ଖୋର୍ଦ୍ଧା: ପବିତ୍ର ଶ୍ରୀରାମ ନବମୀ ଅବସରରେ ଶ୍ରୀରାମ ନବମୀ ସମନ୍ବୟ ସମିତି ଆନୁକୂଲ୍ୟରେ ହିନ୍ଦୁ ଜାଗରଣ ମଞ୍ଚ ଖୋର୍ଦ୍ଧା ଶାଖା ସଂଯୋଜନାରେ ବିଶାଳ ବାଇକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଗୁରୁଜଙ୍ଗ ମେଲଣ ପଡିଆ ଠାରୁ ଜରିପୁଟ ଶ୍ରୀସଙ୍କଟମୋଚନ ହନୁମାନ ମନ୍ଦିର ପର୍ଯ୍ୟନ୍ତ ଏହି ଶୋଭାଯାତ୍ରା ଆୟୋଜିତ ହୋଇଥିଲା। ଶତାଧିକ ରାମଭକ୍ତ ଶୋଭାଯାତ୍ରାରେ ସାମିଲ ହୋଇଥିଲେ। ଜୟ ଶ୍ରୀରାମ ମନ୍ତ୍ରଧ୍ବନୀରେ ଖୋର୍ଦ୍ଧା ସହର ରାମମୟ ହୋଇଛି।
ହିନ୍ଦୁ ଜାଗରଣ ମଞ୍ଚ, ଖୋର୍ଦ୍ଧା ଜିଲ୍ଲା ସଂଯୋଜକ ଆଶିଷ ବିଦୂରେନ୍ଦ୍ର ଛୋଟରାୟ ପରିଚାଳନା କରିଥିଲେ। ସହ ଜିଲା ସଂଯୋଜକ ଶୁଭମ୍ ରାମ, ନଗର ସଂଯୋଜକ ତୁଷାର କାନ୍ତ ବେହେରା, ଖୋର୍ଦ୍ଧା ଖଣ୍ଡ ସଂଯୋଜକ ରାଧାମୋହନ ପ୍ରଧାନ, ପ୍ରଚାର ପ୍ରସାର ପ୍ରମୁଖ ସଂଜିତ ମହାପାତ୍ର , ପ୍ରତାପ ପ୍ରଧାନ, ମନୋରଞ୍ଜନ ପାତ୍ର, ରାକେଶ ରାଉତ, ସୌମ୍ୟ ରଂଜନ ବେହେରା, ସୌଭାଗ୍ୟ ହାତୀ , ବିକାଶ ବେହେରା ସମେତ ହିନ୍ଦୁ ଜାଗରଣ ମଂଚର ପ୍ରମୁଖ ସଦସ୍ୟ ମାନେ ପରିଚାଳନାରେ ସହଯୋଗ କରିଥିଲେ।
ଅନ୍ୟମାନଙ୍କ ମଧ୍ୟରେ ରାଷ୍ଟ୍ରୀୟ ସ୍ଵଂସେବକ ସଂଘରୁ ବେଲେଶ୍ୱର ସାହୁ, ପ୍ରଶାନ୍ତ ବେହେରା ଏବଂ ଆଦିତ୍ୟ ମହାରଣା ପ୍ରମୁଖ ଉପସ୍ଥିତ ଥିଲେ। ଏବିଭିପିରୁ ସରୋଜ ପାଲଟାସିଂହ, ସତ୍ୟ ବିଶୋୟୀ, ବିଶ୍ଵ ହିନ୍ଦୁ ପରିଷଦର ଅଭିମନ୍ୟୁ ଘଟୁଆଳ, ହୃଷିକେଶ ବେହେରା, ସମରେନ୍ଦ୍ର ଶତପଥୀ, ଅଧିବକ୍ତା ପରିଷଦର ଅଜିତ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।