Tag: ବୋମାମାଡ଼

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ନିମଖଣ୍ଡି ଥାନା ଅର୍ନ୍ତଗତ ଫୁଲୁଟା ଗ୍ରାମରେ ରାତି ଅଧିଆ ବୋମାମାଡ଼ ଯୋଗୁଁ ଗତ କିଛି ଦିନ ହେଲା ଗ୍ରାମରେ ଅଶାନ୍ତ ସୃଷ୍ଟି ସହ ପୋଲିସ ପ୍ରଶାସନର ମୁଣ୍ଡବ୍ୟଥା ବଢ଼ି ଯାଇଥିଲା। ବ୍ରହ୍ମପୁର ଏସ୍ ପି ଡଃ ସର୍ବଣ ବିବେକ ଏମ୍ ଙ୍କ ନେତୃତ୍ବରେ ଏକ ଟିମ ଘଟଣାସ୍ଥଳରେ ପହଞ୍ଚି ଦୁଇ ପ୍ଲାଟୁନ୍ ପୋଲିସ ମୁତୟନ କରିଥିଲେ ଓ ଗୁରୁତର ସହ ଘଟଣାର ଅନୁଧ୍ୟାନ କରି ଗାଁ ରେ ସଂଯୁକ୍ତ ସିସିଟିଭି କ୍ୟାମେରା ଫୁଟେଜକୁ ଆଧାର କରି ନିମଖଣ୍ଡି ଥାନା ପୋଲିସ୍ ଉକ୍ତ ଗାଁ ରୁ ୮ ଜଣ ଅଭିଯୁକ୍ତ ଯଥା ଲିଙ୍ଗରାଜ ଚର୍ଚ୍ଚା, ବଳରାମ ନାହାକ, ଦଣ୍ଡପାଣି ଶାସମଲ, ସନ୍ୟାସୀ ଶାସମଲ, ସୁକାନ୍ତ ନାହାକ, ପୁର୍ଣ୍ଣ ବସ୍ତିଆ,ତପନ ଚର୍ଚ୍ଚା ଓ ସନ୍ତୋଷ ମଲ୍ଲିକ କୁ ଉଠାଇ ଆଣି ଜେରା କରିବା ପରେ ଭାରତୀୟ ନ୍ୟାୟ ସଂହିତା ର ବିଭିନ୍ନ ଦଫାରେ ଗିରଫ କରିଛନ୍ତି।

