Tag: ଦେଶୀମଦ ଜବତ

ଚିଲିକା: ଖୋର୍ଦ୍ଧା ଜିଲ୍ଲା ଅବକାରୀ ଅଧିକ୍ଷକ ସୁମତି ତ୍ରିପାଠୀ ଓ ଟାଙ୍ଗୀ ରେଞ୍ଜ ଅବକାରୀ ଅଧିକାରୀ ରାଧାକାନ୍ତ ଭୋଇଙ୍କ ନିର୍ଦ୍ଦେଶ କ୍ରମେ ବାଲୁଗାଁ ଅବକାରୀ ଅଧିକାରୀ ସୁଜିତ କୁମାର ମୁଦୁଲିଙ୍କ ନେତୃତ୍ୱରେ ବାଲୁଗାଁ, ବାଣପୁର, ନାଚୁଣି ଥାନା ଅନ୍ତର୍ଗତ ବିଭିନ୍ନ ଅଞ୍ଚଳରେ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ୧୧୭ ଲିଟର ଦେଶୀମଦ ଜବତ ହୋଇଥିବା ବେଳେ ଦୁଇ ଜଣ ଚୋରା ମଦ ବେପାରୀଙ୍କୁ ଗିରଫ ସହିତ ଏକ ବାଇକ ଜବତ ହୋଇଛି। ଅଭିଯୁକ୍ତ ମାନେ ହେଲେ ସୁନଖଳା ଗ୍ରାମର ଶ୍ୱେତ ବେହେରାଙ୍କ ନିକଟରୁ ୯ ଲିଟର ଓ ଭୁସକା ପଡା ଗ୍ରାମର ଗୌରୀ ଶଙ୍କର ମହାନ୍ତିଙ୍କ ନିକଟରୁ ୧୦୮ ଲିଟର ଦେଶୀ ମଦ ଜବତ କରାଯାଇଛି।

ଅଭିଯୁକ୍ତଙ୍କ ବିରୁଦ୍ଧରେ ପୃଥକ ଭାବେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ବାଲୁଗାଁ ଅବକାରୀ ଅଧିକାରୀ ଶ୍ରୀ ମୁଦୁଲି ସୂଚନା ଦେଇଛନ୍ତି। ଉକ୍ତ ଚଢ଼ାଉରେ ବାଲୁଗାଁ ଅବକାରୀ ଅଧିକାରୀ ଶ୍ରୀ ମୁଦୁଲିଙ୍କ ସମେତ ଏଏସଆଇ ସଞ୍ଜୟ କୁମାର ମୁଦୁଲି, କନେଷ୍ଟବଳ ଆଶୀଷ କୁମାର ପ୍ରଧାନ, ଚିନ୍ମୟୀ ଦାସ, ତୁଷାର ଚମ୍ପତି, କାଳୁ ପ୍ରଧାନ ପ୍ରମୁଖ ସାମିଲ ଥିଲେ।

ଚିଲିକା( ସୀତାରାମ ଅଗ୍ରୱାଲ): ଆଜି ଟାଙ୍ଗୀ ରେଞ୍ଜ ଅବକାରୀ ଇନ୍ସପେକ୍ଟର ନାରାୟଣ ଜେନା ଏବଂ ବାଲୁଗାଁ ଅବକାରୀ ଟିମ ବାଣପୁର, ବାଲୁଗାଁ, ନାଚୁଣୀ, ଟାଙ୍ଗୀ ଓ ଖଲିକୋଟ ଥାନା ଅଞ୍ଚଳରେ ଚଢ଼ାଉ କରି ଗଞ୍ଜେଇ ଓ ଦେଶୀ ମଦ ଜବତ କରିବା ସହ 5 ଅଭିଯୁକ୍ତଙ୍କୁ ଗିରଫ କରିଛନ୍ତି।

