Categories
ଆଜିର ଖବର ରାଜ୍ୟ ଖବର

୨୦ ଦିନରେ ପହଞ୍ଚିଲା ଜୁନାଗଡ଼କୁ ଜିଲ୍ଲା ମାନ୍ୟତା ନେଇ ଧାରଣା: ସାମିଲ ହେଲେ ଉତ୍କଳ ମହିଳା ସମିତି

ଜୁନାଗଡ଼ (ଦୁଷ୍ମନ୍ତ କୁମାର ପଣ୍ଡା): କଳାହାଣ୍ଡି ଜିଲ୍ଲାର ଜୁନାଗଡ଼କୁ ଜିଲ୍ଲା ମାନ୍ୟତା ଦାବୀ ନେଇ ଗଣଧାରଣା ଆଜି ୨୦ ତମ ଦିନରେ ପହଞ୍ଚିଛି। ଆଜି ଉତ୍କଳ ମହିଳା ସମିତି ପକ୍ଷରୁ ଏହି ଗଣଧାରଣାରେ ସାମିଲ ହୋଇଥିଲେ।

ଜୁନାଗଡ଼ ହେଉଛି ଐତିହାସିକ ସହର। ନାଗବଂଶୀ ରାଜାଙ୍କ ସମୟରେ ଥିଲା ରାଜଧାନୀ। ତେଣୁ ଯିଏ ଯେଉଁ ଦଳରେ ରହୁନା କାହିଁକି ଜୁନାଗଡ଼କୁ ଜିଲ୍ଲା ମାନ୍ୟତା ପାଇଁ ଆମକୁ ଦଳମତ ନିର୍ବିଶେଷରେ ଏକ ଜୁଟ ହୋଇ ଗୋଟିଏ ସ୍ୱର ହେବାକୁ ପଡ଼ିବ। ଅତୀତରେ ଆମ ହକକୁ ଛେଡେଇ ନିଆ ଯାଇଛି। ତେଣୁ ଆମ ପୂର୍ବ ଗୌରବକୁ ଫେରାଇ ଦିଅ, ଆଗକୁ ସାଧାରଣ ନିର୍ବାଚନ ଥିବା ବେଳେ ମହିଳାମାନେ ରକ୍ଷାକର୍ତ୍ତାରୁ ସଂଘାରକର୍ତ୍ତା ସାଜି ଦମନ କରିବାର କ୍ଷମତା ମଧ୍ୟ ରଖିଛନ୍ତି। ତେଣୁ ରାଜ୍ୟ ସରକାର ମାଁ ର ସମ୍ମାନ ପାଇଁ ମାଁ ମାନଙ୍କ ଆବେଦନକୁ ସ୍ୱୀକାର କରି ଜୁନାଗଡ଼କୁ ଜିଲ୍ଲା ମାନ୍ୟତା ଦିଅନ୍ତୁ ବୋଲି ଉତ୍କଳ ମହିଳା ସମିତିର ମାଁ ମାନେ ଚେତାବନୀ ଦେଇଥିଲେ।

ଆଜି ଜିଲ୍ଲା ମାନ୍ୟତା ଦାବୀକୁ ସମର୍ଥନ ଜଣାଇ ଜୁନାଗଡ଼ ଉତ୍କଳ ମହିଳା ସମିତି ପକ୍ଷରୁ ଧାରଣାରେ ସାମିଲ ହୋଇଥିଲେ। କ୍ରିୟାନୁଷ୍ଠାନ କମିଟିର ଆବାହକ ହିମାଂଶୁ ଶେଖର ବରାଡ଼ ଓ ସଂଯୋଜକ ତଥା ନଗରପାଳ ମୂକେଶ ଅଗ୍ରୱାଲ ଓ ପ୍ରଭାତ ଦାଶଙ୍କ ଆବାହକତ୍ୱରେ ଅନୁଷ୍ଠିତ ବିକ୍ଷୋଭ ସଭାରେ ଉତ୍କଳ ମହିଳା ସମିତିର ଅଧ୍ୟକ୍ଷ୍ୟା ମନୋରମା ମହାଳିକ ଅଧ୍ୟକ୍ଷତା କରିଥିଲେ।

ଏହି ବିକ୍ଷୋଭ ସଭାରେ ସମିତି ର ସଂଗୀତା ବାଗ, ସରୋଜିନୀ କାଣ୍ଡ, ଗୀତା ବିଭାର, କୁମୁଦିନି ପ୍ରଧାନୀ, ଜୟଶ୍ରୀ ନାଗ, ଦୟା ନିଆଲ, ଅମ୍ବିକା ବାଗ, କୁନି ବନ୍ଦିଛୋଡ, କଳ୍ପନା ବରାଡ଼, ଲଳିତା ରଣା, ସଂଯୁକ୍ତା ଚନ୍ଦନ, ସୁକାନ୍ତି ଦାସ, ରାନିମତି ଛତ୍ରୀଆ, ଟୁନି ପାତ୍ର, ମିନା ବାଗ, ଆଦିତ୍ୟ କୁମାର ମହାନ୍ତି, ଅରୁପାନନ୍ଦ ନାଗ, ଦୁଷ୍ମନ୍ତ ନାଏକ, ବିକ୍ରାନ୍ତ ପଟ୍ଟନାୟକ, ବିଶ୍ଵରଞ୍ଜନ ନାଏକ,ସନ୍ଦୀପ କୁମାର ସାହୁ, ଅଗସ୍ତି ସୁନାନୀ, ଗଣେଶ ପଧାନ, ବିମଳଚନ୍ଦ୍ର ଶତପଥୀ ପ୍ରମୁଖ ଉଦବୋଧନ ଦେଇଥିଲେ।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ସବୁ ସ୍ତରର ବ୍ୟକ୍ତିଙ୍କୁ ସାମିଲ କରି ସାର୍ବଜନୀନ ଭାବେ ପର୍ଶୁରାମ ଜୟନ୍ତୀ ପାଳନ କରାଯିବାକୁ ଦାବି

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଆଗାମୀ ଅପ୍ରେଲ ୨୨ ତାରିଖ ଦିନ ଭଗବାନ ପର୍ଶୁରାମଙ୍କ ଜିଲ୍ଲା ସ୍ତରୀୟ ଜୟନ୍ତୀ ଜୁନାଗଡ ଠାରେ ପାଳନ କରାଯିବାକୁ ପ୍ରସ୍ତୁତି କରୁଥିବାର ସାଧାରଣରେ ଆଲୋଚନା ହେଉଛି। ଧର୍ମଗଡ ଉପଖଣ୍ଡର ବ୍ରାହ୍ମଣ ସମାଜକୁ ହାତ ମୁଠାରେ ରଖି ପରିଚାଳନା କରୁଥିବାର ଦାବି କରୁଥିବା ପଦବୀ ଧାରୀଙ୍କ ଇଙ୍ଗିତରେ ଭବାନିପାଟଣାସ୍ଥ କଳାହାଣ୍ଡି ବ୍ରାହ୍ମଣ ସମାଜ ର ନିର୍ଦ୍ଦେଶ କ୍ରମେ ଜୁନାଗଡ ବ୍ଲକ ବ୍ରାହ୍ମଣ ସମାଜ ଗଠନ କରାଯାଇ ସେମାନଙ୍କୁ ସୁହାଇବା ଭଳି କର୍ମକର୍ତ୍ତା ନିଯୁକ୍ତି କରି ସେମାନଙ୍କ ମାଧ୍ୟମରେ ବ୍ରାହ୍ମଣ ସମାଜ ନାମରେ ପର୍ଶୁରାମ ଜୟନ୍ତୀ ପାଳନ କରାଯାଉଥିବା କୁହା ଯାଉଛି। ସାମ୍ପ୍ରତିକ ସ୍ଥିତିରେ ବ୍ରାହ୍ମଣ ମାନେ ଏହି କାର୍ଯ୍ୟକ୍ରମରେ ଯୋଗ ଦେଲେ ମଧ୍ୟ ତଥା କଥିତ ଏହି ନେତା ମାନଙ୍କ ନେତୃତ୍ବ ପ୍ରତି କାହାରି ଆସ୍ଥା ନ ଥିବା ଆଲୋଚନା ହେଉଛି।

ଦୀର୍ଘ ଦିନରୁ ବ୍ରାହ୍ମଣ ମାନେ ଏକଜୁଟ ହୋଇ ପାରୁ ନଥିବା ବେଳେ ସମସ୍ତ ପ୍ରକାର ଗୋଷ୍ଠୀଗତ ରାଜନୀତି ରୁ ବହୁ ଉର୍ଦ୍ଧ୍ବରେ ରହି ସମାଜର ସମସ୍ତ ବରଗଡ଼ ଲୋକଙ୍କୁ ସାମିଲ କରିବା ଲକ୍ଷ ନେଇ ନିଜ ନିଜ ଖର୍ଚ ରେ ପ୍ରାୟ ସମସ୍ତ ଗ୍ରାମକୁ ବୁଲି ସମାଜ ସଂଗଠନ କରିଥିବା ସଂଗଠକ ମାନଙ୍କୁ ଚକ୍ରାନ୍ତ କରି ୨୦୧୮-ମହାସଭା ହେବାର ଅଳ୍ପ ଦିନ ପୂର୍ବରୁ ଧର୍ମଗଡ ବ୍ଲକ କମିଟି ରେ କର୍ମମର୍ତ୍ତ ଥିବା ଏହି ପଦବୀ ଆଶାୟୀ ବ୍ୟକ୍ତି ମାନେ ବ୍ଲକ କମିଟି ମିଟିଂ ରେ ଉପଖଣ୍ଡ କମିଟି କୁ ଭାଙ୍ଗି ଦେଇ ସଂଗଠନ କୁ ହାଇଜାକ କରି ନେଇଥିବା ବେଳେ ଯେମିତି ହେଉ ମହାସଭା ହୋଇଯାଉ ବୋଲି ସମସ୍ତେ ନୀରବ ସମର୍ଥନ ଦେଇଥିବା ଦେଖା ଯାଇଥିଲା।

ପରବର୍ତ୍ତୀ ସମୟରେ ଭବାନୀପାଟଣା ଜଗନ୍ନାଥ ମନ୍ଦିର ଠାରେ ଜିଲ୍ଲା ସ୍ତରର ବ୍ରାହ୍ମଣ ସମାଜ ଗଠନ ହେବା ସମୟରେ ସେହି ପଦବୀ ଆଶାୟୀ ମାନେ ନିଜ ହାତ ମୁଠାରେ ଧର୍ମଗଡ ଉପଖଣ୍ଡ ସମାଜ ପରିଚାଳିତ ହେଉଥିବା ଦର୍ଶାଇ ନିଜେ ନିଜେ ପଦବୀ ହାସଲ କଲେ ଏବଂ ନିଜ ପସନ୍ଦ ମୁତାବକ ଲୋକଙ୍କୁ ସାମିଲ କରିନେଲେ। ଯାହା ଫଳରେ କୋକସରା ବ୍ଲକ, ଜୟପାଟଣା ବ୍ଲକ, କେଶିଙ୍ଗା ବ୍ଲକ, ଚାରବାହାଲ ବ୍ଲକ ଆଦି ଅଞ୍ଚଳରେ ସ୍ବତନ୍ତ୍ର ବ୍ରାହ୍ମଣ ସମାଜ ଗଠନ କରି ସରକାରଙ୍କ ଠାରେ ପଞ୍ଜୀକୃତ କରିଥିବାର ଜଣାପଡିଛି।

ଏପରିକି ଧରମଗଡ ଠାରେ ସ୍ବତନ୍ତ୍ର ଭାବେ ପର୍ଶୁରାମ ସେନା ଗଠନ କରାଯାଇ ବିଭୀନ୍ନ କାର୍ଯ୍ୟକ୍ରମ କରୁଥିବାର ଦେଖା ଯାଉଛି। ଦୁଇ ବର୍ଷ ପାଇଁ କଳାହାଣ୍ଡି ବ୍ରାହ୍ମଣ ସମାଜ ଗଠନ କରାଯାଇ ଥିବା କୁହା ଯାଉଥିବା ବେଳେ ଅଦ୍ୟାବଧି କଳାହାଣ୍ଡି ଜିଲ୍ଲାର ସମସ୍ତ ବ୍ରାହ୍ମଣ ପରିବାର କୁ ସାମିଲ କରାଯାଇ ନଥିବା ରୁ ଅସନ୍ତୋଷ ପ୍ରକାଶ ପାଇବାରେ ଲାଗିଛି।

