Categories
ଜାତୀୟ ଖବର ନିର୍ବାଚନ ଖବର ବିଶେଷ ଖବର ରାଜ୍ୟ ଖବର

ନା ପରିବାର, ନା ନିଜ ସ୍ବାର୍ଥ; କେବଳ ଦଳିୟ ସ୍ବାର୍ଥରେ ନିଜକୁ ସମର୍ପି ଦେଇଛନ୍ତି ବବି ଦାସ

ଭୁବନେଶ୍ବର: ଗତକାଲି ବିଜେପିରେ ସାମିଲ ହୋଇଛନ୍ତି ଅଭିନେତା ଅରିନ୍ଦମ ରାୟ। ତେବେ ଏଥିରେ କେହି କିଛି ଆଶ୍ଚର୍ଯ୍ୟ ହେବା କଥା ନୁହେଁ। ହେଲେ ସେ ଯେହେତୁ ବିଜେଡିର ତୃତୀୟ କ୍ଷମତା କେନ୍ଦ୍ର ବିଧାୟକ ପ୍ରଣବ ପ୍ରକାଶ ଦାସ ବା ବବି ଦାସଙ୍କ ଭିଣୋଇ ସେଥିପାଇଁ ତାହା ଚର୍ଚ୍ଚା ଚାଲିଛି। ବିଜେଡିର ଯିଏ ଟାଣୁଆ ନେତା ସିଏ କଣ ନିଜ ଭିଣୋଇଙ୍କୁ କେଉଁଠାରେ ହେଲେ ଥଇଥାନ କରିପାରିଲେ ନାହିଁ ? ଏହି ପ୍ରଶ୍ନ ବର୍ତ୍ତମାନ ଓଡିଶା ରାଜନୀତିରେ ଘୁରି ବୁଲୁଛି।

ଅରିନ୍ଦମ ଦୀର୍ଘ ବର୍ଷ ଧରି ବିଜେଡିରେ ସାମିଲ ହୋଇ ଦଳର ସାଧାରଣ ସଂପାଦକ ଥିଲେ। ଦଳ ବିଭିନ୍ନ ଉପନିର୍ବାଚନରେ ତାଙ୍କୁ ଷ୍ଟାର ପ୍ରଚାରକ ମଧ୍ୟ କରିଛି। ସେ 2019 ରେ ବିଧାୟକ ଟିକେଟ ପାଇବେ ବୋଲି ଆଶା କରିଥିଲେ। ହେଲେ ଶେଷ ମୂର୍ହୁର୍ତ୍ତରେ ତାହା ହେଲା ନାହିଁ।  ଯେଉଁ ବବି ଦାସ ଦଳରେ କିଏ କେଉଁ ପଦବୀରେ ରହିବ ଏବଂ କିଏ ମନ୍ତ୍ରୀ ହେବ ତାହା ନିର୍ଦ୍ଧାରଣ କରୁଛନ୍ତି ତାଙ୍କ ଭିଣୋଇଙ୍କ ପାଇଁ କାହିଁକି କିଛି କରିପାରିଲେ ନାହିଁ। ଅନ୍ୟପଟେ ଅରିନ୍ଦମ ଯେ ଜଣେ ଅନୁପଯୁକ୍ତ ପ୍ରାର୍ଥୀ ତାହା ମଧ୍ୟ ନୁହେଁ। ସେ ହେଉଛନ୍ତି ଜଣେ ବିଜୟୀ ସମ୍ଭାବନା ପ୍ରାର୍ଥୀ। ସେଥିରେ ତାଙ୍କୁ ଟିକେଟ ଦେଇଥିଲେ ଏମିତି କିଛି କେହି ନିନ୍ଦା କରିବାର ନ ଥିଲା। ହେଲେ ସେ କଲେ ନାହିଁ।

ସେତିକି ନୁହେଁ ଏହା ପୂର୍ବରୁ ବବିଙ୍କ ମାମୁଁ ଭବନୀ ଶଙ୍କର ଜଗଦ୍ଦେବ ମହାପାତ୍ରଙ୍କୁ ମଧ୍ୟ ବବି କୌଣସି ଥଇଥାନ କଲେ ନାହିଁ। ସେ ୧୯୯୦ ଓ ୧୯୯୫ରେ ବେଗୁନିଆରୁ ନିର୍ବାଚନ ଲଢ଼ିଥିଲେ। ସେ ମଧ୍ୟ ଏଥର ବଡ ଆଶା କରିଥିଲେ ବିଜେଡିରେ ନିଜ ଭଣଜା ବବି ଦାସଙ୍କ ଦବଦବା ଅଛି ମାନେ ଟିକେଟ ମିଳିବ। ଶେଷରେ ତାହା ମଧ୍ୟ ହୋଇପାରିଲା ନାହିଁ। ସେ ମଧ୍ୟ ରାଗରେ କହିଲେ ମୋ ଭଣଜା କିଛି କଲେ ନାହିଁ। ଫଳରେ ସେ ମଧ୍ୟ ବିଜେପିରେ ସାମିଲ ହେଲେ।

ତେବେ ପ୍ରଶ୍ନ ହେଲା ଯେ, ବବି ଦାସ ଏତେ କ୍ଷମତାର ଅଧିକାରୀ ଥାଇ ମଧ୍ୟ ସେ କାହିଁକି ନିଜ ପରିବାର ସଦସ୍ୟକୁ ରାଜନୀତିରେ ଥଇଥାନ କଲେ ନାହିଁ। ତେବେ ତାହାର ଉତ୍ତର ଜାଣିବା ଅପେକ୍ଷା ବବି ଦାସଙ୍କ ନିଜ କଥା ମଧ୍ୟ ଚିନ୍ତା କରାଯାଉ। ସେ ତିନି ଥର ବିଧାୟକ ହୋଇ ସାରିଲେଣି। ୨୦୧୪ ମସିହାରୁ ୨୦୧୭ ମସିହା ଯାଏଁ ସେ ମନ୍ତ୍ରୀ ଭାବେ କାର୍ଯ୍ୟ କରୁଥିଲେ। ଏହା ପରେ ସେ ୭ ବର୍ଷ ଧରି ମନ୍ତ୍ରୀ ପଦରୁ ଦୂରେଇ ରହି ସଂଗଠନ କାର୍ଯ୍ୟରେ ଲିପ୍ତ ରହିଛନ୍ତି। ଯିଏ ମନ୍ତ୍ରୀ ତିଆରି କରୁଛନ୍ତି ସେ କାହିଁକି ନିଜେ ମନ୍ତ୍ରୀ ହେଲେ ନାହିଁ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।

ଏଥିରୁ ସ୍ପଷ୍ଟ ଯେ, ବବି ଦାସଙ୍କର ନିଜ ପାଇଁ କିଛି ନାହିଁ କି ପରିବାର ପାଇଁ କିଛି ନାହିଁ, କେବଳ ଦଳ ପାଇଁ ସବୁକିଛି ନୀତିରେ ସେ ଚାଲୁଛନ୍ତି। ତାଙ୍କ ପାଖରେ କେବଳ ସଂଗଠନ ସବୁଠାରୁ ଗୁରୁତ୍ବ ପୂର୍ଣ୍ଣ, ତାକୁ ଛାଡି ଦେଲେ ବୋଧହୁଏ ତାଙ୍କ ପାଇଁ ଆଉ କିଛି ନାହିଁ। ସେଇଥି ପାଇଁ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ କାର୍ତ୍ତିକ ପାଣ୍ଡିଆନଙ୍କ ସେ ପ୍ରିୟପାତ୍ର ହୋଇ ରହି ଆସିଛନ୍ତି। ତାଙ୍କର ଏପରି ନିଃସ୍ବାର୍ଥପର କାର୍ଯ୍ୟକୁ କେବଳ ଦଳ କାହିଁକି ବିଭିନ୍ନ ମହଲରେ ମଧ୍ୟ ବେଶ ପ୍ରଶଂସା କରାଯାଉଛି।

