Categories
ଜାତୀୟ ଖବର ନିର୍ବାଚନ ଖବର ବିଶେଷ ଖବର ରାଜ୍ୟ ଖବର

ନବୀନ ନିବାସ ଘେରାଉ କଲା ଯୁବ କଂଗ୍ରେସ, ରାଜମହଲ ଛକରେ ପୋଲିସ ସହ ଧସ୍ତାଧସ୍ତି 

ଭୁବନେଶ୍ୱର: ଆଜି ପ୍ରଦେଶ ଯୁବ କଂଗ୍ରେସ ପକ୍ଷରୁ ସଭାପତି ଶ୍ରୀ ରଞ୍ଜିତ ପାତ୍ରଙ୍କ ନେତୃତ୍ୱରେ ମାଷ୍ଟର କ୍ୟାଂଟିନ ଛକରେ ‘ନବୀନ ହଟାଅ ଓଡ଼ିଶା ବଂଚାଅ’ ବିକ୍ଷୋଭ କରାଯାଇଥିଲା। ଏକ ର‌୍ୟାଲିରେ ଯାଇ ସେମାନେ ଏହି ଘେରାଉ କରିଥିଲେ।

ଏହି କାର୍ଯ୍ୟକ୍ରମରେ ଅଖିଳ ଭାରତ ଯୁବ କଂଗ୍ରେସର ରାଷ୍ଟ୍ରୀୟ ସଭାପତି ଶ୍ରୀ ବିଭି ଶ୍ରୀନିବାସ  ଯୋଗ ଦେଇଥିଲେ। ସେ ମାଷ୍ଟର କ୍ୟାଂଟିନ ଛକରେ ‘ନବୀନ ହଟାଅ, ଓଡ଼ିଶା ବଂଚାଅ’ ସମାବେଶରେ ଉଦ୍‌ବୋଧନ ଦେଇ କହିଥିଲେ ଯେ କେନ୍ଦ୍ରରେ ଓ ଓଡ଼ିଶାରେ ରାଙ୍ଗାବିଲ୍ଲାର ସରକାର ଚାଲିଛି। ଶ୍ରୀନିବାସ ଓଡ଼ିଶାରେ ‘ନବୀନ-ମୋଦୀ’ଙ୍କର ସରକାର ଚାଲିଛି ବୋଲି କହିଥିଲେ।

ପ୍ରଦେଶ ଯୁବ କଂଗ୍ରେସ ସଭାପତି ଶ୍ରୀ ରଞ୍ଜିତ ପାତ୍ର କହିଥିଲେ ଯେ ନବୀନ ସରକାର ଓଡ଼ିଶାର ଯୁବକମାନଙ୍କର ଶତ୍ରୁ । କାରଣ ଦୀର୍ଘ ୨୪ ବର୍ଷ ଶାସନରେ ସେ ଯୁବକମାନଙ୍କର ସ୍ୱାର୍ଥ ପ୍ରତି ନିଘା ଦେଇନାହାନ୍ତି। ୨୦୧୯-ନିର୍ବାଚନ ପୂର୍ବରୁ ବିଜୁ ଯୁବବାହିନ ଘୋଷଣା କଲେ ଏବେ ବିଜୁ ଯୁବ ବାହିନୀ ବନ୍ଦ ହୋଇଛି । ସେହିପରି ଯୁବ ଭୋଟରଙ୍କୁ ହାତେଇବା ପାଇଁ ଯେଉଁ ‘ସ୍ୱୟଂ’ ଯୋଜନା ହୋଇଛି ୨୦୨୪ ନିର୍ବାଚନ ପରେ ସେ ଯୋଜନା ଆଉ ନଥିବ ବୋଲି ଅଭିଯୋଗ କରାଯାଇଥିଲା।

ଏଥିରେ ପ୍ରଦେଶ ଯୁବ କଂଗ୍ରେସ ସଭାପତି ଓ ଅନ୍ୟମାନେ ନବୀନ ନିବାସ ଘେରାଉ କରିବା ପାଇଁ ନବୀନ ନିବାସ ଅଭିମୁଖେ ଯାଉଥିବାବେଳେ ରାଜମହଲ ଛକ ଠାରେ ପୁଲିସ ସହ ଯୁବ କଂଗ୍ରେସ କର୍ମକର୍ତା ଓ କର୍ମୀମାନଙ୍କ ସହ ଧସ୍ତାଧସ୍ତି ହୋଇଥିଲା। ବହୁ ଯୁବ କଂଗ୍ରେସ କର୍ମୀ ଓ କର୍ମକର୍ତା ଗିରଫ ହୋଇଥିଲା। ଏହି କାର୍ଯ୍ୟକ୍ରମରେ ପୂର୍ବତନ ପିସିସି ସଭାପତି ଜୟଦେବ ଜେନା, ବିଧାୟକ ତାରାପ୍ରସାଦ ବାହିନିପତି, ସୁରେଶ କୁମାର ରାଉତରାୟ, ବିଜୟ ପଟ୍ଟନାୟକ, ମାନସ ଚୌଧୁରୀ, ଶିବାନନ୍ଦ ରାୟ, ବିଶ୍ୱଜିତ ଦାସ, ୟାସିର ନୱାଜ, ପ୍ରକାଶ ମିଶ୍ର, ମନୋଜ ବିଶ୍ୱାଳ, ଆଲୋକ ଲେଙ୍କା ଥିଲେ।

