ଦୁବାଇ: ଦୁବାଇରେ ଖେଳାଯାଇଥିବା ୨୦୨୨ ଏସିଆ କପ୍ ଫାଇନାଲରେ ଶ୍ରୀଲଙ୍କା ପାକିସ୍ତାନକୁ ୨୩ ରନ୍ ରେ ପରାସ୍ତ କରିଛି। ଫାଇନାଲ ମ୍ୟାଚ୍ରେ ଶ୍ରୀଲଙ୍କା ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୧୭୦ ରନ୍ ସଂଗ୍ରହ କରିଥିଲା। ଏହାର ଜବାବରେ ପାକିସ୍ତାନ ଦଳ କେବଳ ୧୪୭ ରନ୍ ସ୍କୋର କରିପାରିଥିଲା। ଆଠ ବର୍ଷ ପରେ ଶ୍ରୀଲଙ୍କା ଏସିଆ କପ୍ ଟାଇଟଲ୍ ଜିତିଛି। ଶ୍ରୀଲଙ୍କା ଷଷ୍ଠ ଥର ପାଇଁ ଏସିଆ କପ୍ ଟାଇଟଲ୍ ଜିତିଛି।
ଶ୍ରୀଲଙ୍କାର ଏହି ଦମଦାର ବିଜୟର ଭାନିନ୍ଦୁ ହାସରାଙ୍ଗା ଏବଂ ଭାନୁକା ରାଜପକ୍ସ ହିରୋ ଥିଲେ। ହାସରାଙ୍ଗା ଉଭୟ ବଲ ଏବଂ ବ୍ୟାଟ୍ ସହିତ ଚମତ୍କାର ପ୍ରଦର୍ଶନ କରିଥିଲେ। ହାସାରାଙ୍ଗା ପ୍ରଥମେ ୨୧ ଟି ବଲରେ ୩୬ ରନ୍ ର ଏକ ଇନିଂସ ଖେଳିଥିଲେ ଏବଂ ପରେ ଗୁରୁତ୍ୱପୂର୍ଣ୍ଣ ତିନୋଟି ୱିକେଟ୍ ନେଇଥିଲେ। ଅନ୍ୟପକ୍ଷରେ ରାଜପକ୍ସ ୭୧ ରନର ଅପରାଜିତ ଇନିଂସ ଖେଳିଥିଲେ। ଏହି ସମୟରେ ଯୁବ ଦ୍ରୁତ ବୋଲର ପ୍ରମୋଦ ମଧୁସାନ୍ ମଧ୍ୟ ଏହି ବିଜୟରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ସେ ୩୪ ରନ୍ ଦେଇ ଚାରିଟି ୱିକେଟ୍ ନେଇଥିଲେ।