Categories
ଜାତୀୟ ଖବର ବିଶେଷ ଖବର

ଫନି ବାତ୍ୟା ପ୍ରଭାବିତଙ୍କୁ ଦୁଇ ଲକ୍ଷ ଘର ଯୋଗାଇବା ପାଇଁ ପ୍ରଧାନମନ୍ତ୍ରୀଙ୍କୁ ଚିଠି ଲେଥିଲେ ନବୀନ

ଭୁବନେଶ୍ୱର: ନବୀନ ପଟ୍ଟନାୟକ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖି PMAY (G) ଅଧୀନରେ ଫନି ବାତ୍ୟା ପ୍ରଭାବିତ ପରିବାର ପାଇଁ 1.84 ଲକ୍ଷ ଘର ଯୋଗାଇବାରୁ ଦାବୀ କରିଛନ୍ତି। ସେହିପରି ସାଧାରଣ ଭାବେ ଆଦିବାସୀ ଜିଲ୍ଲା ଏବଂ କେବିକେ ଜିଲ୍ଲାକୁ 13 ଲକ୍ଷ ଘର ଯୋଗାଇବାକୁ ଅନୁରୋଧ କରିଛନ୍ତି।

ପ୍ରଥମେ ପ୍ରଧାନମନ୍ତ୍ରୀ ଓଡିଶାକୁ 8.17 ଲକ୍ଷ PMAY (G) ଘର ମଞ୍ଜୁର କରିଥିବାରୁ ନବୀନ ଧନ୍ୟବାଦ ଜଣାଇଛନ୍ତି। ହେଲେ କେବିଏକର ବହୁ ପରିବାର ତଥା ରାଜ୍ୟର ଆଦିବାସୀ ପ୍ରାଧାନ୍ୟ ଜିଲ୍ଲା ତଥା ଫନି ବାତ୍ୟାରେ ଘର ହରାଇ ଅନେକ ପରିବାରଙ୍କ ଦୁଃଖରେ ରହିଛନ୍ତି। ସେମାନଙ୍କ ପ୍ରତି ଦୃଷ୍ଟି ଦେବା ପାଇଁ ନବୀନ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଛନ୍ତି।

ମୁଖ୍ୟମନ୍ତ୍ରୀ ତିନୋଟି ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଲୋଡିଛନ୍ତି। ସେଗୁଡିକ ହେଲା

1- ମୁଖ୍ୟମନ୍ତ୍ରୀ କହିଛନ୍ତି ଯେ, ଭାରତ ସରକାରଙ୍କ ଗ୍ରାମାଞ୍ଚଳ ବିକାଶ ମନ୍ତ୍ରଣାଳୟ, 2019 ମାର୍ଚ୍ଚ 7 ତାରିଖ ସୁଦ୍ଧା ଆୱାସ୍+ ମାଧ୍ୟମରେ ଯୋଗ୍ୟ ବଳକା ପରିବାର ଚିହ୍ନଟ କରିବାକୁ ଅନୁମତି ଦେଇଥିଲେ। ହେଲେ  ସେତେବେଳେ ସାଧାରଣ ନିର୍ବାଚନ -2019 ପାଇଁ ପ୍ରସ୍ତୁତି କାର୍ଯ୍ୟରେ ସରକାରୀ ଅଧିକାରୀଙ୍କ ବ୍ୟସ୍ତତା, ନେଟୱାର୍କ ସଂଯୋଗ ସମସ୍ୟା ଏବଂ ରାଜ୍ୟର କିଛି ଅଞ୍ଚଳରେ ନକ୍ସଲ ହିଂସା ଯୋଗୁଁ ତାହା ଚିହ୍ନଟ କରିବାରେ ବିଳମ୍ବ ହୋଇଥିଲା। ତଥାପି ଏହି ବ୍ୟସ୍ତତା ଭିତରେ ଏବଂ ଏହି ନିର୍ଦ୍ଦିଷ୍ଟ ସମୟ ମଧ୍ୟରେ କେବଳ 35 ହଜାର ପରିବାର ଚିହ୍ନଟ କରାଯାଇଛି।

