ନୂଆଦିଲ୍ଲୀ: ଆଜି ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ପ୍ରଥମ ଟେଷ୍ଟର ପଞ୍ଚମ ଦିନ ଥିଲା। ବର୍ଷା ଯୋଗୁଁ ଅନ୍ତିମ ଦିନର ସଂପୂର୍ଣ୍ଣ ଖେଳ ବାଧାପ୍ରାପ୍ତ ହୋଇଥିଲା। ତେଣୁ ପ୍ରଥମ ଟେଷ୍ଟ ଡ୍ର ହୋଇଛି। ବର୍ଷା କେବଳ ଖେଳର ମଜାକୁ ନଷ୍ଟ କରିନଥିଲା, ବରଂ ଭାରତରୁ ଏକ ବିଜୟ ମଧ୍ୟ ଛଡ଼ାଇ ନେଇଥିଲା। ପଞ୍ଚମ ଦିନରେ ଭାରତ ଏହି ମ୍ୟାଚ୍ ଜିତିବ ବୋଲି ଆଶା କରାଯାଉଥିଲା। ଭାରତକୁ କେବଳ ୧୫୭ ରନ୍ ଆବଶ୍ୟକ ଥିଲା। କିନ୍ତୁ ବର୍ଷା ଖେଳ ଆରମ୍ଭ କରିବାର ସୁଯୋଗ ଦେଇନଥିଲା ଏବଂ ମ୍ୟାଚ ଡ୍ରରେ ବନ୍ଦ ହୋଇଯାଇଥିଲା। ଏବେ ଉଭୟ ଦଳ ଦ୍ୱିତୀୟ ଟେଷ୍ଟରେ ଧ୍ୟାନ ଦେବାକୁ ଯାଉଛନ୍ତି।
