Tag: ବିଜେଡି

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଅଭିଭାଷଣ ଆଲୋଚନାରେ ଭାଗ ନେଇ ତୀବ୍ର ସମାଲୋଚନା କରିଛି ବିଜେଡି। ବିଜୁ ଜନତା ଦଳ ସାଂସଦ ଡ. ସସ୍ମିତ ପାତ୍ର, ରାଜ୍ୟସଭାରେ ମଙ୍ଗଳବାର ଦିନ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଚର୍ଚ୍ଚା କରିବା ବେଳେ ଏହାକୁ କେବଳ ବାକ୍ୟ ସର୍ବସ୍ବ, ବାସ୍ତବତା କିଛି ନାହିଁ ବୋଲି କହିଛନ୍ତି।

ଡ. ପାତ୍ର, ବିଜେଡିର ପକ୍ଷରୁ ଏବଂ ଦଳର ନେତା ଶ୍ରୀ ନବୀନ ପଟ୍ଟନାୟକଙ୍କ ପକ୍ଷରୁ, ରାଷ୍ଟ୍ରପତିଙ୍କ ଅଭିଭାଷଣ ଉପରେ ଏହିପରି ସମାଲୋଚନା କରିଥିଲେ। ସେ କହିଥିଲେ ଯେ ରାଷ୍ଟ୍ରପତି ଦେଶର ଗୁରୁତ୍ବପୂର୍ଣ୍ଣ ଘଟଣା ସଂପର୍କରେ କିଛି କହି ନାହାଁନ୍ତି। ବିଶେଷ କରି ଓଡିଶାରେ ଥିବା ଲୋକଙ୍କ ପ୍ରତି ତାଙ୍କର ଏହି ଅଭିଭାଷଣ ନିରାଶ କରିଛି।

ସସ୍ମିତ କହିଥିଲେ ଯେ ରାଷ୍ଟ୍ରପତି ତାଙ୍କ ଅଭିଭାଷଣରେ “ମୋ ସରକାର” ଶଦ୍ଦଟି ୫୫ ଥର ଉଚ୍ଚାରଣ କରିଛନ୍ତି।  ହେଲେ “ମୋ ଲୋକ” କିମ୍ବା “ମୋ ଦେଶ” ବୋଲି କହି ନାହାଁନ୍ତି।  ଫଳରେ ଏହି ଅଭିଭାଷଣ କେବଳ ସରକାରଙ୍କୁ ଖୁସି କରାଇବାରେ ଥିଲା, ଲୋକଙ୍କୁ ନୁହେଁ ବୋଲି ସସ୍ମିତ ଚର୍ଚ୍ଚାରେ ଭାଗ ନେଇ ଏହା କହିଛନ୍ତି।

ଡ. ପାତ୍ର କହିଥିଲେ ଯେ ରାଷ୍ଟ୍ରପତିଙ୍କ ଅଭିଭାଷଣରେ ଦେଶର ବୃହତ୍ ମୁଦ୍ଦାଗୁଡିକୁ ସ୍ଥାନ ପାଇପାରି ନାହିଁ। ଦେଶର ମୁଦ୍ରାସ୍ପିତି, ବେକାରୀ ସମସ୍ୟା, ଏବଂ କୃଷକଙ୍କ ଦୁଃଖ ଏହି ଭାଷଣରେ ଶୁଣିବାକୁ ମିଳିଲା ନାହିଁ। ସେ ସରକାରକୁ ସମାଲୋଚନା କରି କହିଥିଲେ ଯେ ସେମାନେ କୃଷକଙ୍କ ଆୟ ଦୁଗୁଣା କରିବା, ସର୍ହନିମ୍ନ ସହାୟକ ମୂଲ୍ୟ ବୃଦ୍ଧି କରିବା, ଏବଂ ସ୍ବାମୀନାଥନ କମିଶନର ରିପୋର୍ଟକୁ ଲାଗୁ କରିବାରେ ବିଫଳ ହୋଇଛନ୍ତି।