2- ଯେତେବେଳେ ଫନି ବାତ୍ୟା ଦ୍ୱାରା ପ୍ରଭାବିତ 14 ଟି ଜିଲ୍ଲା ପାଇଁ MoRD ଆୱାସ୍ + ପାଇଁ ଚିହ୍ନଟ କରିବାକୁ କହିଲେ ସେତେବେଳେ 7.87 ଲକ୍ଷ ପରିବାର ଚିହ୍ନଟ ହେଲା। ରାଜ୍ୟ ସରକାରଙ୍କ RH ପୋର୍ଟାଲ ମାଧ୍ୟମରେ ଏହି ଚିହ୍ନଟ କରାଯାଇଥିଲା। ହେଲେ ଫନି ବାତ୍ୟା ଦ୍ୱାରା ପ୍ରଭାବିତ ହୋଇନଥିବା 16 ଟି ଜିଲ୍ଲାର 5.09 ଲକ୍ଷ ପରିବାର ମଧ୍ୟ ଯୋଗ୍ୟ ବିବେଚିତ ହୋଇଥିଲେ। ଏହା ଉଲ୍ଲେଖ କରାଯାଇପାରେ ଯେ ଏଗୁଡ଼ିକ ମୁଖ୍ୟତଃ ଆଦିବାସୀ ଜିଲ୍ଲା ଏବଂ କେବିକେ ଜିଲ୍ଲା ଅଟେ।

3- ଫନି ପ୍ରଭାବିତ ପରିବାରକୁ 5 ଲକ୍ଷ PMAY-G (ସ୍ବତନ୍ତ୍ର) ଘର ଆବଣ୍ଟନ କରିବାକୁ ମେ 2019 ରେ  ପ୍ରଧାନମନ୍ତ୍ରୀଙ୍କ ପ୍ରତିଶ୍ରୁତିକୁ ମନେ ପକାଇ CM କହିଛନ୍ତି ଯେ ଏଥିରେ 1.84 ଲକ୍ଷ ପରିବାର ଅଛନ୍ତି, ଯେଉଁମାନଙ୍କର ବାତ୍ୟା ଫନି ଦ୍ୱାରା ଘର ଭାଙ୍ଗି ଯାଇଛି କିନ୍ତୁ ସେମାନେ ସାଧାରଣ PMAY (G) ଘରଗୁଡିକ ପାଇବାକୁ ଯୋଗ୍ୟ ନୁହଁନ୍ତି।

ତେଣୁ, ଏହି ପରିବାରଗୁଡିକ PMAY-G (ସ୍ବତନ୍ତ୍ର) ଘରଗୁଡିକ ପାଇଁ PMAY (G) ର ସାମିଲ କରିବା ପାଇଁ  ପୂର୍ବ ସର୍ତ୍ତଗୁଡିକ କୋହଳ କରାଯାଉ ବୋଲି ନବନ ଦାବି କରିଛନ୍ତି।

ସେ କହିଛନ୍ତି ଯେ ଆୱାସ୍ + ଏବଂ ଆରଏଚ୍ ପୋର୍ଟାଲ୍ ମାଧ୍ୟମରେ ସର୍ଭେ ସମୟରେ କିଛି ଯୋଗ୍ୟ ପରିବାର ବଞ୍ଚିତ ହୋଇପାରନ୍ତି। ଏହିପରି ଭାବରେ ବାତ୍ୟା ପ୍ରଭାବିତ ପରିବାରକୁ 1.84 ଲକ୍ଷ PMAY-G (ସ୍ବତନ୍ତ୍ର) ଘରକୁ ମଞ୍ଜୁର କରିବାକୁ, RH ପୋର୍ଟାଲରୁ PMAY (G) ର 5.09 ଲକ୍ଷ ତଥ୍ୟ ସ୍ଥାନାନ୍ତର କରିବାକୁ ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଲୋଡିଛନ୍ତି। ଏକ ମାସ ପାଇଁ ସମଗ୍ର ରାଜ୍ୟ ପାଇଁ ଏହା ଲାଗୁ କରିବା ପାଇଁ ନବୀନ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଛନ୍ତି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

କୋଭିଡ ଟିକା ଖୋଲା ବଜାରରେ ଉପଲବ୍ଧ କରାଇବା ପାଇଁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ନବୀନ

