Tag: ପଟିଆ

ଭୁବନେଶ୍ଵର: ଭୁବନେଶ୍ୱରର ପଟିଆସ୍ଥିତ କ୍ରିଷ୍ଟାଲ କ୍ରାଉନ କନଭେନସନରେ ଓଡ଼ିଶା ବିଧାନସଭାର ବାଚସ୍ପତି ସୁରମା ପାଢୀଙ୍କ ଦ୍ୱାରା ଆନୁଷ୍ଠାନିକ ଭାବରେ ଉଦ୍ଘାଟିତ ହେଲା ବହୁ ପ୍ରତୀକ୍ଷିତ ୩ ଦିନିଆ ୱାଣ୍ଡର ଫେଷ୍ଟ ୨୦୨୫। ଜୁନ ୬ ରୁ ୮ ତାରିଖ ପର୍ଯ୍ୟନ୍ତ ଅନୁଷ୍ଠିତ ଏହି ମହୋତ୍ସବ ମହିଳା ନେତୃତ୍ୱାଧୀନ ଏମଏସଏମଇ ଏବଂ ଷ୍ଟାର୍ଟଅପ୍ ଉପରେ ବିଶେଷ ଧ୍ୟାନ ଦେଇ ଉଦ୍ୟୋଗୀତା, ସଂସ୍କୃତି ଏବଂ ନବସୃଜନର ଭାବନାକୁ ପାଳନ କରିବ।

ଏହି ଉତ୍ସବରେ ଓଡ଼ିଶା ସରକାରଙ୍କ ମତ୍ସ୍ୟ ଓ ପଶୁ ସମ୍ପଦ ବିକାଶ ଏବଂ ସୂକ୍ଷ୍ମ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ ରାଷ୍ଟ୍ରମନ୍ତ୍ରୀ (ସ୍ୱାଧୀନ ଦାୟିତ୍ୱ) ଗୋକୁଳା ନନ୍ଦ ମଲ୍ଲିକଙ୍କ ସମେତ ଅନେକ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ଯେଉଁ ମାନଙ୍କ ମଧ୍ୟର ଥିଲେ; ପି କେ ଗୁପ୍ତା, ଯୁଗ୍ମ ସଚିବ-କମ-ହୁ, ଏମଏସଏମଇ-ଡିଏଫଓ, ଭାରତ ସରକାର; କମଲଜିତ ଦାସ, ଯୁଗ୍ମ ସଚିବ, ଏମଏସଏମଇ ବିଭାଗ ଏବଂ ମୁଖ୍ୟ ପ୍ରଶାସନିକ ଅଧିକାରୀ, ଷ୍ଟାର୍ଟଅପ୍ ଓଡ଼ିଶାର; ପ୍ରବୋଧ ମହାନ୍ତି, ପରିଚାଳନା ନିର୍ଦ୍ଦେଶକ, ଏସଏନଏମ ଗୃପ ; ସାତ୍ୱିକ ସ୍ୱାଇଁ, ମହାସଚିବ, ଓଏଏସଏମଇ; ଆଦିକନ୍ଧ ରାଉତ, ଯୁଗ୍ମ ସଚିବ, ଅର୍ଥ, ଓଏଏସଏମଇ; ଜ୍ୟୋତିର୍ମୟୀ ମହାନ୍ତି, ଅଧ୍ୟକ୍ଷା, ଓଏଏସଏମଇ ମହିଳା ଶାଖା; ଏବଂ ପ୍ରତିଶ୍ରୁତି ଜେନା, ସଭାପତି, ଓଏଏସଏମଇ ଜିଲ୍ଲା ଚାପ୍ଟର, ଖୋର୍ଦ୍ଧା।

