Tag: ପୂର୍ବତଟ ରେଳବାଇ

ପୁରୀ: ପୁରୀ ରେଳ ଷ୍ଟେସନରେ ଏକ ନିର୍ମାଣାଧୀନ ଷ୍ଟେସନ କୋଠାର ସମ୍ମୁଖ ପୋର୍ଟିକୋ ଭୁଶୁଡ଼ି ପଡ଼ିବାରୁ ଏକ ଅଭାବନୀୟ ଦୁର୍ଘଟଣା ଘଟିଛି। ଘଟଣା ସମୟରେ ଘଟଣାସ୍ଥଳରେ ୬ ଜଣ ଶ୍ରମିକ କାମ କରୁଥିଲେ, ସେମାନଙ୍କ ମଧ୍ୟରୁ ୪ ଜଣ ଆହତ ହୋଇଥିଲେ।

ଆହତ ୪ ଜଣ ଶ୍ରମିକଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି ଏବଂ ସେମାନେ ଏବେ ବିପଦମୁକ୍ତ ଅଛନ୍ତି।

ଦୁର୍ଘଟଣାର କାରଣ ଜାଣିବା ପାଇଁ ଏକ ତଦନ୍ତ କମିଟିକୁ ନିର୍ଦ୍ଦେଶ ଦିଆଯାଇଛି।

ଖୋର୍ଦ୍ଧା: ପୂର୍ବତଟ ରେଳବାଇ ଅନ୍ତର୍ଗତ କାଳୁପଡ଼ାଘାଟ ରେଳ ଷ୍ଟେସନରେ ଆଜିଠାରୁ ରହଣୀ କରିଛି ରାଉରକେଲା-ଗୁଣୁପୁର ଏବଂ ଗୁଣୁପୁର-ରାଉରକେଲା ରାଜ୍ୟରାଣୀ ଏକ୍ସପ୍ରେସ। ଆଜି ସକାଳେ ଆନୁଷ୍ଠାନିକ ଭାବେ ରାଜ୍ୟରାଣୀ ଏକ୍ସପ୍ରେସକୁ କାଳୁପଡ଼ା ଘାଟ ରେଳ ଷ୍ଟେସନ ପରିସରରେ ଉଦଘାଟନ କରିଥିଲେ ବିଜେପି ରାଷ୍ଟ୍ରୀୟ ପ୍ରବକ୍ତା ଡଃ ସମ୍ବିତ ପାତ୍ର ଏବଂ ବିଜେପି ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ। ରେଳ ୟୁଜର୍ସ ଆସୋସିଏସନ କାଳୁପଡ଼ାଘାଟ ସଭାପତି ପ୍ରଫେସର ଚନ୍ଦ୍ରକାନ୍ତ ପାଇକରାୟ ଏବଂ ଶହ ଶହ ସଂଖ୍ୟାରେ ଉତ୍ସାହିତ ଅଞ୍ଚଳବାସୀ ଟ୍ରେନ ରହଣୀକୁ ସ୍ୱାଗତ କରିଥିଲେ।

ଏହି ସମାବେଶରେ ବିଗତ ଦୁଇ ଦିନ ତଳେ ବାଲେଶ୍ଵର ବାହାନଗାରେ ଘଟିଥିବା ମର୍ମନ୍ତୁଦ ରେଳ ଦୁର୍ଘଟଣାରେ ମୃତକଙ୍କ ଆତ୍ମାର ସଦଗତି ଉଦ୍ଦେଶ୍ୟରେ ଦୁଇ ମିନିଟ ନିରବ ପ୍ରାର୍ଥନା ଏବଂ ସମୂହ ଦୀପ ଦାନ କରାଯାଇଥିଲା। ଗୁରୁତର ଆହତଙ୍କ ଶୀଘ୍ର ଆରୋଗ୍ୟ କାମନା କରିବା ସହିତ ପ୍ରଭୁ ଜଗନ୍ନାଥଙ୍କ ଉଦ୍ଦେଶ୍ୟରେ ହରିବୋଲ ହୁଳହୁଳି ଦେଇ ଟ୍ରେନ ରହଣୀକୁ ସ୍ୱାଗତ କରିଥିଲେ ଅଞ୍ଚଳବାସୀ। ଟ୍ରେନ ରହଣି ନିମନ୍ତେ ଡଃ ସମ୍ବିତ ପାତ୍ରଙ୍କୁ କୃତଜ୍ଞତା ଜ୍ଞାପନ କରିଥିଲେ ଜନସାଧାରଣ।

