ମୁମ୍ବାଇ: ଫିଲ୍ମ ‘ଦି ଡର୍ଟି ପିକ୍ଚର’ରେ ଜଣେ ଆଡଲ୍ଟ ଷ୍ଟାର ସିଲ୍କର ଭୂମିକା ପାଇଁ ବିଦ୍ୟା ବାଲାନଙ୍କ ପୂର୍ବରୁ କଙ୍ଗନା ରଣାୱତଙ୍କୁ ଅଫର ଦିଆଯାଇଥିଲା କିନ୍ତୁ କଙ୍ଗନା ଏହା କରିବାକୁ ମନା କରିଦେଇଥିଲେ। ଏହି ଚଳଚ୍ଚିତ୍ରରେ ରେଶମ ଭୂମିକାରେ ଅଭିନୟ କରି ବିଦ୍ୟା ବାଲାନଙ୍କୁ ବହୁତ ପ୍ରଶଂସା କରାଯାଇଥିଲା। କେବଳ ଏତିକି ନୁହେଁ ସେ ଏହି ଚଳଚ୍ଚିତ୍ର ପାଇଁ ଜାତୀୟ ପୁରସ୍କାର ମଧ୍ୟ ପାଇଛନ୍ତି।
କଙ୍ଗନା ରଣାୱତ ଏକ ସାକ୍ଷାତକାରରେ କହିଛନ୍ତି ଯେ, ପୂର୍ବରୁ ସେ ଏହି ଅଫର ପାଇଥିଲେ। କିନ୍ତୁ ସେ ଏହା କରିବାକୁ ମନା କରିଦେଇଥିଲେ। ସେ କହିଛନ୍ତି ଯେ, ବିଦ୍ୟା ବାଲାନଙ୍କ ଠାରୁ ସେ ଭଲ ଅଭିନୟ କରିପାରିନଥାନ୍ତେ। ଏହି ଚଳଚ୍ଚିତ୍ରରେ ତାଙ୍କର ଅଭିନୟ ଆଶ୍ଚର୍ଯ୍ୟଜନକ ଥିଲା। ଏହି ଫିଲ୍ମ ନ କରିଥିବାରୁ ସେ ଦୁଃଖ ପ୍ରକାଶ କରିଛନ୍ତି।