Categories
ଅପରାଧ ଆଜିର ଖବର ଜାତୀୟ ଖବର

ତାନ୍ତ୍ରିକର କଥାରେ ପଡି ପାଞ୍ଚ ସନ୍ତାନର ହତ୍ୟା କଲା ପିତା

ଜିନ୍ଦ : ହରିୟାଣାର ଜିଲ୍ଲା ଜିନ୍ଦ ଜିଲ୍ଲାରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଏହି ଜିଲ୍ଲାର ଦିଡ୍‌ଓ୍ବାଡା ଗ୍ରାମରେ ଜଣଷ ପିତା ତାନ୍ତ୍ରିକର କଥାରେ 5 ବର୍ଷରେ ନିଜର 5ଟି ସନ୍ତାନର ହତା କରିଛି । ଜୁଲାଇ 17 ତାରିଖରେ ଏହି ଗ୍ରାମରୁ ଦୁଇ ଝିଅ ଗାଏବ ହୋଇଥିଲେ । ଏହା ପରେ ଘଟଣାଟି ସାମ୍ନାକୁ ଆସିଥିଲା । ଅଭିଯୁକ୍ତ ଜଣକ ଏହି ଗ୍ରାମର ଜୁମ୍ମା ବୋଲି ସୂଚନା ରହିଛି । ଜୁମ୍ମା ଜଣେ ତାନ୍ତ୍ରିକର କଥାରେ ଏପରି ବୀଭତ୍ସ କାଣ୍ଡ ଘଟାଇଥିବାର ଜଣାପଡିଛି । ମରିଥିବା ସମସ୍ତ ସନ୍ତାନଙ୍କର ବୟସ 11 ବର୍ଷରୁ କମ୍‌ ରହିଛି । ଏଥିରେ ତିନିଜଣ ଝିଅ ଓ ଦୁଇ ଜଣ ପୁଅ ରହିଛନ୍ତି । ପୂରା ମାମଲା ସାମ୍ନାକୁ ଆସିବା ପରେ ବ୍ୟକ୍ତି ଜଣକ ପଞ୍ଚାୟତ ସାମ୍ନାରେ ଅପରାଧ ସ୍ବୀକାର କରି  କ୍ଷମା ପ୍ରାର୍ଥନା କରିଛନ୍ତି । ତେବେ ପୋଲିସ୍‌ ଅଭିଯୁକ୍ତ ଗିରଫ କରି ଏହି ଘଟଣାରେ ଆଉ କିଏ କିଏ ସାମିଲ୍‌ ରହିଛନ୍ତି ତାହା ନେଇ ତଦନ୍ତ ଆରମ୍ଭ କରୁଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

କରୋନାରେ ତାନ୍ତ୍ରିକଙ୍କ ମୃତ୍ୟୁ, ମରିବା ପୂର୍ବରୁ 23 ଜଣଙ୍କୁ କଲେ ସଂକ୍ରମଣ

ଭୋପାଳ : ମଧ୍ୟପ୍ରଦେଶର ରତଲାମ ଜିଲ୍ଲାରେ ଜଣେ ତାନ୍ତ୍ରିକଙ୍କ କରୋନା ଭାଇରସ ଯୋଗୁଁ ମୃତ୍ୟୁ ହୋଇଛି । ତନ୍ତ୍ରିକଙ୍କ ମୃତ୍ୟୁ ହେବା ପରେ ତାଙ୍କର ସଂସ୍ପର୍ଶରେ ଆସିଥିବା ଅନ୍ୟ ଲୋକମାନଙ୍କୁ ସଂଗରୋଧ କେନ୍ଦ୍ରରେ ରଖାଯାଇଛି । ଏବେ ନମୁନା ରିପୋର୍ଟ ଆସିବା ପରେ ଜଣାଯାଇଛି ଯେ, 23 ଜଣ ପଜିଟିଭ ଚିହ୍ନଟ ହୋଇଛନ୍ତି । ରତଲାମ ଜିଲ୍ଲାର ନୟାପୁରା ଅଂଚଳରେ ଜଣେ ତାନ୍ତ୍ରିକ ଝଡ଼ା ଫୁଙ୍କା କରିବା ସହ ଲୋକଙ୍କୁ ତାବିଜ ବାଣ୍ଟିଥାନ୍ତି । ବାବା ଅନେକ ସମୟରେ ଲୋକଙ୍କର ହାତକୁ ଚୁମ୍ବନ କରିଥାନ୍ତି ବୋଲି  ସ୍ଥାନୀୟ ଲୋକେ କହିଛନ୍ତି ।ବହୁ ଲୋକେ ତାନ୍ତ୍ରିକଙ୍କ ନିକଟକୁ ଯାଇଥାନ୍ତି ବୋଲି ସୂଚନା ରହିଛି ।

ଗତ 4 ତାରିଖରେ କରୋନା ଯୋଗୁଁ ତାନ୍ତ୍ରିକଙ୍କର ମୃତ୍ୟୁ ହୋଇଥିଲା । ନିୟମ ଅନୁସାରେ ବାବାଙ୍କ କଣ୍ଟାକ୍ଟ ହିଷ୍ଟ୍ରି ସଂଗ୍ରହ କରାଯାଇଥିଲା ।  ଏହା ପରେ 23 ଜଣଙ୍କର ନମୁନା ସଂଗ୍ରହ କରାଯାଇଥିଲା । କରୋନା ପଜିଟିଭ ଚିହ୍ନଟ ସମସ୍ତ ଲୋକେ ସ୍ଥାନୀୟ ଅଂଚଳର ବୋଲି ଜଣାପଡିଛି ।

ମଧ୍ୟପ୍ରଦେଶର ଇନ୍ଦୋର ସହରରେ କରୋନା ମାମଲା ବଢିବାରେ ଲାଗିଛି । ଆକ୍ରାନ୍ତଙ୍କ ସଂଖ୍ୟା 3922 ଟପିଥିବାବେଳେ 163ଜଣଙ୍କର ମୃତ୍ୟୁ ହୋଇଛି ।