Tag: ପଦ୍ମ ଭୂଷଣ

କୋଲକୋତା: ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ବୁଦ୍ଧଦେବ ଭଟ୍ଟାଚାର୍ଯ୍ୟ ପଦ୍ମ ଭୂଷଣ ପୁରସ୍କାର ଗ୍ରହଣ କରିବାକୁ ମନା କରି ଦେଇଛନ୍ତି। ସେ କହିଛନ୍ତି ଯେ, ଯଦି ମୋତେ ପଦ୍ମ ଭୂଷଣ ଦିଆଯାଉଛି, ତେବେ ମୁଁ ଏହାକୁ ପ୍ରତ୍ୟାଖ୍ୟାନ କରୁଛି। ମଙ୍ଗଳବାର ବିଳମ୍ବିତ ସନ୍ଧ୍ୟାରେ କେନ୍ଦ୍ର ସରକାର ପଦ୍ମ ପୁରସ୍କାର ଘୋଷଣା କରିଛନ୍ତି। ଯେଉଁଥିରେ ବୁଦ୍ଧଦେବ ଭଟ୍ଟାଚାର୍ଯ୍ୟଙ୍କୁ ପଦ୍ମ ଭୂଷଣ ଦେବାକୁ ଘୋଷଣା କରାଯାଇଛି।

ବୁଦ୍ଧଦେବ ଭଟ୍ଟାଚାର୍ଯ୍ୟ ଏକ ବିବୃତ୍ତିରେ କହିଛନ୍ତି, “ମୁଁ ପଦ୍ମ ଭୂଷଣ ପୁରସ୍କାର ବିଷୟରେ କିଛି ଜାଣି ନାହିଁ। ମୋତେ ଏ ବିଷୟରେ କେହି ମଧ୍ୟ କହି ନାହାଁନ୍ତି। ଯଦି ମୋତେ ପଦ୍ମ ଭୂଷଣ ଦିଆଯାଉଛି, ତେବେ ମୁଁ ଏହାକୁ ପ୍ରତ୍ୟାଖ୍ୟାନ କରୁଛି।”

ନିକଟରେ ହେଲିକପ୍ଟର ଦୁର୍ଘଟଣାର ଶିକାର ହୋଇଥିବା ଭାରତର ପ୍ରଥମ ସିଡିଏସ ଜେନେରାଲ ବିପିନ ରାୱତ ଏବଂ ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ସ୍ଵର୍ଗୀୟ କଲ୍ୟାଣ ସିଂଙ୍କୁ ପଦ୍ମ ବିଭୂଷଣ ପାଇଁ ଘୋଷଣା କରାଯାଇଛି। ଏଥି ସହ କଂଗ୍ରେସର ବରିଷ୍ଠ ନେତା ଗୁଲାମ ନବି ଆଜାଦ ଏବଂ ସିପିଆଇ (ଏମ) ନେତା ବୁଦ୍ଧଦେବ ଭଟ୍ଟାଚାର୍ଜୀଙ୍କୁ ପଦ୍ମ ଭୂଷଣଙ୍କ ସହ ସମ୍ମାନିତ କରିବାକୁ ଘୋଷଣା କରାଯାଇଥିଲା।