ଅତୀତରେ ଉପଖଣ୍ଡ କମିଟିକୁ ଉଦ୍ଦେଶ୍ୟ ମୂଳକ ଭାବେ ହାଇଯାକ କରିଥିବା ସେହି ପଦବୀ ଆଶାୟୀ ବ୍ୟକ୍ତି ବିଶେଷ ମାନେ ୨୦୧୮- ମହାସଭା ର ଆୟ ବ୍ୟୟ ହିସାବ ଅଦ୍ୟାବଧି ସାର୍ବଜନୀନ କାରଣ ଥିବା ବେଳେ ସେମାନେ ପଦବୀ ଜାବୋଡି ଧରି ଏବେ ନୀରବ ରହୁ ଥିବା ଦେଖା ଯାଉଛି। ବର୍ତ୍ତମାନ ସେମାନଙ୍କ ଇଙ୍ଗିତରେ ସେମାନଙ୍କ ଦ୍ବାରା ନିଯୁକ୍ତ କର୍ମକର୍ତ୍ତା ମାନଙ୍କ ମାଧ୍ୟମରେ କାର୍ଯ୍ୟ ହାସଲ କରି ପଦବୀ ସୁରକ୍ଷିତ ପାଇଁ ପ୍ରୟାସ କରୁଥିବାର ଆଲୋଚନା ହେଉଛି। ଗତ ବର୍ଷ ଜୁନାଗଡ ଠାରେ ଶର୍ମା ବ୍ରାହ୍ମଣ ମାନେ ଆକର୍ଷଣୀୟ ଭାବେ ପର୍ଶୁରାମ ଜୟନ୍ତୀ ପାଳନ କରିଥିବା ବେଳେ ସେମାନଙ୍କୁ କାବୁ କରି ନିଜ କବଜାରେ ରଖିବାର ଯୋଜନା କରି ବ୍ରାହ୍ମଣ ସମାଜ ତରଫରୁ ପ୍ରଥମ କରି ଏବର୍ଷ ଜୁନାଗଡ ଠାରେ ପର୍ଶୁରାମ ଜୟନ୍ତୀ ପାଳନ କରିବାର ଯୋଜନା କରିଥିବା ଜଣାପଡିଛି।

ଅନ୍ୟପକ୍ଷରେ ସମ୍ପୃକ୍ତ ଗୋଷ୍ଠୀ ତରଫରୁ ନିଯୁକ୍ତ ବ୍ଲକ ସଭାପତି ଓ ସମ୍ପାଦକ ନିଜକୁ ଶୁହାଇବା ଭଳି ଲୋକଙ୍କୁ ସାମିଲ କରୁଥିବା ବେଳେ ସ୍ପଷ୍ଟ ଭାବେ ସ୍ବର ଉତ୍ତୋଳନ କରୁଥିବା ଲୋକଙ୍କୁ ବାଦ ଦେବାକୁ ସିଧା ସଳଖ ପ୍ରକାଶ କରୁଥିବା ଆଲୋଚନା ହେଉଛି। ବ୍ରାହ୍ମଣ ସମାଜ କାହାର ପୈତୃକ ସମ୍ପତି ନୁହେ କି କାହାର ଜମିଦାରୀ ନୁହେ, କେତେ ଜଣ ଚାହିଲେ ଏକ ସଙ୍ଗଠନ ହେଲା ଭଳି ସଂଖ୍ୟା କୁ ଆଧାର କରା ନ ଯାଇ ଅନେକ ବ୍ରାହ୍ମଣ ସଂଗଠନ ହୋଇପାରିବ ବୋଲି ବୁଦ୍ଧିଜୀବି ମହଲରେ ଆଲୋଚନା ହେଉଛି।

ଅନ୍ୟ ପକ୍ଷରେ ଏହି ସଂଗଠନ ହୁଏତ ରାଜ ନୈତିକ ଉଦ୍ଦେଶ୍ୟ ରେ ଗଠିତ ହୋଇଥାଇପାରେ ତେଣୁ ସେମାନଙ୍କୁ ଶୁହାଇବା ଭଳି ଲୋକଙ୍କୁ ସାମିଲ କରୁଥିବା ଆଲୋଚନା ହେଉଛି। ଯଦିଓ ସଂଗଠନ କରୁଛ ତେବେ ସମସ୍ତଙ୍କୁ ସାମିଲ କରି ସାମୁହିକ ଭାବରେ ସଂଗଠନ କରାଯାଉ ବୋଲି ମତ ପ୍ରକାଶ ପାଇବାରେ ଲାଗିଛି। ସମସ୍ତ ଙ୍କୁ ସାଙ୍ଗରେ ଧରି ସମାଜ କୁ ଆଗେଇ ନେବା ହିଁ ବ୍ରାହ୍ମଣର ଧର୍ମ ହେବା ଉଚିତ କିନ୍ତୁ ଏହି ସଂକୀର୍ଣ୍ଣ ମନୋଭାବ ଧରି ମାନେ ସମାଜ କୁ ବ୍ୟକ୍ତିଗତ ସମ୍ପତି ଭାବି ଖଣ୍ଡା ବିଖଣ୍ଡିତ କରିବାର ପରୋକ୍ଷ ରେ ଯୋଜନା କରୁଛନ୍ତି ବୋଲି ବୁଦ୍ଧି ଜୀବି ମହଲରେ ଆଲୋଚନା ହେଉଛି।

Categories
ଆଜିର ଖବର ବ୍ୟବସାୟ ରାଜ୍ୟ ଖବର

ଜୁନାଗଡ଼ ଓ ଜୟପୁର ସହରରେ ଭାରତର ସର୍ବବୃହତ୍ ଫ୍ୟାଶନ ଡେଷ୍ଟିନେସନ ଟ୍ରେଣ୍ଡ୍‌ସର ନୂଆ ଷ୍ଟୋର ଶୁଭାରମ୍ଭ

ଭୁବନେଶ୍ୱର: ଭାରତର ବୃହତମ ତଥା ଦିନକୁ ଦିନ ଦ୍ରୁତଗତିରେ ବୃଦ୍ଧି ପାଉଥିବା ରିଲାଏନ୍ସ ରିଟେଲ୍ ର ଆପାରେଲ ଏବଂ ଆସେସୋରୀ ସ୍ପେଶାଲିଟି ଚେନ୍ ଟ୍ରେଣ୍ଡ୍‌ସ ଓଡ଼ିଶାର କଳାହାଣ୍ଡି ଜିଲ୍ଲାର ଜୁନାଗଡ଼ ଓ କୋରାପୁଟ ଜିଲ୍ଲାର ଜୟପୁର ସହରରେ ନୂଆ ଷ୍ଟୋର ଶୁଭାରମ୍ଭ କରିଛି।

ଟ୍ରେଣ୍ଡ୍‌ସ ବାସ୍ତବରେ ଭାରତର ଫ୍ୟାଶନ କ୍ଷେତ୍ରକୁ ଲୋକାଭିମୁଖି କରି ଫ୍ୟାଶନରେ ଗଣତନ୍ତ୍ରର ବିକାଶ କରିଛି। ଏହା ଭାରତର ଗ୍ରାହକଙ୍କ ସହ ସମ୍ପର୍କ ସୁଦୃଢ କରିଛି ଏବଂ ମେଟ୍ରୋ, ମିନି ମେଟ୍ରୋଠାରୁ ଆରମ୍ଭ କରି ଟିୟର ୧, ଟିୟର ୨ ସହର ଏବଂ ଆହୁରି ଅଧିକ ସ୍ଥାନରେ ଭାରତୀୟ ଉପଭୋକ୍ତାଙ୍କ ନିକଟରେ ପହଂଚିଛି ଏବଂ ଭାରତର ପସନ୍ଦଯୋଗ୍ୟ ଫ୍ୟାଶନ ଶପିଂ ଡେଷ୍ଟିନେସନ ପାଲଟିଛି।

ଜୁନାଗଡ଼ ଓ ଜୟପୁର ସହରର ନୂଆ ଟ୍ରେଣ୍ଡ୍‌ସ ଷ୍ଟୋର ଦ୍ୱୟରେ ମଡର୍ଣ୍ଣ ଲୁକ୍ ସହିତ ଉନ୍ନତ ପରିବେଶ ରହିଛି। ଏଥିସହିତ ସ୍ଥାନୀୟ ଗ୍ରାହକମାନଙ୍କ ମନଲାଖି ଉଚ୍ଚମାନର ଆକର୍ଷଣୀୟ ଫ୍ୟାଶନ ମର୍ଚ୍ଚାଣ୍ଡାଇଜ ସମ୍ଭାର ଓ ସୁଲଭ ମୂଲ୍ୟ ଉକ୍ତ ଷ୍ଟୋରକୁ ଅଧିକ ଆକର୍ଷଣୀୟ କରି ତୋଳିଛି। ସ୍ଥାନୀୟ ଅଂଚଳର ଗ୍ରାହକମାନେ ଏବେ ଟ୍ରେଣ୍ଡି ୱିମେନ ୱିୟର, ମେନ୍ସ ୱିୟର, କିଡ୍‌ସ ୱିୟର ଏବଂ ଫ୍ୟାଶନ ଆସେସୋରିଜ ଅତି ସ୍ୱତନ୍ତ୍ର ମୂଲ୍ୟରେ ଚମତ୍କାର କିଣାକିଣି ଅନୁଭୂତି ସହିତ ଏହି ଷ୍ଟୋର ଦ୍ୱୟରେ ପାଇପାରିବେ।

ଜୁନାଗଡ଼ ସହରରେ ୭୦୦୦ ବର୍ଗଫୁଟ ଓ ଜୟପୁର ସହରରେ ୧୦୦୦୦ ବର୍ଗଫୁଟ ଅଂଚଳରେ ଖୋଲିଥିବା ନୂଆ ଷ୍ଟୋରଦ୍ୱୟ ଉଭୟ ଜୁନାଗଡ଼ ଓ ଜୟପୁର ସହରର ପ୍ରଥମ। ଏହି ଷ୍ଟୋର୍ ଦୁଇଟିରେ ଗ୍ରାହକମାନଙ୍କ ପାଇଁ ସ୍ୱତନ୍ତ୍ର ଉଦଘାଟନୀ ଅଫର ସହିତ ଆକର୍ଷଣୀୟ ଫ୍ୟାଶନ ଓ ଲୋଭନୀୟ ମୂଲ୍ୟର ବ୍ୟାପକ ସମ୍ଭାର ରହିଛି। ୩୯୯୯ ଟଙ୍କାର ବଛାବଛା ସାମଗ୍ରୀ କିଣାକିଣି ସହିତ ମାତ୍ର ୨୪୯ ଟଙ୍କାରେ ଏକ ଆକର୍ଷଣୀୟ ଉପହାର ପାଇପାରିବେ। କେବଳ ସେତିକି ନୁହେଁ, ୩୯୯୯ ଟଙ୍କାର କିଣାକିଣି ଉପରେ ଗ୍ରାହକମାନେ ୨୦୦୦ ଟଙ୍କା ମୂଲ୍ୟର କୁପନ ସଂପୂର୍ଣ୍ଣ ମାଗଣାରେ ପାଇପାରିବେ।

ତେଣୁ ଅନନ୍ୟ ଫ୍ୟାଶନ୍ ସପିଙ୍ଗ୍ ଅନୁଭୁତି ପାଇଁ ପ୍ରକୃଷ୍ଟ ସ୍ଥଳ ପାଲଟିଛି ଜୁନାଗଡ଼ ଓ ଜୟପୁର ସହରରେ ଖୋଲିଥିବା ନୂଆ ଟ୍ରେଣ୍ଡ୍‌ସ ଷ୍ଟୋର୍।

Categories
ଆଜିର ଖବର ରାଜ୍ୟ ଖବର

ଜୁନାଗଡ଼: ତୃତୀୟ ଦିନରେ ଆମରଣ ଅନଶନ, ଧାରଣାରେ ବସିଲେ ପୂର୍ବତନ ସାଂସଦ ଅର୍କକେଶରୀ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ଜୁନାଗଡ଼ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଉପଖଣ୍ଡ ସ୍ତରୀୟ ଡାକ୍ତରଖାନା ମାନ୍ୟତା ଓ ମେଡ଼ିସିନ ଓ ସୁର୍ଜରୀ ବିଶେଷଜ୍ଞ ଡାକ୍ତର ଅତିଶୀଘ୍ର ନିଯୁକ୍ତି ଦାବୀନେଇ ଜୁନାଗଡ଼ ସଚେତନ ସଂଗ୍ରାମ ସମିତି ତରଫରୁ ସ୍ଥାନୀୟ ଡାକ୍ତର ଖାନା ସମ୍ମୁଖରେ ଆମରଣ ଅନଶନ ତୃତୀୟ ଦିନରେ ପହଁଚିଛି। ଏହାକୁ ସମର୍ଥନ ଜଣାଇ ଧାରଣାରେ ବସିଲେ ପୂର୍ବତନ ସାଂସଦ ଅର୍କକେଶରୀ ଦେଓ। ଅନ୍ୟପକ୍ଷରେ କୌଣସି ଜନପ୍ରତିନିଧି କିମ୍ବା ଜିଲ୍ଲା ପ୍ରଶାସନିକ ଅଧିକାରୀଙ୍କ ଉପସ୍ଥିତ ନ ରହିବାରୁ ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।

