Categories
ବିଶେଷ ଖବର

ମହିଳା ସଶକ୍ତିକରଣ ଉପରେ ଆୟୋଜିତ ଜି୨୦ ମନ୍ତ୍ରୀସ୍ତରୀୟ ସମ୍ମିଳନୀକୁ ସମ୍ବୋଧିତ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଗୁଜୁରାଟର ଗାନ୍ଧିନଗରରେ ଆୟୋଜିତ ମହିଳା ସଶକ୍ତିକରଣ ଉପରେ ଜି -୨୦ ମନ୍ତ୍ରୀ ସ୍ତରୀୟ ସମ୍ମିଳନୀକୁ ଭିଡିଓ ବାର୍ତ୍ତା ମାଧ୍ୟମରେ ସମ୍ବୋଧିତ କରିଛନ୍ତି।

ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଏହାର ପ୍ରତିଷ୍ଠା ଦିବସରେ ମହାତ୍ମା ଗାନ୍ଧୀଙ୍କ ନାମରେ ନାମିତ ଗାନ୍ଧିନଗରକୁ ମାଣ୍ୟଗଣ୍ୟ ବ୍ୟକ୍ତିଙ୍କୁ ସ୍ୱାଗତ କରିଥିଲେ ଏବଂ ସେମାନଙ୍କୁ ଅହମ୍ମଦାବାଦର ଗାନ୍ଧୀ ଆଶ୍ରମ ପରିଦର୍ଶନ କରିବାର ସୁଯୋଗ ମିଳିଥିବାରୁ ଖୁସି ବ୍ୟକ୍ତ କରିଥିଲେ। ଜଳବାୟୁ ପରିବର୍ତ୍ତନ ଏବଂ ବିଶ୍ୱ ତାପମାତ୍ରା ଭଳି ସମସ୍ୟାଗୁଡିକ ପାଇଁ ଜରୁରୀ ଏବଂ ନିରନ୍ତର ସମାଧାନ ଖୋଜିବାର ଆବଶ୍ୟକତା ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଗାନ୍ଧୀଜୀଙ୍କ ଜୀବନଶୈଳୀର ସରଳତା ଏବଂ ଗାନ୍ଧୀ ଆଶ୍ରମରେ ସହନଶୀଳତା, ଆତ୍ମର୍ନିଭରଶୀଳତା ଏବଂ ସମାନତା ବିଷୟରେ ତାଙ୍କର ଦୂରଦୃଷ୍ଟିସମ୍ପନ୍ନ ଚିନ୍ତାଧାରାକୁ ଯେ କେହି ଦେଖିପାରିବ। ମାନ୍ୟଗଣ୍ୟ ବ୍ୟକ୍ତିଙ୍କ ପାଇଁ ଏହା ପ୍ରେରଣାଦାୟକ ବୋଲି ଶ୍ରୀ ମୋଦୀ ଆତ୍ମବିଶ୍ୱାସ ବ୍ୟକ୍ତ କରିଛନ୍ତି। ସେ ଦାଣ୍ଡି କୁଟୀର ସଂଗ୍ରହାଳୟ ପରିଦର୍ଶନ କରିବା ବିଷୟରେ ମଧ୍ୟ ସୂଚନା ଦେଇଛନ୍ତି ଏବଂ ଗାନ୍ଧୀଜୀଙ୍କ ପ୍ରସିଦ୍ଧ ସୂତାକଟା ଚରଖା କିମ୍ବା ଚରଖା ନିକଟସ୍ଥ ଏକ ଗାଁରେ ଗଙ୍ଗାବେନ୍ ନାମକ ଜଣେ ମହିଳାଙ୍କୁ ମିଳିଥିବା ସୂଚନା ଦେଇଛନ୍ତି। ପ୍ରଧାନମନ୍ତ୍ରୀ କହିଥିଲେ ଯେ ସେ ସମୟରେ ଗାନ୍ଧିଜୀ ଖଦି ପିନ୍ଧିବା ଆରମ୍ଭ କରିଥିଲେ ଯାହା ଆତ୍ମର୍ନିଭରଶୀଳତା ଏବଂ ସହନଶୀଳତାର ପ୍ରତୀକ ପାଲଟିଥିଲା।

ପ୍ରଧାନମନ୍ତ୍ରୀ ଏହା କହିଛନ୍ତି ଯେ ଯେତେବେଳେ ମହିଳାମାନେ ସମୃଦ୍ଧ ହୁଅନ୍ତି, ସେତେବେଳେ ବିଶ୍ୱ ସମୃଦ୍ଧ ହୁଏ, ସେମାନଙ୍କର ଅର୍ଥନୈତିକ ସଶକ୍ତିକରଣ ଅଭିବୃଦ୍ଧିକୁ ଇନ୍ଧନ ଯୋଗାଇଥାଏ ଏବଂ ସେମାନଙ୍କର ଶିକ୍ଷା ବିଶ୍ୱକୁ ଆଗକୁ ନେଇଥାଏ। ସେ ଆହୁରି ମଧ୍ୟ କହିଛନ୍ତି ଯେ ସେମାନଙ୍କର ନେତୃତ୍ୱ ଅନ୍ତର୍ଭୂକ୍ତିକୁ ବୃଦ୍ଧି କରିଥାଏ ଏବଂ ସେମାନଙ୍କର ସ୍ୱର ସକାରାତ୍ମକ ପରିବର୍ତ୍ତନକୁ ପ୍ରେରଣା ଦେଇଥାଏ। ପ୍ରଧାନମନ୍ତ୍ରୀ ସୂଚାଇ ଦେଇଛନ୍ତି ଯେ ମହିଳା ସଶକ୍ତିକରଣର ସବୁଠାରୁ ପ୍ରଭାବଶାଳୀ ଉପାୟ ହେଉଛି ମହିଳା ନେତୃତ୍ୱାଧୀନ ବିକାଶ ଆଭିମୁଖ୍ୟ ଏବଂ ଭାରତ ଏହି ଦିଗରେ ବହୁତ ଅଗ୍ରଗତି କରୁଛି।

ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି ଯେ ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ନିଜେ ଏକ ପ୍ରେରଣାଦାୟୀ ଉଦାହରଣ ସୃଷ୍ଟି କରିଛନ୍ତି। ସେ ଦର୍ଶାଇଛନ୍ତି ଯେ ଯଦିଓ ସେ ଜଣେ ସରଳ ଆଦିବାସୀ ପୃଷ୍ଠଭୂମିରୁ ଆସିଛନ୍ତି ସେ ବିଶ୍ୱର ସର୍ବ ବୃହତ ଗଣତନ୍ତ୍ରର ନେତୃତ୍ୱ ନେଉଛନ୍ତି ଏବଂ ବିଶ୍ୱର ଦ୍ୱିତୀୟ ବୃହତ୍ତମ ପ୍ରତିରକ୍ଷା ବାହିନୀର ସେନାମୁଖ୍ୟ ଭାବରେ କାର୍ଯ୍ୟ କରୁଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ଗଣତନ୍ତ୍ରର ଜନନୀ କୁହାଯାଉଥିବା ଏହି ଦେଶରେ ଭାରତୀୟ ସମ୍ବିଧାନ ଦ୍ୱାରା ମହିଳାଙ୍କ ସମେତ ସମସ୍ତ ନାଗରିକଙ୍କୁ “ଭୋଟ ଦେବାର ଅଧିକାର” ସମାନ ଭାବରେ ପ୍ରଦାନ କରାଯାଇଛି ଏବଂ ସମାନତା ଆଧାରରେ ର୍ନିବାଚନରେ ପ୍ରତିଦ୍ୱନ୍ଦ୍ୱିତା କରିବାର ଅଧିକାର ମଧ୍ୟ ପ୍ରଦାନ କରାଯାଇଛି। ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ର୍ନିବାଚିତ ମହିଳା ପ୍ରତିନିଧୀମାନେ ଅର୍ଥନୈତିକ, ପରିବେଶ ଏବଂ ସାମାଜିକ ପରିବର୍ତ୍ତନର ପ୍ରମୁଖ ଏଜେଣ୍ଟ ଅଟନ୍ତି ଏବଂ ସୂଚନା ଦେଇଛନ୍ତି ଯେ ଭାରତର ଗ୍ରାମାଞ୍ଚଳର ସ୍ଥାନୀୟ ସଂସ୍ଥାଗୁଡ଼ିକରେ ର୍ନିବାଚିତ ପ୍ରତିନିଧୀଙ୍କ ମଧ୍ୟରୁ ୪୬% ହେଉଛନ୍ତି ମହିଳା ଯାହା ୧.୪ ନିୟୁତ। ସ୍ୱୟଂ ସହାୟକ ଗୋଷ୍ଠୀରେ ମହିଳାମାନଙ୍କର ଅଂଶଗ୍ରହଣ ମଧ୍ୟ ପରିବର୍ତ୍ତନ ପାଇଁ ଏକ ଶକ୍ତିଶାଳୀ ମାଧ୍ୟମ ବୋଲି ଦର୍ଶାଇ ପ୍ରଧାନମନ୍ତ୍ରୀ କହିଥିଲେ ଯେ ସ୍ୱୟଂ ସହାୟକା ଗୋଷ୍ଠି ଏବଂ ନିର୍ବାଚିତ ମହିଳା ପ୍ରତିନିଧିମାନେ ମହାମାରୀ ସମୟରେ ସହାୟତା ପାଇଁ ଆଗକୁ ଆସିଥିଲେ। ପ୍ରଧାନମନ୍ତ୍ରୀ ସେମାନଙ୍କ ସଫଳତାର ଉଦାହରଣ ଦେଇଛନ୍ତି ଏବଂ ମାସ୍କ ଏବଂ ସାନିଟାଇଜର ଉତ୍ପାଦନ ଏବଂ ସଂକ୍ରମଣ ରୋକିବା ବିଷୟରେ ସଚେତନତା ସୃଷ୍ଟି କରିବା ବିଷୟରେ ଉଲ୍ଲେଖ କରିଛନ୍ତି। ଭାରତର ୮୦% ରୁ ଅଧିକ ନର୍ସ ଏବଂ ଧାଈ ମଧ୍ୟ ମହିଳା ଅଟନ୍ତି। ମହାମାରୀ ସମୟରେ ସେମାନେ ଆମର ଆଗ ଧାଡିର ସୁରକ୍ଷାକର୍ମୀ ଥିଲେ ଏବଂ ସେମାନଙ୍କ ସଫଳତା ପାଇଁ ଆମେ ଗର୍ବିତ ବୋଲି ସେ କହିଛନ୍ତି।

ମହିଳା ନେତୃତ୍ୱାଧୀନ ବିକାଶ ସରକାରଙ୍କ ପାଇଁ ଏକ ପ୍ରମୁଖ ପ୍ରାଥମିକତା ବୋଲି ଦର୍ଶାଇ ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ପ୍ରଧାନ ମନ୍ତ୍ର ମୁଦ୍ରା ଯୋଜନା ଅନ୍ତର୍ଗତ ମାଇକ୍ରୋ ସ୍ତରୀୟ ୟୁନିଟକୁ ସହାୟତା କରିବା ପାଇଁ ପ୍ରାୟ ଦଶ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ପ୍ରାୟ ୭୦% ମହିଳାଙ୍କୁ ମଞ୍ଜୁର କରାଯାଇଛି। ସେହିଭଳି ଷ୍ଟାଣ୍ଡ ଅପ୍ ଇଣ୍ଡିଆ ଯୋଜନାରେ ୮୦% ମହିଳା ହିତାଧିକାରୀ ନୂତନ ପ୍ରକଳ୍ପ ପାଇଁ ବ୍ୟାଙ୍କ ଋଣ ପାଇଛନ୍ତି। ସ୍ୱଚ୍ଛ ରନ୍ଧନ ଇନ୍ଧନ ପରିବେଶ ଉପରେ ସିଧାସଳଖ ପ୍ରଭାବ ପକାଇଥାଏ ଏବଂ ମହିଳାଙ୍କ ସ୍ୱାସ୍ଥ୍ୟରେ ଉନ୍ନତି ଆଣେ ବୋଲି ଦର୍ଶାଇ ପ୍ରଧାନମନ୍ତ୍ରୀ ପ୍ରଧାନ ମନ୍ତ୍ରୀ ଉଜ୍ୱଳା ଯୋଜନା ଉପରେ ଆଲୋକପାତ କରି ଗ୍ରାମାଞ୍ଚଳର ମହିଳାମାନଙ୍କୁ ପ୍ରାୟ ୧୦୦ ନିୟୁତ ରନ୍ଧନ ଗ୍ୟାସ ସଂଯୋଗ ଯୋଗାଇ ଦିଆଯାଇଥିବା ସୂଚନା ଦେଇଛନ୍ତି। ସେ ଆହୁରି ମଧ୍ୟ ସୂଚନା ଦେଇଛନ୍ତି ଯେ ୨୦୧୪ ମସିହାରୁ ଶିଳ୍ପ ତାଲିମ କେନ୍ଦ୍ରରେ ବୈଷୟିକ ଶିକ୍ଷା କ୍ଷେତ୍ରରେ ମହିଳାଙ୍କ ସଂଖ୍ୟା ଦ୍ୱିଗୁଣିତ ହୋଇଛି, ଭାରତରେ ଏସଟିଇଏମ୍‍ (ବିଜ୍ଞାନ, ପ୍ରଯୁକ୍ତିବିଦ୍ୟା, ଇଞ୍ଜିନିୟରିଂ ଏବଂ ଗଣିତ) ସ୍ନାତକୋତ୍ତରର ପ୍ରାୟ ୪୩ ପ୍ରତିଶତ ଏବଂ ମହାକାଶ ବିଜ୍ଞାନର ଏକ ଚତୁର୍ଥାଂଶ ହେଉଛନ୍ତି ମହିଳା। ସେ କହିଛନ୍ତି, ଚନ୍ଦ୍ରଯାନ, ଗଗନୟାନ ଏବଂ ମିଶନ ମଙ୍ଗଳ ଭଳି ଆମର ଫ୍ଲାଗସିପ୍ କାର୍ଯ୍ୟକ୍ରମର ସଫଳତା ପଛରେ ଏହି ମହିଳା ବୈଜ୍ଞାନିକମାନଙ୍କର ପ୍ରତିଭା ଏବଂ ପରିଶ୍ରମ ରହିଛି। ଆଜି ପ୍ରଧାନମନ୍ତ୍ରୀ କହିଛନ୍ତି ଯେ ଭାରତରେ ପୁରୁଷଙ୍କ ଅପେକ୍ଷା ଅଧିକରୁ ଅଧିକ ମହିଳା ଉଚ୍ଚଶିକ୍ଷାରେ ନାମ ଲେଖାଉଛନ୍ତି। ସେ ଆହୁରି ମଧ୍ୟ ସୂଚାଇ ଦେଇଛନ୍ତି ଯେ ବେସାମରିକ ବିମାନରେ ମହିଳା ପାଇଲଟଙ୍କ ମଧ୍ୟରେ ଭାରତରେ ସର୍ବାଧିକ ପ୍ରତିଶତ ଥିବାବେଳେ ଭାରତୀୟ ବାୟୁସେନାରେ ମହିଳା ପାଇଲଟମାନେ ମଧ୍ୟ ଯୁଦ୍ଧ ବିମାନ ଉଡ଼ାଉଛନ୍ତି। ଶ୍ରୀ ମୋଦୀ କହିଛନ୍ତି ଯେ ଆମର ସମସ୍ତ ସଶସ୍ତ୍ର ବାହିନୀରେ ମହିଳା ଅଧିକାରୀଙ୍କୁ ସମ୍ମୁଖ ଅଞ୍ଚଳ ଏବଂ ଯୁଦ୍ଧ ପ୍ଲାଟଫର୍ମରେ ନିୟୋଜିତ କରାଯାଉଛି।

ଗ୍ରାମୀଣ କୃଷି ପରିବାରର ମେରୁଦଣ୍ଡ ଏବଂ କ୍ଷୁଦ୍ର ବ୍ୟବସାୟୀ ଏବଂ ଦୋକାନୀ ଭାବରେ ମହିଳାମାନଙ୍କ ପ୍ରମୁଖ ଭୂମିକା ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ। ପ୍ରକୃତି ସହିତ ସେମାନଙ୍କର ଘନିଷ୍ଠ ସମ୍ପର୍କକୁ ସୂଚାଇ ପ୍ରଧାନମନ୍ତ୍ରୀ କହିଛନ୍ତି ଯେ ଜଳବାୟୁ ପରିବର୍ତ୍ତନ ପାଇଁ ଅଭିନବ ସମାଧାନର ଚାବି ମହିଳାମାନଙ୍କ ହାତରେ ରହିଛି। ସେ ମନେ ପକାଇ ଦେଇଥିଲେ ଯେ ଅଷ୍ଟାଦଶ ଶତାବ୍ଦୀରେ ଅମ୍ରିତା ଦେବୀଙ୍କ ନେତୃତ୍ୱରେ ରାଜସ୍ଥାନର ବିଷ୍ଣୋଇ ସମ୍ପ୍ରଦାୟ ଅନିୟମିତ କାର୍ଯ୍ୟକୁ ରୋକିବା ପାଇଁ “ଚିପ୍‍କୋ ଆନ୍ଦୋଳନ” ଆରମ୍ଭ କଲାବେଳେ ମହିଳାମାନେ ଭାରତରେ ପ୍ରଥମ ପ୍ରମୁଖ ଜଳବାୟୁ କାର୍ଯ୍ୟର ନେତୃତ୍ୱ ନେଇଥିଲେ। ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ ସେ ଅନ୍ୟ ଅନେକ ଗ୍ରାମବାସୀଙ୍କ ସହ ପ୍ରକୃତି ପାଇଁ ନିଜ ଜୀବନ ଦେଇଥିଲେ। ‘ମିଶନ୍ ଲାଇଫ୍‍ – ପରିବେଶ ପାଇଁ ଜୀବନଶୈଳୀ’ ପାଇଁ ଭାରତର ମହିଳାମାନେ ମଧ୍ୟ ବ୍ରାଣ୍ଡ୍ ଆମ୍ବାସାଡର ହୋଇଛନ୍ତି ବୋଲି ଦର୍ଶାଇ ପ୍ରଧାନମନ୍ତ୍ରୀ ହ୍ରାସ, ଉଦ୍ଧାର, ପୁନଃ ବ୍ୟବହାର, ଏବଂ ପୁନଃ ଉଦ୍ଦେଶ୍ୟ ପାଇଁ ସେମାନଙ୍କର ପାରମ୍ପାରିକ ଜ୍ଞାନ ଉପରେ ଆଲୋକପାତ କରିଛନ୍ତି । ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ମହିଳାମାନେ ସୌର ପ୍ୟାନେଲ ଏବଂ ଲାଇଟ୍ ତିଆରିରେ ସକ୍ରିୟ ଭାବରେ ତାଲିମ ନେଉଛନ୍ତି। ଦକ୍ଷିଣ ବିଶ୍ୱର ଅଂଶୀଦାର ଦେଶମାନଙ୍କ ସହ ସହଯୋଗ କରିବାରେ ସଫଳ ହୋଇଥିବା “ସୋଲାର ମାମା” ପଦକ୍ଷେପ ବିଷୟରେ ସେ ଉଲ୍ଲେଖ କରିଛନ୍ତି।

ଭାରତରେ ମହିଳା ଉଦ୍ୟୋଗୀଙ୍କ ଭୂମିକା ଉପରେ ଗୁରୁତ୍ୱ ଦେଇ ପ୍ରଧାନମନ୍ତ୍ରୀ କହିଛନ୍ତି, ମହିଳା ଉଦ୍ୟୋଗୀମାନେ ବିଶ୍ୱ ଅର୍ଥବ୍ୟବସ୍ଥାରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଛନ୍ତି। ସେ କହିଥିଲେ ଯେ ଦଶନ୍ଧି ପୂର୍ବରୁ ୧୯୫୯ ମସିହାରେ ମୁମ୍ବାଇର ସାତ ଜଣ ଗୁଜୁରାଟୀ ମହିଳା ଏକତ୍ରିତ ହୋଇ ଏକ ଐତିହାସିକ ସମବାୟ ଆନ୍ଦୋଳନ ସୃଷ୍ଟି କରିଥିଲେ – ଶ୍ରୀ ମହିଳା ଗୃହ ଉଦ୍ୟୋଗ ଯାହା ଲକ୍ଷ ଲକ୍ଷ ମହିଳା ଏବଂ ସେମାନଙ୍କ ପରିବାରର ଜୀବନକୁ ବଦଳାଇ ଦେଇଛି। ଶ୍ରୀ ମୋଦୀ ସେମାନଙ୍କର ସବୁଠାରୁ ପ୍ରସିଦ୍ଧ ଉତ୍ପାଦ ଲିଜତ ପାମ୍ପଡ ଉପରେ ଆଲୋକପାତ କରି କହିଥିଲେ ଯେ ଏହା ଗୁଜୁରାଟର ଖାଦ୍ୟ ତାଲିକାରେ ନିଶ୍ଚିତ ରହିବ! ସେ ଦୁଗ୍ଧ କ୍ଷେତ୍ରର ଉଦାହରଣ ମଧ୍ୟ ଦେଇଛନ୍ତି ଏବଂ କେବଳ ଗୁଜୁରାଟରେ ଏହି କ୍ଷେତ୍ରରେ ୩.୬ ନିୟୁତ ମହିଳା ଜଡିତ ଥିବା ସୂଚନା ଦେଇଛନ୍ତି। ଶ୍ରୀ ମୋଦୀ ଦର୍ଶାଇଛନ୍ତି ଯେ ଭାରତରେ ପ୍ରାୟ ୧୫% ୟୁନିକର୍ଣ୍ଣ ଷ୍ଟାର୍ଟଅପରେ ଅତି କମରେ ଜଣେ ମହିଳା ପ୍ରତିଷ୍ଠାତା ଅଛନ୍ତି ଏବଂ ଏହି ମହିଳା ନେତୃତ୍ୱାଧୀନ ୟୁନିକର୍ଣ୍ଣର ମିଳିତ ମୂଲ୍ୟ ୪୦ ବିଲିୟନ ଡଲାରରୁ ଅଧିକ। ଏକ ପ୍ଲାଟଫର୍ମ ସୃଷ୍ଟି କରିବାର ଆବଶ୍ୟକତା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି ଯେଉଁଠାରେ ସଫଳତା ହାସିଲ କରିଥିବା ମହିଳାମାନେ ଆଦର୍ଶ ଭାବେ ଉଭା ହେବେ। ସେହି ପ୍ରତିବନ୍ଧକଗୁଡିକୁ ହଟାଇବା ଦିଗରେ କାର୍ଯ୍ୟ କରିବାକୁ ସେ ଗୁରୁତ୍ୱାରୋପ କରିଥିଲେ ଯାହା ବଜାର, ବିଶ୍ୱର ମୂଲ୍ୟ ଶୃଙ୍ଖଳା ଏବଂ ଭଲ ଆର୍ଥିକ ସ୍ଥିତିରେ ପହଞ୍ଚିବାକୁ ସେମାନଙ୍କୁ ରୋକିଥାଏ। ଏଥି ସହିତ ଏହା ନିଶ୍ଚିତ କରିଥାଏ ଯେ ଯତ୍ନ ଏବଂ ଘରୋଇ କାର୍ଯ୍ୟର ବୋଝକୁ ଏକା ସମୟରେ ତୁଲାଇଥାନ୍ତି।

ଏହି ସମ୍ବୋଧନକୁ ସମାପ୍ତ କରି ପ୍ରଧାନମନ୍ତ୍ରୀ ମହିଳା ଉଦ୍ୟୋଗ, ନେତୃତ୍ୱ ଏବଂ ଶିକ୍ଷା ଉପରେ ମନ୍ତ୍ରୀସ୍ତରୀୟ ସମ୍ମିଳନୀର ଧ୍ୟାନକୁ ପ୍ରଶଂସା କରିବା ସହ ମହିଳାମାନଙ୍କ ପାଇଁ ଡିଜିଟାଲ ଏବଂ ଆର୍ଥିକ ସାକ୍ଷରତା ବୃଦ୍ଧି ପାଇଁ “ଟେକ୍‍-ଇକ୍ୟୁଟି ପ୍ଲାଟଫର୍ମ” ର ଶୁଭାରମ୍ଭ କରି ଖୁସି ବ୍ୟକ୍ତ କରିଛନ୍ତି। ସେ ଏହା ମଧ୍ୟ କହିଛନ୍ତି ଯେ ଭାରତର ଜି -୨୦ ଅଧ୍ୟକ୍ଷତା ଅଧୀନରେ “ମହିଳା ସଶକ୍ତିକରଣ” ଉପରେ ଏକ ନୂତନ କାର୍ଯ୍ୟ ଗୋଷ୍ଠି ଗଠନ କରାଯାଉଛି। ସେ ଆତ୍ମବିଶ୍ୱାସ ବ୍ୟକ୍ତ କରିଛନ୍ତି ଯେ ଗାନ୍ଧିନଗରରେ ଅକ୍ଲାନ୍ତ ପରିଶ୍ରମ ସମଗ୍ର ବିଶ୍ୱରେ ମହିଳାମାନଙ୍କୁ ଅପାର ଆଶା ଏବଂ ଆତ୍ମବିଶ୍ୱାସ ଦେବ।

Categories
ବିଶେଷ ଖବର

ପ୍ରଧାନମନ୍ତ୍ରୀଙ୍କ ଦ୍ୱାରା ବିଭିନ୍ନ ବିକାଶମୂଳକ ପ୍ରକଳ୍ପର ଶିଳାନ୍ୟାସ ଓ ଉଦ୍‌ଘାଟନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୁଣେ ମେଟ୍ରୋର ସମ୍ପୂର୍ଣ୍ଣ ହୋଇଥିବା ସେକ୍ସନରେ ପତାକା ଦେଖାଇ ମେଟ୍ରୋ ଟ୍ରେନର ଶୁଭାରମ୍ଭ କରାଇଛନ୍ତି । ସେ ମଧ୍ୟ ପ୍ରଧାନମନ୍ତ୍ରୀ ଆବାସ ଯୋଜନା ଅଧୀନରେ ପିମ୍ପ୍ରିଂ ଛିନ୍ଦୱାର ପୌର ମହାନିଗମ ପିସିଏମ୍‌ସି ଅଧୀନରେ ନିର୍ମିତ ୧୨୮୦ ଗୃହ ଓ ପୁଣେ ପୌରନିଗମ ଅଧୀନରେ ନିର୍ମିତ ୨୬୫୦ ପିଏମ୍‌ଏୱାଇ ଆବାସ ହିତାଧିକାରୀମାନଙ୍କୁ ହସ୍ତାନ୍ତର କରିଛନ୍ତି । ଏହାଛଡା ପିସିଏମ୍‌ସି ଦ୍ୱାରା ନିର୍ମିତ ହେବାକୁ ଥିବା ୧୧୯୦ ଓ ପୁଣେ ମହାନଗର ଆଞ୍ଚଳିକ ବିକାଶ କର୍ତ୍ତୃପକ୍ଷଙ୍କ ଦ୍ୱାରା ନିର୍ମିତ ହେବାକୁ ଥିବା ୬୪୦୦ ଆବାସସ୍ଥଳୀର ଶିଳାନ୍ୟାସ କରିଛନ୍ତି । ଏହାଛଡା ପ୍ରଧାନମନ୍ତ୍ରୀ ମଧ୍ୟ ପିସିଏମ୍‌ସି ଦ୍ୱାରା ୩୦୦କୋଟି ଟଙ୍କା ବ୍ୟୟରେ ନିର୍ମିତ ବର୍ଜ୍ୟରୁ ଶକ୍ତି କାରାଖାନାର ମଧ୍ୟ ଉଦ୍‌ଘାଟନ କରିଛନ୍ତି ।

ସମବେତ ଜନତାଙ୍କୁ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ଅଗଷ୍ଟ ହେଉଛି ଉତ୍ସବ ଓ ବିପ୍ଳବର ମାସ। ପୁଣେ ନଗରୀ ସ୍ୱାଧୀନତା ସଂଗ୍ରାମର ଅବଦାନ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ବାଲ ଗଙ୍ଗାଧର ତିଳକଙ୍କ ସମେତ ଦେଶର ଅନେକ ସ୍ୱାଧୀନତା ସଂଗ୍ରାମୀ ଏଠାରୁ ବାହାରିଛନ୍ତି । ଆଜି ମଧ୍ୟ ଆନ୍ନା ବାହୁ ସାଠେ ଜନ୍ମାବାର୍ଷିକୀ ଓ ସେ ବାବାସାହେବ ଆମ୍ବେଦକରଙ୍କ ଦ୍ୱାରା ଅନୁପ୍ରାଣୀତ ହୋଇଥିବା ଜଣେ ବିଶିଷ୍ଟ ସମାଜ ସଂସ୍କାରକ ଥିଲେ ବୋଲି ଶ୍ରୀ ମୋଦି କହିଥିଲେ । ଏପରିକି ଆଜି ମଧ୍ୟ ଅନେକ ଛାତ୍ରଛାତ୍ରୀ ଓ ବୁଦ୍ଧିଜୀବୀ ତାଙ୍କର ସାହିତ୍ୟକୃତି ଓ ଆଦର୍ଶ ଉପରେ ଗବେଷଣା କରୁଛନ୍ତି ଓ ତାହା ସମସ୍ତଙ୍କ ପାଇଁ ଉତ୍ସାହର ଉତ୍ସ ବୋଲି ପ୍ରଧାନମନ୍ତ୍ରୀ କହିଥିଲେ ।

ପୁଣେ ଏକ ଚଳଚଞ୍ଚଳ ନଗରୀ ଓ ତାହା ସମଗ୍ର ଭାରତର ଯୁବାଗୋଷ୍ଠୀର ସ୍ୱପ୍ନକୁ ସାକାର କରିବା ସହ ଅର୍ଥନୀତିକୁ ମଧ୍ୟ ଗତି ପ୍ରଦାନ କରିଛି । ଆଜିର ୧୫ହଜାର କୋଟି ଟଙ୍କାର ପ୍ରକଳ୍ପ ଏହି ପରିଚୟକୁ ଆହୁରି ମଜବୁତ କରିବ ବୋଲି ପ୍ରଧାନମନ୍ତ୍ରୀ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ସହରାଞ୍ଚଳ ମଧ୍ୟବିତ୍ତ ଶ୍ରେଣୀଙ୍କ ଗୁଣାତ୍ମକ ଜୀବନକୁ ନେଇ ସରକାର ବ୍ୟସ୍ତ ଅଛନ୍ତି। ପାଞ୍ଚବର୍ଷ ଆଗରୁ ଆରମ୍ଭ ହୋଇଥିବା ମେଟ୍ରୋର ୨୪ କିଲୋମିଟର ଟ୍ରାକରେ ଚଳାଚଳ ଆରମ୍ଭ ହୋଇଛି ବୋଲି ସେ କହିଥିଲେ ।

ପ୍ରତ୍ୟେକ ସହରରେ ରହୁଥିବା ଲୋକମାନଙ୍କ ଜୀବନମାନର ଉନ୍ନତି ଆଣିବା ନିମନ୍ତେ ସାଧାରଣ ପରିବହନ ଭିତ୍ତିଭୂମିରେ ଉନ୍ନତି ଆଣିବା ଉପରେ ଶ୍ରୀ ମୋଦୀ ଗୁରୁତ୍ୱ ଆରୋପ କରିଥିଲେ । ସେଥିପାଇଁ ମେଟ୍ରୋ ବ୍ୟବସ୍ଥା ସମ୍ପ୍ରସାରିତ ହେବା ସହ ନୂତନ ଫ୍ଲାଇ ଓଭର ନିର୍ମିତ ହେଉଛି ଓ କିପରି ଟ୍ରାଫିକ ଆଲୋକ ବ୍ୟବସ୍ଥା ହ୍ରାସ କରାଯିବା ତା ଉପରେ ଗୁରୁତ୍ୱ ଦିଆଯାଉଛି । ପ୍ରଧାନମନ୍ତ୍ରୀ କହିଥିଲେ ଯେ ୨୦୧୪ ମସିହା ପୂର୍ବରୁ ଦେଶରେ ମେଟ୍ରୋ ନେଟୱାର୍କ ମାତ୍ର ୨୫୦ କିଲୋମିଟର ଥିବାବେଳେ ସେଥିରୁ ଅଧିକାଂଶ ଦିଲ୍ଲୀ ମଧ୍ୟରେ ସୀମିତ ରହିଥିଲା । ମାତ୍ର ଆଜି ମେଟ୍ରୋ ଲାଇନ ଆଠ ଶହ କିଲୋମିଟର ସମ୍ପୂର୍ଣ୍ଣ ହୋଇଥିଲାବେଳେ ଏକ ହଜାର କିଲୋମିଟର ପର୍ଯ୍ୟନ୍ତ ନୂତନ ଲାଇନ କାର୍ଯ୍ୟ ଚାଲୁ ରହିଛି । ୨୦୧୪ ପର୍ଯ୍ୟନ୍ତ ମେଟ୍ରେ ଚଳାଚଳ କେବଳ ପାଂଚଟି ନଗରୀ ମଧ୍ୟରେ ସୀମାବଦ୍ଧ ରହିଥିବାବେଳେ ଆଜି ପୁଣେ, ନାଗପୁର ଓ ମୁମ୍ବାଇ ସମେତ ୨୦ଟି ସହରରେ ଚଳାଚଳ କରୁଛି । ମେଟ୍ରୋ ଆଧୁନିକ ଭାରତର ନୂତନ ଜୀବନରେଖା ନଗରଗୁଡିକ ନିମନ୍ତେ ପାଲଟିଛି ବୋଲି କହି ପ୍ରଧାନମନ୍ତ୍ରୀ ପୁଣେ ଭଳି ସହରରେ ଜଳବାୟୁ ପରିବର୍ତ୍ତନ ସମସ୍ୟାର ମୁକାବିଲା ନିମନ୍ତେ ମେଟ୍ରୋ ସମ୍ପ୍ରସାରଣର ଆବଶ୍ୟକତା ଉପରେ ଗୁରୁତ୍ୱ ଆରୋପ କରିଥିଲେ ।