ପୁର୍ବ ଶତୃତା ଓ ଗାଁ କୋଠ ସମ୍ପତି କୁ ନେଇ ଏହି ଭଳି ବୋମାମାଡ଼ ଘଟଣା ଘଟିଥିବା ଜଣାପଡିଛି। ଏଥିସହିତ ଅଭିଯୁକ୍ତ ଯୁବକ ମାନେ ଅପର ଗୋଷ୍ଠୀ କୁ ହତ୍ୟା ଧମକ ଦେଇ ଗାଁ ରେ ଅଶାନ୍ତ ବାତାବରଣ ସୃଷ୍ଟି କରିଛନ୍ତି। ଯାହା ଫଳରେ ଗାଁ ଅଶାନ୍ତି କୁ ଦୃଢ ହସ୍ତରେ ଦମନ କରିବା ପାଇଁ ଗ୍ରାମବାସୀଙ୍କ ପକ୍ଷରୁ ପ୍ରଶାସନ ନିକଟରେ ଦାବୀ ହୋଇଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ସହର ତଳି ତଥା ବୈଦ୍ୟନାଥ ପୁର ଥାନା ଅର୍ନ୍ତଗତ ନୁଆ ଖଜୁରିଆ ଗ୍ରାମର ଲଟାବୁଦା ଘେରା ମଧ୍ୟରେ ଥିବା ଏକ ଅର୍ଦ୍ଧନିର୍ମିତ କୋଠାଘରେ ପ୍ରାୟ ୪୦ ଟି ହାତ ଭିଡା ବୋମା ଜବତ କରାଯାଇଛି। ଏହି ସବୁ ବୋମାଗୁଡିକୁ ନିଷ୍କ୍ରିୟ ଦଳ ଦ୍ଵାରା ନିଷ୍କ୍ରିୟ କରାଯାଇଛି। ଏନେଇ ବ୍ରହ୍ମପୁର ଏସ୍ ପି ଡଃ ସର୍ବଣ ବିବେକ ଏମ୍ ସୁଚନା ଦେଇଛନ୍ତି।
ବୈଦ୍ୟନାଥ ପୁର ଥାନା ଅଧିକାରୀ ସୁଚିତ୍ରା ପରିଡ଼ା ବିଶ୍ୱସ୍ତ ସୂତ୍ରରୁ ଖବର ପାଇ ସଦଳବଳେ ଉକ୍ତ ସ୍ଥାନରେ ପହଞ୍ଚିଥିଲେ। ପୋଲିସ କୁ ଦେଖି କିଛି ଯୁବକ ଛତ୍ରଭଙ୍ଗ ଦେଇଥିଲେ। ଥାନା ଅଧିକାରୀ ଅନ୍ୟାନ୍ୟ କର୍ମଚାରୀ ମାନଙ୍କୁ ନେଇ ଅର୍ଦ୍ଧନିର୍ମିତ କୋଠାଘରେ ଯାଇ ଯାଞ୍ଚ ବେଳେ ଦେଖିଲେ ଯେ ଗୋଟିଏ ଅଖା ବସ୍ତାରେ ଉକ୍ତ ବୋମା ଗୁଡିକ ରହିଛି। ସଙ୍ଗେ ସଙ୍ଗେ ଏସ୍ ପି ଙ୍କୁ ସୁଚନା ଦିଆଯାଇଥିଲା। ଏସ୍ ପି ଙ୍କ ପଦକ୍ଷେପ ସ୍ୱରୂପ ବୋମା ଗୁଡିକ ନିଷ୍କ୍ରିୟ କରାଯାଇଛି।

ପ୍ରକାଶ ଥାଉକି ରେଶମ ନଗରୀ ବ୍ରହ୍ମପୁର ସହରରେ ଗତ କିଛି ମାସ ହେଲା ଚୋରି, ରାହାଜାନୀ, ଲୁଟ୍, ଗୋଷ୍ଠୀ ସଂଘର୍ଷ ଓ ବୋମାମାଡ଼ ଦ୍ଵାରା ବହୁ ଧନ ଜୀବନ କ୍ଷତି ହେଉଛି ଓ ଠିକ୍ ସମୟରେ ପୋଲିସ ର ପଦକ୍ଷେପ ଯୋଗୁଁ ସହରବାସୀ ସୁରକ୍ଷିତ ଅନୁଭବ କରୁଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ନିମଖଣ୍ଡି ଥାନା ଅନ୍ତର୍ଗତ ଫୁଲଟା ଗ୍ରାମରେ ଘନଘନ ବୋମାମାଡକୁ ନେଇ ଆତଙ୍କିତ ଗ୍ରାମବାସୀମାନେ ପୋଲିସ ପ୍ରଶାସନର ସହାୟତା ନିବେଦନ କରିଛନ୍ତି। ଉଲ୍ଲେଖଯୋଗ୍ୟ ଯେ, ଗତ ୨୦୦୭ ମସିହାରେ ଗ୍ରାମରେ ହତ୍ୟା ଘଟଣାରେ କିଛି ଅଭିଯୁକ୍ତ ଜେଲ୍ ଯାଇ ବର୍ତ୍ତମାନ ଜାମିନରେ ଆସିଛନ୍ତି। ଏହା ମଧ୍ୟରେ ଗ୍ରାମର ଦୁଇ ଗୋଷ୍ଠୀ ଭିତରେ ଛକାପଞ୍ଝା ଲାଗି ରହିଛି।