ଅନସନକୁ ସମର୍ଥନ ଜଣାଇ ବିଭିନ୍ନ ସଂଗଠନର କର୍ମକର୍ତ୍ତା ସାମିଲ ହେଉଥିବା ବୃଦ୍ଧି ପାଉଛି। ଏପଟେ ଆମରଣ ଅନସନରେ ବସିଥିବା ଜୁନାଗଡ଼ ସଚେତନ ସଂଗ୍ରାମ ସମିତି ତରଫରୁ ପୂର୍ବତନ ବ୍ଲକ ଅଧକ୍ଷ୍ୟ ରଶ୍ମିରଞ୍ଜନ ନାୟକଙ୍କ ଏବଂ ପ୍ରଭାତ ଦାସଙ୍କ ସ୍ୱାସ୍ଥ୍ୟବସ୍ତା ବିଗିଡିବାରେ ଲାଗିଛି। ତାଙ୍କ ସ୍ଵାସ୍ଥ୍ୟ ଅବସ୍ଥା ଡାକ୍ତର ଆସି ପରୀକ୍ଷା କରି ଥିବାବେଳେ ଗତ ରାତ୍ରିରେ ବର୍ଷା ଯୋଗୁଁ ବାରଣ୍ଡାରେ ଆଶ୍ରୟ ନେଇଥିଲେ।

ପ୍ରକାଶ ଯେ, ଏହି ଡାକ୍ତର ଖାନା ସମ୍ମୁଖରେ ଗୁରବାର ପୂର୍ବାହ୍ନରୁ ଆମରଣ ଅନଶନ ଜାରି ରହିଛି। ଏଣୁ ଏହି ଡାକ୍ତରଖାନାକୁ ଉପଖଣ୍ଡସ୍ତରୀୟ ଡାକ୍ତରଖାନାକୁ ଉନ୍ନିତ କରିବା ସହ ଏହି ସ୍ୱାସ୍ଥ୍ୟ କେନ୍ଦ୍ରରେ ମେଡ଼ିସିନ, ସର୍ଜରୀ, ଆନେସ୍ଥେସିୟା ବିଶେଷଜ୍ଞ ଡାକ୍ତର ଅତିଶୀଘ୍ର ନିଯୁକ୍ତି କରିବା ପାଇଁ ଦାବୀ କରାଯାଇଛି। ଏହାକୁ ପୂର୍ଣ୍ଣ ସମର୍ଥନ କରି ବିଭିନ୍ନ ସଂଗଠନର କର୍ମକର୍ତ୍ତା ଧାରଣାରେ ସାମିଲ ହୋଇଛନ୍ତି। ସେଥିମଧ୍ୟରୁ ଅଲଓଡ଼ିଶା ସିଡୁଲକାଷ୍ଟ ଫେଡରେସନରୁ ଯତୀନ୍ଦ୍ର କର, ନାଗରିକ କମିଟିରୁ ଅଶୋକ ପାତ୍ର, ବରିଷ୍ଠ ନାଗରିକ ଈଶ୍ୱର ପୂଝାରୀ, ଯୁଗଳ ନାଏକ, କଂଗ୍ରେସ ଜିଲ୍ଲା ସମ୍ପାଦକ ଚିତ୍ତରଞ୍ଜନ ନିଆଳ, ଗୋପବନ୍ଧୁ ସେବାସଂସ୍ଥାର ରମେଶ ନାୟକ, ସାମ୍ବାଦିକ ସଂଘରୁ ହିମାଂଶୁ ବରାଡ଼, ନରେନ୍ଦ୍ର କ୍ଷୀତୀ, ସନ୍ତୋଷ ସିଂହଦେଓ, ରବି ସୁନାନୀ, ଉତ୍ତମ ଦାସ, ଉଗ୍ରେସନ କନ୍ଦପାନ, ବିଭୁପ୍ରସାଦ ପାଢ଼ୀ, ସ୍ବେଚ୍ଛାସେବୀ ବିଶ୍ୱନାଥ କର ଏବଂ ସଂଗ୍ରାମୀ ନେତା କୁବଳେଶ୍ୱର ପାଣିଗ୍ରାହୀ, ଅନୀଲ ପଣ୍ଡା, ସିପିଆଇରୁ ଦାମୋଦର ବେହେରା, ଶ୍ରମିକ ସଂଗଠନରୁ ବିରଞ୍ଚି ପଣ୍ଡା, ନିର୍ମଳ ମହାନ୍ତି, ବେଦପ୍ରକାଶ ଗୋଏଲ, ଯୁଧିଷ୍ଠିର ଦଣ୍ଡସେନା ଏବଂ ଅନେକ ସଂଗଠର କର୍ମକର୍ତ୍ତା ସମର୍ଥନ ଜଣାଇ ପ୍ରତିଦିନ ସାମିଲ ହୋଇଛନ୍ତି।

ଏହିସବୁ ଦାବୀ ପୂରଣ ପାଇଁ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ, ରାଜ୍ୟ ମୁଖ୍ୟସଚିବ, ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ, ସ୍ୱାସ୍ଥ୍ୟ ସଚିବ, କଳାହାଣ୍ଡି ଜିଲ୍ଲାପାଳ, ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ସ୍ଥାନୀୟ ବିଭିନ୍ନ ସଂଗଠନର କର୍ମକର୍ତ୍ତା ଟୁଇଟ କରି ଦାବୀ କରିଛନ୍ତି। ଦାବୀ ପୂରଣ ନହେବା ପର୍ଯ୍ୟନ୍ତ ଏହି ଅନଶନ ଅନିର୍ଦ୍ଧିଷ୍ଟ ସମୟ ପାଇଁ ଜାରି ରହିବ ବୋଲି ସଂଗ୍ରାମ ସମିତି ପକ୍ଷରୁ ଚରମ ଚେତାବନୀ ଦିଆଯାଇଛି।

Categories
ଆଞ୍ଚଳିକ

ଜୁନାଗଡ: ପାଣି ପଞ୍ଚାୟତ ପକ୍ଷ ପାଳନ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ ଜଳସମ୍ପଦ ବିଭାଗ ପରିସରରେ ଠାରେ ଉପର ଇନ୍ଦ୍ରାବତୀ ଦକ୍ଷିଣ କେନାଲ ବିଭାଜନ ସ୍ତରୀୟ ସମାରୋହ ଆୟୋଜିତ୍ ହୋଇଯାଇଛି। ଏହି ପାଣି ପଂଚାୟତ ପାଳନ ପକ୍ଷ ଅବସରରେ ଇନ୍ଦ୍ରାବତୀ ଦକ୍ଷିଣ କେନାଲ ଉପଖଣ୍ଡ ନମ୍ବର ୨, ଭବାନୀପାଟଣା ବ୍ଲକ ଓ କେସିଙ୍ଗା ବ୍ଲକ ୩୬ ଗୋଟି ପାଣି ପଞ୍ଚାୟତ ସଦସ୍ୟ ଉପସ୍ଥିତ ଥିଲେ।

ଏହି ସମାରୋହରେ ମୁଖ୍ୟ ଅତିଥି ଭାବେ ଜୁନାଗଡ ବ୍ଲକ ଅଧ୍ୟକ୍ଷା ସବିତା ମେହେର ମୂଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଆକାଂକ୍ଷା ଖର୍ସେଲ (AEE), ଅଶୋାକ କୁମାର ସାହୁ, ମୁଖ୍ୟ ବକ୍ତା ଭାବେ କୃଷି ଜ଼ିଲ୍ଲା ଅଧିକାରୀ ନାରାୟଣ ଉପାଧ୍ୟାୟ, ନିତ୍ୟାନନ୍ଦ ପ୍ରଧାନ (AE), ହିମାନଚଳ ବେହେରା (AE) ପ୍ରମୁଖ ଯୋଗଦାନ କରିଥିଲେ। ସଭାରେ ନୃସିଂହ ପ୍ରସାଦ ମହାନ୍ତି (AE) ସଭାପତିତ୍ଵ କରିଥଲେ। ଆଗାମୀ ଦିନ ରେ ୧୫୨୬୦ ହେକ୍ଟର ଜମିକୁ ପାଣି ଯୋଗଇଦେବାକୁ ଯୋଜନା ରହିଛି ବୋଲି ଶ୍ରୀ ସାହୁ ପ୍ରକାଶ କରିଥିଲେ।

Categories
ଆଜିର ଖବର ରାଜ୍ୟ ଖବର

ଜୁନାଗଡ଼ ଠାରେ କଳାହାଣ୍ଡି ବିକାଶ ପରିଷଦ ପକ୍ଷରୁ କ୍ରାନ୍ତିଶୋଭା ଯାତ୍ରା

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ଭାରତୀୟ ସ୍ଵାଧିନତା ସଂଗ୍ରାମର ମହାନାୟକ ନେତାଜୀ ସୁବାଷ ଚନ୍ଦ୍ର ବୋଷଙ୍କର ଦେଶପାଇଁ ଅବଦାନ ଅତୁଳନୀୟ। ବିଶ୍ଵଯୁଦ୍ଧ ସମୟରେ ବିଦେଶ ଭୂମିରେ ଆଜାଦ ହିନ୍ଦ୍ ଫୌଜ୍ ଓ ଆଜାଦ୍ ହିନ୍ଦ୍ ସରକାର ଗଠନ କରି ୧୯୪୩ ମସିହା ଡିସେମ୍ବର ୩୦ ତାରିଖରେ ଭାରତର ସ୍ଵତନ୍ତ୍ରତା ଘୋଷଣା କରିଥିଲେ। ଏହା ଭାରତର ବ୍ରିଟିଶ ସରକାରଙ୍କୁ ଦୋହଲାଇ ଦେବାରେ ସମର୍ଥ ହୋଇଥିଲା।

ନେତାଜୀଙ୍କର ଏହି ପଦକ୍ଷେପକୁ ତତକାଳୀନ ବିଶ୍ଵର କିଛି ଦେଶ ସମର୍ଥନ କରିଥିଲେ। ଫଳରେ ଭାରତର ସ୍ଵାଧିନତା ପ୍ରାପ୍ତି ପ୍ରକ୍ରିୟା ଅଧିକ ତ୍ଵରାନ୍ଵିତ ହୋଇଥିଲା। ନେତାଜୀଙ୍କର ଏହି ମହାନ୍ ଆଦର୍ଶକୁ ପାଥେୟ କରି ଜନସାଧାରଣଙ୍କ ମଧ୍ୟରେ କ୍ରାନ୍ତିକାରୀ ଚେତନା ଜାଗ୍ରତ ନିମନ୍ତେ ଏକ କ୍ଷୁଦ୍ର ପ୍ରୟାସ କରୁଛି କଳାହାଣ୍ଡି ବିକାଶ ପରିଷଦ।

ଚଳିତ ଡିସେମ୍ବର ୩୦ ତାରିଖରଠାରୁ କଳାହାଣ୍ଡି ଜିଲ୍ଲା ଭବାନୀପାଟଣା ଠାରେ ବିକାଶ ପରିଷଦ ପକ୍ଷରୁ କ୍ରାନ୍ତି ଦିବସ ପାଳନ କରିବା ବ୍ୟବସ୍ଥା କରାଯାଇଥିବା ସୂଚନା ମିଳିଛି। ଏହି ଦିନ ଠାରୁ କ୍ରାନ୍ତିଯାତ୍ରା ଜିଲ୍ଲାର ୧୮ଟି ବ୍ଲକକୁ ଡକ୍ଟର ସୁନିତୀ ମୁଣ୍ଡ ପରିକ୍ରମା କରୁଛନ୍ତି।ଜନସାଧାରଣଙ୍କୁ ସେମାନଙ୍କ ସାମ୍ବିଧାନିକ ଅଧିକାର ଓ କର୍ତ୍ତବ୍ୟ ପ୍ରତି ସଚେତନ କରାଇବ।ଯେଉଁଥିରେ ସମସ୍ତେ ସକ୍ରିୟ ସହଭାଗିତା ଜଣେ ସଚେତନ ନାଗରିକ ଭାବରେ ଯୋଗଦେଇ ପାରିବେ।