Categories
ଆଜିର ଖବର ଜାତୀୟ ଖବର ନିର୍ବାଚନ ଖବର ରାଜ୍ୟ ଖବର

ମେଣ୍ଟ ଆଲୋଚନା ପାଇଁ ଦିଲ୍ଲୀ ଗଲେ ବିଜେଡି ନେତା କାର୍ତ୍ତିକ ପାଣ୍ଡିଆନ ଏବଂ ବବି ଦାସ

ଭୁବନେଶ୍ବର: ଆଜି ରାତିରେ ନୂଆଦିଲ୍ଲୀ ଗସ୍ତ କରିଛନ୍ତି ବିଜେଡି ନେତା କାର୍ତ୍ତିକ ପାଣ୍ଡିଆନ ଏବଂ ପ୍ରଣବ ପ୍ରକାଶ ଦାସ। ଏନେଇ ଆଜି ବିଭିନ୍ନ ଟିଭି ଗଣମାଧ୍ୟମରେ ପ୍ରସାର କରାଯାଇଛି। ଉଭୟ ଏକ ସ୍ବତନ୍ତ୍ର ଚ୍ୟାଟର ଫ୍ଲାଇଟରେ ଯାଇଥିବାର ଜଣାପଡିଛି। ଫଳରେ ଆସନ୍ତାକାଲି ମେଣ୍ଟ ନେଇ ବିଜେପିର ଶୀର୍ଷ ନେତୃତ୍ବ ସହିତ ଆଲୋଚନା ହେବ ବୋଲି ଜଣାପଡିଛି।

ପୂର୍ବରୁ ଉଭୟ ବିଜେଡି ଓ ବିଜେପି ମେଣ୍ଟ କରିବା ନେଇ ରାଜି ହୋଇସାରିଛନ୍ତି। ହେଲେ ଆସନ ବୁଝାମଣା ନେଇ କେତେକ ସମସ୍ୟା ରହିଥିବାର ଜଣାପଡିଛି। ଫଳରେ କାର୍ତ୍ତିକ ପାଣ୍ଡିଆନ ଏବଂ ବବି ଦାସଙ୍କୁ ଦିଲ୍ଲୀ ଡକରା ହୋଇଥିବାର ଜଣାପଡିଛି। ଆସନ୍ତାକାଲି ବୈଠକରେ ଏହି ଚୁଡାନ୍ତ ନିଷ୍ପତି ହେବ ବୋଲି ଜଣାପଡିଛି।

Categories
ବିଶେଷ ଖବର ରାଜ୍ୟ ଖବର

ଚର୍ଚ୍ଚାରେ ବବି ଦାସ, ତାଙ୍କ ପରିଶ୍ରମକୁ ପ୍ରଶଂସା କରିବା ସହିତ ପ୍ରଣାମ ଜଣାଇଲେ ପାଣ୍ଡିଆନ

ଭୁବନେଶ୍ବର: ବବି ଦାସ ବା ପ୍ରଣବ ପ୍ରକାଶ ଦାସ। ବିଜେଡିର ସାଂଗଠନିକ ସଂପାଦକ ତଥା ଯାଜପୁର ବିଧାୟକ। ସେ ବର୍ତ୍ତମାନ ବିଜୁ ଜନତା ଦଳର ହର୍ତ୍ତାକର୍ତ୍ତା। ତାହାର କାରଣ ହେଲା ସେ ଯେପରି ଦଳର ସଂଗଠନକୁ ମଜବୁତ କରିବା ପାଇଁ ଅହରହ ଉଦ୍ୟମ କରୁଛନ୍ତି ତାହା ସମସ୍ତେ ଅନୁଭବ କରିବାରେ ଲାଗିଛନ୍ତି। ସେହିପରି ସରକାରର ବିଭିନ୍ନ ବିକାଶ କାର୍ଯ୍ୟକ୍ରମକୁ 5ଟି ତଥା ଆମ ଓଡିଶା ନବୀନ ଓଡିଶାର ଅଧ୍ୟକ୍ଷ ଭି କେ ପାଣ୍ଡିଆନଙ୍କୁ ସମସ୍ତ ସହଯୋଗ ଦେଇ ଆସୁଛନ୍ତି।

ସେଥିପାଇଁ ପାଣ୍ଡିଆନ ବବି ଦାସଙ୍କୁ ପ୍ରଶଂସାରେ ପୋତି ଦେଇଛନ୍ତି। ଗତ ଗୁରୁବାର ଦିନ ଯାଜପୁରର ଆମ ଓଡିଶା ନବୀନ ଓଡିଶାର ଶୁଭାରମ୍ଭ କରାଯାଇଥିଲା। ସେଥିରେ ଭିଡିଓ କନଫ୍ରେସିଂ ମାଧ୍ୟମରେ ଯୋଗ ଦେଇଥିଲେ ଭି କେ ପାଣ୍ଡିଆନ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେହି ଉଦଘାଟନ ସମାରୋହରେ ଯାଜପୁର ଜିଲ୍ଲାର ବହୁ କର୍ମି ଯୋଗଦେଇ ଥିଲେ।

ଉଦଘାଟନୀ ଭାଷଣରେ ପାଣ୍ଡିଆନ କହିଥିଲେ ଯେ, ଓଡିଶାରେ ଯେଉଁ ସବୁ ବିକାଶ ହେଉଛି ସେଥିରେ ବବିବାବୁଙ୍କର ଭୂମିକା ବେଶ ଗୁରୁତ୍ବ ପୂର୍ଣ୍ଣ। ଆଜି ପୁରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ହେଉଛି, ମା ସମଲେଇର କାମ ହେଉଛି, ହରିଶଙ୍କରର କାମ ହେଉଛି, ନୃସିଂହନାଥଙ୍କର କାମ ହେଉଛି, ଗୁପ୍ତେଶ୍ବରର କାମ ହେଉଛି, ତାଳଦଣ୍ଡା କେନାଲର ରୂପାନ୍ତରିକରଣ ହେଉଛି, ମା ଚଣ୍ଡିଙ୍କ କାମ ହେଉଛି। ଏସବୁ କାମରେ ଯାଜପୁର ବିଧାୟକଙ୍କର ସଂପୂର୍ଣ୍ଣ ହାତ ରହିଛି। ଏ ସବୁ କାମ ପାଇଁ ସେ ଆତ୍ମସର୍ମପଣ କରିଛନ୍ତି।

ଦିନରାତି ପରିଶ୍ରମ କରି ସେ ଓଡିଶାର ବିକାଶ ପାଇଁ କାମ କରୁଛନ୍ତି। ଓଡିଶାବାସୀ ନିଶ୍ଚିତ ଭାବେ ଆପଣଙ୍କର ଏହି କାମକୁ ମନ ରଖିବେ ବୋଲି ମୋର ବିଶ୍ବାସ। ସେଥିପାଇଁ ମୁଁ ଆପଣଙ୍କ ନିକଟରେ ବିନମ୍ର ପ୍ରଣାମ କରୁଛି। ଭି କେ ପାଣ୍ଡିଆନ ଏହା କହିବା ପରେ ସେଠାରେ ଉପସ୍ଥିତ ଥିବା ଲୋକେ ଜୟ ଜଗନ୍ନାଥ କହି ସ୍ଲୋଗାନ ଦେଇଥିଲେ। ଏହାକୁ ନେଇ ଓଡିଶା ରଜନୀତିରେ ବେଶ ହଟଚମଟ ସୃଷ୍ଟି ହୋଇଛି।