ସସ୍ମିତଙ୍କର ଆଲୋଚନାର ଅତି ଗୁରୁତ୍ୱ ପୂର୍ଣ୍ଣ ଦିଗ ଥିଲା ଓଡିଶାର ପ୍ରାୟ ୨୦ ବର୍ଷ ଧରି ଦାବୀ କରି ଆସୁଥିବା ସ୍ପେଶାଲ୍ କ୍ୟାଟେଗୋରୀ ବା ସ୍ବତନ୍ତ୍ର ରାଜ୍ୟ ପାହ୍ୟା ଘୋଷଣା ଉପରେ ସରକାର ଚୁପ ରହିବା। ବିଜେଡି ଏବଂ ଓଡିଶାର ୪.୫ କୋଟି ଲୋକ ସବୁବେଳ ଏହି ପ୍ରଶ୍ନ ଉଠାଉଛନ୍ତି। ସେ କହିଥିଲେ ଯେ ଯଦିଓ ରାଷ୍ଟ୍ରପତି ଓଡିଶାର ସଂଗୀନ ସମସ୍ୟାଗୁଡିକ ଦେଖିଛନ୍ତି, ହେଲେ ମଧ୍ୟ ସେ ସ୍ପେଶାଲ୍ କ୍ୟାଟେଗୋରୀ ଦାବୀ ଉପରେ କୌଣସି ତଥ୍ୟ ଉପସ୍ଥାପିତ କରି ନ ଥିଲେ।

ସେହିପରି ପୋଲାଭରମ ପ୍ରକଳ୍ପ ଓ ମହାନଦୀ ଜଳ ବିବାଦ, କୋଇଲା ରୋୟାଲ୍ଟିର ପୁନର୍ବିଚାର, ରାଷ୍ଟ୍ରୀୟ ହାଇୱେ ଓ ରେଲ କନେକ୍ଟିଭିଟିର ଅଭାବ ଏବଂ ଡିଜିଟାଲ୍ ଭିତ୍ତିଭୂମି ସମସ୍ୟା ଉପରେ ରାଷ୍ଟ୍ରପତିଙ୍କ ଅଭିଭାଷଣରେ ସ୍ଥାନିତ ନ ଥିଲା। ରାଜ୍ୟସଭାରେ ନିଜର ଅଭିଭାଷଣ ରଖି ଏ କଥା କହିଛନ୍ତି ସସ୍ମିତ ପାତ୍ର।

ସେ କହିଥିଲେ ଯେ, ୧୩୯ ଜନଜାତି ସମୁଦାୟକୁ ଏସ.ଟି. ତାଲିକାରେ ସାମିଲ କରିବା ଏବଂ ହୋ, ମୁଣ୍ଡାରୀ, ଭୂମିଜ, କୁଇ, ଏବଂ ସାଉରା ଭାଷାଗୁଡିକୁ ସଂବିଧାନର ୮ମ ତାଲିକାରେ ସାମିଲ କରିବା ଦାବୀ ପ୍ରତି ରାଷ୍ଟ୍ରପତିଙ୍କ ଅଭିଭାଷଣ ନିରାଶ କରିଥିଲା ବୋଲି ସସ୍ମିତ କହିଛନ୍ତି।

ଏହି ଚର୍ଚ୍ଚାର ଶେଷରେ, ଡ. ପାତ୍ର ସରକାରଙ୍କ ଏପରି ନିରବତାକୁ ସମସ୍ତଙ୍କୁ ହତାସ କରିଛି ବୋଲି ଗୃହରେ କହିଥିଲେ।  ସେ ରାଷ୍ଟ୍ରପତିଙ୍କ ଅଭିଭାଷଣକୁ ସରକାରଙ୍କ ଭାଷା ବୋଲି ବର୍ଣ୍ଣନା କରିଥିଲେ।

କେନ୍ଦ୍ର ସରକାରଙ୍କୁ ସବୁବେଳ ସଂସଦରେ ସମର୍ଥନ ଦେଇ ଆସିଥିବା ବିଜେଡିର ଏପରି ପଦକ୍ଷେପକୁ ଜାତୀୟ ରାଜନୀତିରେ ବେଶ ଚର୍ଚ୍ଚା ଚାଲିଛି।