ସେହିପରି ସିଦ୍ଧାର୍ଥ ସ୍ୱରୂପ ଦାସ, ଅଜୟ ସାହୁ, ସୁଦୀପ ସାମଲ, ନିହାର ରଞ୍ଜନ ବେହେରା, ଗୋପନ ମାର୍ଥା, ମହମ୍ମଦ ଗୁଲ୍‌ଫାମ୍‌, ଅଭିଜିତ୍ ଜେନା, ସ୍ୱାଗତ କର, ଅମ୍ରେଶ ପରିଡ଼ା, ପ୍ରିୟବ୍ରତ ସାହୁ, ବିରଂଚି ବାରିକ, କୃଷ୍ଣଚନ୍ଦ୍ର ମହାନ୍ତି, କେଦାର ଦଳେଇ, ତପନ କାଣ୍ଡି, ଉଦିତ୍ ପ୍ରଧାନ, ସମ୍ରାଟ ଜେନା, ରଞ୍ଜନ କୁମାର ଦାସ, ଆଲୋକ କୁମାର ଦାସ, ହେମନ୍ତ ମହାପାତ୍ର, ସୁରଜ ରାଉତ, ଶୁଭମ ଦାସ, ଶିଳ୍ପୀଶ୍ରୀ ହରିଚନ୍ଦନ, ସୋନୁ ଶ୍ରୀବାସ୍ତବ, ବନୀତା ଦାସ, ଭାଗ୍ୟଶ୍ରୀ ମହାନ୍ତି, ଶ୍ରୀୟାସ୍ମିତା ପଣ୍ଡା, ଅନନ୍ତ ସାମନ୍ତରାୟ, ରଞ୍ଜିତ ସେନାପତି, ସ୍ପନ୍ଦନ ସ୍ୱାଇଁ, ସୁଶ୍ରୀ ବେହେରା, ଆର୍ଯ୍ୟାନ ସାସମଲ ଓ ସନ୍ଦିପ ସାମନ୍ତରାୟ ଙ୍କ ସହ ଓଡ଼ିଶାର ସମସ୍ତ ଜିଲ୍ଲା ଯୁବ କଂଗ୍ରେସ ସଭାପତି ଏବଂ କର୍ମକର୍ତାମାନେ ଯୋଗ ଦେଇଥିଲେ ।

Categories
ଆଜିର ଖବର ରାଜ୍ୟ ଖବର

ନବନିଯୁକ୍ତ ପ୍ରଦେଶ ଯୁବ କଂଗ୍ରେସ ସଭାପତି ରଣଜିତ ପାତ୍ରଙ୍କୁ ସ୍ବାଗତ, ଶୋଭାଯାତ୍ରାରେ ସହର ପରିକ୍ରମା

ଭୁବନେଶ୍ୱର: ଆଜି ପ୍ରଦେଶ ଯୁବ କଂଗ୍ରେସର ନିବନିଯୁକ୍ତ ସଭାପତି ଶ୍ରୀ ରଣଜିତ ପାତ୍ର ଦିଲ୍ଲୀରୁ ଆସି ଭୁବନେଶ୍ୱର ବିମାନ ବନ୍ଦରରେ ପଂହଚିବାପରେ ପ୍ରଦେଶ ଯୁବ କଂଗ୍ରେସ ପକ୍ଷରୁ ବିମାନ ବନ୍ଦର ଠାରେ ତାଙ୍କୁ ବିପୁଳ ସ୍ୱାଗତ ସମ୍ବନ୍ଧନା ଦିଆଯାଇଥିଲା। ବିମାନ ବନ୍ଦର ଠାରୁ ଏକ ବିଶାଳ ମୋଟର ସାଇକେଲ ଶୋଭାଯାତ୍ରାରେ ଶ୍ରୀ ପାତ୍ରଙ୍କୁ ପ୍ରଦେଶ କଂଗ୍ରେସ କାର୍ଯ୍ୟାଳୟ ପର୍ଯ୍ୟନ୍ତ ଅଣାଯାଇଥିଲା।

ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଶ୍ରୀ ପାତ୍ରଙ୍କୁ ପିସିସି ସଭାପତି ଶ୍ରୀ ଶରତ ପଟ୍ଟନାୟକ, ପୂର୍ବତନ ପିସିସି ସଭାପତି ଶ୍ରୀ ନିରଞ୍ଜନ ପଟ୍ଟନାୟକ, ଶ୍ରୀ ଜୟଦେବ ଜେନା, ଶ୍ରୀ ପ୍ରସାଦ ହରିଚନ୍ଦନ, ବିଧାୟକ ଶ୍ରୀ ସୁରେଶ କୁମାର ରାଉତରାୟ, ପିିସିିସି ବରିଷ୍ଠ ଉପସଭାପତି ଶ୍ରୀ ଶିବାନନ୍ଦ ରାୟ, କଟକ ଜିଲ୍ଲା କଂଗ୍ରେସ ସଭାପତି ଶ୍ରୀ ମାନସ ଚୌଧୁରୀ ଏବଂ ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ଶ୍ରୀ ବିଶ୍ୱଜିତ ଦାଶ, ଦେବାଶଷ ପଟ୍ଟନାୟକ, ପ୍ରଦେଶ ଛାତ୍ର କଂଗ୍ରେସ ସଭାପତି ୟାସିର ନୱାଜ ପ୍ରମୁଖ ଶ୍ରୀ ପାତ୍ରଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଥିଲେ।

