ଭୁବନେଶ୍ବର, ଏଣିକି ଛାତ୍ରଛାତ୍ରୀଙ୍କୁ ମଧ୍ୟାହ୍ନ ଭୋଜନରେ ଛତୁ ଏ ମହୁ ପ୍ରଦାନ କରାଯିବ। ଏନେଇ କେନ୍ଦ୍ର ସରକାର ରାଜ୍ୟଗୁଡିକର ପରାମର୍ଶ ମାଗିଛନ୍ତି। ଗବେଷଣାରୁ ଜଣାପଡିଛି ଯେ, ମହୁ ଓ ଛତୁ ରୋଗ ପ୍ରତିରୋଧକ ଶକ୍ତି ଯୋଗାଇବାରେ ସାହାର୍ଯ୍ୟ କରିଥାଏ। ବର୍ତ୍ତମାନ କୋଭିଡ19 ସମୟରେ ଏହା ଛାତ୍ରଛାତ୍ରୀଙ୍କ ପାଇଁ ନିହାତି ଅବଶ୍ୟକ। ସେଥାପଇଁ ଛାତ୍ରାଛାତ୍ରୀଙ୍କୁ ଏହା ପ୍ରଦାନ କରିବା ପାଇଁ ପ୍ରସ୍ତାବ ଦିଆଯାଇଛି। ମଧ୍ୟାହ୍ନ ଭୋଜନ ସହ ଏହାକୁ ଆଇସିଡିଏସ ବା ସମନ୍ବିତ ଶିଶୁ ବିକାଶ ଯୋଜନାରେ ମଧ୍ୟ ସାମିଲ କରାଯିବ।
କେନ୍ଦ୍ର କୃଷି ଓ କୃଷକ କଲ୍ୟାଣ ରାଷ୍ଟ୍ରମନ୍ତ୍ରୀ କୈଳାଶ ଚୌଧୁରୀ ଏହି ପ୍ରସ୍ତାବ ଦେଇଥିବା ବେଳେ ଶିକ୍ଷା ରାଷ୍ଟ୍ରମନ୍ତ୍ରୀ ସଞ୍ଜୟ ଧୋତ୍ରେ ମଧ୍ୟ ଏହାକୁ ସମର୍ଥନ କରିଛନ୍ତି। କେତେକ ରାଜ୍ୟ ମଧ୍ୟ ଏହାକୁ ସମର୍ଥନ କରୁଥିବାର ଜଣାପଡିଛି।