Tag: ଟାଉନ ଥାନା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଟାଉନ ଥାନା ଅନ୍ତର୍ଗତ ବିଜିପୁର ଅଞ୍ଚଳର ଶୁଭ୍ରାଂଶୁ ମହାରଣା ନାମକ ଜଣେ ଛାତ୍ର ନିଜ ମା’ଙ୍କ ଲୁଗା ବେକରେ ବାନ୍ଧି ଆତ୍ମହତ୍ୟା କରିଥିବା ଜଣାପଡ଼ିଛି। ପ୍ରକାଶିତ ଖବରରୁ ପ୍ରକାଶ ଯେ, ନରେନ୍ଦ୍ର ମହାରଣାଙ୍କ ପୁଅ ଶୁଭ୍ରାଂଶୁ ଗତ ବୁଧବାର ରାତିରେ ମୋବାଇଲ ଫୋନ ଦେଖୁଥିଲା ଓ ବାପା ଓ ମା ଶୋଇପଡ଼ିଥିଲେ। ସକାଳୁ ପରିବାର ଲୋକେ ତାଙ୍କୁ ଝୁଲୁଥିବା ଅବସ୍ଥାରେ ଦେଖି ଟାଉନ ଥାନାକୁ ଖବର ଦେଇଥିଲେ।

ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ୧୦/୨୫ ଅନୁଯାୟୀ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛନ୍ତି। ଆତ୍ମହତ୍ୟାର କାରଣ ଜଣାପଡି ନାହିଁ। ତଥାପି ଶୁଭ୍ରାଂଶୁ କୋୖଣସି କାରଣରୁ ମାନସିକ ଭାରସାମ୍ୟ ହରାଇ ଏହିଭଳି ନିଷ୍ପତ୍ତି ନେଇଥିବା ସନ୍ଦେହ ହେଉଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତକାଲି ସନ୍ଧ୍ୟାରେ ଟାଉନ ଥାନା ନିକଟରେ ଠିକାଦାର ଧୀରେଶ୍ ଚୌଧୁରୀଙ୍କୁ ହତ୍ୟା ଉଦ୍ୟମ ଘଟଣା ଅଭିଯୋଗ କୁ ନେଇ ଟାଉନ ଥାନା ପୋଲିସ୍ ର ତତକାଳ ଉଦ୍ୟମ ଯୋଗୁଁ ୩ ଅଭିଯୁକ୍ତ ତଥା ପ୍ରକାଶ ରାଓ, ଏମ୍ ନବୀନ ଓ ହରିପ୍ରସାଦ ପ୍ରମୁଖ ଙ୍କୁ ଭାରତୀୟ ନ୍ୟାୟ ସଂହିତା ର ବିଭିନ୍ନ ଦଫାରେ ଗିରଫ କରି କୋର୍ଟ ଚାଲାଣ କରିଛନ୍ତି। ଅଭିଯୁକ୍ତ ଯୁବକ ମାନେ ନିକଟସ୍ଥ କାମ୍ପ ସାହିର।

