Tag: ଦାଦା ବଟି

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ଏପ୍ରିଲ ମାସରେ ଘଟିଥିବା ବୋମାମାଡ ଓ ଗୁଳି ଚଳାଇ ଦାଦା ବଟି ମାଗିବା ଅଭିଯୋଗରେ କୋଦଳା ପୋଲିସ ୩ ଜଣ ଅପରାଧୀ ଯଥା ବିଭୁ ଯେନା ଓ ରାମ୍ ପାଲ୍ ଓ ସଞ୍ଜୟ କୁମାର ବାରିକ (ବାଙ୍କ)କୁ ଗିରଫ କରି କୋର୍ଟ ଚାଲାଣ କରିଛି।

ଚମାଗଣ୍ଡି ଥାନା ଅନ୍ତର୍ଗତ ନରେନ୍ଦ୍ର ପୁର ଗ୍ରାମର ଦ୍ୟୁତିକ୍ରୁଷ୍ଣ ସାହୁ ଙ୍କ କୋଦଳା ଥାନା ଅନ୍ତର୍ଗତ କଞ୍ଚଣା ଗ୍ରାମ ରେ ଅବସ୍ଥିତ କୁକୁଡ଼ା ଫାର୍ମରେ ଗତ ଏପ୍ରିଲ ମାସରେ ଘଟିଥିବା ବୋମାମାଡ ଓ ଗୁଳି ଚଳାଇ ଦାଦା ବଟି ମାଗିବା ଅଭିଯୋଗରେ ପୋଲିସ ପୁର୍ବରୁ ୩ ଜଣଙ୍କୁ ଗିରଫ କରିଥିଲା ବେଳେ ଶନିବାର ଦିନ ଉକ୍ତ ୩ ଜଣ ଅପରାଧୀଙ୍କୁ ଗିରଫ କରି କୋର୍ଟ ଚାଲାଣ କରିଛି।

ଅଭିଯୁକ୍ତ ବିଭୁ ଯେନା ନାମରେ ପୁର୍ବରୁ ଝାରସୁଗୁଡ଼ା, ବାଲୁଗାଁ, ବାଣପୁର ଓ ଖଲ୍ଲିକୋଟ ଥାନା ରେ ବହୁ ଅପରାଧ ମାମଲା ରହିଛି। ଏଥି ସହିତ ଅଭିଯୁକ୍ତ ମାନଙ୍କ ଠାରୁ ପୋଲିସ ୬ ଟି ବୋମା, ଗୋଟିଏ ପିସ୍ତଲ୍ ଓ ୮ ଟି ଜୀବନ୍ତ ଗୁଳି ଜବତ କରିଛନ୍ତି।

କୁଜଙ୍ଗ: କୁଜଙ୍ଗ ଥାନା ବଡଙ୍ଗ ଗ୍ରାମକୁ ହଳଦୀ ପାଣି ନଦୀ ଉପରେ ଅସ୍ଥାୟୀ ରାସ୍ତା ନିର୍ମାଣକୁ ବିରୋଧକରି ସେହି ଗ୍ରାମର ଜଣେ ଯୁବକକୁ ଆଜି ଜେଲ ଯିବାକୁ ପଡିଛି। ପ୍ରକାଶ ଯେ, ନଦୀ ଉପରେ ଥିବା ପୋଲ ଅଣ ଓସାରିଆ ହୋଇଥିବାରୁ ଭାରିଯାନ ଯିବା କଷ୍ଟକର ହୋଇପଡୁଥିଲା। ଯାହା ଫଳରେ କି ୨୦୨୨ ମସିହାରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଉକ୍ତ ପୋଲକୁ ଭଙ୍ଗା ଯାଇ ନୂତନ ପୋଲ ନିର୍ମାଣ ପାଇଁ ଅର୍ଥ ମଞ୍ଜୁର କରାଯାଇଥିଲା। ମାତ୍ର ବିଭାଗୀୟ ଅଧିକାରୀଙ୍କ ଅବହେଳା ଯୋଗୁ ଏହି ପୋଲ ନିର୍ମାଣ ହୋଇପାରନଥିଲା।

