Tag: ଶିରିଡି ସାଇ ମନ୍ଦିର

କୁଜଙ୍ଗ: କୁଜଙ୍ଗ ଥାନା ମଙ୍ଗରାଜପୁର ପଂଚାୟତ ଅଧୀନ ସନ୍ତରା (କୃଷ୍ଣଚନ୍ଦ୍ରପୁର) ସ୍ଥିତ ପ୍ରସିଦ୍ଧ ଶିରିଡି ସାଇ ମନ୍ଦିରରୁ ଲକ୍ଷାଧିକ ଟଙ୍କା ମୂଲ୍ୟର ଅଳଙ୍କାର ଓ ନଗଦ ଅର୍ଥ ଚୋରି ଘଟଣାରେ କୁଜଙ୍ଗ ପୋଲିସ୍‌କୁ ଏକ ବଡ଼ ସଫଳତା ମିଳିଛି। ଚୋରି ହୋଇଥିବା ସମସ୍ତ ଅଳଙ୍କାର ସାମଗ୍ରୀ ସହିତ ନଗଦ ଅର୍ଥ ୧୫ ହଜାର ୭ଶହ ୬୧ ଟଙ୍କା ଅଭିଯୁକ୍ତଙ୍କଠାରୁ ଜବତ ହୋଇଥିବା ବେଳେ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡିଛି। ଅଭିଯୁକ୍ତ ହେଲେ କୁଜଙ୍ଗ ଥାନା ଗୋପିଆକୁଦ କୋଚିଳାବେଦି ଗ୍ରାମର ଦେବେନ୍ଦ୍ର ପଣ୍ଡା ଓ ତିର୍ତୋଲ ଥାନା ରାହାମା ଅଂଚଳର ମୀନକେତନ ପରିଡ଼ା।

କୁଜଙ୍ଗ ପୋଲିସ୍ ଏହି ଦୁଇ ଅଭିଯୁକ୍ତଙ୍କ ଗିରଫ କରିବା ପରେ ଡାକ୍ତରୀ ପରୀକ୍ଷା କରି କୋର୍ଟ ଚାଲାଣ କରିଛି। ସେଠାରେ ସେମାନଙ୍କ ଜାମିନ୍ ନାମଞ୍ଜୁର ହେବାରୁ ତାଙ୍କୁ କୁଜଙ୍ଗସ୍ଥିତ ବିଚାର ବିଭାଗୀୟ ହାଜତକୁ ପଠାଇଦିଆଯାଇଥିବା ଜଣାପଡିଛି।

ସୂଚନା ଅନୁଯାୟୀ ବୁଧବାର ବିଳମ୍ବିତି ରାତିରେ ଶିରିଡ଼ିସାଇ ମନ୍ଦିରରୁ ବାବାଙ୍କର ତିନୋଟି ରୂପା ମୁକୁଟ, ଗୋଟିଏ ରୂପା ଥାଳି, ରୂପା ଦ୍ୱୀପ, ରୂପା ଗ୍ଲାସ, ସୁନା ଚିତା ଆନୁମାନିକ ତିନିଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ତାହା ସହିତ ନଗଦ ୧୫ ହଜାର ୭ ଶହ ୬୧ ଟଙ୍କା କୋଚିଳା ବେଦି ଗ୍ରାମର ଦେବେନ୍ଦ୍ର ପଣ୍ଡା ଚୋରି କରିଥିବା ନେଇ କୁଜଙ୍ଗ ଥାନାରେ ମନ୍ଦିରର ପରିଚାଳନା କମିଟି ଲିଖିତ ଅଭିଯୋଗ କରିଥିଲା। କୁଜଙ୍ଗ ପୋଲିସ ଅଭିଯୋଗର ଏକ ଘଂଟା ମଧ୍ୟରେ ଅଭିଯୁକ୍ତର ମୋବାଇଲ୍ ଟ୍ରେସ୍ କରି ଅଭିଯୁକ୍ତକୁ ରାହାମା ଅଂଚଳରୁ ଧରିବାରେ ସଫଳ ହୋଇଥିଲା। ପୋଲିସ୍ ଅଭିଯୁକ୍ତ ଦେବେନ୍ଦ୍ରକୁ ଥାନାକୁ ଆଣି ପଚରାଉଚରା ପରେ ଚୋରି କରିଥିବା ନେଇ ସେ ସ୍ୱୀକାର କରିଥିଲା। ଓ ଚୋରି ହୋଇଥିବା ସାମଗ୍ରୀକୁ ତାର ସହଯୋଗୀ ରାହାମା ଅଂଚଳର ମୀନକେତନର ଚା’ ଦୋକାନର ଏକ ଲକରରେ ରଖିଥିବା କହିଥିଲା। ପରେ ପୋଲିସ୍ ଅଭିଯୁକ୍ତ ଦେବେନ୍ଦ୍ରକୁ ସାଂଗରେ ନେଇ ରାହାମା ଅଂଚଳର ମୀନତକେତନ ପରିଡ଼ାଙ୍କ ଚା’ ଦୋକାନର ଲକରରୁ ଚୋରିହୋଇଥିବା ସମସ୍ତ ଅଳଙ୍କାର ସାମଗ୍ରୀ ସମେତ ନଗଦ ଅର୍ଥ ଉଦ୍ଧାର କରିଥିଲା।