ଏହି ପରିପେକ୍ଷୀରେ ତା ୧୪/୦୧/୨୦୨୩ରିଖ ଶନି ବାର ଦିନ କଳାହାଣ୍ଡି ଜିଲ୍ଲା ଜୁନାଗଡ ବ୍ଳକ ଲଙ୍କେସ୍ୱରୀ ମନ୍ଦିର ଠାରୁ ବ୍ଲକ୍ ଅଫିସ୍ ପର୍ଯ୍ୟନ୍ତ ଏହି କ୍ରାନ୍ତି ଯାତ୍ରା ପରିକ୍ରମା କରିଥିଲେ। ଏହି କ୍ରାନ୍ତିଯାତ୍ରା କଲାହାଣ୍ଡି ବିକାଶ ପରିଷଦର ଅଧ୍ୟକ୍ଷା ଡ: ସୁନୀତି ମୁଣ୍ଡଙ୍କ ନେତୃତ୍ବରେ ଆୟୋଜିତ ହୋଇଥିଲା। ପଦଯାତ୍ରା ରାଲିରେ ବିରଞ୍ଚି ପଣ୍ଡା, ବେଦ ପ୍ରକାଶ ଗୋୟେଲ, ପ୍ରବୀଣ ଗୋଏଲ, ପ୍ରମୋଦ ବେହେରା, କଇଳାସ ଖେମକା, ହେମନ୍ତ ପଂଡା, ଶିଶିର ପଟ୍ଟନାୟକ, ଉପେନ୍ଦ୍ର ପୁଝାରୀ, ପ୍ରମୋଦ ବଣିଆ, ଦୀପ୍ତି ଲୋଚନ ମୁଣ୍ଡ୍, ଶଶାଙ୍ଖ ଦାସ୍, ବବିତା ବାଗ, ଯୋଶବନ୍ତି ଧଂଗଡାମାଝୀ, ଦୀଲୀପ ଧଂଗଡାମାଝୀ, କୈଳାଶ ଚନ୍ଦ୍ର ଅଗ୍ରୱାଲ, ଚନ୍ଦନ ପାତ୍ର, ପଦ୍ମା ଶବର ପ୍ରମୁଖ ଶତାଧିକ କର୍ମୀ ଭାଗନେଇ ଥିଲେ ଜିଲ୍ଲାର ୧୮ଟି ବ୍ଲକର, ଜନସାଧାରଣଙ୍କୁ ସାମ୍ବିଧାନିକ ଅଧିକାର ଓ କର୍ତ୍ତବ୍ୟ ପ୍ରତି ସଚେତନ କରିବାକୁ ଉପସ୍ଥିତ ଜନସାଧାରଣଙ୍କୁ ଡ. ମୁଣ୍ଡ୍ ଆହ୍ଵାନ ଦେଇଥିଲେ।

ଏହା ଆସନ୍ତା ଜାନୁୟାରୀ ୨୩ ତାରିଖରେ ଉଦଯାପିତ ହେବ ବୋଲି ବିକାଶ ପରିଷଦ ପକ୍ଷରୁ ସୁଚନା ମିଳିଛି। ଏହି କ୍ରାନ୍ତିଯାତ୍ରାରେ ଜୁନାଗଡ ବ୍ଲକର ଅନେକ ବ୍ୟକ୍ତି ବିଶେଷ ସାମିଲ ହୋଇଥିଲେ।

Categories
ଆଜିର ଖବର ରାଜ୍ୟ ଖବର

ଜୁନାଗଡ ଠାରେ ଜିଲ୍ଲାପାଳ ତଥା ଆରକ୍ଷୀ ଅଧିକ୍ଷକଙ୍କ ଅଧ୍ୟକ୍ଷତା ରେ ଯୁଗ୍ମ ଜନଶୁଣାଣି ଶିବିର ଅନୁଷ୍ଠିତ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ଆଜି ଜୁନାଗଡ ପଞ୍ଚାୟତ ସମିତି ସମ୍ମିଳନୀ ଗୃହରେ ଜିଲ୍ଲାପାଳ, କଳାହାଣ୍ଡି ପି ଅନ୍ୱେଷା ରେଡ୍ଡୀ ତଥା ଆରକ୍ଷୀ ଅଧିକ୍ଷକ ଅଭିଳାଷ ଜି ଙ୍କ ଯୁଗ୍ମ ଅଧକ୍ଷତାରେ ଏକ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲା ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ଜିଲ୍ଲାପରିଷଦ ସୁଶାନ୍ତ କୁମାର ପଟେଲ, ଉପ ଜିଲ୍ଲାପାଳ ଧର୍ମଗଡ ସଚିନ ପାୱାର ପ୍ରକାଶ, ସି ଡ଼ି ଏମ୍ ଓ ଡ ରଞ୍ଜନ ମିତ୍ର, ଧର୍ମଗଡ ଏସ ଡି ପି ଓ ଫିରୋଜ ଚୋପ ଦାରଙ୍କ ସମେତ ସମସ୍ତ ଜିଲ୍ଲା ସ୍ତରୀୟ ବିଭାଗୀୟ ଅଧିକାରୀ, ପଞ୍ଚାୟତ ସମିତି ଅଧ୍ୟକ୍ଷା ସବିତା ମେହେର, ବି ଡି ଓ ଦୁଲାରାମ ମାରାଣ୍ଡି ଓ ବ୍ଲକସ୍ତରୀୟ ଅଧିକାରୀ ଉପସ୍ଥିତ ଥିଲେ।

ଏହି ଜନ ଶୁଣାଣି ଶିବିରରେ ମୋଟ ୧୬୩ଜଣ ଆବେଦନକାରୀ ନିଜର ଅଭିଯୋଗ ପତ୍ର ଦାଖଲ କରିଥିଲେ। ସେଥିମଧ୍ୟରୁ ୧୪୮ଟି ବ୍ୟକ୍ତିଗତ ସମସ୍ୟା ଅଭିଯୋଗ ଓ ୧୫ଟି ଗ୍ରାମ୍ୟ ତଥା ସାମୁହିକ ସମସ୍ୟା ସମ୍ମିଳିତ ଥିଲା। ୧୨ଟି ଅଭିଯୋଗର ସମାଧାନ ତତକ୍ଷଣାତ୍ କରାଯାଇଥିଲା।

Categories
ଆଜିର ଖବର ରାଜ୍ୟ ଖବର

ଏବିଭିପି ପକ୍ଷରୁ ଜୁନାଗଡ ଠାରେ ୧୦୦ ଫୁଟର ତ୍ରିରଙ୍ଗା ଯାତ୍ରା

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ, କଳାହାଣ୍ଡି ତରଫରୁ ଜୁନାଗଡରେ ଆଜି ଏକ ତ୍ରିରଙ୍ଗା ଶୋଭା ଯାତ୍ରା କରାଯାଇଛି। ଏହି ତ୍ରିରଙ୍ଗା ଯାତ୍ରାରେ ଏକ ୧୦୦ ଫୁଟର ତ୍ରିରଙ୍ଗାକୁ ବିଦ୍ୟାର୍ଥୀ ମାନେ ଧରି ଭାରତ ମାତାର ଜୟଗାନ କରି ଯାତ୍ରା କରିଥିଲେ।

ଏହି ଶୋଭାଯାତ୍ରା ପ୍ରିୟଦର୍ଶିନୀ ଇନ୍ଦିରା ମହାବିଦ୍ୟାଳୟରୁ ଆରମ୍ଭ ହୋଇ ଜୁନାଗଡ ବସ ଷ୍ଟାଣ୍ଡ ପର୍ଯ୍ୟନ୍ତ ଯାଇଥିଲା। ଏଥିରେ ବିଭିନ୍ନ କଲେଜରୁ ୨୦୦ ରୁ ଉର୍ଦ୍ଧ୍ଵ ଛାତ୍ରଛାତ୍ରୀ ଏବଂ ଶିକ୍ଷକ ଯୋଗ ଦେଇଥିଲେ। ଏଥିରେ ଏବିଭିପିର ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ଜୁନାଗଡ ନଗର ସମ୍ପାଦକ ସୌରଭ ମିଶ୍ର, ଯୁବ ସମାଜ ସେବି ଦିବ୍ୟ ଦୀପ, ଭୂଷଣ ମେହେର, ସଞ୍ଜୀବ ମାଝି, ଶୋଭିତା କୈବର୍ତ୍ତଙ୍କ ନେତୃତ୍ୱରେ ହୋଇଥିଲା।

ସ୍ୱାଧୀନତାର ଅମୃତ ମହୋତ୍ସବ ପାଳନ ସହିତ ପୂର୍ଣ୍ଣ ବନ୍ଦେ ମାତରଂ ଗାନ ପରେ ଯାତ୍ରା ଟି ସମାପ୍ତ ହୋଇଥିଲା। ଏକ ଗାଁ ଏକ ତ୍ରିରଙ୍ଗା ପାଇଁ ଯୋଜନା ମଧ୍ୟ ଏହି ଥିଲା। ଏହି ଯୋଜନା ମାଧ୍ୟମରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ କଳାହାଣ୍ଡି ତରଫରୁ ୨୦୦ ରୁ ଉର୍ଦ୍ଧ୍ଵ ଗ୍ରାମରେ ସ୍ୱାଧୀନତାର ଅମୃତ ମହୋତ୍ସବ ଦିନ ତ୍ରିରଙ୍ଗା ଉଡ଼ା ଯିବ ବୋଲି ଜୁନାଗଡ ନଗର ସମ୍ପାଦକ ସୌରଭ ମିଶ୍ର ପ୍ରକାଶ କରିଥିଲେ।

Categories
ଆଜିର ଖବର ରାଜ୍ୟ ଖବର

ଲଗାଣ ବର୍ଷାରେ ଜୁନାଗଡ, ଧର୍ମଗଡ ଯାତାୟତ ଠପ, ଅସ୍ଥାୟୀ ପୋଲ ଉପରେ ୨ରୁ ୩ଫୁଟ ପାଣି

 ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲାରେ ଲଗାଣ ବର୍ଷା ଯୋଗୁଁ ଅଞ୍ଚଳରେ ଜଣ ଜୀବନ ବେହାଲ ହୋଇଛି। ଧର୍ମଗଡ଼, ଜୁନାଗଡ଼ ଓ ଭବାନୀପାଟଣାକୁ ସଂଯୋଗ କରୁଥିବା ମୁଖ୍ୟ ରାଜପଥର ବସୁଲ ଓ ବଣ୍ଡାକୁଟୁରା ମଝିରେ ଥିବା ହାଲେର ଜୋର ନାଳରେ ବର୍ତ୍ତମାନ ଏକ ସ୍ଥାୟି ପୋଲ ନିର୍ମାଣ କରାଯାଉଅଛି। କିନ୍ତୁ କିଛି ଦିନ ପୂର୍ବରୁ ଲଗାଣ ବର୍ଷା ଯୋଗୁଁ ଦୁଇ ଦୁଇ ଥର ଆପ୍ରୋଚ ରୋଡ଼ ବା ଅସ୍ଥାୟୀ ପୋଲ ଭାଙ୍ଗିଯାଇ ଧୋଇ ହୋଇ ଯାଇଥିଲା।

କଳାହାଣ୍ଡିରେ ଲଗାଣ ବର୍ଷା ଯୋଗୁଁ ଗତ ସନ୍ଧ୍ୟା ଠାରୁ ଅସ୍ଥାୟୀ ପୋଲ ଉପରେ ୩ ରୁ ୪ ଫୁଟ ପାଣି ପ୍ରବାହିତ ହେଉ ଥିବା ଦ୍ୱାରା ଯାନବାହନ ଚଲା ଚଳରେ ବାଧା ସୃଷ୍ଟି ହେଉଛି। କିଛି ଦିନ ପୂର୍ବରୁ ଗମନାଗମନ ର ସୁବିଧା ଦୃଷ୍ଟିରୁ ଯୁଦ୍ଧ କାଳୀନ ଭିତ୍ତିରେ ଏହି ନାଳ କୁ ଦୁଇ ଦୁଇ ଥର ମରାମତି କରାଯାଇ ଅସ୍ଥାୟୀ ପୋଲ ନିର୍ମାଣ କରାଯାଇ ଥିଲା , କିନ୍ତୁ ଆଜି ସେହି ପୋଲ ପୁଣି ଲଗାଣ ବର୍ଷା ଯୋଗୁଁ ଧୋଇ ହେବାକୁ ବସିଲାଣି। ଯାହାଦ୍ୱାରା ଧର୍ମଗଡ଼ ,ଜୁନାଗଡ଼, ଭବାନୀପାଟଣା ରାସ୍ତା ରେ ଲୋକେ ନାହିଁ ନଥିବା ଅସୁବିଧାର ସମୁଖିନ ହେଉଥିବା ଜଣାଯାଇଛି। ଏହି ଏନ, ଏଚ,୧୩୦ କୁ ନିର୍ମାଣ କରୁଥିବା ସଂସ୍ଥା ର ଯନ୍ତ୍ରି ଓ ଏସ, ଡି,ଓ ଙ୍କ ଖାମଖିଆଳି ନୀତି ଯୋଗୁଁ ଲୋକେ ହନ୍ତସନ୍ତ ହେଉଥିବା ଲୋକେ ଅଭିଯୋଗ କରିଛନ୍ତି।