ସେହିପରି ଏହି ବୈଠରେ ବବି ଦାସ ପାଣ୍ଡିଆନଙ୍କୁ ନବୀନ ପଟ୍ଟନାୟକଙ୍କ ଉଚିତ୍ ପଟ୍ଟଶିଷ୍ୟ ବୋଲି ଅବିହିତ କରିଥିଲେ। ନବୀନ ପଟ୍ଟନାୟକଙ୍କ ସ୍ବପ୍ନକୁ ସାକାର କରିବା ଦିଗରେ ପାଣ୍ଡିଆନଙ୍କ ଭୂମିକା ଗୁରୁତ୍ବ ପୂର୍ଣ୍ଣ ବୋଲି ସେ କହିଥିଲେ। ଆଜି ଓଡିଶାର ବିକାଶର ଯେଉଁ ଧାରା ସୃଷ୍ଟି ହୋଇଛି ତାହା କେବଳ ପାଣ୍ଡିଆନଙ୍କ ଯୋଗୁଁ ସମ୍ଭବ ହୋଇପାରିଛି ବୋଲି ବବି ଦାସ ଏହି ଉଦଘାଟନ ସମାରୋହରେ ବକ୍ତବ୍ୟ ଦେଇଥିଲେ।

ନିକଟରେ ବବି ଦାସଙ୍କ କ୍ଷମତା କୁଆଡେ ହ୍ରାସ ପାଇଲା ବୋଲି ବିଭିନ୍ନ ସାମାଜିକ ଗଣମାଧ୍ୟମରେ ଖବର ପ୍ରକାଶ ପାଇଥିଲା। ହେଲେ ଏହାର କିଛି ଦିନ ପରେ ପାଣ୍ଡିଆନ ବବି ଦାସଙ୍କୁ ସାଥୀରେ ପୁରୀ ନେଇ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ତଦାରଖ କରିଥିଲେ। ଏହାପରେ ବବିଙ୍କ ଉପରେ ଯେଉଁ ସନ୍ଦେହ ଥିଲା ତାହା ଦୂର ହୋଇଥିଲା। ପୁଣି ଯାଜପୁରର ନବୀନ ଓଡିଶା ଉଜଘାଟନ ବୈଠକରେ ବବିଙ୍କୁ ନେଇ ପାଣ୍ଡିଆନଙ୍କ ମନ୍ତବ୍ୟ ଏହି ଖବର ସଂପୂର୍ଣ୍ଣ ଭୁଲ ବୋଲି ପ୍ରମାଣିତ ହୋଇଛି।

Categories
ଆଜିର ଖବର

‘ପାଣ୍ଡିଆନ ପ୍ରଣବ’ ଯୋଡିକୁ ନେଇ ଚର୍ଚ୍ଚା, ବବିଙ୍କ କ୍ଷମତା ହ୍ରାସ କହୁଥିବା ଲୋକଙ୍କର ଆଜି ମୁହଁ ବନ୍ଦ

ଭୁବନେଶ୍ବର: ବିଭିନ୍ନ ସମୟରେ ଓଡିଶା ରାଜନୀତିରେ ଚର୍ଚ୍ଚାରେ ରହି ଆସିଛନ୍ତି ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ବା ବବି ଦାସ। ନିକଟରେ କେତେକ ଡିଜିଟାଲ ମିଡିଆରେ ବବି ଦାସଙ୍କ କ୍ଷମତା କୁଆଡେ ହ୍ରାସ ପାଇଗଲା ବୋଲି ଖବର ପ୍ରକାଶ କରାଯାଇଥିଲା। ବବି ଦାସ ଉଭୟ ନବୀନ ଏବଂ ପାଣ୍ଡିଆନଙ୍କ ରୋଶର ଶିକାର ହୋଇଛନ୍ତି ବୋଲି ସେଥିରେ କୁହାଯାଇଥିଲା।

ହେଲେ ଆଜି ପାଣ୍ଡିଆନ ତାଙ୍କର ବିଭିନ୍ନ ଗସ୍ତ ସମୟରେ ବବି ଦାସଙ୍କୁ ସାଥୀରେ ନେବା ଘଟଣା ଓଡିଶା ରାଜନୀତିକୁ ହଲଚଲ କରିଛି। କାରଣ ପାଣ୍ଡିଆନ ଅବସର ନେଇ 5ଟି ଓ ନବୀନ ଓଡିଶାର ଅଧ୍ୟକ୍ଷ ହେବା ପରେ କୁଆଡେ ବବିଙ୍କ କ୍ଷମତା ହ୍ରାସ ପାଇଲା ବୋଲି ଅନେକ ଅପ୍ରଚାର କରିବାରେ ଲାଗିଲେ। ହେଲେ ତାହା ଭୁଲ ବୋଲି ପାଣ୍ଡିଆନ ନିଜେ ପ୍ରମାଣିତ କରିଦେଲେ।

ପୂର୍ବରୁ ପାଣ୍ଡିଆନ ଆଇଏଏସ ବା ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଓ 5ଟି ସଚିବ ଥିବା ବେଳେ ସେ ବବିଙ୍କ ଉପରେ ପୁରା ଭରସା କରିଆସିଛନ୍ତି। ହେଲେ ସେ ଅବସର ନେଇ 5ଟି ଓ ନବୀନ ଓଡିଶା ଅଧ୍ୟକ୍ଷ ହେବା ପରେ ତାହା ବଜାଇ ରହିବ କି ନାହିଁ କେତେକଙ୍କର ସନ୍ଦେହ ଥିଲା। ହେଲେ ଆଜି ପାଣ୍ଡିଆନ ବବିଙ୍କ ଉପରେ ସଂପୂର୍ଣ୍ଣ ଭରସା କରିବା ସେହି ସନ୍ଦେହକୁ ଦୂରିଭୂତ କରିଦେଇଛି। ପାଣ୍ଡିଆନଙ୍କ ସହିତ ପ୍ରଣବଙ୍କ ଯୋଡି ଦେଖିବା ପରେ ସେହି ନିନ୍ଦୁକଙ୍କ ମୁହଁ ବନ୍ଦ ହୋଇଯାଇଛି।

ଆଜି 5ଟି ତଥା ନବୀନ ଓଡିଶାର ଅଧ୍ୟକ୍ଷ ଭି କେ ପାଣ୍ଡିଆନ ଭୋର 4 ଟା 30 ରେ ପୁରୀ ଗସ୍ତ କରିଥିଲେ। ଉଦ୍ଦେଶ୍ୟ ଥିଲା ସେଠାରେ ଚାଲିଥିବା ଶ୍ରୀମନ୍ଦିର ପରିକ୍ରମା ପ୍ରକଳ୍ପର ତଦାରଖ କରିବା। ତେବେ ସେହି ଗସ୍ତ ବେଳେ ପାଣ୍ଡିଆନ ବବି ଦାସଙ୍କୁ ସାଥୀରେ ନେଇଥିଲେ। ଫଳରେ ପାଣ୍ଡିଆନଙ୍କ ଭରସାରେ ବବି ଦାସ ସେମିତି ଅଛନ୍ତି ବୋଲି ପ୍ରମାଣିତ ହୋଇଛି।

ସେହିପରି ପୁଣି ଥରେ ଦିନବେଳା ପାଣ୍ଡିଆନ ପୁରୀର ପୂର୍ବତନ ବିଧାୟକ ମହେଶ୍ବର ମହାନ୍ତିଙ୍କୁ ଦେଖିବା ପାଇଁ ଡାକ୍ତରଖାନାକୁ ଯାଇଥିଲେ। ଭୁବନେଶ୍ବରର ଏକ ଘରୋଇ ହସପିଟାଲରେ ସେ ଚିକିତ୍ସିତ ହେଉଛନ୍ତି। ତେବେ ସେଠାକୁ ମଧ୍ୟ ପାଣ୍ଡିଆନ ବବି ଦାସଙ୍କୁ ସାଥିରେ ନେଇଥିଲେ। ଫଳରେ ପୂର୍ବପରି ବବିଙ୍କୁ ଉପରେ ପୂର୍ଣ୍ଣ ଭରସା ତଥା ବିଶ୍ବାସ କରିଛନ୍ତି ଭି କେ ପାଣ୍ଡିଆନ।