ଓଡ଼ିଶାର ଏମଏସଏମଇ ଏବଂ ଷ୍ଟାର୍ଟଅପ୍ ଇକୋସିଷ୍ଟମକୁ ପ୍ରତି ପୋଷଣ କରିବା ପ୍ରତି ସରକାରଙ୍କ ଅଟଳ ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିଥିଲେ ଗୋକୁଳା ନନ୍ଦ ମଲ୍ଲିକ ନିଜ ଅଭିଭାଷଣରେ ମାଧ୍ୟମରେ। ସେ ବର୍ତ୍ତମାନର ସରକାର ଗଠନ ହେବା ପରଠାରୁ ୩୭୬ରୁ ଅଧିକ ଷ୍ଟାର୍ଟଅପ୍ ପ୍ରତି ରାଜ୍ୟ ସମର୍ଥନ ଉପରେ ଆଲୋକପାତ କରିଥିଲେ ଏବଂ ଘୋଷଣା କରିଥିଲେ ଯେ ମହିଳା ଉଦ୍ୟୋଗୀମାନଙ୍କ ପାଇଁ ଏକ ଉତ୍ସର୍ଗୀକୃତ ଏମଏସଏମଇ ପାର୍କ କାର୍ଯକ୍ଷମ ପାଇଁ ବିଚାରାଧୀନ ଅଛି, ଯାହାର ଲକ୍ଷ୍ୟ ହେଉଛି ଓଡ଼ିଶାରେ ମହିଳା ନେତୃତ୍ୱାଧୀନ ଉଦ୍ୟୋଗଗୁଡ଼ିକର ସଶକ୍ତୀକରଣ ଏବଂ ସେବା ଯୋଗାଇବା।

ଓଏଏସଏମଇର ମହାସଚିବ ସାତ୍ୱିକ ସ୍ୱାଇଁ, ଏମଏସଏମଇ ଅଭିବୃଦ୍ଧି ପାଇଁ କେନ୍ଦ୍ର ଏବଂ ରାଜ୍ୟ ସରକାରଙ୍କ ସକ୍ରିୟ ଭାଗୀଦାରୀକୁ ପ୍ରଶଂସା କରିଥିଲେ ଏବଂ ରାଜ୍ୟରେ ସରକାର ଏବଂ ଉଦ୍ୟୋଗୀ ସମୁଦାୟ ମଧ୍ୟରେ ଏକ ଦୃଢ଼ ସେତୁ ଭାବରେ କାର୍ଯ୍ୟ କରିବା ପାଇଁ ଓଏଏସଏମଇର ପ୍ରତିବଦ୍ଧତାକୁ ପୁନର୍ବାର ଦୋହରାଇଥିଲେ।

‘ୱଣ୍ଡର ଫେଷ୍ଟ’ ଆୟୋଜନ କରିବା ସହ ସମାନ ଉଦ୍ଦେଶ୍ୟ ପାଇଁ ବିଭିନ୍ନ ବିଭାଗକୁ ଏକତ୍ର କରିବାରେ ଉଲ୍ଲେଖନୀୟ ପ୍ରୟାସ ପାଇଁ ଓଏଏସଏମଇର ମହିଳା ଶାଖାକୁ ପି କେ ଗୁପ୍ତା ପ୍ରଶଂସା କରିଥିଲେ। ସେ ବୌଦ୍ଧିକ ସମ୍ପତ୍ତି ଅଧିକାରର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ ଏବଂ ଏମଏସଏମଇ ଗୁଡ଼ିକୁ ସୁରକ୍ଷା ଏବଂ ପ୍ରୋତ୍ସାହନ ଦେବାକୁ ଅନୁରୋଧ କରିଥିଲେ।

ଏସଏନଏମ ଗ୍ରୁପର ପରିଚାଳନା ନିର୍ଦ୍ଦେଶକ ପ୍ରବୋଧ ରାଉତ, ଉଦ୍ୟୋଗୀ ଏବଂ ଅନ୍ୟ ଅଂଶଗ୍ରହଣକାରୀମାନଙ୍କୁ ‘ୱଣ୍ଡର ଫେଷ୍ଟ’ ଭଳି ପ୍ଲାଟଫର୍ମର ପୂର୍ଣ୍ଣ ବ୍ୟବହାର କରିବାକୁ ଉତ୍ସାହିତ କରିଥିଲେ ଏବଂ ଏପରି ପଦକ୍ଷେପ ପାଇଁ ତାଙ୍କର ନିରନ୍ତର ସମର୍ଥନର ପ୍ରତିଶ୍ରୁତି ଦେଇଥିଲେ। ସେ ଏମଏସଏମଇ କ୍ଷେତ୍ରକୁ ପ୍ରୋତ୍ସାହିତ କରିବାରେ ଓଏଏସଏମଇର ନେତୃତ୍ୱ ପାଇଁ ଅଭିନନ୍ଦନ ଜଣାଇଥିଲେ।