ପ୍ରଶାସନ କିମ୍ବା ନିର୍ମାଣ କାରୀ ସଂସ୍ଥା ମଧ୍ୟ ଜାଣିବା କଥା ଯେ, ବର୍ତ୍ତମାନ ବର୍ଷା ଦିନ ଚାଲିଛି।ତେଣୁ ଭଲ ଭାବରେ ଏପ୍ରୋଚ ରୋଡ଼ ତିଆରି କରିବା କଥା କିନ୍ତୁ ଖାମ ଖିଆଲି ଭାବରେ ନିମ୍ନମାନର କାର୍ଯ୍ୟ କରୁଥିବା ଯୋଗୁଁ ବର୍ତ୍ତମାନ ବର୍ଷା ହେଲେ ବାରମ୍ବାର ଭାଙ୍ଗିଯାଉଛି ଯାହା ଫଳରେ ଲୋକଙ୍କୁ ବହୁ ଅସୁବିଧା ଭୋଗିବା କୁ ପଡୁଥିବା ବେଳେ ଜନ ଅସନ୍ତୋଷ ମଧ୍ୟ ଦେଖା ଦେଇଛି।

ବର୍ତ୍ତମାନ ଦୁଇ କି.ମି ରାସ୍ତା ପାରି ହେବା ବଦଳରେ ୨୦ ରୁ ୩୦ କି ମି ଦୂର ରାସ୍ତା ଅତିକ୍ରମ କରି ବୁଲି କି ଯିବା ଆସିବା କରିବାକୁ ପଡୁଛି। ବର୍ତ୍ତମାନ ପ୍ରଶାସନ ପକ୍ଷରୁ ଉକ୍ତ ରାସ୍ତା ମଧ୍ୟ ଦେଇ ଭାରି ଯାନ ଚଳାଚଳ କୁ ବନ୍ଦ କରି ଦିଆଯାଇଅଛି। ଯଦି ସନ୍ଧ୍ୟା ପର୍ୟ୍ୟନ୍ତ ବର୍ଷା ନ ହୁଏ ତାହା ଯାନ ବାହନ ଚଲା ଚଳରେ ସ୍ୱାଭାବିକ କରି ଦିଆଯିବ ବୋଲି ଧର୍ମଗଡ଼ ତହସିଲଦାର ହରେକୃଷ୍ଣ ବରିହା ପ୍ରକାଶ କରିଛନ୍ତି।

Categories
ଆଜିର ଖବର ରାଜ୍ୟ ଖବର

ଶିକ୍ଷକ ପୂରଣ ଦାବିରେ ଆଦର୍ଶ ବିଦ୍ୟାଳୟ ସମ୍ମୁଖରେ ଛାତ୍ରଛାତ୍ରୀଙ୍କ ଧାରଣା

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ଜୁନାଗଡ଼ ସ୍ଥିତ ଆଦର୍ଶ ବିଦ୍ୟାଳୟ ଠାରେ ସ୍ଥାୟୀ ଅଧ୍ୟକ୍ଷ ଓ ଶିକ୍ଷକ ନିଯୁକ୍ତି ଦାବୀ ନେଇ ବିଦ୍ୟାଳୟ ସମ୍ମୁଖରେ ଶ୍ରେଣୀ ବର୍ଜନ କରି ଛାତ୍ରଛାତ୍ରୀ ମାନେ ଧାରଣା ଦେଇଛନ୍ତି। ଏହି ବିଦ୍ୟାଳୟ ୨୦୧୬ମସିହାରୁ ଆରମ୍ଭ ହୋଇ ବର୍ତ୍ତମାନ ଷଷ୍ଠରୁ ଦଶମ ଶ୍ରେଣୀ ଯାଏଁ ପାଠ ପଢା ହେଉଛି। ହେଲେ ଏଠାରେ ଆବଶ୍ୟକ ଶିକ୍ଷକ ପଦବୀ ପୂରଣ ହୋଇ ପାରିନି। ଏପରିକି ଏଠାରେ ସ୍ଥାୟୀ ଅଧ୍ୟକ୍ଷ ପଦ ମଧ୍ୟ ଖାଲି ଅଛି। ଏନେଇ ଅଭିଭାବକ ଓ ବିଦ୍ୟାଳୟ କର୍ତ୍ତୃପକ୍ଷ ବାରମ୍ବାର ଅଭିଯୋଗ କଲେ ମଧ୍ୟ ଏହା ପୂରଣ ହୋଇ ପାରୁ ନାହିଁ। ଏପରିକି ଏଠାରୁ ହିନ୍ଦୀ ଓ ସଂସ୍କୃତ ଶିକ୍ଷକ ଅନ୍ୟତ୍ର ବଦଳି ହୋଇ ଯାଇଥିଲେ ମଧ୍ୟ ଏଠାରେ ଏହି ଶିକ୍ଷକ ନିଯୁକ୍ତି କରାଯାଇ ନାହିଁ।

ଯାହା ଫଳରେ ଛାତ୍ରଛାତ୍ରୀମାନଙ୍କୁ ପଢ଼ିବାରେ ଅନେକ ସମସ୍ୟା ଦେଖା ଦେଇଛି। ଏଣୁ ସ୍ଥାୟୀ ଅଧ୍ୟକ୍ଷ, ପି ଜି ଟି, ଫିଜିକ୍ସ, ହିନ୍ଦୀ, ସଂସ୍କୃତ, ଆର୍ଟ, ମ୍ୟୁଜିକ ଶିକ୍ଷକ ଏବଂ କ୍ଲର୍କ ନିଯୁକ୍ତି ଦାବୀନେଇ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀ ଶ୍ରେଣୀ ବର୍ଜନ କରି ସ୍କୁଲ ଫାଟକ ସମ୍ମୁଖରେ ଧର୍ମଘଟ କରିଥିଲେ।

ପ୍ରଶାସନ ତରଫରୁ ଧର୍ମଗଡ଼ ଉପଜିଲ୍ଲାପାଳ ପାୱାର ସଚିନ ପ୍ରକାଶ ସ୍ଥାନୀୟ ତହସିଲଦାର ବେଦବ୍ୟାସ ଭୋଇ, ବିଡ଼ିଓ ଦୁଲାରାମ ମାରାଣ୍ଡି ଘଟଣାସ୍ଥଳରେ ଉପସ୍ଥିତ ହୋଇ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ। ଏଠାରେ ସ୍ଥାୟୀ ନିଯୁକ୍ତି ନ ହେବା ପର୍ଯ୍ୟନ୍ତ ଅସ୍ଥାୟୀ ଭାବେ ଶିକ୍ଷକ ବ୍ୟବସ୍ଥା କରାଯାଇ ପାଠ ପଢା ହେବ ବୋଲି ପ୍ରତିଶ୍ରୁତି ଦେବା ପରେ ଛାତ୍ରଛାତ୍ରୀ ଧର୍ମଘଟରୁ ଓହରି ଥିଲେ।

Categories
ଆଜିର ଖବର ରାଜ୍ୟ ଖବର

ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଲେ ଜୁନାଗଡର ପ୍ରଚେତା ପଣ୍ଡା

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ପ୍ରଭୁ ବଳଭଦ୍ର ମା’ ସୁଭଦ୍ରା ଓ ଜଗନ୍ନାଥ ମହାପ୍ରଭୁଙ୍କର ଉଚ୍ଚତମ ସୁନ୍ଦର ପଟ୍ଟ ଚିତ୍ର ତିଆରି କରି ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଛନ୍ତି ଜୁନାଗଡ଼ର ପ୍ରଚେତା ପ୍ରଜ୍ଞା ପଣ୍ଡା (ଶ୍ରେୟା )। ସେ ୧୪ ଇଞ୍ଚ ଲମ୍ବ ଓ ୧୮ ଇଞ୍ଚ ଚଉଡା ବିଶିଷ୍ଟ ଏହି ପଟ୍ଟ ଚିତ୍ର ଆଙ୍କିଛନ୍ତି, ଯାହା କି ଇଣ୍ଡିଆ ବୁକ ଅଫ ରେକର୍ଡ ରେ ସବୁଠୁ ଉଚ୍ଚତମ ପଟ୍ଟ ଚିତ୍ର।

ପ୍ରଚେତା ହେଉଛନ୍ତି ପୂର୍ବତନ ଇ ଟିଭି ଜ଼ିଲ୍ଲା ପ୍ରତିନିଧି ତଥା ବର୍ତ୍ତମାନ ବଡ଼ ଖବର ପ୍ରତିନିଧି ପ୍ରଶାନ୍ତ ପଣ୍ଡାଙ୍କ ଏକମାତ୍ର କନ୍ୟା। ସୁନ୍ଦର ପଟ୍ଟ ଚିତ୍ର ଆଙ୍କି ଇଣ୍ଡିଆ ବୁକ ଅଫ ରେକର୍ଡ ରେ ସ୍ଥାନ ପାଇଥିବାରୁ ତାଙ୍କୁ ଜ଼ିଲ୍ଲାର ବିଭିନ୍ନ ସ୍ଥାନରୁ ପ୍ରଶଂସାର ସୁଅ ଛୁଟୁଛି।

ଭବିଷ୍ୟତରେ ଏହିଭଳି ପଟ୍ଟ ଚିତ୍ର ଆଙ୍କି ଗିନିସ ବୁକ ଅଫ ୱାର୍ଲଡ ରେକର୍ଡରେ ସ୍ଥାନ ପାଇବା ପାଇଁ ସେ ଲକ୍ଷ୍ୟ ରଖିଛନ୍ତି। ଏହି ରେକର୍ଡର ଅଧିକାରୀ ହୋଇଥିବାରୁ ପ୍ରଚେତାଙ୍କୁ ଜୁନାଗଡ଼ ସାମ୍ବାଦିକ ସଂଘ ମଧ୍ୟ ଶୁଭେଚ୍ଛା ଜଣେଇଛି।

Categories
ଅପରାଧ ଆଜିର ଖବର ଜାତୀୟ ଖବର

କଳାହାଣ୍ଡି ଜୁନାଗଡ଼ ପୋଲିସ୍ ର ସଫଳତା, ୮ କୁଇଣ୍ଟାଲ ଗଞ୍ଜେଇ ଜବତ, ୨ ଗିରଫ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ଼ ପୁଲିସ ହାବୁଡ଼ରେ ଆଜି ଗଞ୍ଜେଇମାଫିଆ ମାନେ ଧରାପଡିଛନ୍ତି। ଆଜି ପାହାନ୍ତିଆରେ ଜୁନାଗଡ଼ ପୁଲିସ କୌଣସି ଖବର ପାଇ ଏକ ଯାତ୍ରୀ ବିହୀନ ବସକୁ ଅଟକାଇ ଥିଲେ। ବସକୁ ଥାନାକୁ ଆଣି ଯାଞ୍ଚ କରାଯିବା ସମୟରେ ଏହି ବସରେ ଥିବା ଚୋରି ଡିକିରେ ବିପୁଳ ପରିମାଣରେ ଗଞ୍ଜେଇ ଭର୍ତ୍ତି ହୋଇ ରହିଥିଲା। ଯେହେତୁ ବସଟି ଗାଡି ନଂ ୟୁପି ୭୦ ଏଫଟି ୩୯୬୯ ଗାଡି ମାଲକାନଗିରିରୁ ଉତ୍ତର ପ୍ରଦେଶ ଯାଉଥିବା ସନ୍ଧେହ ହେଉଛି।

ଅନ୍ୟ ପକ୍ଷରେ ବସ ଡ୍ରାଇଭର ଅର୍ଜୁନ ବଗର୍ତି ଓ ହେଲପର ନକୁଳ ପ୍ରଧାନ ବଲାଙ୍ଗୀର ଜିଲ୍ଲାର ବୋଲି ଜଣାପଡିଛି। ଘଟଣା ସ୍ଥଳରେ ଧର୍ମଗଡ଼ ଏସଡିପିଓ ଧୀରୋଜ କୁମାର ଚୋପଦାର, ଜୁନାଗଡ଼ ଥାନା ଅଧିକାରୀ ଉତ୍ତମ କୁମାର ସାହୁ ତଦନ୍ତ ଆରମ୍ଭ କରିଥିଲେ। ବସରୁ ଏକ କଟର ସାହାଯ୍ୟରେ କାଟି ଗଞ୍ଜେଇ ବାହାର କରାଯାଇଥିଲା। ଚୋରା ଚାଲାଣ ହେଉଥିବା ଗଞ୍ଜେଇ ୮ କୁଇଣ୍ଟାଲ ହୋଇଥିବା ବେଳେ ଏହାର ଅନୁମାନିକ ମୂଲ୍ୟ ପ୍ରାୟ ୨୪ ଲକ୍ଷ ବୋଲି ପୁଲିସ କହିଛି। ଅନ୍ୟ ପକ୍ଷରେ ଆଜି ପୁଲିସ ୨ ଜଣଙ୍କୁ ଗିରଫ କରିଛି।