ଭୁବନେଶ୍ୱର: କୋଭିଡ ଟିକା ପ୍ରସଂଗରେ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏଥିରେ ସେ ଉଲ୍ଲେଖ କରିଛନ୍ତି ଯେ, ଖୋଲା ବଜାରରେ ଟିକା ଉପଲବ୍ଧ କରାଯାଉ । କାରଣ ଆର୍ଥିକ ସ୍ବଚ୍ଛଳ ବ୍ୟକ୍ତିମାନେ ଟିକା କିଣିବାକୁ ଚାହିଁବେ ସେମାନେ ଖୋଲା ବଜାରରୁ ଟିକା କିଣି ପାରିବେ । ଏହାଦ୍ବାରା ସରକାରୀ ଟିକା ପ୍ରଦାନ କେନ୍ଦ୍ରରେ ଗରିବ ଲୋକମାନେ ଉପକୃତ ହୋଇପାରିବେ।

ଏହି ଚିଠିରେ ନବୀନ ପ୍ରଧାନମନ୍ତ୍ରୀଙ୍କୁ ୪ଟି ପ୍ରସ୍ତାବ ଦେଇଛନ୍ତି । ସେଗୁଡିକ ହେଲା

1- ସରକାରୀ ବ୍ୟବସ୍ଥା ବ୍ୟତୀତ ଖୋଲା ବଜାରରେ କରୋନା ଟିକା ଉପଲବ୍ଧ କରାଯାଉ । ଫଳରେ ଆର୍ଥିକ ସ୍ବଚ୍ଛଳ ବ୍ୟକ୍ତଙ୍କ ଭିଡ ସରକାରୀ ସଂସ୍ଥାରୁ ହଟିଯିବ, ଗରିବ ଲୋକେ ଉପକୃତ ହେବେ।

2-ଏହାସହ ଦେଶରେ ବିଶ୍ୱସ୍ତରୀୟ ଅନୁମତି ପ୍ରାପ୍ତ କରୋନା ଟିକା ପର୍ଯ୍ୟାପ୍ତ ପରିମାଣର ରାଜ୍ୟମାନଙ୍କୁ ଯୋଗାଇ ଦିଆଯାଉ।

3- ଭାରତ ବର୍ତ୍ତମାନ ଟିକା ଉତ୍ପାଦନରେ ପ୍ରମୁଖ ଦେଶ ହୋଇଛି। ସେଥିପାଇଁ ବିଭିନ୍ନ ରାଜ୍ୟରେ ମଧ୍ୟ ଟିକା ଉତ୍ପାଦନ କରିବାକୁ ପ୍ରୋତ୍ସାହନ ଯୋଗାଇ ଦିଆଯାଉ।

4- ବର୍ତ୍ତମାନ ବହୁ ସହରରେ କରୋନା ଭାଇରସ ବ୍ୟାପିବାରେ ଲାଗିଛି। ସେଥିପାଇଁ ସେହି ସହରରେ ଟିକା ପ୍ରଦାନ ପାଇଁ ଥିବା ବୟସ ସୀମାକୁ କୋହଳ କରାଯାଉଛି। ଏହାଦ୍ବାରା ରାଜ୍ୟର ଆର୍ଥିକ ସ୍ଥିତି ଉପରେ ପ୍ରଭାବ ପକାଇବ ନାହିଁ।

Categories
ଜାତୀୟ ଖବର ଜୀବନ ଶୈଳୀ ବିଶେଷ ଖବର ମନୋରଂଜନ ରାଜ୍ୟ ଖବର

ଜଣେ ଓଡ଼ିଆ ପୁଅଙ୍କ ଜୀବନୀକୁ ନେଇ ନିର୍ମିତ ଚଳଚ୍ଚିତ୍ର ‘ସିଲ୍‌ଭର ଗାନ୍ଧି’: ଦେଖିବା ପାଇଁ ପ୍ରଧାନମନ୍ତ୍ରୀଙ୍କୁ ଚିଠି