ଏଥିସହିତ ଆଗାମି ଦିନରେ ପ୍ରଶାନ୍ତି ଏକ୍ସପ୍ରେସ ରହଣୀ ନେଇ ପ୍ରଚେଷ୍ଟା ଜାରି ରହିଥିବାର ଡ଼ା ପାତ୍ର ସୂଚନା ଦେଇଥିଲେ। ରାଉରକେଲା-ଗୁଣୁପୁର ରାଜ୍ୟରାଣୀ ଏକ୍ସପ୍ରେସ କାଳୁପଡ଼ାଘାଟ ରେଳ ଷ୍ଟେସନରେ ପ୍ରତିଦିନ ସକାଳ ୦୭:୧୩ ମିନିଟ ସମୟରେ ପହଞ୍ଚିବାକୁ ଥିବାବେଳେ ଗୁଣୁପୁର-ରାଉରକେଲା ରାଜ୍ୟରାଣୀ ଏକ୍ସପ୍ରେସ ପ୍ରତିଦିନ ରାତ୍ର ୦୮:୪୮ ମିନିଟରେ ପହଞ୍ଚିବ। ଏଥିପାଇଁ ଯାତ୍ରୀମାନେ ଆଜିଠାରୁ ସରଂକ୍ଷିତ ଏବଂ ତତ୍କାଳ ଟିକେଟ କାଟି ପାରିବେ ବୋଲି ରେଳବାଇ ପକ୍ଷରୁ କୁହାଯାଇଛି।

ଭୁବନେଶ୍ବର: ପୂର୍ବତଟ ରେଳବାଇ ମହିଳା କଲ୍ୟାଣ ସଂଗଠନ ପକ୍ଷରୁ ଆଜି ସ୍ପଟ୍ ଚିତ୍ରାଙ୍କନ, ପେଣ୍ଟିଂ ଏବଂ ପ୍ରବନ୍ଧ ପ୍ରତିଯୋଗିତାରେ ଜୋନାଲ ସ୍ତରର ବିଜେତାମାନଙ୍କ ପାଇଁ ପୁରସ୍କାର ବିତରଣ ସମାରୋହ ଆୟୋଜନ କରିଛି। ରେଳ କର୍ମଚାରୀଙ୍କ ପିଲାମାନଙ୍କ ଏହି ପ୍ରତିଯୋଗିତା ଆୟୋଜିତ କରାଯାଇଥିଲା।

ଏହି ଅବସରରେ ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନର ଅଧ୍ୟକ୍ଷ୍ୟା ରାଧା ସୁନକର, ପ୍ରତିଯୋଗିତାର ବିଜେତାମାନଙ୍କୁ ଯୋଗ୍ୟତା ପ୍ରମାଣପତ୍ର ଏବଂ ପୁରସ୍କାର ପ୍ରଦାନ କରିଥିଲେ। ଅନୁପମା ଶ୍ରୀବାସ୍ତବ, ଉପଧକ୍ଷା, ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନ ଏବଂ ମହିଳା କଲ୍ୟାଣ ସଂଗଠନର ସଦସ୍ୟା ମାନେ ମଧ୍ୟ ଉପସ୍ଥିତ ଥିଲେ।

ଭୁବନେଶ୍ୱର: ଏପ୍ରିଲ ମାସ ସୁଦ୍ଧା ସବୁ ପାସେଞ୍ଜର ଏବଂ ଏକ୍ସପ୍ରେସ ଟ୍ରେନ ଚାଲିପାରେ। ପୂର୍ବତଟ ରେଳବାଇ ମୁଖ୍ୟ ଲୋକ ସମ୍ପର୍କ ଅଧିକାରୀ କୈଶଳେନ୍ଦ୍ର କେ. ଖାଡଙ୍ଗା ଏନେଇ ସୂଚନା ଦେଇଛନ୍ତି। ପୂର୍ବତଟ ରେଳବାଇରେ ୮୨ ଯୋଡ଼ା ଏକ୍ସପ୍ରେସ ଟ୍ରେନ ଚାଲୁଥିବା ବେଳେ କରୋନା ଯୋଗୁଁ ୫୯ ଟି ଟ୍ରେନ ଚାଲୁଛି।

ସେହିପରି ରାଜ୍ୟରେ ପାସେଞ୍ଜର ଟ୍ରେନ ୨୯ ଟି ଚାଲୁଥିବା ବେଳେ କରୋନା କଟକଣା ଯୋଗୁଁ ସମସ୍ତ ଟ୍ରେନ ବନ୍ଦ ଅଛି। ତେବେ ଆସନ୍ତା ମାସରୁ ସବୁ ଟ୍ରେନ ଚାଲିବ ବୋଲି କୈଶଳେନ୍ଦ୍ର କେ. ଖାଡଙ୍ଗା ସୂଚନା ଦେଇଛନ୍ତି। ହେଲେ ରାଜ୍ୟ ସରକାର ଏବଂ ପୂର୍ବତଟ ରେଳବାଇ ବୋର୍ଡର ଆଲୋଚନା ପରେ ନିଷ୍ପତ୍ତି ନିଆଯିବ ବୋଲି କୈଶଳେନ୍ଦ୍ର ସ୍ପଷ୍ଟ କରିଛନ୍ତି।