ଶ୍ରୀ ମୋଦୀ ସହରୀ ଜୀବନର ଗୁଣାତ୍ମକ ମାନ ବୃଦ୍ଧି ନିମନ୍ତେ ସ୍ୱଚ୍ଛତାର ଉନ୍ନତି ଉପରେ ଗୁରୁତ୍ୱ ଆରୋପ କରିଥିଲେ । ସ୍ୱଚ୍ଛ ଭାରତ ଅଭିଯାନ କେବଳ ଶୌଚାଳୟ ନିର୍ମାଣ ମଧ୍ୟରେ ସୀମିତ ନୁହେଁ, ବର୍ଜ୍ୟ ପରିଚାଳନା ମଧ୍ୟ ଏହାର ଅନ୍ୟ ଏକ ଦିଗ ବୋଲି ସେ କହିଥିଲେ । ଆବର୍ଜନାର ପାହାଡ ଏବେ ଅଭିଯାନ ଜରିଆରେ ସଫା କରାଯାଉଛି । ପିମ୍ପ୍ରିଂ-ଛିନ୍ଦୱାର ପୌର ମହାନଗମ(ପିସିଏମ୍‌ସି) ଅଧୀନରେ ପ୍ରତିଷ୍ଠିତ ବର୍ଜ୍ୟରୁ ଶକ୍ତି କାରଖାନା ଖୁବ୍ ଉପକାରୀ ହେବ ବୋଲି ସେ ବୁଝାଇଥିଲେ ।

ସ୍ୱାଧୀନତା ପରଠାରୁ ମହାରାଷ୍ଟ୍ରର ଶିଳ୍ପ ବିକାଶ ଭାରତର ଶିଳ୍ପ ବିକାଶ ପାଇଁ ରାସ୍ତା ଦେଖାଇଛି ବୋଲି ପ୍ରଧାନମନ୍ତ୍ରୀ ମନ୍ତବ୍ୟ ଦେଇଥିଲେ । ଶିଳ୍ପ ବିକାଶକୁ ଆଗେଇ ନେବା ପାଇଁ ମହାରାଷ୍ଟରେ ବ୍ୟାପକ ପୁଞ୍ଜିନିବେଶ ମହାରାଷ୍ଟ୍ର ସରକାରଙ୍କ ଦ୍ୱାରା ହେଉଛି । ସେ ଏହି ଅବସରରେ ନୂତନ ରାଜପଥ ଓ ରେଳରାସ୍ତାର ସମ୍ପ୍ରସାରଣର ଦୃଷ୍ଟାନ୍ତ ଦେବା ସହ ୨୦୧୪ ମସିହା ପୂର୍ବ ସମୟ ତୁଳନାରେ ବାରଗୁଣ ପୁଞ୍ଜିନିବେଶ ଅଧିକ ହୋଇଛି ବୋଲି କହିଥିଲେ । ମହାରାଷ୍ଟ୍ର୍ରର ଅନେକ ନଗରୀ ପଡେଶୀ ରାଜ୍ୟର ଆର୍ଥିକ ପେଣ୍ଠସ୍ଥଳୀ ସହ ସଂଯୋଗ କରାଯାଉଛି । ମୁମ୍ବାଇ-ଅହମ୍ମଦାବାଦ ଉଚ୍ଚଗତି ସମ୍ପନ୍ନ ରେଳ ଉଭୟ ମହାରାଷ୍ଟ୍ର ଓ ଗୁଜରାଟ ପାଇଁ ସୁବିଧାଜନକ ହେବ ।

ଦିଲ୍ଲୀ-ମୁମ୍ବାଇ ଆର୍ଥିକ କରିଡର ମହାରାଷ୍ଟ୍ରକୁ ମଧ୍ୟପ୍ରଦେଶ ଓ ଅନ୍ୟାନ୍ୟ ରାଜ୍ୟ ସହ ଉତ୍ତର ଭାରତରେ ସଂଯୋଗ କରିବ । ଜାତୀୟ ଉତ୍ସର୍ଗୀକୃତ ମାଲ ପରିବହନ କରିଡର ମହାରାଷ୍ଟ୍ର ଓ ଉତ୍ତର ଭାରତ ମଧ୍ୟରେ ରେଳ ସଂଯୋଗୀକରଣ ଅବସ୍ଥାନ୍ତର ଆଣିବ । ଶକ୍ତି ସରବାରାହ ବ୍ୟବସ୍ଥା ମହାରାଷ୍ଟ୍ରକୁ ଛତିଶଗଡ, ତେଲେଙ୍ଗାନା ଓ ଅନ୍ୟାନ୍ୟ ପଡୋଶୀ ରାଜ୍ୟ ସହ ସଂଯୋଗ କରିବା ସହ ଏହା ଶିଳ୍ପ, ତେଲ ଓ ବାଷ୍ପ ପାଇପଲାଇନ ଔରଙ୍ଗାବାଦ, ଶିଳ୍ପ ନଗରୀ, ନଭି ମୁମ୍ବାଇ ବିମାନବନ୍ଦର ଓ ସେଣ୍ଡ୍ରା ବିଡକିନ ଶିଳ୍ପ ଉଦ୍ୟାନ ଇତ୍ୟାଦିର ଶ୍ରୀ ମୋଦୀ ଊଉଦାରହଣ ଦେଇଥିଲେ । ମହାରାଷ୍ଟ୍ର ଅର୍ଥନୀତିରେ ନୂତନ ଜୀବନ ଶକ୍ତି ସଂଚାର କରାଇବାରେ ଏହି ସବୁ ପ୍ରକଳ୍ପର ସାମର୍ଥ୍ୟ ରହିଛି ବୋଲି ପ୍ରଧାନମନ୍ତ୍ରୀ କହିଥିଲେ ।

ରାଜ୍ୟଗୁଡିକ ବିକାଶ ସହ ସରକାର ଜାତୀୟ ବିକାଶ ମନ୍ତ୍ରରେ ଆଗେଇ ଚାଲିଛନ୍ତି । “ଯେତେବେଳେ ମହାରାଷ୍ଟ୍ରର ବିକାଶ ହେବ ଭାରତର ବିକାଶ ହେବ । ଯେତେବେଳେ ଭାରତର ଅଭିବୃଦ୍ଧି ଘଟିବ, ସେତେବେଳେ ମହାରାଷ୍ଟ୍ର ମଧ୍ୟ ସୁବିଧା ପାଇବ” ବୋଲି ପ୍ରଧାନମନ୍ତ୍ରୀ କହିଥିଲେ । ନବୋନ୍ମେଷ ଓ ଷ୍ଟାର୍ଟ ଅପ ଭାରତର ପରିଚୟ ହୋଇଥିବାବେଳେ ଭାରତରେ ଷ୍ଟାର୍ଟଅପ୍ ସଂଖ୍ୟା ଏକ ଲକ୍ଷ ଅତିକ୍ରମ କରିଛି ଯାହା ମାତ୍ର କେଇ ଶହ ନଅବର୍ଷ ପୂର୍ବରୁ ଥିଲା ବୋଲି ଶ୍ରୀ ମୋଦୀ କହିଥିଲେ । ଏସବୁର ସଫଳତାର ଶ୍ରେୟ ସେ ଡିଜିଟାଲ ଭିତ୍ତିଭୂମିର ଆଧାରଶୀଳା ରଖିଥିବା ପୁଣେ ସହରର ଭୂମିକାକୁ ପ୍ରଶଂସା କରିଥିଲେ । “ଶସ୍ତା ଡାଟା, କମ୍ ବ୍ୟୟ ସାପେକ୍ଷ ଫୋନ ଓ ଇଣ୍ଟରନେଟ ସୁବିଧା ପ୍ରତି ଗ୍ରାମକୁ ପହଂଚୁଥିବାରୁ ଏହି କ୍ଷେତ୍ର ମଜବୁତ ହୋଇଛି । ଭାରତ ଫାଇଭ-ଜି କ୍ଷେତ୍ରରେ ଦ୍ରୁତଗତିରେ ବିଶ୍ୱର ଅନ୍ୟାନ୍ୟ ଦେଶ ସହ ଆଗେଇଛି ବୋଲି କହି ଫିନଟେକ, ଏଗ୍ରିଟେକ ଓ ବାୟୋଟେକ ପୁଣେକୁ ସୁବିଧା ଯୋଗାଇଛି ବୋଲି କହିଥିଲେ ।

ପ୍ରଧାନମନ୍ତ୍ରୀ କର୍ଣ୍ଣାଟକ ଓ ବେଙ୍ଗାଲୁରୁରେ ରାଜନୀତିକ ସ୍ୱାର୍ଥପରତାର ଫଳାଫଳ ନେଇ ଉଦ୍‌ବେଗ ପ୍ରକାଶ କରିଥିଲେ । ସେ କର୍ଣ୍ଣାଟକ ଓ ରାଜସ୍ଥାନରେ ବିକାଶ ବାଧିତ ହେବା ନେଇ ଦୁଃଖ ପ୍ରକାଶ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ, “ଦେଶକୁ ଆଗକୁ ନେବାକୁ ହେଲେ ନୀତି, ନିଷ୍ଠା ଓ ନିୟମ ସମାନଭାବେ ଗୁରୁତ୍ୱପୂର୍ଣ୍ଣ । ଏହା ବିକାଶର ଅବସ୍ଥା ନିର୍ଦ୍ଧାରଣ କରିବା ପାଇଁ ନିର୍ଣ୍ଣୟାକ । ସେ କହିଥିଲେ ଯେ ୨୦୨୪ ମସିହାରେ ଦଶବର୍ଷ ପୂର୍ବ ସମୟରେ ଦୁଇଟି ଯୋଜନା ଜରିଆରେ କେବଳ ଆଠଲକ୍ଷ ଘର ନିର୍ମିତ ହୋଇଥିଲା । ସେଥିରୁ ମହାରାଷ୍ଟ୍ରର ୫୦ହଜାର ଘର ସମେତ ଦୁଇଲକ୍ଷ ଘରକୁ ହିତାଧିକାରୀମାନେ ନିମ୍ନମାନ ଯୋଗୁଁ ଅଗ୍ରାହ୍ୟ କରିଥିଲେ ।

ମାତ୍ର ୨୦୧୪ରେ ତାଙ୍କ ସରକାର କ୍ଷମତାସୀନ ହେବା ପରେ ସରକାର ସଠିକ ଅଭିପ୍ରାୟ ନେଇ ନୀତିର ପରିବର୍ତ୍ତନ କରିଥିଲେ । ଗତ ନଅ ବର୍ଷ ମଧ୍ୟରେ ସରକାର ଚାରି କୋଟିରୁ ଅଧିକ ପକ୍‌କା ଘର ଗ୍ରାମାଞ୍ଚଳ ଓ ସହରରେ ନିର୍ମାଣ କରିଛନ୍ତି । ସେଥିରୁ କେବଳ ୭୫ଲକ୍ଷ ସହରାଞ୍ଚଳ ଗରିବ ଲୋକଙ୍କ ପାଇଁ ତିଆରି ହୋଇଛି । ସେଗୁଡିକ ନିର୍ମାଣର ଗୁଣାତ୍ମକମାନ ରକ୍ଷା ସହ କିପରି ସ୍ୱଚ୍ଛତା ରକ୍ଷା କରାଯାଇଛି ସେ ସମ୍ପର୍କରେ ସେ ସୂଚନା ଦେଇଥିଲେ । ସେ ଘରଗୁଡିକର ମୂଲ୍ୟ କେବଳ କେତେ ଲକ୍ଷରେ ସୀମିତ ନୁହଁ, ଦେଶର କୋଟି କୋଟି ମହିଳା ଗତ ନଅ ବର୍ଷ ମଧ୍ୟରେ ଲକ୍ଷପତି ହୋଇ ପାରିଥିବା ଶ୍ରୀ ମୋଦୀ ପ୍ରକାଶ କରିଥିଲେ । ଯେଉଁମାନେ ନୂତନ ଆବାସ ଖଣ୍ଡିଏ ଲେଖାଏଁ ପାଇଛନ୍ତି ପ୍ରଧାନମନ୍ତ୍ରୀ ସେମାନଙ୍କୁ ଅଭିନନ୍ଦନ ଜଣାଇଥିଲେ ।

“ସେ ଗରିବ ହେଉ କିମ୍ବା ମଧ୍ୟବିତ୍ତଶ୍ରେଣୀ ପରିବାରର ପ୍ରତ୍ୟେକଙ୍କ ସ୍ୱପ୍ନ ସାକାର କରିବା ହେଉଛି ମୋଦୀଙ୍କ ଗ୍ୟାରେଣ୍ଟି ବୋଲି ସେ କହିଥିଲେ । ଗୋଟିଏ ସ୍ୱପ୍ନ ସାକାର କରିବା ଦ୍ୱାରା ଅନେକ ସଂକଳ୍ପ ଆରମ୍ଭ ହୁଏ ଓ ଏହା ପ୍ରତ୍ୟେକ ବ୍ୟକ୍ତିର ଜୀବନରେ ଏକ ଗତିକୁ ଜନ୍ମ ଦିଏ । ଆମେ ଆପଣମାନଙ୍କ ପିଲାଙ୍କ ଯତ୍ନ ନେଉ, ଆପଣଙ୍କ ମାତାପିତା ଓ ଭବିଷ୍ୟତ ପିଢିର ଯତ୍ନ ନେଉ ବୋଲି ଶ୍ରୀ ମୋଦି କହିଥିଲେ । ଯେଉଁମାନେ ନୂତନ ଆବାସ ଖଣ୍ଡିଏ ଲେଖାଏଁ ପାଇଛନ୍ତି ପ୍ରଧାନମନ୍ତ୍ରୀ ସେମାନଙ୍କୁ ଅଭିନନ୍ଦନ ଜଣାଇଥିଲେ ।

ଉଦ୍‌ବୋଧନ ସମାପନ କରିବା ପୂର୍ବରୁ ପ୍ରଧାନମନ୍ତ୍ରୀ ଏକ ମରାଠୀ ଉକ୍ତିକୁ ଉଦ୍ଧାର କରି କହିଥିଲେ ଯେ, ସରକାରଙ୍କ ଉଦ୍ୟମ କେବଳ ଏକ ଉନ୍ନତ ଆଜି ନୁହେଁ ଏକ ଉନ୍ନତ ଆସନ୍ତାକାଲି ପାଇଁ ମଧ୍ୟ କାର୍ଯ୍ୟ କରିବା ଦରକାର । ଏକ ବିକଶିତ ଭାରତ ଗଠନ ସଂକଳ୍ପର ଏହି ଭାବନା ମଧ୍ୟ ଆଇନତଃ ପ୍ରଜୁର୍ଯ୍ୟ । ଯେପରି ମହାରାଷ୍ଟ୍ରରେ ଅନେକ ଦଳ ଗୋଟିଏ କାରଣ ପାଇଁ ଏକାଠି ହୋଇଛନ୍ତି, ସେମାନେ ସେହିପରି କାର୍ଯ୍ୟ ସଂଘବଦ୍ଧଭାବେ କରିବା ଦରକାର । “ପ୍ରତ୍ୟେକଙ୍କ ଅଂଶଗ୍ରହଣ ଦ୍ୱାରା ମହାରାଷ୍ଟ୍ରର ଉନ୍ନତି ଲକ୍ଷ୍ୟ ନେଇ ମହାରାଷ୍ଟ୍ର ଦ୍ରୁତଗତିରେ ଆଗେଇବା ଉଚିତ ବୋଲି କହି ପ୍ରଧାନମନ୍ତ୍ରୀ ତାଙ୍କ ବକ୍ତବ୍ୟ ଶେଷ କରିଥିଲେ ।

ମହାରାଷ୍ଟ୍ର ରାଜ୍ୟପାଳ ଶ୍ରୀ ରମୋ ବୈଶ୍ୟ, ମୁଖ୍ୟମନ୍ତ୍ରୀ ଶ୍ରୀ ଏକନାଥ ସିନ୍ଧେ, ଉପ ମୁଖ୍ୟମନ୍ତ୍ରୀ ଶ୍ରୀ ଦେବେନ୍ଦ୍ର ଫଡନାଭିସ ଓ ଶ୍ରୀ ଅଜିତ ପାୱାର ଏବଂ ମହାରାଷ୍ଟ୍ର ସରକାରଙ୍କ ଅନ୍ୟାନ୍ୟ ମନ୍ତ୍ରୀଗଣ ଏହି ଅବସରରେ ଉପସ୍ଥିତ ଥିଲେ ।

ପୃଷ୍ଠଭୂମି : ପ୍ରଧାନମନ୍ତ୍ରୀ ପୁଣେ ମେଟ୍ରୋ ପ୍ରଥମ ପଯ୍ୟାୟରେ ସମ୍ପୂର୍ଣ୍ଣ ସେକ୍ସନର ଦୁଇଟି କରିଡରରେ ମେଟ୍ରୋ ସେବାକୁ ପତାକା ଦେଖାଇ ଶୁଭାରମ୍ଭ କରିଥିଲେ । ଏହି ଦୁଇଟି ସେକ୍ସନ ହେଲା ଫୁଗେୱାଡି ଷ୍ଟେସନରୁ ସିଭିଲ କୋର୍ଟ ଷ୍ଟେସନ ଏବଂ ଗରୱାର କଲେଜ ଷ୍ଟେସନରୁ ରୁବି ହଲ କ୍ଲିନିକ ଷ୍ଟେସନ । ଏହାର ଶିଳାନ୍ୟାସ ମଧ୍ୟ ୨୦୧୬ରେ ପ୍ରଧାନମନ୍ତ୍ରୀଙ୍କ ଦ୍ୱାରା ସମ୍ପନ୍ନ ହୋଇଥିଲା । ଏହି ନୂତନ ସେକ୍ସନ ପୁଣେର ଗୁରୁତ୍ୱପୂର୍ଣ୍ଣ ସ୍ଥାନ ଯଥା ଶିବାଜୀ ନଗର, ସିଭିଲ କୋର୍ଟ, ପୁଣେ ପୌର ମହା ନିଗମ କାର୍ଯ୍ୟାଳୟ, ପୁଣେ ଆରଟିଓ ଓ ପୁଣେ ରେଳ ଷ୍ଟେସନକୁ ସଂଯୋଗ କରିବ । ଏହା ଦେଶରେ ନାଗରିକମାନଙ୍କୁ ଆଧୁନିକ ଓ ପରିବେଶ ଅନୁକୂଳ ଦ୍ରୁତ ସହରାଞ୍ଚଳ ପରିବହନ ପଦ୍ଧତି ଉପଲବ୍ଧ କରାଇବା ନେଇ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟିର ପରିପ୍ରକାଶ ଅଟେ ।

କେତେକ ମେଟ୍ରୋ ଷ୍ଟେସନର ପରିପାଟୀ ଛତ୍ରପତି ଶିବାଜୀ ମହାରାଜଙ୍କ ଜୀବନଦର୍ଶନ ଦ୍ୱାରା ଅନୁପ୍ରାଣିତ ହୋଇଛି । ଛତ୍ରପତି ଶମ୍ଭାଜୀ ଉଦ୍ୟାନ ମେଟ୍ରୋ ଷ୍ଟେସନ ଏବଂ ଡେକାନ ଜିମ୍ ଖାନା ମେଟ୍ରୋ ଷ୍ଟେସନର ଏକ ଅନନ୍ୟ ପରିପାଟୀ ଛତ୍ରପତି ଶିବାଜୀ ମହାରାଜାଙ୍କ ସୈନିକଙ୍କ ପଗଡି ଢାଞ୍ଚାରେ ନିର୍ମିତ ହୋଇଛି । ଯାହାକୁ “ମାଭଲା ପ୍ରଗଡି” ମଧ୍ୟ କୁହାଯାଏ । ଶିବାଜୀ ନଗର ଭୂମିତଳ ମେଟ୍ରୋ ଷ୍ଟେସନର ଅଭିନବ ପରିପାଟୀ ଛତ୍ରପତି ଶିବାଜୀ ମହାରାଜଙ୍କ ଦ୍ୱାରା ନିର୍ମିତ ଦୁର୍ଗର ଚିତ୍ର ପ୍ରଦାନ କରିଥାଏ ।

ଆଉ ଏକ ଅନନ୍ୟ ବୈଶିଷ୍ଠ୍ୟ ହେଉଛି ସିଭିଲ କୋର୍ଟ ମେଟ୍ରୋ ଷ୍ଟେସନ । ଏହା ଦେଶର ସବୁଠାରୁ ଗଭୀର ୩୩. ୧ ମିଟର । ଏହି ଷ୍ଟେସନ ଛାତ ଏପରି ତିଆରି ହୋଇଛି ଯେ ସୂର୍ଯ୍ୟାଲୋକ ସିଧା ପ୍ଲାଟଫର୍ମ ଉପରେ ପଡିବ ।

ସମସ୍ତଙ୍କ ପାଇଁ ଆବାସ ଅଭିଯାନ ଲକ୍ଷ୍ୟ ନେଇ ପ୍ରଧାନମନ୍ତ୍ରୀ ଆବାସ ଯୋଜନା ଅଧୀନରେ ପିିସିଏମସି ଦ୍ୱାରା ନିର୍ମିତ ୧୨୮୦ ଆବାସ ଓ ପୁଣେ ପୌର ମହାନିଗର ନିଗମ ଦ୍ୱାରା ନିର୍ମିତ ୨୬୫୦ ପ୍ରଧାନମନ୍ତ୍ରୀ ଆବାସ ହିତାଧିକାରୀଙ୍କୁ ହସ୍ତାନ୍ତର କରିବା ସହ ପିଏମ୍‌ଏୱାଇ ଯୋଜନା ଅଧୀନରେ ୧୧୯୦ଘର ଓ ପୁଣେ ମେଟ୍ରୋ ପଲିଟାନ ଅଞ୍ଚଳ ବିକାଶ କର୍ତ୍ତୃପକ୍ଷଙ୍କ ଦ୍ୱାରା ନିର୍ମିତ ୬୪୦୦ଘରର ଶିଳାନ୍ୟାସ ମଧ୍ୟ କରିଛନ୍ତି ।

ପ୍ରଧାନମନ୍ତ୍ରୀ ବର୍ଜ୍ୟରୁ ଶକ୍ତି କାରଖାନା ମଧ୍ୟ ଉଦ୍‌ଘାଟନ କରିଛନ୍ତି । ପିମ୍ପ୍ରିଂ-ଛିନ୍ଦୱାର ପୌର ମହାନିଗମ (ପିସିଏମ୍‌ସି) ଏହାକୁ ୩୦୦ କୋଟି ଟଙ୍କା ବ୍ୟୟରେ ନିର୍ମାଣ କରିଛି । ଏହା ବାର୍ଷିକ ୨.୫ ଲକ୍ଷ ମେଟ୍ରିକ ଟନ୍ ବର୍ଜ୍ୟରୁ ବିଦ୍ୟୁତ ଶକ୍ତି ଉତ୍ପାଦନ କରିବ ।

Categories
ବିଶେଷ ଖବର

ମହାରାଷ୍ଟ୍ରର ପୁଣେ ଠାରେ ଲୋକମାନ୍ୟ ତିଳକ ଜାତୀୟ ପୁରସ୍କାର ଗ୍ରହଣ କଲେ ପ୍ରଧାନମନ୍ତ୍ରୀ

ପୁଣେ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆଜି ମହାରାଷ୍ଟ୍ରର ପୁଣେ ଠାରେ ଲୋକମାନ୍ୟ ତିଳକ ଜାତୀୟ ପୁରସ୍କାର ପ୍ରଦାନ କରାଯାଇଛି। ଲୋକମାନ୍ୟ ତିଳକଙ୍କ ପରମ୍ପରାକୁ ସମ୍ମାନ ଜଣାଇବା ପାଇଁ ୧୯୮୩ ମସିହାରେ ତିଳକ ସ୍ମାରକ ମନ୍ଦିର ଟ୍ରଷ୍ଟ ଦ୍ୱାରା ଏହି ପୁରସ୍କାର ଗଠନ କରା ଯାଇଥିଲା। ପ୍ରଧାନମନ୍ତ୍ରୀ ନମାମି ଗଙ୍ଗା ପ୍ରକଳ୍ପକୁ ନଗଦ ପୁରସ୍କାର ରାଶି ଦାନ କରିଛନ୍ତି।

ପ୍ରଧାନମନ୍ତ୍ରୀ କାର୍ଯ୍ୟକ୍ରମ ସ୍ଥଳରେ ପହଞ୍ଚିବା ପରେ ଲୋକମାନ୍ୟ ତିଳକଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଲୋକମାନ୍ୟ ତିଳକଙ୍କୁ ତାଙ୍କ ପୁଣ୍ୟ ତିଥିରେ ଶ୍ରଦ୍ଧାଞ୍ଜଳି ଜଣାଇବା ସହ ଏହା ତାଙ୍କ ପାଇଁ ଏକ ବିଶେଷ ଦିନ ବୋଲି କହିଥିଲେ । ଏହି ଅବସରରେ ନିଜର ଭାବନା ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଆଜି ଲୋକମାନ୍ୟ ତିଳକଙ୍କ ପୁଣ୍ୟ ତିଥି ଏବଂ ଆନ୍ନା ଭାଉ ଶେଠଙ୍କ ଜନ୍ମ ବାର୍ଷିକୀ ପାଳନ କରାଯାଉଛି । ପ୍ରଧାନମନ୍ତ୍ରୀ କହିଛନ୍ତି ଯେ, ଲୋକମାନ୍ୟ ତିଳକ ଜୀ ହେଉଛନ୍ତି ଭାରତର ସ୍ୱାଧୀନତା ସଂଗ୍ରାମର ‘ତିଳକ’ । ସେ ସମାଜର ଉନ୍ନତି ଦିଗରେ ଆନ୍ନା ଭାଉ ଶେଠଙ୍କ ଅସାଧାରଣ ତଥା ଅଦ୍ୱିତୀୟ ଅବଦାନ ଉପରେ ମଧ୍ୟ ଆଲୋକପାତ କରିଥିଲେ । ଛତ୍ରପତି ଶିବାଜୀ, ଛାପକର ବ୍ରଦର, ଜ୍ୟୋତିବା ଫୁଲେ ଏବଂ ସାବିତ୍ରୀବାଇ ଫୁଲେଙ୍କ ଭୂମିକୁ ପ୍ରଧାନମନ୍ତ୍ରୀ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏହା ପୂର୍ବରୁ ପ୍ରଧାନମନ୍ତ୍ରୀ ଦଗଡୁସେଠ ମନ୍ଦିରରେ ଆଶୀର୍ବାଦ ଭିକ୍ଷା କରିଥିଲେ ।

ପ୍ରଧାନମନ୍ତ୍ରୀ ଆଜି ଲୋକମାନ୍ୟ ତିଳକଙ୍କ ସହିତ ସିଧାସଳଖ ସଂଯୁକ୍ତ ସ୍ଥାନ ଏବଂ ଅନୁଷ୍ଠାନ ଦ୍ୱାରା ତାଙ୍କୁ ପ୍ରଦାନ କରାଯାଇଥିବା ସମ୍ମାନକୁ ‘ଅବିସ୍ମରଣୀୟ’ ବୋଲି ବର୍ଣ୍ଣନା କରିଥିଲେ । ପ୍ରଧାନମନ୍ତ୍ରୀ କାଶୀ ଏବଂ ପୁଣେ ମଧ୍ୟରେ ଥିବା ସମାନତା ଗୁଡିକ ବିଷୟରେ ଉଲ୍ଲେଖ କରି କହିଛନ୍ତି ଯେ, ଉଭୟ ସ୍ଥାନ ବୃତ୍ତିର କେନ୍ଦ୍ର ଅଟନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ ଯେତେବେଳେ ଜଣେ ପୁରସ୍କାର ଗ୍ରହଣ କରେ, ସେତେବେଳେ ତାର ଦାୟିତ୍ୱ ବୃଦ୍ଧି ପାଇଥାଏ, ବିଶେଷ ଭାବରେ ଯେତେବେଳେ ଲୋକମାନ୍ୟ ତିଳକଙ୍କ ନାମ ପୁରସ୍କାର ସହିତ ସଂଲଗ୍ନ ହୁଏ ସେତେବେଳେ ଏହା ବହୁତ ଅଧିକ ହୋଇଥାଏ ।

ପ୍ରଧାନମନ୍ତ୍ରୀ ଭାରତର ୧୪୦ କୋଟି ନାଗରିକ ମାନଙ୍କ ଉଦ୍ଦେଶ୍ୟରେ ଲୋକମାନ୍ୟ ତିଳକ ପୁରସ୍କାର ଉତ୍ସର୍ଗ କରିଛନ୍ତି । ସେ ସେମାନଙ୍କୁ ଆଶ୍ୱାସନା ଦେଇଛନ୍ତି ଯେ, ସରକାର ସେମାନଙ୍କର ସ୍ୱପ୍ନ ଏବଂ ଆକାଂକ୍ଷାକୁ ହାସଲ କରିବାରେ ସାହାଯ୍ୟ କରିବା ପାଇଁ କୌଣସି ଦିଗକୁ ଛାଡ଼ିବେ ନାହିଁ । ନମାମି ଗଙ୍ଗେ ପ୍ରକଳ୍ପକୁ ନଗଦ ପୁରସ୍କାର ରାଶି ଦାନ କରିବା ନିମନ୍ତେ ତାଙ୍କ ନିଷ୍ପତ୍ତି ସମ୍ପର୍କରେ ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି ଯେ , ଭାରତର ସ୍ୱାଧୀନତା ପାଇଁ ଲୋକମାନ୍ୟ ତିଳକଙ୍କ ଅବଦାନ କେବଳ କିଛି ଶବ୍ଦ କିମ୍ବା କିଛି କାର୍ଯ୍ୟକ୍ରମ ମଧ୍ୟରେ ସୀମିତ ହୋଇ ପାରିବ ନାହିଁ , କାରଣ ସ୍ୱାଧୀନତା ସଂଗ୍ରାମ ସହତ ଜଡିତ ଥିବା ସମସ୍ତ ନେତା ତଥା ଘଟଣାରେ ତାଙ୍କର ପ୍ରଭାବ ସ୍ପଷ୍ଟ ରହିଥିଲା । ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ “ ଏମିତିକି ବ୍ରିଟିଶ ମାନଙ୍କୁ ମଧ୍ୟ ତାଙ୍କୁ‘ ଭାରତୀୟ ଅଶାନ୍ତିର ପିତା ’ ବୋଲି ଡାକିବାକୁ ପଡୁଥିଲା । ଶ୍ରୀ ମୋଦୀ ଦର୍ଶାଇଛନ୍ତି ଯେ , ଲୋକମାନ୍ୟ ତିଳକ ତାଙ୍କର ‘ସ୍ୱରାଜ ମୋର ଜନସିଦ୍ଧ ଅଧିକାର’ ଦାବି ସହିତ ସ୍ୱାଧୀନତା ସଂଗ୍ରାମର ଦିଗ ବଦଳାଇ ଦେଇଥିଲେ । ଭାରତୀୟ ପରମ୍ପରାକୁ ବ୍ରିଟିଶ ମାନେ ପୁରୁଣାକାଳିଆ ପ୍ରଥା ବୋଲି ଯେଭଳି ନାମିତ କରୁଥିଲେ ତାହାକୁ ସେ ଭୁଲ ବୋଲି ପ୍ରମାଣ କରିଥିଲେ । ମହାତ୍ମା ଗାନ୍ଧୀ ନିଜେ ତାଙ୍କୁ ଆଧୁନିକ ଭାରତର ସ୍ଥପତି ବୋଲି କହିଥିଲେ ।

