Tag: ଭୋପାଳ

ଭୋପାଳ: ମଧ୍ୟପ୍ରଦେଶର ଆଗର ମାଲୱାରେ ନୁପୁର ଶର୍ମାଙ୍କୁ ସମର୍ଥନ ଜଣାଇଥିବା ବଜରଙ୍ଗ ଦଳର ନେତା ଆୟୁଷ ମାଲିଙ୍କ ଉପରକୁ ଆକ୍ରମଣ ମାମଲା ଭୋପାଳରେ ପହଞ୍ଚିଛି। ଏହାକୁ ଗୁରୁତର ସହ ଗ୍ରହଣ କରି ଗୃହମନ୍ତ୍ରୀ ନରୋତ୍ତମ ମିଶ୍ର କହିଛନ୍ତି ଯେ, ଏହି ଆକ୍ରମଣ କରିଥିବା ସମସ୍ତ ଅଭିଯୁକ୍ତଙ୍କ ବିରୋଧରେ ଏଫଆଇଆର ପଞ୍ଜୀକୃତ ହୋଇଛି। ଏଥିମଧ୍ୟରୁ ୮ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ଅବଶିଷ୍ଟ ୫ ଜଣଙ୍କୁ ଆସନ୍ତାକାଲି ଗିରଫ କରାଯିବ।

ଗୃହମନ୍ତ୍ରୀଙ୍କ କହିବାନୁସାରେ, ମଧ୍ୟପ୍ରଦେଶ ଏକ ଶାନ୍ତି ରାଜ୍ୟ ଏବଂ ଏଠାରେ ଶାନ୍ତି ଭଙ୍ଗ କରିବାକୁ କାହାକୁ ଅନୁମତି ଦିଆଯିବ ନାହିଁ। କେବଳ ଏତିକି ନୁହେଁ, ଏହି ମାମଲାରେ ନିଆଯାଇଥିବା କାର୍ଯ୍ୟ ସମ୍ପର୍କରେ ସୂଚନା ଦେବାବେଳେ ଗୃହମନ୍ତ୍ରୀ କହିଛନ୍ତି ଯେ, ଧାରା ୩୦୭ଅନୁଯାୟୀ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ ହୋଇଛି।

ଏଥିସହ ଆକ୍ରମଣ କରିଥିବା ଅଭିଯୁକ୍ତଙ୍କ ବିରୋଧରେ ବୁଲଡୋଜର ଚଳାଇବାକୁ ମଧ୍ୟ ପ୍ରସ୍ତୁତି ଚାଲିଛି। ଗିରଫ ହୋଇଥିବା ୮ ଅଭିଯୁକ୍ତଙ୍କ ଘରେ ବୁଲଡୋଜର ଚଲାଯିବ। ଏ ସମ୍ପର୍କରେ ସୂଚନା ଦେଇ ନରୋତ୍ତମ ମିଶ୍ର କହିଛନ୍ତି ଯେ, ଏ ସମ୍ପର୍କରେ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି। ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଭୋପାଳ: ମଧ୍ୟପ୍ରଦେଶର ରାଜଧାନୀ ଭୋପାଳରେ ଗୁପ୍ତଚର ଏଜେନ୍ସି ଆତଙ୍କବାଦୀଙ୍କ ଏକ ବଡ଼ ଯୋଜନା ପଣ୍ଡ କରିଦେଇଛି। ସନ୍ଦିଗ୍ଧ ଆତଙ୍କବାଦୀମାନେ ପୁରୁଣା ସହରର ଏଶବାଗ ପୋଲିସ ଷ୍ଟେସନଠାରୁ ୨୦୦ ମିଟର ଦୂରରେ ଫାତିମା ମସଜିଦ ନିକଟ ଏକ କୋଠାରେ ଭଡା ଘରେ ରହୁଥିଲେ। ଗୁପ୍ତଚର ଏଜେନ୍ସି ଏହି ଅପରେସନ୍ ଚଳାଇ ସନ୍ଦିଗ୍ଧ ୬ ଆତଙ୍କବାଦୀଙ୍କୁ ଗିରଫ କରିଛି। ଏହି ବିଲଡିଂରୁ ଅନେକ ଧାର୍ମିକ ପୁସ୍ତକ, ଏକ ଡଜନରୁ ଅଧିକ ଲାପଟପ୍ ଜବତ କରାଯାଇଛି। ଏହା ସହିତ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଏବଂ ଅସ୍ତ୍ରଶସ୍ତ୍ର ମଧ୍ୟ ଜବତ କରାଯାଇଛି।