Tag: ନରେନ୍ଦ୍ର ମୋଦୀ

ନୂଆଦିଲ୍ଲୀ: ପୂର୍ବତନ ସାଂସଦ ସୀତାରାମ ୟେଚୁରୀଙ୍କ ପରଲୋକରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗଭୀର ଶୋକ ପ୍ରକାଶ କରିଛନ୍ତି।

ଏକ୍ସରେ ଏକ ଭାବବିହ୍ୱଳ ବାର୍ତ୍ତା ପୋଷ୍ଟ କରି ଶ୍ରୀ ମୋଦୀ କହିଛନ୍ତି:

“ଶ୍ରୀ ସୀତାମରା ୟେଚୁରୀଙ୍କ ପରଲୋକରେ ଗଭୀର ଦୁଃଖିତ। ବାମପନ୍ଥୀଙ୍କ ମଧ୍ୟରେ ସେ ଥିଲେ ଅଗ୍ରଣୀ ଆଲୋକ ସ୍ତମ୍ଭ ଏବଂ କ୍ଷମତାର ଅଳିନ୍ଦରେ ନିଜ ସମ୍ପର୍କ ପାଇଁ ବେଶ୍ ପରିଚିତ ଥିଲେ। ଜଣେ ସୁଦକ୍ଷ ସାଂସଦ ହିସାବରେ ସେ ତାଙ୍କ ଦକ୍ଷତା ପ୍ରତିପାଦିତ କରିଥିଲେ। ଏଭଳି ଦୁଃଖର ସମୟରେ ତାଙ୍କ ପରିବାର ଓ ପ୍ରଶଂସକଙ୍କୁ ମୋର ସମବେଦନା। ଓମ୍ ଶାନ୍ତି।”

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଅପରାହ୍ଣ ୪ଟାରେ ନୂଆଦିଲ୍ଲୀର ଭାରତ ମଣ୍ଡପମରେ ବିମାନ ଚଳାଚଳ ସମ୍ପର୍କରେ ଅନୁଷ୍ଠିତ ହେଉଥିବା ଦ୍ୱିତୀୟ ଏସିଆ-ପ୍ରଶାନ୍ତ ମନ୍ତ୍ରୀସ୍ତରୀୟ ସମ୍ମିଳନୀରେ ଭାଗ ନେବେ। ଏହି କାର୍ଯ୍ୟକ୍ରମକୁ ମଧ୍ୟ ସେ ସମ୍ବୋଧିତ କରିବେ।

ସମସ୍ତ ସଦସ୍ୟ ରାଷ୍ଟ୍ରଙ୍କ ଦ୍ୱାରା ‘ଦିଲ୍ଲୀ ଘୋଷଣାପତ୍ର’କୁ ଗ୍ରହଣ ସମ୍ପର୍କରେ ପ୍ରଧାନମନ୍ତ୍ରୀ ଘୋଷଣା କରିବେ। ଏହି ଘୋଷଣାପତ୍ର ବିମାନ ଚଳାଚଳ କ୍ଷେତ୍ରରେ ଶୀର୍ଷରେ ପହଞ୍ଚିବା ପାଇଁ ଏକ ରୋଡମ୍ୟାପ।

ଏସିଆ-ପ୍ରଶାନ୍ତ ବେସାମରିକ ବିମାନ ଚଳାଚଳ କ୍ଷେତ୍ରରେ ସୁରକ୍ଷା, ସ୍ଥିରତା ଓ ସୁରକ୍ଷାକୁ ଆଗେଇ ନେବା ଦିଗରେ ଏହି ସମ୍ମିଳନୀ ଏବଂ ଦିଲ୍ଲା ଘୋଷଣାପତ୍ର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହାଦ୍ୱାରା ଏହି କ୍ଷେତ୍ରର ସଦସ୍ୟ ରାଷ୍ଟ୍ରମାନଙ୍କ ମଧ୍ୟରେ ସହଯୋଗ ଭାବନାର ଉଦ୍ରେକ ହୋଇପାରିବ।

ଆନ୍ତର୍ଜାତିକ ବେସାମରିକ ବିମାନ ଚଳାଚଳ ସଙ୍ଗଠନ (ଆଇସିଏଓ) ସହଯୋଗରେ ବେସାମରିକ ବିମାନ ଚଳାଚଳ ମନ୍ତ୍ରାଳୟ ବିମାନ ଚଳାଚଳ ସମ୍ପର୍କରେ ଏହି ଏସିଆ-ପ୍ରଶାନ୍ତ ସମ୍ମିଳନୀର ଆୟୋଜନ କରିଛି । ଏହା ଏସିଆ-ପ୍ରଶାନ୍ତ କ୍ଷେତ୍ରର ପରିବହନ ଓ ବିମାନ ଚଳାଚଳ ମନ୍ତ୍ରୀ, ନିୟାମକ ସଂସ୍ଥା, ଔଦ୍ୟୋଗିକ ବିଶେଷଜ୍ଞଙ୍କ ଏମ ମଞ୍ଚ ସାବ୍ୟସ୍ତ ହେବ । ସମ୍ମିଳନୀରେ ମୌଳିକ ଢାଞ୍ଚାର ବିକାଶ, ସ୍ଥିରତା, କାର୍ଯ୍ୟବଳର ବିକାଶ ସହ ସାର୍ବଜନୀକ ଓ ଘରୋଇ କ୍ଷେତ୍ର ମଧ୍ୟରେ ସହଯୋଗ ପ୍ରତି ଥିବା ଆହ୍ୱାନକୁ ଗରୁତ୍ୱ ଦେବ ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ୩,୪୩୫.୩୩ କୋଟି ଟଙ୍କା ବ୍ୟୟ ଅଟକଳରେ ସାଧାରଣ ପରିବହନ କର୍ତ୍ତୃପକ୍ଷ (ପିଟିଏ) ଦ୍ୱାରା ଇ-ବସ୍ କ୍ରୟ ଏବଂ ପରିଚାଳନା ପାଇଁ “ପିଏମ-ଇବସ୍ ସେବା-ପେମେଣ୍ଟ ସିକ୍ୟୁରିଟି ମେକାନିଜମ୍ (ପିଏସଏମ) ଯୋଜନା”କୁ ମଞ୍ଜୁରୀ ମିଳିଛି।

ଏହି ଯୋଜନା୨୦୨୪-୨୫ ଆର୍ଥିକ ବର୍ଷରୁ ୨୦୨୮-୨୯ ଆର୍ଥିକ ବର୍ଷ ମଧ୍ୟରେ ୩୮,୦୦୦ରୁ ଅଧିକ ଇଲେକ୍ଟ୍ରିକ୍ ବସ୍ (ଇ-ବସ୍) ପରିଚାଳନା କରିବାରେ ସହାୟକ ହେବ। ଏହି ଯୋଜନାରେ ନିୟୋଜିତ ହେବା ଦିନଠାରୁ ୧୨ ବର୍ଷ ପର୍ଯ୍ୟନ୍ତ ଇ-ବସ୍ ଚଳାଚଳ ରେ ସହାୟତା ମିଳିବ।

ବର୍ତ୍ତମାନ ପବ୍ଲିକ୍ ଟ୍ରାନ୍ସପୋର୍ଟ ଅଥୋରିଟି (ପିଟିଏ) ଦ୍ୱାରା ପରିଚାଳିତ ଅଧିକାଂଶ ବସ୍ ଡିଜେଲ/ସିଏନଜିରେ ଚଳାଚଳ କରୁଥିବାରୁ ପରିବେଶ ଉପରେ ପ୍ରତିକୂଳ ପ୍ରଭାବ ପଡ଼ୁଛି। ଅପରପକ୍ଷରେ ଇ-ବସ୍ ପରିବେଶ ଅନୁକୂଳ ଏବଂ ଏହାର ପରିଚାଳନା ଖର୍ଚ୍ଚ କମ୍ ରହିଛି। ତେବେ ସାଧାରଣ ପରିବହନ କର୍ତ୍ତୃପକ୍ଷ (ପିଟିଏ)ର ଆଗୁଆ ଅଧିକ ଖର୍ଚ୍ଚ ଏବଂ ଚଳାଚଳରୁ ରାଜସ୍ୱ ଆଦାୟ କମ୍ ହେଉଥିବାରୁ ସେମାନଙ୍କ ପାଇଁ ଇ-ବସ୍ କ୍ରୟ ଓ ଚଳାଚଳ କରିବା ଆହ୍ବାନ ହେବ ବୋଲି ଅନୁମାନ କରାଯାଉଥିଲା।

ଇ-ବସ୍ ର ଉଚ୍ଚ ପୁଞ୍ଜି ଖର୍ଚ୍ଚକୁ ଦୃଷ୍ଟିରେ ରଖି ପବ୍ଲିକ୍ ଟ୍ରାନ୍ସପୋର୍ଟ ଅଥରିଟି (ପିଟିଏ) ପବ୍ଲିକ୍ ପ୍ରାଇଭେଟ୍ ପାର୍ଟନରସିପ୍ ମାଧ୍ୟମରେ ଗ୍ରସ୍ କଷ୍ଟ କଣ୍ଟ୍ରାକ୍ଟ (ଜିସିସି) ମଡେଲ୍ ଜରିଆରେ ଏହି ବସ୍ ଗୁଡ଼ିକୁ ସାମିଲ୍ କରିଛି। ଜିସିସି ମଡେଲ ଅଧୀନରେ ପିଟିଏମାନଙ୍କୁ ବସ୍ ର ଆଗୁଆ ମୂଲ୍ୟ ଦେବାକୁ ପଡିବ ନାହିଁ, ବରଂ ଓଇଏମ୍ / ଅପରେଟରମାନେ ମାସିକ ଦେୟ ସହିତ ପିଟିଏ ପାଇଁ ଇ-ବସ୍ କ୍ରୟ ଏବଂ ପରିଚାଳନା କରନ୍ତି । ଅନ୍ୟପକ୍ଷରେ, ସମ୍ଭାବ୍ୟ ଦେୟ ଖିଲାପ ବିଷୟରେ ଚିନ୍ତା କାରଣରୁ ଓଇଏମ୍ / ଅପରେଟରମାନେ ଏହି ମଡେଲରେ ନିୟୋଜିତ ହେବାକୁ କୁଣ୍ଠାବୋଧ କରୁଛନ୍ତି।

ଏକ ଉତ୍ସର୍ଗୀକୃତ ପାଣ୍ଠି ମାଧ୍ୟମରେ ଓଇଏମ୍ / ଅପରେଟରମାନଙ୍କୁ ଠିକ୍ ସମୟରେ ଦେୟ ସୁନିଶ୍ଚିତ କରି ଏହି ଯୋଜନା ସମ୍ପର୍କିତ ସମସ୍ୟାର ସମାଧାନ କରାଯାଇଛି । ଯଦି ପିଟିଏମାନଙ୍କ ଦ୍ୱାରା ଦେୟ ପ୍ରଦାନ ରେ ଅବହେଳା ହୁଏ, କାର୍ଯ୍ୟକାରୀ ସଂସ୍ଥା ସିଇଏସ୍ଏଲ୍ ଯୋଜନା ପାଣ୍ଠିରୁ ଆବଶ୍ୟକ ଦେୟ ପ୍ରଦାନ କରିବ ଯାହା ପରେ ପିଟିଏ / ରାଜ୍ୟ / କେନ୍ଦ୍ରଶାସିତ ଅଞ୍ଚଳ ଦ୍ୱାରା ପରିଶୋଧ କରାଯିବ ।

ଘରୋଇ କ୍ଷେତ୍ରର ଅଂଶଗ୍ରହଣକୁ ପ୍ରୋତ୍ସାହିତ କରି ଇ-ବସ୍ ଗ୍ରହଣକୁ ସୁଗମ କରିବା ପାଇଁ ଏହି ପଦକ୍ଷେପ ନିଆଯାଇଛି। ଏହି ଯୋଜନା ଦ୍ୱାରା ଗ୍ରୀନହାଉସ ଗ୍ୟାସ ନିର୍ଗମନରେ ମଧ୍ୟ ଉଲ୍ଲେଖନୀୟ ହ୍ରାସ ଘଟିବ ଏବଂ ଜୀବାଶ୍ମ ଇନ୍ଧନ ବ୍ୟବହାର ମଧ୍ୟ ହ୍ରାସ ପାଇବ । ଏହି ଯୋଜନାକୁ ଚୟନ କରିଥିବା ରାଜ୍ୟ / କେନ୍ଦ୍ରଶାସିତ ଅଞ୍ଚଳର ସମସ୍ତ ସାଧାରଣ ପରିବହନ କର୍ତ୍ତୃପକ୍ଷ (ପିଟିଏ)ଙ୍କୁ ଲାଭ ମିଳିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ବୈଠକରେ ଗ୍ରାମ୍ୟ ଉନ୍ନୟନ ବିଭାଗର “୨୦୨୪-୨୫ ଆର୍ଥିକ ବର୍ଷରୁ ୨୦୨୮-୨୯ ମଧ୍ୟରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା -୪ (ପିଏମଜିଏସୱାଇ-୪)ର କାର୍ଯ୍ୟକାରିତା” ପ୍ରସ୍ତାବକୁ ଅନୁମୋଦନ ମିଳିଛି।

ଯୋଗ୍ୟ ୨୫,୦୦୦ ସଂଯୋଗ ବିହୀନ ଜନବସତିକୁ ନୂତନ ସଂଯୋଗ ପ୍ରଦାନ ଏବଂ ନୂତନ ସଂଯୋଗୀକରଣ ରାସ୍ତାରେ ପୋଲ ନିର୍ମାଣ/ଉନ୍ନତିକରଣ ପାଇଁ ୬୨,୫୦୦ କିଲୋମିଟର ରାସ୍ତା ନିର୍ମାଣ ପାଇଁ ଆର୍ଥିକ ସହାୟତା ପ୍ରଦାନ କରାଯିବ। ଏହି ଯୋଜନାରେ ମୋଟ ବ୍ୟୟ ଅଟକଳ ୭୦,୧୨୫ କୋଟି ଟଙ୍କା ହେବ।

ଯୋଜନାର ବିବରଣୀ:

କ୍ୟାବିନେଟ ଦ୍ୱାରା ଦିଆଯାଇଥିବା ଅନୁମୋଦନର ବିବରଣୀ ନିମ୍ନଲିଖିତ ଅଟେ:

୧. ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା-୪ ୨୦୨୪-୨୫ରୁ ୨୦୨୮-୨୯ ଆର୍ଥିକ ବର୍ଷ ପାଇଁ ଆରମ୍ଭ ହୋଇଛି । ଏହି ଯୋଜନାର ସମୁଦାୟ ବ୍ୟୟ ଅଟକଳ ୭୦,୧୨୫ କୋଟି ଟଙ୍କା (କେନ୍ଦ୍ରୀୟ ଅଂଶ ୪୯,୦୮୭.୫୦ କୋଟି ଟଙ୍କା ଏବଂ ରାଜ୍ୟର ଅଂଶ ୨୧,୦୩୭.୫୦ କୋଟି ଟଙ୍କା)।

ଏହି ଯୋଜନା ଅଧୀନରେ ୦୧୧ ଜନଗଣନା ଆଧାରରେ ସମତଳ ଅଞ୍ଚଳରେ ୫୦୦+ ଜନସଂଖ୍ୟା, ଉତ୍ତର ପୂର୍ବ ଏବଂ ପାହାଡ଼ିଆ କେନ୍ଦ୍ରଶାସିତ ଅଞ୍ଚଳରେ ୫୦+, ସ୍ୱତନ୍ତ୍ର ବର୍ଗ ଅଞ୍ଚଳ (ଆଦିବାସୀ ଅନୁସୂଚୀ ପଞ୍ଚମ, ଆକାଂକ୍ଷୀ ଜିଲ୍ଲା/ବ୍ଲକ, ମରୁଭୂମି ଅଞ୍ଚଳ) ଏବଂ ବାମପନ୍ଥୀ ଉଗ୍ରବାଦୀ ପ୍ରଭାବିତ ଜିଲ୍ଲାମାନଙ୍କରେ ୧୦୦+ ଜନସଂଖ୍ୟା ଆକାରର ୫,୦୦୦ ସଂଯୋଗ ବିହୀନ ଜନବସତିକୁ ଅନ୍ତର୍ଭୁକ୍ତ କରାଯିବ।

ଏହି ଯୋଜନା ଅଧୀନରେ ସଂଯୋଗ ବିହୀନ ଜନବସତିଗୁଡ଼ିକୁ ୬୨,୫୦୦ କିଲୋମିଟର ସବୁଦିନିଆ ରାସ୍ତା ଯୋଗାଇ ଦିଆଯିବ । ସବୁଦିନିଆ ରାସ୍ତାର ସଂଯୋଗ ପାଇଁ ଆବଶ୍ୟକ ପୋଲ ନିର୍ମାଣ ର ବ୍ୟବସ୍ଥା ମଧ୍ୟ କରାଯିବ ।

ଲାଭ:

ସଂଯୋଗ ବିହୀନ ୨୫,୦୦୦ ଜନବସତିକୁ ସବୁଦିନିଆ ରାସ୍ତା ସଂଯୋଗ ଯୋଗାଇ ଦିଆଯିବ।

ଦୁର୍ଗମ ଗ୍ରାମାଞ୍ଚଳର ଆବଶ୍ୟକ ସାମାଜିକ-ଅର୍ଥନୈତିକ ବିକାଶ ଓ ପରିବର୍ତନ ପାଇଁ ଏହି ସବୁଦିନିଆ ରାସ୍ତା ଉତପ୍ରେରକ ଭୂମିକା ଗ୍ରହଣ କରିବ। ଜନବସତିଗୁଡ଼ିକୁ ସଂଯୋଗ କରିବା ସମୟରେ ନିକଟସ୍ଥ ସରକାରୀ ଶିକ୍ଷା, ସ୍ୱାସ୍ଥ୍ୟ, ବଜାର, ଅଭିବୃଦ୍ଧି କେନ୍ଦ୍ରଗୁଡ଼ିକୁ ଯଥାସମ୍ଭବ ସ୍ଥାନୀୟ ଲୋକଙ୍କ ସୁବିଧା ପାଇଁ ସବୁଦିନିଆ ରାସ୍ତା ସହିତ ସଂଯୋଗ କରାଯିବ।