ଗତକାଲି ଏହି ଅଭିଯୁକ୍ତ ମାନେ ମୀନା ବଜାର ମେଳା ପରିସରରେ ଠିକାଦାର ଚୌଧୁରୀକୁ ଦାଦା ବଟି ମାଗିଥିଲେ ଓ ସେ ମନା କରିବାରୁ ତାକୁ ଭୁଜାଲିରେ ଆକ୍ରମଣ କରି ଗୁରୁତର ଅବସ୍ଥାରେ ଛାଡି ଦେଇଥିଲେ। ଏହି ଘଟଣା କୁ ନେଇ ଗୁରୁତର ଠିକାଦାର ଚୌଧୁରୀଙ୍କ ପତ୍ନୀ ରୁକ୍ମିଣୀ ଚୌଧୁରୀଙ୍କ ଏତଲା କ୍ରମେ ଟାଉନ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ଘଟଣା ର ତଦନ୍ତ କରି ଅଭିଯୁକ୍ତ ତିନି ଯୁବକ କୁ ଉଠେଇ ଆଣି ଗିରଫ କରି କୋର୍ଟ ଚାଲାଣ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଟାଉନ ଥାନା ପଡ଼ିଶାରେ ଚାଲିଥିବା ମୀନା ବଜାର ମେଳା ପରିଦର୍ଶନ ସମୟରେ ଧୀରୋଜ ମୋହନ ଚୌଧୁରୀ ନାମକ ଜଣେ ଠିକାଦାରକୁ କିଛି ଯୁବକ ମାରଣାନ୍ତକ ଆକ୍ରମଣ କରିଛନ୍ତି। ଅନ୍ୟ ଜଣେ ବନ୍ଧୁଙ୍କ ସହଯୋଗରେ ଠିକାଦାର ଚୌଧୁରୀ ଡାକ୍ତରଖାନାରେ ଚିକିତ୍ସିତ ହୋଇ ବ୍ରହ୍ମପୁର ଟାଉନ ଥାନା ରେ ଅଭିଯୋଗ କରିଥିଲେ। କିନ୍ତୁ ପୋଲିସ ଠାରୁ କୌଣସି ଭରସା ମିଳିନାହିଁ ବୋଲି ଗୁରୁତର ଠିକାଦାର ଜଣଙ୍କ ସାମାଜିକ ଗଣମାଧ୍ୟମକୁ ବିବୃତ୍ତି କରିଛନ୍ତି।

ଆହତ ଧୀରୋଜଙ୍କ ଠାରୁ ପ୍ରକାଶ ଯେ, ସେ ସନ୍ଧ୍ୟା ସମୟରେ ଉକ୍ତ ମେଳା ବୁଲିବାକୁ ଆସିଥିବା ବେଳେ ପ୍ରକାଶ ଓ ନବୀନ ନାମକ ଦୁଇ ଯୁବକ ତାଙ୍କୁ ମେଳା ପରିସରରେ ଥିବା ଏକ କାର୍ଯ୍ୟାଳୟକୁ ଡାକି ନେଇ ବନ୍ଧୁକ ଦେଖେଇ ୫୦ ହଜାର ଟଙ୍କା ଦାଦା ବଟି ମାଗିଥିଲେ। କିନ୍ତୁ ସେ ନାହିଁ କରିବାରୁ ଉକ୍ତ ଦୁଇ ଯୁବକ ଓ ଆଉ ୩ ଜଣ ଯୁବକ ମିଶି ମାଡ଼ ମାରିବା ସହ ଏକ ଧାରୁଆ ଅସ୍ତ୍ରରେ ପେଟକୁ ଆକ୍ରମଣ କରିଥିଲେ। ମୁଁ ଗୁରୁତର ଅବସ୍ଥାରେ ନିକଟରେ ଥିବା ଟାଉନ ଥାନାକୁ ଯାଇ ଅଭିଯୋଗ କରିଥିଲେ ମଧ୍ୟ ପୋଲିସର ସହଯୋଗ ମିଳିଲା ନାହିଁ।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତ ୨୦୨୩ ମସିହାରେ ଟାଉନ ଥାନା ଅନ୍ତର୍ଗତ ଗାନ୍ଧୀନଗର ଅଞ୍ଚଳରେ ରଙ୍କ ସେଠୀ ନାମକ ଜଣେ ବ୍ୟକ୍ତିକୁ ହତ୍ୟା କରିଥିବା ଅଭିଯୋଗରେ ପୋଲିସ ବାପିନି ସାହୁ ନାମକ ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ଆଜି ଜିଲ୍ଲା ଦୌରାଜଜଙ୍କ ଅଦାଲତରେ ଉକ୍ତ ମାମଲାର ବିଚାରଣା ସମାପ୍ତି ଘଟିଛି।