ଯୁବ କଂଗ୍ରେସ ଆଗାମୀ ଦିନରେ ଓଡ଼ିଶାର ବେକାର ଯୁବକ ଯୁବତୀଙ୍କର ସଂଗ୍ରାମକୁ ତୀବ୍ରତର କରିବେ। ନବୀନ ଓ ମୋଦି ସରକାରଙ୍କର ଦୁର୍ନୀତି ଓ ଭ୍ରଷ୍ଟାଚାର ବିରୁଦ୍ଧରେ ଏବଂ ବେକାର ଯୁବକ ଯବୁତୀମାନଙ୍କ ପ୍ରତି ହେଉଥିବା ଅବିଚାର ବିରୁଦ୍ଧରେ ତୃଣମୂଳ ସ୍ତରରୁ ଆନ୍ଦୋଳନ କରିବ। ଯୁବ କଂଗ୍ରେସର ଆହ୍ୱାନ ହେଉଛି “ନିଯୁକ୍ତି ଦିଅ ନହେଲେ ଗାଦି ଛାଡ” ବୋଲି ସେ କହିଥିଲେ।

Categories
ଆଜିର ଖବର ରାଜ୍ୟ ଖବର

ବିଭିନ୍ନ ସମସ୍ୟାର ସମାଧାନ ପାଇଁ କଳାହାଣ୍ଡି ଜିଲ୍ଲାପାଳଙ୍କୁ ଯୁବ କଂଗ୍ରେସର ଦାବି ପତ୍ର

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ସାମ୍ପ୍ରତିକ ପରିସ୍ଥିତିରେ ଜୁନାଗଡ ବ୍ଲକ ରେ ନିର୍ଦ୍ଧିଷ୍ଟ ଗୋଷ୍ଠୀ କୁ ପ୍ରାଧାନ୍ୟ ଦିଆଯାଇ ପ୍ରବଳ ପିସି କାରବାର କରାଯାଇ ନିମ୍ନ ମାନର କାର୍ଯ୍ୟ କରାଯାଉଥିବା ସହିତ ମଣ୍ଡିରେ ଚାଷୀ ହଇରାଣ ହେଉଥିବା ଆଦି ବିଭିନ୍ନ ସମସ୍ୟାଗୁଡିକର ତୁରନ୍ତ ସମାଧାନ ପାଇଁ କଳାହାଣ୍ଡି ଜିଲ୍ଲାପାଳଙ୍କୁ ଜିଲ୍ଲା ଯୁବ କଂଗ୍ରେସ ତରଫରୁ ଦାବିପତ୍ର ଦିଆଯାଇଛି। ଜିଲ୍ଲା ଯୁବ କଂଗ୍ରେସ ସଭାପତି ସାଉଲ ମଙ୍ଗରାଜ ଓ ଜିଲ୍ଲା କାର୍ଯ୍ୟକର୍ତ୍ତା ପ୍ରଭାତ ଦାସ ଙ୍କ ନେତୃତ୍ବ ରେ ଶତାଧିକ ଯୁବ କଂଗ୍ରେସ କର୍ମୀ ଜୁନାଗଡ କଲ୍ୟାଣ ମଣ୍ଡପ ରୁ ବାହାରି ସହର ପରିକ୍ରମା କରିବା ସହିତ ଜୁନାଗଡ ବ୍ଲକ ପରିସରକୁ ପହଞ୍ଚିଥିଲେ। ସେଠାରେ କଳାହାଣ୍ଡି ଜିଲ୍ଲାପାଳଙ୍କ ଉଦ୍ଦେଶ୍ୟରେ ବକ ନଅ ଦଫା ଦାବିପତ୍ର ଜୁନାଗଡ ବି ଡି ଓ ଙ୍କୁ ଦାଖଲ କରିଥିଲେ।

ଇନ୍ଦ୍ରାବତୀ ଡାହାଣ ମୁଖ୍ୟ କେନାଲ ର ମରାମତି ନାମରେ ପ୍ରଚୁର ଦୂନର୍ନିଟି ହେବ ସହ ଚାଷୀଙ୍କୁ ଜଳ ଯୋଗାଣ ବନ୍ଦ ରଖାଯାଇ ଅଯଥା କ୍ଷତି ରେ ପକାଯାଉଥିବା ହେତୁ ତୁରନ୍ତ ଜଳଯୋଗାଣ ଚାଲୁ କରିବାକୁ ଦାବି ପତ୍ରରେ ଉଲ୍ଲେଖ କରାଯାଇଥିବା ବେଳେ ମଣ୍ଡିରେ ଚାଷୀଙ୍କ କଷ୍ଟ ଉପାର୍ଜିତ ଧାନକୁ ମିଲର୍ସ ମାନଙ୍କ ମର୍ଜି ଅନୁସାରେ କ୍ଵିଣ୍ଟାଲ ପିଛା ପାଞ୍ଚ କେଜିରୁ ସାତ କେଜି ଅଧିକ ନେଉଥିବା ବିଷଯ ଯାହାକୁ କଟନୀ ଛଟଣି ବୋଲି କୁହାଯାଉଛି ସେହି କଟନୀ ଛଟନି କୁ ବନ୍ଦ କରିବାକୁ ଏବଂ ଚାଷୀଙ୍କୁ ଅଗ୍ରୀମ ବସ୍ତା ଯୋଗାଣ କରାଯାଇ ଶୀଘ୍ର ଧାନ ଉଠାଣ କରିବାକୁ ଦାବି କରାଯାଇଛି।

