Categories
ଅନ୍ତରାଷ୍ଟ୍ରୀୟ ଆଜିର ଖବର

ନାଇଜେରିଆରେ ଭୟଙ୍କର ସଡକ ଦୁର୍ଘଟଣା, ବସ୍ ଧକ୍କାରେ ୩୭ ମୃତ

ନୂଆଦିଲ୍ଲୀ: ନାଇଜେରିଆର ଉତ୍ତର-ପୂର୍ବ ସହର ମଇଦୁଗୁରି ବାହାରେ ତିନୋଟି ବସ୍ ଧକ୍କା ହେବା ପରେ ଅତି କମରେ ୩୭ ଜଣଙ୍କର ମୃତ୍ୟୁ ଘଟିଛି। ଦେଶର ସଡକ ସୁରକ୍ଷା ଏଜେନ୍ସି ଏହି ସୂଚନା ଦେଇଛି। ଦୁଇଟି ବାଣିଜ୍ୟିକ ବସ୍ ମୁହାଁମୁହିଁ ଧକ୍କା ହେବା ଫଳରେ ଏହି ଦୁର୍ଘଟଣା ଘଟିଛି। ଏହି ସମୟରେ ତୃତୀୟ ବସ୍ ମଧ୍ୟ ସେମାନଙ୍କ ସହ ମୁହାଁମୁହିଁ ଧକ୍କା ହୋଇଥିଲା।

ଏପର୍ଯ୍ୟନ୍ତ ୩୭ ଜଣଙ୍କର ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି ଏବଂ ସେମାନଙ୍କ ମଧ୍ୟରୁ ଅଧିକାଂଶ ଚିହ୍ନଟ ହୋଇ ନାହାଁନ୍ତି। କାରଣ ସେମାନେ ସମ୍ପୂର୍ଣ୍ଣ ଜଳିଯାଇଛନ୍ତି। ବୋର୍ନୋ ରାଜ୍ୟର ରାଜଧାନୀ ମଇଦିଗୁରୀ ଠାରୁ ପ୍ରାୟ ୩୫ କିଲୋମିଟର ଦୂରରେ ଥିବା ଜକାନା ଗାଁ ନିକଟରେ ଏହି ଧକ୍କା ହୋଇଥିଲା। ଏହି ଦୁର୍ଘଟଣା ସେତେବେଳେ ଘଟିଥିଲା, ​​ଯେତେବେଳେ ଗୋଟିଏ ବସ୍ ର ଟାୟାର ଫାଟିଯାଇ ବିପରୀତ ଦିଗରୁ ଆସୁଥିବା ଗାଡି ସହିତ ଧକ୍କା ହୋଇଥିଲା।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ରାଜ୍ୟରେ ଦୁଇ ଭଉଣୀ ଓମିକ୍ରନ ପଜିଟିଭ ଚିହ୍ନଟ, ବାପା ମା’ ନେଗେଟିଭ

ଭୁବନେଶ୍ବର: ଆଜି ରାଜ୍ୟରେ ଦୁଇଜଣ ଓମିକ୍ରନ ପଜିଟିଭ ଚିହ୍ନଟ ହୋଇଛନ୍ତି। ଦୁଇ ଭଉଣୀ ଓମିକ୍ରନ ପଜିଟିଭ ଚିହ୍ନଟ ହୋଇଛନ୍ତି। ଜଣଙ୍କର ବୟସ ୧୫ ବର୍ଷ ହୋଇଥିବା ବେଳେ ଅନ୍ୟ ଜଣଙ୍କର ବୟସ ୧୧ ବର୍ଷ। ପରିବାର ଲୋକ ସହ ନାଇଜେରିଆରୁ ଚିହ୍ନଟ ହୋଇଥିବା ଦୁଇଜଣ ଭଉଣୀ ଓଡିଶା ଫେରିଥିଲେ। ଉଭୟ ଭଉଣୀଙ୍କୁ ପୃଥକବାସରେ ରଖାଯାଇଥିବା ବେଳେ ସେମାନଙ୍କ ସ୍ବାସ୍ଥ୍ୟବସ୍ଥା ଏବେ ଭଲ ଅଛି। ଖୁସିର କଥା ହେଉଛି, ଦୁଇ ଭଉଣୀଙ୍କର ବାପା ମା’ଙ୍କ ରିପୋର୍ଟ ନେଗେଟିଭ ଆସିଛି।

ଓଡିଶା ଆସିବା ପରେ ଉକ୍ତ ପରିବାର ଲୋକଙ୍କର ଆରଟିପିସିଆର ଟେଷ୍ଟ କରାଯାଇଥିଲା। ଏଥିରେ ଦୁଇ ଭଉଣୀ ପଜିଟିଭ ଆସିବା ପରେ ସେମାନଙ୍କର ନମୁନା ଜିନମସିକ୍ଵେସିଂ ପାଇଁ ପଠାଯାଇଥିଲା। ତେବେ ସେମାନଙ୍କର ଓମିକ୍ରନ ରିପୋର୍ଟ ପଜିଟିଭ ଆସିଛି। ଏନେଇ ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ସୂଚନା ଦେଇଛନ୍ତି।