ଲୋକମାନ୍ୟ ତିଳକଙ୍କ ଅନୁଷ୍ଠାନ ନିର୍ମାଣ କ୍ଷମତାକୁ ପ୍ରଧାନମନ୍ତ୍ରୀ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଲାଲା ଲଜପତ ରାୟ ଏବଂ ବିପିନ ଚନ୍ଦ୍ର ପାଲଙ୍କ ସହ ତାଙ୍କର ସହଯୋଗ ଭାରତର ସ୍ୱାଧୀନତା ସଂଗ୍ରାମର ଏକ ସୁବର୍ଣ୍ଣ ଅଧ୍ୟାୟ । ପ୍ରଧାନମନ୍ତ୍ରୀ ତିଳକଙ୍କ ଖବରକାଗଜ ଏବଂ ସାମ୍ବାଦିକତାର ବ୍ୟବହାରକୁ ମଧ୍ୟ ମନେ ପକାଇଲେ । କେସରୀ ଏବେ ମଧ୍ୟ ମହାରାଷ୍ଟ୍ରରେ ପ୍ରକାଶିତ ଏବଂ ପଢ଼ା ଯାଇଥାଏ । ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, “ଏହି ସବୁ ଲୋକମାନ୍ୟ ତିଳକଙ୍କ ଦୃଢ଼ ଅନୁଷ୍ଠାନ ନିର୍ମାଣର ପ୍ରମାଶ ଅଟେ ।”

ଅନୁଷ୍ଠାନ ନିର୍ମାଣରୁ ଆଗକୁ ବଢ଼ି, ପ୍ରଧାନମନ୍ତ୍ରୀ ମଧ୍ୟ ତିଳକଙ୍କ ପରମ୍ପରା ଗୁଡିକର ପୃଷ୍ଠପୋଷକତା ଉପରେ ଆଲୋକପାତ କରିଥିଲେ ଏବଂ ଛତ୍ରପତି ଶିବାଜୀଙ୍କ ଆଦର୍ଶ ପାଳନ କରିବା ପାଇଁ ଗଣପତି ମହୋତ୍ସବ ଏବଂ ଶିବ ଜୟନ୍ତୀ ଆରମ୍ଭ ବିଷୟରେ ଉଲ୍ଲେଖ କରିଥିଲେ । “ଏହି ଆୟୋଜନ ଭାରତକୁ ଏକ ସାଂସ୍କୃତିକ ସୂତ୍ରରେ ବାନ୍ଧି ରଖିବା ସହିତ ପୂର୍ଣ୍ଣ ସ୍ୱରାଜର ସଂପୂର୍ଣ୍ଣ ଧାରଣା ଦେଇଥିଲା । ଏହା ହେଉଛି ଭାରତର ବିଶେଷତା ଯେଉଁଠାରେ ନେତାମାନେ ସ୍ୱାଧୀନତା ଭଳି ବଡ଼ ଲକ୍ଷ୍ୟ ପାଇଁ ଲଢ଼ିଥିଲେ ଏବଂ ସାମାଜିକ ସଂସ୍କାରର ଅଭିଯାନ ମଧ୍ୟ ଚାଲୁ କରିଥିଲେ ବୋଲି ସେ କହିଛନ୍ତି ।

ଦେଶର ଯୁବବର୍ଗଙ୍କ ଉପରେ ଲୋକମାନ୍ୟ ତିଳକଙ୍କ ବିଶ୍ୱାସ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ବୀର ସଭରକରଙ୍କର ତିଳକଙ୍କୁ ମାର୍ଗଦର୍ଶନ କରାଇବା ସମ୍ପର୍କରେ ସ୍ମୃତିଚାରଣ କରିଥିଲେ ଏବଂ ଲଣ୍ଡନରେ ଦୁଇଟି ବୃତ୍ତି , ଛତ୍ରପତି ଶିବାଜୀ ବୃତ୍ତି ଏବଂ ମହାରଣା ପ୍ରତାପ ବୃତ୍ତି ଚଳାଉଥିବା ଶ୍ୟାମଜୀ କୃଷ୍ଣ ବର୍ମାଙ୍କୁ ତାଙ୍କର ସୁପାରିଶ କଥା ଉଲ୍ଲେଖ କରିଥିଲେ । ପୁଣେରେ ନ୍ୟୁ ଇଂଲିଶ ବିଦ୍ୟାଳୟ, ଫର୍ଗୁସନ୍ କଲେଜ ଏବଂ ଡେକାନ୍ ଏଜୁକେସନ୍ ସୋସାଇଟି ପ୍ରତିଷ୍ଠା ସେହି ଦର୍ଶନର ଏକ ଅଂଶ । ପ୍ରଧାନମନ୍ତ୍ରୀ କହିଛନ୍ତି ଯେ, ବ୍ୟବସ୍ଥା ନିର୍ମାଣରୁ ଅନୁଷ୍ଠାନ ନିର୍ମାଣ, ଅନୁଷ୍ଠାନ ନିର୍ମାଣରୁ ବ୍ୟକ୍ତି ନିର୍ମାଣ ଏବଂ ବ୍ୟକ୍ତି ନିର୍ମାଣରୁ ରାଷ୍ଟ୍ର ନିର୍ମାଣ ଏକ ଦେଶର ଭବିଷ୍ୟତ ପାଇଁ ଏକ ରୋଡମ୍ୟାପ ପରି ହୋଇଥାଏ ଏବଂ ଦେଶ ଏହି ରୋଡମ୍ୟାପକୁ ଏକ ପ୍ରଭାବଶାଳୀ ଢଙ୍ଗରେ ଅନୁସରଣ କରୁଛି ।”

ଲୋକମାନ୍ୟ ତିଳକଙ୍କ ସହ ମହାରାଷ୍ଟ୍ରର ଲୋକ ମାନଙ୍କ ମଧ୍ୟରେ ଥିବା ବିଶେଷ ବନ୍ଧନ ସମ୍ପର୍କରେ ଆଲୋକପାତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଗୁଜରାଟର ଲୋକମାନେ ମଧ୍ୟ ତାଙ୍କ ସହ ସମାନ ବନ୍ଧନରେ ବାନ୍ଧି ହୋଇଛନ୍ତି । ସେ ସେହି ସମୟକୁ ମନେ ପକାଇଲେ ଯେତେବେଳେ ଲୋକମାନ୍ୟ ତିଳକ ଅହମ୍ମଦାବାଦର ସାବରମତି ଜେଲ୍‌ରେ ପ୍ରାୟ ଦେଢ଼଼ ମାସ ବିତାଇ ଥିଲେ ଏବଂ ସୂଚନା ଦେଇଥିଲେ ଯେ ୧୯୧୬ ମସିହାରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ସମେତ ୪୦,୦୦୦ ରୁ ଅଧିକ ଲୋକ ତାଙ୍କୁ ସ୍ୱାଗତ କରିଥିଲେ ଏବଂ ତାଙ୍କ ବିଚାର ଶୁଣିବା ପାଇଁ ଆସିଥିଲେ । ସେ ଆହୁରି ମଧ୍ୟ କହିଛନ୍ତି ଯେ, ଭାଷଣର ପ୍ରଭାବ କାରଣରୁ ସର୍ଦ୍ଦାର ପଟେଲ ଅହମ୍ମଦାବାଦ ପୌରପାଳିକା ନେତୃତ୍ୱ ନେଉଥିବା ସମୟରେ ଅହମ୍ମଦାବାଦ ଠାରେ ଲୋକମାନ୍ୟ ତିଳକଙ୍କ ପ୍ରତିମୂର୍ତ୍ତି ସ୍ଥାପନ କରିଥିଲେ । ପ୍ରଧାନମନ୍ତ୍ରୀ କହିଛନ୍ତି, “ସର୍ଦ୍ଦାର ପଟେଲଙ୍କ ଭିତରେ ଜଣେ ଲୋକମାନ୍ୟ ତିଳକଙ୍କ ଦୃଢ଼ତାର ପରିଚୟ ପାଇ ପାରିବ । ଭିକ୍ଟୋରିଆ ଗାର୍ଡେନରେ ଏହି ପ୍ରତିମୂର୍ତ୍ତିର ଅବସ୍ଥାନ ବିଷୟରେ ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ , ବ୍ରିଟିଶମାନେ ୧୮୯୭ ମସିହାରେ ରାଣୀ ଭିକ୍ଟୋରିଆର ହୀରକ ଜୟନ୍ତୀ ଉତ୍ସବକୁ ସ୍ମରଣ କରିବା ପାଇଁ ଏହି ଭୂମି ପ୍ରସ୍ତୁତ କରିଥିଲେ ଏବଂ ଲୋକମାନ୍ୟ ତିଳକଙ୍କ ପ୍ରତିମୂର୍ତ୍ତି ସ୍ଥାପନ କରିବା ଭଳି ଏକ ବୈପ୍ଳବିକ କାର୍ଯ୍ୟ ଉପରେ ସର୍ଦ୍ଦାର ପଟେଲ ଗୁରୁତ୍ୱାରୋପ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ବ୍ରିଟିଶମାନଙ୍କ ପ୍ରତିରୋଧର ସମ୍ମୁଖୀନ ହେବା ପରେ ମଧ୍ୟ ଯେ ଏହି ମୂର୍ତ୍ତି ୧୯୨୯ ମସିହାରେ ମହାତ୍ମା ଗାନ୍ଧୀଙ୍କ ଦ୍ୱାରା ଉଦ୍‌ଘାଟିତ ହୋଇଥିଲା । ଏଡି ପ୍ରତିମୂର୍ତ୍ତି ସମ୍ପର୍କରେ ପ୍ରଧାନମନ୍ତ୍ରୀ କହିଛନ୍ତି ଯେ, ଏହା ଏକ ଉଜ୍ଜ୍ୱଳ ପ୍ରତିମୂର୍ତ୍ତି, ଯେଉଁଠି ତିଳକ ଜୀ ଅରାମଦାୟକ ମୁଦ୍ରାରେ ବସି ରହି ସ୍ୱାଧୀନ ଭାରତର ଉଜ୍ଜ୍ୱଳ ଭବିଷ୍ୟତ ବିଷୟରେ ଚିନ୍ତା କରୁଥିବା ଭଳି ଅନୁଭୂତ ହୋଇଥାଏ । “ଦାସତ୍ୱ କାଳରେ ମଧ୍ୟ ସର୍ଦ୍ଦାର ସାହେବ ଭାରତର ପୁତ୍ରଙ୍କୁ ସମ୍ମାନ ଦେବା ପାଇଁ ସମଗ୍ର ବ୍ରିଟିଶ ନିୟମକୁ ଆହ୍ୱାନ କରିଥିଲେ” ବୋଲି ପ୍ରଧାନମନ୍ତ୍ରୀ ମନ୍ତବ୍ୟ ଦେଇଛନ୍ତି । ସେ ଏହା ମଧ୍ୟ କହିଛନ୍ତି ଯେ , ସରକାର ଯେତେବେଳେ କୌଣସି ଏକ ରାସ୍ତାର ନାମ ବିଦେଶୀ ଲୁଣ୍ଠନକାରୀଙ୍କ ନାମ ପରିବର୍ତ୍ତେ ଭାରତୀୟ ବ୍ୟକ୍ତିତ୍ୱ ମାନଙ୍କ ନାମକୁ ବଦଳାଇବାକୁ ଚେଷ୍ଟା କରୁଛନ୍ତି ସେତେବେଳେ କିଛି ଲୋକ ହଙ୍ଗାମା କରୁଛନ୍ତି ।

ପ୍ରଧାନମନ୍ତ୍ରୀ ଗୀତା ଉପରେ ଲୋକମାନ୍ୟ ତିଳକଙ୍କ ବିଶ୍ୱାସ ଉପରେ ମଧ୍ୟ ମତ ବ୍ୟକ୍ତ କରିଥିଲେ । ସୁଦୂର ମାଣ୍ଡଲେ କାରାଗାରରେ ମଧ୍ୟ ଲୋକମାନ୍ୟ ଗୀତା ଉପରେ ଅଧ୍ୟୟନ ଜାରି ରଖିଥିଲେ ଏବଂ ଗୀତା ରହସ୍ୟ ଆକାରରେ ଏକ ଅମୂଲ୍ୟ ଉପହାର ଦେଇଥିଲେ ।

ସମସ୍ତଙ୍କ ଭିତରେ ଆତ୍ମବିଶ୍ୱାସ ବୃଦ୍ଧି କରିବା ପାଇଁ ଲୋକମାନ୍ୟଙ୍କ ସାମର୍ଥ୍ୟ ବିଷୟରେ ପ୍ରଧାନମନ୍ତ୍ରୀ କହିଥିଲେ । ସ୍ୱାଧୀନତା, ଇତିହାସ ଏବଂ ସଂସ୍କୃତିର ଲଢ଼େଇ ଭିତରେ ତିଲକ ଲୋକଙ୍କ ଆତ୍ମବିଶ୍ୱାସକୁ ପୁନଃ ସ୍ଥାପନ କରିଥିଲେ । ଲୋକ, ଶ୍ରମିକ ଏବଂ ଉଦ୍ୟୋଗୀ ମାନଙ୍କ ଉପରେ ତାଙ୍କର ବିଶ୍ୱାସ ଥିଲା । ସେ କହିଛନ୍ତି, “ତିଳକ ଭାରତୀୟ ମାନଙ୍କ ମଧ୍ୟରେ ହୀନମନ୍ୟତାର ଧାରାକୁ ଭାଙ୍ଗି ସେମାନଙ୍କ ଦକ୍ଷତା ଦେଖାଇ ଥିଲେ” ।

ଅବିଶ୍ୱାସର ପରିବେଶରେ ଦେଶର ବିକାଶ ସମ୍ଭବ ନୁହେଁ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି । ସେ ପୁଣେର ଜଣେ ଭଦ୍ରଲୋକ ଶ୍ରୀ ମନୋଜ ପୋଚାଟ ଜି’ ଙ୍କ ଏକ ଟ୍ୱିଟ୍ ସମ୍ପର୍କରେ ମନେ ପକାଇଥିଲେ, ଯିଏ ପ୍ରଧାନମନ୍ତ୍ରୀଙ୍କ ବିଷୟରେ ଉଲ୍ଲେଖ କରିଥିଲେ ଏବଂ ତାଙ୍କୁ ୧୦ ବର୍ଷ ପୂର୍ବେ ପୁଣେ ଗସ୍ତ ବିଷୟରେ ମନେ ପକାଇଥିଲେ । ତିଳକ ଜୀ’ ଙ୍କ ଦ୍ୱାରା ପ୍ରତିଷ୍ଠିତ ଫର୍ଗୁସନ୍ କଲେଜରେ ସେହି ସମୟରେ ଭାରତରେ ହୋଇଥିବା ବିଶ୍ୱାସ ନିଅଂଟ ବିଷୟରେ ପ୍ରଧାନମନ୍ତ୍ରୀ ମନେ ପକାଇଥିଲେ । ବିଶ୍ୱାସ ନିଅଂଟ ପ୍ରସଙ୍ଗ ଉଠାଇଥିବାରୁ ପ୍ରଧାନମନ୍ତ୍ରୀ କୃତଜ୍ଞତା ଜଣାଇବା ସହ ଦେଶ ବିଶ୍ୱାସ ନିଅଂଟରୁ ଅଧିକ ବିଶ୍ୱାସ ଆଡକୁ ଯାଉଛି ବୋଲି କହିଛନ୍ତି ।

ଗତ ୯ ବର୍ଷ ମଧ୍ୟରେ ହୋଇଥିବା ପ୍ରମୁଖ ପରିବର୍ତ୍ତନ ଗୁଡିକରେ ପ୍ରଧାନମନ୍ତ୍ରୀ ଏହି ଅଧିକ ବିଶ୍ୱାସର ଉଦାହରଣ ଦେଇଛନ୍ତି । ଏହି ବିଶ୍ୱାସର ପରିଣାମ ସ୍ୱରୂପ ଭାରତ ୫ମ ବୃହତ୍ତମ ଅର୍ଥନୀତିରେ ପରିଣତ ହୋଇଛି ବୋଲି ସେ ଉଲ୍ଲେଖ କରିଛନ୍ତି । ସେ ଦେଶର ନିଜ ଉପରେ ବିଶ୍ୱାସ ବିଷୟରେ ମଧ୍ୟ କହିଥିଲେ ଏବଂ ଭାରତରେ ପ୍ରସ୍ତୁତ କରୋନା ଟୀକା ଭଳି ସଫଳତା ବିଷୟରେ ଉଲ୍ଲେଖ କରିଥିଲେ, ଯେଉଁଥିରେ ପୁଣେ ଏକ ପ୍ରମୁଖ ଭୂମିକା ଗ୍ରହଣ କରିଥିଲା ।

ସେ ମଧ୍ୟ ଭାରତୀୟଙ୍କ କଠିନ ପରିଶ୍ରମ ଏବଂ ଅଖଣ୍ଡତା ଉପରେ ବିଶ୍ୱାସର ଚିହ୍ନ ଭାବରେ ମୁଦ୍ରା ଯୋଜନା ଅଧୀନରେ ବନ୍ଧକମୁକ୍ତ ଋଣ ବିଷୟରେ କହିଥିଲେ । ସେହିଭଳି, ଅଧିକାଂଶ ସେବା ବର୍ତ୍ତମାନ ମୋବାଇଲରେ ଉପଲବ୍ଧ ଏବଂ ଲୋକମାନେ ସେମାନଙ୍କର ତଥ୍ୟ ଗୁଡ଼ିକୁ ସ୍ୱ- ପ୍ରମାଣୀକରଣ କରି ପାରିବେ । ସେ ଆହୁରି ମଧ୍ୟ ଗୁରୁତ୍ୱାରୋପ କରିଛନ୍ତି ଯେ , ଏହି ବାଣିଜ୍ୟ ଅଧଶେଷ କାରଣରୁ ସ୍ୱଚ୍ଛତା ଅଭିଯାନ ଏବଂ ବେଟି ବଚାଓ – ବେଟି ପଢ଼ାଓ ଏକ ଜନ ଆନ୍ଦୋଳନରେ ପରିଣତ ହୋଇ ଯାଇଛି । ଏସବୁ ଦେଶରେ ଏକ ସକାରାତ୍ମକ ବାତାବରଣ ସୃଷ୍ଟି କରୁଛି ବୋଲି ସେ କହିଛନ୍ତି ।

ଯେତେବେଳେ ପ୍ରଧାନମନ୍ତ୍ରୀ ଲାଲ୍ କିଲ୍ଲାରୁ ତାଙ୍କ ସମ୍ବୋଧନ ସମୟରେ ଗ୍ୟାସ ଉପରେ ମିଳୁଥିବା ରିହାତି ଛାଡି ପାରିବେ ବୋଲି ଆହ୍ୱାନ ଦେଇଥିଲେ, ତାହା ପରେ ଲକ୍ଷ ଲକ୍ଷ ଲୋକ ଗ୍ୟାସ ସବସିଡି ଛାଡି ଦେଇଥିବା ସମ୍ପର୍କରେ ସେ ମନେ ପକାଇଥିଲେ । ସେ ସୂଚନା ଦେଇଛନ୍ତି ଯେ ଅନେକ ଦେଶ ଉପରେ ଏକ ସର୍ଭେ କରାଯାଇଥିଲା ଯେଉଁଥିରେ ଜଣା ପଡିଛି, ଭାରତରେ ସରକାରଙ୍କ ଉପରେ ସର୍ବାଧିକ ବିଶ୍ୱାସ ରହିଛି । ଶ୍ରୀ ମୋଦୀ ଗୁରୁତ୍ୱାରୋପ କରିଛନ୍ତି ଯେ ଜନସାଧାରଣଙ୍କ ବିଶ୍ୱାସ ବୃଦ୍ଧି ଭାରତର ଲୋକଙ୍କ ପାଇଁ ପ୍ରଗତିର ମାଧ୍ୟମ ପାଲଟିଛି ।

ସମ୍ବୋଧନକୁ ସମାପ୍ତ କରି ପ୍ରଧାନମନ୍ତ୍ରୀ ସୂଚାଇ ଦେଇଛନ୍ତି ଯେ ସ୍ୱାଧୀନତାର ୭୫ ବର୍ଷ ପରେ ଦେଶ ଅମୃତ କାଳକୁ କର୍ତ୍ତବ୍ୟ କାଳ ଭାବରେ ଦେଖୁଛି , ଯେଉଁଠାରେ ପ୍ରତ୍ୟେକ ନାଗରିକ ଦେଶର ସ୍ୱପ୍ନ ଏବଂ ସଂକଳ୍ପକୁ ଦୃଷ୍ଟିରେ ରଖି ନିଜ ସ୍ତରରୁ କାର୍ଯ୍ୟ କରୁଛନ୍ତି । ପ୍ରଧାନମନ୍ତ୍ରୀ କହିଛନ୍ତି, ସେଥିପାଇଁ ଆଜି ବିଶ୍ୱ ମଧ୍ୟ ଭାରତରେ ଭବିଷ୍ୟତକୁ ଦେଖୁଛି କାରଣ ଆଜିର ଆମର ପ୍ରୟାସ ସମଗ୍ର ମାନବିକତା ପାଇଁ ଏକ ନିଶ୍ଚିତତା ପାଲଟିଛି । ପ୍ରଧାନମନ୍ତ୍ରୀ କହିଛନ୍ତି ଯେ ନାଗରିକମାନେ ନିଶ୍ଚିତ ଭାବରେ ଏକ ଦୃଢ଼ ତଥା ସମୃଦ୍ଧ ଭାରତର ସ୍ୱପ୍ନକୁ ଲୋକମାନ୍ୟ ତିଳକଙ୍କ ଚିନ୍ତାଧାରା ଏବଂ ଆଶୀର୍ବାଦର ଶକ୍ତିରେ ପରିଣତ କରିବେ । ପ୍ରଧାନମନ୍ତ୍ରୀ ଆତ୍ମବିଶ୍ୱାସ ବ୍ୟକ୍ତ କରିଛନ୍ତି ଯେ ଲୋକମାନ୍ୟ ତିଳକଙ୍କ ଆଦର୍ଶ ସହିତ ଲୋକଙ୍କୁ ଯୋଡିବାରେ ହିନ୍ଦ ସ୍ୱରାଜ ସଂଗଠନ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ଚାଲିବ ।

ଏଡି କାର୍ଯ୍ୟକ୍ରମରେ ମହାରାଷ୍ଟ୍ରର ରାଜ୍ୟପାଳ ଶ୍ରୀ ରମେଶ ବ୍ୟାସ, ମହାରାଷ୍ଟ୍ରର ମୁଖ୍ୟମନ୍ତ୍ରୀ ଶ୍ରୀ ଏକନାଥ ସିନ୍ଦେ, ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଶ୍ରୀ ଦେବେନ୍ଦ୍ର ଫଡନାଭିସ୍ ଏବଂ ସଂସଦର ସଦସ୍ୟ ଶ୍ରୀ ଅଜିତ ପାୱାର, ତିଳକ ସ୍ମାରକ ଟ୍ରଷ୍ଟର ସଭାପତି ଡଃ ଦୀପକ ତିଳକ, ତିଳକ ସ୍ମାରକ ଟ୍ରଷ୍ଟର ଉପ ସଭାପତି ଡଃ ରୋହିତ ତିଳକ ଏବଂ ତିଳକ ସ୍ମାରକ ଟ୍ରଷ୍ଟର ଟ୍ରଷ୍ଟି ଶ୍ରୀ ସୁଶୀଲ କୁମାର ସିନ୍ଦେ ପ୍ରମୁଖ ଉପସ୍ଥିତ ଥିଲେ ।

ପୃଷ୍ଠଭୂମି

ଲୋକମାନ୍ୟ ତିଳକଙ୍କ ପରମ୍ପରାକୁ ସମ୍ମାନ ଜଣାଇବା ପାଇଁ ୧୯୮୩ ମସିହାରେ ତିଳକ ସ୍ମାରକ ମନ୍ଦିର ଟ୍ରଷ୍ଟ ଦ୍ୱାରା ଏହି ପୁରସ୍କାର ଗଠନ କରାଯାଇଥିଲା । ଜାତିର ପ୍ରଗତି ଏବଂ ବିକାଶ ପାଇଁ କାର୍ଯ୍ୟ କରିଥିବା ଏବଂ ଯାହାର ଅବଦାନ କେବଳ ଉଲ୍ଲେଖନୀୟ ଏବଂ ଅସାଧାରଣ ହୋଇଥିବ , ସେହିଭଳି ଲୋକ ମାନଙ୍କୁ ଏହା ପ୍ରଦାନ କରାଯାଇଥାଏ । ଏହା ପ୍ରତି ବର୍ଷ ଅଗଷ୍ଟ ୧ ରେ – ଲୋକମାନ୍ୟ ତିଳକଙ୍କ ମୃତ୍ୟୁ ବାର୍ଷିକୀରେ ପ୍ରଦାନ କରାଯାଇଥାଏ ।

ପ୍ରଧାନମନ୍ତ୍ରୀ ଏହି ପୁରସ୍କାରର ୪୧ ତମ ପ୍ରାପ୍ତକର୍ତ୍ତା ହୋଇଛନ୍ତି । ଏହା ପୂର୍ବରୁ ଡଃ ଶଙ୍କର ଦୟାଲ ଶର୍ମା, ଶ୍ରୀ ପ୍ରଣବ ମୁଖାର୍ଜୀ, ଶ୍ରୀ ଅଟଳ ବିହାରୀ ବାଜପେୟୀ, ଶ୍ରୀମତୀ ଇନ୍ଦିରା ଗାନ୍ଧୀ, ଡଃ ମନମୋହନ ସିଂହ, ଶ୍ରୀ ଏନ୍ ଆର୍ ନାରାୟଣ ମୂର୍ତ୍ତି, ଡଃ ଶ୍ରୀଧରନ୍‌ଙ୍କ ଭଳି ପ୍ରମୁଖ ବ୍ୟକ୍ତି ବିଶେଷଙ୍କୁ ଏହା ପ୍ରଦାନ କରାଯାଇଛି ।

Categories
ଆଜିର ଖବର ଜାତୀୟ ଖବର

ମହାରାଷ୍ଟ୍ରର ଶାହପୁରରେ ଘଟିଥିବା ଦୁଃଖଦ ଦୁର୍ଘଟଣାରେ ଜୀବନ ହାନି ପାଇଁ ପ୍ରଧାନମନ୍ତ୍ରୀଙ୍କ ଶୋକ

ନୂଆଦିଲ୍ଲୀ: ମହାରାଷ୍ଟ୍ରର ଶାହପୁରରେ ଘଟିଥିବା ଦୁଃଖଦ ଦୁର୍ଘଟଣାରେ ଜୀବନ ହାନି ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକବ୍ୟକ୍ତ କରିଛନ୍ତି।

ପ୍ରଧାନମନ୍ତ୍ରୀ ପିଏମଏନଆରଏଫରୁ ପ୍ରତି ମୃତକଙ୍କ ପରିବାରକୁ ୨ ଲକ୍ଷ ଟଙ୍କାର ଅନୁକମ୍ପାମୂଳକ ରାଶି ଏବଂ ଆହତଙ୍କ ପାଇଁ ୫୦ ହଜାର ଟଙ୍କା ଲେଖାଏ ସହାୟତା ପ୍ରଦାନ ନିମନ୍ତେ ଘୋଷଣା କରିଛନ୍ତି।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟୁଇଟ୍ କରି କୁହାଯାଇଛି ଯେ, ‘ମହାରାଷ୍ଟ୍ରର ଶାହପୁରରେ ଘଟିଥିବା ଦୁଃଖଦ ଦୁର୍ଘଟଣାରେ ମର୍ମାହତ। ପ୍ରାଣ ହରାଇଥିବା ବ୍ୟକ୍ତିଙ୍କ ପରିବାରକୁ ମୋର ସମବେଦନା। ଆହତ ଶୀଘ୍ର ସୁସ୍ଥତା ପାଇଁ ପ୍ରାର୍ଥନା କରୁଛୁ। ଏନଡିଆରଏଫ୍ ଏବଂ ସ୍ଥାନୀୟ ପ୍ରଶାସନ ଦୁର୍ଘଟଣାସ୍ଥଳରେ କାର୍ଯ୍ୟ କରୁଛନ୍ତି ଏବଂ ପୀଡ଼ିତଙ୍କୁ ସମସ୍ତ ସହାୟତା ନିଶ୍ଚିତ କରିବା ଦିଗରେ ସବୁ ପ୍ରକାର ପଦକ୍ଷେପ ନିଆଯାଉଛି।’

Categories
ଆଜିର ଖବର ଜାତୀୟ ଖବର

ବିଦେଶରେ ସ୍ଥାନ ଖୋଜୁଛନ୍ତି ପିଏମ ମୋଦୀ, ସେଠାରେ ଉପଭୋଗ କରିବେ ପିଜା-ମୋମୋ’: ଲାଲୁଙ୍କ କଟାକ୍ଷ

ନୂଆଦିଲ୍ଲୀ: ରାଷ୍ଟ୍ରିୟ ଜନତା ଦଳ ସୁପ୍ରିମୋ ଲାଲୁ ପ୍ରସାଦ ଯାଦବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଟାକ୍ଷ କରିଛନ୍ତି। ସେ କହିଛନ୍ତି ଯେ, ଆସନ୍ତା ଲୋକସଭା ନିର୍ବାଚନରେ ​​ପରାଜୟକୁ ନେଇ ସେ ଚିନ୍ତିତ ଅଛନ୍ତି ତେଣୁ ସେ ବିଦେଶରେ ସ୍ଥାନ ଖୋଜୁଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କ ବିଦେଶ ଗସ୍ତ ସମ୍ପର୍କରେ ସେ ଆହୁରି ମଧ୍ୟ କହିଛନ୍ତି ଯେ, ବିଦେଶ ଯିବାକୁ ପ୍ରଧାନମନ୍ତ୍ରୀ ମୋଦୀ ଯୋଜନା କରୁଛନ୍ତି, ତେଣୁ ସେ ବାରମ୍ବାର ବିଦେଶ ଯାତ୍ରା କରୁଛନ୍ତି।

ଆଜି ଲାଲୁ ପ୍ରସାଦ ବିହାର ସରକାରରେ ତାଙ୍କ ବଡ଼ପୁଅ ତଥା ମନ୍ତ୍ରୀ ତେଜ ପ୍ରତାପ ଯାଦବଙ୍କ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ, ଯେଉଁଠାରେ ସେ ଆଗାମୀ ଲୋକସଭା ନିର୍ବାଚନ ଏବଂ ମଣିପୁର ପ୍ରସଙ୍ଗରେ କେନ୍ଦ୍ର ସରକାରଙ୍କୁ ଆକ୍ରମଣ କରିଥିଲେ।

Categories
ଆଜିର ଖବର ଜାତୀୟ ଖବର

ଅଗଷ୍ଟ ୧ ତାରିଖରେ ପୁଣେ ଗସ୍ତରେ ଯିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଗଷ୍ଟ ୧ ତାରିଖରେ ମହାରାଷ୍ଟ୍ରର ପୁଣେ ଗସ୍ତ କରିବେ। ପୂର୍ବାହ୍ନ ପ୍ରାୟ ୧୧ ଟା ସମୟରେ ପ୍ରଧାନମନ୍ତ୍ରୀ ଦାଗଦୁଶେଠ ମନ୍ଦିରରେ ଦର୍ଶନ ଏବଂ ପୂଜାର୍ଚ୍ଚନା କରିବେ। ପୂର୍ବାହ୍ନ ୧୧: ୪୫ ରେ ତାଙ୍କୁ ଲୋକମାନ୍ୟ ତିଲକ ଜାତୀୟ ପୁରସ୍କାର ପ୍ରଦାନ କରାଯିବ। ଏହା ପରେ, ପୂର୍ବାହ୍ନ ୧୨: ୪୫ ରେ ପ୍ରଧାନମନ୍ତ୍ରୀ ମେଟ୍ରୋ ଟ୍ରେନ୍ ଗୁଡିକୁ ପତାକା ଦେଖାଇ ଚଳାଚଳ ଆରମ୍ଭ କରିବେ ଏବଂ ବିଭିନ୍ନ ବିକାଶମୂଳକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ।

