ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ପୂର୍ବଶତ୍ରୁତାକୁ କେନ୍ଦ୍ରକରି ଏକ ଅଘଟଣ ଘଟାଇବା ପାଇଁ ଘରେ ବନ୍ଧୁକ ରଖିବା ଅଭିଯୋଗରେ ଆଜି ଖଲିକୋଟ ବିଜେପି ମଣ୍ଡଳ ସଭାପତି ତଥା କୈଳାସୀ ସମିତିସଭ୍ୟାଙ୍କ ସ୍ମାମୀ ସନ୍ତୋଷ କୁମାର ରାଉତକୁ ପୋଲିସ୍ ଗିରଫ କରିଛି।
ଘଟଣାରୁ ପ୍ରକାଶ ଯେ ଆସାମଜିକ ଯୁବକ ଧର୍ମି ଓରଫ୍ ଧିରେନ୍ ଦାସ ଅନ୍ୟ ଏକ ମାମଲାରେ ପୋଲିସ୍ ଗିରଫ ହେବା ପରେ ତାକୁ ପଚରାଉଚରା ପରେ ସେ ଏକ ବନ୍ଧୁକ ସନ୍ତୋଷକୁ ଦେଇଥିବା ନେଇ ପୋଲିସ୍ ଜାଣିବାକୁ ପାଇଥିଲା। ତୁରନ୍ତ ଖଲିକୋଟ ପୋଲିସ୍ ସନ୍ତୋଷଙ୍କ ଘରେ ଚଢ଼ାଉ କରିବା ପରେ ଘରୁ ଏକ ବେଆଇନ ବନ୍ଧୁକ ଏବଂ ଗୁଳି ଜବତ ହୋଇଥିଲା।
ସନ୍ତୋଷ କୈରସୀ ସରପଞ୍ଚ ପ୍ରଫୁଲ ସାହୁଙ୍କୁ ରାଗ ସୁଝାଇବା ପାଇଁ ଏହି ବନ୍ଧୁକ ଯୋଗାଡ଼ କରିଥିବା ପୋଲିସ୍ କହିଛି। ଥାନା କେସ ନଂ ୪୩/୨୧ରେ ପୋଲିସ୍ ସନ୍ତୋଷକୁ ଗିରଫ କରି କୋର୍ଟଚାଲଣ କରିଛି।