Categories
ଆଜିର ଖବର ରାଜ୍ୟ ଖବର

ଜୁନାଗଡ ଆରଏମସି ଦୋଦାମରେ ନିଆଁ ଲାଗି ଅନ୍ୟୁନ ୪୦ ଲକ୍ଷ ଟଙ୍କାର ସାମଗ୍ରୀ ନଷ୍ଟ

 ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି:  କଳାହାଣ୍ଡି ଜିଲ୍ଲା ଜୁନାଗଡ ସହରରେ ନୂଆ ମାର୍କେଟୟାର୍ଡ ଭିତରେ ଥିବା ଏକ ଗୋଦାମରେ ଅଗ୍ନିକାଣ୍ଡ ଘଟିଛି। କୌଣସି କାରଣ ବଶତଃ ଉକ୍ତ ଗୋଦାମରେ ନିଆଁ ଲାଗିଯିବା ଫଳରେ ପ୍ରାୟ ୪୦ ଲକ୍ଷ ଟଙ୍କାର ସାମଗ୍ରୀ ନଷ୍ଟ ହୋଇଯାଇଥିବା ଜଣାପଡିଛି।

ସୂଚନା ଯୋଗ୍ୟ ଯେ, ଜୁନାଗଡ ସହରର ନୂଆ ମାର୍କେଟୟାର୍ଡରେ ଥିବା ଆରଏମସି ଗୋଦାମକୁ ଭଡା ନେଇ ଜଣେ ଅଣଓଡିଆ ଶିବା ରାଓ ଅଖା ବସ୍ତା ଗଚ୍ଛିତ ରଖି ବ୍ୟବସାୟ କରିଆସୁଥିଲା। ଷ୍ଟାଡିୟମ ପାଶ୍ୱର୍ରେ ଥିବା ଏହି ଗୋଦାମରେ ଗତ ବୁଧବାର ଦିନ ସଂଧ୍ୟାରେ ସାତଟା ସମୟରେ କାମସାରି ସଟର ବନ୍ଦ କରି ନିଜ ଘରକୁ ଯାଇଥିବା ବେଳେ ସେହି ଗୋଦାମରେ ନିଆଁ ଲାଗି ଯାଇଥିବା ଖବର ପାଇଥିବା ଶିବା ରାଓ ଗଣମାଧ୍ୟମ ଆଗରେ ପ୍ରକାଶ କରିଛି।

ଏ ସଂପର୍କରେ ଜୁନାଗଡ ପୋଲିସ ଖବର ପାଇ ସ୍ଥାନୀୟ ଅଗ୍ନିଶମ ବିଭାଗ ସହ ଘଟଣା ସ୍ଥଳରେ ପହଂଚି ନିଆଁକୁ ଆୟତ କରିବା ଯୋଜନା କରିଥିଲେ। ଗୋଦାମ ଭିତରେ ବସ୍ତା ଗୁଡିକରେ ନିଆଁ ଏତେ ପ୍ରଖର ଥିଲା ଯେ, ନିକଟସ୍ଥ କୋକସରା, ଭବାନୀପାଟଣା ଦମକଳ ବାହିନୀର ସହାୟତା ନେବାକୁ ପଡିଥିଲା। ତଥାପି ନିଆଁ ଆୟତ ନହେବାରୁ ଗୋଦାମର ଦକ୍ଷିଣ ପାଶ୍ୱର୍ସ୍ଥ କାନ୍ଥକୁ ଜେସିବି ମେସିନ ଦ୍ୱାରା ଭଙ୍ଗାଯାଇ ଗୋଦାମ ଭିତରକୁ ପାଣି ବର୍ଷା କରାଯାଇ ନିଆଁ ଲିଭାଯାଇଥିବା ବିଭାଗୀୟ ସୂତ୍ରରୁ ଜଣାପଡିଛି। ପ୍ରାୟ ୪୦ ଲକ୍ଷ ଟଙ୍କାର କ୍ଷୟକ୍ଷତି ହୋଇଥିବା ଗୋଦାମ ମାଲିକଙ୍କ ସୂତ୍ରରୁ ଜଣାପଡିଛି।

Categories
ଆଜିର ଖବର ରାଜ୍ୟ ଖବର

ବିଜେଡିର ମିଶ୍ରଣ ପର୍ବରେ ଯୋଗଦେଲେ ଶତାଧିକ କର୍ମକର୍ତ୍ତା

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ଼ ଠାରେ ବିଜେଡିର ମିଶ୍ରଣ ପର୍ବରେ ଯୋଗଦେଲେ ଶତାଧିକ କର୍ମକର୍ତ୍ତା। ଆସନ୍ତାକାଲି ମୁଖ୍ୟମନ୍ତ୍ରୀଙ୍କ କଳାହାଣ୍ଡି ଗସ୍ତକୁ ନେଇ ଏହି ମିଶ୍ରଣ ପର୍ବ ଆୟୋଜିତ କରାଯାଇଛି। ଆସନ୍ତାକାଲି ଭବାନୀପାଟଣା ଠାରେ ମୁଖ୍ୟମନ୍ତ୍ରୀ ଏକ ସାଧାରଣ ସଭାରେ ଯୋଗଦେଇ କଳାହାଣ୍ଡିର ହିତାଧିକାରିମାନଙ୍କୁ ବିଜୁ ସ୍ମାର୍ଟ ହେଲଥ କାର୍ଡ ବଣ୍ଟନ କରିବା କାର୍ଯ୍ୟକ୍ରମ ରହିଛି।

ଆଜି ଜୁନାଗଡ଼ ବ୍ଲକ ମଥୁରାରୁ ଜୁନାଗଡ଼ ମିଶ୍ରଣ ପର୍ବ ସଭାସ୍ଥଳ ପର୍ଯ୍ୟନ୍ତ ବାଇକ ରେଲିରେ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଓ ଜୁନାଗଡ଼ ବିଧାୟକ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କ ନେତୃତ୍ୱରେ ବିଶାଳ ମଟର ସାଇକେଲ ରେଲି ଆସିଥିଲେ। ଏହି ମିଶ୍ରଣ ପର୍ବରେ କଳାହାଣ୍ଡି ଜିଲ୍ଲା କଲମପୁର, କୋକସରା, ଜୁନାଗଡ଼ ତଥା ବିଭିନ୍ନ ବ୍ଲକରୁ ବିଭିନ୍ନ ରାଜନୈତିକ ଦଳରୁ ଶତାଧିକ କର୍ମକର୍ତ୍ତା ବିଜେଡିରେ ଯୋଗ ଦେଇଛନ୍ତି।

ଏହି କାର୍ଯ୍ୟକ୍ରମରେ ଜିଲ୍ଲା ସଭାପତି ପୁଷ୍ପେନ୍ଦ୍ର ସିଂଦେଓ ରାଜ୍ୟ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଗୃହ ରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର, ଧର୍ମଗଡ଼ ବିଧାୟକ ମୌଷଧି ବାଗ, ଲାଞ୍ଜିଗଡ଼ ବିଧାୟକ ପ୍ରଦୀପ ଦିଶାରୀ, ରାଜ୍ୟ ସଭା ସଦସ୍ୟ ସୁଜିତ୍ କୁମାର ସମେତ ଅନ୍ୟ କାର୍ଯ୍ୟକର୍ତ୍ତାଙ୍କ ଉପସ୍ଥିତରେ ଶତାଧିକ ଜନ ପ୍ରତିନିଧି ସମେତ ଶତାଧିକ ସାଧାରଣ ଲୋକ ବିଜେଡି ରେ ଯୋଗ ଦେଇଥିଲେ। ଜୁନାଗଡ଼ ବିଧାୟକ ତଥା ମନ୍ତ୍ରୀଙ୍କ ଜନହିତକର କାର୍ଯ୍ୟ ଏବଂ ଲୋକ ସମ୍ପର୍କ ବୃଦ୍ଧି ହେତୁ ବିରୋଧିଙ୍କ ଚକ୍ଷୁ ଶୂଳ ହେବାକୁ ପଡୁଛି ବୋଲି ମତ ପ୍ରକାଶ ପାଇଥିଲା।

କାର୍ଯ୍ୟକ୍ରମରେ ଆଇନ ଶୃଙ୍ଖଳା ଦୃଷ୍ଟିରୁ କଳାହାଣ୍ଡି ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରା ଯାଇଥିବା ବେଳେ ହଜାର ହଜାର ଜନ ସାଧାରଣ ଏହି କାର୍ଯ୍ୟକ୍ରମ ରେ ଯୋଗ ଦେଇଥିବା ଦେଖିବାକୁ ମିଲିଛି।

Categories
ଆଜିର ଖବର ରାଜ୍ୟ ଖବର

ଜୁନାଗଡ ସିଡବଲ୍ୟୁସି ଗୋଦାମରେ ଶ୍ରମିକଙ୍କ ଇପିଏଫ ଟଙ୍କା ବାଟମାରଣା ଅଭିଯୋଗ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡସ୍ଥିତ କେନ୍ଦ୍ରିୟ ପଣ୍ୟାଗାର ( ସିଡବଲ୍ୟୁସି ଗୋଦାମ) ରେ ଶ୍ରମିକ ମାନଙ୍କ ଇପିଏଫ ଟଙ୍କା ବାଟମାରଣା ହେଉଥିବା ଅଭିଯୋଗ ହୋଇଛି। ଗୋଦାମରେ ଚାଉଲ ଅନଲୋଡିଂ ପାଇଁ ବସ୍ତା ପିଛା ୩ ଟଙ୍କା ଏବଂ ରେକ ରେ ଚାଉଳ ପଠାଇବା ପାଇଁ ବସ୍ତା ପିଛା ୪ ଟଙ୍କା ହିସାବରେ ମଜୁରୀ ଦିଆଯାଉଥିବା ଶ୍ରମିକ ମାନଙ୍କ ସୂତ୍ରରୁ ପ୍ରକାଶ।

ସିଡବଲ୍ୟୁସି ଦ୍ୱାରା ନିଯୁକ୍ତପ୍ରାପ୍ତ ଶ୍ରମିକ ଠିକାଦାର ପ୍ରତି ମାସରେ ଶ୍ରମିକ ମାନଙ୍କ କାର୍ଯ୍ୟ ଅନୁସାରେ ହିସାବ କରି ବେଙ୍କ ପାଶ ବୁକରେ ଶ୍ରମିକ ମାନଙ୍କ ମଜୁରୀ ଦେଉଥିବା କୁହାଯାଉଥିବା ବେଳେ ସେହି ପାଶବୁକରୁ ଶ୍ରମିକ ମାନେ ସେମାନଙ୍କ ଉପସ୍ଥିତି ଅନୁସାରେ ନିଜ ନିଜ ପ୍ରାପ୍ୟ ନେଉଥିବା ପ୍ରକାଶ। ସଂପୃକ୍ତ ଶ୍ରମିକ ଠିକାଦାର ପକ୍ଷରୁ ଶ୍ରମିକ ମାନଙ୍କ ଇପିଏଫ ପାଇଁ ମଜୁରୀ ଟଙ୍କା ମଧ୍ୟରୁ ଶତକଡା ୧୨ ଟଙ୍କା ଲେଖାଏଁ କାଟିକରି ରଖୁଥିବା ବେଳେ ସେହି ଟଙ୍କା ଶ୍ରମିକ ମାନଙ୍କ ଇପିଏଫ ଆକାଉଂଟରେ ଡିପୋଜିଟ କରୁନଥରବା ଶ୍ରମିକ ମାନେ ଅଭିଯୋଗ କରୁଛନ୍ତି।

ଏସଂପର୍କରେ ସଂପୃକ୍ତ ଶ୍ରମିକ ଠିକାଦାର ସଠିକ ତଥ୍ୟ ପ୍ରକାଶ କରୁନଥିବା ବେଳେ ପାଲଟା ଭାବେ ଗଣମାଧ୍ୟମ ପ୍ରତିନିଧି ମାନଙ୍କୁ କାହିଁକି ଏସବୁ ପଚାରୁଛନ୍ତି ବୋଲି କହୁଛନ୍ତି। ବୁଧବାର ଦିନ ସିଡବଲ୍ୟୁସି ଗୋଦାମ ଠାରୁ ରାସ୍ତା ଉପରେ ତହସିଲ ଅଫିସ ପର୍ଯ୍ୟନ୍ତକୁ ଚାଉଲ ଟ୍ରକ ଠିଆ ହୋଇରହିଥିଲେ ହେଁ ଶ୍ରମିକ ଅଶାନ୍ତି ଯୋଗୁଁ ସେସବୁ ଅନଲୋଡିଂ ହୋଇନଥିବା ଜଣାପଡିଛି।