ଉକ୍ତ ମାମଲାରେ ଜେଲ୍ ରେ ବନ୍ଦୀ ଜୀବନ ବିତାଉଥିବା ଅଭିଯୁକ୍ତ ବାପିନିକୁ ମାନ୍ୟବର ଜିଲ୍ଲା ଜଜ୍ ସମସ୍ତ ସାକ୍ଷୀଙ୍କ ବୟାନକୁ ଭିତ୍ତି କରି ଆଜୀବନ କାରାଦଣ୍ଡ ଆଦେଶ ଶୁଣାଇଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଟାଉନ ଥାନା ଅନ୍ତର୍ଗତ ଗାନ୍ଧୀ ନଗର ଅଞ୍ଚଳର ଏକ ଜମିବାଡ଼ି ସମ୍ପର୍କିତ ଅଶାନ୍ତିକୁ ନେଇ ସେହି ଅଞ୍ଚଳର ସରିତା ସୁବୁଦ୍ଧି ଓ ସ୍ବାମୀ ହିମାଂଶୁ ସୁବୁଦ୍ଧିଙ୍କୁ ଆକ୍ରମଣ ଅଭିଯୋଗରେ ସେଖ୍ କଲିମ୍, ସେଖ୍ ତେଜୁ ଓ ସେଖ୍ ସାହାରୁଖ ନାମକ ତିନି ଯୁବକକୁ ଭାରତୀୟ ନ୍ୟାୟ ସଂହିତାର ବିଭିନ୍ନ ଦଫାରେ ମୋକଦ୍ଦମା ରୁଜ୍ଜୁ କରି ଟାଉନ ଥାନା ପୋଲିସ୍ ଗିରଫ କରି କୋର୍ଟ ଚାଲାଣ କରିଛି।

ସୁଚନା ଅନୁଯାୟୀ, ଅଭିଯୋଗକାରିଣୀ ସରିତା ସୁବୁଦ୍ଧିଙ୍କ ଏକ ପ୍ଲଟ୍ କୁ ନେଇ ପଡୋଶୀ ରାଜେନ୍ଦ୍ର ସାହୁଙ୍କ ମଧ୍ୟରେ ଅଶାନ୍ତ ଲାଗି ରହିଥିଲା। ଏହି ଭଳି ପରିସ୍ଥିତିରେ ଅଭିଯୋଗକୁ ନେଇ ବ୍ରହ୍ମପୁର ତହସିଲଦାରଙ୍କ ହସ୍ତକ୍ଷେପ ଫଳରେ ରାଜସ୍ୱ ନୀରିକ୍ଷକଙ୍କ ତତ୍ତ୍ୱାବଧାନରେ ଉକ୍ତ ପ୍ଲଟ୍ ର ଚୌହଦ କାର୍ଯ୍ୟକ୍ରମ ହୋଇଥିଲା ଓ ପରେ ଉକ୍ତ ବିବାଦୀୟ ଜମିରେ ରାଜେନ୍ଦ୍ର ସାହୁଙ୍କର କିଛି ଜମି ଅଛି ବୋଲି ଜଣାପଡିଥିଲା। କିନ୍ତୁ ସରିତା ସୁବୁଦ୍ଧି ଉକ୍ତ ନିଷ୍ପତ୍ତିକୁ ଗ୍ରହଣ କରିନଥିଲେ। କିନ୍ତୁ ଗତ ୯ ତାରିଖ ରେ ଗିରଫ ୩ ଯୁବକ ଗୋଟିଏ ଜେସିବି ମେସିନରେ ଉକ୍ତ ବିବାଦୀୟ ଜମିରେ ଥିବା ପାଚେରୀକୁ ଭାଙ୍ଗିବାକୁ ଯିବା ବେଳେ ସରିତା ଓ ସ୍ବାମୀ ହିମାଂଶୁ ବିରୋଧ କରିଥିଲେ। ଯାହା ଫଳରେ ଅଶାନ୍ତି ସୃଷ୍ଟି ହୋଇଥିଲା। ଏହି ଅଶାନ୍ତି ଘଟଣା କୁ ନେଇ ଟାଉନ ଥାନାରେ ଅଭିଯୋଗ ହୋଇଥିଲା।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ୨୦ ତାରିଖ ଦିନ ଟାଉନ ଥାନା ଅନ୍ତର୍ଗତ ନନ୍ଦନ ହୋଟେଲ ନିକଟରୁ ୩ କିଲୋ ରୁପା ଅଳଙ୍କାର ଲୁଟ୍ ହୋଇଥିବାକୁ ଭିତ୍ତି କରି ଅନୁସନ୍ଧାନ ଜାରି ରହିଥିଲା। ଶେଷରେ ଦୁଇ ଜଣ ଯୁବକକୁ ଟାଉନ ଥାନା ପୋଲିସ ଗିରଫ କରିଛି ଓ ତାଙ୍କ ନିକଟରେ ଥିବା ୨ କିଲୋ ୮୦୦ ଗ୍ରାମ ରୁପା ଅଳଙ୍କାର ଜବତ କରିଛି।

