ବାଣପୁର (ସୀତାରାମ ଅଗ୍ରୱାଲ): ବାଣପୁର ଥାନା ଅନ୍ତର୍ଗତ ପୁଞ୍ଜିଆମା ଶାସନରେ ଜଣେ ୨୮ବର୍ଷୀୟ ଯୁବକ ବେକରେ ରଶି ଲଗାଇ ଆତ୍ମହତ୍ୟା କରିଥବାର ଜଣାଯାଇଛି। ସୂଚନା ମୁତାବକ ଉକ୍ତ ଗ୍ରାମର ଅମର ବେହେରା ନାମକ ଜଣେ ଯୁବକ ନାଚୁଣୀ ଥାନା ଅଧିନସ୍ଥ ବରଡ଼ି ଗ୍ରାମରେ ବିବାହ କରିଥିଲେ। ବିବାହ ପରଠାରୁ ସେ ଘରଜୋଇଁଆ ଭାବରେ ଶ୍ୱଶୁର ଘରେ ରହି ଆସୁଥିଲେ । କିନ୍ତୁ ନିଜ ଗ୍ରାମରେ ଯାତ୍ରା ହେଉଥିବାରୁ ନିଜ ଘରକୁ ଆସିଥିଲେ।
କୌଣସି କାରଣରୁ ଘର ଲୋକଙ୍କ ସହ ମତାନ୍ତର ଘଟି ରାତି ୧୦ ଘଟିକା ପରେ କେଉଁଆଡେ ଚାଲି ଯାଇଥିଲେ। ପରିବାର ଲୋକ ବାରମ୍ବାର ଅମରକୁ ଫୋନ କରିଥିବା ପୋଲିସ କହିଛି। ପରେ ଗ୍ରାମର ବିଲ ଗହୀର ଭିତରେ ଥିବା ଏକ ଆମ୍ବ ଗଛରେ ସେ ଆତ୍ମହତ୍ୟା କରିଥିବା ଦେଖିବାକୁ ମିଳିଥିଲା। ପୋଲିସ ଖବର ପାଇ ଶବ ଜବତ କରିବା ସହ ବ୍ୟବଚ୍ଛେଦ କରିଛି।