ସେହିପରି ଜୁନାଗଡ ବ୍ଲକରେ ଯନ୍ତ୍ରୀ ତଥା ଗ୍ରାମ ପଂଚାୟତ ର ପି ଇ ଓ ମାନେ ଭାଗୁଆଳିରେ ଉନ୍ନୟନ ମୂଳକ କାମ କରିବା ସହିତ ଅଧିକ ପିସି ନେଉଥିବା ଏବଂ ନିମ୍ନ ମାନ ର କାର୍ଯ୍ୟ କରାଯାଉଥିବା ହେତୁ ସେସବୁ କୁ ବନ୍ଦ କରାଯିବାକୁ ଦାବି କରାଯାଇଛି। ବ୍ଲକ ରେ ହେଉଥିବା କାର୍ଯ୍ୟା ଗୁଡିକ ଟେଣ୍ଡର ମାଧ୍ୟମରେ କରାଯିବାକୁ ମଧ୍ୟ ଦାବି କରାଯାଇଛି। କ୍ଷତିଗ୍ରସ୍ତ ମୁଗ ଚାଷୀଙ୍କୁ ବୀମା ରାଶି ପ୍ରଦାନ କରାଯିବା ପାଇଁ ମଧ୍ୟ ଦାବି ରହିଛି।

ଯୁବ କଂଗ୍ରେସର ଏହି କାର୍ଯ୍ୟକ୍ରମରେ ଜାତୀୟ ଯୁବ କଂଗ୍ରେସ ସାଧାରଣ ସମ୍ପାଦକ ମିଳିନ୍ଦ ଗୌତମ, କଳାହାଣ୍ଡି ଜିଲ୍ଲା ପ୍ରଭାରି ବିଶ୍ବଜିତ ଲେଙ୍କା, ନବରଙ୍ଗପୁର ଜିଲ୍ଲା ସଭାପତି ଦ୍ଵାରିକା ମହାପାତ୍ର, ଜୁନାଗଡ ନଗର ସଭାପତି ଅମିତ ଅଗ୍ରୱାଲ ଙ୍କ ସମେତ ଅନେକ କାର୍ଯ୍ୟକର୍ତ୍ତା ଙ୍କ ସହିତ ଶତାଧିକ କର୍ମୀ ଉପସ୍ଥିତ ଥିଲେ।

Categories
ବିଶେଷ ଖବର ରାଜ୍ୟ ଖବର

ଶାନ୍ତି ପ୍ରିୟ ରାଜ୍ୟରେ ନିଆଁଲଗା ରାଜନୀତି, ସ୍ଥିତି ଜାହିର ପାଇଁ ବିରୋଧୀ ଦଳର ହୀନ ପ୍ରୟାସ

ଭୁବନେଶ୍ବର: ବର୍ତ୍ତମାନ ଓଡିଶାରେ ଚାଲିଛି ନିଆଁଲଗା ରାଜନୀତି। ଆଉ ଏହି ରାଜନୀତିର ଅନୁଭବ ଭୁବନେଶ୍ବରରେ ହେଉଛି ସର୍ବାଧିକ। କାରଣ ହେଲା ବିଧାନସଭା ଚାଲିଥିବାରୁ ବିରୋଧୀ ଦଳ ନିଜର ସ୍ଥିତି ଜାହିର କରିବା ପାଇଁ ବର୍ତ୍ତମାନ ଚଲାଇଛନ୍ତି ହୀନ ପ୍ରୟାସ। ଗଣମାଧ୍ୟମରେ ଲୋକଙ୍କ ଦୃଷ୍ଟି ଆକର୍ଷଣ କରିବା ପାଇଁ ଉଭୟ ବିଜେପି ଆଉ କଂଗ୍ରେସ ମଧ୍ୟରେ ଚାଲିଛି ଏକ ପ୍ରତିଯୋଗୀତା। କିଏ କେତେ ଗଣ୍ଡଗୋଳ କରି, ରକ୍ତାତ ହୋଇ ଲୋକଙ୍କ ପ୍ରିୟଭାଜନ ହୋଇପାରିବ ସେଥିପାଇଁ ଚାଲିଛି ନାଟକ।

ତେବେ ଏ ସବୁ ନାଟ କରିବାର ମୁଖ୍ୟ ଉଦ୍ଦେଶ୍ୟ ହେଉଛି ଆଗାମୀ ପଞ୍ଚାୟତ ନିର୍ବାଚନ। ବର୍ତ୍ତମାନ ଓଡିଶାର ରାଜନୈତିକ ସ୍ଥିତି ଯାହା ସେଥିରେ ବିଜେଡିକୁ ଛାଡିଦେଲେ ବିଜେପି ଓ କଂଗ୍ରେସର ସ୍ଥିତି ମଜବୁତ ନାହିଁ। ଭଲରେ ହେଉ କି ଭେଲରେ, ସେମାନେ ଚର୍ଚ୍ଚାରେ ରହିବା ପାଇଁ ଦିନରାତି ଲାଗିପଡିଛନ୍ତି। ରାଜଧାନୀ ଛାତିରେ ହାଙ୍ଗାମା କଲେ ଗାଁ ଗଣ୍ଡାରେ ତାଙ୍କର ମାରପିଟକୁ ନେଇ ଆଲୋଚନା ହେବ। ଫଳରେ ଲୋକେ ବିଜେଡିକୁ ଭୁଲିଯାଇ ତାଙ୍କ ପ୍ରତି ଆକର୍ଷିତ ହେବେ। ଏହି ଧାରଣ ବିରୋଧୀ ଦଳର ନେତାମାନଙ୍କର ରହିଛି।

