Tag: ବ୍ରହ୍ମପୁର ଏସ୍ ପି

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତ କିଛି ଦିନ ପୂର୍ବରୁ ବ୍ରହ୍ମପୁର ଏସ୍ ପି ଙ୍କ ପ୍ରଚେଷ୍ଟାରେ ୯ ଜଣ ନବାବୀ ଗିରଫ ହୋଇ କୋର୍ଟ ଚାଲାଣ ହୋଇଥିବା ଖବର ଚର୍ଚ୍ଚାରେ ଥିବା ବେଳେ ପୁଣି ୩ ଜଣ ଠକଙ୍କୁ ଗିରଫ କରାଯାଇଛି। ବ୍ରହ୍ମପୁର ବ୍ୟାଙ୍କ କଲୋନୀ ଅଞ୍ଚଳର ଆଶିଷ ମହାପାତ୍ର, ଛତ୍ରପୁର ଅଞ୍ଚଳର ପ୍ରଦ୍ୟୁମ୍ନ ପଲେଇ ଓ ଜଗତସିଂହପୁର ଜିଲ୍ଲାର ମିହିର ରାଉତ ନାମକ ୩ ଜଣ ଯୁବକଙ୍କୁ ପୋଲିସ ବଡ଼ବଜାରରୁ ଗିରଫ କରି କୋର୍ଟ ଚାଲାଣ କରିଛି।

ସୁଚନା ଅନୁଯାୟୀ, ବଡ଼ବଜାର ଥାନା ଅର୍ନ୍ତଗତ ପଞ୍ଚାନନ ନଗର ସାହିର ଗିରିଜା ନନ୍ଦନ ପଣ୍ଡିତ ନାମକ ଜଣେ ବେରୋଜଗାରୀ ଯୁବକ ଚାକିରୀ ଅନ୍ୱେଷଣରେ ବୁଲୁଥିବା ବେଳେ ଅଭିଯୁକ୍ତ ଆଶିଷ ହାବୁଡ଼ରେ ପଡ଼ିଥିଲେ। ସେ ଚାକିରୀ କରାଇବା ପାଇଁ ଗିରିଜାଙ୍କ ଠାରୁ ୫ ଲକ୍ଷ ଟଙ୍କା ଦାବୀ କରିଥିଲେ। ଚୁକ୍ତି ମୁତାବକ ଗିରିଜା ଆଶିଷଙ୍କୁ ୫ ଲକ୍ଷ ଟଙ୍କା ଦେଇଥିଲେ ଓ ଆଶିଷ ଛତ୍ରପୁର ଅଞ୍ଚଳର ପ୍ରଦ୍ୟୁମ୍ନ ପଲେଇ ପାଖଙ୍କୁ ନେଇ କୋର୍ଟ ପେପରରେ ଏଗ୍ରିମେଣ୍ଟ କରିବା ପାଇଁ କହିବାରୁ ଦୁହେଁ ଛତ୍ରପୁର ଯାଇଥିଲେ।

ଏହା ପରେ ଆଶିଷ ଓ ପ୍ରଦ୍ୟୁମ୍ନ ଦୁହେଁ, ମିଶି ଭୁବନେଶ୍ୱର ଯାଇ ଅନ୍ୟତମ ଠକ ମିହିର ସହ ମିଶାଇ ଥିଲେ ଓ ଖୁବ ଶୀଘ୍ର ନିଯୁକ୍ତି ପତ୍ର ମିଳିବ ବୋଲି ପ୍ରତିଶ୍ରୁତି ଦେଇଥିଲେ। କିନ୍ତୁ ୬ ମାସ ପରେ ସେ ପଚାରିବାରୁ ଉକ୍ତ ଅଭିଯୁକ୍ତମାନେ ମିଛ କଥା କହି ଭଣ୍ଡାଇ ଚାଲିଲେ।

