Tag: ବ୍ରହ୍ମଗିରି

ବ୍ରହ୍ମଗିରି: ଆଜି ପୁରୀ ଲୋକସଭା କ୍ଷେତ୍ର ଅନ୍ତର୍ଗତ ବ୍ରହ୍ମଗିରି ବିଧାନସଭାରେ ଆୟୋଜିତ ବିଜେପିର ମିଶ୍ରଣ ପର୍ବରେ ଯୋଗ ଦେଇ କୃଷ୍ଣପ୍ରସାଦ ବ୍ଲକର ଭାଇସ୍ ଚେୟାରମ୍ୟାନ୍ ଶକୁନ୍ତଳା ଦେବୀ, ପୂର୍ବତନ ଭାଇସ୍ ଚେୟାରମ୍ୟାନ୍ ବ୍ରଜକିଶୋର ଜେନାଙ୍କ ସହିତ ହରିଜନ ମହାସଂଘର ଶତାଧିକ କାର୍ଯ୍ୟକର୍ତ୍ତାଙ୍କୁ ବିଜେପି ପରିବାରରେ ସାମିଲ କରିଛନ୍ତି ସମ୍ବିତ ପାତ୍ର ଏବଂ ଉପାସନା ମହାପାତ୍ର।

ଏହି ଅବସରରେ ସମ୍ବିତ ପାତ୍ର ପ୍ରତିକ୍ରିୟା ଦେଇ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଓଡ଼ିଶାର ବିକାଶ ଧାରା ତ୍ୱରାନ୍ୱିତ ହୋଇଛି। ମୋଦୀଙ୍କ ବିଶ୍ୱାସନୀୟତା ଓଡ଼ିଶାରେ ସର୍ବାଧିକ ରହିଛି, ଏଥିପାଇଁ ଓଡ଼ିଶାର ଜନତା ପ୍ରଧାନମନ୍ତ୍ରୀଙ୍କ ସହିତ ସିଧାସଳଖ ଯୋଡିହେବା ପାଇଁ ଚାହୁଁଛନ୍ତି। ମୋଦୀଜୀ ପ୍ରଧାନମନ୍ତ୍ରୀ ଦାୟିତ୍ୱ ଗ୍ରହଣ କରିବା ପରେ ଶପଥ କରି କହିଥିଲେ ‘ମୋ ସରକାର ଗରିବ, କୃଷକ, ମହିଳା ଦଳିତ, ବଂଚିତ, ଜନଜାତିଙ୍କ ପାଇଁ ସମର୍ପିତ ରହିବ’। ମୋଦୀଜୀଙ୍କ “ସବକା ସାଥ, ସବକା ବିକାଶ” କାର୍ଯ୍ୟରେ ଅନୁପ୍ରାଣିତ ହୋଇ ହରିଜନ ମହାସଂଘର ସଦସ୍ୟମାନେ ଆମ ଦଳରେ ସାମିଲ୍ ହେଲେ।

ବ୍ରହ୍ମଗିରି: ପୁରୀ ଲୋକସଭା ଅନ୍ତର୍ଗତ ବ୍ରହ୍ମଗିରି ବିଧାନସଭାରେ ଆୟୋଜିତ ବିରାଟ ବାଇକ୍ ରାଲିରେ ସାମିଲ ହୋଇ ଜନତା ଜନାର୍ଦ୍ଦନଙ୍କ ଅଭିବାଦନ ଗ୍ରହଣ କରିଛନ୍ତି ସମ୍ବିତ ପାତ୍ର ଓ ଉପାସନା ମହାପାତ୍ର। ଏହି ବାଇକ୍ ରାଲି ବ୍ରହ୍ମଗିରିର ବ୍ଲକ ଅଫିସରୁ ଆରମ୍ଭ ହୋଇ ରାୟବିଧର ପଞ୍ଚାୟତ ପର୍ଯ୍ୟନ୍ତ ଯାଇଥିଲା। ବାଇକ୍ ରାଲିରେ ୧୦୦୦ ବାଇକ୍ ସହ ୨୦୦୦ ବ୍ୟକ୍ତି ଭାଗ ନେଇଥିଲେ।

ଏହି ଅବସରରେ ସମ୍ବିତ ପାତ୍ର ପ୍ରତିକ୍ରିୟା ପ୍ରକାଶ କରି କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ପୁରୀ ଲୋକସଭାର ଜନତାଙ୍କ ଦୃଢ଼ ବିଶ୍ୱାସ ରହିଛି। ଏଥର ପୁରୀ ଲୋକସଭା ସହିତ ବ୍ରହ୍ମଗିରି ବିଧାନସଭାରେ ମଧ୍ୟ ପଦ୍ମ ଫୁଟିବା ସୁନିଶ୍ଚିତ। ଏହା ସହିତ ସମ୍ବିତ ପାତ୍ର ବ୍ରହ୍ମଗିରିବାସୀଙ୍କ ଦ୍ଵାରା ମିଳିଥିବା ଅପାର ସ୍ନେହ ଏବଂ ସମର୍ଥନ ପାଇଁ ହୃଦୟରୁ କୃତଜ୍ଞତା ଜ୍ଞାପନ କରିଛନ୍ତି।

