ନୂଆଦିଲ୍ଲୀ: କରୋନା ମହାମାରୀକୁ ପ୍ରତିହିତ କରିବା ପାଇଁ ସମଗ୍ର ଦେଶରେ ଟିକାକାରଣ ପରକୀୟା ଆରମ୍ଭ ହେବାକୁ ଯାଉଛି। ଉଭୟ କେନ୍ଦ୍ର ଓ ରାଜ୍ୟ ସରକାର ଆସନ୍ତା ମାସ ୧୬ ତାରିଖରେ ଟିକାକାରଣ ପାଇଁ ସମସ୍ତ ବ୍ୟବସ୍ଥା ପ୍ରସ୍ତୁତ କରୁଛନ୍ତି। ହେଲେ ଠିକ ଏହି ସମୟରେ ତଥା ୧୭ ତାରିଖରେ ପୋଲିଓ ଟିକାକାରଣ ପାଇଁ ତାରିଖ ଧାର୍ଯ୍ୟ ଥିଲା। କିନ୍ତୁ ଏହାକୁ ଏବେ ସ୍ଥଗିତ ରଖାଯାଇଛି।
ସୁଚନାଯୋଗ୍ୟ ଯେ, ଦେଶରେ ଜାନୁଆରୀ ୧୭ ତାରିଖକୁ ଜାତୀୟ ପୋଲିଓ ଦିବସ ଭାବେ ପାଳନ କରାଯାଇଥାଏ। ଏହି ଦିନ ଦେଶର ସମସ୍ତ ୫ ବର୍ଷରୁ କମ୍ ପିଲାମାନଙ୍କୁ ପୋଲିଓ ଟିକା ଦିଆଯାଇଥାଏ। ହେଲେ ଏହି ଭୟଙ୍କର ମହାମାରୀ କବଳରୁ ମୁକ୍ତି ପାଇବା ପାଇଁ କରୋନା ଟିକା ନେବା ବହୁତ ଜରୁରୀ ହୋଇପଡିଥିବାରୁ ପୋଲିଓ ଟିକାକରଣକୁ ସ୍ଥଗିତ ରଖାଯାଇଛି। ପରବର୍ତ୍ତି ନିର୍ଦ୍ଦେଶ ଆସିବା ପରେ ଏହି କାର୍ଯ୍ୟକ୍ରମ ପୁଣି ଆରମ୍ଭ କରାଯିବ ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।