ନାଚୁଣୀ କହେଁଇପୁର ନୁଆସାହି ଗ୍ରାମରୁ ପ୍ରଦୀପ ସାହୁ ନାମକ ଅଭିଯୁକ୍ତ ଗିରଫ ହୋଇଥିବା ବେଳେ ତାଙ୍କ ନିକଟରୁ 4 କେଜି ଗଞ୍ଜେଇ ଜବତ ହୋଇଛି। ସେହିପରି ଭାବେ ବାଣପୁର ଥାନା ଗୋପୀନାଥ ପ୍ରସାଦ ଗ୍ରାମରୁ ସନ୍ଧ୍ୟାରାଣୀ ସେଠି ନାମ୍ନୀ ମହିଳା ଅଭିଯୁକ୍ତ ଙ୍କୁ ଗିରଫ କରାଯାଇ ତାଙ୍କ ନିକଟରୁ 25 ଲିଟର ଏବଂ ଅନ୍ତରକିଆରୀ ଛକରୁ ଅଭିଯୁକ୍ତ ବିପ୍ର ଶବର କୁ ଗିରଫ କରାଯାଇ ତାଙ୍କ ନିକଟରୁ 80 ଲିଟର ଦେଶୀମଦ ଜବତ ହୋଇଛି।

ବାଲୁଗାଁ ଥାନା ସରନଇ ଗ୍ରାମ ରୋଡରୁ ଅଭିଯୁକ୍ତ ବୃନ୍ଦାବନ ଯୁଝିଆରସିଂହ ଗିରଫ ହୋଇଥିବା ବେଳେ ତାଙ୍କ ନିକଟରୁ 9 ଲିଟର ଦେଶୀ ମଦ ଏବଂ ନାଚୁଣୀ ଥାନା ଗମ୍ଭାରୀମୁଣ୍ଡା ଛକରୁ ଅଭିଯୁକ୍ତ ପ୍ରିୟବ୍ରତ ବିଶ୍ୱାଳ ଗିରଫ ହୋଇଥିବା ବେଳେ ତାଙ୍କ ନିକଟରୁ 28 ଲିଟର ଦେଶୀ ମଦ ଜବତ ହୋଇଛି।

ବାଣପୁର (ସୀତାରାମ ଅଗ୍ରୱାଲ): ବାଣପୁର ଥାନା ଅଞ୍ଚଳ ଦେଶୀମଦ କାରବାରର ହବ ପାଲଟିଥିବା ବେଳେ ପୋଲିସ ଏବଂ ବାଲୁଗାଁ ଅବକାରୀ ବିଭାଗ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି। ଆଜି ବାଲୁଗାଁ ଅବକାରୀ ବିଭାଗ ବାଣପୁର ଘଣ୍ଟଶିଳା ରାସ୍ତାରେ ଏକ ବାଜାଜ ପଲସର ମୋଟର ସାଇକେଲକୁ ପିଛା କରି ଜଣେ ଅଭିଯୁକ୍ତକୁ କାବୁ କରିଛି। ଅଭିଯୁକ୍ତ ଜଣକ କୋଷରଡ଼ା ଗ୍ରାମର ପ୍ରଦୀପ ଶବର ବୋଲି ଜଣାପଡିଛି।

ପ୍ରଦୀପଙ୍କ ନିକଟରୁ ୬୦ ଲିଟର ଦେଶୀମଦ ସହ ପଲସରକୁ ଜବତ କରାଯାଇଛି।  ଅବକାରୀ ବିଭାଗ ପ୍ରଦୀପଙ୍କ ନାମରେ ୧୦୯/୨୩ ଦଫାରେ କୋର୍ଟ ଚାଲାଣ କରିଥିବା ଜଣାପଡିଛି।

ଉକ୍ତ ଚଢ଼ାଉରେ ବାଲୁଗାଁ ଅବକାରୀ ଓଆଇସି ତପନ କୁମାର ସ୍ୱାଇଁ, ଏଏସଆଇ ସୁମତି ମହାନ୍ତି, କନଷ୍ଟେବଳ ତୁଷାରକାନ୍ତି ଚମ୍ପତି, ଆଶିଷ ପ୍ରଧାନ ଏବଂ ଚିନ୍ମୟୀ ଦାସ ସାମିଲ ଥିଲେ।