ଏହି ପୁର୍ବ ଶତ୍ରୁତାକୁ ନେଇ ଗତ ମଙ୍ଗଳବାର ରାତିରେ କିଛି ଯୁବକ ହଠାତ୍ ଆତର୍କିତ ଭାବେ ସରପଞ୍ଚ ମମତା ନାହାଙ୍କ ଘନଘନ ବୋମାମାଡ କରି ଚାଲିଯାଇଥିଲେ। ଏହି ଘଟଣାକୁ ନେଇ ଗତକାଲି ସକାଳେ ଗାଁ ଲୋକେ ଏକ ଶାନ୍ତି କମିଟି ବୈଠକର ଆୟୋଜନ କରି ସଭାରେ ବସିଥିବା ବେଳେ ପୁଣି କିଛି ଯୁବକ ପୁନର୍ବାର ବୋମାମାଡ କରି ଚାଲିଯାଇଥିଲେ।

ଏହି ପରିପ୍ରେକ୍ଷୀରେ ଗାଁ ର ଦୁଇ ଗୋଷ୍ଠୀ ନିମଖଣ୍ଡି ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୋଗକୁ ଗ୍ରହଣ କରି ପୋଲିସ ଏକ ପ୍ଲାଟୁନ ପୋଲିସ ଫୋର୍ସ ମୁତୟନ କରି ଘଟଣାର ସମାଧାନ ପାଇଁ ଉଦ୍ୟମ ଚଳାଇଛି। ଏହି ଘଟଣାରେ ଯେଉଁମାନେ ସଂପୃକ୍ତ ଅଛନ୍ତି ସେମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବ୍ରହ୍ମପୁର ଏସ୍ ପି ଡଃ ଶ୍ରବଣ ବିବେକ ଏମ୍ ସୁଚନା ପ୍ରଦାନ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଜିଲ୍ଲା କେ ନୁଆଁଗାଁ ଥାନା ପୋଲିସ ଜଣେ ବାଳ ଅପରାଧୀ ସହ ୪ ଅପରାଧୀ କୁ ଗିରଫ କରି କୋର୍ଟ ଚାଲାଣ କରିଛନ୍ତି। ଗିରଫ ଅଭିଯୁକ୍ତମାନେ ହେଲେ ବିକାଶ ବେହେରା, କାଳିଆ ସେଠୀ, ଅଜିତ୍ ସେଠୀ ଓ ଆଦିତ୍ୟ ନାୟକ ବୋଲି ପୋଲିସ ଠାରୁ ପ୍ରକାଶ।

ସୁଚନା ଅନୁଯାୟୀ, ଦିଗପହଣ୍ଡି ଠାରୁ ପେଣ୍ଡୁରାବାଡି ପର୍ଯ୍ୟନ୍ତ ରାସ୍ତା କାମ ନେଇଥିବା ଠିକାଦାର ମଙ୍ଗଳୁ ପାତ୍ରଙ୍କୁ ଅଭିଯୁକ୍ତ ମାନେ ଫୋନ୍ ଯୋଗେ ୩୦ ଲକ୍ଷ ଟଙ୍କା ଦାଦା ବଟି ମାଗିଥିଲେ ଓ ସେଠାରେ ଉପସ୍ଥିତ ଥିବା ଠିକା ସଂସ୍ଥାର ସୁପରଭାଇଜର ରଞ୍ଜନ ପଣ୍ଡା ଆପତ୍ତି କରିବାରୁ ଅଭିଯୁକ୍ତ ମାନେ ରଞ୍ଜନ ଉପରକୁ ଦୁଇଟି ବୋମାମାଡ କରି ନଗଦ ୧୦ ହଜାର ଟଙ୍କା ଓ ଗୋଟିଏ ସୁନା ମୁଦି ନେଇ ପଳାଇଥିଲେ।