ଏମିତି ବର୍ଷ ପରେ ବର୍ଷ ଗଡ଼ି ଚାଲିଲା ପଛେ ଚାକିରୀର ନାଁ ଗନ୍ଧ ନପାଇ ନିରାଶ ଗିରିଜା ପରିଶେଷରେ ବଡ଼ବଜାର ଥାନାରେ ଅଭିଯୋଗ କରିଥିଲେ। ପୋଲିସ ଅଭିଯୋଗ ଗ୍ରହଣ କରି ସୁଚିନ୍ତିତ ଅନୁସନ୍ଧାନ ଚଳାଇ ଉକ୍ତ ୩ ଅଭିଯୁକ୍ତଙ୍କୁ ଉଠାଇ ଆଣି ଜେରା କରିବା ପରେ ସେମାନଙ୍କ ନିକଟରୁ କିଛି ଜାଲ୍ ନିଯୁକ୍ତ ପତ୍ର,ଏକ ଟଙ୍କା ଗଣିବା ମେସିନ ଓ ଏକ କାର୍ ଜବତ କରିଛି। ଠକ ମାନଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତ କିଛି ମାସ ହେଲା ବିଭିନ୍ନ ପ୍ରକାର ଠକଙ୍କ ପ୍ରଭାବ ବିସ୍ତାର ଯୋଗୁଁ ବହୁତ ନୀରିହ ଲୋକ ସର୍ବସ୍ବାନ୍ତ ହୋଇଛନ୍ତି। କାର୍ଯ୍ୟାନୁଷ୍ଠାନସ୍ୱରୂପ ବିଭିନ୍ନ ଠକ ମାନଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।

ବର୍ତ୍ତମାନ ବିଭିନ୍ନ ସରକାରୀ ଅନୁଷ୍ଠାନରେ ଚାକିରି କରାଇବା ଲୋଭରେ କିଛି ଚତୁର ଠକ ବହୁ ବେରୋଜଗାର ଯୁବକମାନଙ୍କ ଠାରୁ କୋଟି କୋଟି ଟଙ୍କା ଠକି ମଜା ନେଉଥିବାର ଖବର ମିଳୁଛି। ତେବେ ପୋଲିସ ଠକ ମାନଙ୍କୁ ବିଭିନ୍ନ ସ୍ଥାନରୁ କାବୁ କରି ବିଭିନ୍ନ ଦଫାରେ ଗିରଫ କରି କୋର୍ଟ ଚାଲାଣ କରିଛି।

ପୋଲିସ ସୁତ୍ରରୁ ପ୍ରକାଶ ଯେ, ବ୍ରହ୍ମପୁର ସହରର ସନ୍ତୋଷ ସାହୁ ନାମକ ଜଣେ ଯୁବକ ସରକାରୀ ଚାକିରୀ ଅନୁସନ୍ଧାନରେ ଥିବାବେଳେ ଆସ୍କା କାଳଷଣ୍ଢପୁରର ହୃଦୟାନନ୍ଦ ମୁନି ନାମକ ଜଣେ ଯୁବକଙ୍କ ନିକଟରେ ପହଞ୍ଚିଥିଲେ। ସେହି ଯୁବକଙ୍କ ଠାରୁ ହୃଦୟାନନ୍ଦ ମୁନି ରାଜ୍ୟ ସଚିବାଳୟରେ ତୃତୀୟ ଓ ଚତୁର୍ଥ ଶ୍ରେଣୀରେ ଚାକିରି କରାଇବା ପାଇଁ ୩ ଲକ୍ଷ ଟଙ୍କା ଦାବୀ କରିଥିଲେ।

ସନ୍ତୋଷ ଓ ଆଉ କିଛି ବନ୍ଧୁଙ୍କ ଠାରୁ ବହୁ ପରିମାଣର ଟଙ୍କା ଓ ବାୟଡାଟା ସଂଗ୍ରହ କରି ହୃଦୟାନନ୍ଦକୁ ଦେଇଥିଲା। ହୃଦୟାନନ୍ଦ ସମସ୍ତ ବାୟଡାଟା ତା’ର ଅନ୍ୟ ଜଣେ ବନ୍ଧୁ ଜଗଦୀଶ ବେହେରା ନିକଟକୁ ପଠାଇଥିଲା ଓ କିଛି ଦିନ ପରେ ସମସ୍ତ ଚାକିରି ଆଶାୟୀଙ୍କୁ ରାଜଧାନୀ ନିର୍ମାଣ ସୌଧକୁ ନେଇ ଜଗଦୀଶ ସହିତ ସାକ୍ଷାତ କରାଇଥିଲା।