ପିଏମଜିଏସୱାଇ -୪ ରେ ସଡକ ନିର୍ମାଣ ଅଧୀନରେ ଅନ୍ତର୍ଜାତୀୟ ମାନଦଣ୍ଡ ଏବଂ ସର୍ବୋତ୍ତମ ଅଭ୍ୟାସ ଯଥା କୋଲ୍ଡ ମିକ୍ସ ଟେକ୍ନୋଲୋଜି ଏବଂ ୱେଷ୍ଟ ପ୍ଲାଷ୍ଟିକ, ପ୍ୟାନେଲେଡ୍ ସିମେଣ୍ଟ କଂକ୍ରିଟ, ସେଲ ଭର୍ତ୍ତି କଂକ୍ରିଟ, ଫୁଲ ଡେପଥ ରିକ୍ଲାମେସନ, ନିର୍ମାଣ ବର୍ଜ୍ୟବସ୍ତୁ ଏବଂ ଫ୍ଲାଇ ଆଶ୍, ଷ୍ଟିଲ ସ୍ଲାଗ୍ ଇତ୍ୟାଦିର ବ୍ୟବହାର ଅନ୍ତର୍ଭୁକ୍ତ ହେବ ।

ପିଏମଜିଏସୱାଇ -୪ ସଡ଼କ ନିର୍ମାଣ ଯୋଜନା ପିଏମ ଗତି ଶକ୍ତି ପୋର୍ଟାଲ ମାଧ୍ୟମରେ କରାଯିବ । ପିଏମ ଗତି ଶକ୍ତି ପୋର୍ଟାଲରେ ଯୋଜନା ଉପକରଣ ମଧ୍ୟ ଡିପିଆର ପ୍ରସ୍ତୁତିରେ ସାହାଯ୍ୟ କରିବ ।

ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ ‘ସେମି’ର ସମସ୍ତ ସଦସ୍ୟଙ୍କୁ କୃତଜ୍ଞତା ଜ୍ଞାପନ କରି କହିଥିଲେ ଯେ ବିଶ୍ୱ ସେମିକଣ୍ଡକ୍ଟର ଶିଳ୍ପ ସହ ଜଡିତ ଏକ କାର୍ଯ୍ୟକ୍ରମ ଆୟୋଜନ କରିବାରେ ଭାରତ ବିଶ୍ୱର ଅଷ୍ଟମ ଦେଶ। ‘‘ଭାରତରେ ଉପସ୍ଥିତ ରହିବା ପାଇଁ ଏହା ହେଉଛି ଉପଯୁକ୍ତ ସମୟ। ଆପଣ ଠିକ୍ ସମୟରେ ସଠିକ୍ ସ୍ଥାନରେ ଅଛନ୍ତି’’, ପ୍ରଧାନମନ୍ତ୍ରୀ ମୋଦୀ ଜୋର ଦେଇ କହିଥିଲେ। ସେ ଆହୁରି ମଧ୍ୟ କହିଛନ୍ତି ଯେ, ‘‘ଏକବିଂଶ ଶତାବ୍ଦୀର ଭାରତରେ ଚିପ୍ସ କେବେ ବି ହ୍ରାସ ପାଏ ନାହିଁ। ଆଜିର ଭାରତ ବିଶ୍ୱକୁ ଆଶ୍ୱାସନା ଦେଉଛି, ଯେତେବେଳେ ଚିପ୍ସ ହ୍ରାସ ପାଇବ, ଆପଣ ଭାରତ ଉପରେ ଭରସା କରିପାରିବେ।’’

ସେମିକଣ୍ଡକ୍ଟର ଶିଳ୍ପ ଏବଂ ଗୋଟିଏ ପଟକୁ ବିଦ୍ୟୁତ ପ୍ରବାହ କରୁଥିବା ଏକ ଡାୟୋଡ (ବିଦ୍ୟୁତ ପ୍ରବାହୀ ଉପକରଣ) ମଧ୍ୟରେ ରହିଥିବା ସମ୍ପର୍କ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଭାରତର ସେମିକଣ୍ଡକ୍ଟର ଶିଳ୍ପରେ ସ୍ୱତନ୍ତ୍ର ଡାୟୋଡ ରହିଛି ଯେଉଁଠାରେ ଶକ୍ତି ଉଭୟ ଦିଗରେ ପ୍ରବାହିତ ହୁଏ। ସେ ଏ ସମ୍ପର୍କରେ ବିସ୍ତୃତ ଭାବେ କହିଥିଲେ ଯେ ଶିଳ୍ପଗୁଡ଼ିକ ନିବେଶ ମାଧ୍ୟମରେ ମୂଲ୍ୟ ସୃଷ୍ଟି କରୁଥିବା ବେଳେ ଅନ୍ୟପଟେ ସରକାର ସ୍ଥିର ନୀତି ଏବଂ ବ୍ୟବସାୟିକ ସୁଗମତା ପ୍ରଦାନ କରନ୍ତି। ସେମିକଣ୍ଡକ୍ଟର ଶିଳ୍ପରେ ବ୍ୟବହୃତ ଏକ ସମନ୍ୱିତ ସର୍କିଟ ସହିତ ସମାନତା ହାସଲ କରି ଭାରତ ଏକ ସମନ୍ୱିତ ଇକୋସିଷ୍ଟମ ପ୍ରଦାନ କରୁଛି ବୋଲି ପ୍ରଧାନମନ୍ତ୍ରୀ କହିଥିଲେ ଏବଂ ଭାରତର ଡିଜାଇନରଙ୍କ ବହୁଚର୍ଚ୍ଚିତ ପ୍ରତିଭା ଉପରେ ଆଲୋକପାତ କରିଥିଲେ। ଡିଜାଇନିଂ ଦୁନିଆରେ ଭାରତର ଅବଦାନ ୨୦ ପ୍ରତିଶତ ରହିଛି ଏବଂ ଏହା କ୍ରମାଗତ ଭାବେ ବୃଦ୍ଧି ପାଉଛି ବୋଲି ସୂଚନା ଦେଇ ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ଭାରତ ୮୫,୦୦୦ ଟେକ୍ନିସିଆନ୍, ଇଞ୍ଜିନିୟର ଏବଂ ଗବେଷଣା ଓ ବିକାଶ ବିଶେଷଜ୍ଞଙ୍କୁ ନେଇ ଏକ ସେମିକଣ୍ଡକ୍ଟର କାର୍ଯ୍ୟବଳ ସୃଷ୍ଟି କରୁଛି। ଭାରତର ଗବେଷଣା ଇକୋସିଷ୍ଟମକୁ ନୂତନ ଦିଗ ଏବଂ ଶକ୍ତି ପ୍ରଦାନ କରିବା ଉଦ୍ଦେଶ୍ୟରେ ଅନୁସନ୍ଧାନ ଜାତୀୟ ଗବେଷଣା ଫାଉଣ୍ଡେସନର ପ୍ରଥମ ବୈଠକ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ, ‘‘ଭାରତ ଏହାର ଛାତ୍ରଛାତ୍ରୀ ଏବଂ ବୃତ୍ତିଗତ ଶିଳ୍ପକୁ ପ୍ରସ୍ତୁତ କରିବା ଉପରେ ଧ୍ୟାନ ଦେଉଛି।’’ ଏଥିସହିତ ୧ ଲକ୍ଷ କୋଟି ଟଙ୍କାର ସ୍ୱତନ୍ତ୍ର ଗବେଷଣା ପାଣ୍ଠି ସମ୍ପର୍କରେ ମଧ୍ୟ ଉଲ୍ଲେଖ କରିଥିଲେ।

ଏଭଳି ପଦକ୍ଷେପ ବିଜ୍ଞାନ କ୍ଷେତ୍ରରେ ସେମିକଣ୍ଡକ୍ଟର ଏବଂ ଉଦ୍ଭାବନର ପରିସରକୁ ନିଶ୍ଚିତ ଭାବେ ବୃଦ୍ଧି କରିବ ବୋଲି ପ୍ରଧାନମନ୍ତ୍ରୀ ମୋଦୀ ଜୋର୍‌ ଦେଇ କହିଥିଲେ। ସେମିକଣ୍ଡକ୍ଟର ଭିତ୍ତିଭୂମି ଉପରେ ସରକାରଙ୍କ ଗୁରୁତ୍ୱ ଉପରେ ମଧ୍ୟ ସେ ଆଲୋକପାତ କରିଥିଲେ। ବର୍ତ୍ତମାନର ସଂସ୍କାରବାଦୀ ସରକାର, ଦେଶର ବୃଦ୍ଧି ପାଉଥିବା ଉତ୍ପାଦନ ଭିତ୍ତିଭୂମି ଏବଂ ଦେଶର ଆକାଂକ୍ଷୀ ବଜାରକୁ ନେଇ ଏକ ତ୍ରିମୁଖୀ ଶକ୍ତି ଭାରତ ପାଖରେ ରହିଛି, ଯାହାକି ବୈଷୟିକ ପ୍ରଗତି ବିଷୟରେ ଅବଗତ ବୋଲି ବର୍ଣ୍ଣନା କରି ପ୍ରଧାନମନ୍ତ୍ରୀ କହିଥିଲେ, ‘‘ଥ୍ରୀ-ଡି ଶକ୍ତିର ଏହି ଆଧାର ଅନ୍ୟତ୍ର ମିଳିବା କଷ୍ଟକର।’’

ଭାରତର ଆକାଂକ୍ଷୀ ଏବଂ ପ୍ରଯୁକ୍ତି ଆଧାରିତ ସମାଜର ସ୍ୱାତନ୍ତ୍ର୍ୟ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଭାରତରେ ଚିପ୍ସର ଅର୍ଥ କେବଳ ଟେକ୍ନୋଲୋଜିରେ ସୀମିତ ନୁହେଁ ବରଂ କୋଟି କୋଟି ନାଗରିକଙ୍କ ଆକାଂକ୍ଷା ପୂରଣ କରିବାର ଏକ ମାଧ୍ୟମ। ଭାରତ ଏଭଳି ଚିପ୍ ର ଏକ ବିଶାଳ ଉପଭୋକ୍ତା ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ ମୋଦୀ ଆଲୋକପାତ କରିଥିଲେ ଯେ ଏହା ଉପରେ ବିଶ୍ୱର ସର୍ବୋତ୍ତମ ଡିଜିଟାଲ ସାର୍ବଜନୀନ ଭିତ୍ତିଭୂମି ନିର୍ମାଣ କରାଯାଇଛି। ପ୍ରଧାନମନ୍ତ୍ରୀ ମୋଦୀ କହିଥିଲେ, ‘‘ଏହି କ୍ଷୁଦ୍ର ଚିପ୍ ଭାରତରେ ଶେଷ ମାଇଲ ସେବା ବିତରଣ ସୁନିଶ୍ଚିତ କରିବା ପାଇଁ ବଡ଼ ବଡ଼ କାର୍ଯ୍ୟ କରୁଛି।’’ କରୋନା ମହାମାରୀ ସଙ୍କଟକୁ ମନେ ପକାଇ ଶ୍ରୀ ମୋଦୀ କହିଥିଲେ ଯେ ବିଶ୍ୱର ସବୁଠାରୁ ଶକ୍ତିଶାଳୀ ବ୍ୟାଙ୍କିଙ୍ଗ୍ ବ୍ୟବସ୍ଥା ଭୁଶୁଡ଼ି ପଡ଼ିଥିବା ବେଳେ ଭାରତରେ ବ୍ୟାଙ୍କଗୁଡ଼ିକ କ୍ରମାଗତ ଭାବେ ପ୍ରଗତି ହାସଲ କରୁଥିଲେ। ଭାରତର ୟୁପିଆଇ ହେଉ, ରୂପେ କାର୍ଡ ହେଉ, ଡିଜି ଲକର ହେଉ କିମ୍ବା ଡିଜି ଯାତ୍ରା, ଏକାଧିକ ଡିଜିଟାଲ ପ୍ଲାଟଫର୍ମ ଭାରତବାସୀଙ୍କ ଦୈନନ୍ଦିନ ଜୀବନର ଏକ ଅଂଶ ପାଲଟିଛି। ଆତ୍ମନିର୍ଭରଶୀଳ ହେବା ପାଇଁ ଭାରତ ପ୍ରତ୍ୟେକ କ୍ଷେତ୍ରରେ ଉତ୍ପାଦନ ବୃଦ୍ଧି କରୁଛି, ବଡ଼ ଆକାରରେ ସବୁଜ ପରିବର୍ତ୍ତନ କରୁଛି ଏବଂ ଡାଟା ସେଣ୍ଟରର ଚାହିଦା ମଧ୍ୟ ବୃଦ୍ଧି ପାଉଛି ବୋଲି ପ୍ରଧାନମନ୍ତ୍ରୀ କହିଥିଲେ । ସେ ଆହୁରି ମଧ୍ୟ କହିଛନ୍ତି, ଯେ ବିଶ୍ୱ ସେମିକଣ୍ଡକ୍ଟର ଶିଳ୍ପକୁ ଚଳାଇବାରେ ଭାରତ ଏକ ବଡ଼ ଭୂମିକା ଗ୍ରହଣ କରିବାକୁ ଯାଉଛି।

ପ୍ରଧାନମନ୍ତ୍ରୀ କହିଥିଲେ ଯେ ଗୋଟିଏ ପୁରୁଣା କଥା ଅଛି- ‘‘ଚିପ୍ସଗୁଡ଼ିକୁ ଯେଉଁଠାରେ ପଡ଼ିବାର ଅଛି ସେଠାରେ ପଡ଼ିବାକୁ ଦିଅନ୍ତୁ’’, ଅର୍ଥାତ୍ ଯାହା ବି ଚାଲିଛି… ସେହିପରି ଚାଲିବାକୁ ଦିଅନ୍ତୁ କିନ୍ତୁ ଆଜିର ଯୁବ ଓ ଆକାଂକ୍ଷୀ ଭାରତ ଏହି ଭାବନାକୁ ଅନୁସରଣ କରୁନାହିଁ ବୋଲି ସେ କହିଛନ୍ତି। ସେ ଆହୁରି କହିଥିଲେ  ଯେ ଦେଶର ନୂତନ ମନ୍ତ୍ର ହେଉଛି ଭାରତରେ ଉତ୍ପାଦିତ ଚିପ୍ ସଂଖ୍ୟା ବୃଦ୍ଧି କରିବା। ସେମିକଣ୍ଡକ୍ଟର ଉତ୍ପାଦନକୁ ପ୍ରୋତ୍ସାହିତ କରିବା ପାଇଁ ସରକାରଙ୍କ ଦ୍ୱାରା ନିଆଯାଇଥିବା ଅନେକ ପଦକ୍ଷେପ ବିଷୟରେ ଉଲ୍ଲେଖ କରି ଶ୍ରୀ ମୋଦୀ କହିଥିଲେ ଯେ ସେମିକଣ୍ଡକ୍ଟର ଉତ୍ପାଦନ କାରଖାନା ସ୍ଥାପନ ପାଇଁ ସରକାର ୫୦% ଆର୍ଥିକ ସହାୟତା ପ୍ରଦାନ କରୁଛନ୍ତି ଏବଂ ଏହି ପ୍ରୟାସରେ ରାଜ୍ୟ ସରକାରମାନେ ମଧ୍ୟ ପ୍ରମୁଖ ଭୂମିକା ଗ୍ରହଣ କରୁଛନ୍ତି। ଏହି ନୀତି ଯୋଗୁଁ ଭାରତ ଖୁବ୍ କମ୍ ସମୟ ମଧ୍ୟରେ ୧.୫ ଲକ୍ଷ କୋଟି ଟଙ୍କାରୁ ଅଧିକ ପୁଞ୍ଜି ନିବେଶ ଆକୃଷ୍ଟ କରିଛି ଏବଂ ଆହୁରି ଅନେକ ପ୍ରକଳ୍ପ ଯୋଜନା ସ୍ତରରେ ରହିଛି ବୋଲି ସେ କହିଥିଲେ। ଶ୍ରୀ ମୋଦୀ ସେମିକନ୍ ଇଣ୍ଡିଆ କାର୍ଯ୍ୟକ୍ରମର ବ୍ୟାପକ ଆଭିମୁଖ୍ୟ ଉପରେ ଆଲୋକପାତ କରିଥିଲେ ଯାହା ଯୋଗାଣ ଶୃଙ୍ଖଳାର ଫ୍ରଣ୍ଟ-ଏଣ୍ଡ ଫ୍ୟାବ୍, ଡିସ୍ପ୍ଲେ ଫ୍ୟାବ୍, ସେମିକଣ୍ଡକ୍ଟର ପ୍ୟାକେଜିଂ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଉପାଦାନଗୁଡ଼ିକ ପାଇଁ ଆର୍ଥିକ ସହାୟତା ପ୍ରଦାନ କରେ। ଚଳିତ ବର୍ଷ ଲାଲକିଲ୍ଲାରୁ ସେ ଘୋଷଣା କରିଥିଲେ, ଆମର ସ୍ୱପ୍ନ ହେଉଛି ବିଶ୍ୱର ପ୍ରତ୍ୟେକ ଡିଭାଇସରେ ଏକ ଭାରତୀୟ ନିର୍ମିତ ଚିପ୍ ରହିବ। ସେମିକଣ୍ଡକ୍ଟର ଶକ୍ତିକେନ୍ଦ୍ର ହେବା ପାଇଁ ଯାହା ବି କରିବାକୁ ପଡିବ ତାହା କରିବାକୁ ଭାରତର ଆକାଂକ୍ଷାକୁ ସେ ଦୋହରାଇଥିଲେ।

