ନୂଆଦିଲ୍ଲୀ: ସ୍ପେସ୍ ଏଜେନ୍ସିର ପ୍ରଥମ କ୍ଷୁଦ୍ର ଉପଗ୍ରହ ପ୍ରକ୍ଷେପଣ ଯାନ (SSLV) ଟର୍ମିନାଲ୍ ପର୍ଯ୍ୟାୟରେ ଏକ ‘ଡାଟା ଲସ୍’ ର ଶିକାର ହୋଇଛି ଏବଂ ତାହା ସହିତ ସମ୍ପର୍କ କଟିଯାଇଛି। ଏହି ସୂଚନା ଭାରତୀୟ ମହାକାଶ ଗବେଷଣା ସଂଗଠନ (ISRO) ର ସଭାପତି ଏସ୍ ସୋମନାଥ ପ୍ରଦାନ କରିଛନ୍ତି। ଅବଶ୍ୟ, ଅବଶିଷ୍ଟ ତିନିଟି ପର୍ଯ୍ୟାୟ ଆଶା ଅନୁଯାୟୀ ଅନୁରୂପ ପ୍ରଦର୍ଶନ କରିଛି ଏବଂ ପ୍ରକ୍ଷେପଣ ଯାନ ଓ ଉପଗ୍ରହର ସ୍ଥିତି ଜାଣିବା ପାଇଁ ସ୍ପେସ୍ ଏଜେନ୍ସି ତଥ୍ୟ ବିଶ୍ଳେଷଣ କରୁଛି ବୋଲି ସେ କହିଛନ୍ତି। ମହାକାଶରେ ଏକ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ ଏବଂ ଛାତ୍ରମାନଙ୍କ ଦ୍ୱାରା ବିକଶିତ ଉପଗ୍ରହକୁ SSLV-D1 / EOS-02 ବହନ କରିଛି।
ପ୍ରେରଣ ହେବାର କିଛି ମିନିଟ ପରେ ଶ୍ରୀହରିକୋଟାସ୍ଥିତ ମିଶନ ନିୟନ୍ତ୍ରଣ କେନ୍ଦ୍ରରେ ସୋମନାଥ କହିଛନ୍ତିଯେ, ସମସ୍ତ ପର୍ଯ୍ୟାୟ ଆଶାନୁରୂପ ପ୍ରଦର୍ଶନ କରିଥିଲା। ପ୍ରଥମ, ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟରେ ନିଜ ନିଜର କାର୍ଯ୍ୟ କରିଛି କିନ୍ତୁ ଟର୍ମିନାଲ୍ ପର୍ଯ୍ୟାୟରେ କିଛି ତଥ୍ୟ ହ୍ରାସ ହୋଇଥିଲା ଏବଂ ଆମେ ତଥ୍ୟ ବିଶ୍ଳେଷଣ କରୁଛୁ। ଆମେ ଶୀଘ୍ର ପ୍ରେରଣ ଯାନର କାର୍ଯ୍ୟଦକ୍ଷତା ଏବଂ ଉପଗ୍ରହର ସ୍ଥିତି ବିଷୟରେ ସୂଚନା ଦେବୁ। ଦୟାକରି ଅପେକ୍ଷା କରନ୍ତୁ। ଆମେ ଶୀଘ୍ର ଆପଣଙ୍କୁ ସମ୍ପୂର୍ଣ୍ଣ ବିବରଣୀ ଦେବୁ।