Tag: ଟୋକିଓ ପାରାଲିମ୍ପିକ୍ସ

ନୂଆଦିଲ୍ଲୀ: ଟୋକିଓ ପାରାଲିମ୍ପିକ୍ସରେ ଭାରତର କୃଷ୍ଣ ନାଗର ପଞ୍ଚମ ସ୍ୱର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଛନ୍ତି। ଆଜି ବ୍ୟାଡମିଣ୍ଟନର ପୁରୁଷ ସିଙ୍ଗଲ୍ସ (ଏସଏଚ-୬) ଇଭେଣ୍ଟ ଫାଇନାଲରେ ହଂକଂର ଚୁ ମନ କୋଇଙ୍କୁ ୨୧-୧୭, ୧୬-୨୧, ୨୧-୧୭ରେ ପରାସ୍ତ କରି କୃଷ୍ଣ ନାଗର ଭାରତ ସ୍ୱର୍ଣ୍ଣ ଜିତିଛନ୍ତି। ଶନିବାର ଦିନ ଏସଏଲ-୩ ଇଭେଣ୍ଟରେ ପ୍ରମୋଦ ଭଗତ ପୁରୁଷ ଏକକ ଟାଇଟଲ ଜିତିବା ପରେ ଟୋକିଓ ପାରାଲିମ୍ପିକ୍ସରେ ବ୍ୟାଡମିଣ୍ଟନରେ ଦେଶର ଦ୍ୱିତୀୟ ସ୍ୱର୍ଣ୍ଣ ପଦକ। ଏହାପୂର୍ବରୁ ରବିବାର ଟୋକିଓ ପାରାଲିମ୍ପିକ୍ସରେ ନୋଏଡା ଡିଏମ୍ ସୁହାସ୍ ଏଲ୍ ୟତିରାଜ ରୌପ୍ୟ ପଦକ ଜିତିଥିଲେ।

ନୂଆଦିଲ୍ଲୀ: ଟୋକିଓ ପାରାଲିମ୍ପିକ୍ସର ପୁରୁଷ ସିଙ୍ଗଲ୍ସ ବ୍ୟାଡମିଣ୍ଟନ ଇଭେଣ୍ଟରେ ବିଜୟ ସହ ଭାରତୀୟ ବ୍ୟାଡମିଣ୍ଟନ ଖେଳାଳି ତଥା ନୋଏଡା ଡିଏମ ସୁହାସ ଏଲୱାଇ ନିଜର ଅଭିଯାନ ଆରମ୍ଭ କରିଛନ୍ତି। ସୁହାସ୍ ଜର୍ମାନୀର ୟେନ୍ ନିକଲାସ ପୋଟଙ୍କୁ ପରାସ୍ତ କରିଛନ୍ତି। ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସୁହାସଙ୍କୁ ତାଙ୍କ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି।

ପୁରୁଷ ସିଙ୍ଗଲ୍ସର ଗ୍ରୁପ୍ ଏ ର ଏକପାଖିଆ ମ୍ୟାଚ୍ ରେ ୩୮ ବର୍ଷୀୟ ସୁହାସ୍ ମାତ୍ର ୧୯ ମିନିଟରେ ପୋଟଙ୍କୁ ୨୧-୯, ୨୧-୩ ରେ ପରାସ୍ତ କରିଛନ୍ତି। ପରବର୍ତ୍ତୀ ମ୍ୟାଚରେ ସୁହାସ ଇଣ୍ଡୋନେସିଆର ହ୍ୟାରି ସୁସାନ୍ତୋ ଏବଂ ପରେ ଫ୍ରାନ୍ସର ଟପ୍ ସିଡ୍ ଲୁକାସ୍ ମଜୁରଙ୍କୁ ଭେଟିବେ। ଗୋଟିଏ ଗୋଡରେ ସୁହସଙ୍କର ସମସ୍ୟା ଅଛି। ସେ ଗୌତମ ବୁଦ୍ଧ ନଗର ଜିଲ୍ଲାର ଜିଲ୍ଲା ମାଜିଷ୍ଟ୍ରେଟ ଭାବରେ କୋଭିଡ -୧୯ ବିରୋଧରେ ଲଲଢେଇରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।

ଶୁକ୍ରବାର ଦିନ ଟପ୍ ସିଡ୍ ଏବଂ ଟାଇଟଲ୍ ଦାବିଦାର ମଜୁରଙ୍କ ବିରୋଧରେ ଖେଳିବା ପାଇଁ ଉତ୍ସାହିତ ଅଛନ୍ତି ବୋଲି ସୁହସ୍ କହିଛନ୍ତି। ସେ କହିଛନ୍ତି, “ଏହି ମ୍ୟାଚ୍ ପାଇଁ ଆମେ ଦୁହେଁ ଉତ୍ସାହିତ। ପାରାଲିମ୍ପିକ୍ସ ପୂର୍ବରୁ ଟୁର୍ଣ୍ଣାମେଣ୍ଟରେ ଆମର କଡ଼ା ପ୍ରତିଯୋଗିତା ହୋଇଥିଲା ଏବଂ ମୁଁ ତାଙ୍କ ବିପକ୍ଷରେ କିଛି ମ୍ୟାଚ୍ ହାରିଥିବା ବେଳେ କେତୋଟି ମ୍ୟାଚ ଜିତିବାରେ ସକ୍ଷମ ହୋଇଛି। ଏହା ଏକ ଭଲ ଆହ୍ଵାନ ହେବ।