ଏହି ଘଟଣାରେ କେସ୍ ନଂ ୩୯୪/୨୩ ଦଫା ୪୫୭, ୩୮୦ ରେ ମାମଲା ରୁଜ୍ଜୁ କରି ଅଭିଯୁକ୍ତ ଦ୍ୱୟଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରଶ୍ମୀରଞ୍ଜନ ଦାଶ କହିଛନ୍ତି। ତେବେ ଦେବେନ୍ଦ୍ର ଓ ମୀନତକେତନଙ୍କ ନାମରେ ପୁରୀ ଜିଲ୍ଲାରେ ବିଭିନ୍ନ ଥାନାରେ କେସ୍ ରହିଛି। ସେମାନେ ପୁରୀ ଅଂଚଳର ବିଭିନ୍ନ ମଠ, ଦେବାଦେବୀ ମନ୍ଦିରରୁ ଟାର୍ଗେଟ୍ କରି ଅଳଙ୍କାର ଲୁଟ୍ କରିଥାନ୍ତି ପରେ ସେହି ଅଳଙ୍କାରକୁ ପୁରୀ ଅଂଚଳରେ ବିଭିନ୍ନ ଦୋକାନରେ ବିକ୍ରି କରି ଅର୍ଥ ଉପାର୍ଜନ କରିଥାନ୍ତି।

ଭୁବନେଶ୍ବର: କେନ୍ଦ୍ରାପଡାର ଭଣ୍ଡ ସାରଥୀ ବାବାଙ୍କର ଖେଳ ସରିବା ପରେ ଏବେ ପୁଣି ଜଣେ ବାବାଙ୍କ ଖେଳ ଦେଖିବାକୁ ମିଳିଛି। ଯାହାଙ୍କ ନାଁରେ କିଛି ଅଭିଯୋଗ ମଧ୍ୟ ସାମ୍ନାକୁ ଆସିଛି। ମିଳିଥିବା ସୂଚନା ଅନୁସାରେ, ଜଗତସିଂହପୁର କୁଜଙ୍ଗ ବ୍ଲକର କୃଷ୍ଣଚନ୍ଦ୍ରପୁର ସତରା ଗ୍ରାମରେ ଏକ ସିରିଡି ଶାଇ ମନ୍ଦିର ରହିଛି। ଏବେ କରୋନା କଟକଣା ପାଇଁ କିଛି ଦିନ ହେଲା ଯେତେବେଳେ ସାଇଙ୍କ ମନ୍ଦିରଙ୍କୁ ଶ୍ରଦ୍ଧାଳୁମାନେ ଆସୁନଥିଲ। କେବଳ ମନ୍ଦିର ପୂଜାରିଙ୍କ ଦ୍ବାରା ସାଇବାବାଙ୍କ ଦୈନନ୍ଦିନ ପୂଜାକାର୍ଯ୍ୟ କରାଯାଉଥିଲା। ଏହାରି ମଧ୍ୟରେ ଏହି ମନ୍ଦିରରେ ଜଣେ ବାବାଙ୍କର ଆସ୍ଥାନା ଜମି ଯାଇଥିବାର ଜଣାପଡିଛି।