ଏବେ ନୁହେଁ ଗତ 2019 ନିର୍ବାଚନରେ ମଧ୍ୟ ଏପରି ନିଆଁଲଗା ରାଜନୀତିକୁ ଲୋକମାନେ ପ୍ରତ୍ୟାଖାନ କରିଛନ୍ତି। ପ୍ରାୟତଃ 2014 ପରଠାରୁ ଶାନ୍ତିପ୍ରିୟ ଓଡିଶା ଲୋକେ ବିରୋଧୀଙ୍କୁ ଏଇଥିପାଇଁ ବାରମ୍ବାର ପ୍ରତ୍ୟାଖାନ କରିବାରେ ଲାଗିଛନ୍ତି। ତଥାପି ବିରୋଧୀଙ୍କ ମୁଣ୍ଡରେ ଚିନ୍ତା ପଶୁ ନାହିଁ। ସେମାନଙ୍କ ରଣନୀତିରେ କରିପାରୁ ନାହାଁନ୍ତି ପରିବର୍ତ୍ତନ। ଅନେକ ବିରୋଧୀ ନେତା ଏସବୁକୁ ହୃଦୟର ସହ ପସନ୍ଦ କରୁ ନ ଥିଲେ ମଧ୍ୟ ଦଳର ମୁଖିଆଙ୍କ ନିର୍ଦ୍ଦେଶ। ତାଙ୍କ ନିର୍ଦ୍ଦେଶ ମାନି କାମ କରିବାକୁ ପଡିବ।

ରାଜରାସ୍ତାରେ ଯେତେ ଉତପାତ୍ ହେବେ ମୁଖିଆ ସେତେ ଖୁସି ହେବେ। ମୁଖିଆ ଯେତେ ଖୁସି ହେଲେ ତାଙ୍କୁ ସେତିକି ଭଲ ପଦବୀ ମିଳିବ। ତେଣୁ ମୁଖିଆଙ୍କ ଗୋଟିଏ ଫୋନ କଲରେ ସେମାନେ ରାଜରାସ୍ତାକୁ ଓହ୍ଲାଇ ଜିନ୍ଦାବାଦ ମୁର୍ଦ୍ଦାବାଦ କରିବାକୁ ଆଗ୍ରହ ପ୍ରକାଶ କରିବାରେ ଲାଗିଛନ୍ତି। ପୋଲିସକୁ ବାଡେଇବାକୁ ପଛଘୁଞ୍ଚା ଦେଉ ନାହାଁନ୍ତି। ପୋଲିସ ଗାଡି ପୋଡିବାକୁ ମଧ୍ୟ ସେମାନେ ହୀନ ଉଦ୍ୟମ କରିବାରେ ଲାଗିଛନ୍ତି।

ବିଲେଇ ମୁଣ୍ଡ ଉପରେ ଶିକା ଛିଣ୍ଡିବା ପରି ପଞ୍ଚାୟତ ନିର୍ବାଚନ ପାଖେଇବା ବେଳକୁ ଆସିଯାଇଛି ମମିତା ମେହେର ହତ୍ୟାକାଣ୍ଡ। ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ରାଜନୀତି। ବିରୋଧୀଙ୍କୁ ରାଜନୀତି କରିବା ପାଇଁ ଏକ ବଡ ଅସ୍ତ୍ର ମିଳିଯାଇଛି। ଏହି ଘଟଣାକୁ ନେଇ ବିଜେପି ଓ କଂଗ୍ରେସ ତରଫରୁ ଦୀର୍ଘ ଦିନ ଧରି ଆନ୍ଦୋଳନ, ବିକ୍ଷୋଭ, ଘେରାଉ ହେବାରେ ଲାଗିଛି। ବିଧାନାସଭାରେ ହୁଲୁସ୍ତୁଲ ମଧ୍ୟ କରିଛନ୍ତି। ସେଥିରେ ମଧ୍ୟ ସେମାନେ ସନ୍ତୁଷ୍ଠ ହେଲେ ନାହିଁ। ଫଳରେ ଉଭୟ ଦଳ ଯୁବ ଆଉ ଛାତ୍ର ଗୋଷ୍ଠୀଙ୍କୁ ଛିନ୍ନଛତ୍ର କରିବା ପାଇଁ ଲଗାଇ ଦେଲେ। ଟୋକା ନେତା, ରାଜରାସ୍ତାରେ ଦୁମଦୁମ କରିଦେବେ। ତାହା ହିଁ ହେଲା। ଯୁବଛାତ୍ର ନେତାମାନେ ହନୁମାନଙ୍କ ଲଙ୍କାକାଣ୍ଡ ପରି ବିଭିନ୍ନ କାଣ୍ଡ ସୃଷ୍ଟି କଲେ।