ଜଗଦୀଶ ନିଜକୁ ଜଣେ ବରିଷ୍ଠ ଅଧିକାରୀ ବୋଲି ପରିଚୟ ଦେଇ ସମସ୍ତ ଯୁବକ ଠାରୁ ଶିକ୍ଷାଗତ ଯୋଗ୍ୟତା ପ୍ରମାଣପତ୍ର ସଂଗ୍ରହ କରି ମାତ୍ର କିଛି ଦିନ ମଧ୍ୟରେ ନିଯୁକ୍ତି ପତ୍ର ଇମେଲ ଜରିଆରେ ପହଞ୍ଚିବ ବୋଲି କହିଥିଲା। ଆଉ କିଛି ଦିନ ପରେ ସମସ୍ତ ଆଶାୟୀଙ୍କୁ ୯ ତାଲା କୋଠାକୁ ଡ଼ାକି ଶିଶିର ମିଶ୍ର ନାମକ ଜଣେ ଯୁବକ କ୍ୟାମେରା ଆଗରେ ଛିଡା କରାଇ ସମସ୍ତଙ୍କର ବାୟୋମେଟ୍ରିକ୍ ଭେରିଫିକେଶନ୍ ପରୀକ୍ଷା କରି କିଛି ଦିନ ମଧ୍ୟରେ ସମସ୍ତେ ନିଜ ନିଜ କାର୍ଯ୍ୟରେ ଯୋଗ ଦେବେ ବୋଲି କହି ଠକ ଶିଶିର ପ୍ରତିଶୃତି ଦେଇ ଘରକୁ ପଠାଇ ଦେଇଥିଲା ଓ ପରେ ସମସ୍ତ ଙ୍କୁ ଚାକିରି ନିଯୁକ୍ତି ପତ୍ର ଇମେଲ ଜରିଆରେ ପଠାଇଥିଲା।

ନିଯୁକ୍ତି ପତ୍ର ପାଇ ଯୁବକ ମାନେ ଚାକିରିରେ ଯୋଗଦେବାପାଇଁ ଯାଇ ଉକ୍ତ ଠକମାନଙ୍କୁ ଫୋନ କରିବା ବେଳେ ସମସ୍ତଙ୍କର ଫୋନ ବନ୍ଦ ଥିଲା। ଯୁବକମାନେ ପରେ ଜାଣିବାକୁ ପାଇଲେ ଯେ, ସେମାନେ ପାଇଥିବା ନିଯୁକ୍ତି ପତ୍ର ଜାଲ୍ ଓ ସମସ୍ତେ ଠକାମୀର ଶୀକାର ହୋଇଥିବା ଜାଣିବା ପରେ ସନ୍ତୋଷ ଓ ସମସ୍ତ ବନ୍ଧୁ ମିଶି ହୃଦୟାନନ୍ଦ ଓ ଜଗଦୀଶକୁ ଟଙ୍କା ଫେରାଇବାକୁ କହିଲେ। କିନ୍ତୁ ଉକ୍ତ ଦୁଇ ଠକ ବେରୋଜଗାରୀ ଯୁବକ ମାନଙ୍କୁ ହତ୍ୟାର ଧମକ ଦେଇ ଘଉଡାଇ ଥିଲେ। ଏପରି କି ଅଭିଯୁକ୍ତ ଜଗଦୀଶ ନିଜର ସୁରକ୍ଷା ପାଇଁ ଦରମା ଦେଇ କିଛି ଅଙ୍ଗରକ୍ଷୀ ନିଯୁକ୍ତି ଦେଇଥିଲା।

