ଟୋକିଓ ପାରାଲିମ୍ପିକ୍ସରେ ଭାରତକୁ ପଞ୍ଚମ ସ୍ଵର୍ଣ୍ଣ: ବ୍ୟାଡମିଣ୍ଟନରେ କୃଷ୍ଣ ନାଗର ପାଇଲେ ପଦକ

Published: Sep 5, 2021, 10:16 am IST

ନୂଆଦିଲ୍ଲୀ: ଟୋକିଓ ପାରାଲିମ୍ପିକ୍ସରେ ଭାରତର କୃଷ୍ଣ ନାଗର ପଞ୍ଚମ ସ୍ୱର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଛନ୍ତି। ଆଜି ବ୍ୟାଡମିଣ୍ଟନର ପୁରୁଷ ସିଙ୍ଗଲ୍ସ (ଏସଏଚ-୬) ଇଭେଣ୍ଟ ଫାଇନାଲରେ ହଂକଂର ଚୁ ମନ କୋଇଙ୍କୁ ୨୧-୧୭, ୧୬-୨୧, ୨୧-୧୭ରେ ପରାସ୍ତ କରି କୃଷ୍ଣ ନାଗର ଭାରତ ସ୍ୱର୍ଣ୍ଣ ଜିତିଛନ୍ତି। ଶନିବାର ଦିନ ଏସଏଲ-୩ ଇଭେଣ୍ଟରେ ପ୍ରମୋଦ ଭଗତ ପୁରୁଷ ଏକକ ଟାଇଟଲ ଜିତିବା ପରେ ଟୋକିଓ ପାରାଲିମ୍ପିକ୍ସରେ ବ୍ୟାଡମିଣ୍ଟନରେ ଦେଶର ଦ୍ୱିତୀୟ ସ୍ୱର୍ଣ୍ଣ ପଦକ। ଏହାପୂର୍ବରୁ ରବିବାର ଟୋକିଓ ପାରାଲିମ୍ପିକ୍ସରେ ନୋଏଡା ଡିଏମ୍ ସୁହାସ୍ ଏଲ୍ ୟତିରାଜ ରୌପ୍ୟ ପଦକ ଜିତିଥିଲେ।

Related posts