ସେମିକଣ୍ଡକ୍ଟର ଉଦ୍ୟୋଗ ପାଇଁ ଆବଶ୍ୟକ ଗୁରୁତ୍ବପୂର୍ଣ୍ଣ ଖଣିଜ ଉପରେ ସରକାର ଧ୍ୟାନ କେନ୍ଦ୍ରିତ କରୁଥିବା ବିଷୟରେ ପ୍ରଧାନମନ୍ତ୍ରୀ ଆଲୋଚନା କରିଥିଲେ। ଘରୋଇ ଉତ୍ପାଦନକୁ ପ୍ରୋତ୍ସାହିତ କରିବା ଲାଗି ନିକଟରେ ଘୋଷଣା କରାଯାଇଥିବା ଗୁରୁତ୍ବପୂର୍ଣ୍ଣ ଖଣିଜ ମିଶନ ଏବଂ ବିଦେଶରେ ହୋଇଥିବା ଅଧିଗ୍ରହଣ ବିଷୟରେ ସେ ସୂଚନା ଦେଇଥିଲେ । ସେ ରେଖାଙ୍କିତ କରିଥିଲେ ଯେ ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥ ପାଇଁ ସୀମା ଶୁଳ୍କ ଛାଡ଼ ଏବଂ ଖଣି ନିଲାମ ଉପରେ ଭାରତ ଦ୍ରୁତ ଗତିରେ କାର୍ଯ୍ୟ କରୁଛି। ଶ୍ରୀ ମୋଦୀ ଆହୁରି ମଧ୍ୟ ଆଇଆଇଟି ସହଯୋଗରେ ଭାରତୀୟ ମହାକାଶ ବିଜ୍ଞାନ ପ୍ରତିଷ୍ଠାନରେ ଏକ ସେମିକଣ୍ଡକ୍ଟର ଗବେଷଣା କେନ୍ଦ୍ର ପ୍ରତିଷ୍ଠା କରିବାର ଯୋଜନା ବିଷୟରେ ପ୍ରକାଶ କରିଥିଲେ, ଯାହା କେବଳ ଆଜିର ନୁହେଁ, ବରଂ ପରବର୍ତ୍ତୀ ପିଢ଼ିର ଉଚ୍ଚ ପ୍ରଯୁକ୍ତି ସମ୍ପନ୍ନ ବା ହାଇଟେକ୍‌ ଚିପ୍ ଉତ୍ପାଦନ କରିବ। ଅନ୍ତର୍ଜାତୀୟ ସହଯୋଗ ସମ୍ପର୍କରେ ଆଲୋଚନା କରି ପ୍ରଧାନମନ୍ତ୍ରୀ ‘ତୈଳ କୂଟନୀତି’ ବିଷୟରେ ମନେ ପକାଇ କହିଥିଲେ ଯେ ବିଶ୍ୱ ଆଜି ‘ସିଲିକନ୍ ଡିପ୍ଲୋମେସି’ର ଏକ ଯୁଗରେ ଆଗେଇ ଚାଲିଛି। ଭାରତ-ପ୍ରଶାନ୍ତ ମହାସାଗରୀୟ ଆର୍ଥିକ ଢାଞ୍ଚାର ଯୋଗାଣ ଶୃଙ୍ଖଳା ପରିଷଦ ଉପାଧ୍ୟକ୍ଷ ଭାବରେ ଭାରତ ମନୋନୀତ ହୋଇଛି ଏବଂ କ୍ୱାଡ୍ ସେମିକଣ୍ଡକ୍ଟର ଯୋଗାଣ ଶୃଙ୍ଖଳା କାର୍ଯ୍ୟକ୍ରମରେ ଭାରତ ଏକ ପ୍ରମୁଖ ଅଂଶୀଦାର ବୋଲି ପ୍ରଧାନମନ୍ତ୍ରୀ ସୂଚନା ଦେଇଥିଲେ। ଏହାବ୍ୟତୀତ ଜାପାନ ଓ ସିଙ୍ଗାପୁର ଭଳି ଦେଶ ସହ ଚୁକ୍ତି ସ୍ୱାକ୍ଷରିତ ହୋଇଛି ଏବଂ ସେମିକଣ୍ଡକ୍ଟର କ୍ଷେତ୍ରରେ ଭାରତ ଆମେରିକା ସହ ସହଯୋଗକୁ ଆହୁରି ସୁଦୃଢ଼ କରୁଛି ବୋଲି ସେ କହିଥିଲେ।

ଯେଉଁମାନେ ସେମିକଣ୍ଡକ୍ଟର ଉପରେ ଭାରତର ଗୁରୁତ୍ୱ ଉପରେ ପ୍ରଶ୍ନ ଉଠାଇଛନ୍ତି ସେମାନେ ଡିଜିଟାଲ ଇଣ୍ଡିଆ ମିଶନର ସଫଳତା ଅଧ୍ୟୟନ କରିବାକୁ ପ୍ରଧାନମନ୍ତ୍ରୀ ଅନୁରୋଧ କରିଛନ୍ତି। ଦେଶକୁ ଏକ ସ୍ୱଚ୍ଛ, ପ୍ରଭାବଶାଳୀ ଏବଂ ବାଟମାରଣା ମୁକ୍ତ ଶାସନ ପ୍ରଦାନ କରିବା ଉଦ୍ଦେଶ୍ୟରେ ଡିଜିଟାଲ ଇଣ୍ଡିଆ ମିଶନ ଏବଂ ଏହାର ଗୁଣାତ୍ମକ ପ୍ରଭାବ ଆଜି ଅନୁଭବ କରାଯାଇପାରିବ ବୋଲି ସେ ଉଲ୍ଲେଖ କରିଥିଲେ। ଡିଜିଟାଲ ଇଣ୍ଡିଆର ସଫଳତା ଲାଗି ପ୍ରଧାନମନ୍ତ୍ରୀ କହିଥିଲେ ଯେ ଭାରତରେ ମୋବାଇଲ ହ୍ୟାଣ୍ଡସେଟ୍ ଏବଂ ଡାଟାକୁ ସୁଲଭ କରିବା ପାଇଁ ଆବଶ୍ୟକ ସଂସ୍କାର ଏବଂ ଭିତ୍ତିଭୂମି ପ୍ରସ୍ତୁତ କରାଯାଇଛି। ଏକ ଦଶନ୍ଧି ପୂର୍ବେ ଭାରତ ମୋବାଇଲ୍ ଫୋନ୍ ର ସବୁଠାରୁ ବଡ଼ ଆମଦାନୀକାରୀ ଦେଶ ହୋଇଥିବା ବେଳେ ଆଜି ଏହା ବିଶ୍ୱର ଦ୍ବିତୀୟ ବୃହତ୍ତମ ମୋବାଇଲ୍ ଫୋନ୍ ଉତ୍ପାଦନକାରୀ ଏବଂ ରପ୍ତାନିକାରୀ ଦେଶ ପାଲଟିଛି। ବିଶେଷ କରି 5-ଜି ହ୍ୟାଣ୍ଡସେଟ୍ ବଜାରରେ ଭାରତର ଦ୍ରୁତ ଅଗ୍ରଗତି କୁ ଉଦାହରଣ ଦେଇ ସେ କହିଥିଲେ ଯେ 5-ଜି ହ୍ୟାଣ୍ଡସେଟ୍ ଆରମ୍ଭ ହେବାର ମାତ୍ର ଦୁଇ ବର୍ଷ ପରେ ଭାରତ ଏବେ ବିଶ୍ୱସ୍ତରରେ 5-ଜି ହ୍ୟାଣ୍ଡସେଟ୍ ପାଇଁ ଦ୍ୱିତୀୟ ବୃହତ୍ତମ ବଜାର ପାଲଟିଛି।

ଭାରତର ଇଲେକ୍ଟ୍ରୋନିକ୍ସ କ୍ଷେତ୍ରର ମୂଲ୍ୟ ଏବେ ୧୫୦ ବିଲିୟନ ଡଲାରରୁ ଅଧିକ ହୋଇଥିବାବେଳେ ଚଳିତ ଦଶନ୍ଧି ଶେଷ ସୁଦ୍ଧା ଦେଶର ଇଲେକ୍ଟ୍ରୋନିକ୍ସ କ୍ଷେତ୍ରକୁ ୫୦୦ ବିଲିୟନ ଡଲାରକୁ ବୃଦ୍ଧି କରିବା ଏବଂ ୬ ନିୟୁତ ନିଯୁକ୍ତି ସୃଷ୍ଟି କରିବାକୁ ଏକ ବୃହତ ଲକ୍ଷ୍ୟ ପ୍ରଧାନମନ୍ତ୍ରୀ ଧାର୍ଯ୍ୟ କରିଥିଲେ। ଏହି ଅଭିବୃଦ୍ଧି ଭାରତର ସେମିକଣ୍ଡକ୍ଟର କ୍ଷେତ୍ରକୁ ସିଧାସଳଖ ଫାଇଦା ଦେବ ବୋଲି ସେ କହିଥିଲେ। ପ୍ରଧାନମନ୍ତ୍ରୀ କହିଥିଲେ, ଆମର ଲକ୍ଷ୍ୟ ହେଉଛି ୧୦୦% ଇଲେକ୍ଟ୍ରୋନିକ୍ ଉତ୍ପାଦନ ଭାରତରେ ହେବା ଉଚିତ। ଭାରତ ସେମିକଣ୍ଡକ୍ଟର ଚିପ୍ ଏବଂ ପ୍ରସ୍ତୁତ ଉତ୍ପାଦ ମଧ୍ୟ ତିଆରି କରିବ।

ଭାରତର ସେମିକଣ୍ଡକ୍ଟର ଇକୋସିଷ୍ଟମ କେବଳ ଭାରତର ଆହ୍ୱାନ ଲାଗି ନୁହେଁ ବରଂ ବୈଶ୍ୱିକ ଆହ୍ୱାନ ପାଇଁ ମଧ୍ୟ ଏକ ସମାଧାନ ବୋଲି ପ୍ରଧାନମନ୍ତ୍ରୀ ମୋଦୀ ଗୁରୁତ୍ୱାରୋପ କରିଥିଲେ। ଡିଜାଇନ୍ କ୍ଷେତ୍ର ଉପରେ ଆଲୋକପାତ କରି ପ୍ରଧାନମନ୍ତ୍ରୀ ‘ସିଙ୍ଗଲ୍‌ ପଏଣ୍ଟ ଅଫ୍‌ ଫେଲିୟୋର୍‌’ ବା ‘ବିଫଳତାର ଏକକ ବିନ୍ଦୁ’ ରୂପକ ବିଷୟରେ ଉଲ୍ଲେଖ କରିଥିଲେ। ସେ ବିସ୍ତୃତ ଭାବେ ବୁଝାଇଥିଲେ ଯେ ଡିଜାଇନ୍ ଛାତ୍ରମାନଙ୍କୁ ଏହି ତ୍ରୁଟିକୁ ଏଡ଼ାଇବା ପାଇଁ ଶିଖାଯାଇଥାଏ କାରଣ ମୁଖ୍ୟ ସିଷ୍ଟମ୍ ର କେବଳ ଗୋଟିଏ ଉପାଦାନ ଉପରେ ନିର୍ଭରଶୀଳତା ରହିଥାଏ। ସେ ଆହୁରି ମଧ୍ୟ କହିଥିଲେ ଯେ ଯୋଗାଣ ଶୃଙ୍ଖଳା ପାଇଁ ଏହି ନୀତି ସମାନ ଭାବରେ ପ୍ରଯୁଜ୍ୟ। କୋଭିଡ୍ ହେଉ କି ଯୁଦ୍ଧ, ଏମିତି କୌଣସି ଗୋଟିଏ ଶିଳ୍ପ ନାହିଁ ଯାହା ଯୋଗାଣ ଶୃଙ୍ଖଳା ବାଧାପ୍ରାପ୍ତ ହେବା ଦ୍ୱାରା ପ୍ରଭାବିତ ହୋଇନଥିବ। ଏକ ସ୍ଥିର ଯୋଗାଣ ଶୃଙ୍ଖଳାର ଗୁରୁତ୍ୱ ଉପରେ ଜୋର୍‌ ଦେଇ ପ୍ରଧାନମନ୍ତ୍ରୀ ବିଭିନ୍ନ କ୍ଷେତ୍ରରେ ସ୍ଥିରତା ସୃଷ୍ଟି କରିବାରେ ଭାରତର କେନ୍ଦ୍ରୀୟ ଭୂମିକାକୁ ଗର୍ବର ସହ ପ୍ରକଟ କରିଥିଲେ। ଯୋଗାଣ ଶୃଙ୍ଖଳାକୁ ସୁରକ୍ଷିତ ରଖିବା ପାଇଁ ବିଶ୍ୱସ୍ତରୀୟ ଅଭିଯାନରେ ଦେଶକୁ ଏକ ପ୍ରମୁଖ ଅଂଶୀଦାର ଭାବରେ ସେ ଅଭିହିତ କରିଥିଲେ।

ବୈଷୟିକ ଜ୍ଞାନକୌଶଳ ଏବଂ ଗଣତାନ୍ତ୍ରିକ ମୂଲ୍ୟବୋଧ ମଧ୍ୟରେ ରହିଥିବା ସମ୍ପର୍କ ବିଷୟରେ ପ୍ରଧାନମନ୍ତ୍ରୀ କହିଥିଲେ ଯେ ଗଣତାନ୍ତ୍ରିକ ମୂଲ୍ୟବୋଧ ସହ ମିଶିଲେ ପ୍ରଯୁକ୍ତିବିଦ୍ୟାର ସକାରାତ୍ମକ ଶକ୍ତି ବୃଦ୍ଧି ପାଇଥାଏ। ବୈଷୟିକ ଜ୍ଞାନକୌଶଳରୁ ଗଣତାନ୍ତ୍ରିକ ମୂଲ୍ୟବୋଧ ପ୍ରତ୍ୟାହାର କରି ନେଲେ ଶୀଘ୍ର କ୍ଷତି ହେବ ବୋଲି ସେ ସତର୍କ କରାଇ ଦେଇଥିଲେ। ସଙ୍କଟ ସମୟରେ ମଧ୍ୟ କାର୍ଯ୍ୟକ୍ଷମ ଥିବା ବିଶ୍ୱ ଗଠନ ଉପରେ ଭାରତର ଗୁରୁତ୍ୱକୁ ଦୋହରାଇ ଶ୍ରୀ ମୋଦୀ କହିଥିଲେ, ‘‘ମୋବାଇଲ୍ ଉତ୍ପାଦନ ହେଉ, ଇଲେକ୍ଟ୍ରୋନିକ୍ସ କିମ୍ବା ସେମିକଣ୍ଡକ୍ଟର ହେଉ, ଆମର ଧ୍ୟାନ ସ୍ପଷ୍ଟ- ଆମେ ଏପରି ଏକ ବିଶ୍ୱ ଗଠନ କରିବାକୁ ଚାହୁଁଛୁ ଯାହା ସଙ୍କଟ ସମୟରେ ଅଟକିବ ନାହିଁ କିମ୍ବା ସ୍ଥାଣୁ ହୋଇ ରହିବ ନାହିଁ ବରଂ ଆଗକୁ ବଢ଼ିବ। ଅଭିଭାଷଣ ଶେଷ କରି ପ୍ରଧାନମନ୍ତ୍ରୀ ବିଶ୍ୱସ୍ତରୀୟ ପ୍ରୟାସକୁ ସୁଦୃଢ଼ କରିବାରେ ଭାରତର ଦକ୍ଷତା ଉପରେ ଆସ୍ଥା ପ୍ରକଟ କରିବା ସହ ଏହି ଅଭିଯାନରେ ସମ୍ପୃକ୍ତ ସମସ୍ତ ଅଂଶୀଦାରଙ୍କୁ ଶୁଭେଚ୍ଛା ଜଣାଇଥିଲେ।

ଏହି ଅବସରରେ ଅନ୍ୟମାନଙ୍କ ମଧ୍ୟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, କେନ୍ଦ୍ର ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ, କେନ୍ଦ୍ର ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ରାଷ୍ଟ୍ରମନ୍ତ୍ରୀ ଜିତିନ ପ୍ରସାଦ, ସେମି ର ସଭାପତି ତଥା ସିଇଓ ଅଜିତ ମନୋଚା, ଏନଏକ୍ସପି ସେମିକଣ୍ଡକ୍ଟରର ସିଇଓ ଡକ୍ଟର ରଣଧୀର ଠାକୁର, ରେନେସାସର ସିଇଓ କୁର୍ଟ ସିଭର୍ସ, ହିଦେତୋଶୀ ଶିବାତା ଏବଂ ଆଇଏମ୍ଇସିର ସିଇଓ ଲକ୍ ଭାନ୍ ଡେନ୍ ହୋଭ୍ ଉପସ୍ଥିତ ଥିଲେ।

ପୃଷ୍ଠଭୂମି

ସେମିକଣ୍ଡକ୍ଟର ଡିଜାଇନ, ଉତ୍ପାଦନ ଏବଂ ପ୍ରଯୁକ୍ତି ବିଦ୍ୟା ବିକାଶ କ୍ଷେତ୍ରରେ ଭାରତକୁ ଏକ ବିଶ୍ୱସ୍ତରୀୟ କେନ୍ଦ୍ର ଭାବରେ ଅବସ୍ଥାପିତ କରିବା ପ୍ରଧାନମନ୍ତ୍ରୀଙ୍କ ଲକ୍ଷ୍ୟ। ଏହି ପରିପ୍ରେକ୍ଷୀରେ ସେମିକନ୍ ଇଣ୍ଡିଆ ୨୦୨୪ ସେପ୍ଟେମ୍ବର ୧୧ରୁ ୧୩ ତାରିଖ ପର୍ଯ୍ୟନ୍ତ ‘ସେମିକଣ୍ଡକ୍ଟର ଭବିଷ୍ୟତକୁ ଆକାର ଦେବା’ ଶୀର୍ଷକ ବିଷୟବସ୍ତୁକୁ ନେଇ ଆୟୋଜନ କରାଯାଉଛି। ତିନି ଦିନ ଧରି ଚାଲିବାକୁ ଥିବା ଏହି ସମ୍ମିଳନୀରେ ଭାରତର ସେମିକଣ୍ଡକ୍ଟର ରଣନୀତି ଏବଂ ନୀତି ପ୍ରଦର୍ଶିତ ହେବ, ଯେଉଁଥିରେ ଭାରତକୁ ସେମିକଣ୍ଡକ୍ଟର ପାଇଁ ଏକ ବିଶ୍ୱସ୍ତରୀୟ କେନ୍ଦ୍ର ରେ ପରିଣତ କରିବା ଲାଗି ଲକ୍ଷ୍ୟ ରଖାଯାଇଛି। ଏଥିରେ ବିଶ୍ୱ ସେମିକଣ୍ଡକ୍ଟର କ୍ଷେତ୍ରରେ ବୃହତ ଉଦ୍ୟୋଗର ଶୀର୍ଷ ନେତୃତ୍ୱ ଅଂଶଗ୍ରହଣ କରିଛନ୍ତି ଏବଂ ସେମିକଣ୍ଡକ୍ଟର ଶିଳ୍ପର ବିଶ୍ୱସ୍ତରୀୟ ନେତୃବର୍ଗ, କମ୍ପାନୀ ଏବଂ ବିଶେଷଜ୍ଞମାନେ ଏକତ୍ରିତ ହୋଇଛନ୍ତି। ଏହି ସମ୍ମିଳନୀରେ ୨୫୦ରୁ ଅଧିକ ପ୍ରଦର୍ଶକ ଓ ୧୫୦ ବକ୍ତା ଅଂଶଗ୍ରହଣ କରୁଛନ୍ତି।

ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ତଥା ସମବାୟ ମନ୍ତ୍ରୀ ଅମିତ ଶାହ ଆଜି ନୂଆଦିଲ୍ଲୀର ବିଜ୍ଞାନ ଭବନରେ ଭାରତୀୟ ସାଇବର ଅପରାଧ ସମନ୍ୱୟ କେନ୍ଦ୍ର (ଆଇ୪ସି)ର ପ୍ରଥମ ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉଦବୋଧନ ଦେବା ସହିତ ସାଇବର ଅପରାଧ ରୋକିବା ପାଇଁ ବହୁ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି। ଗୃହମନ୍ତ୍ରୀ ସାଇବର ଠିକେଇ ପ୍ରଶମନ କେନ୍ଦ୍ର (ସିଏଫ୍ଏମସି)କୁ ରାଷ୍ଟ୍ର ଉଦ୍ଦେଶ୍ୟରେ ଲୋକାର୍ପିତ କରିବା ସହ ସମନ୍ଵୟ ପ୍ଲାଟଫର୍ମ (ଯୁଗ୍ମ ସାଇବର ଅପରାଧ ଅନୁସନ୍ଧାନ ସୁବିଧା ପ୍ରଣାଳୀ)ର ଶୁଭାରମ୍ଭ କରିଛନ୍ତି। ଅମିତ ଶାହ ‘ସାଇବର କମାଣ୍ଡୋ’ କାର୍ଯ୍ୟକ୍ରମ ଏବଂ ସନ୍ଦିଗ୍ଧ ରେଜିଷ୍ଟ୍ରିକୁ ମଧ୍ୟ ଉଦଘାଟନ କରିଥିଲେ। କେନ୍ଦ୍ର ଗୃହମନ୍ତ୍ରୀ ଆଇ୪ସିର ନୂଆ ଲୋଗୋ, ଲକ୍ଷ୍ୟ ଏବଂ ଉଦ୍ଦେଶ୍ୟକୁ ଉନ୍ମୋଚନ କରିଛନ୍ତି।

ଏହି ଅବସରରେ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ବାନ୍ଦୀ ସଞ୍ଜୟ କୁମାର, କେନ୍ଦ୍ର ଗୃହ ସଚିବ ଗୋବିନ୍ଦ ମୋହନ, ଆଇବି ନିର୍ଦ୍ଦେଶକ, ସ୍ୱତନ୍ତ୍ର ସଚିବ (ଆଭ୍ୟନ୍ତରୀଣ ସୁରକ୍ଷା), ବିଭିନ୍ନ ରାଜ୍ୟ/କେନ୍ଦ୍ର ଶାସିତ ଅଞ୍ଚଳର ମୁଖ୍ୟ ଶାସନ ସଚିବ ଏବଂ ପୋଲିସ ମହାନିର୍ଦ୍ଦେଶକ/ ବରିଷ୍ଠ ପୋଲିସ ଅଧିକାରୀ, ବିଭିନ୍ନ ସରକାରୀ ଅନୁଷ୍ଠାନର ଅଧିକାରୀ, ବିଭିନ୍ନ ବ୍ୟାଙ୍କ/ଆର୍ଥିକ ମଧ୍ୟସ୍ଥି, ଫିନଟେକ୍, ଗଣମାଧ୍ୟମ କର୍ମକର୍ତ୍ତା, ସାଇବର କମାଣ୍ଡୋ, ଏନସିସି ଏବଂ ଏନଏସଏସ କ୍ୟାଡେଟମାନେ ଉପସ୍ଥିତ ଥିଲେ।

ଅମିତ ଶାହ ତାଙ୍କ ଅଭିଭାଷଣରେ କହିଥିଲେ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉଦ୍ୟମରେ ‘ସୁରକ୍ଷିତ ସାଇବର ସ୍ପେସ୍’ ଅଭିଯାନ ଅଧୀନରେ ୨୦୧୫ରେ ଆଇ୪ସି ପ୍ରତିଷ୍ଠା କରାଯାଇଥିଲା, ସେବେଠାରୁ ଏହା ଏକ ସାଇବର ସୁରକ୍ଷିତ ଭାରତର ଏକ ଶକ୍ତିଶାଳୀ ସ୍ତମ୍ଭ ରେ ପରିଣତ ହେବା ଦିଗରେ କ୍ରମାଗତ ଭାବେ ଅଗ୍ରସର ହୋଇଚାଲିଛି। ୨୦୧୫ରୁ ୨୦୨୪ ପର୍ଯ୍ୟନ୍ତ ୯ ବର୍ଷର ଯାତ୍ରାରେ ଏହି ଅବଧାରଣା ଏକ ପ୍ରୟାସରେ ପରିଣତ ହୋଇଥିଲା ଏବଂ ପରେ ଏକ ଅନୁଷ୍ଠାନରେ ପରିଣତ ହୋଇଥିଲା। ବର୍ତ୍ତମାନ ଏହା ଏକ ସାଇବର ସୁରକ୍ଷିତ ଭାରତର ଏକ ବିଶାଳ ସ୍ତମ୍ଭ ରେ ପରିଣତ ହୋଇସାରିଛି।

କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ ସାଇବର ସୁରକ୍ଷା ବିନା କୌଣସି ଦେଶର ବିକାଶ ଅସମ୍ଭବ। ସେ କହିଥିଲେ ଯେ ପ୍ରଯୁକ୍ତି ମାନବ ଜୀବନ ପାଇଁ ଆଶୀର୍ବାଦ ସାବ୍ୟସ୍ତ ହୋଇଥାଏ ଏବଂ ଆଜି ସମସ୍ତ ନୂତନ ପଦକ୍ଷେପରେ ଆଧୁନିକ ପ୍ରଯୁକ୍ତିର ବ୍ୟାପକ ବ୍ୟବହାର କରାଯାଉଛି। ସେ କହିଛନ୍ତି ଯେ ପ୍ରଯୁକ୍ତି ର ବଢୁଥିବା ବ୍ୟବହାର ମଧ୍ୟ ଅନେକ ବିପଦ ସୃଷ୍ଟି କରୁଛି ଏବଂ ସେଥିପାଇଁ ସାଇବର ସୁରକ୍ଷା କେବଳ ଡିଜିଟାଲ ଦୁନିଆରେ ସୀମିତ ନାହିଁ ବରଂ ଜାତୀୟ ସୁରକ୍ଷାର ଏକ ଗୁରୁତ୍ୱପୂର୍ଣ୍ଣ ଦିଗରେ ପରିଣତ ହୋଇଛି। ଶ୍ରୀ ଶାହ କହିଛନ୍ତି ଯେ ଆଇ୪ସି ଭଳି ପ୍ଲାଟଫର୍ମ ଏଭଳି ବିପଦର ମୁକାବିଲା କରିବାରେ ବଡ଼ ଅବଦାନ ଦେଇପାରିବ। ସମ୍ପୃକ୍ତ ଅଂଶୀଦାରଙ୍କ ସହ ସଚେତନତା, ସମନ୍ୱୟ ଏବଂ ମିଳିତ ପ୍ରୟାସ ଜାରି ରଖିବାକୁ ସେ ଆଇ୪ସିକୁ ଆହ୍ୱାନ ଦେଇଥିଲେ। ଗୃହମନ୍ତ୍ରୀ କହିଛନ୍ତି ଯେ କୌଣସି ଗୋଟିଏ ଅନୁଷ୍ଠାନ ସାଇବର କ୍ଷେତ୍ରକୁ ଏକାକୀ ସୁରକ୍ଷିତ ରଖିପାରିବ ନାହିଁ। ଏହା ସେତେବେଳେ ସମ୍ଭବ, ଯେତେବେଳେ ଅନେକ ଅଂଶୀଦାର ଗୋଟିଏ ପ୍ଲାଟଫର୍ମକୁ ଆସି ସମାନ ପଦ୍ଧତି ଓ ମାର୍ଗରେ ଆଗକୁ ବଢ଼ିବେ।

ଅମିତ ଶାହ କହିଛନ୍ତି ଯେ ଆଜି ଏଠାରେ ଆଇ୪ସିର ୪ଟି ପ୍ରମୁଖ ସାଇବର ପ୍ଲାଟଫର୍ମକୁ ମଧ୍ୟ ଉନ୍ମୋଚନ କରାଯାଇଛି। ସେ କହିଛନ୍ତି, ସାଇବର ଠକେଇ ପ୍ରଶମନ କେନ୍ଦ୍ର (ସିଏଫଏମସି) ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ସ୍ୱପ୍ନ ଥିଲା, ଯାହା ଆଜି ଶୁଭାରମ୍ଭ କରାଯାଇଛି । ଏହା ସହିତ ସାଇବର କମାଣ୍ଡୋ, ସମନ୍ୱୟ ପ୍ଲାଟଫର୍ମ ଏବଂ ସନ୍ଦିଗ୍ଧ ରେଜିଷ୍ଟ୍ରି ମଧ୍ୟ ଆଜି ଉଦଘାଟିତ ହୋଇଛି।

କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ ଭାରତ ଭଳି ଏକ ବିଶାଳ ଦେଶରେ ପ୍ରତ୍ୟେକ ରାଜ୍ୟ ପାଇଁ ଏକ ପୃଥକ ସାଇବର ସନ୍ଦିଗ୍ଧ ରେଜିଷ୍ଟ୍ରି ରହିବା କୌଣସି ଉଦ୍ଦେଶ୍ୟ ପୂରଣ କରିବ ନାହିଁ କାରଣ ରାଜ୍ୟମାନଙ୍କର ନିଜସ୍ୱ ସୀମା ଅଛି କିନ୍ତୁ ସାଇବର ଅପରାଧୀଙ୍କର କୌଣସି ସୀମା ନାହିଁ। ସେ କହିଛନ୍ତି ଯେ ଜାତୀୟ ସ୍ତରରେ ସନ୍ଦିଗ୍ଧ ରେଜିଷ୍ଟ୍ରି ଗଠନ କରିବା ଏବଂ ସାଇବର ଅପରାଧର ମୁକାବିଲା ପାଇଁ ଏକ ସାଧାରଣ ପ୍ଲାଟଫର୍ମ ସୃଷ୍ଟି କରିବା ପାଇଁ ରାଜ୍ୟଗୁଡ଼ିକୁ ଏହା ସହିତ ଯୋଡ଼ିବା ସମୟର ଆବଶ୍ୟକତା। ଶ୍ରୀ ଶାହ ଆହୁରି ମଧ୍ୟ କହିଛନ୍ତି ଯେ ଏହି ପଦକ୍ଷେପ ଆଗାମୀ ଦିନରେ ସାଇବର ଅପରାଧକୁ ରୋକିବାରେ ଆମକୁ ବହୁତ ସାହାଯ୍ୟ କରିବ।

ଅମିତ ଶାହ କହିଛନ୍ତି ଯେ, ଆଜିଠାରୁ ଆଇ୪ସି ଏକ ଜନସଚେତନତା ଅଭିଯାନ ମଧ୍ୟ ଆରମ୍ଭ କରୁଛି। ଦେଶର ୭୨ରୁ ଅଧିକ ଟିଭି ଚ୍ୟାନେଲ, ୧୯୦ଟି ରେଡିଓ ଏଫ୍ଏମ୍ ଚ୍ୟାନେଲ, ସିନେମା ହଲ୍ ଏବଂ ଅନ୍ୟାନ୍ୟ ପ୍ଲାଟଫର୍ମ ମାଧ୍ୟମରେ ଏହି ଅଭିଯାନକୁ ତ୍ୱରାନ୍ୱିତ କରିବାକୁ ପ୍ରୟାସ କରାଯିବ ବୋଲି ସେ କହିଛନ୍ତି। ସେ କହିଛନ୍ତି ଯେ ସାଇବର ଅପରାଧରୁ କିପରି ବର୍ତ୍ତିବାକୁ ହେବ ତାହା ପୀଡ଼ିତା ନ ଜାଣିଲେ ଏହି ଅଭିଯାନ ସଫଳ ହୋଇପାରିବ ନାହିଁ। ସାଇବର କ୍ରାଇମ ହେଲ୍ପଲାଇନ ୧୯୩୦ ଏବଂ ଆଇ୪ସିର ଅନ୍ୟ ପ୍ଲାଟଫର୍ମ ବିଷୟରେ ସଚେତନତା ସୃଷ୍ଟି କରିବା ଦ୍ୱାରା ଏହାର ଉପଯୋଗିତା ବୃଦ୍ଧି ପାଇବ ଏବଂ ସାଇବର ଅପରାଧ ରୋକିବାରେ ଆମକୁ ସାହାଯ୍ୟ କରିବ ବୋଲି ଶ୍ରୀ ଶାହ କହିଛନ୍ତି । ଏହି ଅଭିଯାନରେ ସାମିଲ ହୋଇ ଗାଁ ଓ ସହରରେ ସଚେତନତା ସୃଷ୍ଟି କରିବାକୁ ଗୃହମନ୍ତ୍ରୀ ସମସ୍ତ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି।

ବ୍ୟାଙ୍କ, ଆର୍ଥିକ ଅନୁଷ୍ଠାନ, ଟେଲିକମ୍ କମ୍ପାନି, ଇଣ୍ଟରନେଟ୍ ସେବା ପ୍ରଦାନକାରୀ ଏବଂ ପୋଲିସକୁ ଗୋଟିଏ ପ୍ଲାଟଫର୍ମରେ ଆଣିବା ଉଦ୍ଦେଶ୍ୟରେ ସିଏଫଏମସିକୁ ମଧ୍ୟ ଉଦଘାଟନ କରାଯାଇଛି ଏବଂ ଆଗାମୀ ଦିନରେ ଏହା ସାଇବର ଅପରାଧ ରୋକିବା ପାଇଁ ଏକ ପ୍ରମୁଖ ପ୍ଲାଟଫର୍ମ ରେ ପରିଣତ ହେବ ବୋଲି କେନ୍ଦ୍ର ଗୃହମନ୍ତ୍ରୀ ଏବଂ ସମବାୟ ମନ୍ତ୍ରୀ କହିଛନ୍ତି। ସେ କହିଛନ୍ତି ଯେ ସିଏଫଏମସି ବିଭିନ୍ନ ତଥ୍ୟ ଡାଟା ବ୍ୟବହାର କରି ସାଇବର ଅପରାଧୀଙ୍କ କାର୍ଯ୍ୟପ୍ରଣାଳୀ (ଏମଓ) ଚିହ୍ନଟ କରିବା ଏବଂ ଏହାକୁ ରୋକିବା ପାଇଁ କାର୍ଯ୍ୟ କରିବା ଉଚିତ୍। ଶ୍ରୀ ଶାହ କହିଛନ୍ତି ଯେ ସାଇବର କମାଣ୍ଡୋ କାର୍ଯ୍ୟକ୍ରମ ଅଧୀନରେ ୫ ବର୍ଷରେ ପାଖାପାଖି ୫ ହଜାର ସାଇବର କମାଣ୍ଡୋ ପ୍ରସ୍ତୁତ କରିବାକୁ ଲକ୍ଷ୍ୟ ରଖାଯାଇଛି।

ଅମିତ ଶାହ କହିଛନ୍ତି ଯେ ‘ଜାଣିବାର ଆବଶ୍ୟକତା’ ପରିବର୍ତ୍ତେ ‘ତଥ୍ୟପ୍ରଦା ବା ଶେୟାର କରିବାର କର୍ତ୍ତବ୍ୟ’ ବର୍ତ୍ତମାନ ସମୟର ଆବଶ୍ୟକତା ଏବଂ ଏଥିପାଇଁ ସମନ୍ଵୟ ପ୍ଲାଟଫର୍ମ ଠାରୁ ଅଧିକ ପ୍ରଭାବଶାଳୀ ଆଉ କିଛି ହୋଇପାରିବ ନାହିଁ। ସେ ଆହୁରି ମଧ୍ୟ କହିଛନ୍ତି ଯେସମନ୍ଵୟ ପ୍ଲାଟଫର୍ମକୁ ଏକ ଡାଟା-ଚାଳିତ ଆଭିମୁଖ୍ୟ ସହିତ ଆଗେଇ ନିଆଯାଇଛି ଏବଂ ଏକ ଶେୟାର କରାଯାଇଥିବା ଡାଟା ଭଣ୍ଡାର ସୃଷ୍ଟି କରିବା ପାଇଁ ଦେଶରେ ଏହା ହେଉଛି ପ୍ରଥମ ପ୍ରୟାସ। ଗୃହମନ୍ତ୍ରୀ କହିଛନ୍ତି ଯେ ଆଜି ଆରମ୍ଭ ହୋଇଥିବା ୪ଟି କାର୍ଯ୍ୟକ୍ରମକୁ ସମଗ୍ର ଦେଶରେ ଆଇ୪ସି ଏବଂ ପୋଲିସ ମିଳିତ ଭାବେ ଗ୍ରହଣ କରିଛନ୍ତି, ସାଇବର ଅପରାଧ ବିରୋଧରେ ଲଢ଼େଇକୁ ଅଧିକ ସୁଦୃଢ଼, ପ୍ରଭାବଶାଳୀ ଏବଂ ସଫଳ କରିବାରେ ଏହା ଏକ ବଡ଼ ଅବଦାନ ଦେବ।

କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ ୩୧ ମାର୍ଚ୍ଚ ୨୦୧୪ରେ ଦେଶରେ ଇଣ୍ଟରନେଟ୍ ବ୍ୟବହାରକାରୀଙ୍କ ସଂଖ୍ୟା ୨୫ କୋଟି ଥିଲା, ଯାହା କି ୩୧ ମାର୍ଚ୍ଚ ୨୦୨୪ ସୁଦ୍ଧା ୯୫ କୋଟିରେ ପହଞ୍ଚିଛି । ସେ କହିଛନ୍ତି ଯେ ଡାଉନଲୋଡ୍ ସ୍ପିଡ୍ ବୃଦ୍ଧି ଏବଂ ଖର୍ଚ୍ଚ ହ୍ରାସ ଯୋଗୁଁ ଡାଟା ବ୍ୟବହାର ମଧ୍ୟ ବହୁତ ବୃଦ୍ଧି ପାଇଛି। ସେ କହିଛନ୍ତି ଯେ ପୂର୍ବରୁ ହାରାହାରି ବ୍ୟବହାର ୦.୨୬ ଜିବି ଥିଲା ଯାହା ଆଜି ପ୍ରାୟ ୭୮ ଗୁଣା ବୃଦ୍ଧି ପାଇ ୨୦.୨୭ ଜିବିରେ ପହଞ୍ଚିଛି। ଶ୍ରୀ ଶାହ ଆହୁରି ମଧ୍ୟ କହିଛନ୍ତି ଯେ ଡିଜିଟାଲ ଇଣ୍ଡିଆ କାର୍ଯ୍ୟକ୍ରମ ଯୋଗୁଁ ଦେଶରେ ଅନେକ ସୁବିଧା ଅନଲାଇନ ହୋଇପାରିଛି । ୨୦୨୪ରେ ୩୫ କୋଟି ଜନଧନ ଏକାଉଣ୍ଟ, ୩୬ କୋଟି ରୂପେ ଡେବିଟ୍ କାର୍ଡ, ୨୦ ଲକ୍ଷ ୬୪ ହଜାର କୋଟି ଟଙ୍କାର କାରବାର ଡିଜିଟାଲ ମାଧ୍ୟମରେ ହୋଇଛି। ସେ କହିଛନ୍ତି ଯେ ବିଶ୍ୱର ଡିଜିଟାଲ ଅର୍ଥ କାରବାର ପରିମାଣର ୪୬% ଆଜି ଭାରତରେ ହେଉଛି । ଗୃହମନ୍ତ୍ରୀ ଆହୁରି ମଧ୍ୟ କହିଛନ୍ତି, ଯେତେବେଳେ ଡିଜିଟାଲ ଏକାଉଣ୍ଟ ଏବଂ ଡିଜିଟାଲ କାରବାର ବୃଦ୍ଧି ପାଇଥାଏ, ସେତେବେଳେ ଡିଜିଟାଲ ଠକେଇରୁ ସୁରକ୍ଷାର ଆବଶ୍ୟକତା ମଧ୍ୟ ବହୁତ ବଢିଯାଏ ।

ଅମିତ ଶାହ କହିଛନ୍ତି ଯେ ୨୦୧୪ରେ ଦେଶର ମାତ୍ର ୬୦୦ ପଞ୍ଚାୟତରେ ଇଣ୍ଟରନେଟ୍ ସଂଯୋଗ ହୋଇଥିବା ବେଳେ ଆଜି ୨,୧୩,୦୦୦ ପଞ୍ଚାୟତରେ ଇଣ୍ଟରନେଟ୍ ସଂଯୋଗ କରାଯାଇଛି। ଡିଜିଟାଲ କାରବାର ଓ ଡିଜିଟାଲ ଡାଟା ର ବ୍ୟବହାର ବୃଦ୍ଧି ପାଉଥିବାରୁ ଏହାକୁ ସାଇବର ଠକେଇରୁ ରକ୍ଷା କରିବାର ଦାୟିତ୍ୱ ମଧ୍ୟ ବୃଦ୍ଧି ପାଇଛି । ସାଇବର ଅପରାଧୀଙ୍କ ଦ୍ୱାରା ଆମେ ସମସ୍ତେ ଗୁରୁତ୍ୱପୂର୍ଣ୍ଣ ବ୍ୟକ୍ତିଗତ ତଥ୍ୟ ବିକ୍ରି, ଅନଲାଇନ ଶୋଷଣ, ମହିଳା ଓ ଶିଶୁ ନିର୍ଯାତନା, ଫେକ୍ ନ୍ୟୁଜ୍ ଏବଂ ଟୁଲ୍ କିଟ୍, ଭୁଲ ସୂଚନା ଅଭିଯାନ ଭଳି ଅନେକ ଆହ୍ୱାନର ସମ୍ମୁଖୀନ ହେଉଛୁ ଏବଂ ଆଜି ବି ଏହାର ମୁକାବିଲା ପାଇଁ ଆମକୁ ବହୁତ କିଛି କରିବାର ଆବଶ୍ୟକତା ରହିଛି ବୋଲି ସେ କହିଛନ୍ତି।

କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ ଭାରତୀୟ ନ୍ୟାୟ ସଂହିତା (ବିଏନଏସ), ଭାରତୀୟ ନାଗରିକ ସୁରକ୍ଷା ସଂହିତା (ବିଏନଏସ) ଏବଂ ଭାରତୀୟ ସାକ୍ଷ୍ୟ ଅଧିନିୟମ (ବିଏସଏ) ଭଳି ତିନୋଟି ନୂତନ ଅପରାଧିକ ଆଇନରେ ଆମ ଦେଶକୁ ସାଇବର ସୁରକ୍ଷିତ କରିବା ପାଇଁ ସମସ୍ତ ଆଇନଗତ ବ୍ୟବସ୍ଥା କରାଯାଇଛି । ଅନେକ ବୈଷୟିକ ଜ୍ଞାନକୌଶଳ ଭିତ୍ତିକ ପଦକ୍ଷେପ ମାଧ୍ୟମରେ ସେଗୁଡ଼ିକୁ ଆଇନଗତ ରୂପ ଦିଆଯାଇଛି ବୋଲି ସେ କହିଛନ୍ତି। ସେ କହିଛନ୍ତି ଯେ ବୈଜ୍ଞାନିକ ପଦ୍ଧତି ଉପରେ ଆଧାରିତ ଅନୁସନ୍ଧାନ ଏବଂ ଏହାର ଗୁଣବତ୍ତାରେ ଉନ୍ନତି ଆଣିବା ପାଇଁ ଅନେକ ପ୍ରୟାସ କରାଯାଇଛି ।

ଅମିତ ଶାହ କହିଛନ୍ତି ଯେ ଗୃହ ମନ୍ତ୍ରଣାଳୟର ଅଧିକୃତ ଅଂଶବିଶେଷ ହେବା ପରେ ଆଇ୪ସି ଏହାର ୯ ବର୍ଷର ଯାତ୍ରାରେ ଏବଂ ଏକ ବର୍ଷର ସ୍ୱଳ୍ପ ସମୟ ମଧ୍ୟରେ ଖୁବ୍‌ ଭଲ କାମ କରିଛି। ସେ କହିଛନ୍ତି ଯେ ଆଇ୪ସିର ସବୁଠାରୁ ବଡ ସଫଳତା ହେଉଛି ଜାତୀୟ ହେଲ୍ପଲାଇନ ନମ୍ବର ୧୯୩୦। ଏହାକୁ ଲୋକପ୍ରିୟ କରିବା ସମସ୍ତ ରାଜ୍ୟ ସରକାର ଏବଂ ଅଂଶୀଦାରଙ୍କ ଦାୟିତ୍ୱ। ୧୯୩୦ ହେଲ୍ପଲାଇନକୁ ଲୋକପ୍ରିୟ କରିବା ପାଇଁ ଏକ ସଚେତନତା ସପ୍ତାହ ଆୟୋଜନ କରିବାକୁ ଗୃହମନ୍ତ୍ରୀ ପରାମର୍ଶ ଦେଇଥିଲେ। ସମସ୍ତ ରାଜ୍ୟ ସରକାର ଓ ଗୃହ ମନ୍ତ୍ରଣାଳୟ ପଦକ୍ଷେପ ନେବା ସହ ୬ ମାସ ପରେ ସଚେତନତା ପକ୍ଷ ଆୟୋଜନ କରିବା ଦରକାର ବୋଲି ସେ କହିଛନ୍ତି। ୧୯୩୦କୁ ଲୋକପ୍ରିୟ କରିବା ପାଇଁ ସମସ୍ତ ପ୍ଲାଟଫର୍ମରେ ଏକାସାଙ୍ଗରେ ଅଭିଯାନ ଚାଲିଲେ ନିଶ୍ଚିତ ଭାବେ ଠକେଇର ଶିକାର ହୋଇଥିବା ଲୋକମାନେ ସୁରକ୍ଷିତ ଅନୁଭବ କରିବେ, ଏହାକୁ ତୁରନ୍ତ ବନ୍ଦ କରାଯିବା ସହ ଠକଙ୍କ ମନରେ ଭୟ ମଧ୍ୟ ସୃଷ୍ଟି ହେବ ବୋଲି ଶ୍ରୀ ଶାହ କହିଛନ୍ତି।

ଅମିତ ଶାହ କହିଛନ୍ତି ଯେ ବର୍ତ୍ତମାନ ସୁଦ୍ଧା ଆଇ୪ସି ୬୦୦ରୁ ଅଧିକ ମାର୍ଗଦର୍ଶିକା ଜାରି କରିଛି। ବିଭିନ୍ନ ୱେବସାଇଟ୍, ସୋସିଆଲ ମିଡିଆ ପେଜ୍‌, ମୋବାଇଲ ଆପ୍ ଏବଂ ସାଇବର ଅପରାଧୀଙ୍କ ଦ୍ୱାରା ପରିଚାଳିତ ଆକାଉଣ୍ଟକୁ ବ୍ଲକ୍ କରିଛି। ଆଇ୪ସି ଅଧୀନରେ ଦିଲ୍ଲୀରେ ଏକ ଜାତୀୟ ସାଇବର ଫରେନସିକ୍ ପ୍ରୟୋଗଶାଳା ମଧ୍ୟ ପ୍ରତିଷ୍ଠା କରାଯାଇଛି। ଶ୍ରୀ ଶାହ କହିଛନ୍ତି ଯେ ବର୍ତ୍ତମାନ ସୁଦ୍ଧା ୧୧୦୦ରୁ ଅଧିକ ଅଧିକାରୀଙ୍କୁ ସାଇବର ଫରେନସିକ୍ ରେ ତାଲିମ ଦିଆଯାଇଛି। ଏହି ଅଭିଯାନକୁ ଜିଲ୍ଲା ଓ ତହସିଲ ସ୍ତରରେ ପହଞ୍ଚାଇବା ପାଇଁ ଏହା ଆମର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଓ ମହତ୍ୱାକାଂକ୍ଷୀ କାର୍ଯ୍ୟକ୍ରମ।

କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ ସାଇବର ଅପରାଧର ଅଭିଯୋଗକୁ ଦୃଷ୍ଟିରେ ରଖି ମେୱାତ, ଜାମତାରା,  ଅହମ୍ମଦାବାଦ, ହାଇଦ୍ରାବାଦ, ଚଣ୍ଡିଗଡ଼, ବିଶାଖାପାଟଣା ଏବଂ ଗୌହାଟୀରେ ୭ଟି ଯୁଗ୍ମ ସାଇବର ସମନ୍ୱୟ ଦଳ ଗଠନ କରାଯାଇଛି ଏବଂ ସେମାନେ ବହୁତ ଭଲ ପରିଣାମ ପାଇଛନ୍ତି। ସେ କହିଛନ୍ତି, ଆଇ୪ସି ଦ୍ୱାରା ସାଇବର ଦୋସ୍ତ କାର୍ଯ୍ୟକ୍ରମ ଅଧୀନରେ ବିଭିନ୍ନ ସୋସିଆଲ ମିଡିଆ ହ୍ୟାଣ୍ଡେଲରେ ଏକ ପ୍ରଭାବଶାଳୀ ସଚେତନତା ଅଭିଯାନ ମଧ୍ୟ ଆରମ୍ଭ କରାଯାଇଛି। ଶ୍ରୀ ଶାହ କହିଛନ୍ତି ଯେ ଏସବୁ ପ୍ରୟାସ ଦ୍ୱାରା ଆମେ ନିଶ୍ଚିତ ଭାବରେ ଏକ ବିନ୍ଦୁରେ ପହଞ୍ଚିଛୁ କିନ୍ତୁ ଆମର ଲକ୍ଷ୍ୟ ଏପର୍ଯ୍ୟନ୍ତ ଦୂରରେ ଅଛି। ଲକ୍ଷ୍ୟ ହାସଲ ପାଇଁ ଆମକୁ ଏକ ନିର୍ଦ୍ଦିଷ୍ଟ ରଣନୀତି ପ୍ରସ୍ତୁତ କରି ସମାନ ଦିଗରେ ଆଗକୁ ବଢ଼ିବାକୁ ପଡ଼ିବ ବୋଲି ସେ କହିଛନ୍ତି।

ସାଇବର ଠକେଇ ପ୍ରଶମନ କେନ୍ଦ୍ର (ସିଏଫଏମସି): ନୂଆଦିଲ୍ଲୀସ୍ଥିତ ଭାରତୀୟ ସାଇବର ଅପରାଧ ସମନ୍ୱୟ କେନ୍ଦ୍ର (ଆଇ୪ସି)ରେ ପ୍ରମୁଖ ବ୍ୟାଙ୍କ, ଆର୍ଥିକ ମଧ୍ୟସ୍ଥ, ପେମେଣ୍ଟ ଏଗ୍ରିଗେଟର, ଟେଲିକମ୍ ସେବା ପ୍ରଦାନକାରୀ, ଆଇଟି ମଧ୍ୟସ୍ଥି ଏବଂ ରାଜ୍ୟ/କେନ୍ଦ୍ରଶାସିତ ପ୍ରଦେଶର ଆଇନ ପ୍ରବର୍ତ୍ତନ ଏଜେନ୍ସି (ଏଲ୍ଇଏ)ର ପ୍ରତିନିଧିମାନଙ୍କୁ ନେଇ ସିଏଫ୍ଏମସି ପ୍ରତିଷ୍ଠା କରାଯାଇଛି। ଅନଲାଇନ୍ ଆର୍ଥିକ ଅପରାଧର ମୁକାବିଲା ନିମନ୍ତେ ସେମାନେ ତୁରନ୍ତ ପଦକ୍ଷେପ ଏବଂ ନିରବଚ୍ଛିନ୍ନ ସହଯୋଗ ପାଇଁ ମିଳିତ ଭାବେ କାର୍ଯ୍ୟ କରିବେ। ଆଇନ ପ୍ରଣୟନରେ “ସହଯୋଗୀ ସଂଘୀୟ ବ୍ୟବସ୍ଥା”ର ଏକ ଉଦାହରଣ ଭାବରେ ସିଏଫଏମସି କାର୍ଯ୍ୟ କରିବ।

ସମନ୍ଵୟ ପ୍ଲାଟଫର୍ମ (ଯୁଗ୍ମ ସାଇବର ଅପରାଧ ଅନୁସନ୍ଧାନ ସୁବିଧା ପ୍ରଣାଳୀ):  ଏହି ପ୍ଲାଟଫର୍ମ ହେଉଛି ଏକ ୱେବ-ଆଧାରିତ ମଡ୍ୟୁଲ୍ ଯାହା ସାଇବର ଅପରାଧର ଡାଟା ଭଣ୍ଡାର, ଡାଟା ସେୟାରିଂ, କ୍ରାଇମ ମ୍ୟାପିଂ, ଡାଟା ଆନାଲିଟିକ୍ସ, ସହଯୋଗ ଏବଂ ସମଗ୍ର ଦେଶରେ ଆଇନ ପ୍ରବର୍ତ୍ତନ ଏଜେନ୍ସିଗୁଡିକ ପାଇଁ ସମନ୍ୱୟ ପ୍ଲାଟଫର୍ମ ପାଇଁ ଏକ ୱାନ୍ ଷ୍ଟପ୍ ପୋର୍ଟାଲ ଭାବରେ କାର୍ଯ୍ୟ କରିବ।

‘ସାଇବର କମାଣ୍ଡୋ‘ କାର୍ଯ୍ୟକ୍ରମ: ଏହି କାର୍ଯ୍ୟକ୍ରମ ଅଧୀନରେ ଦେଶରେ ସାଇବର ସୁରକ୍ଷା କ୍ଷେତ୍ରର ବିପଦର ମୁକାବିଲା ପାଇଁ ରାଜ୍ୟ/କେନ୍ଦ୍ରଶାସିତ ଅଞ୍ଚଳ ଏବଂ କେନ୍ଦ୍ରୀୟ ପୋଲିସ ସଂଗଠନ (ସିପିଓ)ରେ ପ୍ରଶିକ୍ଷିତ ‘ସାଇବର କମାଣ୍ଡୋ’ଙ୍କ ଏକ ସ୍ୱତନ୍ତ୍ର ଶାଖା ପ୍ରତିଷ୍ଠା କରାଯିବ। ତାଲିମପ୍ରାପ୍ତ ସାଇବର କମାଣ୍ଡୋମାନେ ଡିଜିଟାଲ ସ୍ପେସ୍‌କୁ ସୁରକ୍ଷିତ କରିବାରେ ରାଜ୍ୟ/କେନ୍ଦ୍ରଶାସିତ ଅଞ୍ଚଳ ଏବଂ କେନ୍ଦ୍ରୀୟ ଏଜେନ୍ସିଗୁଡ଼ିକୁ ସାହାଯ୍ୟ କରିବେ।