ପରିଶେଷରେ ଠକାମୀର ଶୀକାର ଯୁବକମାନେ ବୈଦ୍ୟନାଥପୁର ପୋଲିସର ଆଶ୍ରୟ ନେଇଥିଲେ। ବ୍ରହ୍ମପୁର ଏସ୍ ପି ଡଃ ସର୍ବଣ ବିବେକ ଏମ୍ ଘଟଣାକୁ ଗୁରୁତ୍ବ ସହ ଅନୁସନ୍ଧାନ କରି ଏହି କାର୍ଯ୍ୟକ୍ରମରେ ଅଭିଯୁକ୍ତ ହୃଦୟାନନ୍ଦ, ଜଗଦୀଶ, ଶିଶିର ସମେତ ସୁର୍ଯ୍ୟକାନ୍ତ ବେହେରା, ସୁନୀଲ ବେହେରା,ସୁମନ୍ତ ପାତ୍ର, ପ୍ରକାଶ ସେଠୀ, ଚୌହାନ ଯେନା ଓ ସନ୍ତୋଷ ନାୟକ ନାମକ ୯ ଜଣ ଚତୁର ଓ ନବାବୀ ଠକ ମାନଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ଓ ସେମାନଙ୍କ ନିକଟରୁ ବହୁ ଜାଲିଆତି କାଗଜପତ୍ର ସହ ଏକ କାର୍ ଜବତ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋଳନ୍ଥରା ଥାନା ଅର୍ନ୍ତଗତ ଓଡ଼ିଶା ସୀମାନ୍ତ ଗିରିସୋଲା ଛକରେ ବିଭିନ୍ନ ମାଲ୍ ବୋଝେଇ ଟ୍ରକରୁ ବେଆଇନ ଅର୍ଥ ଆଦାୟ ଅଭିଯୋଗ ପାଇ ଗୋଳନ୍ଥରା ପୋଲିସ ସାଧା ପୋଷାକରେ ଚଢ଼ାଉ କରି ୩ ଜଣ ଦଲାଲକୁ କାବୁ କରିଥିଲା। ଦଲାଲ୍ ମାନେ ହେଲେ କେ ବିଜୟ କୁମାର୍, ରବିନ୍ଦ୍ର ସାହୁ ଓ ଭରତ ସାହୁ ପ୍ରମୁଖ ଙ୍କୁ ପୋଲିସ ଥାନାରେ ରଖି ପଚରାଉଚରା କରିବା ବେଳେ ସେମାନେ କଳା କାରନାମାର ଗୁମର ଖୋଲିଥିଲେ। ଯାହାକି ଆଶ୍ଚର୍ଯ୍ୟ ବିଷୟ।

ଉକ୍ତ ଦଲାଲ୍ ମାନେ ଆଗରେ ପରିବହନ ଅଧିକାରୀ ଜଗି ଛନ୍ତି କହି ବିଭିନ୍ନ ଗାଡ଼ି ଦୁଇ ଶହ ଟଙ୍କାରୁ ହଜାର ହଜାର ଟଙ୍କା ଆଦାୟ କରୁଥିଲେ। ଏହି ଆଦାୟ ଅର୍ଥ ଅନ୍ୟ ଦୁଇ ପରିବହନ ଅଧିକାରୀ କେ ଭେଙ୍କଟେଶ ରାଓ ଓ କନିଷ୍ଠ ଏମ୍ ଭି ଆଇ ରତିକାନ୍ତ ନାୟକଙ୍କ ସହ ମିଶି ଭାଗ କରିଥିଲେ। ଏତଦବ୍ୟତୀତ ଜିଲ୍ଲା ପରିବହନ କାର୍ଯ୍ୟାଳୟର ଜଣେ ବରିଷ୍ଠ ଅଧିକାରୀଙ୍କୁ ମଧ୍ୟ ପ୍ରଦାନ କରାଯାଉଥିଲା।

