Categories
ଜାତୀୟ ଖବର ବିଶେଷ ଖବର

Panjab Election: ସିଦ୍ଧୁଙ୍କ ବିରୋଧରେ କ୍ୟାପଟେନ ଅମରିନ୍ଦର ସିଂ ଆଣିଲେ ମହା ଅଭିଯୋଗ, ସମସ୍ତେ ଆଶ୍ଚର୍ଯ୍ୟ

ନୂଆଦିଲ୍ଲୀ: ପଂଜାବ ବିଧାନସଭା ନିର୍ବାଚନ ଯେତିକି ପାଖେଇବାରେ ଲାଗିଛି, ରାଜ୍ୟ ରାଜନୀତିର ମୋଡ ସେତିକି ବଦଳିବାରେ ଲାଗିଛି। ବର୍ତ୍ତମାନ ପଂଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପେଟନ ଅମରିନ୍ଦର ସିଂଙ୍କ ଏକ ବଡ ଖୁଲାସାକୁ ନେଇ ରାଜ୍ୟ ତଥା ଜାତୀୟ ରାଜନୀତିରେ ହଇଚଇ ସୃଷ୍ଟି ହୋଇଛି। ତାହା ହେଲା ଅମରିନ୍ଦର ଆଜି ଏକ ସାମ୍ବାଦିକ ସମ୍ମିଳନୀରେ ଏକ ବଡ ଅଭିଯୋଗ ଆଣିଛନ୍ତି।

ସେ କଂଗ୍ରେସର ସଭାପତି ନବଜୋତ ସିଂ ସିଦ୍ଧୁଙ୍କ ବିରୋଧରେ ଏକ ବଡ ଅଭିଯୋଗ ଆଣିଛନ୍ତି। ତାହା ହେଲା ଯେ, ସେ ମୁଖ୍ୟମନ୍ତ୍ରୀ ଥିବା ବେଳେ ସିଦ୍ଧୁଙ୍କୁ  ମନ୍ତ୍ରୀ କରିବା ପାଇଁ ପାକିସ୍ଥାନ ଚାପ ପ୍ରୟୋଗ କରିଥିଲା। ସେ ସିଧା ପାକିସ୍ଥାନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କ ନାମ ନେଇଛନ୍ତି।

ଅମରିନ୍ଦର କହିଛନ୍ତି ଯେ, ତାଙ୍କୁ ରାଜ୍ୟ କ୍ୟାବିନେଟରେ ସ୍ଥାନିତ କରିବା ପାଇଁ ଇମ୍ରାନ ଏକ ଅନୁରୋଧ କରିଥିଲେ। ସେ କହିଥିଲେ ଯେ, ଯଦି ସିଦ୍ଧୁଙ୍କୁ ତାଙ୍କ ମନ୍ତ୍ରୀମଣ୍ଡଳରେ ସ୍ଥାନିତ କରିପାରିବେ ତେବେ ମୁଁ ଖୁସି ହେବି। ସେ ହେଉଛନ୍ତି ମୋର ଜଣେ ଭଲ ବନ୍ଧୁ।

ଅମରିନ୍ଦର ଆହୁରି କହିଛନ୍ତି ଯେ, ଇମ୍ରାନ ଏହା ମଧ୍ୟ ଅନୁରୋଧ କରିଥିଲେ ଯେ, ଯଦି ସେ ଭଲ କାମ ନ କରିବେ ତେବେ ତାଙ୍କୁ ବାହାର କରିପାରନ୍ତି। ଏହି ଅନୁରୋଧ ପାଇବା ପରେ କ୍ୟାପେଟନ ତାହାକୁ ଗ୍ରହଣ କରି ନ ଥିଲେ ବୋଲି ସେ ସାମ୍ବାଦିକ ସମ୍ମିଳନୀରେ କହିଛନ୍ତି।

ନବଜୋତ ସିଂ ସିଦ୍ଧୁ ହେଉଛନ୍ତି ଜଣେ ଅଯୋଗ୍ୟ ଲୋକ। ସେ କୌଣସି କାମକୁ ନୁହଁନ୍ତି। ତାଙ୍କୁ ପ୍ରଥମେ ମୁଁ ମନ୍ତ୍ରୀ ମଣ୍ଡଳରେ ସାମିଲ କରିଥିଲି। ହେଲେ ସେ ଗୋଟିଏ ଫାଇଲରେ ଦସ୍ତଖତ କରିବାକୁ ତିରିଶ ଦିନ ଲଗାଉଥିଲେ। ପ୍ରକୃତରେ ମନ୍ତ୍ରୀ ହେଲେ କଣ ଦାୟିତ୍ବ ସେ କଥା ସିଦ୍ଧୁ ଜାଣନ୍ତି ନାହିଁ ବୋଲି କ୍ୟାପେଟନ କହିଛନ୍ତି।