ଭୁବନେଶ୍ବର: ଝାରସୁଗୁଡା ନିର୍ବାଚନ ମଣ୍ଡଳୀର କିରିମିରା ପଞ୍ଚାୟତ ଅଧ୍ୟକ୍ଷା ଅନାସ୍ଥା ଭୋଟ ଗ୍ରହଣକୁ ନେଇ ବିବାଦ ଘନେଇବାରେ ଲାଗିଛି। ଏପରିକି ଏହି ବିବାଦରେ ଖୋଦ ବିଜେଡି ସଭାପତି ଛତିଶଗଡ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବାକୁ ପଡିଥିଲା। ତେବେ ଆଜି ଝାରସୁଗୁଡାର ପୂର୍ବତନ ବିଧାୟିକା ଦୀପାଳି ଦାସ ଭୁବନେଶ୍ବରର ଶଙ୍ଖ ଭବନରେ ବିଜେପିକୁ ଟାର୍ଗେଟ କରିଛନ୍ତି। ଏକ ସାମ୍ବାଦିକ ସମ୍ମିଳନୀରେ କରି ଅଧ୍ୟକ୍ଷା ଅନାସ୍ଥାକୁ ବିଜେପି କାହିଁକି ଭୟଭିତ ହେଉଛି ବୋଲି ପ୍ରଶ୍ନ କରିଛନ୍ତି।

ସେ କହିଛନ୍ତି ଯେ, ସେହି ପଞ୍ଚାୟତର ଅନେକ ସରପଞ୍ଚ ତଥା ସମିତି ସଭ୍ୟସଭ୍ୟାମାନେ ଛଅମାସ ତଳେ ଜିଲ୍ଲାପାଳଙ୍କୁ ଅନାସ୍ଥା ପ୍ରସ୍ତାବ ଆଣି ଭୋଟ ପାଇଁ ନିବେଦନ କରିଥିଲେ। ହେଲେ ତାହାକୁ ଜାଣିଶୁଣି ଟାଳି ଦିଆଗଲା। ଏ ନେଇ ବିଜେଡି ତରଫରୁ କୋର୍ଟରେ ମାମଲା କରାଗଲା। କୋର୍ଟ ରାୟଦେଲେ ଯେ ସପ୍ତାହ ମଧ୍ୟରେ ଏହାର ସମାଧାନ କରାଯାଉ। କୋର୍ଟର ରାୟ ପରେ ପ୍ରଶାସନ ସାତ ଦିନ ଭିତର ଅନାସ୍ଥା ଭୋଟ କରିବା କଥା ହେଲେ ତାହାକୁ ଆଉ କିଛିଦିନ ସମୟ ନେଇ ଅନାସ୍ଥା ପ୍ରସ୍ତାବ ନେଇ ନୋଟିସ କଲେ ବୋଲି ଦୀପାଳି କହିଛନ୍ତି।

ଯେଉଁଦିନ ଅନାସ୍ଥା ଭୋଟ ଗ୍ରହଣ ହେବ ତା ପୂର୍ବରୁ ଆମଦଳର କିଛି ସରପଞ୍ଚ ଏବଂ ସମିତି ସଭ୍ୟ ଛତିଶଗଡ ଯାଇଥିଲେ। ସେମାନେ ପରିବାର ସହିତ ଯାଇଥିଲେ ମଧ୍ୟ ହଠାତ ସେମାନେ ଥିବା ହୋଟେଲରେ ପୋଲିସ ଚଢାଉ କରିଥିଲା। ସେଠାରେ ଓଡିଶା ପୋଲିସ ଯାଇ ଚଢାଉ କରିଥିଲା। ସେମାନଙ୍କର କୌଣସି ମାମଲା ନ ଥିବା ବେଳେ ଛତିଶଗଡକୁ ଓଡିଶା ପୋଲିସ ଯାଇ କିପରି ଚଢାଉ କଲା ସେ ନେଇ ପ୍ରଶ୍ନ ଉଠାଇଛନ୍ତି ଦୀପାଳି।