ଏହି ଚଢାଉ ବେଳେ କୌଶଳ କ୍ରମେ ଆଉ ଜଣେ ଖସି ପଳାଇଥିବା ଜଣାପଡିଛି। ବର୍ତ୍ତମାନ ଅଭିଯୁକ୍ତ ୫ ଜଣଙ୍କୁ ଗିରଫ କରାଯାଇଥିବା ବେଳେ ଅନ୍ୟ ଦୁଇ ଜଣକୁ ତଦନ୍ତ ପରିସରଭୁକ୍ତ କରାଯାଇଛି ବୋଲି ବ୍ରହ୍ମପୁର ଏସ୍ ପି ଡଃ ସର୍ବଣ ବିବେକ ଏମ୍ ସାମ୍ବାଦିକ ସମ୍ମିଳନୀରେ ବିବୃତି ରଖିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ଏସ୍ ପି ଡଃ ଶ୍ରବଣ କୁମାର କୌଣସି ସୂତ୍ରରୁ ଖବର ପାଇ ଏକ ଟିମ୍ ଗଠନ କରି ଗୋଟିଏ ନକଲି ମଦ ତିଆରି କାରଖାନାକୁ ଚଢ଼ାଉ କରି ବହୁ ପରିମାଣର ନକଲି ମଦ, ୩୫ ଲିଟର ସ୍ପିରିଟ, ୭୫୦ ଟି ଗ୍ୟାସ୍ ବୋତଲ, ୩ ହଜାରରୁ ଉର୍ଦ୍ଧ୍ବ ଲେବଲ୍ ଓ ଏହା ହଜାରରୁ ଉର୍ଦ୍ଧ୍ବ ବିଭିନ୍ନ କମ୍ପାନୀର ନକଲି ଷ୍ଟିକର ଗୋଟିଏ ଅଟୋ ଓ ପେକିଙ୍ଗ୍ ମେସିନ ଜବତ୍ କରିଥିଲେ। ପ୍ରସ୍ତୁତ କରୁଥିବା ବୁଗୁଡ଼ା ଥାନା ଅନ୍ତର୍ଗତ ଗାନ୍ଧୀ ଗ୍ରାମର ଦୁଇ ଭାଇ ପ୍ରଶାନ୍ତ ଯେନା ଓ ତାରିଣୀ ଯେନାଙ୍କୁ ଘଟଣାସ୍ଥଳରୁ ଉଠାଇ ଆଣିଥିଲେ। ପରିଶେଷରେ ନକଲି ମଦ ତିଆରିର ବଳିଷ୍ଠ ପ୍ରମାଣ ମିଳିବା ପରେ ଉକ୍ତ ଦୁଇ ଭାଇଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି।

ପ୍ରକାଶ ଥାଉକି ବଡ଼ବଜାର ଥାନା ଅନ୍ତର୍ଗତ ଓମ୍ ନଗର ଅଞ୍ଚଳରେ ଏକ ପାଉଁରୁଟି କାରଖାନା ରେ ଉକ୍ତ ଦୁଇ ଭାଇ ନକଲି ମଦ ତିଆରି କରି ଗଞ୍ଜାମ ଜିଲ୍ଲାର ବିଭିନ୍ନ ଗ୍ରାମାଞ୍ଚଳକୁ ଚାଲାଣ କରୁଥିଲେ। ବିଶ୍ୱସ୍ତ ସୂତ୍ରରୁ ଖବର ପାଇ ବ୍ରହ୍ମପୁର ଏସ୍ ପି ଉକ୍ତ କାରଖାନା ଉପରେ ଚଢ଼ାଉ କରି ସଫଳତା ପାଇଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ କିଛି ଦିନ ତଳେ ବ୍ରହ୍ମପୁର ଏସ୍ ପି ସାମ୍ବାଦିକ ସମ୍ମିଳନୀରେ ଜଣାଇଥିବା ନିଷ୍ପତ୍ତି ଅନୁଯାୟୀ ଗୋଷାଣୀ ନୁଆଁଗାଁ ଥାନା ପୋଲିସ୍ ପକ୍ଷରୁ ଅଦାଲତଙ୍କ ନିର୍ଦ୍ଦେଶ ପ୍ରକାରେ ଗତ କାଲି ସମ୍ପତ୍ତି ବାଜ୍ୟାପ୍ତି କାର୍ଯ୍ୟକ୍ରମ ଆରମ୍ଭ ହୋଇଛି। ଏହି ନିଷ୍ପତ୍ତି ଅନୁଯାୟୀ ନେହେରୁ ନଗର ଅଞ୍ଚଳର ହତ୍ୟା ଅଭିଯୁକ୍ତ ଜଣେ ଅପରାଧୀକୁ ୱାରେଣ୍ଟ ଜାରି ସତ୍ୱେ ପୋଲିସକୁ ଧରା ନଦେବା ଫଳରେ ବ୍ରହ୍ମପୁର ଏସ୍ ଡି ପି ଓ, ଗୋଷାଣୀ ନୁଆଁଗାଁ ଥାନା ଅଧିକାରୀ ଓ ଅନ୍ୟାନ୍ୟ କର୍ମଚାରୀଙ୍କ ଉପସ୍ଥିତିରେ ଉକ୍ତ ଅପରାଧୀଙ୍କ ଘରର ବିଭିନ୍ନ ଆସବାବପତ୍ର ପତ୍ର ସହ ଘରକୁ ସିଲ୍ କରିଛନ୍ତି।