆସିଛି। ଏଥିରେ କିନ୍ତୁ ଲୁଟେରାମାନେ ସଫଳ ହୋଇପାରିନାହାନ୍ତି। ଜଣେ କାଜୁ ବ୍ୟବସାୟୀଙ୍କ ଠାରୁ ଲୁଟ୍ କରି ୩ ଜଣ ଲୁଟେରା ଫେରାର ହୋଇଯାଇଥିବା ବେଳେ ସ୍ଥାନୀୟ ଲୋକଙ୍କ ପ୍ରୟାସ ଯୋଗୁଁ ଜଣେ ଲୁଟେରା ଧରାପଡିଛି।

ସୂଚନା ଅନୁଯାୟୀ, ଆଜି ୧୬ ନଂ ଜାତୀୟ ରାଜପଥ ଟାଙ୍ଗୀ ଚାନ୍ଦପୁର ବାଇପାସ୍ ରେ ପିକ୍ ଅପ୍ ଭ୍ୟାନ ନେଇ ଯାଉଥିବା ଚାଳକଙ୍କୁ ପଲସର ବାଇକ୍ ରେ ଆସି ୩ ଜଣ ଲୁଟେରା ଅଟକାଇଥିଲେ। ଗାଡିଟି ଅଟକିବା ପରେ ସେହି ଗାଡିରେ ଥିବା କାଜୁ ବେପାରୀଙ୍କୁ ଲୁଟେରାମାନେ ଛୁରା ମାଡ କରିଥିଲେ। ଫଳରେ କାଜୁ ବେପାରୀଜଣଙ୍କ ଗୁରୁତର ଆହତ ହୋଇଥିଲେ। ପରେ ତାଙ୍କଠାରୁ ୫୦ ହଜାର ଟଙ୍କା ସହ ଫୋନ ଲୁଟି ନେଇ ଫେରାର ହେବାକୁ ଚେଷ୍ଟା କରୁଥିବା ବେଳେ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚିଯାଇଥିଲେ।  ୩ ଜଣ ଲୁଟେରାଙ୍କୁ ସ୍ଥାନୀୟ ଲୋକେ ଢେଲା ପଥର ମାଡ କରିବାରୁ ଲୁଟେରାମାନେ ଗାଡିରୁ ପଡିଯାଇଥିଲେ। ହେଲେ ସେମାନଙ୍କ ମଧ୍ୟରୁ ଜଣେ ଲୁଟେରାଙ୍କୁ ସ୍ଥାନୀୟ ଲୋକେ ଧରି ଟାଙ୍ଗୀ ପୋଲିସ୍ କୁ ଜିମା ଦେଇଥିଲେ। କିନ୍ତୁ ଜଙ୍ଗଲର ସୁଯୋଗ ନେଇ ୨ ଜଣ ଲୁଟେରା ୫୦ ହଜାର ଟଙ୍କା ନେଇ ଫେରାର ହୋଇ ଯାଇଥିଲେ।

ଟାଙ୍ଗୀ ପୋଲିସ ଘଟଣା ସ୍ଥଳରୁ ଜଣେ ଲୁଟେରା ସହ ପଲସର ବାଇକ୍ କୁ ଜବତ କରି ତଦନ୍ତ ଆରମ୍ଭ କରିଛି। ଆହତ କାଜୁ ବେପାରୀ ଟାଙ୍ଗୀ ମେଡିକାଲରେ ଭର୍ତ୍ତି ହୋଇଥିବା ଜଣାପଡିଛି।