ସନ୍ଦିଗ୍ଧ ରେଜିଷ୍ଟ୍ରି: ଏହି ପଦକ୍ଷେପର ଏକ ଅଂଶ ଭାବରେ ଆର୍ଥିକ ପ୍ରଣାଳୀର ଠକେଇ ବିପଦ ପରିଚାଳନା କ୍ଷମତାକୁ ସୁଦୃଢ଼ କରିବା ପାଇଁ ବ୍ୟାଙ୍କ ଏବଂ ଆର୍ଥିକ ମଧ୍ୟସ୍ଥିମାନଙ୍କ ସହଯୋଗରେ ଜାତୀୟ ସାଇବର କ୍ରାଇମ ରିପୋର୍ଟିଂ ପୋର୍ଟାଲ (ଏନସିଆରପି) ଆଧାରରେ ବିଭିନ୍ନ ପରିଚୟପତ୍ରର ସନ୍ଦିଗ୍ଧ ବା ସସ୍ପେକ୍ଟ ରେଜିଷ୍ଟ୍ରି ସୃଷ୍ଟି କରାଯାଉଛି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୧ ସେପ୍ଟେମ୍ବର ପୂର୍ବାହ୍ନ ୧୦:୩୦ ସମୟରେ ଉତ୍ତରପ୍ରଦେଶର ଗ୍ରେଟର ନୋଏଡାରେ ହେବାକୁ ଥିବା ଇଣ୍ଡିଆ ଏକ୍ସପୋ ମାର୍ଟରେ ସେମିକନ୍ ଇଣ୍ଡିଆ ୨୦୨୪ର ଉଦ୍‌ଘାଟନ କରିବେ।ଏହି ଅବସରରେ ସେ ସମାବେଶକୁ ମଧ୍ୟ ସମ୍ବୋଧିତ କରିବେ।

ସେମିକଣ୍ଡକ୍ଟର ଡିଜାଇନ୍‌, ଉତ୍ପାଦନ ଏବଂ ପ୍ରଯୁକ୍ତିବିଦ୍ୟା ବିକାଶ ପାଇଁ ଭାରତକୁ ବିଶ୍ୱସ୍ତରୀୟ ହବ୍‌ରେ ପରିଣତ କରିବାକୁ ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ରହିଛି। ଏହି ଦୃଷ୍ଟିକୋଣ ଅନୁଯାୟୀ, ‘ସେପିଂ ଦ ସେମିକଣ୍ଡକ୍ଟର୍ ଫ୍ୟୁଚର୍‌’ ବିଷୟବସ୍ତୁ ସହିତ ୧୧ରୁ ୧୩ ସେପ୍ଟେମ୍ବର ମଧ୍ୟରେ ସେମିକନ୍ ଇଣ୍ଡିଆ ୨୦୨୪ ଆୟୋଜିତ ହେଉଛି।

ସେପ୍ଟେମ୍ବର ୧୧ରୁ ୧୩ ପର୍ଯ୍ୟନ୍ତ ତିନି ଦିନିଆ ସମ୍ମିଳନୀରେ ଭାରତର ସେମିକଣ୍ଡକ୍ଟର ରଣନୀତି ଏବଂ ନୀତି ପ୍ରଦର୍ଶିତ ହେବ ଯାହା ଭାରତକୁ ସେମିକଣ୍ଡକ୍ଟର ପାଇଁ ଏକ ବିଶ୍ୱସ୍ତରୀୟ ହବ୍‌ରେ ପରିଣତ କରିବ। ଏଥିରେ ବିଶ୍ୱସ୍ତରୀୟ ସେମିକଣ୍ଡକ୍ଟରର ପ୍ରମୁଖ ନେତୃତ୍ୱ ଯୋଗଦେବା ସହ ବିଶ୍ୱସ୍ତରୀୟ ନେତା, କମ୍ପାନୀ ଏବଂ ସେମିକଣ୍ଡକ୍ଟର ଶିଳ୍ପର ବିଶେଷଜ୍ଞମାନଙ୍କୁ ଏହି ସମ୍ମିଳନୀ ଏକତ୍ର କରିବ। ଏହି ସମ୍ମିଳନୀରେ ୨୫୦ରୁ ଅଧିକ ପ୍ରଦର୍ଶକ ଏବଂ ୧୫୦ ବକ୍ତା ଅଂଶଗ୍ରହଣ କରିବେ।

ନୂଆଦିଲ୍ଲୀ: ଉତ୍ତର ପ୍ରଦେଶର ଲକ୍ଷ୍ନୌଠାରେ ଏକ କୋଠା ଭୁଶୁଡ଼ି ଲୋକଙ୍କ ପ୍ରାଣହାନି ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଃଖ ପ୍ରକାଶ କରିଛନ୍ତି।

ଶ୍ରୀ ମୋଦୀ ମଧ୍ୟ ପ୍ରଧାନମନ୍ତ୍ରୀ ଜାତୀୟ ରିଲିଫ ଫଣ୍ଡରୁ ପ୍ରତ୍ୟେକ ମୃତକଙ୍କ ନିକଟ ସମ୍ପର୍କୀୟଙ୍କ ପାଇଁ ୨ ଲକ୍ଷ ଟଙ୍କା ଲେଖାଏଁ ଏବଂ ଆହତ ମାନଙ୍କୁ ୫୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ ପାଇଁ ଘୋଷଣା କରିଛନ୍ତି।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏକ୍ସରେ ପୋଷ୍ଟ କରାଯାଇଛି:

“ଉତ୍ତର ପ୍ରଦେଶର ଲକ୍ଷ୍ନୌରେ କୋଠା ଭୁଶୁଡ଼ି ପ୍ରାଣ ହାନି ଘଟଣା ଦୁଃଖଦାୟକ । ନିକଟ ସମ୍ପର୍କୀୟଙ୍କୁ ହରାଇଥିବା ଲୋକଙ୍କ ପାଇଁ ସମବେଦନା। ଆହତମାନଙ୍କ ଆଶୁ ଅରୋଗ୍ୟ କାମନା କରୁଛି। ପ୍ରତ୍ୟେକ ମୃତ ବ୍ୟକ୍ତିଙ୍କ ନିକଟ ସମ୍ପର୍କୀୟଙ୍କୁ ପ୍ରଧାନମନ୍ତ୍ରୀ ରିଲିଫ ଫଣ୍ଡରୁ ୨ ଲକ୍ଷ ଟଙ୍କା ଲେଖାଏଁ ସହାୟତା ଯୋଗାଇ ଦିଆଯିବ। ଆହତମାନଙ୍କୁ ୫୦ ହଜାର ଟଙ୍କା ଲେଖାଏଁ ପ୍ରଦାନ କରାଯିବ।”

ନୂଆଦିଲ୍ଲୀ: ଜାପାନର ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ସିଞ୍ଜେ ଆବେଙ୍କ ପତ୍ନୀ ଶ୍ରୀମତୀ ଆବେଙ୍କୁ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭେଟିଛନ୍ତି। ସାକ୍ଷାତକାର ସମୟରେ ଶ୍ରୀ ମୋଦୀ ଦିବଙ୍ଗତ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ ସହ ତାଙ୍କର ମଧୁର ସମ୍ପର୍କକୁ ସ୍ମରଣ କରିଥିଲେ ଏବଂ ଭାରତ-ଜାପାନ ଦୃଢ଼ ସମ୍ପର୍କ ଉପରେ ଆବେ ସାନଙ୍କ ଆସ୍ଥା ବିଷୟ ଉଲ୍ଲେଖ କରିଥିଲେ।

ଭାରତ ପ୍ରତି ଶ୍ରୀମତୀ ଆବେଙ୍କ ସହଯୋଗକୁ ମଧ୍ୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ରଶଂସା କରିଥିଲେ।

ପ୍ରଧାନମନ୍ତ୍ରୀ ଏକ୍ସ ରେ ପୋଷ୍ଟ କରିଛନ୍ତି:

“ଅପରାହ୍ଣରେ ଶ୍ରୀମତୀ ଆବେଙ୍କୁ ଭଟି ଖୁସି ହେଲି। ଜାପାନର ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ ସହ ଥିବା ବ୍ୟକ୍ତିଗତ ସମ୍ପର୍କକୁ ସ୍ମରଣ କଲି। ଭାରତ-ଜାପାନ ସମ୍ପର୍କର ସମ୍ଭାବନା ଉପରେ ଆବେ ସାନଙ୍କ ଆସ୍ଥା ହିଁ ଆମ ଶକ୍ତିର ସୂତ୍ର। ଭାରତ ପ୍ରତି ତାଙ୍କର ସହଯୋଗକୁ ପ୍ରଶଂସା କରୁଛି।”

ନୂଆଦିଲ୍ଲୀ: ଉତ୍ତର ପ୍ରଦେଶର ହଥରସ ଦୁର୍ଘଟଣା ମୃତକଙ୍କ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗଭୀର ଦୁଃଖ ପ୍ରକାଶ କରିଛନ୍ତି। ଦୁର୍ଘଟଣାର ଆହତମାନଙ୍କ ଆଶୁ ଆରୋଗ୍ୟ କାମନା ମଧ୍ୟ କରିଛନ୍ତି ପ୍ରଧାନମନ୍ତ୍ରୀ।

ପ୍ରଧାନମନ୍ତ୍ରୀ ରିଲିଫ ପାଣ୍ଠିରୁ ପ୍ରତି ମୃତକଙ୍କ ନିକଟ ସମ୍ପର୍କୀୟଙ୍କ ପାଇଁ ୨ ଲକ୍ଷ ଟଙ୍କା ଲେଖାଏଁ ଏବଂ ଆହତ ମାନଙ୍କ ପାଇଁ ୫୦ ହଜାର ଟଙ୍କା ଲେଖାଏଁ ସହାୟତା ଘୋଷଣା କରିଛନ୍ତି ପ୍ରଧାନମନ୍ତ୍ରୀ।

ପ୍ରଧାନମନ୍ତ୍ରୀ ଏକ୍ସ ରେ ପୋଷ୍ଟ କରିଛନ୍ତି:

“ଉତ୍ତର ପ୍ରଦେଶର ହଥରସରେ ହୋଇଥିବା ଦୁର୍ଘଟଣା ଅତ୍ୟନ୍ତ ପୀଡ଼ାଦାୟକ। ଦୁର୍ଘଟଣାରେ ଯେଉଁମାନେ ନିଜ ସମ୍ପର୍କୀୟଙ୍କୁ ହରାଇଛନ୍ତି ସେମାନଙ୍କ ପାଇଁ ମୋର ଗଭୀର ସମବେଦନା। ଏହି ଘଡ଼ିସନ୍ଧି ସମୟରେ ଭଗବାନ ସେମାନଙ୍କୁ ସାହାସ ଦିଅନ୍ତୁ। ଏଥିସହ ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତିମାନଙ୍କୁ ଆଶୁ ଆରୋଗ୍ୟ କାମନା କରୁଛି। ରାଜ୍ୟ ସରକାରଙ୍କ ତଦାରଖରେ ସ୍ଥାନୀୟ ପ୍ରଶାସନ ପ୍ରଭାବିତଙ୍କୁ ଯଥାସମ୍ଭବ ସହାୟତା କରୁଛି: ପ୍ରଧାନମନ୍ତ୍ରୀ @narendramodi”

“ଉତ୍ତର ପ୍ରଦେଶର ହଥରସ ଦୁର୍ଘଟଣାରେ ପ୍ରଣ ହରାଇଥିବା ପ୍ରତ୍ୟେକ ବ୍ୟକ୍ତିଙ୍କ ନିକଟ ସମ୍ପର୍କୀୟଙ୍କୁ ୨ ଲକ୍ଷ ଟଙ୍କା ଲେଖାଏଁ ଏବଂ ଆହତମାନଙ୍କ ପାଇଁ ୫୦ ହଜାର ଟଙ୍କା ଲେଖାଏଁ ପ୍ରଧାନମନ୍ତ୍ରୀଙ୍କ ରିଲିଫ ପାଣ୍ଠିରୁ ଘୋଷଣା କରାଯାଇଛି।”

ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ ଜଳଶକ୍ତି ମନ୍ତ୍ରଣାଳୟ ଦ୍ୱାରା ଆଜି ଗୁଜରାଟ ମାଟିରୁ ଏକ ଗୁରୁତ୍ୱପୂର୍ଣ୍ଣ ଅଭିଯାନ ଆରମ୍ଭ କରାଯାଉଛି। ମୌସୁମୀ ଋତୁର ବିପର୍ଯ୍ୟୟ ସମ୍ପର୍କରେ ଶ୍ରୀ ମୋଦୀ କହିଛନ୍ତି ଯେ ଦେଶର ପ୍ରାୟ ସବୁ ଅଞ୍ଚଳକୁ ଏହା କାରଣରୁ ପ୍ରତିକୂଳ ପରିସ୍ଥିତିର ସମ୍ମୁଖୀନ ହେବାକୁ ପଡ଼ିଥିଲା। ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ ଗୁଜୁରାଟର ମୁଖ୍ୟମନ୍ତ୍ରୀ ଥିବା ସମୟରେ ପ୍ରାୟ ପ୍ରତ୍ୟେକ ତହସିଲରେ ସେ ଏଭଳି ପ୍ରବଳ ବର୍ଷା ଦେଖିନଥିଲେ କିମ୍ବା ଶୁଣି ନଥିଲେ । ସେ କହିଛନ୍ତି ଯେ ଗୁଜରାଟକୁ ଏଥର ଏକ ଚରମ ସଙ୍କଟର ସମ୍ମୁଖୀନ ହେବାକୁ ପଡ଼ିଛି ଏବଂ ପରିସ୍ଥିତିକୁ ସମ୍ଭାଳିବା ପାଇଁ ବିଭାଗଗୁଡ଼ିକ ସମ୍ପୂର୍ଣ୍ଣ ଭାବେ ପ୍ରସ୍ତୁତ ନୁହଁନ୍ତି, ତଥାପି ଏଭଳି ଭୟଙ୍କର ପରିସ୍ଥିତିରେ ଗୁଜରାଟ ଏବଂ ଦେଶର ଲୋକମାନେ କାନ୍ଧରେ କାନ୍ଧ ମିଳାଇ ପରସ୍ପରକୁ ସାହାଯ୍ୟ କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଦେଶର ଅନେକ ସ୍ଥାନ ଏବେ ବି ମୌସୁମୀ ଋତୁର ପ୍ରଭାବ ଦେଇ ଗତି କରୁଛି।

ଜଳ ସଂରକ୍ଷଣ କେବଳ ଏକ ନୀତି ନୁହେଁ, ଏହା ଏକ ପ୍ରୟାସ ଓ ଗୁଣ ବୋଲି ପ୍ରଧାନମନ୍ତ୍ରୀ କହିଥିଲେ। ଏଥିରେ ଉଦାରତା ସହିତ ଦାୟିତ୍ୱ ମଧ୍ୟ ରହିଛି। “ଜଳ ହେଉଛି ପ୍ରଥମ ମାପଦଣ୍ଡ ଯାହା ଉପରେ ଆମର ଭବିଷ୍ୟତ ପିଢ଼ି ଆମର ଆକଳନ କରିବେ”, ଶ୍ରୀ ମୋଦୀ କହିଥିଲେ । କାରଣ ଜଳ କେବଳ ଏକ ସମ୍ପଦ ନୁହେଁ ବରଂ ଜୀବନ ଓ ମାନବିକତାର ଭବିଷ୍ୟତର ପ୍ରଶ୍ନ ବୋଲି ସେ କହିଛନ୍ତି। ତେଣୁ ଏକ ସ୍ଥାୟୀ ଭବିଷ୍ୟତ ଦିଗରେ ୯ଟି ସଂକଳ୍ପ ମଧ୍ୟରୁ ଜଳ ସଂରକ୍ଷଣ ସବୁଠାରୁ ଆଗରେ ରହିଛି ବୋଲି ସେ କହିଛନ୍ତି। ଜଳ ସଂରକ୍ଷଣର ଅର୍ଥପୂର୍ଣ୍ଣ ପ୍ରୟାସରେ ଜନସାଧାରଣଙ୍କ ଅଂଶଗ୍ରହଣ ଆରମ୍ଭ ହୋଇଥିବାରୁ ଶ୍ରୀ ମୋଦୀ ଖୁସି ବ୍ୟକ୍ତ କରିଥିଲେ । ଏହି ପଦକ୍ଷେପରେ ସେ ଜଳଶକ୍ତି ମନ୍ତ୍ରଣାଳୟ, ଗୁଜରାଟ ସରକାରଙ୍କ ସମସ୍ତ ଅଂଶୀଦାରଙ୍କୁ ଶୁଭେଚ୍ଛା ଜଣାଇଛନ୍ତି।

ପରିବେଶ ଏବଂ ଜଳ ସଂରକ୍ଷଣର ଆବଶ୍ୟକତା ଉପରେ ଆଲୋକପାତ କରି ପ୍ରଧାନମନ୍ତ୍ରୀ ଦର୍ଶାଇଥିଲେ ଯେ ବିଶ୍ୱରେ ମାତ୍ର ୪ ପ୍ରତିଶତ ମଧୁର ଜଳ ଭାରତରେ ରହିଛି । ଦେଶରେ ଅନେକ ଭବ୍ୟ ନଦୀ ଥିଲେ ମଧ୍ୟ ବଡ଼ ବଡ଼ ଭୌଗୋଳିକ ଅଞ୍ଚଳରେ ପାଣି ରହୁନାହିଁ ଏବଂ ଜଳସ୍ତର ମଧ୍ୟ ଦ୍ରୁତ ଗତିରେ ହ୍ରାସ ପାଉଛି। ଜଳବାୟୁ ପରିବର୍ତ୍ତନ ସହିତ ଜଳ ଅଭାବ ଲୋକଙ୍କ ଜୀବନ ଉପରେ ବ୍ୟାପକ ପ୍ରଭାବ ପକାଇଛି ବୋଲି ସେ ଉଲ୍ଲେଖ କରିଥିଲେ।

