ନୂଆଦିଲ୍ଲୀ: ମହିଳା ଏସିଆ କପରେ ୨୪ ଘଣ୍ଟା ମଧ୍ୟରେ ପଡ଼ିଆରେ ଅବତରଣ କରିଥିବା ଭାରତୀୟ ଦଳ ପରାଜୟକୁ ଭୁଲି ବିଜୟ ଟ୍ରାକକୁ ଫେରିଛି। ବାଂଲାଦେଶ ବିପକ୍ଷରେ ଖେଳାଯାଇଥିବା ମ୍ୟାଚ୍ରେ ନିୟମିତ ଅଧିନାୟକ ହରମାନପ୍ରୀତ କୌରଙ୍କ ବିନା ଆଜି ୫୯ ରନ୍ ରେ ବିଜୟ ହାସଲ କରିଛି। ଏହି ମ୍ୟାଚ୍ରେ ଅଧିନାୟକ ସ୍ମୃତି ମାନ୍ଧନା ଏବଂ ଶେଫାଲି ବର୍ମାଙ୍କ ଉତ୍କୃଷ୍ଟ ଭାଗିଦାରୀ ଆଧାରରେ ଭାରତ ୫ ୱିକେଟ୍ ହରାଇ ୧୫୯ ରନ୍ ସଂଗ୍ରହ କରିଥିଲା। ଏହାର ଜବାବରେ ଆୟୋଜକ ଦଳ କେବଳ ୭ ୱିକେଟ୍ ହରାଇ ୧୦୦ ରନ୍ ସ୍କୋର କରିପାରିଥିଲା।
ଭାରତୀୟ ବୋଲିଂ ବାଂଲାଦେଶ ବ୍ୟାଟ୍ସମ୍ୟାନ୍ ଙ୍କୁ ଆରମ୍ଭରୁ ହାତ ଖୋଲିବାକୁ କୌଣସି ସୁଯୋଗ ଦେଇ ନଥିଲା। ଦଳ ୯ ଓଭରରେ କୌଣସି ୱିକେଟ୍ ହରାଇ ନଥିଲା, ମାତ୍ର ୪୫ ରନ୍ ସ୍କୋର କରିଥିଲା। ବ୍ୟାଟିଂରେ ଭଲ ପ୍ରଦର୍ଶନ କରିଥିବା ଶେଫାଲୀ ଚମତ୍କାର ବୋଲିଂ ପ୍ରଦର୍ଶନ କରିଥିଲେ। ସେ ୪ ଓଭରରେ ମାତ୍ର ୧୦ ରନ୍ ସେଇ ୨ ଟି ୱିକେଟ୍ ନେଇଥିଲେ।