ହେଲେ ବିଡମ୍ବନାର ବିଷୟ ଯେ, ଆନ୍ଦୋଳନ ସରିବା ପରେ ଦଳର ଲାଭ ହେଲା ନା କ୍ଷତି, ତାହାର ହିସାବ କେହି ରଖନ୍ତି ନାହିଁ। ଛିନଛତ୍ର କରିବା ପରେ ମୁଖିଆ ଯଦି ଫୋନ କରି ଧନ୍ୟବାଦଟିଏ ଦେଇଦେଲେ ତେବେ ତାହା ହିଁ ହେଉଛି ପଦ୍ମଶ୍ରୀ ପୁରସ୍କାର। କିନ୍ତୁ ସେମାନେ କେହି ବି ଭାବନ୍ତି ନାହିଁ ଯେ ଓଡିଶାର ଲୋକେ କୌଣସି ନିଆଁଲଗା ରାଜନୀତିକୁ ପସନ୍ଦ କରନ୍ତି ନାହିଁ।

ରାଜନୈତିକ ଦଳଗୁଡିକ ଜାଣିରଖିବା ଉଚିତ ଯେ, ଓଡିଶାର ଲୋକେ କେବଳ ଶାନ୍ତିପ୍ରିୟ ରାଜନୀତିକୁ ଅଧିକ ପସନ୍ଦ କରନ୍ତି। ଯାହାକୁ ଭଲଭାବରେ ହୃଦୟଙ୍ଗମ କରିଛି ବିଜେଡି ଆଉ ତାଙ୍କ ନେତା ନବୀନ ପଟ୍ଟନାୟକ। ବିଜେଡିର ରଣନୀତି ଆଗରେ ବିରୋଧୀ ଦଳଗୁଡିକ କେବଳ ଲୋକହସା ହେବାରେ ଲାଗିଛନ୍ତି। ବାରମ୍ବାର ନିର୍ବାଚନ ହାରିବାରେ ଲାଗିଛନ୍ତି। ଅନ୍ୟପକ୍ଷରେ ବିରୋଧୀଙ୍କ ଏହି ନିଆଁଲଗା ରାଜନୀତି, ବିଜେଡିକୁ ଆହୁରି ସୁଦୃଢ ହେବା ପାଇଁ ରାସ୍ତା ସ୍ବଚ୍ଛ କରିବାରେ ଲାଗିଛି। ଯେ ପର୍ଯ୍ୟନ୍ତ ଓଡିଶାରେ ବିରୋଧୀ ଦଳ ଶାନ୍ତିପ୍ରିୟ ରାଜନୀତି ନ କରିଛନ୍ତି ସେ ପର୍ଯ୍ୟନ୍ତ ସେମାନଙ୍କ ପାଇଁ ହାରିବା ହିଁ ଶ୍ରେୟ ହେବ।

Categories
ବିଶେଷ ଖବର ରାଜ୍ୟ ଖବର

ସଂଗ୍ରାମ ଜେନାଙ୍କ ପାର୍ଥିବ ଶରୀରକୁ କଂଗ୍ରେସ ଭବନରେ ଶେଷ ଦର୍ଶନ, ପିସିସି ପକ୍ଷରୁ ଶୋକସଭା

ଭୁବନେଶ୍ୱର, ପୂର୍ବତନ ଯୁବ କଂଗ୍ରେସ ସଭାପତି ତଥା ଟାଣୁଆ ସଂଗଠକ ସଂଗ୍ରାମ କେଶରୀ ଜେନା (ବାପି) ଙ୍କ ମରଶରୀର କଂଗ୍ରେସ ଭବନରେ ଶେଷ ଦର୍ଶନ ପାଇଁ ଅଣାଯାଇଥିଲା। ଭୁବନେଶ୍ବରର ବିମାନ ବନ୍ଦରରେ ତାଙ୍କ ପାର୍ଥିବ ଶରୀରକୁ ଏକ ଶୋଭାଯାତ୍ରାରେ କଂଗ୍ରେସ ଭବନ ଅଣାଯାଇଥିଲା।

ସେଠାରେ ସଭାପତି ନିରଂଜନ ପଟ୍ଟନାୟକ, ବିଧାୟକ ସୁରେଶ ରାଉତରାୟ ପ୍ରମୁଖ ବହୁ ନେତା ଶେଷ ଦର୍ଶନ କରିଥିଲେ। ଏହାପରେ ତାଙ୍କ ମର ଶରୀରକୁ ତାଙ୍କର ଭୁବନେଶ୍ବରସ୍ଥିତ ସୂର୍ଯ୍ୟନଗରରେ ଶେଷ ଦର୍ଶନ ପାଇଁ ରଖାଯିବ। ଏହାପରେ ଆସନ୍ତାକାଲି ତାଙ୍କର ଗାଁ ଆନନ୍ଦପୁରକୁ ନିଆଯାଇ ସେଠାରେ ଶେଷକୃତ୍ୟ ସଂପର୍ଣ୍ଣ କରାଯିବ।