ଛତିଶଗଡର ମହାସୁମନ୍ଦ ଜିଲ୍ଲାର ସରିଆପଲ୍ଲୀ ଥାନା ଅଧିନରେ ଥିବା ଏକ ହୋଟେଲରେ ସେମାନେ ଥିବା ବେଳେ କିଛି ସମୟ ପରେ ଛତିଶଗଡ ପୋଲିସ ଆସି ସେମାନଙ୍କୁ ସେହି ହୋଟେଲରେ ଅଟକ ରଖିଲେ। ସେମାନେ ଯେତେ ଅନୁରୋଧ କଲେ ଯେ ଆମକୁ ଛାଡିଦିଅ ଆମର ଅନାସ୍ଥା ଭୋଟିଂ ଅଛି କହିଥିଲେ ମଧ୍ୟ ସେମାନଙ୍କୁ ଛାଡି ଦିଆଯାଇ ନ ଥିଲା। ସେମାନେ ଯେପରି ଭୋଟ ନ ଦେଇପାରିବେ ସେହିପରି ପରିସ୍ଥିତି ଏହି ରାଜ୍ୟ ସରକାର କରୁଛନ୍ତି ବୋଲି ଦୀପାଳି ଏହି ସମ୍ବାଦିକ ସମ୍ମିଳନୀରେ କହିଥିଲେ। ବିଜେପି ସରକାର ଏକ ବ୍ଲକ ଅଧ୍ୟକ୍ଷା ନିର୍ବାଚନକୁ କାହିଁକି ଡରୁଛି ବୋଲି ସେ ପ୍ରଶ୍ନ କରିଥିଲେ।

ଏହି ସାମ୍ବାଦିକ ସମ୍ମିଳନୀରେ ବିଜେଡି ସାଂସଦ ସସ୍ମିତ ପାତ୍ର ଉପସ୍ଥିତ ଥିଲେ।

ଭୁବନେଶ୍ବର: ତ୍ୟାଗ ଓ ସେବାର ପ୍ରତୀକ, ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ଜୟନ୍ତୀ ଅବସରରେ ବିଜୁ ଜନତା ଦଳ ଆଜି ଠାରୁ ତାହାର ସଭ୍ୟ ସଂଗ୍ରହ ଅଭିଯାନ ଆରମ୍ଭ କରିଛି। ଏହା ଦୁଇ ମାସ ଧରି ଚାଲିବ। ଦଳ ସଭାପତି ଶ୍ରୀ ନବୀନ ପଟ୍ଟନାୟକ ପ୍ରଥମ ସଭ୍ୟ ଭାବେ ଏକାମ୍ର ନିର୍ବାଚନ ମଣ୍ଡଳୀରୁ ପଞ୍ଜିକୃତ ହୋଇଥିଲେ। ବରିଷ୍ଠ ନେତା ଶ୍ରୀ ଅଶୋକ ପଣ୍ଡା ଦଳ ସଭାପତିଙ୍କୁ ପ୍ରଥମ ସଭ୍ୟ ଭାବେ ପଞ୍ଜିକୃତ କରାଇଥିଲେ।

ଏହି ଅବସରରେ ଶ୍ରୀ ପଟ୍ଟନାୟକ କହିଥିଲେ ଯେ ସଭ୍ୟ ସଂଗ୍ରହ ଅଭିଯାନ ଗୋଟେ ରାଜନୈତିକ ଦଳ ର ଗୁରୁତ୍ୱପୂର୍ଣ କାର୍ଯ୍ୟକ୍ରମ ସେ କହିଥିଲେ ଯେ ମୁଁ ଚାହେଁ, ଆମ ଦଳର ସକ୍ରିୟ ସଭ୍ୟମାନେ , ପ୍ରତି ଘରକୁ ଯାଆନ୍ତୁ। ଆମ ଦଳର ଆଦର୍ଶ, ଦଳର କାର୍ଯ୍ୟକ୍ରମ ବିଷୟରେ, ଲୋକଙ୍କୁ ବୁଝାନ୍ତୁ। ଲୋକଙ୍କ ମତ ନେଇ ସେମାନଙ୍କୁ ଦଳରେ ସାମିଲ କରିବା ପାଇଁ ସେ ପରାମର୍ଶ ଦେଇଥିଲେ।

