କଲିକତା: ମଣିପୁର ହିଂସା ମାମଲା ଗତ ତିନି ମାସ ଧରି ଚର୍ଚ୍ଚାର ବିଷୟ ପାଲଟିଛି। ବିରୋଧୀ କ୍ରମାଗତ ଭାବରେ କେନ୍ଦ୍ର ଏବଂ ମୋଦୀ ସରକାରଙ୍କ ଉତ୍ତର ଦାବି କରୁଛନ୍ତି। ମଣିପୁର ପ୍ରସଙ୍ଗରେ ଗୃହରେ ଭାଷଣ ଦେବାକୁ ପ୍ରଧାନମନ୍ତ୍ରୀ ମୋଦୀଙ୍କୁ ଦାବି କରାଯାଉଛି। ସେପଟେ ବଙ୍ଗଳା ବିଧାନସଭାରେ ମଣିପୁର ଉପରେ ଏକ ସଂକଳ୍ପ ପାରିତ ହୋଇଛି। ଏହା ପରେ ବିଜେପି ବିଧାୟକମାନଙ୍କୁ ମଧ୍ୟ ଗୃହରେ ଭାଷଣ ଦେବାର ସୁଯୋଗ ଦିଆଯାଇଥିଲା।
ବିଜେପିର ହିରନମୟ ଚଟ୍ଟୋପାଧ୍ୟାୟ କହିଛନ୍ତି ଯେ, ଟୁକଡେ-ଟୁକଡ଼େ ଗ୍ୟାଙ୍ଗ ଏବଂ ‘ଇଣ୍ଡିଆ’ ସମାନ। ମଣିପୁର ଉପରେ ଆଲୋଚନା ହେଉଛି, କିନ୍ତୁ ରାଜସ୍ଥାନ କାହିଁକି ଆଲୋଚନା କରାଯାଉନାହିଁ। ମମତା ବାନାର୍ଜୀ ମଣିପୁର, ୟୁପି, ମହାରାଷ୍ଟ୍ର, ଆସାମ ଦେଖିପାରିବେ କିନ୍ତୁ ବଙ୍ଗଳାରେ ହିଂସା ଦେଖିପାରୁନାହାଁନ୍ତି।
ବିଜେପି ନେତା ଶୁଭେନ୍ଦୁ ଅଧିକାରୀ କହିଛନ୍ତି ଯେ, ମଣିପୁର ଅନ୍ୟ ଏକ ରାଜ୍ୟ। ସେଠାର କୌଣସି ସମସ୍ୟା, ସଂସଦରେ ବିତର୍କ କରାଯାଇପାରେ, କିନ୍ତୁ ଅନ୍ୟ କୌଣସି ରାଜ୍ୟ ଏହା ଉପରେ ବିତର୍କ କରିବାର ଅଧିକାର ନାହିଁ। ଏହି ମାମଲା ସୁପ୍ରିମକୋର୍ଟରେ ଅଛି ଏବଂ ଶୁଣାଣି ଚାଲିଛି। ରାଜନୈତିକ ଲାଭ ପାଇଁ ଆପଣ ଏହା କରିଛନ୍ତି।୨୦୨୧ ରୁ ବର୍ତ୍ତମାନ ପର୍ଯ୍ୟନ୍ତ ଘଟିଥିବା ମୃତ୍ୟୁ ବିଷୟରେ କେବେବି ଆଲୋଚନା କରାଯାଇ ନାହିଁ।