ତାଙ୍କ ବିୟୋଗରେ ଆଜି ପ୍ରଦେଶ କଂଗ୍ରେସ ପକ୍ଷରୁ ଏକ ଶୋକ ସଭାରେ ଆୟୋଜନ କରାଯାଇଥିଲା। ଅଧ୍ୟକ୍ଷତା କରି ପ୍ରଦେଶ କଂଗ୍ରେସ ସଭାପତି ଶ୍ରୀ ନିରଞ୍ଜନ ପଟ୍ଟନାୟକ କହିଲେ ଯେ ବାପି ବାବୁଙ୍କର କାର୍ଯ୍ୟ ସରିନଥିଲା । ସେ ଆଗକୁ ଆହୁରି ବଢ଼ିଥାନ୍ତେ । ଜଣେ ଦୃଢ଼ ସଂଗଠକ ଭାବରେ ତାଙ୍କର ସ୍ୱତନ୍ତ୍ର ସ୍ଥାନ ଥିଲା । ଈଶ୍ୱର ତାଙ୍କର ଅମର ଆତ୍ମାର ସଦ୍‌ଗତି ପ୍ରଦାନ କରନ୍ତୁ ଓ ଶୋକସନ୍ତପ୍ତ ପରିବାର ବର୍ଗଙ୍କୁ ଧୈର୍ଯ୍ୟ ଓ ଶକ୍ତି ପ୍ରଦାନ କରନ୍ତୁ ବୋଲି ପ୍ରାର୍ଥନା କରିଥିଲେ । ଅମର ଆତ୍ମାର ସଦଗତି ନିମନ୍ତେ ସଭାରେ ଦୁଇମିନିଟ ନୀରବ ପ୍ରାର୍ଥନା କରାଯାଇଥିଲା ।

ସେହିପରି ଏଆଇସିସି ସାଧାରଣ ସଂପାଦକ ତଥା ଓଡ଼ିଶା ପ୍ରଭାରୀ ସାଂସଦ ଡ. ଏ ଚେଲା କୁମାର ଏବଂ ଏଆଇସିସି ସଂପାଦକ ତଥା ଓଡ଼ିଶା ସହ ପ୍ରଭାରୀ ଜି. ରୁଦ୍ର ରାଜୁ ସଂଗ୍ରାମ ଜେନାଙ୍କ ବିୟୋଗରେ ଶୋକ ବାର୍ତାରେ ପ୍ରକାଶ କରି କହିଛନ୍ତି ସଂଗ୍ରାମ ଜଣେ କଂଗ୍ରେସର ସଚ୍ଚା ଯୋଦ୍ଧା ଥିଲେ ତାଙ୍କ ବିୟୋଗ କଂଗ୍ରେସ ପରିବାର ପାଇଁ ଅପୁରଣୀୟ କ୍ଷତି । ତାଙ୍କ ଅମର ଆତ୍ମାର ସଦ୍‌ଗତି କାମନା କରି ଶୋକସନ୍ତପ୍ତ ପରିବାର ବର୍ଗଙ୍କୁ ଗଭୀର ସମବେଦନା ଜଣାଇଛନ୍ତି ।

Categories
ଆଜିର ଖବର ଜାତୀୟ ଖବର

ଯୁବ କଂଗ୍ରେସର ପ୍ରଦର୍ଶନରେ ପହଞ୍ଚିଲେ ରାହୁଲ ଗାନ୍ଧୀ: ରୋଜଗାର ପ୍ରସଙ୍ଗରେ କେନ୍ଦ୍ରକୁ କଲେ ଟାର୍ଗେଟ

ନୂଆଦିଲ୍ଲୀ: ତୈଳ ଦର ବୃଦ୍ଧି ଏବଂ ପେଗାସସ୍ ଗୁପ୍ତଚର ବିରୋଧରେ ଭାରତୀୟ ଯୁବ କଂଗ୍ରେସ ଆଜି ବିରୋଧ ପ୍ରଦର୍ଶନ କରିଛି। କଂଗ୍ରେସ ନେତା ରାହୁଲ ଗାନ୍ଧୀ ମଧ୍ୟ ଏହି ପ୍ରଦର୍ଶନରେ ଅଂଶଗ୍ରହଣ କରିଥିଲେ ଏବଂ କେନ୍ଦ୍ର ସରକାରଙ୍କୁ କଡ଼ା ଆକ୍ରମଣ କରିଥିଲେ। ରାହୁଲ ଗାନ୍ଧୀ କହିଛନ୍ତି ଯେ, ଦେଶର ସବୁଠାରୁ ବଡ ପ୍ରସଙ୍ଗ ହେଉଛି ରୋଜଗାର କିନ୍ତୁ ପିଏମ ମୋଦୀ ରୋଜଗାର ପ୍ରସଙ୍ଗରେ କିଛି କହୁ ନାହାଁନ୍ତି। ସେ ଆହୁରି ମଧ୍ୟ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀ ପ୍ରତିବର୍ଷ ୨ କୋଟି ଚାକିରୀ ଯୋଗାଇଦେବାକୁ ପ୍ରତିଶୃତି ଦେଇଥିଲେ। କିନ୍ତୁ ଚାକିରୀ ଦେବା ବଦଳରେ ଲକ୍ଷ ଲକ୍ଷ ଯୁବକଙ୍କ ଚାକିରୀ ଚାଲିଯାଇଛି।