ଏହି ଅବସରରେ ଓଡିଶା ବାହାରେ ରହୁଥିବା ଓଡ଼ିଆମାନଙ୍କୁ ଅନଲାଇନ ଜରିଆରେ ଦଳ ରେ ସାମିଲ ହେବା ପାଇଁ ଶ୍ରୀ ପଟ୍ଟନାୟକ ନିମନ୍ତ୍ରଣ ଜଣାଇଥିଲେ। କିଛି ଦଳ, ଯେପରି ମିସିଡ୍ କଲ କରି, ସଭ୍ୟ ସଂଗ୍ରହ କରୁଛନ୍ତି ତାକୁ ନାପସନ୍ଦ କରି ଶ୍ରୀ ପଟ୍ଟନାୟକ କହିଥିଲେ, ମିସିଡ କଲ ଡାଇରୀରେ ରେଜିଷ୍ଟ୍ରେସନ ହୋଇପାରେ ହେଲେ ହୃଦୟରେ ନୁହେଁ। ହେଲେ ବିଜୁ ଜନତା ଦଳ, ସେସବୁ ଠାରୁ ବହୁ ଦୂରରେ।

ଶ୍ରୀ ପଟ୍ଟନାୟକ କହିଥିଲେ ସେବା, ସ୍ୱାଭିମାନ ଓ ସଂଗ୍ରାମ, ଆମର ଆଦର୍ଶ । ଓଡିଶା ବାସୀଙ୍କ ସେବା, ଓଡ଼ିଆ ଜାତିର, ସ୍ୱାଭିମାନର ସୁରକ୍ଷା ଏବଂ ଓଡିଶାର ସ୍ୱାର୍ଥ ପାଇଁ ଆମର ପ୍ରିୟ ବିଜୁ ବାବୁ ଶେଷ ପର୍ଯ୍ୟନ୍ତ ସଂଗ୍ରାମ କରି ଯାଇଛନ୍ତି। ଆମ ସମସ୍ତଙ୍କ ପାଇଁ ବିଜୁ ବାବୁ ହେଉଛନ୍ତି ପ୍ରେରଣା। ବିଜୁ ଜନତା ଦଳ ସରକାର ସମୟରେ, ହୋଇଥିବା ଭଲ କାମ ସମ୍ପର୍କ ରେ ଉଲ୍ଲେଖ କରି ଶ୍ରୀ ପଟ୍ଟନାୟକ କହିଥିଲେ ଯେ ବିଜେଡି ସରକାରଙ୍କ ଯୋଜନା, ଅନ୍ୟ ମାନଙ୍କ ପାଇଁ ଆଦର୍ଶ ହୋଇଛି।

ଭାରତ ସରକାର ବି, ଆମର ଅନେକ ଯୋଜନାକୁ ପ୍ରଣୟନ କରିଛନ୍ତି। ଭୋଟ ବ୍ୟାଙ୍କ ସୃଷ୍ଟି କରିବା, କେବେ ବି ବିଜେଡି ସରକାରର ଲକ୍ଷ୍ୟ ନ ଥିଲା । ବିକାଶ ଓ କଲ୍ୟାଣ ହେଉଛି, ଆମର ଲକ୍ଷ୍ୟ। ଶ୍ରୀ ପଟ୍ଟନାୟକ କହିଥିଲେ ଯେ ତାଙ୍କ ସରକାର ଆରମ୍ଭ କରିଥିବା ବିକାଶ ଓ କଲ୍ୟାଣ ଯୋଜନାରୁ ଓଡିଶା ବାସୀଙ୍କୁ କେହି ବଞ୍ଚିତ କରି ପାରିବ ନାହିଁ।

ଶ୍ରୀ ପଟ୍ଟନାୟକ କହିଥିଲେ ବିଜୁ ଜନତା ଦଳ, ଓଡିଶାର ଏକ ନମ୍ବର ଦଳ। ଗତ ନିର୍ବାଚନ ରେ ବିଜେଡି , ଅଧିକ ଭୋଟ ପାଇଥିଲା ଓ ଭୋଟ ହାର ମଧ୍ୟ ଅଧିକ ଥିଲା। ସେ କହିଥିଲେ ଯେ ବିଜୁ ଜନତା ଦଳ, ଓଡିଶାବାସୀଙ୍କ, ହୃଦୟରେ ଅଛି। ଓଡିଶାର ଗୌରବ ପାଇଁ, ନିଷ୍ଠାର ସହ, କରିଚାଲିଛି। ତେଣୁ ଆସନ୍ତୁ, ଆମେ ସମସ୍ତେ, ଗର୍ବର ସହ କହିବା ଆମେ ବିଜୁ ଜନତା ଦଳର କର୍ମୀ, ଓଡିଶା ମା ର ସେବକ।