ଭୁବନେଶ୍ୱର: ନିଜର ଅସାଧାରଣ ଦକ୍ଷତା ଓ ଦୃଢ ଇଚ୍ଛାଶକ୍ତି ପାଇଁ ସାରା ବିଶ୍ୱରେ ନାମ ଯୋଡ଼ିଛନ୍ତି ଜଣେ ଓଡ଼ିଆ ପୁଅ। ଓଡ଼ିଶାରେ ସାଇରାମ ଗାନ୍ଧୀ ନାମରେ ପରିଚିତ ମୋହନ ମହାପାତ୍ର ଖୁବ୍ କମ ବସୟରେ ଚର୍ଚ୍ଚାକୁ ଆସିଛନ୍ତି। ଜାତିର ପିତା ମହାତ୍ମା ଗାନ୍ଧୀଙ୍କ ଆଦର୍ଶରେ ଅନୁପ୍ରାଣିତ ହୋଇ ସ୍ୱଚ୍ଛ ଭାରତ ଅଭିଯାନକୁ ସଫଳ କରିବା ପାଇଁ ସାରା ଦେଶରେ ପଦଯାତ୍ରା କରିଥିଲେ ସାଇରାମ ଗାନ୍ଧୀ ବା ମୋହନ ମହାପାତ୍ର।

ତାଙ୍କ ଜୀବନୀକୁ ନେଇ ନିର୍ମିତ ହୋଇଛି ଚଳଚ୍ଚିତ୍ର ‘ସିଲ୍‌ଭର ଗାନ୍ଧି’। ଅବିନାଶ ନନ୍ଦଙ୍କ ନିର୍ଦ୍ଦେଶିତ ‘ସିଲ୍‌ଭର ଗାନ୍ଧି’ ଚଳଚ୍ଚିତ୍ରଟି ଜାତୀୟ ତଥା ଅନ୍ତର୍ଜାତୀୟସ୍ତରରେ ଗୋଟିଏ ପରେ ଗୋଟିଏ ପୁରସ୍କାର ଲାଭ କରିଚାଲିଛି ଏବଂ ଉଚ୍ଚ ପ୍ରଶଂସିତ ମଧ୍ୟ ହେବାରେ ଲାଗିଛି। ସର୍ବମୋଟ ୨୫ଟି ପୁରସ୍କାର ମିଳିବା ସହିତ ବିରଳ ରେକର୍ଡ଼ର ଅଧିକାରୀ ହୋଇପାରିଛି ସିଲଭର ଗାନ୍ଧି। ଶ୍ରୀ ନନ୍ଦଙ୍କ ଏହି ସଫଳତା ଦେଶ ତଥା ରାଜ୍ୟ ପାଇଁ ଗୌରବ ଆଣି ଦେଇଛି।

ମୁଖ୍ୟ ଭୂମିକାରେ ବଲିଉଡ଼ ଷ୍ଟାର ହିତେନ ତେଜୱାନୀ ଅଭିନୟ କରିଥିବା ବେଳେ ଏଥିରେ ଅନେକ ବଲିଉଡ଼ ଓ ଓଲିଉଡ଼ କଳାକାରମାନେ ସାମିଲ୍ ଅଛନ୍ତି। ସନ୍ତୋଷ ସେଟ୍ଟୀ ଏହାର ପ୍ରଯୋଜନା କରିଥିବା ବେଳେ ସଙ୍ଗୀତା ହଂସ ଓ ରାଜିନ୍ଦର ଭାଟ୍ଟିଆ ଅନ୍ୟତମ ପ୍ରଯୋଜକ ଅଛନ୍ତି। ଅଭିମୁନ୍ୟ ମିଶ୍ର କାହାଣୀ ରଚନା କରିଛନ୍ତି।

ପୁରସ୍କାର ଅପେକ୍ଷା ଏହି ଚଳଚ୍ଚିତ୍ରଟି ସାଧାରଣ ଜନତାଙ୍କ ଉପରେ କିଭଳି ପ୍ରଭାବ ପକାଉଛି ତାହା ଗୁରୁତ୍ୱପୂର୍ଣ୍ଣ କଥା ବୋଲି ଅବିନାଶ ନନ୍ଦ କହିଛନ୍ତି। ଚଳଚ୍ଚିତ୍ରଟି ପ୍ରତ୍ୟେକ ଭାରତୀୟଙ୍କୁ ପରିଷ୍କାର, ପରିଚ୍ଛନ୍ନତା ସହ ସୁସ୍ଥ ଜୀବନଯାପନ ପାଇଁ ପ୍ରେରଣା ଯୋଗାଇବ ବୋଲି ଆଶା କରାଯାଉଛି। ଏହି ଚଳଚ୍ଚିତ୍ରଟିକୁ ଦେଖିବା ପାଇଁ ଭାରତର ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟକୁ ମଧ୍ୟ ପତ୍ର ମାଧ୍ୟରେ ଅନୁରୋଧ କରାଯାଇଛି।