ଏହି ଘଟଣା ପରେ ପଂଜାବ ତଥା ଜାତୀୟ ରାଜନୀତିରେ ହଇଚଇ ସୃଷ୍ଟି ହୋଇଛି। କଣ ପାଇଁ ସିଦ୍ଧୁ ମନ୍ତ୍ରୀ ହୁଅନ୍ତୁ ବୋଲି ପାକିସ୍ଥାନ ଚାହୁଁଥିଲା। ପ୍ରକୃତ ବନ୍ଧୁଙ୍କ ପାଇଁ ଇମ୍ରାନ ଅନୁରୋଧ କରିଥିଲେ ନା ସେ ମନ୍ତ୍ରୀ ହେଲେ ଆଉ କିଛି କରିଥାଆନ୍ତେ। ଏହାକୁ ନେଇ ଚାରିଆଡେ ଚର୍ଚ୍ଚା ଚାଲିଛି।

Categories
ଜାତୀୟ ଖବର ବିଶେଷ ଖବର

ଦିନକୁ ଦିନ ପଂଜାବ କଂଗ୍ରେସରେ ସୃଷ୍ଟି ହେଲାଣି ନୂଆ ବିବାଦ, ଅଡୁଆରେ ଶୀର୍ଷ ନେତୃବୃନ୍ଦ

ନୂଆଦିଲ୍ଲୀ: ପଂଜାବ ବିଧାନସଭା ନିର୍ବାଚନ ଯେତିକି ପାଖେଇ ଆସୁଛି ସେଠାରେ ଶାସକ କଂଗ୍ରେସ ମଧ୍ୟରେ ବିଦ୍ରୋହ ସେତିକି ବଢିବାରେ ଲାଗିଛି। ନିକଟରେ ମୁଖ୍ୟମନ୍ତ୍ରୀ ପଦରୁ କ୍ୟାପେଟନ ଅମରେନ୍ଦ୍ର ସିଂଙ୍କୁ ହଟାଇବା ପରେ ମଧ୍ୟ ବିବାଦ ଥମିପାରୁ ନାହିଁ। ବିଶେଷ କରି କଂଗ୍ରେସର ପ୍ରମୁଖ ନେତା ନବଜୋତ ସିଂ ସିଦ୍ଧୁ ସେଠାକାର ରାଜନୀତିକୁ ଗୋଳିଆ କରିବାରେ ଲାଗିଛନ୍ତି।

ନିକଟରେ କଂଗ୍ରେସ ତରଫରୁ କୁହାଗଲା ଯେ, ପଂଜାବରେ କୌଣସି ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରାଯିବ ନାହିଁ। ସମସ୍ତେ ଏକାଠି ହୋଇ ଲଢେଇ କରିବେ। ଏହାକୁ ନେଇ ବର୍ତ୍ତମାନ ସେଠାକାର ରାଜନୀତିରେ ତୁମ୍ବିତୋଫାନ ସୃଷ୍ଟି ହେବାରେ ଲାଗିଛି। ବିଶେଷ କରି ସିଦ୍ଧୁ ଏପରି ନିଷ୍ପତିକୁ ନେଇ ଉତକ୍ଷିପ୍ତ ହୋଇପଡିଛନ୍ତି।

ପଂଜାବର ମୁଖ୍ୟମନ୍ତ୍ରୀ ପ୍ରାର୍ଥୀ ହେବା ପାଇଁ ସିଦ୍ଧୁ ପୁରା ଦମରେ ଲାଗିପଡିଛନ୍ତି। ସେ ଯେପରି କ୍ୟାପେଟନଙ୍କୁ ଆଉଟ କରିବା ପାଇଁ ଲାଗିପଡିଥିଲେ ଠିକ୍ ସେହି କାମ ଆରମ୍ଭ କରିଛନ୍ତି। କଂଗ୍ରେସର ନିଷ୍ପତିକୁ ବଦଳାଇ ତାଙ୍କ ନାମ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଘୋଷଣା କରିବାକୁ ସିଦ୍ଧୁ ପୁଣି କଂଗ୍ରେସ ନେତୃବୃନ୍ଦଙ୍କ ଉପରେ ଚାପ ପ୍ରୟୋଗ କରିବାରେ ଲାଗିଛନ୍ତି।

