ନୂଆଦିଲ୍ଲୀ: ଦିଲ୍ଲୀରୁ ଲଣ୍ଡନ ଯାଉଥିବା ଏୟାର ଇଣ୍ଡିଆ ବିମାନରେ ଜଣେ ଯାତ୍ରୀ ହଙ୍ଗମା ସୃଷ୍ଟି କରିଛନ୍ତି। ଉତ୍ତେଜନା ଏତେ ବଢିଗଲା ଯେ, ବିମାନଟିକୁ ଦିଲ୍ଲୀ ଫେରିବାକୁ ପଡ଼ିଲା। ଏୟାର ଇଣ୍ଡିଆ ନିଶ୍ଚିତ କରିଛି ଯେ, ମଝି ଆକାଶରେ ଜଣେ ଯାତ୍ରୀଙ୍କ ସହିତ ବିମାନ କର୍ମଚାରୀଙ୍କ ବିବାଦ ହୋଇଥିଲା, ଯାହା ପରେ ଏହି ପଦକ୍ଷେପ ନେବାକୁ ପଡିଛି। ଏହି ଘଟଣାରେ ଦିଲ୍ଲୀ ବିମାନବନ୍ଦର ପୋଲିସ ନିକଟରେ ଏୟାରଲାଇନ୍ସ ଅଭିଯୋଗ କରିଛି। ଏହି ଯାତ୍ରୀ ବର୍ତ୍ତମାନ ଦିଲ୍ଲୀ ବିମାନବନ୍ଦରରେ ଅବସ୍ଥିତ ପୋଲିସ ଷ୍ଟେସନରେ ଅଛନ୍ତି।
ପ୍ରକାଶ ଯେ, ଅତୀତରେ ଏୟାର ଇଣ୍ଡିଆ ବିମାନରେ ଏହିପରି ଅନେକ ଘଟଣା ଦେଖାଯାଇଥିଲା, ଯେଉଁ କାରଣରୁ ବହୁତ ହଙ୍ଗାମା ହୋଇଥିଲା। ଏହି ଘଟଣାଗୁଡ଼ିକ ମଧ୍ୟରୁ ଗୋଟିଏ ଏୟାର ଇଣ୍ଡିଆର ନ୍ୟୁୟର୍କ-ନୂଆଦିଲ୍ଲୀ ବିମାନର ‘ବ୍ୟବସାୟ ଶ୍ରେଣୀ’ରେ ଘଟିଛି। ଏହି ବିମାନରେ ମଦ୍ୟପ ବ୍ୟକ୍ତି ଜଣେ ୭୦ ବର୍ଷ ବୟସ୍କା ମହିଳା ସହ-ଯାତ୍ରୀଙ୍କ ଉପରେ ପରିସ୍ରା କରିଥିବା ଅଭିଯୋଗ ହୋଇଥିଲା। ଏହି ମାମଲା ବର୍ତ୍ତମାନ ସୁପ୍ରିମକୋର୍ଟରେ ପହଞ୍ଚିଛି।