ବିଜେଡିର ବରିଷ୍ଠ ନେତା ଶ୍ରୀ ଦେବୀ ପ୍ରସାଦ ମିଶ୍ର କାର୍ଯ୍ୟକ୍ରମ ସଂଯୋଜନା କରିଥିଲେ। ଅନ୍ୟମାନଙ୍କ ମଧ୍ୟ୍ୟରେ ସଭ୍ୟ ସଂଗ୍ରହ କମିଟିର ମୁଖ୍ୟ ଶ୍ରୀ ଅତନୁ ସବ୍ୟସାଚୀ ନାୟକ, ବିଧାୟକ ଅନନ୍ତ ଜେନା, ସୁଶାନ୍ତ ରାଉତ, ଭୁବନେଶ୍ୱର ମେୟର ସୁଲୋଚନା ଦାସ ପୂର୍ବତନ ମନ୍ତ୍ରୀ ପ୍ରତାପ ଜେନା, ଅଶୋକ ପଣ୍ଡା ପ୍ରମୁଖ ଉଦବୋଧନ ଦେଇଥିଲେ।

ଭିଡ଼ିଓ କନଫ୍ରେସିଂ ଯୋଗେ ସାରା ରାଜ୍ୟର ତେତିଶ ଟି ସାଂଗଠନିକ ଜିଲ୍ଲା ର ହକାର ହଜାର କର୍ମୀ ଏହି କାର୍ଯ୍ୟକ୍ରମ ରେ ସାମିଲ ହୋଇଥିଲେ। ଦଳ ସଭାପତି ଶ୍ରୀ ନବୀନ ପଟ୍ଟନାୟକ ଙ୍କ ଉପସ୍ଥିତିରେ ମୟୁରଭଞ୍ଜ, ମାଲକାନଗିରି, ଝାରସୁଗୁଡା, ପୁରୀ ବରଗଡ ଓ ରାଉରକେଲାରେ ବିଭିନ୍ନ ବର୍ଗର ଲୋକ ବିଜେଡିର ସଦସ୍ୟତା ଗ୍ରହଣ କରିଥିଲେ।

ଭୁବନେଶ୍ବର: ଆଜି ଶଙ୍ଖ ଭବନ ଠାରେ କେନ୍ଦ୍ରାପଡ଼ା ଓ ଗଜପତି ଜିଲ୍ଲା ର ନିର୍ବାଚିତ ପ୍ରତିନିଧି ଓ ପଦାଧିକାରୀ ମାନଙ୍କ ବୈଠକ ଅନୁଷ୍ଠିତ ହୋଇ ସଂଗଠନ କୁ ମଜବୂତ କରିବା ସମ୍ପର୍କ ରେ ବିସ୍ତୃତ ଆଲୋଚନା କରାଯାଇଥିଲା।

ବୈଠକରେ ଉଦବୋଧନ ଦେଇ ଦଳ ସଭାପତି ଶ୍ରୀ ନବୀନ ପଟ୍ଟନାୟକ କହିଥିଲେ ଯେ ବିଜେଡି ସରକାର ର ୨୪ବର୍ଷ ଶାସନରେ ରାଜ୍ୟ ରେ ଗରିବୀ ୭୦ ପ୍ରତିଶତ ରୁ ୧୦ ପ୍ରତିଶତ କମିଛି। ଲୋକଙ୍କ ମୁଣ୍ଡ ପିଛା ଆୟ ବଢିଛି। ଏହା ଭାରତ ସରକାର ଙ୍କ ରିପୋର୍ଟ କହୁଛି ବୋଲି ଶ୍ରୀ ପଟ୍ଟନାୟକ କହିଥିଲେ। ଏଥର ଯଦି ବିଜେଡି କ୍ଷମତାକୁ ଅସିଥାନ୍ତା ତେବେ ଓଡିଶା ରୁ ଗରିବୀ ସମ୍ପୂର୍ଣ ଭାବରେ ଦୂର ହୋଇଥାନ୍ତା ବୋଲି ଶ୍ରୀ ପଟ୍ଟନାୟକ କହିଥିଲେ।

