ନୂଆଦିଲ୍ଲୀ: ଦୁର୍ନୀତି ମାମଲାରେ ଜମ୍ମୁ-କଶ୍ମୀରର ପୂର୍ବତନ ରାଜ୍ୟପାଳ ସତ୍ୟପାଲ ମଲିକଙ୍କୁ ସିବିଆଇ ମୌଖିକ ସମନ ପଠାଇଛି। ତାଙ୍କୁ ୨୭ ଏବଂ ୨୮ ଏପ୍ରିଲରେ ହାଜର ହେବାକୁ ଏଜେନ୍ସି ପକ୍ଷରୁ କୁହାଯାଇଛି। ଏ ସମ୍ପର୍କରେ ସିବିଆଇ ଏପର୍ଯ୍ୟନ୍ତ ନିଶ୍ଚିତ କରିନାହିଁ।
ଜମ୍ମୁ କାଶ୍ମୀରରେ ଦୁଇଟି ପ୍ରକଳ୍ପରେ ଅନିୟମିତତା ସମ୍ପର୍କରେ ଏଜେନ୍ସି ଏକ ମାମଲା ରୁଜୁ କରିଥିଲା। ଏହି ମାମଲାରେ ସିବିଆଇ ତାଙ୍କୁ ଡାକିଛି। ଦୁଇଟି ଫାଇଲରେ ଦସ୍ତଖତ କରିବାକୁ ତାଙ୍କୁ ୩୦୦ କୋଟି ଅଫର ମିଳିଥିବା ମଲିକ ଦାବି କରିଛନ୍ତି। ଗତ ବର୍ଷ ଅକ୍ଟୋବରରେ ସିବିଆଇ ତାଙ୍କୁ ଜେରା କରିଥିଲା।