ପ୍ରକାଶ ଥାଉକି ବଡ଼ବଜାର ଥାନା ଅନ୍ତର୍ଗତ ଜେମାଦେଇ ପେଣ୍ଠ ସାହିର ସୁରେନ୍ଦ୍ର ମହାପାତ୍ର ଗାଁ ଗାଁ ବୁଲି ରୁପା ଅଳଙ୍କାର ବିକ୍ରି କରି ଫେରୁଥିବା ବେଳେ ରାସ୍ତାରେ ନନ୍ଦନ ହୋଟେଲ ସାମନାରେ ଗାଡ଼ି ରଖି କିଛି ଖାଦ୍ୟ ପଦାର୍ଥ କିଣିବାକୁ ଯାଇଥିଲେ। ଠିକ ସେତିକି ବେଳେ ଗାଡ଼ିରେ ଲାଗିଥିବା ରୁପା ଅଳଙ୍କାର ବ୍ୟାଗ୍ ଟିକୁ ଉକ୍ତ ଦୁଇ ଯୁବକ କାଳଷଣ୍ଢପୁର ଗ୍ରାମର ଡି ଗାନ୍ଧୀ ଓ ସୋରଡ଼ା ଅଞ୍ଚଳର ଏମ୍ ଦିଲୀପ ଝାମ୍ପି ଚମ୍ପଟ ମାରିଥିଲେ।

ଏହି ବିଷୟରେ ସୁରେନ୍ଦ୍ର ମହାପାତ୍ର ଟାଉନ ଥାନାରେ ଅଭିଯୋଗ କରିବା ପରେ ପୋଲିସ ପହଞ୍ଚି ଘଟଣାସ୍ଥଳ ନିକଟରେ ଥିବା ସି ସି କ୍ୟାମେରା ଫୁଟେଜ କୁ ଆଧାର କରି ତଦନ୍ତ ଚଳାଇ ଲୁଟେରା ମାନେ ବ୍ୟବହାର କରୁଥିବା ପଲସର ମୋଟରସାଇକେଲ ନଂ କୁ ଟ୍ରାକିଂ କରି ଦୁଇ ଯୁବକ କୁ ଧରିବାରେ ସଫଳ ହୋଇଛନ୍ତି।

ଖୋର୍ଦ୍ଧା: କିଛି ଦିନର ବିରତି ପରେ ପୁଣି ଖୋର୍ଦ୍ଧା ଟାଉନ ଥାନା ଅଞ୍ଚଳରୁ ବ୍ରାଉନ ସୁଗାର ଠାବ ହେବା ସହ ୩ ଅଭିଯୁକ୍ତ ଗିରଫ ହୋଇଛନ୍ତି। ସୂଚନା ମୁତାବକ ଆଜି ମଧ୍ୟାହ୍ନରେ ଟାଉନ ଥାନା ସାମନ୍ତରାୟପୁର ବୋଧ ପୋଖରୀ ନିକଟରେ ବ୍ରାଉନ ସୁଗାର ବେପାର ଚାଲିଥିବାର ଏସପି ସିଦ୍ଧାର୍ଥ କଟାରିଆ ଖବର ପାଇଥିଲେ। ଏସପି ଙ୍କ ନିର୍ଦ୍ଦେଶକ୍ରମେ ଏବଂ ଏସଡିପିଓ ଦିଲ୍ଲୀପ କୁମାର ଦାସ ଓ ଆଇଆଇସି ତାରିକ ଅହମଦଙ୍କ ତତ୍ୱାବଧାନରେ ଏସଆଇ ପଦ୍ମଲୋଚନ ବେହେରାଙ୍କ ନେତୃତ୍ୱରେ ଏକ ଟିମ ଗଠନ କରାଯାଇ ସମ୍ପୃକ୍ତ ଅଞ୍ଚଳରେ ଚଢ଼ାଉ କରାଯାଇଥିଲା।