ଆହ୍ୱାନପୂର୍ଣ୍ଣ ପରିସ୍ଥିତି ସତ୍ତ୍ୱେ କେବଳ ଭାରତ ହିଁ ନିଜ ପାଇଁ ଏବଂ ବିଶ୍ୱ ପାଇଁ ସମାଧାନ ଖୋଜିବାର ସାମର୍ଥ୍ୟ ରଖିଛି ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ସେ ଭାରତର ପ୍ରାଚୀନ ଶାସ୍ତ୍ରର ବୁଝାମଣାକୁ ଶ୍ରେୟ ଦେଇ କହିଛନ୍ତି ଯେ ଜଳ ଓ ପରିବେଶ ସଂରକ୍ଷଣକୁ ପୁସ୍ତକୀୟ ଜ୍ଞାନ କିମ୍ବା ପରିସ୍ଥିତିରୁ ଉତ୍ପନ୍ନ ହୋଇଥିବା ଜିନିଷ ଭାବରେ ବିବେଚନା କରାଯାଏ ନାହିଁ। “ଜଳ ଏବଂ ପରିବେଶ ସଂରକ୍ଷଣ ଭାରତର ପାରମ୍ପରିକ ଚେତନାର ଏକ ଅଂଶ”। ସେ କହିଥିଲେ ଯେ ଭାରତର ଲୋକମାନେ ଏକ ସଂସ୍କୃତିର ଅଟନ୍ତି ଯେଉଁମାନେ ଜଳକୁ ଭଗବାନଙ୍କ ରୂପ, ନଦୀଗୁଡ଼ିକୁ ଦେବୀ ଏବଂ ସରୋବରକୁ ଦେବତାଙ୍କ ବାସସ୍ଥାନ ଭାବରେ ବିବେଚନା କରନ୍ତି। “ଗଙ୍ଗା, ନର୍ମଦା, ଗୋଦାବରୀ ଏବଂ କାବେରୀ ମା’ ଭାବରେ ସମ୍ମାନିତ”, ସେ କହିଥିଲେ। ପ୍ରାଚୀନ ଶାସ୍ତ୍ରକୁ ଉଦାହରଣ ଦେଇ ପ୍ରଧାନମନ୍ତ୍ରୀ ବର୍ଣ୍ଣନା କରିଥିଲେ ଯେ ଜଳ ସଂରକ୍ଷଣ ଏବଂ ଦାନ ହେଉଛି ସେବାର ସର୍ବୋଚ୍ଚ ରୂପ, କାରଣ ସମସ୍ତ ଜୀବଜଗତ ଜଳରୁ ଆରମ୍ଭ ହୋଇ ଏହା ଉପରେ ନିର୍ଭରଶୀଳ । ଭାରତର ପୂର୍ବପୁରୁଷମାନେ ଜଳ ଏବଂ ପରିବେଶ ସଂରକ୍ଷଣର ଗୁରୁତ୍ୱ ବିଷୟରେ ଜାଣିଥିଲେ ବୋଲି ସେ ଗୁରୁତ୍ୱାରୋପ କରିଥିଲେ । ରହିମ ଦାସଙ୍କ ଏକ କବିତା ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ଦେଶର ଦୂରଦର୍ଶୀତା ଉପରେ ଆଲୋକପାତ କରିଥିଲେ ଏବଂ ଜଳ ଏବଂ ପରିବେଶ ସଂରକ୍ଷଣ କ୍ଷେତ୍ରରେ ନେତୃତ୍ୱ ନେବାର ଆବଶ୍ୟକତା ପ୍ରକାଶ କରିଥିଲେ ।

ଗୁଜରାଟରୁ ‘ଜଳ ସଞ୍ଚୟ ଜନ ଭାଗିଦାରୀ’ କାର୍ଯ୍ୟକ୍ରମ ଆରମ୍ଭ ହେଉଛି ଏବଂ ଶେଷ ସ୍ତରରେ ନାଗରିକଙ୍କ ପାଇଁ ଜଳର ଉପଲବ୍ଧତା ଏବଂ ଉପଲବ୍ଧତା ସୁନିଶ୍ଚିତ କରିବା ଦିଗରେ ଅନେକ ସଫଳ ପ୍ରୟାସ ଦେଖିବାକୁ ମିଳିଛି ବୋଲି ପ୍ରଧାନମନ୍ତ୍ରୀ ଆଲୋକପାତ କରିଥିଲେ । ଅଢ଼େଇ ଦଶନ୍ଧି ପୂର୍ବେ ସୌରାଷ୍ଟ୍ରର ସ୍ଥିତିକୁ ମନେ ପକାଇ ଶ୍ରୀ ମୋଦୀ କହିଥିଲେ ଯେତେବେଳେ ପୂର୍ବ ସରକାରମାନଙ୍କ ପାଖରେ ଜଳ ସଂରକ୍ଷଣର ଦୃଷ୍ଟିକୋଣର ଅଭାବ ଥିଲା ।

ସେ ଆହୁରି ମଧ୍ୟ କହିଛନ୍ତି ଯେ ସେ ଏହି ଗମ୍ଭୀର ସଙ୍କଟରୁ ମୁକୁଳିବା ପାଇଁ ସଂକଳ୍ପ ନେଇଛନ୍ତି ଏବଂ ଦଶନ୍ଧି ଧରି ଅଟକି ରହିଥିବା ସର୍ଦ୍ଦାର ସରୋବର ଡ୍ୟାମର ସମ୍ପୂର୍ଣ୍ଣତା ଏବଂ କାର୍ଯ୍ୟକ୍ଷମତାକୁ ସୁନିଶ୍ଚିତ କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ସୌନି ଯୋଜନା ମଧ୍ୟ ଅତ୍ୟଧିକ ଅଞ୍ଚଳରୁ ପାଣି ଆଣି ଅଭାବ ଥିବା ଅଞ୍ଚଳକୁ ଛଡ଼ାଯାଇ ଆରମ୍ଭ କରାଯାଇଥିଲା। ଗୁଜରାଟରେ ହୋଇଥିବା ପ୍ରୟାସର ଫଳାଫଳ ଆଜି ବିଶ୍ୱକୁ ଦୃଶ୍ୟମାନ ହେଉଥିବାରୁ ଶ୍ରୀ ମୋଦୀ ଖୁସି ବ୍ୟକ୍ତ କରିଥିଲେ।

“ଜଳ ସଂରକ୍ଷଣ କେବଳ ନୀତିର ବିଷୟ ନୁହେଁ ବରଂ ସାମାଜିକ ପ୍ରତିବଦ୍ଧତାର ବିଷୟ”, ପ୍ରଧାନମନ୍ତ୍ରୀ ଜଣେ ସଚେତନ ନାଗରିକ, ଜନଭାଗିଦାରୀ ଏବଂ ଜନ ଆନ୍ଦୋଳନର ଗୁରୁତ୍ୱ ଉପରେ ଆଲୋକପାତ କରିଥିଲେ । ଅତୀତରେ ହଜାର ହଜାର କୋଟି ଟଙ୍କାର ଜଳ ସମ୍ବନ୍ଧୀୟ ପ୍ରକଳ୍ପ ଆରମ୍ଭ ହୋଇଥିଲେ ମଧ୍ୟ ଏହାର ଫଳାଫଳ ଗତ ୧୦ ବର୍ଷ ରେ ହିଁ ସ୍ପଷ୍ଟ ହୋଇଛି ବୋଲି ସେ ଦର୍ଶାଇଥିଲେ। ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ଆମ ସରକାର ସମଗ୍ର ସମାଜ ଏବଂ ସମଗ୍ର ସରକାରୀ ଆଭିମୁଖ୍ୟ ସହିତ କାମ କରିଛନ୍ତି” । ବିଗତ ୧୦ ବର୍ଷ ମଧ୍ୟରେ ହୋଇଥିବା କାର୍ଯ୍ୟ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ପ୍ରଥମ ଥର ପାଇଁ ଜଳ ସମ୍ବନ୍ଧୀୟ ପ୍ରସଙ୍ଗରେ ପ୍ରାଚୀର ଭାଙ୍ଗିଯାଇଛି ଏବଂ ସମଗ୍ର ସରକାରୀ ଆଭିମୁଖ୍ୟର ପ୍ରତିଶ୍ରୁତି ପୂରଣ କରିବା ପାଇଁ ଜଳ ଶକ୍ତି ମନ୍ତ୍ରଣାଳୟ ଗଠନ କରାଯାଇଛି।

ଜଳ ଜୀବନ ମିଶନ ଜରିଆରେ ପ୍ରତ୍ୟେକ ଘରକୁ ଜଳ ଯୋଗାଣ ର ସଂକଳ୍ପ କୁ ସ୍ପର୍ଶ କରିବା ସହ ପୂର୍ବରୁ ମାତ୍ର ୩ କୋଟି ଘରେ ଜଳ ସଂଯୋଗ ଉପଲବ୍ଧ ଥିବା ବେଳେ ବର୍ତ୍ତମାନ ୧୫ କୋଟିରୁ ଅଧିକ ରହିଛି ବୋଲି ସେ ସୂଚନା ଦେଇଛନ୍ତି। ଦେଶର ୭୫ ପ୍ରତିଶତରୁ ଅଧିକ ପରିବାରପାଖରେ ସ୍ୱଚ୍ଛ ନଳଜଳ ପହଞ୍ଚାଇବା ପାଇଁ ସେ ଜଳ-ଜୀବନ ମିଶନକୁ ଶ୍ରେୟ ଦେଇଛନ୍ତି। ଜଳ-ଜୀବନ ମିଶନରେ ଯୋଗଦାନ ପାଇଁ ସେ ସ୍ଥାନୀୟ ଜଳ ସମିତିଗୁଡ଼ିକୁ ପ୍ରଶଂସା କରିଥିଲେ ଏବଂ କହିଥିଲେ ଯେ ଗୁଜୁରାଟର ପାଣି ସମିତିରେ ଚମତ୍କାର ପ୍ରଦର୍ଶନ କରିଥିବା ମହିଳାମାନଙ୍କ ଭଳି ସାରା ଦେଶରେ ପାଣି ସମିତିରେ ମହିଳାମାନେ ଚମତ୍କାର କାର୍ଯ୍ୟ କରୁଛନ୍ତି “ଏଥିରେ ଅଂଶଗ୍ରହଣର ଅତିକମରେ ୫୦ ପ୍ରତିଶତ ଗ୍ରାମୀଣ ମହିଳାମାନଙ୍କର”।

ଜଳଶକ୍ତି ଅଭିଯାନ ଆଜି କିପରି ଏକ ଜାତୀୟ ମିଶନରେ ପରିଣତ ହୋଇଛି ତାହା ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ପାରମ୍ପରିକ ଜଳ ଉତ୍ସର ନବୀକରଣ ହେଉ କିମ୍ବା ନୂତନ ଢାଞ୍ଚା ନିର୍ମାଣ ହେଉ, ଅଂଶୀଦାରଙ୍କଠାରୁ ଆରମ୍ଭ କରି ନାଗରିକ ସମାଜ ଠାରୁ ଆରମ୍ଭ କରି ପଞ୍ଚାୟତ ପର୍ଯ୍ୟନ୍ତ ସମସ୍ତ ବର୍ଗର ବ୍ୟକ୍ତି ଏଥିରେ ସାମିଲ ଅଛନ୍ତି।

ଜନସାଧାରଣଙ୍କ ଅଂଶଗ୍ରହଣର ଶକ୍ତି ବିଷୟରେ ବର୍ଣ୍ଣନା କରି ଶ୍ରୀ ମୋଦୀ କହିଥିଲେ ଯେ ଆଜାଦି କା ଅମୃତ ମହୋତ୍ସବ ସମୟରେ ପ୍ରତି ଜିଲ୍ଲାରେ ଅମୃତ ସରୋବର କାର୍ଯ୍ୟ ଆରମ୍ଭ ହୋଇଥିଲା ଏବଂ ଆଜି ଦେଶରେ ୬୦ ହଜାରରୁ ଅଧିକ ଅମୃତ ସରୋବର ନିର୍ମାଣ ହୋଇଛି । ସେହିପରି ଅଟଳ ଭୁଜଲ ଯୋଜନାରେ ଭୂତଳ ଜଳକୁ ରିଚାର୍ଜ କରିବା ପାଇଁ ଜଳସମ୍ପଦ ପରିଚାଳନା ରେ ଗ୍ରାମବାସୀଙ୍କ ଦାୟିତ୍ୱ ମଧ୍ୟ ରହିଛି।

ସେ ଆହୁରି ମଧ୍ୟ କହିଛନ୍ତି, ୨୦୨୧ରେ ଆରମ୍ଭ ହୋଇଥିବା ‘କ୍ୟାଚ୍ ଦ ରେନ୍’ ଅଭିଯାନରେ ଆଜି ବହୁ ସଂଖ୍ୟାରେ ହିତାଧିକାରୀ ସାମିଲ ହୋଇଛନ୍ତି। ‘ନମାମି ଗଙ୍ଗେ’ ଅଭିଯାନ ସମ୍ପର୍କରେ ଶ୍ରୀ ମୋଦୀ କହିଥିଲେ ଯେ ଏହା ନାଗରିକଙ୍କ ପାଇଁ ଏକ ଭାବପ୍ରବଣ ସଂକଳ୍ପରେ ପରିଣତ ହୋଇଛି ଏବଂ ଲୋକମାନେ ନଦୀର ସ୍ୱଚ୍ଛତା ସୁନିଶ୍ଚିତ କରିବା ପାଇଁ ପୁରୁଣା ପରମ୍ପରା ଏବଂ ଅପ୍ରାସଙ୍ଗିକ ରୀତିନୀତିକୁ ତ୍ୟାଗ କରୁଛନ୍ତି।

‘ଏକ ପେଡ୍ ମା କେ ନାମ’ ଅଭିଯାନ ଅଧୀନରେ ଗୋଟିଏ ଗଛ ଲଗାଇବା ପାଇଁ ନାଗରିକମାନଙ୍କୁ ନିବେଦନ କରି ପ୍ରଧାନମନ୍ତ୍ରୀ କହିଥିଲେ ଯେ ବନୀକରଣ ସହିତ ଭୂତଳ ଜଳସ୍ତର ଦ୍ରୁତ ଗତିରେ ବୃଦ୍ଧି ପାଉଛି। ସେ ଆଲୋକପାତ କରିଥିଲେ ଯେ ଗତ କିଛି ସପ୍ତାହ ମଧ୍ୟରେ ‘ଏକ ପେଡ୍ ମା କେ ନାମ’ ଅଧୀନରେ କୋଟି କୋଟି ଗଛ ଲଗାଯାଇଛି। ଶ୍ରୀ ମୋଦୀ ଏଭଳି ଅଭିଯାନ ଏବଂ ସଂକଳ୍ପରେ ଜନସାଧାରଣଙ୍କ ଅଂଶଗ୍ରହଣର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ ଏବଂ କହିଥିଲେ ଯେ ଜଳ ସଂରକ୍ଷଣ ପ୍ରୟାସ ୧୪୦ କୋଟି ନାଗରିକଙ୍କ ଭାଗିଦାରୀରେ ଏକ ଜନ ଆନ୍ଦୋଳନରେ ପରିଣତ ହେଉଛି।

ଜଳ ସଂରକ୍ଷଣ ଉପରେ ତୁରନ୍ତ ପଦକ୍ଷେପ ନେବାକୁ ପ୍ରଧାନମନ୍ତ୍ରୀ ଆହ୍ୱାନ ଦେଇଥିଲେ ଏବଂ ଜଳ ସମ୍ବନ୍ଧୀୟ ପ୍ରସଙ୍ଗରେ ଦେଶର ଭବିଷ୍ୟତକୁ ସୁରକ୍ଷିତ କରିବା ପାଇଁ ‘ହ୍ରାସ, ପୁନଃବ୍ୟବହାର, ରିଚାର୍ଜ ଏବଂ ଏକାଧିକ ବ୍ୟବହାର’ ମନ୍ତ୍ର ଗ୍ରହଣ କରିବା ର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ପାଣିର ଅପବ୍ୟବହାର ଶେଷ ହେଲେ, ବ୍ୟବହାର କମିଲେ, ଜଳର ପୁନଃ ବ୍ୟବହାର ହେଲଲେ, ଜଳ ଉତ୍ସକୁ ରିଚାର୍ଜ କରାଯାଇ ଦୂଷିତ ପାଣିକୁ ପୁନଃବ୍ୟବହାର କରାଗଲେ ହିଁ ଜଳ ସଞ୍ଚୟ ହୋଇପାରିବ ବୋଲି ସେ କହିଛନ୍ତି। ଏହି ଅଭିଯାନରେ ଅଭିନବ ଆଭିମୁଖ୍ୟ ଏବଂ ଆଧୁନିକ ଜ୍ଞାନକୌଶଳକୁ ଗ୍ରହଣ କରିବାର ଗୁରୁତ୍ୱ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ। ସେ ଦର୍ଶାଇଥିଲେ ଯେ ଭାରତର ପ୍ରାୟ ୮୦ ପ୍ରତିଶତ ଜଳ ଆବଶ୍ୟକତା କୃଷି ମାଧ୍ୟମରେ ପୂରଣ ହୋଇଥାଏ, ଯାହା ଜଳ-ଦକ୍ଷ ଚାଷକୁ ସ୍ଥାୟୀତା ପାଇଁ ଗୁରୁତ୍ୱପୂର୍ଣ୍ଣ କରିଥାଏ।

ସେ କହିଥିଲେ ଯେ ସ୍ଥାୟୀ କୃଷି ଦିଗରେ ସରକାର ବୁନ୍ଦା ଜଳସେଚନ ଭଳି କୌଶଳକୁ ନିରନ୍ତର ପ୍ରୋତ୍ସାହନ ଦେଉଛନ୍ତି। ସେ ‘ପ୍ରତି ବୁନ୍ଦା ଅଧିକ ଫସଲ’ ଭଳି ଅଭିଯାନ ବିଷୟରେ ମଧ୍ୟ କହିଥିଲେ ଏବଂ କହିଥିଲେ ଯେ ଏହା ଜଳ ସଂରକ୍ଷଣରେ ସହାୟକ ହେବା ସହିତ ଜଳ ଅଭାବ ଥିବା ଅଞ୍ଚଳରେ କୃଷକଙ୍କ ଆୟ ମଧ୍ୟ ବଢ଼ାଉଛି। ଡାଲି, ତୈଳବୀଜ ଓ ବାଜରା ଭଳି କମ୍ ପାଣି ଆବଶ୍ୟକ କରୁଥିବା ଫସଲ ଚାଷ ପାଇଁ ସରକାରଙ୍କ ସହଯୋଗ ଉପରେ ଶ୍ରୀ ମୋଦୀ ଆଲୋକପାତ କରିଥିଲେ।