ପୂର୍ବରୁ ଦେଖିବାକୁ ଗଲେ ବବି ଦାସ ଦଳ ତଥା ସରକାରଙ୍କ ପାଇଁ ଯେପରି ଦିନରାତି କାମ କରିଛନ୍ତି ତାହା ପାଣ୍ଡିଆନ ଖୋଦ ଅନୁଭବ କରିଛନ୍ତି। ଯେତେବେଳେ 5ଟି ସଚିବ ଭାବେ ପାଣ୍ଡିଆନ ଜିଲ୍ଲା ଗସ୍ତ କରୁଥିଲେ ସେତେବେଳେ ବବିଙ୍କ ପରିଶ୍ରମ ଏବଂ ସହଯୋଗ କଣ ଥିଲା ତାହା ସେ ନିଜେ ଅନୁଭବ କରିଛନ୍ତି। ବର୍ଷ ବର୍ଷ ଧରି ବେଶ୍ ବିଶ୍ବାସର ସହିତ ଦଳ ପାଇଁ କାମ କରି ଆସୁଛନ୍ତି ବବି ଦାସ।

ତେବେ ସାଧାରଣରେ ପ୍ରଶ୍ନ ଉଠେ ଯେ, ପାଣ୍ଡିଆନ ପ୍ରଣବ ଯୋଡି ଭିତରେ ହଠାତ କାହିଁକି ଏପରି ଉଡା ଖବର ପ୍ରକାଶ ପାଇଲା। ତାଙ୍କର କ୍ଷମତା ହ୍ରାସ ହୋଇଗଲା ବୋଲି ବାରମ୍ବାର ପ୍ରଚାର କରାଗଲା। ତେବେ ସାଧାରଣରେ ଏହା କୁହାଯାଉଛି ଯେ, ବିଜେପି ମିଡିଆ ତରଫରୁ କୁଆଡେ ଏପରି ଅପ୍ରଚାର କରାଯାଉଛି। ହେଲେ ପ୍ରକୃତରେ ଘଟଣାଟି ସେଇଆ ନୁହେଁ। ଏହା ଭିତରେ ରହିଛି ଆଉ ଏକ ବଡ କାରଣ। ଯାହା ଯେ କେହି ଜାଣିଲେ ହେବ ଆଶ୍ଚର୍ଯ୍ୟ।

Categories
ବିଶେଷ ଖବର ରାଜ୍ୟ ଖବର

ଚିଲିକାର ବିଜେଡି ରାଜନୀତିରେ ଯଦି ନୋ ରଘୁନାଥ, ନୋ ଜଗଦ୍ଦେବ, ତେବେ ଆଉ କିଏ ???

ସୀତାରାମ ଅଗ୍ରୱାଲ

ବାଣପୁର: ଚିଲିକାର ବିଜେଡି ରାଜନୀତିରେ ବର୍ତ୍ତମାନ ଘଡିକେ ଘୋଡା ଛୁଟୁଛି। କିଏ ସେ ବିଜେଡିର ନେତୃତ୍ବ ନେବ ତାହା ବର୍ତ୍ତମାନ କାହା ପାଖରେ ଖବର ନାହିଁ। ଏପରିକି ଚିଲିକା ଗସ୍ତରେ ଆସିଥିବା ବିଜେଡିର ମଙ୍ଗୁଆଳମାନେ ମଧ୍ୟ ଏ କଥାକୁ ସ୍ପଷ୍ଟ କଲେ ନାହିଁ। ଫଳରେ କର୍ମି ଆଗରୁ ଯେପରି ହତାସ ଥିଲେ ତାହା ପୁଣି ବୃଦ୍ଧି ପାଇଛି।

ପ୍ରକୃତରେ ଚିଲିକାରେ ବିଜେଡିରୁ କିଏ ଟିକେଟ ପାଇବ ତାହା ଏବେ କେହି କହିପାରିବେ ନାହିଁ। ହେଲେ ବିଜେଡିର କିଏ ମଙ୍ଗ ଧରିବା ତାହାକୁ ସ୍ପଷ୍ଟ କରିବାରେ ବଡବଡିଆ ନେତାଙ୍କର କିଛି ଅସୁବିଧା ନାହିଁ। ହେଲେ ସେ କଥା ମଧ୍ୟ କେହି କହୁ ନାହାଁନ୍ତି। ଖାଲି ଏତିକି କହିଲେ ଯେ ଚିଲିକାରେ ନେତା କେହି ନାହଁନ୍ତି। ଆମର ଜଣେ ନେତା ସେ ହେଉଛନ୍ତି ନବୀନ ପଟ୍ଟନାୟକ। ଏହି କଥାଟି ଏକ ଭିନ୍ନ ପ୍ରକାରର ଇଙ୍ଗିତ କରିଛି। କାରଣ ଆମର କେବଳ ଜଣେ ନେତା ବୋଲି କହିବା ଠିକ୍, ହେଲେ ଚିଲିକାରେ କେହି ନେତା ନାହାଁନ୍ତି କହିବା କଥାଟିକୁ ନେଇ ଚର୍ଚ୍ଚା ଚାଲିଛି।

ଚିଲିକାକୁ ଗତ ଅଠର ତାରିଖରେ ରାଜ୍ୟର ବରିଷ୍ଠ ନେତାମାନେ ଆସିଲେ। ଜିଲ୍ଲା ସଭାପତି, ଜିଲ୍ଲା ପର୍ଯ୍ୟବେକ୍ଷକ, ବେଗୁନିଆ ବିଧାୟକ ଏବଂ ରାଜ୍ୟସଭା ସାଂସଦ ଆସି ବୈଠକ କଲେ। ହେଲେ ଆଶ୍ଚର୍ଯ୍ୟର କଥା କଣ ହେଲା କେଜାଣି ସେହି ବୈଠକରେ ପୂର୍ବତନ ବିଧାୟକ ରଘୁନାଥ ସାହୁଙ୍କୁ ଡକାଗଲା ନାହିଁ। ସେହିପରି ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ପତ୍ନୀ ସ୍ବାଗତିକାଙ୍କୁ ମଧ୍ୟ ଡକାଗଲା ନାହିଁ। ତେଣୁ ଚିଲିକାରେ କେହି ନେତା ନାହିଁନ୍ତି ବୋଲି ଏହି ବୈଠକ ହିଁ ପ୍ରମାଣିତ କରିଛି।

ଏହାର କିଛିଦିନ ପୂର୍ବରୁ ଭୁବନେଶ୍ବରର ଶଙ୍ଖ ଭବନରେ ଯେଉଁ ଖୋର୍ଦ୍ଧା ଜିଲ୍ଲା ବୈଠକ ଥିଲା ସେଥିରେ ଉଭୟ ରଘୁନାଥ ଏବଂ ସ୍ବାଗତିକା ଯୋଗ ଦେଇଥିଲେ। ସେହି ବୈଠକ ଦେଖି ଚିଲିକା କର୍ମି ଭାବିଲେ କଣ ଗୋଟିଏ ବୁଝାମଣା ହୋଇଛି। ହେଲେ ତାହାର କିଛି ଦିନ ପରେ ଚିଲିକା ବୈଠକରେ ଉଭୟଙ୍କୁ ଡକା ନ ଯିବାକୁ ନେଇ ସେହି ବୁଝାମଣା ଅବୁଝାମଣା ବୋଲି ସ୍ପଷ୍ଟ ହେଲା।