ସେ କହିଥିଲେ କେନ୍ଦ୍ରାପଡ଼ା ସବୁବେଳେ ତାଙ୍କ ପାଇଁ ଓ ବିଜୁ ବାବୁ ଙ୍କ ପାଇଁ ସ୍ୱତନ୍ତ୍ର ହୋଇ ରହି ଆସିଛି। ଗଜପତି ଜିଲ୍ଲା ସହ ବିଜୁ ବାବୁଙ୍କ ପରିବାର ର ସମ୍ପର୍କ ବହୁତ ପୁରୁଣା।
ଲୋକଙ୍କ ଭଲ ପାଇବା ଏବେବି ବିଜେଡି ପ୍ରତି ଅତୁଟ ରହିଛି ବୋଲି ମତ ଦେଇ ଶ୍ରୀ ପଟନାୟକ ବିଜେପି ସରକାରର ମିଛ ପ୍ରତିଶ୍ରୁତି ସେ ସୁଭଦ୍ରା ଯୋଜନା ରେ ଦୁଇ ବର୍ଷ ରେ ପଚାଶ ହଜାର ଟଙ୍କା ହେଉ ଵା ମାଗଣା ବିଜୁଳି ଓ ଭତ୍ତା ସବୁ ବିଷୟ ରେ ଲୋକଙ୍କୁ ସଚେତନ କରିବା ପାଇଁ କର୍ମୀ ମାନଙ୍କୁ ଆହ୍ୱାନ ଜଣାଇଥିଲେ।

ଶ୍ରୀ ପଟ୍ଟନାୟକ କହିଥିଲେ ଦୁଃଖ ର କଥା ଭୁବନେଶ୍ୱର ପରି ଜାଗା ରେ ଥାନାରେ ମହିଳା ଅସୁରକ୍ଷିତ। ରାଜଭବନ ରେ କର୍ମଚାରୀ ମାଡ ଖାଉଛନ୍ତି। ରାଜ୍ୟ ରେ ଆଇନ ଶୃଙ୍ଖଳା ଥିବା ପରି ଲାଗୁ ନାହିଁ।

ଶ୍ରୀ ପଟ୍ଟନାୟକ କହିଥିଲେ ବିଜେଡି ସରକାର ରେ ଥିବା ବେଳେ ଲୋକଙ୍କ ପାଇଁ ଅନେକ ଭଲ କାମ କରିଥିଲା। ଲୋକଙ୍କ ଭଲ ପାଇବା ଏବେବି ଆମ ସହିତ ରହିଛି। ତେଣୁ ଲୋକଙ୍କ ସେବା ଜାରି ରଖିବାକୁ ସେ ସମସ୍ତଙ୍କୁ ପରାମର୍ଶ ଦେଇଥିଲେ। କେନ୍ଦ୍ରାପଡା ବୈଠକ ସଂଯୋଜନା କରିଥିଲେ ଆଳି ବିଧାୟକ ପ୍ରତାପ ଦେବ। ଗଜପତି ବୈଠକ ସଂଯୋଜନା କରିଥିଲେ ପୂର୍ବତନ ମନ୍ତ୍ରୀ ଦେବୀ ପ୍ରସାଦ ମିଶ୍ର।

ଅନ୍ୟମାନଙ୍କ ମଧ୍ୟରେ ବିଧାୟକ ଗଣେଶ୍ୱର ବେହେରା,ବିଧାୟକ ଧ୍ରୁବ ସାହୁ ,ବିଧାୟକ ଅରବିନ୍ଦ ମହାପାତ୍ର ପୂବର୍ତନ ମନ୍ତ୍ରୀ ଅତନୁ ସବ୍ୟସାଚୀ ନାୟକ ବିଧାୟକ ରୁପେଶ ପାଣିଗ୍ରାହୀ ସାଂସଦ ପ୍ରାର୍ଥୀ ଭୃଗୁ ବକ୍ସି ପାତ୍ର ତଥା ବିଭିନ୍ନ ବ୍ଲକ ର ଅଧ୍ୟକ୍ଷ ଓ କର୍ମକର୍ତ୍ତା ମାନେ ଉଦବୋଧନ ଦେଇ ବିଜେଡି କୁ ଶକ୍ତିଶାଳୀ କରିବା ପାଇଁ ସଂକଳ୍ପ ବଦ୍ଧ ହୋଇ କାମ କରିବେ ବୋଲି ଘୋଷଣା କରଥିଲେ।