ପୁଣେ ମେଟ୍ରୋର ପ୍ରଥମ ପର୍ଯ୍ୟାୟର ଦୁଇଟି କରିଡରର କାର୍ଯ୍ୟ ସଂପୂର୍ଣ୍ଣ ହେବା ଅବସରରେ ଉଦଘାଟନ ଉତ୍ସବରେ ପ୍ରଧାନମନ୍ତ୍ରୀ ମେଟ୍ରୋ ଟ୍ରେନଗୁଡ଼ିକୁ ପତାକା ଦେଖାଇ ଶୁଭାରମ୍ଭ କରିବେ। ଏହି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ମଧ୍ୟ ପ୍ରଧାନମନ୍ତ୍ରୀଙ୍କ ଦ୍ୱାରା ୨୦୧୬ ରେ ହୋଇଥିଲା। ନୂତନ ସେକ୍ସନଗୁଡିକ ପୁଣେ ସହରର ଶିବାଜୀ ନଗର, ସିଭିଲ୍ କୋର୍ଟ, ପୁଣେ ମ୍ୟୁନିସିପାଲିଟି କର୍ପୋରେସନ୍ କାର୍ଯ୍ୟାଳୟ, ପୁଣେ ଆରଟିଓ ଏବଂ ପୁଣେ ରେଳ ଷ୍ଟେସନ୍ ଭଳି ଗୁରୁତ୍ୱପୂର୍ଣ୍ଣ ସ୍ଥାନଗୁଡ଼ିକୁ ସଂଯୋଗ କରିବ। ନାଗରିକମାନଙ୍କୁ ସମଗ୍ର ଦେଶରେ ସହରାଞ୍ଚଳ ପରିବହନ ବ୍ୟବସ୍ଥାରେ ଆଧୁନିକ ଏବଂ ପରିବେଶ ଅନୁକୂଳ ପରିବହନ ବ୍ୟବସ୍ଥା ଯୋଗାଇବା ପାଇଁ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ହାସଲ କରିବା ଦିଗରେ ଏହି ଉଦଘାଟନ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।

ଏହି ମାର୍ଗରେ ଥିବା କେତେକ ମେଟ୍ରୋ ଷ୍ଟେସନର ଡିଜାଇନ୍ ଛତ୍ରପତି ଶିବାଜୀ ମହାରାଜଙ୍କଠାରୁ ପ୍ରେରଣା ପାଇଛି। ଛତ୍ରପତି ସାମ୍ୱାଜୀ ଉଦୟନ୍ ମେଟ୍ରୋ ଷ୍ଟେସନ୍ ଏବଂ ଡେକାନ୍ ଜିମଖାନା ମେଟ୍ରୋ ଷ୍ଟେସନରେ ଛତ୍ରପତି ଶିବାଜୀ ମହାରାଜଙ୍କ ସୈନିକମାନେ ପିନ୍ଧିଥିବା ଟୋପି ସଦୃଶ ଏକ ନିଆରା ଡିଜାଇନ୍ ରହିଛି – ଯାହାକି “ମାଭାଲା ପଗଡି” ଭାବରେ ମଧ୍ୟ ଜଣାଶୁଣା। ଶିବାଜୀ ନଗର ଭୂତଳ ମେଟ୍ରୋ ଷ୍ଟେସନରେ ଏକ ସ୍ୱତନ୍ତ୍ର ଡିଜାଇନ୍ ରହିଛି ଯାହା ଛତ୍ରପତି ଶିବାଜୀ ମହାରାଜଙ୍କ ଦ୍ୱାରା ର୍ନିମିତ ଦୁର୍ଗକୁ ମନେ ପକାଇଥାଏ।

ଅନ୍ୟ ଏକ ଅନନ୍ୟ ବୈଶିଷ୍ଟ୍ୟ ହେଉଛି ସିଭିଲ୍ କୋର୍ଟ ମେଟ୍ରୋ ଷ୍ଟେସନ୍ ଦେଶର ସବୁଠାରୁ ଗଭୀର ମେଟ୍ରୋ ଷ୍ଟେସନ୍ ମଧ୍ୟରୁ ଅନ୍ୟତମ; ୩୩.୧ ମିଟରରେ ଗଭୀରତମ ସ୍ଥାନ। ଷ୍ଟେସନ ଛାତ ଏପରି ଭାବରେ ନିର୍ମାଣ ହୋଇଛି ଯେ ପ୍ଲାଟଫର୍ମରେ ସିଧାସଳଖ ସୂର୍ଯ୍ୟକିରଣ ପଡିଥାଏ।

ପ୍ରଧାନମନ୍ତ୍ରୀ ପିମ୍ପ୍ରି ଚିଞ୍ଚାୱାଡ ମ୍ୟୁନିସିପାଲିଟି କର୍ପୋରେସନ (ପିସିଏମସି) ଅଧୀନରେ ଥିବା ବର୍ଜ୍ୟରୁ ଶକ୍ତି କାରଖାନାର ଉଦଘାଟନ କରିବେ। ପ୍ରାୟ ୩୦୦ କୋଟି ଟଙ୍କା ବ୍ୟୟରେ ବିକଶିତ ହୋଇଥିବା ଏହି କାରଖାନା ବାର୍ଷିକ ପ୍ରାୟ ୨.୫ ଲକ୍ଷ ଟନ୍‍ ବର୍ଜ୍ୟବସ୍ତୁ ବ୍ୟବହାର କରି ବିଦ୍ୟୁତ ଉତ୍ପାଦନ କରିବ।

ସମସ୍ତଙ୍କ ପାଇଁ ଗୃହ ର୍ନିମାଣ ଲକ୍ଷ୍ୟକୁ ଆଗକୁ ନେଇ ପ୍ରଧାନମନ୍ତ୍ରୀ ପିସିଏମସି ଦ୍ୱାରା ପ୍ରଧାନ ମନ୍ତ୍ରୀ ଆବାସ ଯୋଜନା ଅଧୀନରେ ର୍ନିମିତ ୧୨୮୦ ରୁ ଅଧିକ ଘର ହସ୍ତାନ୍ତର କରିବେ। ସେ ପୁଣେ ମ୍ୟୁନିସିପାଲିଟି କର୍ପୋରେସନ୍ ଦ୍ୱାରା ର୍ନିମିତ ୨୬୫୦ ରୁ ଅଧିକ ପିଏମଏୱାଇ ଘର ମଧ୍ୟ ହସ୍ତାନ୍ତର କରିବେ। ଆହୁରି ମଧ୍ୟ, ପ୍ରଧାନମନ୍ତ୍ରୀ ପିସିଏମସି ଦ୍ୱାରା ର୍ନିମିତ ହେବାକୁ ଥିବା ପ୍ରାୟ ୧୧୯୦ ପିଏମଏୱାଇ ଘର ଏବଂ ପୁଣେ ମେଟ୍ରୋପଲିଟାନ ରିଜିଅନ ଡେଭଲପମେଣ୍ଟ ଅଥରିଟୀ ଦ୍ୱାରା ର୍ନିମିତ ୬୪୦୦ ରୁ ଅଧିକ ଘରରର ଭିତ୍ତିପ୍ରସ୍ତର ସ୍ଥାପନ କରିବେ।

ପ୍ରଧାନମନ୍ତ୍ରୀଙ୍କୁ ଲୋକମାନ୍ୟ ତିଲକ ଜାତୀୟ ପୁରସ୍କାର ପ୍ରଦାନ କରାଯିବ। ଲୋକମାନ୍ୟ ତିଲକଙ୍କ ଉତ୍ତରାଧିକାରୀଙ୍କୁ ସମ୍ମାନ ଜଣାଇବା ପାଇଁ ୧୯୮୩ ମସିହାରେ ତିଲକ ସ୍ମାରକ ମନ୍ଦିର ଟ୍ରଷ୍ଟ ଦ୍ୱାରା ଏହି ପୁରସ୍କାର ଗଠନ କରାଯାଇଥିଲା । ଜାତିର ପ୍ରଗତି ଏବଂ ବିକାଶ ପାଇଁ ଉଲ୍ଲେଖନୀୟ ଏବଂ ଅସାଧାରଣ ଭାବରେ କାର୍ଯ୍ୟ କରିଥିବା ଏବଂ ଅବଦାନ ରଖିଥିବା ଲୋକଙ୍କୁ ଏହି ପୁରସ୍କାର ପ୍ରଦାନ କରାଯାଇଥାଏ। ଏହା ପ୍ରତିବର୍ଷ ଅଗଷ୍ଟ ୧ – ଲୋକମାନ୍ୟ ତିଲକଙ୍କ ମୃତ୍ୟୁ ବାର୍ଷିକୀରେ ପ୍ରଦାନ କରାଯାଏ।

ପ୍ରଧାନମନ୍ତ୍ରୀ ପୁରସ୍କାରର ୪୧ ତମ ଗ୍ରହଣକାରୀ ହେବେ। ଏହା ପୂର୍ବରୁ ଅନ୍ୟମାନଙ୍କ ମଧ୍ୟରେ ଡକ୍ଟର ଶଙ୍କର ଦୟାଲ ଶର୍ମା, ପ୍ରଣବ ମୁଖାର୍ଜୀ, ଅଟଳ ବିହାରୀ ବାଜପେୟୀ, ଇନ୍ଦିରା ଗାନ୍ଧୀ, ଡକ୍ଟର ମନମୋହନ ସିଂହ, ଏନ ଆର ନାରାୟଣ ମୁର୍ତ୍ତୀ, ଡକ୍ଟର ଇ ଶ୍ରୀଧରନ୍‌ଙ୍କୁ ଏହି ପୁରସ୍କାର ପ୍ରଦାନ କରାଯାଇଛି।

Categories
ଆଜିର ଖବର ଜାତୀୟ ଖବର

ତାମିଲନାଡ଼ୁର କୃଷ୍ଣଗିରି ବାଣ ଫ୍ୟାକ୍ଟ୍ରି ଦୁର୍ଘଟଣାରେ ମୃତକଙ୍କ ପାଇଁ ପ୍ରଧାନମନ୍ତ୍ରୀଙ୍କ ଶୋକ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାମିଲନାଡ଼ୁର କୃଷ୍ଣଗିରିରେ ଏକ ବାଣ ଫ୍ୟାକ୍ଟ୍ରିରେ ଘଟିଥିବା ଦୁର୍ଘଟଣାରେ ମୃତକଙ୍କ ପାଇଁ ଶୋକବ୍ୟକ୍ତ କରିଛନ୍ତି। ସେ ମୃତକଙ୍କ ପରିବାରକୁ ପିଏମଏନଆରଏଫରୁ ୨ ଲକ୍ଷ ଟଙ୍କା ଲେଖାଏ ଏବଂ ଆହତଙ୍କ ପାଇଁ ୫୦ ହଜାର ଟଙ୍କା ଲେଖାଏ ସହାୟତା ରାଶି ଘୋଷଣା କରିଛନ୍ତି।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟୁଇଟ୍ କରି କୁହାଯାଇଛି ଯେ, ‘ତାମିଲନାଡ଼ୁର କୃଷ୍ଣଗିରିରେ ଏକ ବାଣ ଫ୍ୟାକ୍ଟ୍ରିରେ ଘଟିଥିବା ଦୁର୍ଘଟଣାରେ ବହୁତ ମୂଲ୍ୟବାନ ଜୀବନ ଯାଇଥିବାରୁ ମର୍ମାହତ। ଏପରି ଅତ୍ୟନ୍ତ କଠିନ ସମୟରେ ପୀଡ଼ିତଙ୍କ ପରିବାର ସହ ମୋର ସମବେଦନା ଏବଂ ପ୍ରାର୍ଥନା ରହିଛି। ଆହତମାନେ ଖୁବଶୀଘ୍ର ଠିକ୍ ହୋଇଯାଆନ୍ତୁ।

ପିଏମଏନଆରଏଫରୁ ପ୍ରତ୍ୟେକ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଅନୁକମ୍ପାମୂଳକ ସହାୟତା ଏବଂ ଆହତଙ୍କୁ ୫୦ ହଜାର ଟଙ୍କା ଲେଖାଏ ପ୍ରଦାନ କରାଯିବ ବୋଲି ପ୍ରଧାନମନ୍ତ୍ରୀ ଘୋଷଣା କରିଛନ୍ତି।

Categories
ଆଜିର ଖବର ଜାତୀୟ ଖବର

ଅଖିଳ ଭାରତୀୟ ଶିକ୍ଷା ସମାଗମ ସ୍ଥଳରେ ପିଲାମାନଙ୍କ ସହ ସମୟ ବିତାଇଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଭାରତ ମଣ୍ଡପମ ଠାରେ ଅଖିଳ ଭାରତୀୟ ଶିକ୍ଷା ସମାଗମ ସ୍ଥିତ ବାଲ ବାଟିକାରେ ପିଲାମାନଙ୍କ ସହ ସମୟ ଅତିବାହିତ କରିଥିଲେ।

ପିଲାମାନଙ୍କ ସହ ସମୟ ଅତିବାହିତ କରିବା ଅତ୍ୟନ୍ତ ଆନନ୍ଦଦାୟକ ଏବଂ ଶକ୍ତିପ୍ରଦ ବୋଲି ସେ ଟୁଇଟ୍‍ କରିଛନ୍ତି।

“ନିଷ୍ପାପ ପିଲାମାନଙ୍କ ସହିତ କିଛି ମୁହୂର୍ତ୍ତର ଆନନ୍ଦ! ସେମାନଙ୍କର ଶକ୍ତି ଏବଂ ଉତ୍ସାହ ମନରେ ଖୁସି ଭରି ଦେଲା”।

Categories
ବିଶେଷ ଖବର

ଦିଲ୍ଲୀର ଭାରତ ମଣ୍ଡପମ୍‌ ଠାରେ ଅଖିଳ ଭାରତୀୟ ଶିକ୍ଷା ସମାଗମକୁ ଉଦଘାଟନ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ଦିଲ୍ଲୀର ଭାରତ ମଣ୍ଡପମ ଠାରେ ଅଖିଳ ଭାରତୀୟ ଶିକ୍ଷା ସମାଗମକୁ ଉଦଘାଟନ କରିଛନ୍ତି । ଜାତୀୟ ଶିକ୍ଷା ନୀତି ୨୦୨୦ର ତୃତୀୟ ବର୍ଷ ପୂର୍ତ୍ତି ଉପଲକ୍ଷେ ଏହି କାର୍ଯ୍ୟକ୍ରମ ଆୟୋଜନ କରାଯାଉଛି । ସେ ମଧ୍ୟ ପିଏମ୍‌ ଶ୍ରୀ ଯୋଜନାରେ ପ୍ରଥମ କିସ୍ତିର ପାଣ୍ଠି ଜାରି କରିଛନ୍ତି । ଦେଶର ୬୨୦୭ ବିଦ୍ୟାଳୟକୁ ପ୍ରଥମ କିସ୍ତିରେ ମୋଟ୍‌ ୬୩୦କୋଟି ଟଙ୍କା ଯୋଗାଇ ଦିଆଯାଇଛି । ସେ ମଧ୍ୟ ୧୨ଟି ଭାରତୀୟ ଭାଷାରେ ଅନୁବାଦ ହୋଇଥିବା ଶିକ୍ଷା ଓ ଦକ୍ଷତା ବିକାଶ ପାଠ୍ୟକ୍ରମକୁ ଉନ୍ମୋଚନ କରିଛନ୍ତି। ପ୍ରଧାନମନ୍ତ୍ରୀ ଏହି ଅବସରରେ ଆୟୋଜିତ ଏକ ପ୍ରଦର୍ଶନୀକୁ ମଧ୍ୟ ବୁଲି ଦେଖିଥିଲେ।

ସମାରୋହକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ, ଶିକ୍ଷାକୁ ପ୍ରାଥମିକତା ଦିଆଯିବା ଦ୍ୱାରା ଦେଶର ଭାଗ୍ୟ ବଦଳିପାରିବ। ‘‘ଏକବିଂଶ ଶତାବ୍ଦୀର ଭାରତ ଯେଉଁ ଲକ୍ଷ୍ୟ ନେଇ ଆଗକୁ ବଢ଼ୁଛି ତାହାକୁ ହାସଲ କରିବା କ୍ଷେତ୍ରରେ ଆମ ଶିକ୍ଷା ବ୍ୟବସ୍ଥାର ପ୍ରମୁଖ ଭୂମିକା ରହିଛି,’’ ପ୍ରଧାନମନ୍ତ୍ରୀ କହିଥିଲେ। ଅଖିଳ ଭାରତୀୟ ଶିକ୍ଷା ସମାଗମର ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ କହିଥିଲେ ଯେ ଶିକ୍ଷା ପାଇଁ ଆଲୋଚନା ଓ ବିଚାରବିମର୍ଶ ଜରୁରି । ଗତ ବର୍ଷ ବାରଣାସୀର ନବନିର୍ମିତ ରୁଦ୍ରାକ୍ଷ ସମ୍ମିଳନୀ କେନ୍ଦ୍ରରେ ଅଖିଳ ଭାରତୀୟ ଶିକ୍ଷା ସମାଗମ ଆୟୋଜନ କରାଯାଇଥିବା ବେଳେ ଚଳିତ ବର୍ଷ ନୂଆ କରି ନିର୍ମାଣ କରାଯାଇଥିବା ଭାରତ ମଣ୍ଡପମରେ ଅଖିଳ ଭାରତୀୟ ଶିକ୍ଷା ସମାଗମ ଆୟୋଜନ କରାଯିବା ଏକ ବିରଳ ସଂଯୋଗ । ଔପଚାରିକ ଭାବେ ଉଦଘାଟନ ହେବା ପରେ ଏହା ଭାରତ ମଣ୍ଡପମରେ ପ୍ରଥମ କାର୍ଯ୍ୟକ୍ରମ ବୋଲି ପ୍ରଧାନମନ୍ତ୍ରୀ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ କାଶୀର ରୁଦ୍ରାକ୍ଷ ଠାରୁ ଆରମ୍ଭ କରି ଆଧୁନିକ ଭାରତ ମଣ୍ଡପମ ପର୍ଯ୍ୟନ୍ତ, ଅଖିଳ ଭାରତୀୟ ଶିକ୍ଷା ସମାଗମର ଯାତ୍ରାରେ ପ୍ରାଚୀନ ଓ ଆଧୁନିକତାର ମିଶ୍ରଣ ସମ୍ପର୍କରେ ଏକ ଲୁକ୍କାୟିତ ବାର୍ତ୍ତା ରହିଛି । ସେ କହିଥିଲେ ଯେ, ଗୋଟିଏ ପଟେ ଭାରତର ଶିକ୍ଷା ବ୍ୟବସ୍ଥା ଦେଶର ପ୍ରାଚୀନ ପରମ୍ପରାକୁ ସଂରକ୍ଷିତ କରୁଥିବା ବେଳେ ଅନ୍ୟପଟେ ବିଜ୍ଞାନ ଓ କାରିଗରୀ କ୍ଷେତ୍ରରେ ଭାରତ ଦ୍ରୁତ ଗତିରେ ଆଗକୁ ବଢ଼ୁଛି । ବର୍ତ୍ତମାନ ସୁଦ୍ଧା ହୋଇଥିବା ଅଗ୍ରଗତିରେ ଶିକ୍ଷା କ୍ଷେତ୍ର ପାଇଁ ଯୋଗଦାନ ଦେଇଥିବା ଲୋକମାନଙ୍କୁ ପ୍ରଧାନମନ୍ତ୍ରୀ ଅଭିନନ୍ଦନ ଜଣାଇଥିଲେ । ଆଜି ଜାତୀୟ ଶିକ୍ଷା ନୀତିର ତୃତୀୟ ବର୍ଷ ପୂର୍ତ୍ତି ଉପଲକ୍ଷେ ପ୍ରଧାନମନ୍ତ୍ରୀ କହିଥିଲେ ଯେ, ଏହି ନୀତିକୁ ପ୍ରସ୍ତୁତ କରୁଥିବା ବୁଦ୍ଧିଜୀବୀ, ଶିକ୍ଷାବିତ୍‌ ଓ ଶିକ୍ଷକମାନେ ଧନ୍ୟବାଦର ପାତ୍ର । ଶିକ୍ଷା ନୀତିକୁ ଏକ ଲକ୍ଷ୍ୟ ଭାବେ ଗ୍ରହଣ କରିବା ଏବଂ ଏହାର ବ୍ୟାପକ ପ୍ରଗତି ଦିଗରେ ଯୋଗଦାନ ଦେବା ପାଇଁ ପ୍ରଧାନମନ୍ତ୍ରୀ ସେମାନଙ୍କୁ ଧନ୍ୟବାଦ ଜଣାଇଥିଲେ । ଏହି ଅବସରରେ ଆୟୋଜିତ ପ୍ରଦର୍ଶନୀ ସମ୍ପର୍କରେ ମତବ୍ୟକ୍ତ କରି ପ୍ରଧାନମନ୍ତ୍ରୀ କହିଥିଲେ, ଏଠାରେ ଦକ୍ଷତା, ଶିକ୍ଷା ଏବଂ ଅଭିନବ ଜ୍ଞାନକୌଶଳ ପ୍ରଦର୍ଶିତ ହୋଇଛି । ସେ ଦେଶରେ ଶିକ୍ଷା ଏବଂ ବିଦ୍ୟାଳୟ ଶିକ୍ଷାର ପରବର୍ତ୍ତିତ ରୂପ ବିଷୟରେ ଉଲ୍ଲେଖ କରିଥିଲେ ଯେଉଁଠି ଛୋଟ ପିଲାମାନଙ୍କର ଚପଳ ଅନୁଭବ ମାଧ୍ୟମରେ ଶିଖୁଛନ୍ତି ଏବଂ ସେ ଏହାକୁ ନେଇ ଆଶାବାଦ ମଧ୍ୟ ବ୍ୟକ୍ତ କରିଥିଲେ । ଅତିଥିମାନେ ଏହି ପ୍ରଦର୍ଶନୀକୁ ଅବଲୋକନ କରିବା ଉଚିତ୍‌ ବୋଲି ସେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ, ଯୁଗାନ୍ତକାରୀ ପରିବର୍ତ୍ତନରେ କିଛି ସମୟ ଲାଗିଥାଏ। ଏନଇପିର ଉଦଘାଟନ ସମୟର ବିଶାଳ କାନଭାସକୁ ସ୍ମରଣ କରି ପ୍ରଧାନମନ୍ତ୍ରୀ ସବୁ ଅଂଶୀଦାରମାନଙ୍କୁ ସମର୍ପଣ ଓ ନୂଆ ଅବଧାରଣାକୁ ଆପଣାଇବା ଲାଗି ଇଚ୍ଛାକୁ ପ୍ରଶଂସା କରିଥିଲେ । ସେ କହିଥିଲେ, ଏନଇପିରେ ପାରମ୍ପରିକ ଜ୍ଞାନ ଓ ଭବିଷ୍ୟତର ପ୍ରଯୁକ୍ତିକୁ ସମାନ ଗୁରୁତ୍ୱ ଦିଆଯାଇଛି । ପ୍ରାଥମିକ ଶିକ୍ଷାରେ ନୂଆ ପାଠ୍ୟକ୍ରମ, ଆଞ୍ଚଳିକ ଭାଷାରେ ପୁସ୍ତକ, ଉଚ୍ଚ ଶିକ୍ଷା ପାଇଁ ଓ ଦେଶରେ ଗବେଷଣା ଇକୋସିଷ୍ଟମକୁ ସୁଦୃମ କରିବା ଲାଗି ଶିକ୍ଷା ଜଗତର ଅଂଶୀଦାରଙ୍କ କଠିନ ପରିଶ୍ରମ ବିଷୟରେ ସେ ଉଲ୍ଲେଖ କରିଥିଲେ । ସେ କହିଥିଲେ ଯେ ଏବେ ଛାତ୍ରଛାତ୍ରୀ ବୁଝିପାରିଛନ୍ତି ଯେ ୧୦+୨ ବ୍ୟବସ୍ଥା ସ୍ଥାନରେ ଏବେ ୫+୩+୩+୪ ବ୍ୟବସ୍ଥା ଲାଗୁ ହୋଇଛି । ସାରା ଦେଶରେ ଏକ ସମାନ ବ୍ୟବସ୍ଥା ଆଣି ୩ ବର୍ଷର ବୟସରୁ ଶିକ୍ଷା ଆରମ୍ଭ ହେବ । ଶ୍ରୀ ମୋଦୀ ଏହି ଅବସରରେ ସୂଚନା ଦେଇଥିଲେ ଯେ ସଂସଦରେ ଜାତୀୟ ଗବେଷଣା ଫାଉଣ୍ଡେସନ ବିଲ୍‌ ଉପସ୍ଥାପନ କରିବାକୁ କେନ୍ଦ୍ର ମନ୍ତ୍ରିମଣ୍ଡଳ ମଞ୍ଜୁର କରିଛି । ଏନଇପି ଅଧୀନରେ ଜାତୀୟ ପାଠ୍ୟ ଭିତ୍ତିଭୂମି ଖୁବଶୀଘ୍ର ଆଗକୁ ଆସିବ । ୩-୮ ବର୍ଷର ଛାତ୍ରଛାତ୍ରୀଙ୍କ ପାଇଁ ରୂପରେଖ ପ୍ରସ୍ତୁତ କରାଯାଇଛି । ସାରା ଦେଶରେ ଏକ ସମାନ ପାଠ୍ୟକ୍ରମ ପ୍ରଚଳନ କରାଯିବ ଏବଂ ଏନସିଇଆରଟି ଏଥିପାଇଁ ନୂଆ ପାଠ୍ୟକ୍ରମର ପୁସ୍ତକ ପ୍ରସ୍ତୁତ କରୁଛି । ପ୍ରଧାନମନ୍ତ୍ରୀ କହିଥିଲେ ଯେ ଆଞ୍ଚଳିକ ଭାଷାରେ ଶିକ୍ଷାଦାନ କରାଯାଉଥିବାରୁ ୨୨ଟି ବିଭିନ୍ନ ଭାଷାରେ ତୃତୀୟରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ୧୩୦ଟି ବିଭିନ୍ନ ବିଷୟରେ ନୂଆ ପୁସ୍ତକ ଆସିବାକୁ ଯାଉଛି ।

କ୍ଷମତା ପରିବର୍ତ୍ତେ ଭାଷା ଆଧାରରେ ଜଣେ ଛାତ୍ରର ପ୍ରତିଭାକୁ ଆକଳନ କରିବା ଯେକୌଣସି ଛାତ୍ର ପ୍ରତି ସବୁଠୁ ବଡ଼ ଅନ୍ୟାୟ ବୋଲି ପ୍ରଧାନମନ୍ତ୍ରୀ କହିଥିଲେ । ସେ କହିଥିଲେ, ‘‘ମାତୃଭାଷାରେ ଶିକ୍ଷାଦାନ ଭାରତର ଛାତ୍ରଛାତ୍ରୀଙ୍କ ପାଇଁ ନ୍ୟାୟର ଏକ ନୂଆ ସ୍ୱରୂପ ଆରମ୍ଭ କରୁଛି । ସାମାଜିକ ନ୍ୟାୟ ଦିଗରେ ଏହା ମଧ୍ୟ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।’’ ବିଶ୍ୱରେ ଭାଷାର ଅଧିକତା ଏବଂ ସେଗୁଡ଼ିକର ମହତ୍ୱକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ଆଲୋକପାତ କରି କହିଥିଲେ ଯେ ବିଶ୍ୱର ଅନେକ ବିକଶିତ ଦେଶକୁ ସେମାନଙ୍କ ଆଞ୍ଚଳିକ ଭାଷା କାରଣରୁ ପ୍ରଗତି ମିଳିପାରିଛି । ପ୍ରଧାନମନ୍ତ୍ରୀ ୟୁରୋପର ଉଦାହରଣ ଦେଇ କହିଥିଲେ ଯେ ଅଧିକାଂଶ ଦେଶ ନିଜର ମୂଳ ଭାଷାକୁ ଉପଯୋଗ କରିଥାନ୍ତି । ଭାରତରେ ପ୍ରତିଷ୍ଠିତ ଭାଷାର ଏକ ଶୃଙ୍ଖଳା ସମୂହ ରହିଛି, କିନ୍ତୁ ସେଗୁଡ଼ିକୁ ପଛୁଆପଣର ଏକ ସଙ୍କେତ ରୂପରେ ଉପସ୍ଥାପନ କରାଯାଇଛି । ଏହା ପରିତାପର ବିଷୟ ବୋଲି ପ୍ରଧାନମନ୍ତ୍ରୀ କହିଥିଲେ । ସେ ଆହୁରି କହିଥିଲେ, ଯେଉଁମାନେ ଇଂରାଜୀ କହିପାରିନାହାନ୍ତି, ସେମାନଙ୍କୁ ଉପେକ୍ଷା କରାଯାଇଛି ଏବଂ ସେମାନଙ୍କ ପ୍ରତିଭାକୁ ପରିଚୟ ମିଳିପାରିନାହିଁ । ପ୍ରଧାନମନ୍ତ୍ରୀ କହିଛନ୍ତି ଯେ ଏହାର ଫଳସ୍ୱରୂପ ଗ୍ରାମୀଣ କ୍ଷେତ୍ରର ପିଲାମାନେ ସବୁଠୁ ଅଧିକ ପ୍ରଭାବିତ ହୋଇଛନ୍ତି । ସେ ଜୋର ଦେଇ କହିଥିଲେ ଯେ ଦେଶ ଏବେ ଜାତୀୟ ଶିକ୍ଷା ନୀତିର ଉଦ୍ଭବ ସହିତ ଏହି ବିଶ୍ୱାସକୁ ଦୂରେଇ ଦେବା ଆରମ୍ଭ କରିଛି । ଶ୍ରୀ ମୋଦୀ କହିଥିଲେ ଯେ, ମିଳିତ ଜାତିସଂଘରେ ମଧ୍ୟ ମୁଁ ଭାରତୀୟ ଭାଷାରେ ହିଁ କଥା ହୋଇଥାଏ ।’’

ପ୍ରଧାନମନ୍ତ୍ରୀ ରେଖାଙ୍କିତ କରି କହିଥିଲେ ଯେ ସାମାଜିକ ବିଜ୍ଞାନ ଠାରୁ ଆରମ୍ଭ କରି ଇଞ୍ଜିନିୟରିଂ ପର୍ଯ୍ୟନ୍ତ ବିଷୟ ଏବେ ଭାରତୀୟ ଭାଷାରେ ପଢ଼ାଯିବ । ଶ୍ରୀ ମୋଦୀ କହିଥିଲେ, ‘‘ଯେତେବେଳେ ଛାତ୍ରଛାତ୍ରୀ ଏକ ଭାଷାରେ ଆତ୍ମବିଶ୍ୱାସୀ ହୋଇଥାନ୍ତି, ସେମାନଙ୍କର କୌଶଳ ଏବଂ ପ୍ରତିଭା ବିନା କୌଣସି ବାଧାରେ ବିକଶିତ ହୋଇଥାଏ।’’ ସେ ଆହୁରି କହିଥିଲେ, ଯେଉଁ ଲୋକମାନେ ନିଜ ସ୍ୱାର୍ଥ ପାଇଁ ଭାଷାର ରାଜନୀତିକରଣ କରିବା ପାଇଁ ଚେଷ୍ଟା କରିଥାନ୍ତି, ସେମାନଙ୍କୁ ଏବେ ନିଜର ଦୋକାନ ବନ୍ଦ କରିବାକୁ ହେବ । ସେ କହିଥିଲେ, ‘‘ଜାତୀୟ ଶିକ୍ଷା ନୀତି ଦେଶର ପ୍ରତ୍ୟେକ ଭାଷାକୁ ଉଚିତ୍‌ ସମ୍ମାନ ଓ ଶ୍ରେୟ ପ୍ରଦାନ କରିବ ।

