Tag: ପୋଲସରା

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ପୋଲସରା ସ୍ଥିତ ଆଞ୍ଚଳିକ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଛାତ୍ରୀ ମାନଙ୍କ ନିମନ୍ତେ ଆଠ ଦିନ ପାଇଁ ଆତ୍ମସୁରକ୍ଷା ତାଲିମ୍ ଶିବିର ଅନୁଷ୍ଠିତ ହୋଇଛି। ଅଧ୍ୟକ୍ଷ ଡ଼ଃ ପ୍ରଦୀପ କୁମାର ପରମଗୁରୁ ଙ୍କ ପୌରହିତ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୋଲସରା ବିଜ୍ଞାନ ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ଡ଼ଃ ଦିବାକର ମିଶ୍ର ଯୋଗଦେଇ ଆଜିର ସମାଜରେ ଛାତ୍ରୀ ମାନଙ୍କର ଆତ୍ମସୁରକ୍ଷା ତାଲିମ୍ ନିହାତି ଆବଶ୍ୟକ ବୋଲି ମତବ୍ୟକ୍ତ କରିଛନ୍ତି।

ଅନୁଷ୍ଠିତ କାର୍ଯ୍ୟକ୍ରମର ସଂଯୋଜକ ଡ଼ଃ ଆଶିଷ କୁମାର ପ୍ରଧାନ ପରିଚାଳନା କରିଥିଲେ। ଅଧ୍ୟାପକ ଗଣ ଯଥା ଡ଼ଃ ରଞ୍ଜିତା କୁମାରୀ ମିଶ୍ର, ମନୋଜ କୁମାର ପାଢ଼ୀ, ଶିଶିରକାନ୍ତ ବିଷୋୟୀ ଓ ଧରିତ୍ରୀ ନାୟକ ପ୍ରମୁଖ ଶିବିରାର୍ଥୀ ମାନଙ୍କୁ ଉତ୍ସାହିତ କରିଥିଲେ। ଏହି ତାଲିମ୍ ଶିବିର ରେ ମାଷ୍ଟର ଟ୍ରେନର୍ ସୁଚିତ୍ରା ବେହେରା ଓ ସୁନାନି ପ୍ରଧାନ ପ୍ରମୁଖ ତାଲିମ୍ ପ୍ରଦାନ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ପୋଲସରା ଥାନା ଅନ୍ତର୍ଗତ ହାତିପାଦପଲି ଗ୍ରାମର ନନ୍ଦିଆ ପରିଡ଼ା ନାମକ ଜଣେ ବ୍ୟକ୍ତିଙ୍କର ପାଣିରେ ବୁଡି ମୃତ୍ୟୁ ଘଟିଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ପୋଲସରା ଡାକ୍ତରଖାନାରେ ଶବ ବ୍ୟବଚ୍ଛେଦ କରିଛି। ଏହାପରେ ପୋଲିସ ପରିବାର ଲୋକଙ୍କୁ ମୃତ ଦେହ ହସ୍ତାନ୍ତର କରିଛି। ଏହି ମାମଲାରେ ପୋଲିସ ୧୭/୨୩ ଅନୁଯାୟୀ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।

ଅନ୍ୟ ପକ୍ଷରେ ପୋଲସରା ବିଧାୟକ ଶ୍ରୀକାନ୍ତ ସାହୁ ଡାକ୍ତରଖାନାରେ ପହଞ୍ଚି ଶୋକସନ୍ତପ୍ତ ପରିବାରକୁ ସମବେଦନା ଜଣାଇବା ସହ ଆର୍ଥିକ ସହାୟତା ପ୍ରଦାନ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ରାଜ୍ୟ ଶ୍ରମ ମନ୍ତ୍ରୀ ଶ୍ରୀକାନ୍ତ ସାହୁଙ୍କ ପୋଲସରା ନିର୍ବାଚନ ମଣ୍ଡଳୀ ଅନ୍ତର୍ଗତ ବୁଗୁଡ଼ା ବ୍ଳକ ଭଗବାନପୁର ପଞ୍ଚାୟତ ପାଣିକେଶ୍ଵର ଗ୍ରାମର ବୟସ୍କ ମହିଳା ଉଲି ପ୍ରଧାନ ଆଜକୁ ଦୁଇ ବର୍ଷ ହେଲା ମଧୁମେହ ରୋଗରେ ପୀଡିତ ହୋଇ ଅର୍ଥ ଅଭାବରୁ ଜୀବନ ଯନ୍ତ୍ରଣା ଭୋଗ କରୁଛନ୍ତି। ରୋଗୀଣା ମହିଳା ଉଲିଙ୍କ ସ୍ବାମୀ ସାଧୁ ପ୍ରଧାନ ଜଣେ ଚାଷୀ ଅଟନ୍ତି। ଚାଷ କାମ ତାଙ୍କର ବେଉସା ହେଲେ ମଧ୍ୟ ଘର ଚଳାଇବା ବହୁତ କଷ୍ଟ ହେଉଥିବାର ସାଧୁଙ୍କ ଠାରୁ ପ୍ରକାଶ। ଧାର ଉଧାର କରି ଘର ଚଳାଇବା ସହିତ ରୋଗୀଣା ସ୍ତ୍ରୀ ର ଔଷଧ ଖର୍ଚ୍ଚ ତୁଲାଇବା ନିମନ୍ତେ ବହୁ କଷ୍ଟ ହେଉଥିବାର କହୁଛନ୍ତି। ଅନ୍ୟଥା ସାଧୁ ପ୍ରଧାନଙ୍କର ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା କାର୍ଡ ଥିଲେ ମଧ୍ୟ ତାହା କାର୍ଯ୍ୟରେ ଆସୁନାହିଁ। ବର୍ତ୍ତମାନ ପରିସ୍ଥିତିରେ ସରକାରୀ ସହାୟତା ନମିଳିଲେ ଧର୍ମ ପତ୍ନୀ ଙ୍କର ଜୀବନ ବିପନ୍ନ ବୋଲି କୋହଭରା କଣ୍ଠରେ ସାଧୁ କହୁଛନ୍ତି।