ତେବେ ଏକ ବିଶେଷ ସୁତ୍ର ଅନୁସାରେ ଖୋର୍ଦ୍ଧା ଜିଲ୍ଲା ବୈଠକ ପରେ ଆଉ ଏକ ବୈଠକ ଭୁବନେଶ୍ବରରେ କରାଯାଇଥିଲା। ସେହି ବୈଠକରେ କୁଆଡେ ରଘୁନାଥ ଏବଂ ବିଭୂତି ବଳବନ୍ତରାୟଙ୍କ ମଧ୍ୟରେ ଝଗଡା ଲାଗିଲା। ଏହାପରେ ସେଠାରେ ଉପସ୍ଥିତ ଥିବା ଚିଲିକା ନେତାମାନେ ଏକାସ୍ବରରେ ରଘୁନାଥଙ୍କୁ ଗାଳି କରିଥିଲେ।

ପୌର ଓ ପଞ୍ଚାୟତ ନିର୍ବାଚନରେ ବିଜେଡି ଆପଣଙ୍କ ପାଇ ହାରିଲା ବୋଲି ରଘୁନାଥଙ୍କ ମୁହଁ ଆଗରେ କହିଲେ। ରଘୁନାଥଙ୍କ ଉପରେ ନେତାମାନଙ୍କ ଅସନ୍ତୋଷ ଦେଖି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ମଧ୍ୟ  ଖପ୍ପା ହେଲେ। ରଘୁନାଥଙ୍କୁ ତୁରନ୍ତ ବୈଠକରୁ ବାହାରି ଯିବା ପାଇଁ ସେ କହିଲେ।

ଏହି ଘଟଣା ଘଟିବା ପରେ ପ୍ରଣବ ପ୍ରକାଶ ଚିଲିକାରେ ବିନା ରଘୁନାଥ ବିନା ସ୍ବାଗତିକାରେ ବୈଠକ କର ବୋଲି ନିର୍ଦ୍ଦେଶ ଦେଲେ। ଫଳର ଜିଲ୍ଲା ସଭାପତି ବିଭୂତି ବଳବନ୍ତରାୟ ଚିଲିକା ନେତାଙ୍କୁ ଡାକି ଜୋନ ୱାରି ବୈଠକ କଲେ। ଆଉ ସେଠାକୁ ଉଭୟଙ୍କୁ ଡାକିଲେ ନାହିଁ। ଏହି କଥା ବର୍ତ୍ତମାନ ଚିଲିକାର କର୍ମି ମହଲରେ କାନକୁ କାନ ଘୁରିବୁଲିବାରେ ଲାଗିଛି।

ପରବର୍ତ୍ତି ସମୟରେ ପ୍ରଣବ ପ୍ରକାଶ ଦାସ ଚିଲିକା ବିଧାୟକଙ୍କ ପତ୍ନୀ ସ୍ବାଗତିକାଙ୍କୁ ଡାକି କିଛି ଆଲୋଚନା କରିଛନ୍ତି। ବର୍ତ୍ତମାନ ପାଇଁ ସେ ପୂର୍ବପରି ଚିଲିକା ଦାୟିତ୍ବରେ କାର୍ଯ୍ୟ କରନ୍ତୁ ବୋଲି କୁଆଡେ ପ୍ରଣବ ପ୍ରକାଶ ଦାସ କହିଥିବାର ଶୁଣାଯାଉଛି। ଏହାପରେ ସେ ଚିଲିକାର ସମସ୍ତ ନେତାଙ୍କୁ ଭେଟି ପୁଣି ଥରେ ସକ୍ରିୟ ହେବେ ବୋଲି ଜଣାପଡିଛି। ହେଲେ ତାହା କେତେଦୂର କାର୍ଯ୍ୟକାରୀ ହେବ ସେ ନେଇ ସନ୍ଦେହ ରହିଛି।

Categories
ବିଶେଷ ଖବର ରାଜ୍ୟ ଖବର

ଝାରସୁଗୁଡା ଉପନିର୍ବାଚନ ପାଇଁ ବିଜେଡିର ୧୨ ନେତାଙ୍କୁ ମିଳିଲା ନୂଆ ଦାୟିତ୍ବ, ଡେରା ପକାଇଲେ ବବି

ଭୁବନେଶ୍ବର: ଝାରସୁଗୁଡା ଉପନିର୍ବାଚନ ପାଇଁ ତାରିଖ ଘୋଷଣା ପରେ ବିଜେଡି ଆରମ୍ଭ କରିଦେଇଛି ତାହାର ରଣ ନୀତି। ଅନ୍ୟ ପ୍ରମୁଖ ଦଳ ଏ ପର୍ଯ୍ୟନ୍ତ ପ୍ରାର୍ଥୀଙ୍କ ନାମ ଘୋଷଣା କରିପାରି ନାହାଁନ୍ତି। ହେଲେ ସବୁବେଳେ ଆଗୁଆ ନିଷ୍ପତି ନେଉଥିବା ବିଜେଡି ପ୍ରାର୍ଥୀଙ୍କ ନାମ ଘୋଷଣା ସହିତ ଦଳିୟ ପର୍ଯ୍ୟବେକ୍ଷକଙ୍କ ନାମ ମଧ୍ୟ ଘୋଷଣା କରିସାରିଛି।

ସେହିପରି ପ୍ରେକ୍ଷୀରେ ଆଜି ବିଜେଡି ଝାରସୁଗୁଡା ବ୍ଲକ ଏବଂ ମ୍ୟୁନିସପାଲିଟ ସମ୍ଭାଳିବା ପାଇଁ ନୂଆ ୧୨ ଜଣ ନେତାଙ୍କ ନାମ ଘୋଷଣା କରିଛି। ସେହି ଅନୁସାରେ କିରିମିରା ବ୍ଲକ ଦାୟିତ୍ବରେ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଏବଂ ମନ୍ତ୍ରୀ ଟୁକୁନି ସାହୁ। ସେହିପରି କୋଲାବିରା ବ୍ଲକ ପାଇଁ ମନ୍ତ୍ରୀ ନିରଞ୍ଜନ ପୂଜାରୀ ଏବଂ ସରୋଜ ମେହେର। ଝାରସୁଗୁଡା ପାଇଁ ପଦ୍ମନାଭ ବେହେରେ ଏବଂ ଅରୁଣ ସାହୁ, ଲାଇକେରା ପାଇଁ ମନ୍ତ୍ରୀ ପ୍ରତାପ ଦେବ ଏବଂ କ୍ୟାପେଟନ ଦିବ୍ୟଶଙ୍କର ମିଶ୍ର ଅଛନ୍ତି।

ସେହିପରି ଝାରସୁଗୁଡା ମ୍ୟୁନିସପାଲଟି ପାଇଁ ଚାରିଜଣଙ୍କୁ ବିଜେଡି ଦାୟିତ୍ବ ଦେଇଛି। ସେମାନେ ହେଲେ ପ୍ରତାପ ଜେନା, ପୁଷ୍ପେନ୍ଦ୍ର ସିଂହଦେଓ, ସ୍ନେହାଙ୍ଗିନ ଛୁରିଆ ଏବଂ ରିତା ସାହୁଙ୍କୁ ଦଳ ନିଯୁକ୍ତି କରିଛି। ଏହି ୧୨ ଜଣ ନେତା ବିଜେଡି ପ୍ରାର୍ଥୀ ଦୀପାଳି ଦାସଙ୍କୁ ଜିତାଇବା ପାଇଁ ରଣନୀତି ପ୍ରସ୍ତୁତ କରିବେ। ଏ ନେଇ ବିଜେଡି ତରଫରୁ ସଂଗଠାନିକ ସଂପାଦକ ପ୍ରଣବ ପ୍ରକାଶ ଦାସଙ୍କ ଦସ୍ତଖତରେ ବିଜ୍ଞପ୍ତି ପ୍ରକାଶ ପାଇଛି।