ପ୍ରଧାନମନ୍ତ୍ରୀ କହିଥିଲେ ଯେ ଆମକୁ ଆଗାମୀ ୨୫ ବର୍ଷର ଅମୃତ କାଳରେ ଆମକୁ ଏକ ଊର୍ଜାବାନ ନୂଆପିଢ଼ି ଗଠନ କରିବାକୁ ହେବ, ଏପରି ଏକ ପିଢ଼ି ଯାହା ଗୋଲାମୀ ମାନସିକତାରୁ ମୁକ୍ତ ଥିବ, ନବସୃଜନ ପାଇଁ ଆଗ୍ରହୀ ଥିବ ଏବଂ କର୍ତ୍ତବ୍ୟ ଭାବନାରେ ପରିପୂର୍ଣ୍ଣ ରହିଥିବ ।’’ ଏଥିରେ ଏନଇପି ପ୍ରମୁଖ ଭୂମିକା ନିର୍ବାହ କରିବ ବୋଲି ସେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ, ଉନ୍ନତମାନର ଶିକ୍ଷା ବିଭିନ୍ନ ମାପଦଣ୍ଡ ମଧ୍ୟରୁ ଭାରତର ସବୁଠୁ ବଡ଼ ପ୍ରୟାସ ହେଉଛି ସମାନତା । ସେ କହିଥିଲେ, ‘‘ଏନଇପିର ପ୍ରାଥମିକତା ହେଉଛି ଭାରତର ପ୍ରତ୍ୟେକ ଯୁବପିଢ଼ିଙ୍କୁ ସମାନ ଶିକ୍ଷା ଓ ସମାନ ସୁଯୋଗ ପ୍ରଦାନ କରିବା’’ । ସେ ଏଥିପ୍ରତି ଜୋର ଦେଇ କହିଥିଲେ ଯେ, ଏହା କେବଳ ସ୍କୁଲ୍‌ ଖୋଲିବାରେ ସୀମିତ ନୁହେଁ । ଶିକ୍ଷା ସହିତ ସମ୍ବଳରେ ମଧ୍ୟ ସମାନତା ଅଣାଯିବା ଉଚିତ୍‌ । ଏହାର ଅର୍ଥ ହେଉଛି ପ୍ରତ୍ୟେକ ପିଲାକୁ ନିଜ ପସନ୍ଦ ଓ କ୍ଷମତା ଅନୁସାରେ ବିକଳ୍ପ ମିଳିବା ଉଚିତ୍‌ ବୋଲି ସେ କହିଥିଲେ । ‘‘ଶିକ୍ଷାରେ ସମାନତାର ଅର୍ଥ ହେଉଛି, ସ୍ଥାନ, ବର୍ଗ କିମ୍ବା ଧର୍ମ ଆଧାରରେ କେହି ଜଣେ ହେଲେ ପିଲା ଶିକ୍ଷାରୁ ବଞ୍ଚିତ ହେବା ଉଚିତ୍‌ ନୁହେଁ ।’’ ସେ କହିଥିଲେ, ପିଏମ ଶ୍ରୀ ଯୋଜନା ଅଧୀନରେ ହଜାର ହଜାର ବିଦ୍ୟାଳୟର ଉନ୍ନତିକରଣ କରାଯାଉଛି । ସେ କହିଥିଲେ, 5-ଜି ଯୁଗରେ ଆଧୁନିକ ବିଦ୍ୟାଳୟ ଆଧୁନିକ ଶିକ୍ଷାର ମାଧ୍ୟମ ପାଲଟିବେ । ଆଦିବାସୀ ଗାଁରେ ଇଣ୍ଟରନେଟ୍‌ ସୁବିଧା, ଏକଲବ୍ୟ ବିଦ୍ୟାଳୟ ଏବଂ ଦୀକ୍ଷା, ସ୍ୱୟଂ ଓ ସ୍ୱୟଂପ୍ରଭା ଭଳି ମାଧ୍ୟମ ଜରିଆରେ ଛାତ୍ରଛାତ୍ରୀ ଶିକ୍ଷା ହାସଲ କରୁଛନ୍ତି । ଭାରତ ଏବେ ଶିକ୍ଷା ପାଇଁ ଆବଶ୍ୟକ ସମ୍ବଳର ଅଭାବକୁ ପୂରଣ କରୁଛି ବୋଲି ପ୍ରଧାନମନ୍ତ୍ରୀ କହିଥିଲେ ।

ଧନ୍ଦାମୂଳକ ଶିକ୍ଷାକୁ ସାଧାରଣ ଶିକ୍ଷା ସହିତ ଏକୀକୃତ କରିବା ଲାଗି ପଦକ୍ଷେପ ଏବଂ ଶିକ୍ଷାକୁ ଅଧିକ ରୋଚକ ଓ ଇଣ୍ଟରଆକ୍ଟିଭ୍‌ କରିବା ପଦ୍ଧତି ଉପରେ ମଧ୍ୟ ପ୍ରଧାନମନ୍ତ୍ରୀ ଆଲୋକପାତ କରିଥିଲେ । ସେ କହିଥିଲେ ଯେ ପରୀକ୍ଷାଗାର ଏବଂ ପ୍ରାକ୍ଟିକାଲ ସୁବିଧା ପୂର୍ବରୁ ମାତ୍ର ଅଳ୍ପ କିଛି ବିଦ୍ୟାଳୟ ମଧ୍ୟରେ ସୀମିତ ଥିଲା। ପ୍ରଧାନମନ୍ତ୍ରୀ ଅଟଳ ଟିଙ୍କରିଂ ଲ୍ୟାବ୍‌ର ଉଦାହରଣ ଦେଇଥିଲେ । ସେ କହିଥିଲେ ଯେ, ୭୫ ଲକ୍ଷରୁ ଅଧିକ ଛାତ୍ରଛାତ୍ରୀ ବିଜ୍ଞାନ ଓ ନବସୃଜନ ସମ୍ପର୍କରେ ଏହି ଲ୍ୟାବ୍‌ ଜରିଆରେ ଶିକ୍ଷାଲାଭ କରିପାରୁଛନ୍ତି । ବିଜ୍ଞାନ ନିଜକୁ ସମସ୍ତଙ୍କ ପାଇଁ ସରଳ କରିଥାଏ । ଯୁବ ବୈଜ୍ଞାନିକମାନେ ଗୁରୁତ୍ୱପୂର୍ଣ୍ଣ ପ୍ରକଳ୍ପର ନେତୃତ୍ୱ ନେଇ ଦେଶର ଭବିଷ୍ୟତକୁ ଆକାର ଦେବେ ଏବଂ ଭାରତକୁ ବିଶ୍ୱର ଗବେଷଣା କେନ୍ଦ୍ରରେ ବଦଳାଇ ଦେବେ ବୋଲି ସେ କହିଥିଲେ ।

ଶ୍ରୀ ମୋଦୀ କହିଥିଲେ, ଯେକୌଣସି ସଂସ୍କାର ପାଇଁ ସାହସର ଆବଶ୍ୟକତା ହୋଇଥାଏ। ସାହସର ଉପସ୍ଥିତି ନୂଆ ସମ୍ଭାବନାକୁ ଜନ୍ମ ଦେଇଥାଏ। ଆଜି ବିଶ୍ୱ ଭାରତକୁ ନୂଆ ସମ୍ଭାବନାର ଉତ୍ପତି ସ୍ଥଳ ଭାବେ ଦେଖୁଛି । ସଫ୍ଟୱେର ଟେକ୍ନୋଲୋଜି ଏବଂ ମହାକାଶ ପ୍ରଯୁକ୍ତିର ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ଏହି କ୍ଷେତ୍ରରେ ଭାରତର କ୍ଷମତା ସହ ମୁକାବିଲା ସହଜ ନୁହେଁ । ପ୍ରତିରକ୍ଷା ପ୍ରଯୁକ୍ତି ବିଷୟରେ ସେ କହିଥିଲେ ଯେ, ଭାରତର କମ ଖର୍ଚ୍ଚ ଓ ସର୍ବୋତ୍ତମ ଗୁଣବତ୍ତା ମଡେଲ୍‌ ନିଶ୍ଚିତ ଭାବେ ଲୋକପ୍ରିୟ ହେବ । ସେ ଆହୁରି କହିଥିଲେ ଯେ ଭାରତର ଔଦ୍ୟୋଗିକ ସମ୍ମାନ ଓ ଷ୍ଟାର୍ଟଅପ୍‌ ଅଭିବୃଦ୍ଧି ଇକୋସିଷ୍ଟମ ବିସ୍ତାର ହେବା ସହିତ ବିଶ୍ୱରେ ଭାରତର ଶିକ୍ଷା ବ୍ୟବସ୍ଥା ପ୍ରତି ସମ୍ମାନ ଯଥେଷ୍ଟ ବୃଦ୍ଧି ପାଇଛି । ସେ କହିଥିଲେ ଯେ ସବୁ ବିଶ୍ୱ ମାନ୍ୟତାରେ ଭାରତୀୟ ଶିକ୍ଷାନୁଷ୍ଠାନର ସଂଖ୍ୟା ବଢ଼ୁଛି । ଜାଞ୍ଜିବର ଓ ଆବୁଧାବିରେ ଦୁଇଟି ଆଇଆଇଟି କ୍ୟାମ୍ପସ୍‌ ଖୋଲିବା ସମ୍ପର୍କରେ ପ୍ରଧାନମନ୍ତ୍ରୀ ସୂଚନା ଦେଇଥିଲେ । ଆହୁରି ଅନେକ ଦେଶ ଆମକୁ ସେମାନଙ୍କ ମାଟିରେ ଆଇଆଇଟି ଖୋଲିବା ପାଇଁ ଅନୁରୋଧ କରୁଛନ୍ତି ବୋଲି ସେ କହିଥିଲେ । ଶିକ୍ଷା ଇକୋସିଷ୍ଟମରେ ହେଉଥିବା ସକାରାତ୍ମକ ପରିବର୍ତ୍ତନ କାରଣରୁ ଭାରତରେ ନିଜ କ୍ୟାମ୍ପସ୍‌ ଖୋଲିବା ପାଇଁ ଇଚ୍ଛାକୁ ବିଶ୍ୱସ୍ତରୀୟ ବିଶ୍ୱବିଦ୍ୟାଳୟଗୁଡ଼ିକ ସମ୍ପର୍କରେ ମଧ୍ୟ ପ୍ରଧାନମନ୍ତ୍ରୀ ସୂଚନା ଦେଇଥିଲେ । ସେ ସୂଚନା ଦେଇ କହିଥିଲେ ଯେ ଅଷ୍ଟ୍ରେଲିଆର ଦୁଇଟି ବିଶ୍ୱବିଦ୍ୟାଳୟ ଗୁଜରାଟର ଗିଫ୍ଟ ସିଟରେ ନିଜର କ୍ୟାମ୍ପସ ଖୋଲିବାକୁ ଯାଉଛନ୍ତି । ଶିକ୍ଷାନୁଷ୍ଠାନଗୁଡ଼ିକୁ ମଜବୁତ କରିବା ଏବଂ ସେମାନଙ୍କୁ ଭବିଷ୍ୟତ ପାଇଁ ପ୍ରସ୍ତୁତ କରିବା ଦିଗରେ କାମ କରିବା ଉପରେ ପ୍ରଧାନମନ୍ତ୍ରୀ ଜୋର ଦେଇଥିଲେ । ଭାରତର ବିଭିନ୍ନ ଶିକ୍ଷାନୁଷ୍ଠାନ, ବିଶ୍ୱବିଦ୍ୟାଳୟ, ସ୍କୁଲ ଓ କଲେଜକୁ ଏହି ବିପ୍ଲବର କେନ୍ଦ୍ରରେ ପରିଣତ କରିବାର ଆବଶ୍ୟକତା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ।

ଶ୍ରୀ ମୋଦୀ ଜୋର ଦେଇ କହିଥିଲେ, ସକ୍ଷମ ଯୁବକମାନଙ୍କୁ ନିର୍ମାଣ କରିବା ଏକ ମଜବୁତ ରାଷ୍ଟ୍ର ନିର୍ମାଣର ସବୁଠୁ ବଡ଼ ଗ୍ୟାରେଣ୍ଟି ଏବଂ ମାତାପିତା ଓ ଶିକ୍ଷକ ଏଥିରେ ପ୍ରମୁଖ ଭୂମିକା ନିର୍ବାହ କରିଥାନ୍ତି । ଛାତ୍ରଛାତ୍ରୀଙ୍କୁ ଆତ୍ମବିଶ୍ୱାସପୂର୍ଣ୍ଣ ଜିଜ୍ଞାସା ଓ କଳ୍ପନାର ଉଡ଼ାଣ ପାଇଁ ପ୍ରସ୍ତୁତ କରିବା ଲାଗି ପ୍ରଧାନମନ୍ତ୍ରୀ ଶିକ୍ଷକ ଏବଂ ଅଭିଭାବକଙ୍କୁ ନିବେଦନ କରିଥିଲେ । ସେ କହିଥିଲେ, ଆମକୁ ଭବିଷ୍ୟତ ଉପରେ ନଜର ରଖିବାକୁ ହେବ ଏବଂ ଭବିଷ୍ୟବାଦୀ ମାନସିକତା ସହିତ ଚିନ୍ତା କରିବାକୁ ହେବ । ଆମକୁ ପିଲାମାନଙ୍କୁ ବହିର ଚାପରୁ ମୁକ୍ତ କରିବାକୁ ହେବ ।

ମଜବୁତ ଭାରତରେ ବିଶ୍ୱର ଜିଜ୍ଞାସା ଆମ ଉପରେ ବଢ଼ୁଥିବାର ଉତ୍ତରଦାୟିତ୍ୱ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ । ସେ ଛାତ୍ରଛାତ୍ରୀଙ୍କୁ ଯୋଗ, ଆୟୁର୍ବେଦ, କଳା ଓ ସାହିତ୍ୟର ମହତ୍ୱ ସମ୍ପର୍କରେ ପରିଚିତ ହେବା ସମ୍ପର୍କରେ ସ୍ମରଣ କରାଇ ଦେଇଥିଲେ । ସେ ୨୦୪୭ ପର୍ଯ୍ୟନ୍ତ ଭାରତର ‘ବିକଶିତ ଭାରତ’ ଯାତ୍ରାରେ ଛାତ୍ରଛାତ୍ରୀଙ୍କୁ ବର୍ତ୍ତମାନର ପିଢ଼ିର ମହତ୍ୱ ବିଷୟରେ ଜଣାଇବା ନିମନ୍ତେ ଶିକ୍ଷକମାନଙ୍କୁ ସ୍ମରଣ କରାଇ ଦେଇଥିଲେ ।

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କେନ୍ଦ୍ର ଶିକ୍ଷା,ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଉପସ୍ଥିତ ଥିଲେ ।

ପୃଷ୍ଠଭୂମି

ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ଦ୍ୱାରା ଅନୁପ୍ରାଣିତ ହୋଇ ଦେଶର ଅମୃତ କାଳରେ ଯୁବକମାନଙ୍କୁ ଦେଶର ନେତୃତ୍ୱ ନେବା ଉଦ୍ଦେଶ୍ୟରେ ଏନ୍‍ଇପି ୨୦୨୦ ଆରମ୍ଭ କରାଯାଇଥିଲା । ଏହାର ଉଦ୍ଦେଶ୍ୟ ହେଉଛି ସେମାନଙ୍କୁ ମୌଳିକ ମୂଲ୍ୟବୋଧରେ ରଖିବା ସହିତ ଭବିଷ୍ୟତର ଆହ୍ୱାନଗୁଡ଼ିକୁ ସାମନା କରିବା ପାଇଁ ପ୍ରସ୍ତୁତ କରିବା । ଏହା କାର୍ଯ୍ୟକାରୀ ହେବାର ତିନି ବର୍ଷ ମଧ୍ୟରେ ଏହି ନୀତି ବିଦ୍ୟାଳୟ, ଉଚ୍ଚଶିକ୍ଷା ଏବଂ ଦକ୍ଷତା ଶିକ୍ଷା କ୍ଷେତ୍ରରେ ବଡ ପରିବର୍ତ୍ତନ ଆଣିଛି । ୨୯ ଏବଂ ୩୦ ଜୁଲାଇରେ ଅନୁଷ୍ଠିତ ହେଉଥିବା ଏହି ଦୁଇ ଦିନିଆ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଶିକ୍ଷାବିତ୍‍, କ୍ଷେତ୍ର ବିଶେଷଜ୍ଞ, ନୀତି ନିର୍ମାତା, ଶିଳ୍ପ ପ୍ରତିନିଧୀ, ଶିକ୍ଷକ ଏବଂ ଛାତ୍ରଛାତ୍ରୀ, ଉଚ୍ଚଶିକ୍ଷା ଏବଂ ଦକ୍ଷତା ପ୍ରତିଷ୍ଠାନକୁ ସେମାନଙ୍କର ଜ୍ଞାନ, ସଫଳତା ବିନିମୟ କରିବେ । ଏନ୍‍ଇପି ୨୦୨୦ କାର୍ଯ୍ୟକାରୀ କରିବାରେ ସେମାନଙ୍କର ଅନ୍ତର୍ଦୃଷ୍ଟି ଓ ସର୍ବୋତ୍ତମ ଅଭ୍ୟାସ ଏବଂ ଏହାକୁ ଆହୁରି ଆଗକୁ ନେବା ପାଇଁ ରଣନୀତି ପ୍ରସ୍ତୁତ କରିବ ।

ଅଖିଳ ଭାରତୀୟ ଶିକ୍ଷା ସମାଗାମରେ ଷୋହଳଟି ଅଧିବେଶନ ଅନ୍ତର୍ଭୁକ୍ତ ରହିଛି ଯେଉଁଥିରେ ଗୁଣାତ୍ମକ ଶିକ୍ଷା ଏବଂ ପ୍ରଶାସନ, ସମାନତା ଏବଂ ସମାବେଶୀ ଶିକ୍ଷା, ସାମାଜିକ-ଅର୍ଥନୈତିକ ଅନଗ୍ରସର ଗୋଷ୍ଠୀର ପ୍ରସଙ୍ଗ, ଜାତୀୟ ପ୍ରତିଷ୍ଠାନ ମାନ୍ୟତା ଢାଞ୍ଚା, ଭାରତୀୟ ଜ୍ଞାନ ବ୍ୟବସ୍ଥା, ଶିକ୍ଷାର ଅର୍ନ୍ତଜାତୀୟକରଣ ଭଳି ବିଷୟବସ୍ତୁ ଉପରେ ଆଲୋଚନା ହେବ ।

କାର୍ଯ୍ୟକ୍ରମ ଅବସରରେ ପ୍ରଧାନମନ୍ତ୍ରୀ ପିଏମ୍‌ ଶ୍ରୀ ଯୋଜନାର ପ୍ରଥମ କିସ୍ତି ଜାରି କରିଛନ୍ତି । ଏହି ଯୋଜନାରେ ସାମିଲ ବିଦ୍ୟାଳୟଗୁଡ଼ିକ ରାଷ୍ଟ୍ରୀୟ ଶିକ୍ଷା ନୀତିର ପରିକଳ୍ପନା ଅନୁଯାୟୀ ଛାତ୍ରଛାତ୍ରୀଙ୍କର ଏଭଳି ବିକାଶ କରିବେ ଯାହାଫଳରେ ସେମାନେ ଏକ ସମାନତାପୂର୍ଣ୍ଣ, ସମାବେଶୀ ଓ ବହୁଳବାଦୀ ସମାଜ ନିର୍ମାଣରେ ସମ୍ପୃକ୍ତ, ଉତ୍ପାଦକ ଓ ଯୋଗଦାନକାରୀ ନାଗରିକ ହୋଇପାରିବେ । ୧୨ଟି ଭାରତୀୟ ଭାଷାରେ ଅନୁବାଦ ହୋଇଥିବା ଶିକ୍ଷା ଓ ଦକ୍ଷତା ବିକାଶ ପାଠ୍ୟକ୍ରମରେ ପୁସ୍ତକ ମଧ୍ୟ ପ୍ରଧାନମନ୍ତ୍ରୀଙ୍କ ଦ୍ୱାରା ଉନ୍ମୋଚିତ ହୋଇଯାଇଛି ।

Categories
ଆଜିର ଖବର ଜାତୀୟ ଖବର

ବିଭିନ୍ନ ବୈଶ୍ୱିକ ଆହ୍ୱାନ ପାଇଁ ଏକ ବିଶ୍ୱସ୍ତ ସହଯୋଗୀ ଭାବେ ଭାରତର ମାନ୍ୟତା ବୃଦ୍ଧିକୁ ପ୍ରଧାନମନ୍ତ୍ରୀଙ୍କ ସ୍ୱୀକାର

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଲେକ୍ଟ୍ରୋନିକ୍ସ ଏବଂ ପ୍ରଯୁକ୍ତିବିଦ୍ୟା କେନ୍ଦ୍ର ରାଷ୍ଟ୍ରମନ୍ତ୍ରୀ ରାଜୀବ ଚନ୍ଦ୍ରଶେଖରଙ୍କ ଏକ ଆଲେଖ୍ୟ ମାଧ୍ୟମରେ ବିଭିନ୍ନ ବୈଶ୍ୱିକ ଆହ୍ୱାନ ପାଇଁ ବିଶ୍ୱସ୍ତ ସହଯୋଗୀ ଭାବେ ଭାରତର ବଢ଼ୁଥିବା ସ୍ୱୀକୃତିକୁ ସ୍ୱୀକାର କରିଛନ୍ତି।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟୁଇଟ୍ କରି କୁହାଯାଇଛି ଯେ, ‘କେନ୍ଦ୍ର ରାଷ୍ଟ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର ଲେଖିଛନ୍ତି ଯେ, ସ୍ଥିରତା, ନିରାପତ୍ତାଠାରୁ ଆରମ୍ଭ କରି ଟିକା, ଇଲେକ୍ଟ୍ରୋନିକ୍ସ ଏବଂ ସେମିକଣ୍ଡକ୍ଟର ପର୍ଯ୍ୟନ୍ତ ବିଭିନ୍ନ ବୈଶ୍ୱିକ ଆହ୍ୱାନ ପାଇଁ ଭାରତ ବର୍ତ୍ତମାନ ଏକ ବିଶ୍ୱସ୍ତ ସହଯୋଗୀ ଭାବେ ମାନ୍ୟତା ପାଇଛି।’

Categories
ଆଜିର ଖବର ଜାତୀୟ ଖବର

ମାଇକ୍ରୋନ୍ ଟେକ୍ନୋଲୋଜିର ସଭାପତି ଏବଂ ସିଇଓ ସଞ୍ଜୟ ମେହରୋତ୍ରାଙ୍କୁ ସାକ୍ଷାତ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁଜରାଟର ଗାନ୍ଧୀନଗରରେ ମାଇକ୍ରୋନ୍ ଟେକ୍‌ନୋଲୋଜିର ସଭାପତି ଏବଂ ସିଇଓ ସଞ୍ଜୟ ମେହରୋତ୍ରାଙ୍କୁ ସାକ୍ଷାତ କରିଛନ୍ତି। ସେ ଭାରତରେ ସେମି କଣ୍ଡକ୍‌ଟରର ଉତ୍ପାଦନ ସମ୍ପର୍କିତ ଇକୋସିଷ୍ଟମକୁ ମଜବୁତ କରିବା ପାଇଁ ମାଇକ୍ରୋନ୍ ଟେକ୍‌ନୋଲୋଜିର ଯୋଜନା ଉପରେ ଆଲୋଚନା କରିଛନ୍ତି।

ପ୍ରଧାନମନ୍ତ୍ରୀ କାର୍ଯ୍ୟାଳୟ ଟ୍ବିଟ୍ କରି କହିଛି ଯେ, “@ମାଇକ୍ରୋନ ଟେକର ଅଧ୍ୟକ୍ଷ ଏବଂ ସିଇଓ ଶ୍ରୀ ସଞ୍ଜୟ ମେହରୋତ୍ରା ପିଏମ @ ନରେନ୍ଦ୍ର ମୋଦୀଙ୍କ ସହିତ ଗାନ୍ଧୀ ନଗରରେ ସାକ୍ଷାତ କରିଛନ୍ତି। ସେ ଭାରତରେ ସେମିକଣ୍ଡକଟରର ଉତ୍ପାଦନ ସମ୍ପର୍କିତ ଇକୋସିଷ୍ଟମକୁ ମଜବୁତ୍ କରିବା ପାଇଁ ମାଇକ୍ରୋନ ଟେକ୍‌ନୋଲୋଜିର ଯୋଜନା ଉପରେ ଆଲୋଚନା କରିଛନ୍ତି।’’

Categories
ଆଜିର ଖବର ଜାତୀୟ ଖବର

ଆରମ୍ଭରୁ ହଟ୍ଟଗୋଳ: ମଧ୍ୟାହ୍ନ ୧୨ ପର୍ଯ୍ୟନ୍ତ ଲୋକସଭା ମୁଲତବୀ

ନୂଆଦିଲ୍ଲୀ: ମଣିପୁର ହିଂସା ମାମଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିବୃତ୍ତି ଦାବିରେ ବିରୋଧୀ ଦଳ ଜିଦ୍ ଧରିଛନ୍ତି। ଲୋକସଭାର ପ୍ରକ୍ରିୟା ଆରମ୍ଭ ହେବା ମାତ୍ରେ ବିରୋଧୀ ଦଳର ସାଂସଦମାନେ ସ୍ଲୋଗାନ ଦେବା ସହ ହଙ୍ଗମା କରିବା ଆରମ୍ଭ କରିଛନ୍ତି। ଏହା ପରେ ଲୋକସଭା ବାଚସ୍ପତି ଓମ ବିର୍ଲା ଲୋକସଭାର ପ୍ରକ୍ରିୟାକୁ ମଧ୍ୟାହ୍ନ ୧୨ ପର୍ଯ୍ୟନ୍ତ ମୁଲତବୀ ରଖିଛନ୍ତି।

Categories
ବିଶେଷ ଖବର

ଗୁଜୁରାଟରେ ରାଜକୋଟ ଆନ୍ତର୍ଜାତିକ ବିମାନବନ୍ଦରକୁ ଦେଶ ପ୍ରତି ଉତ୍ସର୍ଗ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜକୋଟ ଆନ୍ତର୍ଜାତିକ ବିମାନବନ୍ଦର ଏବଂ ଗୁଜରାଟର ରାଜକୋଟ ଠାରେ ୮୬୦ କୋଟି ଟଙ୍କାରୁ ଅଧିକ ମୂଲ୍ୟର ଏକାଧିକ ବିକାଶମୂଳକ ପ୍ରକଳ୍ପକୁ ଦେଶ ଉଦ୍ଦେଶ୍ୟରେ ଉତ୍ସର୍ଗୀକୃତ କରିଛନ୍ତି । ଏହି ପ୍ରକଳ୍ପ ଗୁଡିକ ମଧ୍ୟରେ ସାଉନି ଯୋଜନା ଲିଙ୍କ୍ ୩ ପ୍ୟାକେଜ୍ ୮ ଏବଂ ୯, ଦ୍ୱାରକା ଗ୍ରାମୀଣ ଜଳ ଯୋଗାଣ ଏବଂ ପରିମଳ (ଆରଡବ୍ଲ୍ୟୁଏସ୍‌ଏସ୍‌) ର ଅଧିକ ଉନ୍ନତିକରଣ, ଉପରକୋଟ ଦୁର୍ଗର ପ୍ରଥମ ଏବଂ ଦ୍ୱିତୀୟ ପର୍ଯ୍ୟାୟର ସଂରକ୍ଷଣ, ପୁନରୁଦ୍ଧାର ଏବଂ ବିକାଶ; ଏକ ଜଳ ବିଶୋଧନ କାରଖାନା, ମଇଳା ନିଷ୍କାସନ କାରଖାନା ଏବଂ ଅନ୍ୟାନ୍ୟଗୁଡ଼ିକ ମଧ୍ୟରେ ଏକ ଫ୍ଲାଇ ଓଭର ପୋଲ ଅନ୍ତର୍ଭୁକ୍ତ । ପ୍ରଧାନମନ୍ତ୍ରୀ ମଧ୍ୟ ନବ ଉଦଘାଟିତ ରାଜକୋଟ ଆନ୍ତର୍ଜାତିକ ବିମାନ ବନ୍ଦରର ଟର୍ମିନାଲ ଗୃହରେ ଏକ ପଦଯାତ୍ରା କରିଥିଲେ ।

ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ, କେବଳ ରାଜକୋଟ ନୁହେଁ, ସମଗ୍ର ସୌରାଷ୍ଟ୍ର ଅଂଚଳ ପାଇଁ ଆଜି ଏକ ବିରାଟ ଦିନ । ଏହି ଅଂଚଳରେ ଘୂର୍ଣ୍ଣିବଳୟ ଏବଂ ସମ୍ପ୍ରତି ବନ୍ୟା ଭଳି ପ୍ରାକୃତିକ ବିପର୍ଯ୍ୟୟ ଗୁଡିକ ଯୋଗୁଁ କ୍ଷତି ସହିଥିବା ଲୋକମାନଙ୍କୁ ସେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ପ୍ରଧାନମନ୍ତ୍ରୀ ମନ୍ତବ୍ୟ ଦେଇ କହିଛନ୍ତି ଯେ ସରକାର ଏବଂ ଲୋକମାନେ ଏକତ୍ର ସଙ୍କଟର ସମ୍ମୁଖୀନ ହୋଇଛନ୍ତି ଏବଂ ଆଶ୍ୱାସନା ଦେଇଛନ୍ତି ଯେ ପ୍ରଭାବିତ ଲୋକମାନଙ୍କୁ ରାଜ୍ୟ ସରକାରଙ୍କ ସହାୟତାରେ ପୁନଃ ଥଇଥାନ କରାଯାଉଛି । ଏଥି ସହ କେନ୍ଦ୍ର ସରକାର ରାଜ୍ୟ ସରକାର ମାନଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦେଉଛନ୍ତି ବୋଲି ସେ ଉଲ୍ଲେଖ କରିଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି ଯେ ବର୍ତ୍ତମାନ ରାଜକୋଟ ସୌରାଷ୍ଟ୍ରର ଅଭିବୃଦ୍ଧିର ଇଞ୍ଜିନ ଭାବରେ ମାନ୍ୟତା ପାଇଛି । ଏହାର ଶିଳ୍ପ, ସଂସ୍କୃତି ଏବଂ ଖାଦ୍ୟ ରୁଚି ସତ୍ୱେ ଅନୁଭବ କରା ଯାଉଥିବା ଏକ ଆନ୍ତର୍ଜାତିକ ବିମାନ ବନ୍ଦରର ଆବଶ୍ୟକତା ଆଜି ପୂରଣ ହୋଇଛି । ପ୍ରଧାନମନ୍ତ୍ରୀ ପ୍ରଥମ ଥର ପାଇଁ ରାଜକୋଟ କିପରି ତାଙ୍କୁ ଏମଏଲଏ ଭାବରେ ବାଛିଥିଲା, ତା’ର ସ୍ମୃତିଚାରଣ କରିଛନ୍ତି ଏବଂ କହିଛନ୍ତି ଯେ ଏହି ସହର ତାଙ୍କୁ ଅନେକ କିଛି ଶିକ୍ଷା ଦେଇଛି । ‘ରାଜକୋଟର ଋଣ ସବୁବେଳେ ମୋ ଉପରେ ରହି ଆସିଛି ଏବଂ ମୁଁ ସବୁବେଳେ ଏହି ଋଣର ପରିମାଣକୁ କମାଇବାକୁ ଉଦ୍ୟମ କରୁଛି ।’

ଆଜି ଉଦଘାଟିତ ହୋଇଥିବା ବିମାନ ବନ୍ଦର ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଛନ୍ତି ଯେ ଯାତାୟାତର ସହଜତା ବ୍ୟତୀତ, ଏହି ଅଂଚଳର ଉଦ୍ୟୋଗ ଗୁଡିକ ବିମାନ ବନ୍ଦରରୁ ବିପୁଳ ପରିମାଣରେ ଲାଭବାନ୍ ହେବେ । ପ୍ରଧାମନ୍ତ୍ରୀ କହିଛନ୍ତି ଯେ ନୂଆ ମୁଖ୍ୟମନ୍ତ୍ରୀ ଭାବରେ ସେ ଯେଉଁ ‘ମିନି ଜାପାନ’ର ସ୍ୱପ୍ନ ଦେଖିଥିଲେ, ରାଜକୋଟ ତାହା ପୂରଣ କରି ପାରିଛି । ସେ କହିଛନ୍ତି ଯେ ବିମାନ ବନ୍ଦର ରୂପରେ, ରାଜକୋଟ ଏକ ଶକ୍ତିକେନ୍ଦ୍ର ପାଇଛି ଯାହା ଏହାକୁ ନୂଆ ଶକ୍ତି ଏବଂ ଉଡ଼ାଣ ଦେବ ।