ବ୍ରହ୍ମଗିରି: ବ୍ରହ୍ମଗିରି ନିର୍ବାଚନମଣ୍ଡଳୀ ଅନ୍ତର୍ଗତ ଗଡ଼ ରୋଡଙ୍ଗ ପଞ୍ଚାୟତରେ ବ୍ରହ୍ମଗିରି ଭାରତୀୟ ଜନତା ପାର୍ଟି ପକ୍ଷରୁ ଆୟୋଜିତ ପ୍ରଧାନମନ୍ତ୍ରୀଙ୍କ ୧୦୩ ତମ ମନ କି ବାତ କାର୍ଯ୍ୟକ୍ରମରେ ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର ଯୋଗ ଦେଇଛନ୍ତି। କାର୍ଯ୍ୟକ୍ରମରେ ଯୁବ ନେତ୍ରୀ ଉପାସନା ମହାପାତ୍ର ସମେତ ବହୁ ବରିଷ୍ଠ ବିଜେପି କାର୍ଯ୍ୟକର୍ତ୍ତା ଯୋଗଦେଇଥିଲେ  କାର୍ଯ୍ୟକ୍ରମ ପରେ ଉପସ୍ଥିତ ଦଳୀୟ କାର୍ଯ୍ୟକର୍ତ୍ତାଙ୍କୁ ସଂଵୋଧନ କରିଥିଲେ ସମ୍ବିତ ପାତ୍ର।

୧୦୩ତମ ମନ କି ବାତ କାର୍ଯ୍ୟକ୍ରମକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବ୍ୟାପି ଆରମ୍ଭ ହେବାକୁ ଥିବା ‘ମୋ ମାଟି, ମୋ ଦେଶ’ ଅଭିଯାନ ବାବଦରେ ଚର୍ଚ୍ଚା କରିଥିଲେ।

ମୋଦୀ ଆହୁରି କହିଛନ୍ତି ଯେ, ଦେଶର ସବୁ ପଞ୍ଚାୟତରେ ବିଶେଷ ଶିଳାଲେଖ ସ୍ଥାପନ ହେବ। ଅମୃତ କଳସ ଯାତ୍ରାର ମଧ୍ୟ ଆୟୋଜନ କରାଯିବ। ୭,୫୦୦ କଳସରେ ବିଭିନ୍ନ ଗାଁରୁ ମାଟି ଓ ବୃକ୍ଷ ସଂଗ୍ରହ ହୋଇ ଦିଲ୍ଲୀ ଅଣାଯିବ। ଏହି ମାଟି ଓ ବୃକ୍ଷରେ ଜାତୀୟ ଯୁଦ୍ଧ ସ୍ମାରକୀ ନିକଟରେ ‘ଅମୃତ ବାଟିକା’ ନିର୍ମାଣ ହେବ।

ଏହା ସହିତ ମୌସୁମୀ ବର୍ଷାର ଅନିୟମତା, ଦେଶର ଅଧିକାଂଶ ରାଜ୍ୟରେ ହେଉଥିବା ବନ୍ୟା ଓ ପ୍ରାକୃତିକ ବିପର୍ଯ୍ୟୟକୁ ନେଇ ଚିନ୍ତା ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ।

ଏଭଳି ସ୍ଥିତିର ମୁକାବିଲା ସହ ଜଳ ସଂରକ୍ଷଣ, ବୃକ୍ଷ ରୋପଣ ଉପରେ ଗୁରୁତ୍ୱ ମଧ୍ୟ ଦେଇଛନ୍ତି। ଆମେରିକାର ଭାରତର ୧୦୦ରୁ ଅଧିକ ଦୁଲର୍ଭ ଓ ପ୍ରାଚୀନ କଳାକୃତି ଫେରାଇବାକୁ ଯାଉଛି। ଏହାକୁ ନେଇ ସୋସିଆଲ ମିଡିଆରେ ଚାଲିଥିବା ଚର୍ଚ୍ଚାକୁ ମଧ୍ୟ ଆଜିର ଆଲୋଚନାରେ ସ୍ଥାନ ଦେଇଥିଲେ ପ୍ରଧାନମନ୍ତ୍ରୀ। ଏଥିସହ ଦେଶରେ ଚାଲିଥବା ନିଶାମୁକ୍ତି ଅଭିଯାନକୁ ପ୍ରଂଶସା କରିଛନ୍ତି।