Rath Yatra: ପାଖେଇଲାଣି ପ୍ରଭୃ ଶ୍ରୀଜଗନ୍ନାଥଙ୍କ ରଥଯାତ୍ରା। ଏହି ପବିତ୍ର ରଥଯାତ୍ରା ଆସନ୍ତା ମଙ୍ଗଳବାରରେ ଅନୁଷ୍ଠିତ ହେବ। ସେଥିପାଇଁ ରଥ କାମ ଦ୍ରୁତଗତିରେ ଚାଲିଛି। ରଥଖଳାରେ ମହାରଣାମାନେ ଏହି କାମରେ ଲାଗିଛନ୍ତି। ଶ୍ରୀମନ୍ଦିର ପ୍ରଶାସନ ମଧ୍ୟ ରଥ କାମ ତଦାରଖ କରିବାରେ ଲାଗିଛନ୍ତି।
ରଥଖଳାରେ ଗତକାଲି ତିନିରଥର ବେଦି ନିର୍ମାଣ ଆରମ୍ଭ ହୋଇଛି। ଏହା ସହ ଚାରି ପାର୍ଶ୍ୱରେ ପଟା ବାଡ଼ିଆ କାର୍ଯ୍ୟ ସହ ତିନିରଥର ଆଗଆଣି, ପଛଆଣି ଢମକ ମଝିରେ ପାଞ୍ଚୋଟି ଲେଖାଁଏ ‘ଜଗତପୃଷ୍ଠ ଶେଣୀ’ ପକା ଯାଇଅଛି। ତିନିରଥର ଅସୁଆରୀରେ ସିଂହ ବିରାଳ, ଗଜ ବିରାଳ, ନର ବିରାଳ ରୂପ ଖୋଦେଇ ଜାରି ରହିଛି।
ତିନିରଥର ବତା କନାରେ ଲେସ ଫିଟିଙ୍ଗ ସହ ଦୁଆର ବେଢ଼ା କନାରେ ଚାନ୍ଦୀ ଫୁଲ, ଲେସ ସିଲେଇ କାର୍ଯ୍ୟ ଜାରି ରହିଛି।