ଆଜି ଉଦଘାଟନ ହୋଇଥିବା ବିଭିନ୍ନ ପ୍ରକଳ୍ପ ଅଧୀନରେ ସାଉନି ଯୋଜନା ବିଷୟରେ ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରକଳ୍ପ ସମାପ୍ତ ହେଲେ ଏହି ଅଂଚଳ ପାଇଁ ଜଳ ଯୋଗାଣ ଦିଗରେ ପଥ ପରିଷ୍କାର ହେବ ଏବଂ ଡଜନ ଡଜନ ଗାଁକୁ ପାନୀୟ ଜଳ ଏବଂ ଜଳସେଚନ ପାଇଁ ଜଳ ଯୋଗାଣ ହେବ । ଆଜିର ବିକାଶମୂଳକ ପ୍ରକଳ୍ପ ପାଇଁ ରାଜକୋଟବାସୀଙ୍କୁ ପ୍ରଧାନମନ୍ତ୍ରୀ ଅଭିନନ୍ଦନ ଜଣାଇଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି ଯେ ଗତ ୯ ବର୍ଷ ମଧ୍ୟରେ କେନ୍ଦ୍ର ସରକାର ପ୍ରତ୍ୟେକ ସାମାଜିକ ଶ୍ରେଣୀ ଏବଂ ଅଂଚଳର ଜୀବନକୁ ସହଜତର କରିବା ଦିଗରେ କାର୍ଯ୍ୟ କରିଛନ୍ତି । ପ୍ରଧାନମନ୍ତ୍ରୀ କହିଛନ୍ତି, “ଆମେ ସୁଶାସନ’ ବା ଉତ୍ତମ ଶାସନକୁ ସୁନିଶ୍ଚିତ କରିଛୁ ଏବଂ ଆମେ ଆଜି ମଧ୍ୟ ଏହାକୁ ସଫଳ କରାଇ ଚାଲିଛୁ । ପ୍ରଧାନମନ୍ତ୍ରୀ କହିଛନ୍ତି, ‘ ଲୋକମାନେ ଗରିବ, ଦଳିତ, ଜନଜାତି ବା ପଛୁଆ ଶ୍ରେଣୀର ହୁଅନ୍ତୁ ନା କାହିଁକି, ଆମେ ସଦା ସର୍ବଦା ସେମାନଙ୍କ ଜୀବନକୁ ଉନ୍ନତ କରିବା ଦିଗରେ କାର୍ଯ୍ୟ କରିଛୁ ।’ ଦେଶରେ ଦାରିଦ୍ର‌୍ୟର ସ୍ତର ଅତି ଦ୍ରୁତ ଗତିରେ ହ୍ରାସ ପାଉଛି ବୋଲି ଦର୍ଶାଇ ପ୍ରଧାନମନ୍ତ୍ରୀ ନିକଟରେ ପ୍ରକାଶିତ ହୋଇଥିବା ଏକ ରିପୋର୍ଟକୁ ଉଦ୍ଧାର କରି ଦର୍ଶାଇଛନ୍ତି ଯେ ଗତ ୫ ବର୍ଷ ମଧ୍ୟରେ ୧୩.୫ କୋଟି ନାଗରିକ ଦାରିଦ୍ର‌୍ୟରୁ ବାହାରି ଆସିଛନ୍ତି ଏବଂ ସେ ଏହା ମଧ୍ୟ କହିଛନ୍ତି ଯେ ଏହି ଲୋକମାନେ ଦେଶରେ ଏକ ନବ- ମଧ୍ୟବିତ୍ତ ଶ୍ରେଣୀ ଭାବରେ ଉଭା ହେଉଛନ୍ତି । ତେଣୁ ପ୍ରଧାନମନ୍ତ୍ରୀ ସମଗ୍ର ମଧ୍ୟବିତ୍ତଶ୍ରେଣୀକୁ ପରିସରଭୁକ୍ତ କରି ଉଭୟ ନବ- ମଧ୍ୟବିତ୍ତ ଶ୍ରେଣୀ ଏବଂ ମଧ୍ୟବିତ୍ତ ଶ୍ରେଣୀ ସରକାରଙ୍କର ପ୍ରାଥମିକତା ବୋଲି କହିଛନ୍ତି ।

ପ୍ରଧାନମନ୍ତ୍ରୀ ସଂଯୋଗ ବିଷୟରେ ମଧ୍ୟବିତ୍ତ ଶ୍ରେଣୀଙ୍କର ଦୀର୍ଘ ଦିନରୁ ରହି ଆସିଥିବା ଦାବ ବିଷୟରେ କହିଛନ୍ତି । ସଂଯୋଗ କ୍ଷେତ୍ରରେ ଉନ୍ନତି ଘଟାଇବା ପାଇଁ ଗତ ୯ ବର୍ଷ ମଧ୍ୟରେ ନିଆ ଯାଇଥିବା ପଦକ୍ଷେପ ଗୁଡ଼ିକର ସେ ତାଲିକା ପ୍ରଦାନ କରିଛନ୍ତି । ୨୦୧୪ ରେ କେବଳ ୪ ଟି ସହରରେ ମେଟ୍ରୋ ନେଟୱର୍କ ଥିଲା, ଆଜି ମେଟ୍ରୋ ନେଟୱର୍କ ଭାରତର ୨୦ ରୁ ଅଧିକ ସହରରେ ପହଞ୍ଚିଛି । ବନ୍ଦେ ଭାରତ ପରି ଆଧୁନିକ ଟ୍ରେନ୍ ୨୫ ଟି ରୁଟରେ ଚାଲୁଛି; ଏହି ସମୟ ମଧ୍ୟରେ ୨୦୧୪ ରେ ୭୦ ରୁ ବିମାନବନ୍ଦର ସଂଖ୍ୟା ଦ୍ୱିଗୁଣିତ ହୋଇଛି । “ବିମାନ ସେବା ସମ୍ପ୍ରସାରଣ ଭାରତର ବିମାନ ଚଳାଚଳ କ୍ଷେତ୍ରକୁ ନୂତନ ଉଚ୍ଚତା ଦେଇଛି । ଭାରତୀୟ କମ୍ପାନୀଗୁଡିକ କୋଟି କୋଟି ଟଙ୍କା ମୂଲ୍ୟର ବିମାନ କ୍ରୟ କରୁଛନ୍ତି ବୋଲି ସେ କହିଛନ୍ତି । ସେ ଆହୁରି ମଧ୍ୟ ସୂଚନା ଦେଇଛନ୍ତି ଯେ ଗୁଜରାଟ ବିମାନ ନିର୍ମାଣ କରିବା ଦିଗରେ ଆଗକୁ ବଢ଼ୁଛି ।

‘ଜୀବନ ବଂଚିବାକୁ ସହଜ କରିବା ଏବଂ ଜୀବନ ଧାରଣର ଶୈଳୀ ସରକାରଙ୍କ ପାଇଁ ଶୀର୍ଷତମ ପ୍ରାଥମିକତା ଗୁଡିକ ମଧ୍ୟରେ ରହିଛି’ ପ୍ରଧାନମନ୍ତ୍ରୀ ମନ୍ତବ୍ୟ ଦେଇଥିଲେ । ଅତୀତରେ ଲୋକମାନେ ସମ୍ମୁଖୀନ ହେଉଥିବା ଅସୁବିଧା ଗୁଡିକୁ ମନେ ପକାଇ ପ୍ରଧାନମନ୍ତ୍ରୀ ଡାକ୍ତରଖାନା ଏବଂ ୟୁଟିଲିଟି ପେମେଣ୍ଟ ସେଣ୍ଟର, ବୀମା ଏବଂ ପେନସନ୍ ସମ୍ବନ୍ଧୀୟ ସମସ୍ୟା ଏବଂ ଟିକସ ରିଟର୍ଣ୍ଣ ଦାଖଲ କରିବା ପାଇଁ ଗୁଡିକରେ ଲମ୍ବା ଧାଡିରେ ଠିଆ ହେଉଥିବା ଭଳି ଅସୁବିଧା ଗୁଡିକ ବିଷୟରେ ଉଲ୍ଲେଖ କରିଥିଲେ । ସେ ଆହୁରି ମଧ୍ୟ କହିଛନ୍ତି ଯେ ଡିଜିଟାଲ ଇଣ୍ଡିଆ ଅଭିଯାନ ଦ୍ୱାରା ଏହି ସବୁ ପ୍ରସଙ୍ଗ ଗୁଡିକର ସମାଧାନ କରାଯାଇଛି । ଟିକସ ରିଟର୍ଣ୍ଣ ପାଇଁ ମୋବାଇଲ୍ ବ୍ୟାଙ୍କିଙ୍ଗ୍ ଏବଂ ଅନଲାଇନ୍ ଦାଖଲ କରିବାର ସହଜତା ବିଷୟରେ ସେ ଉଲ୍ଲେଖ କରିଛନ୍ତି ଏବଂ ଅଳ୍ପ ସମୟ ମଧ୍ୟରେ ରିଟର୍ଣ୍ଣ ଗୁଡିକ ସିଧାସଳଖ ବ୍ୟାଙ୍କ ଆକାଉଣ୍ଟକୁ ହସ୍ତାନ୍ତରିତ ହେଉଛି ବୋଲି ମଧ୍ୟ ଉଲ୍ଲେଖ କରିଛନ୍ତି ।

ବାସଗୃହର ମହତ୍ତ୍ୱ ବିଷୟରେ ପ୍ରଧାନମନ୍ତ୍ରୀ କହିଛନ୍ତି, “ଆମେ ଗରିବଙ୍କ ବାସଗୃହର ଆବଶ୍ୟକତାକୁ ଗୁରୁତ୍ୱ ଦେଇଥିଲୁ ଏବଂ ମଧ୍ୟବିତ୍ତ ଶ୍ରେଣୀଙ୍କର ଏକ ଘର କରିବାର ସ୍ୱପ୍ନକୁ ମଧ୍ୟ ପୂରଣ କରିଛୁ ।’ ସେ ମଧ୍ୟବିତ୍ତଙ୍କ ପାଇଁ ପିଏମ୍ ଆବାସ ଯୋଜନା ଅଧୀନରେ ୧୮ ଲକ୍ଷ ଟଙ୍କା ପର୍ଯ୍ୟନ୍ତର ଏକ ସ୍ୱତନ୍ତ୍ର ରିହାତି ବିଷୟରେ ଉଲ୍ଲେଖ କରିଥିଲେ । ଗୁଜରାଟରେ ୬୦ ହଜାରଙ୍କ ସମେତ ୬ ଲକ୍ଷରୁ ଅଧିକ ପରିବାର ଏହାଦ୍ୱାରା ଉପକୃତ ହୋଇଛନ୍ତି ବୋଲି ସେ ସୂଚନା ଦେଇଛନ୍ତି ।

ବାସଗୃହ ନାମରେ ଘଟିଥିବା ଠକେଇ ଉପରେ ପ୍ରଧାନମନ୍ତ୍ରୀ ଆଲୋକପାତ କରି କହିଛନ୍ତି ଯେ ଆଇନ ଅଭାବରୁ ପୂର୍ବ ସରକାରଗୁଡିକ ସମୟରେ ବହୁ ବର୍ଷ ଧରି ଏହି ଗୃହର ଅଧିକାର ଦିଆଯାଇ ପାରୁ ନଥିଲା । ସେ ଆହୁରି ମଧ୍ୟ କହିଛନ୍ତି ଯେ ବର୍ତ୍ତମାନର ସରକାର ହିଁ ରେରା ଆଇନ ପ୍ରଣୟନ କରିଛନ୍ତି ଏବଂ ଲୋକମାନଙ୍କ ସ୍ୱାର୍ଥ ରକ୍ଷା କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଆଜି ରେରା ଆଇନ ଲକ୍ଷ ଲକ୍ଷ ଲୋକଙ୍କୁ ସେମାନଙ୍କ ଟଙ୍କା ଲୁଟ୍ ହେବାରୁ ପ୍ରତିରୋଧ କରୁଛି ।

ପ୍ରଧାନମନ୍ତ୍ରୀ କହିଛନ୍ତି ଯେ ଅତୀତରେ ମୁଦ୍ରାସ୍ଫୀତି ହାର ୧୦ ପ୍ରତିଶତ ଛୁଇଁଥିଲା । ମହାମାରୀ ଏବଂ ଯୁଦ୍ଧ ସତ୍ତ୍ୱେ ବର୍ତ୍ତମାନର ସରକାର ମୁଦ୍ରାସ୍ଫୀତିକୁ ନିୟନ୍ତ୍ରଣରେ ରଖିଛନ୍ତି ବୋଲି ସେ କହିଛନ୍ତି । “ଆଜି ଆମ ପଡୋଶୀ ଦେଶରେ ମୁଦ୍ରାସ୍ଫୀତି ୨୫-୩୦ ପ୍ରତିଶତ ହାରରେ ବୃଦ୍ଧି ପାଉଛି । କିନ୍ତୁ ଭାରତରେ ଏପରି ନୁହେଁ । ଆମେ ସମ୍ପୂର୍ଣ୍ଣ ସମ୍ବେଦନଶୀଳତାର ସହିତ ମୁଦ୍ରାସ୍ଫୀତିକୁ ନିୟନ୍ତ୍ରଣ କରିବାକୁ ଚେଷ୍ଟା କରି ଚାଲିଛୁ ଏବଂ ଭବିଷ୍ୟତରେ ମଧ୍ୟ ଏହା ଜାରି ରଖିବୁ ବୋଲି ସେ କହିଛନ୍ତି ।

ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ ଗରିବ ଏବଂ ମଧ୍ୟବିତ୍ତଙ୍କ ଖର୍ଚ୍ଚ ସଞ୍ଚୟ କରିବା ସହିତ ସରକାର ମଧ୍ୟବିତ୍ତଙ୍କ ପକେଟରୁ ସର୍ବାଧିକ ସଂଚୟ କରାଯିବାକୁ ମଧ୍ୟ ସୁନିଶ୍ଚିତ କରାଉଛନ୍ତି । ସେ ଉଲ୍ଲେଖ କରିଛନ୍ତି ଯେ ୯ ବର୍ଷ ପୂର୍ବେ ବାର୍ଷିକ ଆୟ ୨ ଲକ୍ଷ ଟଙ୍କା ଉପରେ ଟିକସ ଆଦାୟ କରାଯାଉଥିଲା, କିନ୍ତୁ ଆଜି ୭ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରୁଥିବା ଲୋକମାନଙ୍କୁ ଶୂନ ଟିକସ ଦେବାକୁ ପଡୁଛି । “୭ ଲକ୍ଷ ଟଙ୍କାର ଆୟ ଉପରେ କୌଣସି ଟିକସ ନାହିଁ’ ବୋଲି ପ୍ରଧାନମନ୍ତ୍ରୀ କହିଛନ୍ତି ଯେ ସହରରେ ରହୁଥିବା ମଧ୍ୟବିତ୍ତ ପରିବାର ପାଇଁ ଏହା ପ୍ରତି ବର୍ଷ ହଜାରେ ଟଙ୍କା ସଞ୍ଚୟ କରୁଛି । ଛୋଟ ସଞ୍ଚୟ ଉପରେ ଅଧିକ ସୁଧ ଦେୟ ଏବଂ ଇପିଏଫ୍‌ଓ ଉପରେ ୮.୨୫ ପ୍ରତିଶତ ସୁଧ ସ୍ଥିର କରାଯିବା ବିଷୟରେ ମଧ୍ୟ ସେ ଉଲ୍ଲେଖ କରିଛନ୍ତି ।

ନୀତି ଗୁଡିକ କିପରି ନାଗରିକମାନଙ୍କ ପାଇଁ ଟଙ୍କା ସଞ୍ଚୟ କରୁଛି, ତା’ର ଉଦାହରଣ ଦେବାକୁ ଯାଇ ପ୍ରଧାନମନ୍ତ୍ରୀ ମୋବାଇଲ୍ ଫୋନ୍ ବ୍ୟବହାର ମୂଲ୍ୟର ଉଦାହରଣ ଦେଇଛନ୍ତି । ସେ କହିଛନ୍ତି ଯେ ୨୦୧୪ ରେ ୧ ଜିବି ଡାଟା ପାଇଁ ୩୦୦ ଟଙ୍କା ଖର୍ଚ୍ଚ ହେଉଥିଲା । ଆଜି ବ୍ୟକ୍ତି ପିଛା ପ୍ରତି ମାସରେ ହାରାହାରି ୨୦ ଜିବି ଡାଟା ବ୍ୟବହାର କରାଯାଉଛି । ଏହାଦ୍ୱାରା ସାଧାରଣ ନାଗରିକଙ୍କ ପାଇଁ ମାସକୁ ୫୦୦୦ ରୁ ଅଧିକ ଟଙ୍କା ସଞ୍ଚୟ କରିବାରେ ସହାୟକ ହୋଇଛି ବୋଲି ସେ କହିଛନ୍ତି ।

ଶସ୍ତାରେ ଔଷଧ ପ୍ରଦାନ କରୁଥିବା ଜନ ଔଷଧି କେନ୍ଦ୍ର ଗୁଡିକ ବିଷୟରେ ପ୍ରଧାନମନ୍ତ୍ରୀ କହିଛନ୍ତି ଯେ ଯେଉଁମାନେ ନିୟମିତ ଔଷଧ ଖାଇବା ଉଚିତ୍‌, ସେମାନଙ୍କ ପାଇଁ ଏହା ଏକ ଆଶୀର୍ବାଦ ଅଟେ ଏବଂ ସୂଚନା ଦେଇଛନ୍ତି ଯେ ଏହି କେନ୍ଦ୍ରଗୁଡ଼ିକ ଗରିବ ଏବଂ ମଧ୍ୟବିତ୍ତ ମାନଙ୍କୁ ପ୍ରାୟ ୨୦,୦୦୦ କୋଟି ଟଙ୍କା ସଞ୍ଚୟ କରିବାରେ ସାହାଯ୍ୟ କରିଛନ୍ତି । ସେ ଆହୁରି ମଧ୍ୟ କହିଛନ୍ତି, ‘ଗରିବ ଏବଂ ମଧ୍ୟବିତ୍ତଙ୍କ ପାଇଁ ଏକ ସମ୍ବେଦନଶୀଳ ସରକାର ହିଁ କେବଳ ଏହିପରି କାର୍ଯ୍ୟ କରିଥାନ୍ତି ।

ଗୁଜରାଟ ଏବଂ ସୌରାଷ୍ଟ୍ରର ବିକାଶ ପାଇଁ ସରକାର ସମ୍ପୂର୍ଣ୍ଣ ସମ୍ବେଦନଶୀଳ ଭାବରେ କାର୍ଯ୍ୟ କରୁଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି । ସାଉନି ଯୋଜନା ଏହି ଅଞ୍ଚଳର ଜଳ ସ୍ଥିତିରେ ଆଣିଥିବା ପରିବର୍ତ୍ତନ ଉପରେ ସେ ସ୍ପର୍ଶ କରିଛନ୍ତି । “ସୌରାଷ୍ଟ୍ରର ଅନେକ ଡ୍ୟାମ ଏବଂ ହଜାର ହଜାର ଚେକ ଡ୍ୟାମ ଆଜି ଜଳର ଉତ୍ସ ପାଲଟିଛି । ହର ଘର ଜଳ ଯୋଜନା ଅଧୀନରେ ଗୁଜରାଟରେ କୋଟି କୋଟି ପରିବାର ବର୍ତ୍ତମାନ ଟ୍ୟାପ୍ ପାଣି ପାଉଛନ୍ତି’ ବୋଲି ସେ କହିଛନ୍ତି ।

ନିଜର ଉଦବୋଧନକୁ ସମାପ୍ତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଗତ ୯ ବର୍ଷ ମଧ୍ୟରେ ବିକଶିତ ହୋଇଥିବା ଶାସନର ଏହି ନମୁନା ସମାଜର ପ୍ରତ୍ୟେକ ବିଭାଗର ଆବଶ୍ୟକତା ଏବଂ ଆକାଂକ୍ଷାକୁ ଅନୁପାଳନ କରିଛି । “ଏକ ବିକଶିତ ଭାରତ ନିର୍ମାଣ ପାଇଁ ଏହା ହେଉଛି ଆମର ପଥ । ଏହି ପଥରେ ଚାଲି ଆମକୁ ଅମୃତ କାଳର ସଂକଳ୍ପ ଗୁଡିକୁ ପ୍ରମାଣିତ କରିବାକୁ ପଡିବ’ କହି ପ୍ରଧାନମନ୍ତ୍ରୀ ନିଜର ଭାଷଣ ସାଙ୍ଗ କରିଛନ୍ତି ।

ଏହି ଅବସରରେ ଅନ୍ୟମାନଙ୍କ ମଧ୍ୟରେ ଗୁଜରାଟର ମୁଖ୍ୟମନ୍ତ୍ରୀ ଶ୍ରୀ ଭୁପେନ୍ଦ୍ର ପଟେଲ, ବେସାମରିକ ବିମାନ ଚଳାଚଳ ମନ୍ତ୍ରୀ ଶ୍ରୀ ଜ୍ୟୋତିରାଦିତ୍ୟ ସିନ୍ଧିଆ, ସଂସଦର ସଦସ୍ୟ ଶ୍ରୀ ସି ଆର ପାଟିଲ, ଗୁଜରାଟ ସରକାର ଏବଂ ଗୁଜରାଟ ବିଧାନସଭାର ମନ୍ତ୍ରୀମାନେ ଏହି ସଭାରେ ଉପସ୍ଥିତ ଥିଲେ ।

ପୃଷ୍ଠଭୂମି

ସାରା ଦେଶରେ ବିମାନ ସଂଯୋଗୀକରଣରେ ଉନ୍ନତି ଆଣିବା ପାଇଁ ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ରାଜକୋଟରେ ଏକ ନୂତନ ଆନ୍ତର୍ଜାତିକ ବିମାନ ବନ୍ଦରର ବିକାଶରେ ପରିପୂର୍ଣ୍ଣ ହୋଇଛି । ୨୫୦୦ ଏକରରୁ ଅଧିକ ଜମି ଏବଂ ୧୪୦୦ କୋଟିରୁ ଅଧିକ ଟଙ୍କାର ମୂଲ୍ୟରେ ଗ୍ରୀନଫିଲ୍ଡ ବିମାନ ବନ୍ଦରକୁ ବିକଶିତ କରାଯାଇଛି । ନୂତନ ବିମାନ ବନ୍ଦରରେ ଆଧୁନିକ ପ୍ରଯୁକ୍ତିବିଦ୍ୟା ଏବଂ ସ୍ଥାୟୀ ବୈଶିଷ୍ଟ୍ୟ ଗୁଡିକର ମିଶ୍ରଣ ରହିଛି । ଟର୍ମିନାଲ୍ ଗୃହ ହେଉଛି ଗୃହ -୪ ଅନୁକୂଳିତ (ଇଣ୍ଟିଗ୍ରେଟେଡ୍ ହାବିଟାଟ୍ ଆସେସମେଣ୍ଟ ପାଇଁ ଗ୍ରୀନ୍ ରେଟିଂ) ଏବଂ ନ୍ୟୁ ଟର୍ମିନାଲ୍ ବିଲଡିଂ (ଏନ୍‌ଆଇଟିବି) ଡବଲ୍ ଇନସୁଲେଟେଡ୍ ଛାତ ସିଷ୍ଟମ୍‌, ସ୍କାଏଲାଇଟ୍‌, ଏଲଇଡି ଲାଇଟିଂ, କମ୍ ହିଟ୍ ଗ୍ଲେଜ୍ ଇତ୍ୟାଦି ସହିତ ବିଭିନ୍ନ ପରିପୋଷଣୀୟ ବୈଶିଷ୍ଟ୍ୟ ଗୁଡିକ ସହିତ ସଜ୍ଜିତ ।

ରାଜକୋଟର ସାଂସ୍କୃତିକ ସ୍ପନ୍ଦନ ବିମାନ ବନ୍ଦରର ଟର୍ମିନାଲର ରୂପରେଖକୁ ପ୍ରେରଣା ଦେଇଛି ଏବଂ ଏହାର ଗତିଶୀଳ ବାହ୍ୟ ଚେହେରା ଏବଂ ଚମତ୍କାର ଅର୍ନ୍ତଭାଗର ଡିଜାଇନ୍ ମାଧ୍ୟମରେ ଲିପାନ୍ କଳାଠାରୁ ଦାଣ୍ଡିଆ ନୃତ୍ୟ ପର୍ଯ୍ୟନ୍ତ କଳା ରୂପକୁ ପ୍ରଦର୍ଶିତ କରିବ । ଏହି ବିମାନ ବନ୍ଦର ସ୍ଥାନୀୟ ସ୍ଥାପତ୍ୟ ଐତିହ୍ୟର ମୁଖ୍ୟ କେନ୍ଦ୍ର ହେବ ଏବଂ ଗୁଜରାଟର କାଥିଆୱାଡ ଅଞ୍ଚଳର କଳା ଏବଂ ନୃତ୍ୟର ସାଂସ୍କୃତିକ ଗୌରବକୁ ପ୍ରତିଫଳିତ କରିବ । ରାଜକୋଟ ଠାରେ ଥିବା ନୂତନ ବିମାନ ବନ୍ଦର କେବଳ ରାଜକୋଟର ସ୍ଥାନୀୟ ଅଟୋମୋବାଇଲ୍ ଶିଳ୍ପର ବିକାଶ ଦିଗରେ ସହାୟକ ହେବ ନାହିଁ, ବରଂ ସମଗ୍ର ଗୁଜରାଟର ବାଣିଜ୍ୟ, ପର୍ଯ୍ୟଟନ, ଶିକ୍ଷା ଏବଂ ଶିଳ୍ପ କ୍ଷେତ୍ରକୁ ମଧ୍ୟ ଉତ୍ସାହିତ କରିବ ।

ପ୍ରଧାନମନ୍ତ୍ରୀ ୮୬୦ କୋଟିରୁ ଅଧିକ ଟଙ୍କା ମୂଲ୍ୟର ବିକାଶମୂଳକ ପ୍ରକଳ୍ପ ଗୁଡିକର ଉଦଘାଟନ ମଧ୍ୟ କରିଛନ୍ତି । ସାଉନି ଯୋଜନା ଲିଙ୍କ୍ ୩ ପ୍ୟାକେଜ୍ ୮ ଏବଂ ୯ ଜଳସେଚନ ସୁବିଧାକୁ ଆହୁରି ମଜଭୁତ କରିବାରେ ସାହାଯ୍ୟ କରିବ ଏବଂ ସୌରାଷ୍ଟ୍ରରେ ପାନୀୟ ଜଳ ସୁବିଧା ଯୋଗାଇବ ।

ଦ୍ୱାରକା ଆର୍‌ଡବ୍ଲ୍ୟୁଏସ୍‌ଏସ୍‌ର ଅଧିକ ଉନ୍ନତିକରଣ ପାଇପଲାଇନ ଯୋଗେ ଗ୍ରାମଗୁଡ଼ିକୁ ପର୍ଯ୍ୟାପ୍ତ ପରିମାଣର ପିଇବାଯୋଗ୍ୟ ପାନୀୟ ଜଳ ଯୋଗାଇବାରେ ସାହାଯ୍ୟ କରିବ । ନିଆ ଯାଉଥିବା ଅନ୍ୟାନ୍ୟ ପ୍ରକଳ୍ପଗୁଡ଼ିକ ହେଉଛି ଅପରକୋଟ ଦୁର୍ଗର ପ୍ରଥମ ଏବଂ ଦ୍ୱିତୀୟ ପର୍ଯ୍ୟାୟ ସଂରକ୍ଷଣ, ପୁନରୁଦ୍ଧାର ଏବଂ ବିକାଶ; ଜଳ ବିଶୋଧନ କାରଖାନା ନିର୍ମାଣ; ମଇଳା ନିଷ୍କାସନ କାରଖାନା; ଏବଂ ଅନ୍ୟମାନଙ୍କ ମଧ୍ୟରେ ଫ୍ଲାଏ ଓଭର ବ୍ରିଜ୍ ।

Categories
ଆଜିର ଖବର ଜାତୀୟ ଖବର

ପ୍ରଧାନମନ୍ତ୍ରୀଙ୍କୁ ଭେଟିଲେ ଉତ୍ତର ପ୍ରଦେଶ ରାଜ୍ୟପାଳ

ନୂଆଦିଲ୍ଲୀ: ଉତ୍ତର ପ୍ରଦେଶ ରାଜ୍ୟପାଳ ଆନନ୍ଦୀବେନ ପଟେଲ ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟୁଇଟ୍ କରି କୁହାଯାଇଛି ଯେ, ‘ଉତ୍ତର ପ୍ରଦେଶ ରାଜ୍ୟପାଳ ଆନନ୍ଦୀବେନ୍ ପଟେଲ ଗତକାଲି, ଜୁଲାଇ ୨୬ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି’।

Categories
ଆଜିର ଖବର ଜାତୀୟ ଖବର

କାରଗିଲ୍ ବିଜୟ ଦିବସରେ କାରଗିଲ୍ ଯୁଦ୍ଧ ବୀରଙ୍କୁ ମନେ ପକାଇଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କାରଗିଲ୍ ବିଜୟ ଦିବସ ଅବସରରେ କାରଗିଲ୍ ଯୁଦ୍ଧରେ ସହୀଦଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ଶ୍ରୀ ମୋଦୀ କହିଛନ୍ତି ଯେ, କାରଗିଲ୍ ବିଜୟ ଦିବସ ଭାରତର ସେହି ଅଦ୍ଭୁତ ସାହାସୀ ବୀରଙ୍କ ବୀରତ୍ୱ ଗାଥାକୁ ସାମ୍‌ନାକୁ ଆଣିଥାଏ, ଯିଏ କି ସର୍ବଦା ଦେଶବାସୀଙ୍କ ପାଇଁ ପ୍ରେରଣା ରହିବେ।

ଏକ ଟୁଇଟରେ ପ୍ରଧାନମନ୍ତ୍ରୀ କହିଛନ୍ତି ଯେ, ‘କାରଗିଲ୍ ବିଜୟ ଦିବସ ଭାରତର ସେହି ଅଦ୍ଭୁତ ସାହାସୀ ବୀରଙ୍କ ବୀରତ୍ୱ ଗାଥାକୁ ସାମ୍‌ନାକୁ ଆଣିଥାଏ, ଯିଏ କି ସର୍ବଦା ଦେଶବାସୀଙ୍କ ପାଇଁ ପ୍ରେରଣାଶକ୍ତି ରହିବେ। ଏହି ବିଶେଷ ଦିନରେ ମୁଁ ସେମାନଙ୍କୁ ହୃଦୟରୁ ପ୍ରଣାମ ଏବଂ ବନ୍ଦନା କରୁଛି। ଜୟ ହିନ୍ଦ୍‌!’