ଏହି ଘଟଣାକୁ ନେଇ ରଞ୍ଜନ କେ ନୁଆଁଗାଁ ଥାନାରେ ଅଭିଯୋଗ କରିବା ପରେ ପୋଲିସ ଏତଲା ନଂ ୩୬୩/୨୩ ଅନୁଯାୟୀ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରି ଆଜି ଉକ୍ତ ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ଓ ବାଳ ଅପରାଧୀ ଜଣକୁ ଜୁଭେନାଇଲ୍ ଅଦାଲତ ରେ ହାଜର କରାଯାଇଥିଲା।

ଅଦାଲତ ଜଜ୍ ଙ୍କ ନିର୍ଦ୍ଦେଶନାରେ ତାକୁ ବାଳସୁଧାର ଗ୍ରୁହକୁ ପଠାଇ ଦିଆଯାଇଛି। ଅଭିଯୁକ୍ତ ମାନଙ୍କ ଠାରୁ ପୋଲିସ ଦୁଇଟି ମୋଟରସାଇକେଲରେ, ଦୁଇଟି ଖଣ୍ଡା, ଗୋଟିଏ ସୁନା ମୁଦି ଓ ନଗଦ ୪.୫୦୦ ଟଙ୍କା ଜବତ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ କିଛି ଦିନ ତଳେ ବୁଗୁଡ଼ା ଡ଼ାକ୍ତରଖାନା ଛକରେ ରେଡିମେଡ୍ ଲୁଗା ଦୋକାନୀ ଦିଲେଶ୍ଵର ପାତ୍ରଙ୍କୁ ଏକ ଅଜଣା ମୋବାଇଲ ଫୋନରୁ ଫୋନ୍ କରି କିଛି ଯୁବକ ଦାଦା ବଟି ମାଗିଥିଲେ। ସେ ମନା କରିବାରୁ ମଧ୍ୟ ରାତ୍ରୀରେ କିଛି ଯୁବକ ଆସି ସେଠି ବୋମାମାଡ କରି ଫେରାର ହୋଇଯାଇଥିଲେ।

ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ଦିଲେଶ୍ଵର ପାତ୍ରଙ୍କ ଠାରୁ ଏତଲା ଗ୍ରହଣ କରିଥିଲେ। ପୋଲିସ ଏସ୍ ଆଇ ସମୀର ସେଠୀଙ୍କ ନେତୃତ୍ଵରେ ଛାନବିନ ଆରମ୍ଭ କରି ପ୍ରଥମେ ଜାଲ୍ ସିମ୍ ଦେଇଥିବା ଦୋକାନୀ ମାଲିକଙ୍କୁ ଧରି ଜେରା କରିଥିଲେ ଓ ପରବର୍ତ୍ତୀ ସମୟରେ ଅପରାଧୀଙ୍କ ସମେତ ସହଯୋଗୀଙ୍କୁ ଗିରଫ କରିବାରେ ସଫଳ ହୋଇଥିଲେ।

ଗିରଫ ଅପରାଧୀ ମାନଙ୍କ ଠାରୁ ପୋଲିସ ଏକ ଦେଶୀ ବନ୍ଧୁକ, ୩ ଟି ଜୀବନ୍ତ ଗୁଳି, ଦୁଇଟି ବୋମା, ଗୋଟିଏ ମୋବାଇଲ ଫୋନ ଓ ସିମ୍ ଜବତ୍ କରିଛନ୍ତି ଓ କେଶ୍ ନଂ ୫୧୫/୩୩ ଅନୁଯାୟୀ ମାମଲା ରୁଜୁ କରି ଅପରାଧୀ ମାନଙ୍କୁ କୋର୍ଟ ଚାଲାଣ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଜଗବନ୍ଧୁ ସାହି ରେ ଗତକାଲି ରାତିରେ ବୋମାମାଡରେ ମାଲୁ ମହାନ୍ତି ନାମକ ଜଣେ ସଫେଇ କର୍ମଚାରୀ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ତାଙ୍କର ଦୁଇ ଗୋଡ଼ରେ ଗଭୀର ଆଘାତ ହୋଇଛି।