ନୂଆଦିଲ୍ଲୀ: ପଦ୍ମଭୂଷଣ ପରେ ଦେଶର ପ୍ରଥମ ସିଡିଏସ୍ ଜେନେରାଲ୍ ବିପିନ ରାୱତ ଏବଂ କଲ୍ୟାଣ ସିଂଙ୍କୁ ମରଣୋତ୍ତର ପଦ୍ମବିଭୂଷଣ ପ୍ରଦାନ କରିବାକୁ ନିଷ୍ପତ୍ତି ନିଆଯାଇଛି। ପ୍ରଭାସ ଆତ୍ରେ ଏବଂ ରାଧେଶମ ଖେମକାଙ୍କୁ ପଦ୍ମବିଭୂଷଣ ମଧ୍ୟ ଦିଆଯିବ। ଏଥିସହିତ ୧୭ ଜଣଙ୍କୁ ପଦ୍ମ ଭୂଷଣରେ ସମ୍ମାନିତ କରାଯିବ। ଗୃହ ମନ୍ତ୍ରଣାଳୟ କହିଛି ଯେ, କଂଗ୍ରେସ ନେତା ଗୁଲାମ ନବୀ ଆଜାଦ, ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ବୁଦ୍ଧଦେବ ଭଟ୍ଟାଚାର୍ଜୀ ଏବଂ ଅଭିନେତା ଭିକ୍ଟର ବାନାର୍ଜୀଙ୍କୁ ପଦ୍ମ ଭୂଷଣ ସମ୍ମାନରେ ସମ୍ମାନିତ କରାଯିବ।

ମାଇକ୍ରୋସଫ୍ଟର ସିଇଓ ସତ୍ୟ ନାଡେଲା, ଗୁଗୁଲର ସିଇଓ ସୁନ୍ଦର ପିଚାଇ, ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସାଇରସ୍ ପୁନାୱାଲା, ଭାରତ ବାୟୋଟେକ୍ ର କୃଷ୍ଣ ଇଲା, ସୁଚିତ୍ରା ଇଲା, ପଞ୍ଜାବୀ ଗାୟକ ଗୁରୁମିତ ସିଂ ବାୱା ଏବଂ ପୂର୍ବତନ ଗୃହ ସଚିବ ରାଜୀବ ମହର୍ଷିଙ୍କୁ ପଦ୍ମ ଭୂଷଣ ସମ୍ମାନରେ ସମ୍ମାନିତ କରାଯିବ।

ଏଥିସହିତ ୧୦୭ ଲୋକଙ୍କୁ ପଦ୍ମଶ୍ରୀ ପ୍ରଦାନ କରାଯିବ। ସେମାନଙ୍କ ମଧ୍ୟରେ ଅଲିମ୍ପିଆନ୍ ନୀରଜ ଚୋପ୍ରା, ପ୍ରମୋଦ ଭଗବତ, ବନ୍ଦନା କଟାରିଆ ଏବଂ ଗାୟକ ସୋନୁ ନିଗମ ମଧ୍ୟ ନାମିତ ହୋଇଛନ୍ତି।

ମୋଟ ୧୨୮ ଜଣଙ୍କୁ ପଦ୍ମ ପୁରସ୍କାରରେ ସମ୍ମାନିତ କରାଯିବ। ନାମ ଘୋଷଣା ପରେ ଗୃହମନ୍ତ୍ରୀ ଅମିତ ଶାହା ଟୁଇଟ୍ କରି କହିଛନ୍ତି ଯେ, ଭାରତର ପ୍ରଥମ ସିଡିଏସ୍ ସ୍ଵର୍ଗୀୟ ବିପିନ ରାୱତ ଜୀ ଜଣେ ଅନନ୍ୟ ଦେଶପ୍ରେମୀ ଥିଲେ। ଯିଏ ସମ୍ପୂର୍ଣ୍ଣ ଭକ୍ତି ଓ ନିଷ୍ଠା ସହିତ ଦେଶ ସେବା କରିଥିଲେ। ପ୍ରଧାନମନ୍ତ୍ରୀ ମୋଦୀ ତାଙ୍କୁ ପଦ୍ମବିଭୂଷଣ ଦେଇ ପ୍ରକୃତ ସେବାରେ ସମ୍ମାନିତ କରିଛନ୍ତି। ଏଥିପାଇଁ ମୁଁ ପ୍ରଧାନମନ୍ତ୍ରୀ ମୋଦୀଙ୍କୁ ଦେଶ ତରଫରୁ ଅଭିନନ୍ଦନ ଜଣାଉଛି।