ଗତକାଲି ରାତିରେ ବିଜେଡି ସଂଗଠାନିକ ସଂପାଦକ ବିଧାୟକ ପ୍ରଣବ ପ୍ରକାଶ ଦାସ ଝାରସୁଗୁଡାରେ ପହଞ୍ଚିସାରିଛନ୍ତି। ସେହିପରି ଏହି ନିର୍ବାଚନ ମଣ୍ଡଳୀ ପାଇଁ ନିଯୁକ୍ତ ପର୍ଯ୍ୟବେକ୍ଷକ ପ୍ରସନ୍ନ ଆଚାର୍ଯ୍ୟ, ଦେବୀ ପ୍ରସାଦ ମିଶ ଏବଂ ସାରଦା ନାୟକ ମଧ୍ୟ ଝାରସୁଗୁଡାରେ ପହଞ୍ଚିଛନ୍ତି।

ଆଜି ସାଂଗଠାନିକ ସଂପାଦକ ପ୍ରଣବ ଦାସଙ୍କ ସହିତ ଏହି ତିନି ପର୍ଯ୍ୟବେକ୍ଷକ ଋଦ୍ଧ ଦ୍ବାରା ବୈଠକ କରି ରଣନୀତି ପ୍ରସ୍ତୁତ କରିଛନ୍ତି। ଏହାପରେ ସେଠାରେ ବାରମ୍ବାର ବୈଠକ କରି ପୁରା ନିର୍ବାଚନ ମଣ୍ଡଳୀରେ ଜାଲ ବିଛାଇବା ପାଇଁ ପ୍ରଣବ ପ୍ରକାଶ ଯୋଜନା ପ୍ରସ୍ତୁତ କରିଛନ୍ତି।

ଆଶ୍ଚର୍ଯ୍ୟର କଥା ବିଜେଡି ବର୍ତ୍ତମାନ ଆଗୁଆ ପ୍ରାର୍ଥୀ ଘୋଷଣା କରି ସେଠାରେ ନିଜର ରଣନୀତି ଆରମ୍ଭ କରିସାରିିଥିଲେ ମଧ୍ୟ ଅନ୍ୟଦଳ ଏ ପର୍ଯ୍ୟନ୍ତ ପ୍ରାର୍ଥୀ ଘୋଷଣା କରି ନାହାଁନ୍ତି। କଂଗ୍ରସର ଏକ ଦଳ ଝାରସୁଗୁଡା ଗସ୍ତ କରି କିଏ ପ୍ରାର୍ଥୀ ହେବ ତାହା ଖୋଜୁଛନ୍ତି। ସେହିପରି ବିଜେପିର ଏକ ଦଳ ସେଠାକୁ ଯାଇଥିବାର ସୂଚନା ମିଳିଛି।

Categories
ଆଜିର ଖବର ରାଜ୍ୟ ଖବର

ଦୁଇଟି ଏନଏସିରେ ବିଜେଡିର ବିଜୟ ନେଇ କଣ କହିଲେ ସାଂଗଠନିକ ସଂପାଦକ ବବି ଦାସ

ଭୁବନେଶ୍ବର: ରାଜ୍ୟର ଆଜି ଦୁଇଟି ଏନଏସି ନିର୍ବାଚନର ଫଳାଫଳ ପ୍ରକାଶ ପାଇଛି। ଏଥିରେ ବିଜେଡି ପୁରା ବାଜିମାତ କରିଛି। ଏହି ଦୁଇଟି ଏନଏସି ହେଲା ବରଗଡର ଅତାବିରା ଏବଂ ଢେଙ୍କାନାଳର ହିନ୍ଦୋଳ। ଅତାବିରାରେ ମୋଟ ୧୨ଟି ୱାର୍ଡରୁ ୧୧ଟିରେ ବିଜେଡି ବିଜୟ ଲାଭ କରିଛି। ସେହିପରି ଢେଙ୍କାନାଳ ହିନ୍ଦୋଳ ଏନଏସିରେ ମୋଟ ୧୬ଟି ୱାର୍ଡରୁ ୧୧ ୱାର୍ଡରେ ବିଜେଡି ପ୍ରାର୍ଥୀ ବିଜୟୀ କରିଛନ୍ତ।

ଏହି ବିଜୟକୁ ନେଇ ବିଜେଡିର ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ଦଳର କର୍ମିଙ୍କୁ ଧନ୍ୟବାଦ ଦେଇଛନ୍ତି। ସେ କହିଛନ୍ତି ଯେ, ‘  ଅତାବିରା ଓ ହିନ୍ଦୋଳ ଏନଏସିରେ ବିପୁଳ ବିଜୟ ପାଇଁ କଠିନ ପରିଶ୍ରମ କରିଥିବା ସମସ୍ତ ବରିଷ୍ଠ ନେତୃବୃନ୍ଦ, ପର୍ଯ୍ୟବେକ୍ଷକ ଏବଂ ବିଜୁ ଜନତା ଦଳର ଅଗଣିତ କର୍ମୀଙ୍କୁ ଅଶେଷ ଅଶେଷ ଧନ୍ୟବାଦ ଓ କୃତଜ୍ଞତା ଜ୍ଞାପନ କରୁଛି।

ସେ ଆହୁରି କହିଛନ୍ତି ଯେ, ‘ମୁଖ୍ୟମନ୍ତ୍ରୀ ଓ ବିଜୁ ଜନତା ଦଳ ଉପରେ ପୁନର୍ବାର ଆସ୍ଥା ପ୍ରକଟ କରି ଅତାବିରା ଓ ହିନ୍ଦୋଳରେ ବିଜୁ ଜନତା ଦଳର ପ୍ରାର୍ଥୀଙ୍କୁ ବିପୁଳ ଭୋଟରେ ବିଜୟୀ କରିଥିବାରୁ ମୁଁ ପ୍ରିୟ ମୁଖ୍ୟମନ୍ତ୍ରୀ ଏବଂ ଉଭୟ ସହରବାସୀଙ୍କୁ ଅନ୍ତରର ଗଭୀରତମ ପ୍ରଦେଶରୁ କୃତଜ୍ଞତା ଜ୍ଞାପନ କରୁଛି।”

Categories
ବିଶେଷ ଖବର ରାଜ୍ୟ ଖବର

ଦୈଡିଲା ଘୋଡା ଉପରେ ବୋଝ ଲଦି ଦେଲେ ନବୀନ, କେମିତି ଖେଳିବେ ବବି ଦାସ

ଭୁବନେଶ୍ବର: ବବି ଦାସ ବା ପ୍ରଣବ ପ୍ରକାଶ ଦାସ। ବିଜୁ ଜନତା ଦଳର ଜଣେ ଦୈଡିବା ଘୋଡା। ଦଳ ପାଇଁ ରାତିଦିନ ନିଜକୁ ସମର୍ପିତ କରିଛନ୍ତି। ହେଲେ ସେହି ଦୈଡିବା ଘୋଡା ଉପରେ ବିଜେଡି ସୁପ୍ରିମ ନବୀନ ପଟ୍ଟନାୟକ ଲଦି ଦେଇଛନ୍ତି ବୋଝ ଉପରେ ବୋଝ। କାରଣ ବର୍ତ୍ତମାନ ଦଳର ନୂଆ ପର୍ଯ୍ୟବେକ୍ଷକ ତାଲିକାରେ ସେ ଏକାଥରେ ଚାରୋଟି ଜିଲ୍ଲାର ଦାୟିତ୍ବରେ ରହିବେ।