ରାଜ୍ୟସ୍ତରୀୟ ପ୍ରୟାସ ଉପରେ ଆଲୋଚନାକୁ ଆଗକୁ ବଢ଼ାଇ ଶ୍ରୀ ମୋଦୀ ଜଳ ସଂରକ୍ଷଣ ପଦ୍ଧତିକୁ ଆପଣାଇବା ଏବଂ ତ୍ୱରାନ୍ୱିତ କରିବାକୁ ରାଜ୍ୟମାନଙ୍କୁ ଉତ୍ସାହିତ କରିଥିଲେ। କିଛି ରାଜ୍ୟ କମ୍ ପାଣି ବ୍ୟବହାର କରୁଥିବା ବିକଳ୍ପ ଫସଲ ଚାଷ ପାଇଁ କୃଷକମାନଙ୍କୁ ପ୍ରୋତ୍ସାହନ ପ୍ରଦାନ କରନ୍ତି ବୋଲି ସ୍ୱୀକାର କରି ପ୍ରଧାନମନ୍ତ୍ରୀ ସମସ୍ତ ରାଜ୍ୟକୁ ଏକାଠି ହୋଇ ଏହି ପ୍ରୟାସକୁ ଆଗକୁ ବଢ଼ାଇବା ପାଇଁ ମିଶନ ମୋଡରେ କାର୍ଯ୍ୟ କରିବାକୁ ଆହ୍ୱାନ ଦେଇଥିଲେ। ନୂଆ ଜ୍ଞାନକୌଶଳ ସହିତ ଚାଷ ଜମି ନିକଟରେ ପୋଖରୀ ନିର୍ମାଣ ଓ କୂଅ ପୁନରୁଦ୍ଧାର ଭଳି ପାରମ୍ପରିକ ଜ୍ଞାନକୁ ପ୍ରୋତ୍ସାହିତ କରିବାକୁ ହେବ।

“ସ୍ୱଚ୍ଛ ଜଳର ଉପଲବ୍ଧତା ଏବଂ ଜଳ ସଂରକ୍ଷଣର ସଫଳତା ସହିତ ଏକ ବିଶାଳ ଜଳ ଅର୍ଥନୀତି ଜଡିତ”, ଶ୍ରୀ ମୋଦୀ ଗୁରୁତ୍ୱାରୋପ କରିଥିଲେ। ଜଳ ଜୀବନ ମିଶନ ଯନ୍ତ୍ରୀ, ପାଇପ୍‍ ମିସ୍ତ୍ରୀ, ଇଲେକ୍ଟ୍ରିସିଆନ୍ ଓ ମ୍ୟାନେଜରଙ୍କ ଭଳି ଲକ୍ଷ ଲକ୍ଷ ଲୋକଙ୍କୁ ରୋଜଗାର ଓ ଆତ୍ମନିଯୁକ୍ତି ସୁଯୋଗ ପ୍ରଦାନ କରିଛି। ପ୍ରଧାନମନ୍ତ୍ରୀ ଦର୍ଶାଇଥିଲେ ଯେ, ଡବ୍ଲ୍ୟୁଏଚ୍ଓ ର ଆକଳନ ଅନୁଯାୟୀ, ପ୍ରତ୍ୟେକ ଘରକୁ ପାଇପ୍ ଯୋଗେ ଜଳ ଯୋଗାଣ ଦ୍ୱାରା ଦେଶର ନାଗରିକଙ୍କ ପ୍ରାୟ ୫.୫ କୋଟି ମାନବ ଘଣ୍ଟା ସଞ୍ଚୟ ହେବ। ସେ ଆହୁରି ମଧ୍ୟ କହିଛନ୍ତି ଯେ ଏହି ପଦକ୍ଷେପ ଆମର ଭଉଣୀ ଓ ଝିଅମାନଙ୍କର ସମୟ ଏବଂ ପ୍ରୟାସକୁ ବଞ୍ଚାଇବାରେ ସହାୟକ ହେବ, ଯାହା ଦେଶର ଅର୍ଥନୀତିକୁ ସୁଦୃଢ଼ କରିବ। ଜଳ ଅର୍ଥନୀତିର ଏକ ଗୁରୁତ୍ୱପୂର୍ଣ୍ଣ ଦିଗ ହେଉଛି ସ୍ୱାସ୍ଥ୍ୟ ବୋଲି ଶ୍ରୀ ମୋଦୀ ଦର୍ଶାଇଥିଲେ। ସେ ଆହୁରି ମଧ୍ୟ କହିଛନ୍ତି ଯେ ରିପୋର୍ଟ ଅନୁଯାୟୀ, ୧.୨୫ ଲକ୍ଷରୁ ଅଧିକ ଶିଶୁଙ୍କ ଅକାଳ ମୃତ୍ୟୁକୁ ରୋକାଯାଇପାରିବ, କିନ୍ତୁ ଜଳ ଜୀବନ ମିଶନ ଦ୍ୱାରା ପ୍ରତିବର୍ଷ ୪ ଲକ୍ଷରୁ ଅଧିକ ଲୋକଙ୍କୁ ଡାଇରିଆ ଭଳି ରୋଗରୁ ରକ୍ଷା କରାଯାଇପାରିବ, ଯାହା ଦ୍ୱାରା ପକେଟ୍ ଖର୍ଚ୍ଚ ଯଥେଷ୍ଟ ହ୍ରାସ ଘଟିବ।

ଜଳ ସଂରକ୍ଷଣ ପାଇଁ ଭାରତର ଅଭିଯାନରେ ଶିଳ୍ପଗୁଡ଼ିକର ଗୁରୁତ୍ୱପୂର୍ଣ୍ଣ ଭୂମିକାକୁ ପ୍ରଧାନମନ୍ତ୍ରୀ ସ୍ୱୀକାର କରିଥିଲେ ଏବଂ ସେମାନଙ୍କ ର ଅବଦାନ ପାଇଁ ସେମାନଙ୍କୁ ଧନ୍ୟବାଦ ଜଣାଇଥିଲେ। ନେଟ୍ ଜିରୋ ତରଳ ନିଷ୍କାସନ ମାନକ ଏବଂ ଜଳ ରିସାଇକ୍ଲିଂ ଲକ୍ଷ୍ୟ ପୂରଣ କରିଥିବା ଶିଳ୍ପଗୁଡ଼ିକୁ ସେ କୃତଜ୍ଞତା ଜ୍ଞାପନ କରିଥିଲେ ଏବଂ ଜଳ ସ୍ଥାୟୀତାକୁ ସମାଧାନ କରିବା ରେ ବିଭିନ୍ନ କ୍ଷେତ୍ରର ପ୍ରୟାସ ଉପରେ ଆଲୋକପାତ କରିଥିଲେ। ସେ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ଅନେକ ଶିଳ୍ପ ସେମାନଙ୍କ କର୍ପୋରେଟ ସାମାଜିକ ଦାୟିତ୍ୱର ଅଂଶ ଭାବରେ ଜଳ ସଂରକ୍ଷଣ ପ୍ରକଳ୍ପ ଆରମ୍ଭ କରିଛନ୍ତି।

ଜଳ ସଂରକ୍ଷଣ ପାଇଁ ସିଏସଆରର ଗୁଜରାଟର ଅଭିନବ ବ୍ୟବହାରକୁ ଶ୍ରୀ ମୋଦୀ ପ୍ରଶଂସା କରିବା ସହ ଏହାକୁ ଏକ ରେକର୍ଡ ସୃଷ୍ଟିକାରୀ ପ୍ରୟାସ ବୋଲି ବର୍ଣ୍ଣନା କରିଥିଲେ। ଜଳ ସଂରକ୍ଷଣ ପାଇଁ ସିଏସଆରକୁ ବ୍ୟବହାର କରି ଗୁଜରାଟ ଏକ ନୂଆ ମାନଦଣ୍ଡ ସୃଷ୍ଟି କରିଛି। ସୁରତ, ଭାଲସାଡ, ଡାଙ୍ଗ, ତାପି ଏବଂ ନବସାରୀ ଭଳି ସ୍ଥାନରେ ପ୍ରାୟ ୧୦,୦୦୦ ନଳକୂପ ରିଚାର୍ଜ ନିର୍ମାଣ ସମ୍ପୂର୍ଣ୍ଣ ହୋଇଛି। ସେ ଆହୁରି ମଧ୍ୟ କହିଛନ୍ତି ଯେ ଏହି ପଦକ୍ଷେପଗୁଡିକ ଜଳ ଅଭାବଦୂର କରିବା ଏବଂ ଗୁରୁତ୍ୱପୂର୍ଣ୍ଣ ଅଞ୍ଚଳରେ ଭୂତଳ ଜଳ ସମ୍ପଦକୁ ରିଚାର୍ଜ କରିବାରେ ସାହାଯ୍ୟ କରୁଛି।

ସରକାର ଏବଂ ବେସରକାରୀ କ୍ଷେତ୍ରର ମିଳିତ ପ୍ରୟାସ ଉପରେ ଗୁରୁତ୍ୱାରୋପ କରି ଶ୍ରୀ ମୋଦୀ ଘୋଷଣା କରିଛନ୍ତି, “ଜଳ ସଞ୍ଚୟ-ଜନ ଭାଗିଦାରୀ ଅଭିଯାନ ମାଧ୍ୟମରେ ଜଳ ଶକ୍ତି ମନ୍ତ୍ରଣାଳୟ ଏବଂ ଗୁଜରାଟ ସରକାର ବର୍ତ୍ତମାନ ଏଭଳି ଆଉ ୨୪,୦୦୦ ଢାଞ୍ଚା ସୃଷ୍ଟି କରିବା ପାଇଁ ଏକ ନୂତନ ମିଶନ ଆରମ୍ଭ କରିଛନ୍ତି। ସେ ଏହି ଅଭିଯାନକୁ ଏକ ମଡେଲ ଭାବରେ ବର୍ଣ୍ଣନା କରିଛନ୍ତି ଯାହା ଭବିଷ୍ୟତରେ ଅନ୍ୟ ରାଜ୍ୟମାନଙ୍କୁ ଅନୁରୂପ ପଦକ୍ଷେପ ନେବାକୁ ପ୍ରେରଣା ଦେବ।

ଅଭିଭାଷଣ ଶେଷ କରି ପ୍ରଧାନମନ୍ତ୍ରୀ ମୋଦୀ ବିଶ୍ୱାସ ବ୍ୟକ୍ତ କରିଥିଲେ ଯେ ଜଳ ସଂରକ୍ଷଣ କ୍ଷେତ୍ରରେ ଭାରତ ବିଶ୍ୱସ୍ତରୀୟ ପ୍ରେରଣା ପାଲଟିବ । ଏହି ଅଭିଯାନର ନିରନ୍ତର ସଫଳତା ପାଇଁ ଶୁଭେଚ୍ଛା ଜଣାଇ ସେ କହିଛନ୍ତି, ମୁଁ ବିଶ୍ୱାସ କରେ ଯେ ଆମେ ମିଳିମିଶି ଭାରତକୁ ସମଗ୍ର ମାନବ ଜାତି ପାଇଁ ଜଳ ସଂରକ୍ଷଣର ଆଲୋକବର୍ତ୍ତିକା ପରିଣତ କରିବୁ।

ଅନ୍ୟମାନଙ୍କ ମଧ୍ୟରେ ଗୁଜୁରାଟର ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ଏବଂ କେନ୍ଦ୍ର ଜଳଶକ୍ତି ମନ୍ତ୍ରୀ ଶ୍ରୀ ସିଆର ପାଟିଲ ଭର୍ଚୁଆଲରେ ଉପସ୍ଥିତ ଥିଲେ।

ପୃଷ୍ଠଭୂମି

ଜଳ ନିରାପତ୍ତା ପାଇଁ ପ୍ରଧାନମନ୍ତ୍ରୀଙ୍କ ସ୍ୱପ୍ନକୁ ଆଗକୁ ବଢ଼ାଇବା ପାଇଁ ‘ଜଳ ସଞ୍ଚୟ ଜନ ଭାଗିଦାରୀ’ କାର୍ଯ୍ୟକ୍ରମ ରେ ସାମୂହିକ ଭାଗିଦାରୀ ଏବଂ ମାଲିକାନା ଉପରେ ଗୁରୁତ୍ୱ ଦେବା ସହିତ ଜଳ ସଂରକ୍ଷଣ କରିବାକୁ ଲକ୍ଷ୍ୟ ରଖାଯାଇଛି। ଏହା ଏକ ସମଗ୍ର ସମାଜ ଏବଂ ଏକ ସମ୍ପୂର୍ଣ୍ଣ ସରକାରୀ ଆଭିମୁଖ୍ୟ ଦ୍ୱାରା ପରିଚାଳିତ । ଗୁଜରାଟ ସରକାରଙ୍କ ନେତୃତ୍ୱରେ ଜଳ ସଞ୍ଚୟ କାର୍ଯ୍ୟକ୍ରମର ସଫଳତାକୁ ଆଧାର କରି ଜଳ ଶକ୍ତି ମନ୍ତ୍ରଣାଳୟ ରାଜ୍ୟ ସରକାରଙ୍କ ସହଯୋଗରେ ଗୁଜୁରାଟରେ ‘ଜଳ ସଞ୍ଚୟ ଜନ ଭାଗିଦାରୀ’ ଅଭିଯାନ ଆରମ୍ଭ କରୁଛି। ଜଳ ସୁରକ୍ଷିତ ଭବିଷ୍ୟତ ସୁନିଶ୍ଚିତ କରିବା ପାଇଁ ଗୁଜୁରାଟ ସରକାର ନାଗରିକ, ସ୍ଥାନୀୟ ସଂସ୍ଥା, ଶିଳ୍ପ ଏବଂ ଅନ୍ୟାନ୍ୟ ଅଂଶୀଦାରମାନଙ୍କୁ ଏକାଠି କରିବାକୁ ପ୍ରୟାସ କରିଛନ୍ତି ।

ଏହି କାର୍ଯ୍ୟକ୍ରମ ଅଧୀନରେ ରାଜ୍ୟରେ ପ୍ରାୟ ୨୪,୮୦୦ ବର୍ଷା ଜଳ ସଂରକ୍ଷଣ ଢାଞ୍ଚା ଗୋଷ୍ଠୀ ସହଭାଗିତାରେ ନିର୍ମାଣ କରାଯାଉଛି। ଏହି ରିଚାର୍ଜ ଢାଞ୍ଚା ବର୍ଷା ଜଳ ସଂରକ୍ଷଣ ବୃଦ୍ଧି ଏବଂ ଦୀର୍ଘକାଳୀନ ଜଳ ସ୍ଥାୟୀତାକୁ ସୁନିଶ୍ଚିତ କରିବାରେ ସହାୟକ ହେବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଅପରାହ୍ନ ୧୨:୩୦ଟା ସମୟରେ ଭିଡିଓ କନଫରେନ୍ସିଂ ମାଧ୍ୟମରେ ଗୁଜରାଟର ସୁରଟ ଠାରେ ‘ଜଳ ସଞ୍ଚୟ ଜନ ଭାଗିଦାରୀ ଅଭିଯାନ’ ର ଶୁଭାରମ୍ଭ କାର୍ଯ୍ୟକ୍ରମକୁ ସମ୍ବୋଧିତ କରିବେ।

ଜଳ ନିରାପତ୍ତା ପାଇଁ ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣକୁ ଆଗକୁ ବଢ଼ାଇବା ପାଇଁ ଏହି ପଦକ୍ଷେପ ଗୋଷ୍ଠୀ ଭାଗିଦାରୀ ଏବଂ ମାଲିକାନା ଉପରେ ଦୃଢ଼ ଗୁରୁତ୍ୱ ଦେଇ ଜଳ ସଂରକ୍ଷଣ କରିବାକୁ ଚାହୁଁଛି ଏବଂ ଏହା ସମଗ୍ର ସମାଜ ଏବଂ ସମଗ୍ର ସରକାରୀ ଆଭିମୁଖ୍ୟ ଦ୍ୱାରା ପରିଚାଳିତ। ଗୁଜରାଟ ସରକାରଙ୍କ ନେତୃତ୍ୱରେ ଜଳ ସଞ୍ଚୟ କାର୍ଯ୍ୟକ୍ରମର ସଫଳତାକୁ ଆଧାର କରି ଜଳ ଶକ୍ତି ମନ୍ତ୍ରଣାଳୟ, ରାଜ୍ୟ ସରକାରଙ୍କ ସହଯୋଗରେ ଗୁଜରାଟରେ “ଜଳ ସଞ୍ଚୟ ଜନ ଭାଗିଦାରୀ” ପଦକ୍ଷେପ ଆରମ୍ଭ କରୁଛି। ଜଳ ସୁରକ୍ଷିତ ଭବିଷ୍ୟତ ସୁନିଶ୍ଚିତ କରିବା ପାଇଁ ଗୁଜରାଟ ସରକାର ନାଗରିକ, ସ୍ଥାନୀୟ ସଂସ୍ଥା, ଶିଳ୍ପ ଏବଂ ଅନ୍ୟ ଅଂଶୀଦାରମାନଙ୍କୁ ଏକାଠି କରିବାକୁ ପ୍ରୟାସ କରିଛନ୍ତି।

ଏହି କାର୍ଯ୍ୟକ୍ରମ ଅଧୀନରେ ରାଜ୍ୟରେ ପ୍ରାୟ ୨୪,୮୦୦ ଟି ବର୍ଷା ଜଳ ସଂରକ୍ଷଣ ସଂରଚନା ଗୋଷ୍ଠୀ ସହଭାଗିତାରେ ନିର୍ମାଣ କରାଯାଉଛି। ଏହି ରିଚାର୍ଜ ସଂରଚନା  ବର୍ଷା ଜଳ ସଂରକ୍ଷଣ ବୃଦ୍ଧି ଏବଂ ଦୀର୍ଘକାଳୀନ ଜଳ ସ୍ଥାୟୀତାକୁ ସୁନିଶ୍ଚିତ କରିବାରେ ସହାୟକ ହେବ।