ରାହୁଲ ଗାନ୍ଧୀ କହିଛନ୍ତି ଯେ, ‘ନରେନ୍ଦ୍ର ମୋଦୀଙ୍କ କାମ ହେଉଛି ଭାରତର ସତ୍ୟକୁ ଦମନ କରିବା। ସେ ଏହି କାମ ଭାରତର ଦୁଇ-ତିନି ଶିଳ୍ପପତିଙ୍କ ପାଇଁ କରନ୍ତି। ସେ ଆହୁରି ମଧ୍ୟ କହିଛନ୍ତି, ‘ଭାରତ ସରକାର ରୋଜଗାର ବିଷୟ ଆଲୋଚନାକୁ ଅନୁମତି ଦିଅନ୍ତି କି? ଭାରତ ସରକାର ଚାଷୀଙ୍କ ବିଷୟରେ କଥାବାର୍ତ୍ତା କରନ୍ତି କି? ବର୍ତ୍ତମାନ ଦିଲ୍ଲୀରେ ଏକ ଛୋଟ ଝିଅକୁ ଦୁଷ୍କର୍ମ କରାଯାଇ ହତ୍ୟା କରାଯାଇଥିଲା। କିନ୍ତୁ ଏହି ଖବର କୌଣସି ଗଣମାଧ୍ୟମରେ ଦେଖିଛନ୍ତି କି? ମୋଦୀଙ୍କ ଲକ୍ଷ୍ୟ ହେଉଛି ଭାରତର ଯୁବକଙ୍କ ସ୍ୱରକୁ ଦମନ କରିବା। କାରଣ ସେମାନେ ଜାଣନ୍ତି ଯେ ଯେଉଁ ଦିନ ଭାରତର ଯୁବକମାନେ ସତ୍ୟ କହିବା ଆରମ୍ଭ କରିବେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସରକାର ଶେଷ ହୋଇଯିବ।

Categories
ଆଜିର ଖବର ରାଜ୍ୟ ଖବର

ସମ୍ବିତ ପାତ୍ରଙ୍କ ବିରୋଧରେ ଥାନାରେ ମାମଲା ଦାୟର କଲା ଯୁବ କଂଗ୍ରେସ

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ରାଷ୍ଟ୍ରୀୟ ଯୁବକ କଂଗ୍ରେସ ଏବଂ ରାଜ୍ୟ ଯୁବ କଂଗ୍ରେସ ତରଫରୁ ବିଜେପିର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କ ବିରୋଧରେ ଆଜି ଗଂଜାମ ଜିଲ୍ଲା ଯୁବ କଂଗ୍ରେସ ଜିଲ୍ଲା ଆରକ୍ଷୀ ଅଧିକ୍ଷକଙ୍କୁ ଏକ ଅଭିଯୋଗ ପତ୍ର ପ୍ରଦାନ କରାଯାଇଛି। ସେମାନଙ୍କ ଅଭିଯୋଗ ଅନୁସାରେ ଗତ ୧୨ ତାରିଖ ଦିନ ଏକ ହିନ୍ଦୀ ନ୍ୟୁଜ ଚ୍ୟାନେଲ୍ ବିତର୍କରେ କଂଗ୍ରେସ ରାଷ୍ଟ୍ରୀୟ ପ୍ରବକ୍ତା ରାଜୀବ ତ୍ୟାଗି ଏବଂ ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କ ମଧ୍ୟରେ ବିତର୍କ ହେଉଥିବାବେଳେ ସମ୍ବିତ ପାତ୍ର, ରାଜିବ ତ୍ୟାଗୀଙ୍କୁ ଅଭଦ୍ର ଅସଭ୍ୟ ଗାଳି ଏବଂ ଆପତ୍ତିଜନକ ମନ୍ତବ୍ୟ କରି ଅପମାନିତ କରିଥିବାରୁ ରାଜୀବ ତ୍ୟାଗିଙ୍କ ହୃଦ୍‌ଘାତରେ ମୃତ୍ୟୁ ଘଟିଥିଲା।

ଏହାକୁ କଡ଼ା ବିରୋଧ କରି ପ୍ରଥମେ କଂଗ୍ରେସ ଭବନଠାରେ ସମ୍ବିତ ପାତ୍ରଙ୍କ କୁଶପୁତ୍ତଳିକା ଦାହ କରାଯାଇ ପରେ ବ୍ରହ୍ମପୁର ଏସ୍‌ପିଙ୍କୁ ଏଫ୍‌ଆଇଆର୍ ପ୍ରଦାନ କରାଯାଇଛି। ଏଥିରେ ଜିଲ୍ଲା ଯୁବ କଂଗ୍ରେସ ପକ୍ଷରୁ ସାନଖେମୁଣ୍‌ଡି ଯୁବ କଂଗ୍ରେସ ସଭାପତି ଚିନ୍ମୟ କୁମାର ହୋତା, ଯୁବନେତା ପ୍ରଶାନ୍ତ ବିଷୋୟୀ, ପ୍ରମିତ ରଂଜନ ମହାପାତ୍ର, ପିଣ୍ଟୁ ଜେନା, ସଂଗ୍ରାମ ରାଉତ, ସିଦ୍ଧାନ୍ତ ସାହୁ, ଅନିରୁଦ୍ଧ ପାତ୍ର, ଦୁର୍ଗା ତ୍ରିପାଠୀ, ଦେବାଶିଷ ମହାନ୍ତି, ଧରଣୀଧର ବେହେରା, ମଣ୍ଟୁ ପ୍ରଧାନ, ବିକାଶ ପଶୁପାଳକ, ସୁବଧ ସ୍ୱାଇଁ, ରାଜେଶ ପ୍ରଧାନ ପ୍ରମୁଖ ଯୋଗ ଦେଇଥିଲେ।