୨୦୨୨ ମସିହା ବର୍ଷା ଋତୁରେ ଉକ୍ତ ପୋଲ ଉପରେ ନିର୍ଭର କରୁଥିବା ୩ଟି ଗ୍ରାମର ୩ ହଜାରରୁ ଉର୍ଦ୍ଧ୍ୱ ଜନ ସାଧାରଣଙ୍କୁ ଯାତାୟତ କରିବା ପାଇଁ ଅସୁବିଧା ହେଉଥିଲା। ଏ ସମ୍ପର୍କରେ ଗତ ୨୯ ତାରିଖରେ ୫-ଟି ସଚିବ ଭିକେ ପାଣ୍ଡିଆନଙ୍କ କୁଜଙ୍ଗ ଗସ୍ତ ଅବସରରେ ଘଟଣା ସମ୍ପର୍କରେ ସ୍ଥାନିୟ ଜଣେ ଛାତ୍ରୀ ଆଦ୍ୟାଶା ପ୍ରଧାନ ଅବଗତ କରାଇଥିଲେ। ସ୍ଥଳକୁ ନେଇ ଦେଖାଇବା ସହ କାମର ବିଳମ୍ବତା ନେଇ ଅଭିଯୋଗ କରିଥିଲେ।

୫-ଟି ସଚିବଙ୍କ ନିର୍ଦ୍ଦେଶମତେ ଅସ୍ଥାୟୀ ରାସ୍ତାକୁ ମଜଭୁତ କରିବା ସହ ପୋଲ ନିର୍ମାଣ କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ପ୍ରଦାନ କରିଥିଲେ। ମାତ୍ର ଠିକାଦାର ପ୍ରହଲ୍ଲାଦ ଚନ୍ଦ୍ର ସ୍ୱାଇଁ ଏହି ରାସ୍ତାଟିକୁ କାର୍ଯ୍ୟକରୁଥିବା ବେଳେ ସେହି ଗ୍ରାମର ପ୍ରଶାନ୍ତ ପ୍ରଧାନଙ୍କ ପୁଅ ବବୁଲ ପ୍ରଧାନ (୩୦) ଓ ବିଚିତ୍ର ପରିଡାଙ୍କ ପୁଅ ପ୍ରକାଶ ପରିଡା (୪୦) ଦାଦା ବଟି ମାଗିବା ସହ ଧମକ ଚମକ ଦେଇଥିଲେ। ଯାହା ଫଳରେକି ଠିକାଦାର ଶ୍ରୀଯୁକ୍ତ ସ୍ୱାଇଁ ଏସଂକ୍ରାନ୍ତରେ କୁଜଙ୍ଗ ଥାନାରେ ଅଭିଯୋଗକରିଥିଲେ।

ଅଭିଯୋଗକୁ ଭିତ୍ତିକରି କୁଜଙ୍ଗ ଥାନା କେସ ନଂ.୩୫୧/୨୩ରେମାମଲା ରୁଜୁକରି ସୋମବାରଦିନ ବବୁଲକୁ ଗିରଫକରି କୋର୍ଟ ଚାଲଣ କରିଥିଲେ। ଜାମିନ ନାମାଞ୍ଜୁର ହେବାରୁ କୁଜଙ୍ଗ ଉପକାରାଗାରକୁ ପଠାଇ ଦିଆଯାଇଛି। ଅନ୍ୟ ପକ୍ଷରେ ପ୍ରକାଶ କେଉଁଆଡେ ଫେରାର ହୋଇଯାଇଥିବା ଥାନା ଅଧିକାରୀ ରଶ୍ମି ରଂଜନ ଦାସ କହିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ନିମଖଣ୍ଡି ଥାନା ଅନ୍ତର୍ଗତ ଲୋଚାପଡା ହନୁମାନ ମନ୍ଦିର ନିକଟରେ ଆଖୁ ରସ ବିକୁଥିବା ଶୋଭା ଚନ୍ଦ୍ର ସେଠୀ ନାମକ ଜଣେ ବ୍ୟକ୍ତିଙ୍କ ଠାରୁ ୭ ଜଣ ଯୁବକ ଆଖୁ ରସ ପିଇ ପଇସା ଦେଲେ ନାହିଁ। ବ୍ୟବସାୟୀ ଜଣକ ପଇସା ଦାବି କରିବାରୁ ଗାଳିଗୁଲଜ କରିବା ସହ ମାଡ଼ ମାରି ଆହତ କରିଥିଲେ। ଯାହା ଫଳରେ ତାଙ୍କର ମୁଣ୍ଡରେ ଗଭୀର ଆଘାତ ଲାଗିଥିଲା। ଆଜିଠାରୁ ମାସିକିଆ ଦାଦା ବଟି ଦେବୁ ନହେଲେ ତୋତେ ହତ୍ୟା କରିବୁ ବୋଲି ଧମକ ଦେଇ ଚାଲିଗଲେ।