କ୍ୟାପଟେନ ଅମେରନ୍ଦ୍ର ସିଂଙ୍କୁ ବାହାର କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ ସିଦ୍ଧୁ। ସେ ଭାବିଥିଲେ ଯେ, କ୍ୟାପେଟନ ଯିବା ପରେ କଂଗ୍ରେସ ତାଙ୍କୁ ମୁଖ୍ୟମନ୍ତ୍ରୀ ଭାବେ ଘୋଷଣା କରିବ। ହେଲେ ତାହା ହେଲା ନାହିଁ। ଶେଷରେ କଂଗ୍ରେସ ଜଣେ ଦଳିତ ବିଧାୟକ ଚରଣଜିତ ସିଂ ଚାନ୍ନିଙ୍କୁ ମୁଖ୍ୟମନ୍ତ୍ରୀ ଭାବେ ବସାଇଲେ। ଯାହାକୁ ନେଇ ସିଦ୍ଧୁ ସେତେବେଳେ କ୍ଷୁବ୍ଧ ହୋଇପଡିଥିଲେ।

ସେପଟେ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ତାଙ୍କ ନାମ ଘୋଷଣା କରିବା ପାଇଁ ସିଦ୍ଧୁ ଚାପ ପ୍ରୟୋଗ କରୁଥିବା ବେଳେ ଏପଟେ ମୁଖ୍ୟମନ୍ତ୍ରୀ ଚାନ୍ନି ନିଜକୁ ଲୋକପ୍ରିୟ କରିବା ଚେଷ୍ଠାରେ ଅଛନ୍ତି। ତାଙ୍କୁ କଂଗ୍ରେସ ପୁଣି ମୁଖ୍ୟମନ୍ତ୍ରୀ କରୁ ବୋଲି ସେ ଆଶା କରି ରହିଛନ୍ତି। ସେହିପରି ସୁଖଜିନ୍ଦର ରାନ୍ଧୱା ଏବଂ ସୁନୀଲ ଜାଖରଙ୍କ ପରି ନେତାମାନେ ମଧ୍ୟ ମୁଖ୍ୟମନ୍ତ୍ରୀ ପ୍ରାର୍ଥୀ ହେବେ ବୋଲି ଆଶା ବାନ୍ଧି ନିଜନିଜ ରାସ୍ତାରେ ଲବି ଆରମ୍ଭ କରିଛନ୍ତି।

ଏସବୁକୁ ନେଇ କଂଗ୍ରେସ ରାଜନୀତି ବର୍ତ୍ତମାନ ଗୋଲିଆ ହେବାରେ ଲାଗିଛି। ରାଜନୈତିକ ସମୀକ୍ଷକଙ୍କ ମତରେ କଂଗ୍ରେସ ସିଦ୍ଧୁଙ୍କୁ ମୁଖ୍ୟମନ୍ତ୍ରୀ କରିବା ସପକ୍ଷରେ ନାହିଁ। ଯଦି ତାହା ହୋଇ ଥାଆନ୍ତା ତେବେ କ୍ୟାପଟେନ ପରେ ତାଙ୍କୁ ନିଆଯାଇ ଥାଆନ୍ତା। ବର୍ତ୍ତମାନ ମଧ୍ୟ ତାଙ୍କ ନାମ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଘୋଷଣା କରାଗଲା ନାହିଁ। ଏଥିରୁ ସ୍ପଷ୍ଟ ହୋଇଛି ଯେ କଂଗ୍ରେସ ପଂଜାବରେ ସିଦ୍ଧୁଙ୍କୁ ବାଦ ଦେଇ ଅନ୍ୟ କାହାକୁ ମୁଖ୍ୟମନ୍ତ୍ରୀ କରିବ। ଏହାକୁ ନେଇ ପଂଜାବ ରାଜନୀତି ଗୋଳିଆରୁ ଗୋଳିଆ ହେବାରେ ଲାଗିଛି।

Categories
ଜାତୀୟ ଖବର ବିଶେଷ ଖବର

ପଂଜାବ, ଉତ୍ତରପ୍ରଦେଶ ବିଧାନସଭା ନିର୍ବାଚନକୁ ନେଇ ଏମିତି କଥା କହିଲେ ଅମିତ ସାହା

ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶନିବାର ଦିନ କହିଛନ୍ତି ଯେ ଭାରତୀୟ ଜନତା ପାର୍ଟି ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ ଏବଂ ଶିରୋମଣି ଅକାଳି ଦଳର ନେତା ସୁଖଦେବ ସିଂ ଧିନ୍ଦସାଙ୍କ ସହ ମେଣ୍ଟ ଗଠନ ପାଇଁ ଆଲୋଚନା କରୁଛି। ଆଶା କରାଯାଉଛି ଯେ, ଉଭୟ ଦଳ ଏଥିରେ ସହମତ ହେବେ।