ତେବେ ଏତେ ସଂଖ୍ୟକ ଜିଲ୍ଲା ବୁଝିବା ତାଙ୍କ ପାଇଁ ଅସୁବିଧା ନାହିଁ, ହେଲେ ଯେଉଁ ଚାରୋଟିର ସେ ଦାୟିତ୍ବ ନେବେ ତାହା ଆସନ୍ତା ନିର୍ବାଚନ ପାଇଁ ବଡ ଗୁରୁତ୍ବ ବହନ କରେ। ସେ ପର୍ଯ୍ୟବେକ୍ଷକ ହେବାକୁ ଥିବା ଜିଲ୍ଲା ଚାରୋଟି ହେଲା ଢେଙ୍କାନାଳ, ଅନୁଗୁଳ, କେଉଁଝର ଏବଂ ସମ୍ବଲପୁର। ଏହି ଚାରୋଟିର ନିର୍ବାଚନ ଭବିଷ୍ୟତ ଗୁରୁତ୍ବକୁ ଉପଲବ୍ଧି କରି ନବୀନ ତାଙ୍କ ଉପରେ ବୋଝ ଲଦିଦେଇଛନ୍ତି।

ଢେଙ୍କାନାଳ ସଂସଦୀୟ କ୍ଷେତ୍ର ଆସନ୍ତା ନିର୍ବାଚନ ପାଇଁ ଏଇଥି ପାଇଁ ଗୁରୁତ୍ବପୂର୍ଣ୍ଣ ହେବ କାରଣ ସେଠାରୁ ବିଜେପିର ଲୋକସଭା ପ୍ରାର୍ଥୀ ହେବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେଥିପାଇଁ ସେ ମାସାଧିକ କାଳ ଢେଙ୍କାନାଳ ଅନୁଗୁଳ ଜିଲ୍ଲା ଗସ୍ତରେ ଯାଉଛନ୍ତି। ସେଠାରେ ନିଜର ପତିୟାରା ସୃଷ୍ଟି କରିବା ପାଇଁ ଚେଷ୍ଠା କରୁଛନ୍ତି। ଅନ୍ୟପକ୍ଷରେ ଢେଙ୍କାନାଳର ବର୍ତ୍ତମାନ ସାଂସଦ ମହେଶ ସାହୁଙ୍କ ଉପରେ ବିଜେଡି ଆଉ ଭରସା କରିପାରୁ ନାହିଁ। ସେଥିପାଇଁ ଏହି ଆସନଟି ବିଜେଡି ପାଇଁ ବଡ ଗୁରୁତ୍ବ ବହନ କରେ।

ଅନ୍ୟପକ୍ଷରେ ବିଜେଡି ଜାଣିଛି, ଯଦି କୌଣସି କାରଣରୁ ଧର୍ମେନ୍ଦ୍ରଙ୍କର ଢେଙ୍କାନାଳ ଅସୁବିଧା ହୁଏ ତେବେ ସେ ଆଉ ଏକ ସଂସଦୀୟ କ୍ଷେତ୍ରକୁ ହାତରେ ରଖିଛନ୍ତି। ତାହା ହେଲା ସମ୍ବଲପୁର ଲୋକସଭା ନିର୍ବାଚନ ମଣ୍ଡଳୀ। ପଶ୍ଚିମ ଓଡିଶାରେ ବିଜେପିର ଭଲ ସଂଗଠନ ଅଛି ଏବଂ ବର୍ତ୍ତମାନ ସେଠାରେ ଥିବା ବିଜେପି ସାଂସଦ ନୀତିଶ ଗଂଗଦେବଙ୍କ ପ୍ରତି ଲୋକଙ୍କର ଆଉ ଭରସା ନାହିଁ। ସେଥିପାଇଁ ସେହି ନିର୍ବାଚନ ମଣ୍ଡଳୀ ଉପଯୁକ୍ତ ହେବ ବୋଲି ଧର୍ମେନ୍ଦ୍ର ସମ୍ବଲପୁରକୁ ମଧ୍ୟ ହାତରେ ରଖିଛନ୍ତି। ଅନ୍ୟପକ୍ଷରେ ଏହି ଆସନରୁ ବୈଜୟନ୍ତ ପଣ୍ଡା ମଧ୍ୟ ଲଢିବାର ସମ୍ଭାବନା ରହିଛି।

ତେବେ କେନ୍ଦୁଝର ଜିଲ୍ଲା ସମୀକରଣ ଭିନ୍ନ ରହିଛି। ପୂର୍ବରୁ ବବି ଦାସ ମୟୁରଭଂଜ ପର୍ଯ୍ୟବେକ୍ଷକ ରହି ସେଠାରେ ଥିବା ଦଳୀୟ ବିବାଦୀୟ ସ୍ଥିତିକୁ ସୁଧାରି ପାରିଥିଲେ। ହେଲେ ପ୍ରଶ୍ନ ଉଠୁଛି ବବିଙ୍କୁ କେନ୍ଦୁଝର ଜିଲ୍ଲା କଣ ପାଇଁ ଦିଆଗଲା। ବିଜେଡି ପାଖରେ ଯାହା ଖବର ଅଛି ତାହା ହେଲା ସେହି ଜିଲ୍ଲାରୁ ଦ୍ରୌପଦୀ ମୁର୍ମୁ ରାଷ୍ଟ୍ରପତି ହୋଇ ଯିବା ପରେ ବିଜେପି କିଛି ଫାଇଦା ହାସଲ କରିବା ପାଇଁ ଚାହୁଛି। ଫଳରେ ତାହାକୁ ପ୍ରତିହତ କରିବା ପାଇଁ ନବୀନ ବବିଙ୍କ ଉପରେ ଏହି ଦାୟିତ୍ବ ଲଦି ଦେଇଛନ୍ତି।

ଓଡିଶା ରାଜନୀତିରେ ଆସନ୍ତା ନିର୍ବାଚନ ପାଇଁ ବେଶ ଗୁରୁତ୍ବପୂର୍ଣ୍ଣ ଥିବା ଏହି ଚାରି ଜିଲ୍ଲା ବବିଙ୍କ ପାଇଁ ବେଶ ଚ୍ୟାଲେଞ୍ଜ ହେବ ଏଥିରେ ସନ୍ଦେହ ନାହିଁ। ହେଲେ ପୂର୍ବରୁ ସେ ଏହିପରି ଚ୍ୟାଲେଞ୍ଜକୁ ସାମନା କରି ସଫଳତା ହାସଲ କରି ଥିବାରୁ ଏଥର ମଧ୍ୟ ତାହା ହେବ ବୋଲି ନବୀନ ଆଶା ରଖିଛନ୍ତି। ହେଲେ ବବିଙ୍କୁ ଏହି ଚାରୋଟି ଜିଲ୍ଲା ରାଜନୀତି ପଡିଆରେ କେମିତି ଖେଳିବେ, କୁଆଡେ ବଲ ଗଡାଇବେ ତାହାକୁ ଅପେକ୍ଷା।

Categories
ବିଶେଷ ଖବର ରାଜ୍ୟ ଖବର

ଆସିଲା ବିଜେଡିର ନୂଆ ଜିଲ୍ଲା ପ୍ରଭାରୀ ତାଲିକା, ଧର୍ମେନ୍ଦ୍ରଙ୍କୁ ଚେକ୍ ଦେବେ ବବି ଦାସ

ଭୁବନେଶ୍ବର: ଆଜି ବିଜୁ ଜନତା ଦଳ ତାହାର ନୂଆ ଜିଲ୍ଲା ପ୍ରଭାରୀ ତାଲିକା ପ୍ରକାଶ କରିଛି। ପୂର୍ବରୁ ଯେଉଁ ପ୍ରଭାରୀ ତାଲିକା କରାଯାଇଥିଲା ତାହାକୁ ବାତିଲ କରାଯାଇଛି। ଏ ନେଇ ବିଜୁ ଜନତା ଦଳର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦସ୍ତଖତରେ ଏକ ବିଜ୍ଞପ୍ତି ପ୍ରକାଶ କରାଯାଇଛି। ସେହି ଅନୁସାରେ ତିରିଶିଟି ଜିଲ୍ଲା ପାଇଁ ଯେଉଁମାନେ ନିଯୁକ୍ତି ହେଲେ ସେମାନେ ହେଲେ..