ଘଟଣାରୁ ପ୍ରକାଶ ଯେ, ମାଲୁ ନିଜ ଘରକୁ ଯାଉଥିବା ବେଳେ ପୁର୍ବ ଶତ୍ରୁତାକୁ ନେଇ କିଛି ଯୁବକ ଅଚାନକ ତାଙ୍କ ଉପରକୁ ବୋମାମାଡ କରି ଚାଲିଯାଇଥିଲେ। ସୌଭାଗ୍ୟ ବଶତଃ ବୋମାମାଡ ତାଙ୍କର ଶରୀରର ଅନ୍ୟ କୌଣସି ସ୍ଥାନକୁ ନବାଜି କେବଳ ଗୋଡ଼ରେ ବାଜିଥିଲା, ଯାହା ଫଳରେ ସେ ବଞ୍ଚି ଯାଇଛନ୍ତି।

ଏ ସଂକ୍ରାନ୍ତରେ ବଡ଼ବଜାର ଥାନାରେ ଏକ ମାମଲା ରୁଜୁ ହୋଇଛି ଓ ପୋଲିସ ଏତଲା ଗ୍ରହଣ କରି ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ନିମଖଣ୍ଡି ଥାନା ଅନ୍ତର୍ଗତ ଫୁଲଟା ଗ୍ରାମରେ ଗତ କାଲି ସନ୍ଧ୍ୟାରେ ମନ୍ଦିର କମିଟିର ଏକ ବୈଠକ ଅନୁଷ୍ଠିତ ହୋଇଥିଲା। ଉକ୍ତ ବୈଠକରେ ମନ୍ଦିର କମିଟି କର୍ମକର୍ତ୍ତା ଓ କିଛି ଯୁବକଙ୍କ ମଧ୍ୟରେ କଳି ଝଗଡ଼ା ଓ ମାରପିଟ୍ ଘଟଣା ଯୋଗୁଁ ବୈଠକ ବାତିଲ ହୋଇଥିଲା। କିନ୍ତୁ ରାତିରେ କିଛି ଯୁବକ ଗାଁ କମିଟିର ସଭାପତି ସତ୍ୟନାରାୟଣ ପ୍ରଧାନ ଓ ଭଦ୍ର ବ୍ୟକ୍ତି ରାମଚନ୍ଦ୍ର ଶାସମଲଙ୍କ ଘର ଉପରକୁ ବୋମାମାଡ କରିଥିଲେ।

ଖବର ପାଇ ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରୁଥିବା ବେଳେ କିଛି ଯୁବକ ପୋଲିସକୁ ଆକ୍ରମଣ ଉଦ୍ୟମ କରିଥିଲେ। କୌଶଳକ୍ରମେ ପୋଲିସ ୫ ଜଣ ଯୁବକ ଯଥା ପିଙ୍କୁ ପ୍ରଧାନ, ପପୁ ପ୍ରଧାନ, ଗଗନ ଶାସମଲ, ଲିଙ୍ଗରାଜ ଶାସମଲ ଓ ଗଣେଶ ଚର୍ଚି ପ୍ରମୁଖ ପୋଲିସ ହାତରେ ଧରାପଡ଼ିଥିଲେ। ଏଥି ସହିତ ପୋଲିସ ଅନୁସନ୍ଧାନ କରି ୪ ଟି ଜୀବନ୍ତ ବୋମା ଓ କିଛି ସରଞ୍ଜାମ ଜବତ କରିଛନ୍ତି। ଅଟକ ଥିବା ଥିବା ଯୁବକମାନଙ୍କୁ ପୋଲିସ ଆଜି କୋର୍ଟ ଚାଲାଣ କରିଛନ୍ତି।