ହିନ୍ଦୁସ୍ତାନ ଟାଇମ୍ସ ଲିଡରସିପ୍ ଶିଖର ସମ୍ମିଳନୀ 2021 ରେ ଯୋଗଦେଇ ଶାହା କହିଛନ୍ତି ପଞ୍ଜାବ ଏବଂ ଉତ୍ତରପ୍ରଦେଶରେ ନିର୍ବାଚନକୁ ପ୍ରଭାବିତ କରୁଥିବା କୃଷି ବିଲ ପ୍ରତ୍ୟାହାର ହୋଇଛି। ବର୍ତ୍ତମାନ ଏହା ପ୍ରତ୍ୟାହାର ହେବା ପରେ ପଂଜାବବାସୀଙ୍କ ପାଇଁ ଅନ୍ୟ କୌଣସି ପ୍ରସଙ୍ଗ ବାକି ନାହିଁ।

କୃଷକଙ୍କ ଆନ୍ଦୋଳନ ଉପରେ ଶାହା କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତିନୋଟି ଚାଷ ଆଇନକୁ ପ୍ରତ୍ୟାହାର କରି ଏକ ବଡ଼ ସହୃଦୟତା ପ୍ରଦର୍ଶନ କରିଛନ୍ତି। କୃଷକ ଆନ୍ଦୋଳନକୁ ବନ୍ଦ କରିବା ପାଇଁ ପ୍ରଧାନମନ୍ତ୍ରୀ ଏପରି ପଦକ୍ଷେପ ନେଇ ଏକ ବଡ଼ ହୃଦୟ ଦେଖାଇ କହିଛନ୍ତି।

ଠିକ୍ ଅଛି, ଯଦି ଆପଣ ଭାବୁଥିବେ ଚାଷ ଆଇନ କୃଷକଙ୍କ ସପକ୍ଷରେ ନାହିଁ, ତେବେ ତିନୋଟି କୃଷି ଆଇନକୁ ରଦ୍ଦ କରିଦିଆଗଲା। ବର୍ତ୍ତମାନ ମୁଁ ଭାବୁନାହିଁ ଯେ ପଞ୍ଜାବରେ ଆଉ କୌଣସି ବଡ ପ୍ରସଙ୍ଗ ବାକି ଅଛି।

ଦୀର୍ଘ ବର୍ଷ ଧରି ପଞ୍ଜାବର ଶିରୋମଣି ଅକାଳି ଦଳ ଏନଡିଏରେ ସାମିଲ ଥିଲା। ହେଲେ ଗତ ବର୍ଷ କୃଷି ଆଇନ ପ୍ରସଙ୍ଗରେ ସେମାନେ ଏହି ସମର୍ଥନ ପ୍ରତ୍ୟାହାର କରିନେଲେ। ବର୍ତ୍ତମାନ କୃଷି ଆଇନ ପ୍ରତ୍ୟାହାର ପରେ ସେମାନଙ୍କ ସହିତ କଥାବାର୍ତ୍ତା ଆରମ୍ଭ ହୋଇଛି।

ଅମିତା ସାହା ଆହୁରି କହିଥିଲେ ଯେ, ଆମେ ଅତୀତରେ ଦେଖିଛୁ ୟୁପିରେ ଯେତେବେଳେ  ତିନିଦଳ ଏସପି, ବିଏସପି ଏବଂ କଂଗ୍ରେସ ମେଣ୍ଟ କରିଥିଲେ, କିନ୍ତୁ ସେଠାରେ ବିଜେପି  ​​ବିଜୟୀ ହୋଇଥିଲା। ଲୋକମାନେ ସଚେତନ ଅଛନ୍ତି। “ମୁଁ ଉତ୍ତରପ୍ରଦେଶ ଯାଇଥିଲି, ମୁଁ ଆତ୍ମବିଶ୍ୱାସରେ କହିପାରେ ଯେ ବିଜେପି ଉତ୍ତରପ୍ରଦେଶରେ ବହୁ ସଂଖ୍ୟାରେ ସରକାର ଗଠନ କରିବ ବୋଲି ଶାହା କହିଛନ୍ତି।