କନ୍ଦର୍ପ ବେହେରା
ରେଢାଖୋଲ: ଜଙ୍ଗଲ ସୁରକ୍ଷା ଦିଗରେ ତଥା ପଶୁ ପକ୍ଷୀମାନଙ୍କର ସୁରକ୍ଷା ପାଇଁ ରାଜ୍ୟ ସରକାରଙ୍କ ବନବିଭାଗ ଶ୍ରେଷ୍ଠ ବନସୁରକ୍ଷା ସମିତି ମାନଙ୍କୁ ପୁରସ୍କାର ପ୍ରଦାନ କରୁଛନ୍ତି। ଜଙ୍ଗଲ ସୁରକ୍ଷା ତଥା ପଶୁମାନଙ୍କର ସୁରକ୍ଷା ପାଇଁ ରେଢାଖୋଲ ବନଖଣ୍ଡର ଡଇଁଚା ଗ୍ରାମରେ ଥିବା ମା’ ଭୁବନେଶ୍ୱରୀ ବନସୁରକ୍ଷା ସମିତି ୨ ବର୍ଷ ହେଲା କାମ କରିଆସୁଛି। ରାଜ୍ୟ ସରକାର ଏଥିପାଇଁ ଡଇଁଚାର ମା’ ଭୂବନେଶ୍ୱରୀ ବନସୁରକ୍ଷା ସମିତିକୁ “ବିଜୁପଟ୍ଟନାୟକ ପୁରସ୍କାର ୨୦୨୧” ପ୍ରଦାନ କରିଛନ୍ତି।
ସମ୍ବଲପୁର ସ୍ଥିତ ଡିଅରପାର୍କ ଠାରେ ଥିବା ବନବିଭାଗର କାର୍ଯ୍ୟାଳୟରେ ନଗଦ ଅର୍ଥ ସହ ସାର୍ଟିଫିକେଟ ସିସିଏଫ୍ ଚିତରଞନ ମିଶ୍ର ଏବଂ ପଦାଧିକାରୀମ଼ାନଙ୍କ ଗହଣରେ ଏହି ପୁରସ୍କାର ପ୍ରଦାନ କରାଯାଇଛି। ମା’ ଭୁବନେଶ୍ୱରୀ ବନସୁରକ୍ଷା ସମିତିର ସଭାପତି ସନ୍ତୋଷ କୁମାର ପ୍ରଧାନ ଏହି ପୁରସ୍କାର ଗ୍ରହଣ କରିଥିଲେ।