ତେବେ ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଲା ଯେ, ବିଜେଡିର ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସଙ୍କୁ ଚାରୋଟି ଜିଲ୍ଲାର ଦାୟିତ୍ବ ଦିଆଯାଇଛି। ସେଗୁଡିକ ହେଲା ଅନୁଗୁଳ, ଢେଙ୍କାନାଳ, କେଉଁଝର ଏବଂ ସମ୍ବଲପୁର।  ତେବେ ଏହି ଚାରୋଟି ଜିଲ୍ଲା ମଧ୍ୟରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କର ଦୁଇଟି ଜିଲ୍ଲା ଅନୁଗୁଳ ଓ ଢେଙ୍କାନାଳରେ ପତିୟାରା ରହିଛି।

ସେହି ଦୁଇଟି ଜିଲ୍ଲା ପ୍ରଭାରୀ ଦାୟିତ୍ବ ଦଳର ପାୱାରଫୁଲ ନେତା ପ୍ରଣବ ପ୍ରକାଶ ଦାସ ବା ବବି ଦାସଙ୍କୁ ଦିଆଯାଇଛି। ଫଳରେ ଧର୍ମେନ୍ଦ୍ରଙ୍କ ପତିୟାରାକୁ ବବି ସେଠାରେ ଚେକ ଦେବାକୁ ଏହି ଯୋଜନା ପ୍ରସ୍ତୁତ କରାଯାଇଛି। ଏ ନେଇ ବିଜେଡି ନେତାଙ୍କ ମଧ୍ୟରେ ବେଶ୍ କିଛି ଆଲୋଚନା ପରେ ଶେଷରେ ବବିଙ୍କ ହାତରେ ଏହି ଗୁରୁ ଦାୟିତ୍ବ ପ୍ରଦାନ କରାଯାଇଛି। କାରଣ ବବିଙ୍କ ବ୍ୟତିରକେ ଅନ୍ୟ କେହି ଧର୍ମେନ୍ଦ୍ରଙ୍କୁ ରୋକିବାରେ ସକ୍ଷମ ହେବେ ନାହିଁ।

ସେହିପରି ଏହି ତାଲିକାରେ ଅତନୁ ସବ୍ୟସାଚୀ ନାୟକଙ୍କୁ ଦୁଇଟି ଜିଲ୍ଲା ଦାୟିତ୍ବ ଦିଆଯାଇଛି। ସେଗୁଡିକ ହେଲା ଗଜପତି ଏବଂ ରାୟଗଡା। ଦଳର ଅନ୍ୟତମ ପାୱାରଫୁଲ ନେତା ହେଉଛନ୍ତି ସୁଶାନ୍ତ କୁମାର ସିଂଙ୍କୁ ଏଥର ବଲାଙ୍ଗିର ଦାୟିତ୍ବ ଦିଆଯାଇଛି। କ୍ୟାପେଟେନ ଦିବ୍ୟଶଙ୍କର ମିଶ୍ରଙ୍କୁ କୋରାପୁଟ ଓ ବଲାଙ୍ଗିର ଦାୟିତ୍ବ ଦିଆଯାଇଛି।

ତେବେ ଏହି ତାଲିକାରେ ଯୋଡି ହୋଇଛନ୍ତି ପୂର୍ବତନ ସାଂସଦ ରବିନ୍ଦ୍ର ଜେନା। ବେଶ କିଛିଦିନ ଧରି ସେ ରାଜନୀତିରୁ ଏକ ପ୍ରକାର ନିଷ୍କ୍ରିୟ ଥିବା ରବିନ୍ଦ୍ରଙ୍କୁ ଦଳ ତାଙ୍କୁ ଖୋର୍ଦ୍ଧା ପରି ଗୁରୁତପୂର୍ଣ୍ଣ ଜିଲ୍ଲାର ପ୍ରଭାରୀ କରିଛି। ସେହିପରି ପ୍ରତାପ ଦେବଙ୍କ ବାଲେଶ୍ବର ଏବଂ ପ୍ରମିଳା ମଲ୍ଲିକଙ୍କୁ କେନ୍ଦ୍ରାପଡା ପ୍ରଭାରୀ କରାଯାଇଛି।

Categories
ଆଜିର ଖବର ରାଜ୍ୟ ଖବର

ବବି ହେବେ ଉପମୁଖ୍ୟମନ୍ତ୍ରୀ, ସୋସିଆଲ ମିଡିଆରେ ଘୁରି ବୁଲୁଛି ଏହି ଖବର

ଭୁବନେଶ୍ବର, ବବି ଦାସ ହେବେ ଓଡିଶାର ଉପମୁଖ୍ୟମନ୍ତ୍ରୀ। ଏପରି ଲେଖାଥିବା ଏକ ସୁନ୍ଦର ବ୍ୟାନର ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି। ଏ ଖବରର କୌଣସି ସତ୍ୟତା ନ ଥିଲେ ମଧ୍ୟ ହେଲେ ରାଜ୍ୟ ରାଜନୀତିରେ ଏହା ବେଶ୍ ଚର୍ଚ୍ଚା ବିଷୟ ପାଲଟିଛି। ବର୍ତ୍ତମାନ ଏପରି ବ୍ୟାନର ଯେଉଁ ଫେସବୁକ ପେଜରେ ସେୟାର ହୋଇଛି ତାହାର ନାମ ହେଲା ବବି ଭାଇ ଫ୍ୟାନ କ୍ଲବ। ଏହି ଗ୍ରୁପର ଜଣେ ଫ୍ୟାନ ଏପରି ପୋଷ୍ଟିଂ କରିଛନ୍ତି। ଆଉ ଏହାକୁ ବହୁ ଲୋକ ସେୟାର କରିବା ସହିତ ଲାଇକ ମଧ୍ୟ କରିଛନ୍ତି।

ବର୍ତ୍ତମାନ ଓଡିଶା ରାଜନୀତିରେ ବବି ତଥା ପ୍ରଣବ ପ୍ରକାଶ ଦାସ ମୁଖ୍ୟ ଭୂମିକାରେ ଅବତିର୍ଣ୍ଣ ହୋଇଛନ୍ତି। ଯଦି ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକଙ୍କ ପରେ କାହା କଥା ଚିନ୍ତା କରାଯାଏ ତେବେ ସେ ହେଉଛନ୍ତି ବବି ଦାସ। ବିଜୁ ଜନତା ଦଳର ବର୍ତ୍ତମାନ ସେ ହିଁ ହର୍ତ୍ତାକର୍ତ୍ତା। କୁହାଯାଏ ଯଦି ବବି ଚାହିଁବେ ଉପମୁଖ୍ୟମନ୍ତ୍ରୀ ହେବାକୁ ତେବେ ଏଥିରେ ସୁପ୍ରିମୋ ଅରାଜି ହେବାର ସମ୍ଭାବନା ନାହିଁ। ଏପରି ପରିସ୍ଥିତିରେ ସୋସିଆଲ ମିଡିଆରେ ଏପରି ଖବର ଘୁରି ବୁଲିବା ଏହି ସନ୍ଦେହକୁ ଆହୁରି ଦୃଢିଭୂତ କରିବାରେ ଲାଗିଛି।