ଇପିଏଫ ଆକାଉଂଟରେ ଶ୍ରମିକ ମାନଙ୍କ ତରଫରୁ ଯେତେ ଟଙ୍କା ଡିପୋଜିଟ ହେବ ସରକାର ସେତିକି ଟଙ୍କା ସେହି ଆକାଉଂଟରେ ଡିପୋଜିଟ ଦେବାର ନିୟମ ଥିବା ବେଳେ ଯଦିଓ ଶ୍ରମିକ ଠିକାଦାର ଶ୍ରମିକ ମାନଙ୍କ ଆକାଉଂଟରେ ସଠିକ ପରିମାଣର ଟଙ୍କା ଡିପୋଜିଟ କରିନାହାନ୍ତି ତେବେ ସେତିକି ପରିମାଣର ଟଙ୍କା ପାଇବାରେ ଶ୍ରମିକ ମାନେ ବଂଚିତ ହୋଇଯିବାର ଆଶଙ୍କା ରହିଛି ବୋଲି କୁହାଯାଉଛି।

ଏସଂପର୍କରେ ସଂପୃକ୍ତ ଠିକାଦାର ସଠିକ ତଥ୍ୟ ଦେବାର ଦୂରର କଥା ପାଲଟା ଭାବେ ଚଢା ସ୍ୱରରେ କାହିଁକି ଏସବୁ ପଚାରୁଛ ଆପକୋ କୋହି ଅଧରକାର ଦିଆ ହେଁ ବୋଲି କହୁଥିବା ଦେଖାଯାଇଥିଲା। ଯଦିଓ ଠିକଦାର ସଠିକ ବାବେ ଶ୍ରମିକ ମାନଙ୍କ ପ୍ରାପ୍ୟ ଏବଂ ଇପିଏଫ ଟଙ୍କା ଡିପୋଜିଟ କରୁଛନ୍ତି ତେବେ ସଠିକ ତଥ୍ୟ ଉପସ୍ଥାପନ କରୁନାହାନ୍ତି କାହିଁକି ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି। ଯେହେତୁ ଶ୍ରମିକ ଠିକଦାର କାହା ସହିତ ଶ୍ରମିକ ମାନଙ୍କ ପ୍ରାପ୍ୟ ସଂପର୍କରେ ଆଲୋଚନା କରିବାକୁ ର୍ପସ୍ତୃତ ହେଉନାହାନ୍ତି ତେଣୁ କରି ଶ୍ରମିକ ମଜୁରୀ ଦେବାରେ ହୁଏତ ହେରାଫେରୀ ଥାଇପାରେ ବୋଲି ଶ୍ରମିକ ମାନେ ଅନୁମାନ କରୁଥିବା ପ୍ରକାଶ। ଏସଂପର୍କରେ ଉଚ୍ଚ କର୍ତୃପକ୍ଷ ଦୃଷ୍ଟି ଦେବା ସହ ସଠିକ ତଦନ୍ତ କରାଯାଇ ଶ୍ରମିକ ମାନଙ୍କ ମଜୁରୀ ଓ ଇପିଏଫ ପ୍ରାପ୍ୟ ଯୋଗାଇଦେବାର ବ୍ୟବସ୍ଥା କରିବାକୁ ଦାବୀ ହେଉଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଜୁନାଗଡ କାଂଚନ ଜୁଏଲେରୀ ସୁନା ଗହଣା ଲୁଟେରା ଗିରଫ, ତଦନ୍ତ ଜାରୀ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ଜୁନାଗଡ ସହରସ୍ଥିତ କଲମପୁର ଛକ ନିକଟରେଥିବା ସୁନାଗହଣା ଲୁଟ ଘଟଣାରେ ସଂପୃକ୍ତ ଲୁଟେରା ଗ୍ରୁପ ମଧ୍ୟରୁ ଜଣକୁ ଜୁନାଗଡ ଥାନା ପୋଲିସ ଗିରଫ କରିଥିବା ଥାନା ଅଧିକାରୀ ଉତମ କୁମାର ସାହୁଙ୍କ ସୂତ୍ରରୁ ପ୍ରକାଶ।

ଘଟଣାରୁ ପ୍ରକାଶ ଯେ, ଗତ ୧୦.୦୩.୨୦୨୧ ସକାଳୁ କଲମପୁର ଛକ ନିକଟସ୍ଥ କାଂଚନ ଜୁଏଲଏରୀ ଦୋକାନ ମାଲିକ ରଂଜନ କୁମାର ସାହୁ ସବୁଦିନପରି ଏକ ବେଗରେ ୨୫୦ ଗ୍ରାମ ସୁନା ଓ ୩ କି.ଗ୍ରା. ରୂପା ଗହଣା ରଖି ଦୋକାନ ସଟର ଖୋଲିବା ସମୟରେ ଅଜ୍ଞାତ ଚୋର ହଠାତ ଆସି ଉକ୍ତ ବେଗ ସହ ଗହଣା ଉଠାଇ ନେଇ ଚମ୍ପଟ ମାରିଥିଲେ। ଏ ସଂପର୍କରେ ରଂଜନଙ୍କ ଏତାଲ ଭିତିରେ ଜୁନାଗଡ ଥାନା କେଶ ନଂ. ୬୮/୨୦୨୧ ଆଇପିସି ୩୭୯/୩୪ ଧାରାରେ ଏକ କେଶ ରୁଜ୍ଜୁ କରାଯାଇ ତଦନ୍ତ ଜାରି ରହିଥିଲା । ନୋକଟସ୍ଥ ଦୋକାନ ଗୁଡିକର ସିସିଟିଭି ଫୁଟେଜ ଓ ପ୍ରତ୍ୟକ୍ଷଦର୍ଶୀ ବୟାନ ଆଧାରରେ ଜୁନାଗଡ ଥାନା ପୋଲିସ ପକ୍ଷରୁ ତଦନ୍ତ ଜାରି ରହିଥିଲା।

ଉକ୍ତ କେଶରେ ଅଭିଯୁକ୍ତ ମାନଙ୍କ ମଧ୍ୟରୁ ଗଂଜାମ ଜିଲ୍ଲା ଆସ୍କା ଥାନା ଅନ୍ତର୍ଗତ ପାକେଲାପଲି ଗ୍ରାମର ଦାଶ ସୁରେଶ (୩୫) ପିତା- ଦାଶ ମାଧବ କୁ ଗିରଫ କରାଯାଇ ୭୨ ଗ୍ରାମ ସୁନା ଗହଣା ଓ ୮୦୦ ଗ୍ରାମ ରୂପା ଗହଣା ଜବତ କରାଯାଇଥିବା ଥାନାଧିକାରୀଙ୍କ ସୂତ୍ରରୁ ପ୍ରକାଶ। କଳାହାଣ୍ଡି ଏସପି ଙ୍କ ନିର୍ଦ୍ଦେଶ କ୍ରମେ ଥାନାଧିକାରୀ ଉତମ କୁମାର ସାହୁଙ୍କ ତତ୍ୱାବଧାନରେ ଏସଆଇ କୃଷ୍ନ ଚନ୍ଦ୍ର ସ୍ୱାଇଁ ଘଟଣାର ତଦନ୍ତ କରୁଥିବା ପ୍ରକାଶ। ଅନ୍ୟ ଅଭିଯୁକ୍ତ ମାନଙ୍କୁ ଗିରଫ କରିବା ପାଇଁ ଅଧିକ ତଦନ୍ତ ଜାରିରହିଥିବା ଗଣମାଧ୍ୟମକୁ ପୋଲିସ ପକ୍ଷରୁ ସୂଚନା ଦିଆଯାଇଛି।

Categories
ଆଜିର ଖବର ରାଜ୍ୟ ଖବର ସଂସ୍କୃତି

ଜାତୀୟ ଆଦିବାସୀ ଲୋକନୃତ୍ୟ ଓ ଲୋକସଙ୍ଗୀତ ମହୋତ୍ସବ ଉଦ୍ଯାପିତ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ଓଡିଶାରେ ପ୍ରଥମ ଥର ପାଇଁ ଜାତୀୟ ସ୍ତରର ଆଦିବାସୀ ଲୋକନୃତ୍ୟ ଓ ଲୋକ ସଙ୍ଗୀତ ମହା ଉତ୍ସବ କଳାହାଣ୍ଡିର ଜୁନାଗଡ ଠାରେ ଲଙ୍କେଶ୍ୱରୀ ରଙ୍ଗମଂଚରେ ଅନୁଷ୍ଠିତ ହୋଇଯାଇଛି। ଜାତୀୟ ସ୍ତରର ଆଦିବାସୀ ଉତ୍ସବ ଜୁନାଗଡ ପାଇଁ ଏକ ଯୁଗାନ୍ତକାରୀ ଇତିହାସ ହୋଇରହିବ ଏବଂ ଲୋକସାହିତ୍ୟ, ଲୋକସଂସ୍କୃତି ସବୁବେଳେ ସମାଜକୁ ଦିଗଦର୍ଶନ ଦେଇଥାଏ ବୋଲି ଉଦଯାପନ ସମାରୋହରେ ମୂଖ୍ୟ ଅତିଥି ଭାବେ ଯୋଗଦେଇ ରାଜ୍ୟ ବିରୋଧି ଦଳ ନେତା ପ୍ରଦିପ୍ତ କୁମାର ନାଏକ ପ୍ରକାଶ କରିଥିଲେ।

ହଜାରେ ବର୍ଷର ନଗର କଳାହାଣ୍ଡି ର ପ୍ରାକ୍ତନ ରାଜଧାନୀ ଛଅକୋଡି ବନ୍ଧକୁ ନଅ କୋଡି ତୋଟା ର ନଗର, ମନ୍ଦିର ମାଳିନୀ ସହର ଭାବେ ସ୍ୱତନ୍ତ୍ର ପରିଚୟ ସୃଷ୍ଟି କରୁଥିବା ସହିତ ପୁରାତନ ସଂସ୍କୃତି ଓ ପ୍ରାଚୀନ ଆଦିବାସୀ ପରଂପରାକୁ ବହନ କରୁଥିବା ପ୍ରକୃତିର ଗନ୍ତାଘର ଭାବେ ପରିଚିତ ଜୁନାଗଡ ସହରରେ ଜାତୀୟ ସ୍ତରର ଆଦିବାସୀ କାର୍ଯ୍ୟକ୍ରମ ଅନୁଷ୍ଠିତ ହେବା ଆନନ୍ଦର ବିଷୟ ବୋଲି ମୂଖ୍ୟ ବକ୍ତା ଭାବେ ଯୋଗ ଦେଇ ବିଶିଷ୍ଟ ଔପନ୍ୟାସିକ, ଗାଳ୍ପିକ ତଥା ପ୍ରାକ୍ତନ ମନ୍ତ୍ରୀ ଓ ସାଂସଦ ରାସବିହାରୀ ବେହେରା ମତବ୍ୟକ୍ତ କରିଥିଲେ।

ଭାରତ ସରକାରଙ୍କ ସଂସ୍କୃତି ବିଭାଗ ଅଧିନସ୍ଥ ପୂର୍ବାଂଚଲ ସଂସ୍କୃତିକ କେନ୍ଦ, କୋଲକତା ଆନୁକୂଲ୍ୟରେ ଓଡିଶା ସରକାରଙ୍କ ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ତଥା ଓଡିଶା ସଙ୍ଗୀତ ନାଟକ ଏକାଡେମୀ ଏବଂ କଳାହାଣ୍ଡି ଜିଲ୍ଲା ପ୍ରଶାସନ ଓ ଜିଲ୍ଲା ସଂସ୍କୃତି ପରିଷଦ ସହେଯାଗରେ ଆୟୋଜିତ ଏହି ଜାତୀୟ ଆଦିବାସୀ ଲୋକନୃତ୍ୟ କାର୍ଯୟକ୍ରମକୁ ୧୨ ତାରିଖ ଦିନ ଉଦଘାଟନ କରାଯାଇଥିଲା। ଜୁନାଗଡ ବିଧାୟକ ତଥା ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ମୂଖ୍ୟ ଅତିଥି ଭାବେ ଯୋଗ ଦେଇ ଉଦଗାଟନ କରିଥିଲେ। ଓଡିଶା ସଙ୍ଗୀତ ନାଟକ ଏକାଡେମୀର ସଂପାଦକ ପ୍ରବୋଧ ରଥ, କଳାହାଣ୍ଡି ଅତିରିକ୍ତ ଜିଲ୍ଲାପାଳ ଶରତ ଶ୍ରୀଚନ୍ଦନ, ବରିଷ୍ଠ ସାମ୍ବାଦିକ ଉମାଶଙ୍କର କର, ଧର୍ମଶାଳା ବିଧାୟଲ ପ୍ରଣବ ବଳବନ୍ତରାୟ, ଚାନ୍ଦବାଲି ବିଧାୟକ ବ୍ୟୋମକେଶ ରାୟ, ଭଦ୍ରକ ବିଦାୟକ ସଂଜୀବ ମଲ୍ଲୀକ ସମ୍ମାନିତ ଅତିଥି ଭାବେ ଯୋଗ ଦେଇ କଳାକାର ମାନଙ୍କୁ ଉତ୍ସାହିତ କରିଥିଲେ।