Categories
ଆଜିର ଖବର ଜାତୀୟ ଖବର

ଆଜି ସମ୍ମିଳନୀ ଆଇଇସିସି ସୌଧକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପ୍ରଗତି ମଇଦାନରେ ଥିବା ଆନ୍ତର୍ଜାତୀୟ ପ୍ରଦର୍ଶନୀ ତଥା ସମ୍ମିଳନୀ କେନ୍ଦ୍ର (ଆଇଇସିସି) ସୌଧକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିବେ।

ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ଅନୁଯାୟୀ ଦେଶରେ ସଭା, ସମ୍ମିଳନୀ ଏବଂ ପ୍ରଦର୍ଶନୀ ଆୟୋଜନ ପାଇଁ ପ୍ରଗତି ମଇଦାନରେ ବିଶ୍ୱ ସ୍ତରୀୟ ଭିତ୍ତିଭୂମି ଥିବା ଆନ୍ତର୍ଜାତୀୟ ପ୍ରଦର୍ଶନୀ ତଥା ସମ୍ମିଳନୀ କେନ୍ଦ୍ର (ଆଇଇସିସି) ସଂକଳ୍ପବଦ୍ଧତାକୁ ଦର୍ଶାଇଛି। ପ୍ରଗତି ମଇଦାନରେ ପୁରାତନ ତଥା ପୁରୁଣା ସୁବିଧାଗୁଡ଼ିକର ନବୀକରଣ କରିଥିବା ଏହି ପ୍ରକଳ୍ପ ପ୍ରାୟ ୨୭୦୦ କୋଟି ଟଙ୍କା ବ୍ୟୟରେ ଜାତୀୟ ପ୍ରକଳ୍ପ ଭାବରେ ବିକଶିତ ହୋଇଛି। ପାଖାପାଖି ୧୨୩ ଏକର ପରିମିତ ଏକ ଅଞ୍ଚଳ ସହିତ, ଆଇଇସିସି ସୌଧ ଭାରତର ସର୍ବବୃହତ ଏମଆଇସିଇ (ବୈଠକ, ପ୍ରୋତ୍ସାହନ, ସମ୍ମିଳନୀ ଏବଂ ପ୍ରଦର୍ଶନୀ) ସ୍ଥଳ ଭାବରେ ବିକଶିତ ହୋଇଛି। କାର୍ଯ୍ୟକ୍ରମ ଗୁଡିକ ପାଇଁ ଉପଲବ୍ଧ ଆବୃତ ସ୍ଥାନ ଦୃଷ୍ଟିରୁ, ଆଇଇସିସି ସୌଧ ବିଶ୍ୱର ଶୀର୍ଷ ପ୍ରଦର୍ଶନୀ ଏବଂ ସମ୍ମିଳନୀ ସୌଧ ମଧ୍ୟରେ ସ୍ଥାନ ପାଇଛି।

ପ୍ରଗତି ମଇଦାନରେ ନୂତନ ଭାବରେ ବିକଶିତ ଆଇଇସିସି ସୌଧରେ ସମ୍ମିଳନୀ କେନ୍ଦ୍ର, ପ୍ରଦର୍ଶନୀ ହଲ୍‌, ମୁକ୍ତାକାଶ ମଞ୍ଚ ଭଳି ଏକାଧିକ ଅତ୍ୟାଧୁନିକ ସୁବିଧା ରହିଛି।

ସମ୍ମିଳନୀ କେନ୍ଦ୍ର ପ୍ରଗତି ମଇଦାନ ସୌଧର କେନ୍ଦ୍ରବିନ୍ଦୁ ଭାବରେ ବିକଶିତ ହୋଇଛି। ଏହା ଏକ ଚମତ୍କାର ବୃହତ ସ୍ଥାପତ୍ୟ, ବୃହତ ଆନ୍ତର୍ଜାତୀୟ ପ୍ରଦର୍ଶନୀ, ବାଣିଜ୍ୟ ମେଳା, ଆଲୋଚନାଚକ୍ର, ସମ୍ମିଳନୀ ଏବଂ ଅନ୍ୟାନ୍ୟ ସମ୍ମାନଜନକ କାର୍ଯ୍ୟକ୍ରମ ଆୟୋଜନ ପାଇଁ ପରିକଳ୍ପିତ। ଏହା ଏକାଧିକ ବୈଠକ କକ୍ଷ, ବିଶ୍ରାମସ୍ଥଳ, ଅଡିଟୋରିୟମ୍‌, ମୁକ୍ତାକାଶ ମଞ୍ଚ ଏବଂ ବ୍ୟବସାୟ କେନ୍ଦ୍ର ସହିତ ସଜ୍ଜିତ ହୋଇଛି, ଯାହା ଏହାକୁ ବିଭିନ୍ନ କାର୍ଯ୍ୟକ୍ରମ ଆୟୋଜନ କରିବାରେ ସକ୍ଷମ କରିବ। ଏହାର ମହାନ୍ ବହୁ ଉଦ୍ଦେଶ୍ୟ ସାଧନ କରିପାରୁଥିବା ହଲ୍‍ ଏବଂ ପ୍ଲେନାରୀ ହଲର ମିଳିତ କ୍ଷମତା ସାତ ହଜାର ଲୋକଙ୍କ ପାଇଁ ରହିଛି, ଯାହା ଅଷ୍ଟ୍ରେଲିଆର ପ୍ରସିଦ୍ଧ ସିଡନୀ ଅପେରା ହାଉସର ବସିବା କ୍ଷମତାଠାରୁ ବଡ଼ ଅଟେ। ଏହାର ଚମତ୍କାର ମୁକ୍ତାକାଶ ମଞ୍ଚ ୩୦୦୦ ହଜାର ବ୍ୟକ୍ତିଙ୍କ ବସିବା କ୍ଷମତା ସହିତ ସଜ୍ଜିତ ହୋଇଛି।

ସମ୍ମିଳନୀ କେନ୍ଦ୍ର ସୌଧର ସ୍ଥାପତ୍ୟ ଡିଜାଇନ୍ ଭାରତୀୟ ପରମ୍ପରାରୁ ଅନୁପ୍ରାଣିତ ହୋଇଛି ଏବଂ ଆଧୁନିକ ସୁବିଧା ତଥା ଜୀବନଶୈଳୀକୁ ଗ୍ରହଣ କରିବା ସହିତ ଅତୀତରେ ଭାରତର ଆତ୍ମବିଶ୍ୱାସ ଏବଂ ବିଶ୍ୱାସକୁ ଦର୍ଶାଉଛି। ସୌଧର ଆକୃତି ଶଙ୍ଖ (ଶଙ୍ଖ ସେଲ) ରୁ ଉତ୍ପନ୍ନ ହୋଇଛି, ସମ୍ମିଳନୀ କେନ୍ଦ୍ରର ବିଭିନ୍ନ କାନ୍ଥ ଏବଂ ପ୍ରବେଶ ସ୍ଥାନରେ “ସୂର୍ଯ୍ୟ ଶକ୍ତି” ସହିତ ଭାରତର ପାରମ୍ପାରିକ କଳା ଓ ସଂସ୍କୃତିର ଅନେକ ଉପାଦାନ ଚିତ୍ରିତ ହୋଇଛି ଯେଉଁଥିରେ ଭାରତର ସୌର ଶକ୍ତି ବ୍ୟବହାର କରିବାର ପ୍ରୟାସକୁ ଦର୍ଶାଯାଇଛି, ମହାକାଶରେ ଆମର ସଫଳତାକୁ ପାଳନ କରୁଥିବା ପଞ୍ଚ ମହାଭୂତ, ଆକାଶ, ବାୟୁ, ଅଗ୍ନି, ଜଳ, ପୃଥିବୀ ଆଦିକୁ ଦର୍ଶାଉଛି। ଆହୁରି ମଧ୍ୟ, ଦେଶର ବିଭିନ୍ନ ଅଞ୍ଚଳରୁ ଆସିଥିବା ବିଭିନ୍ନ ଚିତ୍ର ଏବଂ ଆଦିବାସୀ କଳା ସମ୍ମିଳନୀ କେନ୍ଦ୍ରର ଶୋଭା ବର୍ଦ୍ଧନ କରୁଛି।

ସମ୍ମିଳନୀ କେନ୍ଦ୍ରରେ ଉପଲବ୍ଧ ଅନ୍ୟାନ୍ୟ ସୁବିଧା ମଧ୍ୟରେ ୫ଜି- ସଂଯୁକ୍ତ ସମ୍ପୂର୍ଣ୍ଣ ୱାଇ-ଫାଇ କ୍ୟାମ୍ପସ୍‌, ୧୦ଜି ଇଣ୍ଟରନେଟ୍ ସଂଯୋଗ, ୧୬ଟି ବିଭିନ୍ନ ଭାଷାକୁ ସମର୍ଥନ କରିବା ପାଇଁ ଅତ୍ୟାଧୁନିକ ଜ୍ଞାନକୌଶଳ ସହିତ ସଜ୍ଜିତ ଅନୁବାଦ କକ୍ଷ, ବୃହତ ଆକାରର ଭିଡିଓ କାନ୍ଥ ସହିତ ଉନ୍ନତ ଏଭି ସିଷ୍ଟମ, ସର୍ବୋଚ୍ଚ କାର୍ଯ୍ୟକାରିତା ଏବଂ ଶକ୍ତି ଦକ୍ଷତା ସୁନିଶ୍ଚିତ କରୁଥିବା ସୌଧ ପରିଚାଳନା ବ୍ୟବସ୍ଥା ସହିତ ଆଲୋକୀକରଣ ଏବଂ ଅକ୍ୟୁପାନ୍ସି ସେନ୍ସର, ଅତ୍ୟାଧୁନିକ ଡିସିଏନ୍ (ଡାଟା କମ୍ୟୁନିକେସନ୍ ନେଟୱାର୍କ) ଆଦି ରହିଛି।

ଏହାବାଦ୍‍ ଆଇଇସିସି ସୌଧରେ ସମୁଦାୟ ସାତୋଟି ପ୍ରଦର୍ଶନୀ ହଲ୍ ରହିଛି, ପ୍ରତ୍ୟେକ ପ୍ରଦର୍ଶନୀ, ବାଣିଜ୍ୟ ମେଳା ଏବଂ ବ୍ୟବସାୟ କାର୍ଯ୍ୟକ୍ରମ ଆୟୋଜନ ପାଇଁ ବହୁମୁଖୀ ସ୍ଥାନ ଭାବରେ କାର୍ଯ୍ୟ କରିବ। ପ୍ରଦର୍ଶନୀ ହଲ୍ ଗୁଡିକ ବିଭିନ୍ନ ପ୍ରକାରର ଶିଳ୍ପ ଏବଂ ବିଶ୍ୱର ବିଭିନ୍ନ ସ୍ଥାନରୁ ଉତ୍ପାଦ ଏବଂ ସେବା ପ୍ରଦର୍ଶନ ପାଇଁ ଡିଜାଇନ୍ କରାଯାଇଛି। ଏହି ଅତ୍ୟାଧୁନିକ ସଂରଚନାଗୁଡ଼ିକ ଆଧୁନିକ ଇଞ୍ଜିନିୟରିଂ ଏବଂ ସ୍ଥାପତ୍ୟର ଏକ ପ୍ରମାଣ।

ଆଇଇସିସି ବାହାରେ ଥିବା ଅଞ୍ଚଳର ବିକାଶ ମଧ୍ୟ ସୁଚିନ୍ତିତ ଭାବରେ ଡିଜାଇନ୍ ହୋଇଛି ଯାହା ମୁଖ୍ୟ ସୌଧର ସୌନ୍ଦର୍ଯ୍ୟକୁ ପରିପୂର୍ଣ୍ଣ କରେ ଏବଂ ଏହି ପ୍ରକଳ୍ପରେ ହୋଇଥିବା ଯତ୍ନଶୀଳ ଯୋଜନା ଏବଂ ବିକାଶର ସାକ୍ଷୀ। ମୂର୍ତ୍ତି, ସ୍ଥାପନ ଏବଂ ମୂର୍ତ୍ତିଗୁଡ଼ିକ ଭାରତର ସମୃଦ୍ଧ ସାଂସ୍କୃତିକ ଐତିହ୍ୟକୁ ଦର୍ଶାଏ; ମ୍ୟୁଜିକାଲ୍ ଫାଉଣ୍ଟେନ୍ସ ଦର୍ଶନର ଏକ ଉପାଦାନ ଯୋଗ କରୁଛି; ଜଳାଶୟ, ହ୍ରଦ ଏବଂ କୃତ୍ରିମ ଝରଣା ପରି ଜଳାଶୟ ଏହି ଅଞ୍ଚଳର ଶାନ୍ତି ଏବଂ ସୌନ୍ଦର୍ଯ୍ୟକୁ ବଢାଇଥାଏ।

ଆଇଇସିସିରେ ଭ୍ରମଣକାରୀଙ୍କ ସୁବିଧା ଏକ ପ୍ରାଥମିକତା, ୫୫୦୦ ରୁ ଅଧିକ ଗାଡି ପାର୍କିଂ ସ୍ଥାନ ଯୋଗାଣରେ ପ୍ରତିଫଳିତ ହୋଇଛି। ଟ୍ରାଫିକ ମୁକ୍ତ ରାସ୍ତା ଦେଇ ପ୍ରବେଶର ସହଜତା ନିଶ୍ଚିତ କରେ ଯେ ପରିଦର୍ଶକମାନେ କୌଣସି ଅସୁବିଧା ବିନା ଏଠାକୁ ଯାଇପାରିବେ। ଆହୁରି ମଧ୍ୟ, ସାମଗ୍ରିକ ଡିଜାଇନ୍ ଉପସ୍ଥିତ ଲୋକଙ୍କ ଆରାମ ଏବଂ ସୁବିଧାକୁ ପ୍ରାଥମିକତା ଦେଇଥାଏ, ଆଇଇସିସି ସୌଧ ମଧ୍ୟରେ ବାଧାମୁକ୍ତ ଗତିବିଧିକୁ ସୁଗମ କରିଥାଏ।

ପ୍ରଗତି ମଇଦାନରେ ନୂତନ ଆଇଇସିସି ସୌଧର ବିକାଶ ଭାରତକୁ ବିଶ୍ୱ ବ୍ୟବସାୟ ସ୍ଥଳ ଭାବରେ ଆଗକୁ ନେବାରେ ସହାୟକ ହେବ। ଏହା ବାଣିଜ୍ୟ ଏବଂ ବ୍ୟବସାୟକୁ ବୃଦ୍ଧି କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ, ଯାହା ଆର୍ଥିକ ଅଭିବୃଦ୍ଧି ଏବଂ ନିଯୁକ୍ତି ସୃଷ୍ଟି କରିବ। ଏହା ଜାତୀୟ ଏବଂ ଆନ୍ତର୍ଜାତୀୟ ସ୍ତରରେ ସେମାନଙ୍କର ଉତ୍ପାଦ ଏବଂ ସେବା ପ୍ରଦର୍ଶନ କରିବାକୁ ଏକ ପ୍ଲାଟଫର୍ମ ଯୋଗାଇ କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗଗୁଡିକର ଅଭିବୃଦ୍ଧିକୁ ସମର୍ଥନ କରିବ। ଏହା ମଧ୍ୟ ଜ୍ଞାନ ଆଦାନ ପ୍ରଦାନକୁ ସୁଗମ କରିବ ଏବଂ ସର୍ବୋତ୍ତମ ଅଭ୍ୟାସ, ବୈଷୟିକ ପ୍ରଗତି ଏବଂ ଶିଳ୍ପ ଧାରା ବିସ୍ତାରକୁ ଉତ୍ସାହିତ କରିବ। ପ୍ରଗତି ମଇଦାନରେ ଥିବା ଆଇଇସିସି ଆତ୍ମନିର୍ଭର ଭାରତର ଉତ୍ସାହ ଭାରତର ଅର୍ଥନୈତିକ ଏବଂ ବୈଷୟିକ ଉତ୍କର୍ଷର ଅନୁସରଣକୁ ଦର୍ଶାଉଛି ଏବଂ ଏହା ଏକ ନୂତନ ଭାରତ ଗଠନ ଦିଗରେ ଏକ ପଦକ୍ଷେପ।

Categories
ଆଜିର ଖବର ଜାତୀୟ ଖବର

ପଶ୍ଚିମବଙ୍ଗ ବିଧାୟକ ବିଷ୍ଣୁପଦ ରାୟଙ୍କ ଦେହାନ୍ତରେ ପ୍ରଧାନମନ୍ତ୍ରୀଙ୍କ ଶୋକ

ନୂଆଦିଲ୍ଲୀ: ପଶ୍ଚିମବଙ୍ଗ ବିଧାୟକ ବିଷ୍ଣୁପଦ ରାୟଙ୍କ ଦେହାନ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗଭୀର ଦୁଃଖ ପ୍ରକାଶ କରିଛନ୍ତି।

ପ୍ରଧାନମନ୍ତ୍ରୀ ଟୁଇଟ୍ କରି କହିଛନ୍ତି ଯେ, ‘ପଶ୍ଚିମବଙ୍ଗ ବିଧାୟକ ବିଷ୍ଣୁପଦ ରାୟଙ୍କ ଅକାଳ ବିୟୋଗରେ ଦୁଃଖିତ। ସେ ଜଣେ ପରିଶ୍ରମୀ ବିଧାୟକ ଥିଲେ, ଯିଏ କି ଲୋକଙ୍କ ଆକାଂକ୍ଷା ପୂରଣ ପାଇଁ ଅନେକ ଉଦ୍ୟମ କରିଥିଲେ। ପଶ୍ଚିମବଙ୍ଗରେ ବିଜେପିକୁ ମଜଭୁତ କରିବା ପାଇଁ କଠିନ ପରିଶ୍ରମ କରିଥିଲେ। ତାଙ୍କ ପରିବାର ଏବଂ ସମର୍ଥକଙ୍କୁ ସମବେଦନା। ଓମ୍ ଶାନ୍ତି।’

Categories
ଆଜିର ଖବର ଜାତୀୟ ଖବର

ଜୁଲାଇ ୨୬ରେ ସମ୍ମିଳନୀ କେନ୍ଦ୍ର ସୌଧକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୬ ଜୁଲାଇ, ୨୦୨୩ ରେ ପ୍ରଗତି ମଇଦାନରେ ଥିବା ଆନ୍ତର୍ଜାତୀୟ ପ୍ରଦର୍ଶନୀ ତଥା ସମ୍ମିଳନୀ କେନ୍ଦ୍ର (ଆଇଇସିସି) ସୌଧକୁ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିବେ।

ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ଅନୁଯାୟୀ ଦେଶରେ ସଭା, ସମ୍ମିଳନୀ ଏବଂ ପ୍ରଦର୍ଶନୀ ଆୟୋଜନ ପାଇଁ ପ୍ରଗତି ମଇଦାନରେ ବିଶ୍ୱ ସ୍ତରୀୟ ଭିତ୍ତିଭୂମି ଥିବା ଆନ୍ତର୍ଜାତୀୟ ପ୍ରଦର୍ଶନୀ ତଥା ସମ୍ମିଳନୀ କେନ୍ଦ୍ର (ଆଇଇସିସି) ସଂକଳ୍ପବଦ୍ଧତାକୁ ଦର୍ଶାଇଛି। ପ୍ରଗତି ମଇଦାନରେ ପୁରାତନ ତଥା ପୁରୁଣା ସୁବିଧାଗୁଡ଼ିକର ନବୀକରଣ କରିଥିବା ଏହି ପ୍ରକଳ୍ପ ପ୍ରାୟ ୨୭୦୦ କୋଟି ଟଙ୍କା ବ୍ୟୟରେ ଜାତୀୟ ପ୍ରକଳ୍ପ ଭାବରେ ବିକଶିତ ହୋଇଛି। ପାଖାପାଖି ୧୨୩ ଏକର ପରିମିତ ଏକ ଅଞ୍ଚଳ ସହିତ, ଆଇଇସିସି ସୌଧ ଭାରତର ସର୍ବବୃହତ ଏମଆଇସିଇ (ବୈଠକ, ପ୍ରୋତ୍ସାହନ, ସମ୍ମିଳନୀ ଏବଂ ପ୍ରଦର୍ଶନୀ) ସ୍ଥଳ ଭାବରେ ବିକଶିତ ହୋଇଛି। କାର୍ଯ୍ୟକ୍ରମ ଗୁଡିକ ପାଇଁ ଉପଲବ୍ଧ ଆବୃତ ସ୍ଥାନ ଦୃଷ୍ଟିରୁ, ଆଇଇସିସି ସୌଧ ବିଶ୍ୱର ଶୀର୍ଷ ପ୍ରଦର୍ଶନୀ ଏବଂ ସମ୍ମିଳନୀ ସୌଧ ମଧ୍ୟରେ ସ୍ଥାନ ପାଇଛି।

ପ୍ରଗତି ମଇଦାନରେ ନୂତନ ଭାବରେ ବିକଶିତ ଆଇଇସିସି ସୌଧରେ ସମ୍ମିଳନୀ କେନ୍ଦ୍ର, ପ୍ରଦର୍ଶନୀ ହଲ୍‌, ମୁକ୍ତାକାଶ ମଞ୍ଚ ଭଳି ଏକାଧିକ ଅତ୍ୟାଧୁନିକ ସୁବିଧା ରହିଛି।

ସମ୍ମିଳନୀ କେନ୍ଦ୍ର ପ୍ରଗତି ମଇଦାନ ସୌଧର କେନ୍ଦ୍ରବିନ୍ଦୁ ଭାବରେ ବିକଶିତ ହୋଇଛି। ଏହା ଏକ ଚମତ୍କାର ବୃହତ ସ୍ଥାପତ୍ୟ, ବୃହତ ଆନ୍ତର୍ଜାତୀୟ ପ୍ରଦର୍ଶନୀ, ବାଣିଜ୍ୟ ମେଳା, ଆଲୋଚନାଚକ୍ର, ସମ୍ମିଳନୀ ଏବଂ ଅନ୍ୟାନ୍ୟ ସମ୍ମାନଜନକ କାର୍ଯ୍ୟକ୍ରମ ଆୟୋଜନ ପାଇଁ ପରିକଳ୍ପିତ। ଏହା ଏକାଧିକ ବୈଠକ କକ୍ଷ, ବିଶ୍ରାମସ୍ଥଳ, ଅଡିଟୋରିୟମ୍‌, ମୁକ୍ତାକାଶ ମଞ୍ଚ ଏବଂ ବ୍ୟବସାୟ କେନ୍ଦ୍ର ସହିତ ସଜ୍ଜିତ ହୋଇଛି, ଯାହା ଏହାକୁ ବିଭିନ୍ନ କାର୍ଯ୍ୟକ୍ରମ ଆୟୋଜନ କରିବାରେ ସକ୍ଷମ କରିବ। ଏହାର ମହାନ୍ ବହୁ ଉଦ୍ଦେଶ୍ୟ ସାଧନ କରିପାରୁଥିବା ହଲ୍‍ ଏବଂ ପ୍ଲେନାରୀ ହଲର ମିଳିତ କ୍ଷମତା ସାତ ହଜାର ଲୋକଙ୍କ ପାଇଁ ରହିଛି, ଯାହା ଅଷ୍ଟ୍ରେଲିଆର ପ୍ରସିଦ୍ଧ ସିଡନୀ ଅପେରା ହାଉସର ବସିବା କ୍ଷମତାଠାରୁ ବଡ଼ ଅଟେ। ଏହାର ଚମତ୍କାର ମୁକ୍ତାକାଶ ମଞ୍ଚ ୩୦୦୦ ହଜାର ବ୍ୟକ୍ତିଙ୍କ ବସିବା କ୍ଷମତା ସହିତ ସଜ୍ଜିତ ହୋଇଛି।

ସମ୍ମିଳନୀ କେନ୍ଦ୍ର ସୌଧର ସ୍ଥାପତ୍ୟ ଡିଜାଇନ୍ ଭାରତୀୟ ପରମ୍ପରାରୁ ଅନୁପ୍ରାଣିତ ହୋଇଛି ଏବଂ ଆଧୁନିକ ସୁବିଧା ତଥା ଜୀବନଶୈଳୀକୁ ଗ୍ରହଣ କରିବା ସହିତ ଅତୀତରେ ଭାରତର ଆତ୍ମବିଶ୍ୱାସ ଏବଂ ବିଶ୍ୱାସକୁ ଦର୍ଶାଉଛି। ସୌଧର ଆକୃତି ଶଙ୍ଖ (ଶଙ୍ଖ ସେଲ) ରୁ ଉତ୍ପନ୍ନ ହୋଇଛି, ସମ୍ମିଳନୀ କେନ୍ଦ୍ରର ବିଭିନ୍ନ କାନ୍ଥ ଏବଂ ପ୍ରବେଶ ସ୍ଥାନରେ “ସୂର୍ଯ୍ୟ ଶକ୍ତି” ସହିତ ଭାରତର ପାରମ୍ପାରିକ କଳା ଓ ସଂସ୍କୃତିର ଅନେକ ଉପାଦାନ ଚିତ୍ରିତ ହୋଇଛି ଯେଉଁଥିରେ ଭାରତର ସୌର ଶକ୍ତି ବ୍ୟବହାର କରିବାର ପ୍ରୟାସକୁ ଦର୍ଶାଯାଇଛି, ମହାକାଶରେ ଆମର ସଫଳତାକୁ ପାଳନ କରୁଥିବା ପଞ୍ଚ ମହାଭୂତ, ଆକାଶ, ବାୟୁ, ଅଗ୍ନି, ଜଳ, ପୃଥିବୀ ଆଦିକୁ ଦର୍ଶାଉଛି। ଆହୁରି ମଧ୍ୟ, ଦେଶର ବିଭିନ୍ନ ଅଞ୍ଚଳରୁ ଆସିଥିବା ବିଭିନ୍ନ ଚିତ୍ର ଏବଂ ଆଦିବାସୀ କଳା ସମ୍ମିଳନୀ କେନ୍ଦ୍ରର ଶୋଭା ବର୍ଦ୍ଧନ କରୁଛି।

ସମ୍ମିଳନୀ କେନ୍ଦ୍ରରେ ଉପଲବ୍ଧ ଅନ୍ୟାନ୍ୟ ସୁବିଧା ମଧ୍ୟରେ ୫ଜି- ସଂଯୁକ୍ତ ସମ୍ପୂର୍ଣ୍ଣ ୱାଇ-ଫାଇ କ୍ୟାମ୍ପସ୍‌, ୧୦ଜି ଇଣ୍ଟରନେଟ୍ ସଂଯୋଗ, ୧୬ଟି ବିଭିନ୍ନ ଭାଷାକୁ ସମର୍ଥନ କରିବା ପାଇଁ ଅତ୍ୟାଧୁନିକ ଜ୍ଞାନକୌଶଳ ସହିତ ସଜ୍ଜିତ ଅନୁବାଦ କକ୍ଷ, ବୃହତ ଆକାରର ଭିଡିଓ କାନ୍ଥ ସହିତ ଉନ୍ନତ ଏଭି ସିଷ୍ଟମ, ସର୍ବୋଚ୍ଚ କାର୍ଯ୍ୟକାରିତା ଏବଂ ଶକ୍ତି ଦକ୍ଷତା ସୁନିଶ୍ଚିତ କରୁଥିବା ସୌଧ ପରିଚାଳନା ବ୍ୟବସ୍ଥା ସହିତ ଆଲୋକୀକରଣ ଏବଂ ଅକ୍ୟୁପାନ୍ସି ସେନ୍ସର, ଅତ୍ୟାଧୁନିକ ଡିସିଏନ୍ (ଡାଟା କମ୍ୟୁନିକେସନ୍ ନେଟୱାର୍କ) ଆଦି ରହିଛି।

ଏହାବାଦ୍‍ ଆଇଇସିସି ସୌଧରେ ସମୁଦାୟ ସାତୋଟି ପ୍ରଦର୍ଶନୀ ହଲ୍ ରହିଛି, ପ୍ରତ୍ୟେକ ପ୍ରଦର୍ଶନୀ, ବାଣିଜ୍ୟ ମେଳା ଏବଂ ବ୍ୟବସାୟ କାର୍ଯ୍ୟକ୍ରମ ଆୟୋଜନ ପାଇଁ ବହୁମୁଖୀ ସ୍ଥାନ ଭାବରେ କାର୍ଯ୍ୟ କରିବ। ପ୍ରଦର୍ଶନୀ ହଲ୍ ଗୁଡିକ ବିଭିନ୍ନ ପ୍ରକାରର ଶିଳ୍ପ ଏବଂ ବିଶ୍ୱର ବିଭିନ୍ନ ସ୍ଥାନରୁ ଉତ୍ପାଦ ଏବଂ ସେବା ପ୍ରଦର୍ଶନ ପାଇଁ ଡିଜାଇନ୍ କରାଯାଇଛି। ଏହି ଅତ୍ୟାଧୁନିକ ସଂରଚନାଗୁଡ଼ିକ ଆଧୁନିକ ଇଞ୍ଜିନିୟରିଂ ଏବଂ ସ୍ଥାପତ୍ୟର ଏକ ପ୍ରମାଣ।

ଆଇଇସିସି ବାହାରେ ଥିବା ଅଞ୍ଚଳର ବିକାଶ ମଧ୍ୟ ସୁଚିନ୍ତିତ ଭାବରେ ଡିଜାଇନ୍ ହୋଇଛି ଯାହା ମୁଖ୍ୟ ସୌଧର ସୌନ୍ଦର୍ଯ୍ୟକୁ ପରିପୂର୍ଣ୍ଣ କରେ ଏବଂ ଏହି ପ୍ରକଳ୍ପରେ ହୋଇଥିବା ଯତ୍ନଶୀଳ ଯୋଜନା ଏବଂ ବିକାଶର ସାକ୍ଷୀ। ମୂର୍ତ୍ତି, ସ୍ଥାପନ ଏବଂ ମୂର୍ତ୍ତିଗୁଡ଼ିକ ଭାରତର ସମୃଦ୍ଧ ସାଂସ୍କୃତିକ ଐତିହ୍ୟକୁ ଦର୍ଶାଏ; ମ୍ୟୁଜିକାଲ୍ ଫାଉଣ୍ଟେନ୍ସ ଦର୍ଶନର ଏକ ଉପାଦାନ ଯୋଗ କରୁଛି; ଜଳାଶୟ, ହ୍ରଦ ଏବଂ କୃତ୍ରିମ ଝରଣା ପରି ଜଳାଶୟ ଏହି ଅଞ୍ଚଳର ଶାନ୍ତି ଏବଂ ସୌନ୍ଦର୍ଯ୍ୟକୁ ବଢାଇଥାଏ।

ଆଇଇସିସିରେ ଭ୍ରମଣକାରୀଙ୍କ ସୁବିଧା ଏକ ପ୍ରାଥମିକତା, ୫୫୦୦ ରୁ ଅଧିକ ଗାଡି ପାର୍କିଂ ସ୍ଥାନ ଯୋଗାଣରେ ପ୍ରତିଫଳିତ ହୋଇଛି। ଟ୍ରାଫିକ ମୁକ୍ତ ରାସ୍ତା ଦେଇ ପ୍ରବେଶର ସହଜତା ନିଶ୍ଚିତ କରେ ଯେ ପରିଦର୍ଶକମାନେ କୌଣସି ଅସୁବିଧା ବିନା ଏଠାକୁ ଯାଇପାରିବେ। ଆହୁରି ମଧ୍ୟ, ସାମଗ୍ରିକ ଡିଜାଇନ୍ ଉପସ୍ଥିତ ଲୋକଙ୍କ ଆରାମ ଏବଂ ସୁବିଧାକୁ ପ୍ରାଥମିକତା ଦେଇଥାଏ, ଆଇଇସିସି ସୌଧ ମଧ୍ୟରେ ବାଧାମୁକ୍ତ ଗତିବିଧିକୁ ସୁଗମ କରିଥାଏ।

ପ୍ରଗତି ମଇଦାନରେ ନୂତନ ଆଇଇସିସି ସୌଧର ବିକାଶ ଭାରତକୁ ବିଶ୍ୱ ବ୍ୟବସାୟ ସ୍ଥଳ ଭାବରେ ଆଗକୁ ନେବାରେ ସହାୟକ ହେବ। ଏହା ବାଣିଜ୍ୟ ଏବଂ ବ୍ୟବସାୟକୁ ବୃଦ୍ଧି କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ, ଯାହା ଆର୍ଥିକ ଅଭିବୃଦ୍ଧି ଏବଂ ନିଯୁକ୍ତି ସୃଷ୍ଟି କରିବ। ଏହା ଜାତୀୟ ଏବଂ ଆନ୍ତର୍ଜାତୀୟ ସ୍ତରରେ ସେମାନଙ୍କର ଉତ୍ପାଦ ଏବଂ ସେବା ପ୍ରଦର୍ଶନ କରିବାକୁ ଏକ ପ୍ଲାଟଫର୍ମ ଯୋଗାଇ କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗଗୁଡିକର ଅଭିବୃଦ୍ଧିକୁ ସମର୍ଥନ କରିବ। ଏହା ମଧ୍ୟ ଜ୍ଞାନ ଆଦାନ ପ୍ରଦାନକୁ ସୁଗମ କରିବ ଏବଂ ସର୍ବୋତ୍ତମ ଅଭ୍ୟାସ, ବୈଷୟିକ ପ୍ରଗତି ଏବଂ ଶିଳ୍ପ ଧାରା ବିସ୍ତାରକୁ ଉତ୍ସାହିତ କରିବ। ପ୍ରଗତି ମଇଦାନରେ ଥିବା ଆଇଇସିସି ଆତ୍ମନିର୍ଭର ଭାରତର ଉତ୍ସାହ ଭାରତର ଅର୍ଥନୈତିକ ଏବଂ ବୈଷୟିକ ଉତ୍କର୍ଷର ଅନୁସରଣକୁ ଦର୍ଶାଉଛି ଏବଂ ଏହା ଏକ ନୂତନ ଭାରତ ଗଠନ ଦିଗରେ ଏକ ପଦକ୍ଷେପ।

Categories
ଆଜିର ଖବର ଜାତୀୟ ଖବର

ଲୋକମାନ୍ୟ ତିଲକଙ୍କ ଜୟନ୍ତୀରେ ପ୍ରଧାନମନ୍ତ୍ରୀଙ୍କ ଶ୍ରଦ୍ଧାଞ୍ଜଳି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୋକମାନ୍ୟ ତିଲକଙ୍କ ଜୟନ୍ତୀରେ ଶ୍ରଦ୍ଧାଞ୍ଜଳି ଦେଇଛନ୍ତି। ସ୍ୱାଧୀନତା ସଂଗ୍ରାମରେ ତାଙ୍କ ସାହସ, ସଂଘର୍ଷ, ଉତ୍ସର୍ଗ ସର୍ବଦା ଦେଶବାସୀଙ୍କୁ ପ୍ରେରିତ କରିବ ବୋଲି କହିଛନ୍ତି

ଏକ ଟୁଇଟରେ ପ୍ରଧାନମନ୍ତ୍ରୀ କରି କହିଛନ୍ତି ଯେ, ‘ପୂର୍ଣ୍ଣ ସ୍ୱରାଜ ଦାବିରେ ବିଦେଶୀ ଶାସନର ମୁଳଦୁଆକୁ ଦୋହଲାଇ ଦେଇଥିବା ଦେଶର ଅମର ଯୋଦ୍ଧା ଲୋକମାନ୍ୟ ତିଲକଙ୍କୁ କୋଟି କୋଟି ପ୍ରଣାମ। ସ୍ୱାଧୀନତା ସଂଗ୍ରାମରେ ତାଙ୍କ ସାହସ, ସଂଘର୍ଷ, ଉତ୍ସର୍ଗ ସର୍ବଦା ଦେଶବାସୀଙ୍କୁ ପ୍ରେରଣା ଯୋଗାଇବ।’