“ଆମେ ଓଏଏସଏମଇର ବ୍ୟାପକ ଉଦ୍ୟୋଗୀ ନେଟୱାର୍କକୁ ବ୍ୟବହାର କରି ଏମଏସଏମଇ ପାଇଁ ସରକାରୀ ଯୋଜନା ଏବଂ ଲାଭ କାର୍ଯ୍ୟକାରୀ କରିବାରେ ଓଏଏସଏମଇ ସହିତ ଘନିଷ୍ଠ ଭାବରେ କାମ କରିବା ପାଇଁ ସମସ୍ତ ସମ୍ଭାବ୍ୟ ଉପାୟ ଅନୁସନ୍ଧାନ କରିବୁ” ବୋଲି ଶ୍ରୀ କମଲଜିତ ଦାସ କହିଛନ୍ତି ।

ମହୋତ୍ସବର ସାରାଂଶକୁ ନେଇ, ଖୋର୍ଦ୍ଧା ଜିଲ୍ଲା ଚାପ୍ଟରର ସଭାପତି ଶ୍ରୀମତୀ ପ୍ରତିଶ୍ରୁତି ଜେନା କହିଛନ୍ତି, “ଏହି କାର୍ଯ୍ୟକ୍ରମ ମହିଳାଙ୍କର, ମହିଳାଙ୍କ ପାଇଁ ଏବଂ ମହିଳାଙ୍କ ଦ୍ୱାରା। ଏହି ତିନି ଦିନିଆ ‘ୱଣ୍ଡର ଫେଷ୍ଟ ୨୦୨୫’ ବ୍ୟବସାୟ ନେଟୱାର୍କିଂ, ସାଂସ୍କୃତିକ ପ୍ରଦର୍ଶନୀ ଏବଂ ଇଣ୍ଟରାକ୍ଟିଭ୍ ଅଧିବେଶନର ପ୍ରତିଶ୍ରୁତି ଦେବ, ଯାହା ଓଡ଼ିଶା ଏବଂ ବାହାରେ ଏମଏସଏମଇ, ମହିଳା ଉଦ୍ୟୋଗୀ ଏବଂ ଷ୍ଟାର୍ଟଅପ୍ ପାଇଁ ନିଶ୍ଚୟ ସୁଯୋଗ ସୃଷ୍ଟି କରିବ।”

ଭୁବନେଶ୍ବର: ଆଜି ରାଜଧାନୀର ପଟିଆ ରେ ଘଟିଯାଇଛି ଏକ ଦୁଃଖଦ ଘଟଣା। ଗୋଟିଏ ବିଲେଇକୁ ଉଦ୍ଧାର କରିବାକୁ ଯାଇ ଜଣେ ମୃତ୍ୟୁବରଣ କରିଥିବା ବେଳେ ଆଉ ଦୁଇଜଣ ଗୁରୁତର ହୋଇଛନ୍ତି।

ଘଟଣାରୁ ଜଣା ପଡିଛି ଯେ, ଆଜି ଅପରାହ୍ନରେ ଏକ ବିଲେଇ ପଟିଆ ଷ୍ଟେସନ ନିକଟରେ ଥିବା ପରିତ୍ୟକ୍ତ କୂଅରେ ପଡିଯାଇଥିଲା। ତାକୁ ଉଦ୍ଧାର କରିବା ପାଇଁ ସେଠାରେ ଥିବା ତିନି ସାଙ୍ଗ ଚେଷ୍ଠା କରିଥିଲେ।

ପ୍ରଥମେ ଜଣେ ସେହି କୂଅ ଭିତରକୁ ପ୍ରବେଶ କରିଥିଲା, ସେ ନ ଆସିବାରୁ ଆଉ ଦୁଇଜଣ ତା ଭିତରେ ପଶିଥିଲେ। ହେଲେ କେହି ହେଲେ ଉପରକୁ ନ ଆସିବାରୁ ଦମକଳ ଅଫିସକୁ ଫୋନ କରାଯାଇଥିଲା।

ଅଗ୍ନିଶମ କର୍ମଚାରୀ ଆସି କୁଅ ଭିତରେ ପଶି ତିନିଜଣଙ୍କୁ ଉଦ୍ଧାର କରିଥିଲା। ହେଲେ ସେମାନଙ୍କ ମଧ୍ୟରୁ 50 ବର୍ଷ ବୟସ୍କ ସାହୁ ନାମକ ଜଣେ ବ୍ୟକ୍ତି ମୃତ୍ୟୁବରଣ କରିଥିଲା।