ଆହତ ବ୍ୟବସାୟୀ ଜଣକ ଭୟଭୀତ ହୋଇ ଡାକ୍ତରଖାନାରେ ଚିକିତ୍ସିତ ହୋଇ ଆସିଲା ପରେ ନିମଖଣ୍ଡି ଥାନାରେ ଅଭିଯୋଗ କରିଥିଲେ ଓ ଅଭିଯୋଗ ଅନୁଯାୟୀ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଆଜି ବଡ଼ବଜାର ଥାନା ଅନ୍ତର୍ଗତ ଲକ୍ଷ୍ମୀନୃସିଂହ ସାହିରେ ଦାଦାବଟିକୁ କେନ୍ଦ୍ରରେ ଜନୈକ ଭାଇଭଉଣୀଙ୍କୁ ଖଣ୍ଡାରେ ଆକ୍ରମଣ ହୋଇଛି। ଉଭୟ ଆହତ ହୋଇଥିବାବେଳେ ଭଉଣୀର ଅବସ୍ଥା ଗୁରୁତର ଅଛି। ଉଭୟଙ୍କୁ ବ୍ରହ୍ମପୁର ଏମ୍‌କେସିଜିରେ ଚିକିତ୍ସା କରାଯାଉଛି। ଘଟଣାରୁ ପ୍ରକାଶ ଯେ ଆଜି ସକାଳ ୯.୧୦ ସମୟରେ ଲକ୍ଷ୍ମୀନୃସିଂହ ସାହିରେ ରହୁଥିବା ଭାଇ କାଳିଆ ପାତ୍ର ଓ ଭଉଣୀ ସୁନିତା ପାତ୍ର ନିଜ ଘର ସାମ୍ନାରେ ଥିବାବେଳେ ୫ ଜଣ ଯୁବକ ବାଇକ୍‌ରେ ଆସି ଖଣ୍ଡା ସାହାଯ୍ୟରେ ଅତର୍କିତ ଆକ୍ରମଣ କରିଥିଲେ। ଆକ୍ରମଣରେ ଉଭୟ ଗୁରୁତର ହୋଇଥିଲେ। ବଡ଼ବଜାର ପୋଲିସ୍ ତୁରନ୍ତ ଘଟଣାସ୍ଥଳରେ ପହଞ୍ଚି ଅନୁସନ୍ଧାନ ଆରମ୍ଭ କରିବା ସହ ଜଣେ ଆକ୍ରମଣକାରୀଙ୍କୁ ଚିହ୍ନଟ କରାଯାଇ ଖୋଜା ଚାଲିଛି। ପୋଲିସ୍‌ର ତଥ୍ୟ ଅନୁଯାୟୀ ଭାଇ କାଳିଆ ପାତ୍ର ଗୋଟିଏ ମିକ୍ସର୍ କାରଖାନା କରିଛି। ଏହି ଯୁବକମାନେ ତାଙ୍କୁ ୧୦ ହଜାର ଟଙ୍କା ଦାଦା ବଟି ମାଗିଥିଲେ। କାଳିଆ ଏହି ଟଙ୍କା ନଦେବାରୁ ଆଜି ତାଙ୍କ ଘର ସାମ୍ନାରେ ତାଙ୍କୁ ଆକ୍ରମଣ କରିବା ବେଳେ ଭାଇକୁ ବଂଚାଇବାକୁ ଯାଇ ଭଉଣୀ ସୁନିତା ଆକ୍ରମଣର ଶିକାର ହୋଇଥିଲା। ବଡ଼ବଜାର ପୋଲିସ୍ ୨୦୯/୨୦ ରେ ଏକ ମାମଲା ରୁଜୁ କରି ଆକ୍ରମଣକାରୀଙ୍କୁ ଖୋଜିବାରେ ଲାଗିଥିବା ନେଇ ଥାନାଧିକାରୀ ଭାବାନନ୍ଦ ପ୍ରଧାନ ସୂଚନା ଦେଇଛନ୍ତି।