Categories
ଆଜିର ଖବର ଜାତୀୟ ଖବର

ସ୍ୱାଧୀନତା ସଂଗ୍ରାମୀ ଚନ୍ଦ୍ରଶେଖର ଆଜାଦଙ୍କ ଜୟନ୍ତୀରେ ପ୍ରଧାନମନ୍ତ୍ରୀଙ୍କ ଶ୍ରଦ୍ଧାଞ୍ଜଳି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାଧୀନତା ସଂଗ୍ରାମୀ ଚନ୍ଦ୍ରଶେଖର ଆଜାଦାଙ୍କ ଜୟନ୍ତୀରେ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି।

ଏକ ଟୁଇଟରେ ପ୍ରଧାନମନ୍ତ୍ରୀ କରି କହିଛନ୍ତି ଯେ, ‘ଦେଶର ମହାନ ସୁପୁତ୍ର ଚନ୍ଦ୍ରଶେଖର ଆଜାଦଙ୍କୁ ତାଙ୍କ ଜୟନ୍ତୀରେ କୋଟି କୋଟି ପ୍ରଣାମ। ମାତୃଭୂମିର ରକ୍ଷା ପାଇଁ ତାଙ୍କ ବଳିଦାନର କାହାଣୀ ସର୍ବଦା ଦେଶବାସୀଙ୍କୁ ପ୍ରେରିତ କରିବ।’

Categories
ବିଶେଷ ଖବର

ଜାତୀୟ ରୋଜଗାର ମେଳାକୁ ପ୍ରଧାନମନ୍ତ୍ରୀଙ୍କ ସମ୍ବୋଧନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ମାଧ୍ୟମରେ ଜାତୀୟ ରୋଜଗାର ମେଳାକୁ ସମ୍ବୋଧିତ କରିଛନ୍ତି ଏବଂ ବିଭିନ୍ନ ସରକାରୀ ବିଭାଗ ତଥା ସଂସ୍ଥାରେ ନୂତନ ଭାବେ ନିଯୁକ୍ତଙ୍କୁ ୭୦,୦୦୦ ରୁ ଅଧିକ ନିଯୁକ୍ତି ପତ୍ର ବଣ୍ଟନ କରିଛନ୍ତି। ଦେଶର ବିଭିନ୍ନ ସ୍ଥାନରୁ ମନୋନୀତ ହୋଇଥିବା ଏହି ନବ ନିଯୁକ୍ତ ମାନେ ସରକାରଙ୍କ ରାଜସ୍ୱ ବିଭାଗ, ଆର୍ଥିକ ସେବା, ଡାକ, ସ୍କୁଲ ଶିକ୍ଷା, ଉଚ୍ଚଶିକ୍ଷା, ପ୍ରତିରକ୍ଷା, ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ, କେନ୍ଦ୍ରୀୟ ରାଷ୍ଟ୍ରାୟତ ଉଦ୍ୟୋଗ, ଜଳ ସମ୍ପଦ, କାର୍ମିକ ଏବଂ ତାଲିମ ଏବଂ ଗୃହ ମନ୍ତ୍ରଣାଳୟ ସମେତ ବିଭିନ୍ନ ମନ୍ତ୍ରଣାଳୟ ଏବଂ ବିଭାଗରେ ଯୋଗଦେବେ। ପ୍ରଧାନମନ୍ତ୍ରୀଙ୍କ ଉଦବୋଧନ ସମୟରେ ଦେଶର ୪୪ ଟି ସ୍ଥାନ ରୋଜଗାର ମେଳା ସହିତ ଯୋଡିହୋଇ ଥିଲା।

ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଏହା କେବଳ ଯୁବ ନିଯୁକ୍ତି ପାଇଁ ଏକ ସ୍ମରଣୀୟ ଦିନ ନୁହେଁ ବରଂ ଦେଶ ପାଇଁ ଏକ ଐତିହାସିକ ଦିନ ଅଟେ, କାରଣ ଆଜିର ଦିନରେ ୧୯୪୭ ମସିହାରେ ପ୍ରଥମ ଥର ପାଇଁ ସାମ୍ବିଧାନିକ ସଭା ଦ୍ୱାରା ତ୍ରିରଙ୍ଗାକୁ ଗ୍ରହଣ କରାଯାଇଥିଲା। ପ୍ରଧାନମନ୍ତ୍ରୀ ଏହା କହିଛନ୍ତି ଯେ ଏକ ନୂତନ ଉତ୍ସାହର ବିଷୟ ଯେ ନବ ନିଯୁକ୍ତମାନେ ସରକାରୀ ସେବା ପାଇଁ ସେମାନଙ୍କ ନିଯୁକ୍ତି ପତ୍ର ଗ୍ରହଣ କରୁଛନ୍ତି। ସେ କହିଛନ୍ତି ଯେ ଏହା ସେମାନଙ୍କର କଠିନ ପରିଶ୍ରମ ଏବଂ ନିଷ୍ଠାର ଫଳାଫଳ ଯେ ସେମାନେ ଭାରତ ଆଜାଦୀ କା ଅମୃତ ମହୋତ୍ସବ ପାଳନ କରୁଥିବା ସମୟରେ ଏକ ବିକଶିତ ଭାରତର ଲକ୍ଷ୍ୟରେ ଯୋଗଦାନ କରିବାର ସୁଯୋଗ ପାଇଛନ୍ତି। ଏହି ମହତ୍ୱପୂର୍ଣ୍ଣ ଉତ୍ସବରେ ପ୍ରଧାନମନ୍ତ୍ରୀ ନବନିଯୁକ୍ତ ଏବଂ ସେମାନଙ୍କ ପରିବାରକୁ ଅଭିନନ୍ଦନ ଜଣାଇଛନ୍ତି।

ସ୍ୱାଧୀନତାର ଅମୃତ କାଳରେ ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରତ୍ୟେକ ନାଗରିକ ଭାରତକୁ “ବିକଶିତ ଭାରତ” କରିବା ପାଇଁ ସଂକଳ୍ପ ନେଇଛନ୍ତି। ସେ କହିଛନ୍ତି ଯେ ନୂତନ ନିଯୁକ୍ତି ତଥା ଦେଶ ପାଇଁ ଆସନ୍ତା ୨୫ ବର୍ଷ ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାରଣ ସେ ନିକଟ ଅତୀତରେ ବିଶ୍ୱରୁ ଭାରତ ପ୍ରତି ବିଶ୍ୱାସ, ମହତ୍ୱ ଏବଂ ଆକର୍ଷଣର ଅଧିକ ଉପଯୋଗ କରିବାକୁ କହିଥିଲେ। ସେ ଭାରତର ଆର୍ଥିକ ଅଭିବୃଦ୍ଧି ଉପରେ ଆଲୋକପାତ କରି କହିଥିଲେ ଯେ ଏହା ବିଶ୍ୱର ୧୦ମ ରୁ ୫ମ ବୃହତ୍ତମ ଅର୍ଥନୀତିରେ ପହଞ୍ଚିଛି । ସେ ଆହୁରି ମଧ୍ୟ ଦୋହରାଇଛନ୍ତି ଯେ ଅଧିକାଂଶ ଅର୍ଥନୀତି ବିଶେଷଜ୍ଞଙ୍କ ଅନୁଯାୟୀ ଭାରତ ବିଶ୍ୱର ଶ୍ରେଷ୍ଠ ୩ ଅର୍ଥନୀତି ମଧ୍ୟରୁ ଗୋଟିଏ ହେବାକୁ ଯାଉଛି । ବିଶ୍ୱର ଶ୍ରେଷ୍ଠ ୩ୟ ଅର୍ଥନୀତି ହେବା ଭାରତ ପାଇଁ ଏକ ସ୍ମରଣୀୟ ସଫଳତା ହେବ ବୋଲି ଦର୍ଶାଇ ପ୍ରଧାନମନ୍ତ୍ରୀ କହିଛନ୍ତି ଯେ ଏହା ପ୍ରତ୍ୟେକ କ୍ଷେତ୍ରରେ ନିଯୁକ୍ତି ସୁଯୋଗ ସୃଷ୍ଟି କରିବ ଏବଂ ସାଧାରଣ ନାଗରିକଙ୍କ ଆୟ ମଧ୍ୟ ବୃଦ୍ଧି କରିବ। ନୂତନ ଅଧିକାରୀମାନେ ଏହାର ଅମୃତ କାଳରେ ଦେଶ ସେବା କରିବାର ସୁବର୍ଣ୍ଣ ସୁଯୋଗ ପାଇଥିବାରୁ ସରକାରଙ୍କ ଦ୍ୱାରା ନିଯୁକ୍ତି ପାଇବା ପାଇଁ ଆଜିଠାରୁ ଭଲ ସମୟ ଆଉ କିଛି ହୋଇପାରିବ ନାହିଁ ବୋଲି ସେ ମନ୍ତବ୍ୟ ଦେଇଛନ୍ତି। ସେ ପରାମର୍ଶ ଦେଇଛନ୍ତି ଯେ ଦେଶର ପ୍ରାଥମିକତା ହେଉଛି ଦେଶର ଲୋକଙ୍କ ସେବା କରିବା ଏବଂ ଜୀବନର ସହଜତା ବଢାଇବା ପାଇଁ ସେମାନଙ୍କର ସମସ୍ୟାର ସମାଧାନ କରିବା ବିକାଶିତ ଭାରତର ଲକ୍ଷ୍ୟ ସହିତ ସମାନ ହେବା ଉଚିତ। ତୁମର ଏକ ଛୋଟ ପ୍ରୟାସ କାହାର ଜୀବନରେ ଏକ ବଡ଼ ପରିବର୍ତ୍ତନ ସୃଷ୍ଟି କରିପାରିବ ବୋଲି ଦର୍ଶାଇ ପ୍ରଧାନମନ୍ତ୍ରୀ କହିଛନ୍ତି ଯେ ଲୋକେ ହେଉଛି ଭଗବାନଙ୍କର ରୂପ ଏବଂ ସେମାନଙ୍କୁ ସେବା କରିବା ଭଗବାନଙ୍କ ସେବା କରିବା ପରି। ସେ ଗୁରୁତ୍ୱାରୋପ କରିଛନ୍ତି ଯେ ନବନିଯୁକ୍ତ ବ୍ୟକ୍ତିମାନେ ଅନ୍ୟମାନଙ୍କର ସେବା କରିବାର ବିଶ୍ୱାସ ସହିତ କାର୍ଯ୍ୟ କରିବା ଉଚିତ ଯାହାକି ସର୍ବଶ୍ରେଷ୍ଠ ସନ୍ତୋଷର ଭାବନାକୁ ଉନ୍ମୁକ୍ତ କରିବ।

ଆଜିର କାର୍ଯ୍ୟକ୍ରମରେ ବ୍ୟାଙ୍କିଙ୍ଗ କ୍ଷେତ୍ରରେ ବହୁ ସଂଖ୍ୟକ ନିଯୁକ୍ତି ଉପରେ ଆଲୋଚନା କରି ପ୍ରଧାନମନ୍ତ୍ରୀ ଅର୍ଥନୀତିର ବିସ୍ତାରରେ ବ୍ୟାଙ୍କିଙ୍ଗ କ୍ଷେତ୍ରର ଭୂମିକା ଉପରେ ଆଲୋକପାତ କରିଥିଲେ। ଗତ ନଅ ବର୍ଷର ଯାତ୍ରାକୁ ସ୍ମରଣ କରି ଶ୍ରୀ ମୋଦୀ କହିଛନ୍ତି, ଆଜି ଭାରତ ସେହି ଦେଶମାନଙ୍କ ମଧ୍ୟରେ ଅଛି ଯେଉଁମାନଙ୍କର ବ୍ୟାଙ୍କିଙ୍ଗ କ୍ଷେତ୍ର ସବୁଠାରୁ ଶକ୍ତିଶାଳୀ ବୋଲି ବିବେଚନା କରାଯାଏ। ଅତୀତରେ ଏହି କ୍ଷେତ୍ର ଉପରେ ରାଜନୈତିକ ସ୍ୱାର୍ଥର ଖରାପ ପ୍ରଭାବ ଉପରେ ସେ ଆଲୋକପାତ କରିଥିଲେ। ଅତୀତର “ଫୋନ୍‍ ବ୍ୟାଙ୍କିଙ୍ଗ୍‌” ବିଷୟରେ ଉଲ୍ଲେଖ କରିଥିଲେ ଯେତେବେଳେ ପ୍ରଭାବଶାଳୀମାନଙ୍କ ଫୋନ୍ କଲରେ ଋଣ ବଣ୍ଟନ କରାଯାଉଥିଲା। ଏହି ଋଣ କେବେ ପରିଶୋଧ କରାଯାଏ ନାହିଁ ବୋଲି ସେ କହିଛନ୍ତି। ଏହି ଦୁର୍ନୀତିଗୁଡିକ ଦେଶର ବ୍ୟାଙ୍କିଙ୍ଗ କ୍ଷେତ୍ରର ମେରୁଦଣ୍ଡ ଭାଙ୍ଗି ଦେଇଛି ବୋଲି ସେ କହିଛନ୍ତି । ସ୍ଥିତିର ପୁନରୁଦ୍ଧାର ପାଇଁ ୨୦୧୪ ପରେ ନିଆଯାଇଥିବା ପଦକ୍ଷେପଗୁଡ଼ିକୁ ସେ ତାଲିକାଭୁକ୍ତ କରିଛନ୍ତି। ସରକାରୀ ବ୍ୟାଙ୍କଗୁଡିକର ପରିଚାଳନାକୁ ମଜବୁତ କରିବା, ବୃତ୍ତିଗତତା ଉପରେ ଚାପ ଏବଂ ଛୋଟ ବ୍ୟାଙ୍କଗୁଡିକର ବୃହତ ବ୍ୟାଙ୍କଗୁଡିକରେ ମିଶ୍ରଣ ସଂକ୍ରାନ୍ତରେ ସେ ଉଲ୍ଲେଖ କରିଛନ୍ତି। ଶ୍ରୀ ମୋଦୀ କହିଛନ୍ତି ଯେ ୫ ଲକ୍ଷ ପର୍ଯ୍ୟନ୍ତ ଜମା ଉପରେ ବୀମା କରି ୯୯ ପ୍ରତିଶତରୁ ଅଧିକ ଜମା ସୁରକ୍ଷିତ ହୋଇ ବ୍ୟାଙ୍କିଙ୍ଗ ବ୍ୟବସ୍ଥାରେ ଏକ ନୂତନ ବିଶ୍ୱାସ ସୃଷ୍ଟି କରିଛି। ଦେବାଳିଆ ସଂକେତ ପରି କାର୍ଯ୍ୟ ଦ୍ୱାରା ବ୍ୟାଙ୍କଗୁଡିକ କ୍ଷତିରୁ ରକ୍ଷା ପାଇଲେ। ଅଧିକନ୍ତୁ, ଯେଉଁମାନେ ସେମାନଙ୍କ ସମ୍ପତ୍ତି ସଂଲଗ୍ନ କରି ସରକାରୀ ସମ୍ପତ୍ତି ଲୁଟ୍ କରିଛନ୍ତି ସେମାନଙ୍କ ଉପରେ କଡା ପଦକ୍ଷେପ ନେଇ କ୍ଷତି ଏବଂ ଏନପିଏ ପାଇଁ ଜଣାଶୁଣା ବ୍ୟାଙ୍କଗୁଡିକ ସେମାନଙ୍କର ରେକର୍ଡ ଲାଭ ପାଇଁ ଆଲୋଚନାରେ ଅଛନ୍ତି।

ବ୍ୟାଙ୍କିଙ୍ଗ କ୍ଷେତ୍ରର କର୍ମଚାରୀଙ୍କ କଠିନ ପରିଶ୍ରମରେ ପ୍ରଧାନମନ୍ତ୍ରୀ ଗର୍ବ ଅନୁଭବ କରିଛନ୍ତି। ସେ କହିଛନ୍ତି, ବ୍ୟାଙ୍କିଙ୍ଗ କ୍ଷେତ୍ରର ଲୋକମାନେ ମୋତେ କିମ୍ବା ମୋର ଲକ୍ଷ୍ୟକୁ କେବେ ବି ନିରାଶ କରିନାହାଁନ୍ତି। ଜନ ଧନ ଆକାଉଣ୍ଟ ଯୋଜନାରେ ୫୦ କୋଟି ଜନ ଧନ ଆକାଉଣ୍ଟ ଖୋଲିବା ଭଳି ଏକ ବୃହତ ସଫଳତା ପାଇଁ ବ୍ୟାଙ୍କିଙ୍ଗ କ୍ଷେତ୍ରର ଉଦ୍ୟମକୁ ପ୍ରଧାନମନ୍ତ୍ରୀ ପ୍ରଶଂସା କରିଛନ୍ତି। ମହାମାରୀ ସମୟରେ କୋଟି କୋଟି ମହିଳାଙ୍କ ଆକାଉଣ୍ଟକୁ ଟଙ୍କା ଟ୍ରାନ୍ସଫର କରିବାରେ ଏହା ବହୁତ ସାହାଯ୍ୟ କରିଥିଲା।

ଏମଏସଏମଇ କ୍ଷେତ୍ରର ଉନ୍ନତି ପାଇଁ ପ୍ରୟାସ ବିଷୟରେ ପ୍ରଧାନମନ୍ତ୍ରୀ ମୁଦ୍ରା ଯୋଜନା ବିଷୟରେ ଉଲ୍ଲେଖ କରିଛନ୍ତି ଯାହା ଉଦ୍ୟୋଗୀ ଯୁବକମାନଙ୍କୁ ବନ୍ଧକମୁକ୍ତ ଋଣ ଯୋଗାଉଛି। ଏହି ଯୋଜନାକୁ ସଫଳ କରିଥିବାରୁ ସେ ବ୍ୟାଙ୍କିଙ୍ଗ କ୍ଷେତ୍ରକୁ ପ୍ରଶଂସା କରିଛନ୍ତି। ସେହିଭଳି ବ୍ୟାଙ୍କିଙ୍ଗ କ୍ଷେତ୍ର ଏହି ଅବସରରେ ଉଠିଥିଲା ଯେତେବେଳେ ସରକାର ମହିଳା ସ୍ୱୟଂ ସହାୟିକା ଗୋଷ୍ଠି ପାଇଁ ଋଣ ପରିମାଣକୁ ଦ୍ୱିଗୁଣିତ କଲେ ଏବଂ ଛୋଟ ଉଦ୍ୟୋଗଗୁଡିକର ସୁରକ୍ଷା ଦ୍ୱାରା ୧.୫ କୋଟି ନିଯୁକ୍ତି ବଞ୍ଚାଇ ଏମଏସଏମଇ ସେକ୍ଟରକୁ ସାହାଯ୍ୟ କରିଥିଲେ। ପ୍ରଧାନମନ୍ତ୍ରୀ କିଷାନ ସମ୍ମାନ ନିଧିକୁ ଏକ ବଡ଼ ସଫଳତା ଦେଇଥିବାରୁ ସେ ବ୍ୟାଙ୍କ କର୍ମଚାରୀଙ୍କୁ ଧନ୍ୟବାଦ ଜଣାଇଛନ୍ତି। ଏସଭିଏନିଧି ଯୋଜନାରେ ୫୦ ଲକ୍ଷରୁ ଅଧିକ ରାସ୍ତାକଡ ବିକ୍ରେତାଙ୍କୁ ସାହାଯ୍ୟ କରାଯାଇଥିଲା। ମୁଁ ନିଶ୍ଚିତ, ତୁମେ ତୁମର “ନିଯୁକ୍ତି ପତ୍ର” ସହିତ ବ୍ୟାଙ୍କିଙ୍ଗ ବ୍ୟବସ୍ଥାକୁ ଗରିବଙ୍କ ସଶକ୍ତିକରଣର ସାଧନ କରିବା ପାଇଁ ତୁମେ ଏକ “ସଙ୍କଳ୍ପ ପତ୍ର” (ସଙ୍କଳ୍ପ ଚିଠି) ଭାବେ ଗ୍ରହଣ କରିବ।

ପ୍ରଧାନମନ୍ତ୍ରୀ କହିଛନ୍ତି ଯେ ସମ୍ପ୍ରତି ନୀତି ରିପୋର୍ଟରୁ ଜଣାପଡିଛି ଯେ ବିଗତ ୫ ବର୍ଷ ମଧ୍ୟରେ ୧୩ କୋଟି ଭାରତୀୟଙ୍କୁ ଦାରିଦ୍ର ସୀମାରେଖା ଉପରକୁ ଅଣାଯାଇଛି। ଏଥିରେ ସରକାରୀ କର୍ମଚାରୀଙ୍କ କଠିନ ପରିଶ୍ରମକୁ ସେ ସ୍ୱୀକାର କରିଛନ୍ତି ଏବଂ ପକ୍କା ଘର, ଶୌଚାଳୟ ଏବଂ ବିଦ୍ୟୁତ ସଂଯୋଗ ପାଇଁ ଯୋଜନା ବିଷୟରେ ଉଲ୍ଲେଖ କରିଛନ୍ତି। ଯେତେବେଳେ ଏହି ଯୋଜନା ଗରିବ ଲୋକଙ୍କ ନିକଟରେ ପହଞ୍ଚିଲା, ସେତେବେଳେ ସେମାନଙ୍କର ମନୋବଳ ମଧ୍ୟ ବୃଦ୍ଧି ପାଇଲା। ଏହି ସଫଳତା ହେଉଛି ଏହାର ପ୍ରତୀକ ଯେ ଯଦି ଆମେ ମିଳିତ ଭାବେ ଭାରତରୁ ଦାରିଦ୍ର‌ ହଟାଇବା ପାଇଁ ଉଦ୍ୟମ କରିବୁ, ତେବେ ଭାରତରୁ ଦାରିଦ୍ର‌ ସମ୍ପୂର୍ଣ୍ଣ ରୂପେ ଦୂର ହୋଇପାରିବ। ନିଶ୍ଚିତ ଭାବେ ଏଥିରେ ଦେଶର ପ୍ରତ୍ୟେକ ସରକାରୀ କର୍ମଚାରୀଙ୍କ ଭୂମିକା ରହିଛି ବୋଲି ପ୍ରଧାନମନ୍ତ୍ରୀ କହିଛନ୍ତି।

ଦେଶରେ ଦାରିଦ୍ର‌ ହ୍ରାସର ଅନ୍ୟ ଏକ ଦିଗକୁ ପ୍ରଧାନମନ୍ତ୍ରୀ ଆଲୋକପାତ କରିଛନ୍ତି, ଯାହାକି ନବ-ମଧ୍ୟବିତ୍ତ ଶ୍ରେଣୀର ସମ୍ପ୍ରସାରଣ, ଯାହା ନିଯୁକ୍ତି ନିଯୁକ୍ତି ସୁଯୋଗ ସୃଷ୍ଟି କରେ। ନବ-ମଧ୍ୟବିତ୍ତ ଶ୍ରେଣୀର ବଢୁଥିବା ଚାହିଦା ଏବଂ ଆକାଂକ୍ଷା ଉତ୍ପାଦନକୁ କ୍ଷେତ୍ରକୁ ଆଗେଇ ନେଉଛି। ସେ ଦର୍ଶାଇଛନ୍ତି ଯେ ଦେଶର କାରଖାନା ଏବଂ ଶିଳ୍ପରେ ଉତ୍ପାଦନ ବୃଦ୍ଧିରୁ ଦେଶର ଯୁବକ ହିଁ ଅଧିକ ଲାଭବାନ ହୁଅନ୍ତି। ମୋବାଇଲ୍ ଫୋନ୍ ରପ୍ତାନି ହେଉ, ୨୦୨୩ ର ପ୍ରଥମ ୬ ମାସରେ ବିକ୍ରି ହୋଇଥିବା କାର ସଂଖ୍ୟା ଏବଂ ବୈଦ୍ୟୁତିକ ଯାନ ପାଇଁ ରେକର୍ଡ ବିକ୍ରି ହେଉ ଭାରତ ପ୍ରତିଦିନ ନୂଆ ରେକର୍ଡ ସୃଷ୍ଟି କରୁଛି ବୋଲି ସେ ଉଲ୍ଲେଖ କରିଛନ୍ତି। ସେ କହିଛନ୍ତି, ଏଭଳି ସମସ୍ତ କାର୍ଯ୍ୟ ଦେଶରେ ରୋଜଗାର ଏବଂ ନିଯୁକ୍ତିର ସୁଯୋଗ ବଢାଉଛି।

ସମଗ୍ର ବିଶ୍ୱ ଭାରତର ପ୍ରତିଭା ଉପରେ ନଜର ରଖିଛି ବୋଲି ଉଲ୍ଲେଖକରି ପ୍ରଧାନମନ୍ତ୍ରୀ କହିଛନ୍ତି ଯେ ବିଶ୍ୱର ଅନେକ ବିକଶିତ ଅର୍ଥନୀତି ଦେଶରେ ହାରାହାରି ବୟସ ଅଧିକ ହେତୁ ଶ୍ରମିକଙ୍କ ସଂଖ୍ୟା ହ୍ରାସ ପାଉଛି। ତେଣୁ ପ୍ରଧାନମନ୍ତ୍ରୀ କହିଛନ୍ତି, ଭାରତର ଯୁବକମାନଙ୍କ ପରିଶ୍ରମ ଏବଂ ଦକ୍ଷତା ବୃଦ୍ଧି ପାଇଁ ଏହା ହେଉଛି ପ୍ରକୃଷ୍ଟ ସମୟ। ଭାରତର ଆଇଟି ପ୍ରତିଭା, ଡାକ୍ତର ଏବଂ ନର୍ସଙ୍କ ଚାହିଦାକୁ ଦର୍ଶାଇ ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରତ୍ୟେକ ଦେଶ ତଥା ପ୍ରତ୍ୟେକ କ୍ଷେତ୍ରରେ ଭାରତୀୟ ପ୍ରତିଭା ପ୍ରତି ସମ୍ମାନ କ୍ରମାଗତ ଭାବେ ବଢୁଛି। ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ ଗତ ୯ ବର୍ଷ ମଧ୍ୟରେ ସରକାର ଦକ୍ଷତା ବିକାଶ ଉପରେ ଧ୍ୟାନ ଦେଇଛନ୍ତି ଯେଉଁଠାରେ ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନା ଅଧୀନରେ ପ୍ରାୟ ୧.୫ କୋଟି ଯୁବକଙ୍କୁ ତାଲିମ ଦିଆଯାଇଛି। ସେ ୩୦ ଟି ସ୍କିଲ ଇଣ୍ଡିଆ ଆନ୍ତର୍ଜାତୀୟ କେନ୍ଦ୍ର ପ୍ରତିଷ୍ଠା ବିଷୟରେ ମଧ୍ୟ ଉଲ୍ଲେଖ କରିଛନ୍ତି ଯାହା ଦ୍ୱାରା ଯୁବକମାନେ ବିଶ୍ୱ ସ୍ତରୀୟ ସୁଯୋଗ ପାଇଁ ପ୍ରସ୍ତୁତ ହୋଇପାରିବେ। ପ୍ରଧାନମନ୍ତ୍ରୀ ଦେଶରେ ନୂତନ ମେଡିକାଲ କଲେଜ, ଆଇଟିଆଇ, ଆଇଆଇଟି ଏବଂ ବୈଷୟିକ ପ୍ରତିଷ୍ଠାନ ଗଠନ ଉପରେ ମଧ୍ୟ ଉଲ୍ଲେଖକକରି ସୂଚନା ଦେଇଛନ୍ତି ଯେ ୨୦୧୪ ପର୍ଯ୍ୟନ୍ତ ଆମ ଦେଶରେ କେବଳ ୩୮୦ ଟି ମେଡିକାଲ କଲେଜ ଥିବାବେଳେ ଗତ ୯ ବର୍ଷ ମଧ୍ୟରେ ଏହି ସଂଖ୍ୟା ୭୦୦ ରୁ ଅଧିକ ହୋଇସାରିଛି। ସେ ନର୍ସିଂ କଲେଜ ସଂଖ୍ୟାରେ ଉଲ୍ଲେଖନୀୟ ବୃଦ୍ଧି ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ବିଶ୍ୱର ଚାହିଦା ପୂରଣ କରୁଥିବା ଦକ୍ଷତା ଭାରତର ଯୁବକମାନଙ୍କ ପାଇଁ ଲକ୍ଷ ଲକ୍ଷ ନୂତନ ସୁଯୋଗ ସୃଷ୍ଟି କରିବାକୁ ଯାଉଛି ବୋଲି ଶ୍ରୀ ମୋଦୀ କହିଛନ୍ତି।

ଅଭିଭାଷଣକୁ ସମାପ୍ତ କରି ପ୍ରଧାନମନ୍ତ୍ରୀ ସୂଚାଇ ଦେଇଛନ୍ତି ଯେ ସମସ୍ତ ନବନିଯୁକ୍ତ ବ୍ୟକ୍ତି ଏକ ସକରାତ୍ମକ ପରିବେଶରେ ସରକାରୀ ସେବାରେ ଯୋଗ ଦେଉଛନ୍ତି ଏବଂ ଏହି ସକରାତ୍ମକ ଚିନ୍ତାଧାରାକୁ ଆଗକୁ ନେବାର ଦାୟିତ୍ୱ ବର୍ତ୍ତମାନ ସେମାନଙ୍କ କାନ୍ଧରେ ରହିଛି। ପ୍ରଧାନମନ୍ତ୍ରୀ ସେମାନଙ୍କୁ ଶିକ୍ଷା ଏବଂ ଆତ୍ମ ବିକାଶର ପ୍ରକ୍ରିୟା ଜାରି ରଖିବାକୁ ଏବଂ ସରକାରଙ୍କ ଦ୍ୱାରା ପ୍ରସ୍ତୁତ ଏକ ଅନଲାଇନ୍ ଶିକ୍ଷା ପ୍ଲାଟଫର୍ମ ଆଇଜିଓଟି କର୍ମଯୋଗୀରୁ ସର୍ବାଧିକ ଲାଭ ଉଠାଇବାକୁ ମଧ୍ୟ ଅନୁରୋଧ କରିଛନ୍ତି।

ପୃଷ୍ଠଭୂମି

ରୋଜଗାର ସୃଷ୍ଟି ଉପରେ ସର୍ବୋଚ୍ଚ ପ୍ରାଥମିକତା ଦେବା ପାଇଁ ପ୍ରଧାନମନ୍ତ୍ରୀଙ୍କ ପ୍ରତିବଦ୍ଧତା ପୂରଣ ଦିଗରେ ରୋଜଗାର ମେଳା ଏକ ପଦକ୍ଷେପ। ରୋଜଗାର ମେଳା ଆଗାମୀ ନିଯୁକ୍ତି କ୍ଷେତ୍ରରେ ଏକ ସୁଯୋଗ ସୃଷ୍ଟିକାରୀ ଭାବରେ କାର୍ଯ୍ୟ କରିବ ଏବଂ ଯୁବକମାନଙ୍କୁ ସେମାନଙ୍କର ସଶକ୍ତିକରଣ ଏବଂ ଜାତୀୟ ବିକାଶରେ ଅଂଶଗ୍ରହଣ ପାଇଁ ଅର୍ଥପୂର୍ଣ୍ଣ ସୁଯୋଗ ପ୍ରଦାନ କରିବ ବୋଲି ଆଶା କରାଯାଉଛି।

ନୂତନ ଭାବେ ନିଯୁକ୍ତ ବ୍ୟକ୍ତିମାନେ ମଧ୍ୟ ଆଇଜିଓଟି କର୍ମଯୋଗୀ ପୋର୍ଟାଲରେ ଥିବା ଏକ ଅନଲାଇନ୍ ମଡ୍ୟୁଲ୍ କର୍ମଯୋଗୀ ପ୍ରାରମ୍ଭ ମାଧ୍ୟମରେ ନିଜକୁ ତାଲିମ ଦେବାର ସୁଯୋଗ ପାଇଛନ୍ତି, ଯେକୌଣସି ସ୍ଥାନରେ ଶିକ୍ଷଣ ଫର୍ମାଟ୍ ପାଇଁ ୪୦୦ ରୁ ଅଧିକ ଇ-ଲର୍ନିଂ ପାଠ୍ୟକ୍ରମ ଉପଲବ୍ଧ କରାଯାଇଛି ।