ଭୁବନେଶ୍ବର : ଆଜି ଚିହ୍ନଟ 146 ଙ୍କ ମଧ୍ୟରେ ଭୁବନେଶ୍ବରରୁ ଅଛନ୍ତି ଚାରିଜଣ । ଆଜି ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ତିନିଜଣ ଯୁବକ ଥିବାବେଳେ ଜଣେ ଯୁବତୀ ରହିଛନ୍ତି । ଆକ୍ରାନ୍ତ ସମସ୍ତ ଚାରିଜଣ ହୋମ୍‌ କ୍ବାରେଣ୍ଟାଇନ୍‌ରେ ରହିଥିଲେ ।

ଚାରି ଆକ୍ରାନ୍ତଙ୍କ ମଧ୍ୟରୁ ଜଣେ ଚନ୍ଦ୍ରଶେଖରପୁରର 28ବର୍ଷୀୟ ଯୁବକ ରହିଥିବାବେଳେ ସେ ନିକଟରେ ହାଇଦ୍ରାବାଦରୁ ଫେରିଥିଲେ । ଅନ୍ୟ ଜଣେ ଯୁବକ  ଡୁମୁଡୁମା ଅଞ୍ଚଳର ହୋଇଥିବାବେଳେ ତାଙ୍କ ବୟସ 29ବର୍ଷ ବୋଲି ଜଣା ପଡିଛି । ସେ ଦିଲ୍ଲୀ ଫେରନ୍ତା ବୋଲି ଜଣାପଡିଛି । ସେହିପରି ପଟିଆରୁ ଦୁଇଜଣ ଚିହ୍ନଟ ହୋଇଛନ୍ତି । ଏହି ଦୁଇ ଆକ୍ରାନ୍ତଙ୍କ ମଧ୍ୟରେ 34 ବର୍ଷୀୟ ଜଣେ ପୁରୁଷ ଥିବାବେଳେ 26 ବର୍ଷୀୟା ମହିଳା ରହିଛନ୍ତି । ଦୁହେଁ ଗୋଟିଏ ପରିବାରର ବୋଲି ସୂଚନା ରହିଛି । ଦୁହେଁ ଦିଲ୍ଲୀରୁ ଫେରିଥିବାର ସୂଚନା ରହିଛି ।  ନୂତନ ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରରେ ଆକ୍ରାନ୍ତଙ୍କ ସଂଖ୍ୟା 93କୁ ବୃଦ୍ଧି ହୋଇଥିବାବେଳେ 37ଟି ଆକ୍ଟିଭ୍‌ କେସ୍‌ ରହିଛି ।

ଭୁବନେଶ୍ବର : ଭୁବନେଶ୍ବରର ଚିହ୍ନଟ 2 ଆକ୍ରାନ୍ତ ପଟିଆ ଅଞ୍ଚଳର ବୋଲି ଜଣାପଡିଛି । ପଟିଆର ଗୋଟିଏ ପରିବାରର ଏହି ଦୁହେଁ ଚିହ୍ନଟ ହୋଇଛନ୍ତି । ଏହି ଦୁଇଜଣଙ୍କ ମଧ୍ୟରେ ଜଣେ 40 ବର୍ଷୀୟ ପୁରୁଷ ଥିବାବେଳେ ଜଣେ 8 ବର୍ଷୀୟ ଝିଅ ରହିଛନ୍ତି ବୋଲି ଭୁବନେଶ୍ବର ମହାନଗର ନିଗମ ସୂଚନା ଦେଇଛି । ଦୁହେଁ ଗୋଟିଏ ପରିବାରର ବୋଲି ଜଣାପଡିଛି। ଉଭୟଙ୍କର ଦିଲ୍ଲୀ ଗସ୍ତ ନେଇ ଟ୍ରାଭେଲ୍‌ ହିଷ୍ଟ୍ରି ରହିଛି । ଦୁହେଁ ହୋମ୍‌ କ୍ବାରେଣ୍ଟାଇନ୍‌ରେ ଥିଲେ, ଦିଲ୍ଳୀରୁ ଫେରିଥିଲେ ବୋଲି ସୂଚନା ରହିଛି । ନୂତନ ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରରେ ଆକ୍ରାନ୍ତଙ୍କ ସଂଖ୍ୟା 88କୁ ବୃଦ୍ଧି ହୋଇଛି । ଭୁବନେଶ୍ବରରେ ଆକ୍ଟିଭ୍‌ କେସ୍‌ 34 ଥିବାବେଳେ ସୁସ୍ଥ ହୋଇଛନ୍ତି 51 ଓ ମୃତ୍ୟୁବରଣ କରିଛନ୍ତି ତିନି ଜଣ ।