ଭକ୍ତମାନଙ୍କ ଅନୁପସ୍ଥିତିର ସୁଯୋଗ ନେଇ ଗତ କିଛିଦିନ ହେବ ଜଣେ ବ୍ୟକ୍ତି ନିଜକୁ ମନ୍ଦିରର ମୁଖ୍ୟ ପରିଚାଳକ ବୋଲି ଜାହିର କରି ସାଇବାବାଙ୍କ ପୂଜାର୍ଚ୍ଚନା ବନ୍ଦ କରିବା ସହିତ ବାବା ଦୈନିକ ଆଳତୀକୁ ବନ୍ଦ କରିଦେଇଛନ୍ତି। ସାଇବାବାଙ୍କ ଆସ୍ଥାନ ପାଖରେ ଜଣେ ଆତ୍ମଘୋଷିତ ବାବାଜୀଙ୍କୁ ବସାଇ ମହାପୁରୁ ପ୍ରଭୁ ବୋଲି ଆାଖ୍ୟା ଦେଇ ପୂଜା କରି ଆସୁଛି ବୋଲଇ ଅଭିଯୋଗ ହୋଇଛି। ଏହାକୁ ନେଇ ସାଇଭକ୍ତଙ୍କ ମନରେ କୁଠାରଘାତ ହେବା ସହିତ ଭକ୍ତିଭାବନାରେ କଷ୍ଟ ଦିଆଯାଇଛି। ଏହି ବାବା ଜଣକ ଗଳାରୁ ପାଦ ପର୍ଯ୍ୟନ୍ତ ତୁଳସୀମାଳ ପିନ୍ଧିଥିବା ଦେଖିବାକୁ ମିଳୁଛି। ଆଉ କିଛି ମହିଳା ବାବାଙ୍କୁ ଆଳତୀ କରିବା ସହ ତାଙ୍କର ପୂଜାର୍ଚ୍ଚନା ମଧ୍ୟ କରୁଛନ୍ତି। ଏପରିକି ଏହି ମଣିଷରୂପୀ ବାବାଙ୍କ ସାମ୍ନାରେ ଭଜନ କୀର୍ତ୍ତନ ଚାଲିବା ସହିତ ଆଲଟ ଚାମର ସେବା ମଧ୍ୟ ଚାଲିଛି। ଏନେଇ ସେହି ଗ୍ରାମର 20ରୁ ଉର୍ଦ୍ଧ୍ବ ସାଇଭକ୍ତ କୁଜଙ୍ଗ ତହସିଲିଦାରଙ୍କୁ ଚିଠି ଲେଖିଛନ୍ତି। ଶିରିଡି ସାଇ ବାବାଙ୍କ ପୂଜା ବନ୍ଦ କରି ନିଜର ପୂଜା କରାଉଥିବା ତଥାକଥିତ ବାବାଙ୍କ ବିରୋଧରେ ଅଭିଯୋଗ ହେବା ପରେ ଘଟଣାଟି ସାମ୍ନାକୁ ଆସିଛି।

ତେବେ ଏହି ବାବା ଜଣକ ହେଉଛନ୍ତି ଖୋର୍ଦ୍ଧା ବାଘମାରୀ ଅଞ୍ଚଳର ହଂସୁଆ ବାବା ଓରଫ୍‌ ନିକୁଞ୍ଜ ବାବା।  ସାରଥୀ ବାବାଙ୍କ ପରି ସେମିତି ଗଳାରେ ତୁଳସୀମାଳ ପକାଇ ନିଜକୁ ଭକ୍ତଙ୍କ ବାବା ବୋଲି ପ୍ରମାଣିତ କରୁଥିବାର ଦେଖିବାକୁ ମିଳିଛି। ଏନେଇ ଖବର ପ୍ରକାଶ ପାଇବା ପରେ ପ୍ରଶାସନ ତତ୍ପରତା ପ୍ରକାଶ କରିଛି। ଲୋକଙ୍କ ଭାବାବେଗକୁ ଠକୁଥିବା ବାବାଙ୍କୁ ଗିରଫ କରାଯିବ ବୋଲି କହିଛନ୍ତି ଜଗତସିଂହପୁର ଏସପି। ଏହାସହ ଖୋର୍ଦ୍ଧା ଏସପିଙ୍କ ନେତୃତ୍ୱରେ ଏକ ଟିମ୍ ଗଠନ କରାଯାଇଛି। ଏହି ଟିମ୍ ବାଘମାରୀ ଯାଇ ତଦନ୍ତ କରିବେ ବୋଲି ସୂଚନା ରହିଛି।