ଭୁବନେଶ୍ବର: ଗତକାଲି ତୁଣ୍ଡଲା-କାନପୁର ରେଳ ସେକ୍ସନରେ ଏକ ପଣ୍ୟବାହୀ ଟ୍ରେନ୍ ଲାଇନଚ୍ୟୁତ ହେଵା ଯୋଗୁଁ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଥିଲା। ଯାହାଫଳରେ ପୂର୍ବତଟ ରେଳପଥକୁ ଆସୁଥିବା କେତେକ ଟ୍ରେନ ବାତିଲ ହୋଇଥିଲାବେଳେ କେତେକ ମାର୍ଗ ପରିବର୍ତ୍ତନ କରି ଚଳାଚଳ କରିଥିଲା।
ଉପରୋକ୍ତ ବିଷୟକୁ ଦୃଷ୍ଟିରେ ରଖି ଅକ୍ଟୋବର ୧୭ ତାରିଖ, ରବିବାର ଦିନ ଭୁବନେଶ୍ୱରରୁ ଛାଡିବାକୁ ଥିବା ୦୨୮୧୯ ଭୁବନେଶ୍ୱର-ଆନନ୍ଦ ବିହାର ଓଡ଼ିଶା ସମ୍ପର୍କ କ୍ରାନ୍ତି ସ୍ପେଶାଲ ବାତିଲ ରହିବ। ଗତକାଲି ନୂଆଦିଲ୍ଲୀରୁ ସଂଯୋଗ କରୁଥିବା ଟ୍ରେନ ବାତିଲ ପାଇଁ ଏହି ବାତିଲ କରାଯାଇଅଛି।
ସେହିପରି ୦୨୮୨୫ ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ସ୍ପେଶାଲ ଭୁବନେଶ୍ୱର ଠାରୁ ପୂର୍ବାହ୍ନ ୧୦ଘ.୩୫ମି. ପରିବର୍ତ୍ତେ ଅପରାହ୍ନ ୦୨ ଘଟିକାରେ ଛାଡିବ।