ଦ୍ୱିତୀୟ ଦିନ ମାନ୍ୟବର ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ମୂଖ୍ୟ ଅତିଥି ଭାବେ ଯୋଗ ଦେଇ ଆଦିବାସୀ ପରଂପରା ସର୍ବପୁରାତନ ପରଂପରା ଏବଂ ଏଥି ସହିତ ଆମର ସାମାଜିକ ବିଧି ବ୍ୟବସ୍ଥା ଜଡିତ ରହିଛି ବୋଲି ପ୍ରକାଶ କରିଥିଲେ। ଜନ୍ମ ହେବା ପରେ ପାଂଚ ପଇସାରେ ଆଦିବାସୀ ମାଆଁଙ୍କ ପାଖରେ ମୋତେ ବିକ୍ରୀ କରାଯାଇଥିଲା, ତେଣୁ ଆଦିବାସୀ ମାନଙ୍କ ପାଖରେ ସର୍ବଦା ନତମସ୍ତକ ବୋଲି ଅତ୍ୟନ୍ତ ଭାବବିହ୍ୱଳ ହୋଇ ମନ୍ତ୍ରୀ ପ୍ରକାଶ କରିଥିଲେ । କଳାହାଣ୍ଡି ଜିଲ୍ଲାପାଳ ଡଃ ପରାଗ ହର୍ଷଦ ଗାଭାଲି କଳାହାଣ୍ଡିର ଜୁନାଗଡରେ ଏହି ଜାତୀୟ ଉତ୍ସବ ପାଳନ କରାଯାଇଥିବାରୁ କର୍ତୃପକ୍ଷଙ୍କୁ ସାଧୁବାଦ ଜଣାଇଥିଲେ।

ଏହି ଅବସରରେ ଆସାମର ଭରତାଲ, ବିହୁ ଓ ବୋଡି ନୃତ୍ୟ, ଝାରଖଣ୍ଡର ଛଉ ଓ ପାଇକା, ପଶ୍ଚିମ ବଂଗର ରେବେନ, ନୃତିକା ବାଡେନ ଓ ପୁରୁଲିଆ ଛଉ, ବିହାରର ଭୋଜପୁରୀ ଏବଂ ଓଡିଶାର ମୋଗଲ ତାମସା,ଦୁରୁଆ, କୋୟା,ଢେମସା ଓ ସମ୍ବଲପୁରୀ ନୃତ୍ୟ ପ୍ରଦର୍ଶନ କରାଯାଇଥିଲା। ସାଂସ୍କୃତିକ କାର୍ଯ୍ୟକ୍ରମ ଗୁଡିକୁ ମଂଚରେ ଭାନୁପ୍ରକାଶ ରଥ ସଂଯୋଜନା କରିଥିଲେ। ଜୁନାଗଡ ପୂର୍ବ ନଗରପାଳ ମହେଶ ସାହୁ ସମଗ୍ର କାର୍ଯ୍ୟକ୍ରମକୁ ସଂଯୋଜନା କରିଥିବା ବେଳେ କାର୍ଯ୍ୟକ୍ରମର ସଫଳତା ନେଇ ଆୟୋଜକ ଓଡିଶା ସଂଗୀତ ନାଟକ ଏକାଡେମୀର ସଂପାଦକ ପ୍ରବୋଧ ରଥ ଧନ୍ୟବାଦ ଅର୍ପଣ କରିଥିଲେ।

Categories
ଆଜିର ଖବର ରାଜ୍ୟ ଖବର

ଜୁନାଗଡ ଆରଏମ୍‌ସି ଦୁର୍ନୀତି ପ୍ରସଙ୍ଗ : ହାଇକୋର୍ଟଙ୍କ ନିର୍ଦ୍ଦେଶ ସତ୍ତ୍ବେ ଜିଲ୍ଲାପାଳଙ୍କ ତଦନ୍ତ ଶୀତଳ ଭଣ୍ଡାରରେ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲାପାଳଙ୍କୁ ଦେଢ ମାସ ମଧ୍ୟରେ ଜୁନାଗଡ ଆରଏମସିର ଦୁର୍ନୀତି ଅଭିଯୋଗର ତଦନ୍ତ କରିବା ପାଇଁ ମାନ୍ୟବର ହାଇକୋର୍ଟ ଡବଲୁ୍ୟପିସି ୨୬୩୯୯/୨୦୧୯ ରେ ନିଦେ୍ର୍ଦଶ ଦେଇଥିବା ବେଳେ କଳାହାଣ୍ଡି ଜିଲ୍ଲାପାଳ ଗତ ୨୮.୦୨.୨୦୨୦ ଦିନ ତଦନ୍ତ କରିବା ପରେ ତାହା ଶୀତଳ ଭଣ୍ଡାରରେ ପଡିରହିଥିବା ଅଭିଯୋଗ ହୋଇଛି।

ପ୍ରକାଶ ଯେ, ଜୁନାଗଡ ଆରଏମସିରେ ନିୟମିତ ଭାବେ ଅସ୍ଥାୟୀ କର୍ମଚାରୀ ନିଯୁକ୍ତି, ସରକାରୀ ଗୋଚର ଜମିରେ ଆରଏମସି ପାଣ୍ଠିରୁ କୋଟି କୋଟି ଟଙ୍କା ଖର୍ଚ୍ଚ କରାଯାଇ ତରବରିଆ ନିର୍ମାଣ, ସିସିଡିଟିଏଫ ଯୋଜନାରେ ଆରଏମି ପାଣ୍ଢିରୁ ଖଳା ନିର୍ମାଣ, ସରକାରୀ ନିୟମକୁ ଆଖିଠାର ମାରି କର୍ମଚାରୀଙ୍କୁ ସପ୍ତମ ବେତନ କମିଶନ ପାଣ୍ଠି ପ୍ରଦାନ, ଗୋଦାମ ମରାମତି ଓ ବାଉଣ୍ଢ୍ରି ମରାମତି ନାମରେ ଫଲ୍ସ ବିଲ ପ୍ରଦାନ, ସଭ୍ୟ ମାନଙ୍କୁ ଷ୍ଟଡିଟୁର ନାମରେ ନିଜ ପସନ୍ଦର କର୍ମଚାରୀଙ୍କୁ ଭ୍ରମଣ କରାଇବା, ବିନା କୌଣସି ଟେଣ୍ଡର କଲ ନୋଟିସ କରାଯାଇ ନିଜ ମନଇଚ୍ଛା ସାମଗ୍ରୀ କିଣା, ମଣ୍ଡି ମାନଙ୍କରେ ୱେବ୍ରିଜ ଓ ସିସିଟିଭି ସ୍ଥାପନ ଆଦି ଅନେକ ଗୁଡାଏ ଆର୍ଥିକ କାରବାରରେ ସଂପୃକ୍ତ ହିସାବ ରକ୍ଷକ କିକବେକ କରିଥିବା ଅଭିଯୋଗ ମାନ ହୋଇଥିଲା।

ଏସବୁ ସଂପର୍କରେ କଳାହାଣ୍ଡି ଆରଏମଓ ଗତ ୨୬.୦୪.୨୦୧୮ଦିନ ଜୁନାଗଡ ଆରଏମସିରେ ତଦନ୍ତ କରି ଏସବୁ ଦୁର୍ନୀତି ଅଭିଯୋଗରେ ହିସାବ ରକ୍ଷକ ତଥା ଭାରପ୍ରାପ୍ତ ସଂପାଦକଙ୍କୁ ଦାୟୀ କରିବା ସହ ଜୁନାଗଡ ଆରଏମସି ପାଇଁ କ୍ଷତିକାରକ ହୋଇଥିବା ଦର୍ଶାଇ ତୁରନ୍ତ ଆରଏମସିରୁ ହଟାଇବାକୁ ତଦନ୍ତ ରିପୋର୍ଟରେ ଉଲ୍ଲେଖ କରିଥିଲେ। ହେଲେ ସେହି ତଦନ୍ତ ରିପୋର୍ଟକୁ ଚପାଇ ଦେଇ ନିଜ ସପକ୍ଷରେ ଅଫିସିଆଲ ମତାମତ କରାଇନେଇ ସ୍ଥାୟୀ ସଂପାଦକ ହୋଇଯିବାକୁ ହିସାବ ରକ୍ଷକ ଚକ୍ରାନ୍ତ କରିଥିବା ଅଭିଯୋଗ ହୋଇଥିଲା। ସେସବୁର ସତ୍ୟାସତ୍ୟ ଜାଣିବା ପାଇଁ ଅନେକ ସୂଚନା ଦରଖାସ୍ତ ଦାଖଲ କରିବା ସହିତ ଜନୈକ ବୁଦ୍ଧିଜୀବି ମାନ୍ୟବର ହାଇକୋର୍ଟଙ୍କ ଦ୍ୱାରସ୍ଥ ହୋଇ ଜୁନାଗଡ ଆରଏମସିରେ ହୋଇଥିବା ଦୁର୍ନୀତି ସଂପର୍କରେ ତଦନ୍ତ କରାଯାଇ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ପ୍ରାର୍ଥନା କରିଥିବା ଜଣାପଡିଛି।

ମାନ୍ୟବର ହାଇକୋର୍ଟଙ୍କ ନିଦେ୍ର୍ଦଶରେ କଳାହାଣ୍ଡି ଜିଲ୍ଲାପାଳ ତଦନ୍ତ କରିବା ପରେ ତାହା ଅଦ୍ୟାବଧି କାର୍ଯ୍ୟନୁଷ୍ଠାନ ହୋଇପାରିନଥିବାରୁ ଏବଂ ସୂଚନା ଦରଖାସ୍ତ ଅନୁସାରେ ସୂଚନା ମିଳିବା ପାଇଁ ଆରଏମସି ଅଧ୍ୟକ୍ଷ ତଥା ଧର୍ମଗଡ ଉପଜିଲ୍ଲାପାଳଙ୍କୁ ଜଣାଇବା ପରେ ମଧ୍ୟ ସେସବୁ ଚପାଇ ଦିଆଯାଇଥିବା ସଙ୍ଗେ ସଙ୍ଗେ  ଉପଜିଲ୍ଲାପାଳ କ୍ଷମତା ଅନୁସାରେ ପତ୍ରସଂଖ୍ୟା ୧୬୧୧ ତା.୧୬.୦୫.୨୦୨୦ ରେ  ଅଭିଯୋଗକାରୀଙ୍କୁ କୋଭିଡ-୧୯ ଗାଇଡଲାଇନ ଓ ଆଇପିସି ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜଣାଇବା ପରେ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ଅଭିଯୋଗକାରୀଙ୍କ ପକ୍ଷରୁ ସୁରକ୍ଷା ପାଇଁ ଆବେଦନ କରିଥିବା ଜଣାପଡିଛି।

ଦୀର୍ଘଦିନ ହେବ ଜୁନାଗଡ ଆରଏମସିରେ ଦୁର୍ନୀତି ଅଭିଯୋଗର ତଦନ୍ତ କରାଯାଇ ତାକୁ ଚପାଇ ଦିଆଯାଇଥିବା ହେତୁ ସାଧାରଣରେ ସନେ୍ଦହ ପ୍ରକାଶ ପାଇବାରେ ଲାଗିଛି। ଜୁନାଗଡ ଆରଏମସି ରେ ହୋଇଥିବା ଦୁର୍ନୀତି ଅଭିଯୋଗର ତଦନ୍ତ ରିପୋର୍ଟ ପ୍ରକାଶ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ମତପ୍ରକାଶ ପାଇବାରେ ଲାଗିଛି।

Categories
ଫଟୋ ଖବର

ଭୁବନେଶ୍ବର ପରି ସଜେଇ ହେବାରେ ଲାଗିଛି ଜୁନାଗଡ, ସହରର ବିଭିନ୍ନ କାନ୍ଥରେ ଚାଲିଛି ପେଣ୍ଟିଂ

ଜୁନାଗଡ, ଭୁବନେଶ୍ବର ପରି ସଜେଇ ହେବାରେ ଲାଗିଛି ଜୁନାଗଡ। ସହରର ବିଭିନ୍ନ କାନ୍ଥରେ ଚାଲିଛି ପେଣ୍ଟିଂ