ନୂଆଦିଲ୍ଲୀ: ଟୋକିଓରେ ଖେଳାଯାଉଥିବା ପାରାଲିମ୍ପିକ୍ ଗେମ୍ସରେ ଭାରତର ନିଶାଦ କୁମାର ଇତିହାସ ସୃଷ୍ଟି କରିଛନ୍ତି। ଟୋକିଓ ପାରାଲିମ୍ପିକ୍ସ ୨୦୨୦ ରେ ଚମତ୍କାର ପ୍ରଦର୍ଶନ କରୁଥିବାବେଳେ ନିଶାଦ କୁମାର ଦେଶକୁ ଆଉ ଏକ ପଦକ ଦେଇଛନ୍ତି। ସେ ହାଇ ଜମ୍ପରେ ରୌପ୍ୟ ପଦକ ଜିତିଥିଲେ। ପ୍ରତିଭାରେ ସମୃଦ୍ଧ ନିଶାଦ କୁମାର ଚମତ୍କାର ପ୍ରଦର୍ଶନ କରି ଶ୍ରେଷ୍ଠ ୩ ରେ ପହଞ୍ଚିଥିଲେ। ସେ ଆମେରିକାର ୨ ଆଥଲେଟଙ୍କ ସହ ପ୍ରତିଯୋଗୀତା କରିଥିଲେ।

ଟୋକିଓ ପାରାଲିମ୍ପିକ୍ସର ପୁରୁଷ ହାଇ ଜମ୍ପ ଟି-୪୬ ଇଭେଣ୍ଟରେ ନିଶାଦ କୁମାର ରବିବାର ଏକ ଏସୀୟ ରେକର୍ଡ ସହ ରୌପ୍ୟ ପଦକ ଜିତିଛନ୍ତି। କୁମାର ୨.୦୬ ମିଟର ଡେଇଁ ଏକ ଏସୀୟ ରେକର୍ଡ ସ୍ଥାପନ କରି ଦ୍ୱିତୀୟ ସ୍ଥାନରେ ରହିଛନ୍ତି। ଆମେରିକାର ଡଲାସ୍ ୱାଇଜ୍ ମଧ୍ୟ ରୌପ୍ୟ ପଦକ ପାଇଥିଲେ କାରଣ ସେ ଏବଂ କୁମାର ସମାନ ୨.୦୬ ମିଟର ଡେଇଁଥିଲେ।

ଅନ୍ୟ ଜଣେ ଆମେରିକୀୟ ରୋଡେରିକ୍ ଟାଉନ୍ସେଣ୍ଡ ୨.୧୫ ମିଟର ବିଶ୍ୱ ରେକର୍ଡ ଜମ୍ପ ସହିତ ସ୍ୱର୍ଣ୍ଣ ପଦକ ଜିତିଛନ୍ତି। ଟୋକିଓ ପାରାଲିମ୍ପିକ୍ସରେ ଏହା ହେଉଛି ଭାରତର ଦ୍ୱିତୀୟ ପଦକ। ଏହାପୂର୍ବରୁ ଭାବନା ପଟେଲ ରବିବାର ଦିନ ମହିଳା ସିଙ୍ଗଲ୍ସ ଟେବୁଲ ଟେନିସ ଶ୍ରେଣୀ ୪ ଇଭେଣ୍ଟରେ ରୌପ୍ୟ ପଦକ ଜିତିଥିଲେ।

ଟୋକିଓରେ ପୁରୁଷ ହାଇ ଜମ୍ପରେ ରୌପ୍ୟ ପଦକ ଜିତିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟୁଇଟ୍ କରି ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ନିଶାଦ କୁମାର ଜଣେ ଅସାଧାରଣ ଆଥଲେଟ୍, ମୁଁ ଏଥିରେ ବହୁତ ଖୁସି।

ଟୋକିଓ ପାରାଲିମ୍ପିକ୍ସରେ ଭାରତ ପାଇଁ ରୌପ୍ୟ ପଦକ ଜିତିଥିବା ନିଶାଦ କୁମାର ହିମାଚଳ ପ୍ରଦେଶର ଉନାରୁ ଆସିଛନ୍ତି। ପାରାଲିମ୍ପିକ୍ ଗେମ୍ସ ଆରମ୍ଭ ପୂର୍ବରୁ ସେ ବାଙ୍ଗାଲୋରର ଏକ କୋଚିଂ କ୍ୟାମ୍ପରେ ମାସ ମାସ ଧରି କଠିନ ପରିଶ୍ରମ କରିଥିଲେ। ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍ ପୂର୍ବରୁ ତାଙ୍କ ଗାଁରେ ତାଙ୍କ ପାଇଁ ନିରନ୍ତର ପ୍ରାର୍ଥନା କରାଯାଉଥିଲା। ଏହି ପଦକ ସହିତ ଗାଁରେ ଖୁସିର ଲହରୀ ଖେଳିଯାଇଛି।