ସୀତାରାମ ଅଗ୍ରୱାଲ

ବାଲୁଗାଁ: ଗୁରୁବାର ପୂର୍ବାହ୍ନରେ ୧୫୫ ଲିଟର ଦେଶୀମଦ ଜବତ କରିବାସହ ଗୋଟିଏ ବାଇକ ଓ ତିନି ଜଣ ଅଭିଯୁକ୍ତ ଗିରଫ କରିଛି ବାଲୁଗାଁ ଅବକାରୀ ବିଭାଗ। ଦିନକୁ ଦିନ ଖୋର୍ଦ୍ଧା ଜିଲ୍ଲା ବାଲୁଗାଁ ତଥା ଆଖପାଖ ଅଞ୍ଚଳରେ ବେଧଡକ ଭାବେ ଚୋରା ଦେଶୀ ମଦ କାରବାର ନେଇ ବାରମ୍ବାର ପୋଲିସ ଓ ଅବକାରୀ ଚଢ଼ାଉ କରିବା ସତ୍ତ୍ୱେ ମଦ ବେପାରି ନିଜ ବେପାରରେ ନଛୋଡବନ୍ଧା। ଯାହାଫଳରେ ସମ୍ପୃକ୍ତି ଅଞ୍ଚଳରେ ଦୈନନ୍ଦିନ ନାନାଦି ଛୋଟ ମୋଟ ଦୁର୍ଘଟଣା ସାଙ୍ଗକୁ ପ୍ରାୟତଃ ପରିବାରରେ ଅଶାନ୍ତି ବାତାବରଣ ଦେଖାଦେଉଛି।

ଏହି ପରିପ୍ରେକ୍ଷୀରେ ଆଜି ସକାଳୁ ବାଲୁଗାଁ ଅବକାରୀ ଅଧିକାରୀ ବି ମନୋଜ ବାରିକଙ୍କ ନେତୃତ୍ୱରେ ଅବକାରୀ ବିଭାଗ ଚଢ଼ାଉ କରିଥିବାବେଳେ ସୁବୁଦ୍ଧିପାଟଣା ଛକ ଠାରେ ଗଞ୍ଜାମ ଜିଲ୍ଲା ଫାସିଖୋଲର ମନୋଜ ଶବରଙ୍କ (୨୦) ନିକଟରୁ ୯୦ ଲିଟର ଦେଶୀମଦ ସହ ଏକ ବାଇକ, ଗଞ୍ଜାମ ଜିଲ୍ଲା ଖାରିବନ୍ଧର ବଳଭଦ୍ର ଶବରଙ୍କ (୨୦) ନିକଟରୁ ୪୦ ଲିଟର ଓ ସ୍ଥାନୀୟ ବଡ଼କୁଳର କୃଷ୍ଣ ମୋହନ ସାହୁଙ୍କ (୫୦) ନିକଟରୁ ୨୫ ଲିଟର ଦେଶୀ ମଦ ଜବତ କରି ପୃଥକ ଭାବେ ଅଭିଯୁକ୍ତଙ୍କ ବିରୁଦ୍ଧରେ ପିଆର କେଶ ନଂ ୮୧/୨୩-୨୪, ୮୨/୨୩-୨୪ ଓ ୮୩/୨୩-୨୪ରେ ମାମଲା ରୁଜୁକରି କୋର୍ଟ ଚାଲାଣ କରାଯାଇଛି।

ଉକ୍ତ ଚଢ଼ାଉରେ ଏଏସଆଇ ସୁଦୀପ୍ତ କୁମାର ଦାସ, ଏଏସଆଇ ସୁମତି ମହାନ୍ତି, କନେଷ୍ଟବଳ ଚିନ୍ମୟୀ ଦାସ, ଅଶେଷ କୁମାର ପ୍ରଧାନ ପ୍ରମୁଖ ସାମିଲ ଥିଲେ।