ଚଢ଼ାଉ ବେଳେ ଟାଉନ ଥାନା ଅଞ୍ଚଳର ଆଦିତ୍ୟ ବିଶ୍ୱାଳ (୨୪), ସୋମନାଥ ସାହୁ (୩୦) ଏବଂ ପୁରି ଜିଲ୍ଲା ପିପିଲି ଥାନା କାକୁଡ଼ିଆ ଗ୍ରାମର ହେମନ୍ତ କୁମାର ସ୍ୱାଇଁ (୩୨) ଗିରଫ ହୋଇଥିବା ବେଳେ ସେମାନଙ୍କ ନିକଟରୁ ୧୦ ଗ୍ରାମ ବ୍ରାଉନ ସୁଗାର (ଆନୁମାନିକ ମୂଲ୍ୟ ୧ ଲକ୍ଷ ଟଙ୍କା) ଏବଂ ଏକ ବାଇକ ଜବତ କରିଛି ପୋଲିସ।

ଗିରଫ ଅଭିଯୁକ୍ତଙ୍କ ବିରୋଧରେ ଟାଉନ ଥାନାରେ ଏନଡ଼ିପିଏସ ଅଧିନିୟମ ଅନୁଯାୟୀ କେସ ନମ୍ବର ୪୩୫/୨୨ ରେ ମାମଲା ରୁଜୁ କରାଯାଇ କୋର୍ଟଚାଲାଣ କରାଯାଇଥିବାର ସୂଚନା ମିଳିଛି।

ଖୋର୍ଦ୍ଧା: ଆଜି ଟାଉନ ଥାନା ଅନ୍ତର୍ଗତ ଶରଧାପୁର ଅଞ୍ଚଳର ବେଆଇନ ଖଣି ଉପରେ ପୋଲିସ ଚଢ଼ାଉ କରିଛି। ଖୋର୍ଦ୍ଧା ଏସପି ଅଲେଖ ଚନ୍ଦ୍ର ପହି, ଏସଡିପିଓ ସୁଶୀଲ କୁମାର ମିଶ୍ରଙ୍କ ନିର୍ଦ୍ଦେଶକ୍ରମେ ଟାଉନ ଥାନା ଇନଚାର୍ଜ ଡ଼ିଏସପି ସଞ୍ଜୟ କୁମାର ପଟ୍ଟନାୟକଙ୍କ ନେତୃତ୍ୱରେ ଟାଉନ ଥାନା ଅନ୍ତର୍ଗତ ଶରଧାପୁର ଅଞ୍ଚଳରେ ବେଆଇନ ଖଣି ଉପରେ ଚଢ଼ାଉ କରାଯାଇଥିଲା।

ଚଢ଼ାଉ ସମୟରେ ପୋଲିସ ମାଙ୍କଡ଼ା ପଥର ବୋଝେଇ ଦୁଇ ଗୋଟି ହାଇୱା, ଦୁଇ ଗୋଟି ୪୦୭, ଦୁଇ ଗୋଟି ଟ୍ରକ ଓ ଦୁଇ ଗୋଟି ଟ୍ରାକ୍ଟରକୁ ମିଶାଇ ସମୁଦାୟ ୮ ଗୋଟି ଗାଡ଼ି ଜବତ କରିଛି। ଅନୁରୂପ ଭାବେ ଉକ୍ତ ବେଆଇନ ଖଣିରୁ ପୋଲିସ ସଦର ଥାନାର ଦୁଇ ଜଣ ଅଭିଯୁକ୍ତ ସତ୍ୟ ରଞ୍ଜନ ବରାଳ (୧୯) ଓ ସୁକାନ୍ତ ନାୟକ (୨୧) ଙ୍କୁ ଗିରଫ କରିଛି।

ତେବେ ଅନ୍ୟ ଅଭିଯୁକ୍ତ ମାନେ ଘଟଣାସ୍ଥଳରୁ ଫେରାର ହେବାରେ ସକ୍ଷମ ହୋଇଥିବା ବେଳେ ଟାଉନ ଥାନା ପୋଲିସ କେଶ ନମ୍ବର ୧୬୧/୨୨ ରେ ଏକ ମାମଲା ରୁଜୁ କରି ଫେରାର ଅଭିଯୁକ୍ତମାନଙ୍କୁ ଖୋଜିବାରେ ଲାଗିପଡ଼ିଛି।