ଉଲ୍ଲେଖଯୋଗ୍ୟ ଯେ, ଏହା ପୂର୍ବରୁ ଆଉ ଦୁଇଜଣ ବିଦେଶ ଫେରନ୍ତା ଓମିକ୍ରନ ପଜିଟିଭ ହୋଇଥିଲେ। ଦୁଇ ଜଣଙ୍କ ମଧ୍ୟରୁ ଜଣେ ନାଇଜେରିଆରୁ ଆସିଥିବା ବେଳେ ଅନ୍ୟ ଜଣେ କତ୍ତାରରୁ ଆସିଥିଲେ। ବର୍ତ୍ତମାନ ଉଭୟଙ୍କ ସ୍ବାସ୍ଥ୍ୟବସ୍ଥା ଭଲ ଅଛି। ତେବେ ଆଜିର ଦୁଇ ପଜିଟିଭଙ୍କୁ ମିଶାଇ ରାଜ୍ୟରେ ମୋଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୪ କୁ ବୃଦ୍ଧି ପାଇଛି।

Categories
ଅନ୍ତରାଷ୍ଟ୍ରୀୟ ଜାତୀୟ ଖବର ବିଶେଷ ଖବର

BIG BREAKING: ଟୁଇଟରକୁ ବ୍ୟାନ କରିବା ପାଇଁ ନିଷ୍ପତି କଲେ ଏହି ଦେଶର ରାଷ୍ଟ୍ରପତି

Twitter Banned : ଭାରତରେ ଟୁଇଟର ଏବଂ ସରକାର ମଧ୍ୟରେ ଶୀତଳ ଯୁଦ୍ଧ ଚାଲିଥିବା ବେଳେ ସେପଟେ ନାଇଜେରିଆ ସରକାର ଏହାକୁ  ନିଷିଧ କରିଦେଇଛନ୍ତି। ରବିବାର ଦିନ ଏ ନେଇ ନାଇଜେରିଆ ରାଷ୍ଟ୍ରପତି ମୁହାମ୍ମାଦୁ ବୁହାରୀ ଘୋଷଣା କରିଛନ୍ତି। ତେବେ ଏହି ସେବା ଅସ୍ଥାୟୀ ଭାବେ ପ୍ରତ୍ୟାହାର କରାଯାଇଛି ବୋଲି କୁହାଯାଇଛି।

ପୂର୍ବରୁ ନାଜେରିଆ ରାଷ୍ଟ୍ରପତି ଏବଂ ଟୁଇଟର ମଧ୍ୟରେ ଶୀତଳ ଯୁଦ୍ଧ ଚାଲିଥିଲା। କାରଣ ନାଇଜେରିଆ ରାଷ୍ଟ୍ରପତିଙ୍କ ଏକ ମେସେଜକୁ ଟୁଇଟର ଡିଲିଟ କରିଦେଇଥିଲା। ଏହାର କାରଣରେ ଟୁଇଟର ତରଫରୁ କୁହାଯାଇଥିଲା ଯେ ଏହା ଏକ ଗୋଷ୍ଠୀ ବିରୋଧରେ ଯାଉଛି।

ତେବେ ରାଷ୍ଟ୍ରପତିଙ୍କ ଅଫିସରୁ ଟୁଇଟରକୁ କୁହାଯାଇଥିଲା ଯେ ଯେଉଁ ଗୋଷ୍ଠୀ କଥା କୁହାଯାଉଛି ସେହି ଗୋଷ୍ଠୀ ନାଇଜେରିଆ ସରକାରଙ୍କ ବିରୋଧରେ ଯୁଦ୍ଧ କରୁଛି। ସେମାନଙ୍କ ଯୋଗୁଁ ନାଇଜେରିଆରେ ବିଶୃଙ୍ଖଳା ସୃଷ୍ଟି ହୋଇଛି। ଦୀର୍ଘ ବର୍ଷ ଧରି ସେମାନେ ଏହି ଦେଶଦ୍ରୋହ କାର୍ଯ୍ୟ କରୁଛନ୍ତି। ତେବେ ଟୁଇଟର ଏ କଥା ଗ୍ରହଣ ନ କରିବାରୁ ଆଜି ସରକାରଙ୍କ ତରଫରୁ ନାଇଜେରିଆରେ ଟୁଇଟର ବ୍ୟାନ ପାଇଁ ନିଷ୍ପତି ନେଇଛନ୍ତି।

ତେବେ ଗତକାଲି ଶନିବାର ଦିନ ନାଇଜେରିଆର ଟୁଇଟର ବ୍ୟବହାରକାରୀମାନେ ଏହାକୁ ଖୋଲିବାରେ ସମସ୍ୟା ଉପୁଜିଥିଲା। ଏପରିକି ଦିନତମାମ ଟୁଇଟର ଖୋଲି ନ ଥିଲା କି ସେଥିରେ କିଛି ପୋଷ୍ଟିଂ କରାଯାଇ ପାରୁ ନ ଥିଲେ। ତେବେ ରବିବାରଦିନ ନାଇଜେରିଆ ସରକାର ଏହାକୁ ବ୍ୟାନ କରାଯାଇଛି ବୋଲି ଘୋଷଣା କରିଥିଲେ।